1. Mwasiwa ngwan’ni ninofwanafwani-edha Satana na malimbo saya?

MALIMBO saya unokaana ifunelo imbo-i, yofuna manga nyama venango upa nyama. Movwelana na mutu mmbo-i wa xamwalee Yobo wenuo adhidhe dham’mwandela madhu ninga mwaongele liye. Malimbo saya thitho uno-indi-edha basa migo-i yo-iyana-iyana. (Yobo 18:8-10) N’nga liye unodhinyengelela a-vi nyama ira dhimangeye go-ini mwee? Liye unoing’anechecha vinoira aliwa. Unothuulela ira inodhiveliwecha dhowanga wani? Inodhiveliwanan’ni? Ngu go-i uuvi unaode m’manga mo-orucha? Satana ukadhi ninga malimbo saya wa zelu ninga dhedhi. Liye unoniing’anechecha ira aidhiwe vinaira i-yo, unadhiveliwechana i-yo dhowa thitho vinonisangalali-a. Aira ee-no unonireela go-i unaode nimanga na-azindielanga. Mbwenye Bibilya linonisikimizeli-a ira akala ira i-yo ninomangeya go-i wa Satana ninovulumuwa. Linoniwandela thitho vinofuna i-yo ira ira nirambele mangeya migo-i ninga yen’na.

2. N’nga njimigo-i mili iivi inodhiveliwana Satana i-ndi-edha basa?

² Migo-i mili Satana inosimbwa liye i-ndi-edha basa kugaya na idyani. * Mwa vyawa vinjinji Satana ukale a-indi-edhanga basa migo-i yen’na vododomi-a atu. Liye ukadhi ninga malimbo saya mbalame liye unooda dhinyengelela ira adi-inde vago-inivee venango indi-edha basa kakonje. (Sal. 91:3) Mbwenye i-yo kaninofwanela mangiwa na migo-i ya Satana. Mwasiwa ngwan’ni ninoonga ee-no? Ninoonga ee-no mwasa oi Yohova utoniidhiwi-a migo-i ino-indi-edha basa Satana—2 Akor. 2:11.

3. Mwasiwa ngwan’ni tato-ela myasa yoniwenjeli-a Bibilyani?

³ Yohova unonifunji-a opi-a ulivo va mwasa ogaya na idyani voniwandela vyaaireele arumiwi enango ndulimu naifunelo yoi  na-adawi-e ninga mwemo mwairile aliwa. Muvifwanafwani-o vinofuna i-yo tapanya ninoona ira Satana atooda kokela atu ali arumiwi a Yohova mwahora indendai. N’nga vyevi vinothapulela ira pyo-oodeya rambela mangiwa na go-i wa Satana? E-i. Yohova atorumeli-a ira myasa dhedhi dhilembiwe Bibilyani “ira dhinifunji-e.” (1 Akor. 10:11) Liye unoidhiwa ira vifwanafwani-ovi vinooda nikami-a rambela, venango vulumuwa vago-ini wa Namanami-a.

4. N’nga inofuna nikami-a chini akala ira nitokaana rima ogaya?

⁴ Satana unofuna ira nirome kaana rima ogaya. Liye utoidhiwa ira nakaana rima wen’na ninooda landana na liye thitho ninooda tatila ngari yodha kaana ingumi yo-omala. (Sang. 16:18) Ee-no rumiwi Paulo atowenjeli-a ira mutu unofwanela ira polepole mbwenye a-aire polepole unokala “odhigweli-a na mwasa ogaya nodhatongiwa molandanana tongiwa wa Namanami-a wawachele liye.” (1 Timo. 3:6, 7) Vyevi vinooda niireela i-yo othene akala ninaaroma wene funjedha imbarimbari venango nikaale nilabelanga Yohova mwa vyawa vinjinji.

5. Movwelana na lemba la Namalaleya 7:16, 20 n’nga mutu unathonyi-edhe a-vi ira ngogaya?

⁵ Atu a rima ogaya anokala ovidhiveliwana okene. Satana unodhilimbi-edha ira nikale ovidhiveliwana okene ira nivithuulelenga okene malo mothuulela Yohova simbwasimbwa nagumanana vyorucha. Mofwanafwani-a n’nga atu enango anouongelani vyongo vyonama venango atu enango anoirelani vyongo vyo-olongomana? Akala ti ee-no Satana unosangalala akala ira munommomba landu Yohova, venango abali na arongolinyu. Voi ee-no liye unofuna ira muthuulelenga ira ndhila yapama yomari-edha nyarwa yen’na ku-arela mathuulelwinyu a-kala ndhila ya malangi-o anofwanyeya Bibilyani.—Muleri Namalaleya 7:16, 20.

6. N’nga ninafunjedhan’ni va vyam’mwireele Rongola mwinango wa ilambo ya Netherlands?

⁶ Kathuulelani ifwanafwani-o ya rongola mwinango wa Netherlands wenuo alunduwile na mwasa wa vyoira vyaatu enango pingoni.  liye aona ira kaaode levelea va mwasuo. Liye aongile ira: “Ndaona ira ndili mekave ee-no ndatommwandela man’nanga ira nithamele pingo unango.” Vingaireile e-no rongoluo atoonela programa inango ya va JW Broadcasting ya mwedi wa Março 2016 va jw.org. Programila yatoonga makundo anaode nikami-a nadodomi-ana mathuulelo naatu enango. Rongoluo aongile ira: Ndaona ira ndanofuneela thuulela kumela vathi varima na modhievi-a vyongo vyadawi-a miyo malo movilimbi-edha ira ndiode achinja abali na arongola moda wairela aliwa vyongo pingoni. Programa ya JW Broadcastingyo yatondikami-a ira ndithuulelenga maningi vya Yohova na Utongee. N’nga veva ninofunjedhavon’ni? Nagumanana vyorucha nidhowenganave thuulela vya Yohova. Nivepenga ira anikami-e ona atu enango ninga mwemo Yohova munoaonela liye. Babi-u unoona vyevyo abali-u naarongola vinodawi-a aliwa thitho unowalevelela thitho unofuna ira nyo muirengana vyevyo.—1Ju 4:20.

7. N’nga chini yammwireele Mwene Uziya?

⁷ Gaya watom’mwiri-a Mwene Uziya wa Yuda ira akonde malangi-o na ira vyongo modhigweli-a. Uziya anoira vyongo vinjinji vyapama. Liye atoganyali kondo dhinjinji atomanga masidadi manjinji thitho atokaana minda minjinji. Bibilya linoonga ira Yohova atoiri-a ira vyongo vim’mwendelenga pama. (2 Limb. 26:3-7, 10) Bibilya linoonga thitho ira: “Mbwenye angakale wakopolo rimee watodhigweli-a fiedhela vom-pei-a.” Yohova ali angaawandele alimbo velela sembe oka mbenao afwanela velelanga sembe dhoka-a kachisini. Mbwenye Mwene Uziya atodhigweli-a liye oda irana vyevyo. Yohova atothakaleliwa thitho atomkaani-a urenda wa vikutwe mutu ogayuo. Uziya atokaana vikutwe vaingumi yee yothene.—2 Limb. 26:16-21.

8. Mvwelanana lemba la 1 Akoritiyo 4:6, 7, n’nga chini inanikami-e ira na-akaena rima ogaya?

⁸ N’nga gaya unoniiri-a ira nimangiwe go-ini ninga moda wam’mwireele Uziya? Kathuulelani vyam’mwireele bali mwinango dhina lee José. Negosiyo wanom’mwendela pama thitho liye ali ndimuwa wavapingoni abali na arongola wasimbwaatu mlemeza. Liye anoonga myasa vamigumano ya isa na yagawo. Thitho oing’anela visa tanomvepa malangi-o. Liye aongile ira miyo kandanyindela Yohova mbwenye ndasimbwa nyindela dodoloso na viidhi miyo.  Ndadhiona ira ndili olimba ee-no kandavwenla vyandiwenjeli-a Yohova na vyandilangi-a liye. José atoira yodawa ilukulu thitho atokumi-iwa pingoni. Liye uweleli-edhiwe pingoni vyawa vivirile ndulimu. Mbwenye liye atoonga ira: Yohova utondifunji-a ira yofuneya ka-i kaana izo pingoni mbwenye irana vyongo vinofuna liye. Nithuulelenga ira dodoliso linokaana i-yo na urumiwi unava-iwa i-yo pingoni vinokumela wa Yohova. (Muleri 1 Akoritiyo 4:6, 7.) Yohova kanadha ni-indi-edha basa akala ira nili ogaya.

9. N’nga idyani immwiri-idhe ira Eva airen’ni?

⁹ Hora dhinjinji navwa madhu oonga vya idyani ninothuulela vyairile Satana Namanami-a. Voi liye ali ngelo wa Yohova vinooneya ira liye atokaana ngari yoirana vyongo vinjinji. Mbwenye liye kaakwakwanana vyevi. Liye afuna ira atu tamlambelenga angalive ira Yohova nguli ofwanelela lambeliwa. Satana unofuna ira nikale ninga liye ee-no unoniiri-a ira i-yo na-akwakwanengana vyongo vina i-yo. Liye aromile irana vyongo vyevi vahora ile yam’mongilena liye Eva. Mwaudhivela Yohova atoova-a Eva na man’ne vyongo vinjinji vyapama kumela vimiri vyamundanimo kumi-avo imiri imbo-i baa-i. (Maro. 2:16) Mbwenye Satana atom’nami-a Eva vom’mwiri-a ira aode thuulela ira anofwanela udya yova-a ya imiri yakondi-iwile aliwajo. Eva kaasimbile vile vyamva-idhe Yohova anofuna vyongo vinango. I-yo ninoidhiwa pama vyam’mwirele vanduli vee. Eva atodawa thitho kuma vevo atokwa.—Maro. 3:6, 19.

10. N’nga Mwene Davide amangile a-vi go-ini wa idyani?

¹⁰ Idyani yatom’mwiri-a Mwene Davide ira adiwale vyongo vyothene vyamva-idhe Yohova thanganivo fuma, izo na moda wamkami-idhe liye volimbanana na amwidanee. Vosimba Davide atoonga ira vyotuva vyevyo Nlungu vyandiva-idhe liye “vyali vinjinji voi kaaoda vionga.” (Sal. 40:5) Liye kaakwakwanana vyana liye moi anofuna thitho vyongo vinango. Angalive ira atokaana a-iyana anjinji Davide atoroma silila i-yana wa mwinyaa. I-yanuo ali Batiseba thitho man’ne ali Uriya m’Hiti. Davide atogona na Batiseba voi ee-no atokaana vambani wenjedhela vevo Davide atoira yongo inango yothakala maningi voiri-a ira Uriya apiwe. (2 Sam. 11:2-15) N’nga Davide athuulelan’ni? Venango athuulela ira Yohova kanam’mona? Angalive ira liye atomlabela Yohova  mororomeleya vyawa vinjinji, liye atoira vyongo movidhiveliwana na mwasa wa idyani thitho atogumanana vyorucha vinjinji mbwenye yosangalali-a choi vangavirile hora Davide atorumela yodawa yee ongochinyuwa. Liye atosimba vinjinji Yohova na mwasa oi atomlevelela!—2 Sam. 12:7-13

11. N’nga chini jinanikami-e ira na-akaena rima wa idyani?

¹¹ Ninofunjedhavo ira ninodhowanave rambela rima wa idyani nadhowanave simba vyothene viniva-idhe Yohova. (Muleri Aefeso 5:3, 4.) Ninofwanela kala okwakwanana na vyongo vina i-yo. Atu anaafunjedha wene Bibilya anolimbi-iwa ira tathuulelenga jongo jinango jejo Yohova jaava-idhe liye ira tamsimbenga. Akala tairangana vyevi dambo lililothene kuongela ira mamalelo wa sumana aliwa anooda onga myasa yo-iyana-iyana yokwakwana 7 malobelo mwiwa. (1 Atez. 5:18) Mwathuulelanga modi-a Yohova viureleni liye vinoukami-ani ira musimbenga thitho simba ira mukaena rima okwakwanana vinanyo. Mwakaana rima okwakwanana vinanyo kamunodha kaana rima wa idyani.

12. N’nga idyani yam’mwiri-idhe Yudasi Isikarioti ira airen’ni?

¹² Idyani yatom’mwiri-a Yudasi Isikarioti moi atoomvelela Yesu. Mbwenye voroma kaali mutu othakala. (Luka 6:13, 16) Yesu atoomsakula ira akale rumiwi. Yudasi ali mutu onyindeleya mwasa oi atova-iwa izo yoing’anela kaxa ya kobiri. Yesu naarumiwee tano-indi-edha basa kobiridhi vabasa lolaleela. Kobiri dhedhi ninodhifwanafwani-a na kobiri dhinokami-a basa lolaleela malamboano. Mbwenye vangavirile hora Yudasi anoba kobiridho angalive ira ali angavwide Yesu awenjeli-anga moweli-edha weli-edha voonga vya idyani (Marku 7:22, 23; Luka 11:39; 12:15) Yudasi atopwaza madhu owenjeli-awo.

13. N’nga idyani ya Yudasi yasimbwele oneela vahora iivi?

¹³ Idyani ya Yudasi yasimbwele oneela Yesu anga-adhi vang’ono funa piwa. Yesu naanamafunjedhee thangani-avo Mariya na balee Marita tatodhowa nyumbani wa Simoni wa vikutwe. Vahora yodya Mariya atoveyathi liye e-la makura onukela vamuru va Yesu enao ali a pereso yavadhulu. Yudasi na anamafunjedha enango tatothakalaliwa na vyevi. Pyoodeya ira anamafunjedha enangwao tatoona ira makurao ta-aguli-iwe tangafwaidhe kobiri dhijinji dhokami-edha basa lolaleela. Mbwenye vyevyo kaali saasawa ninga mwaonela Yudasi. Liye ali mbavwa thitho afuna ira adhabe kobiridho. Vingaireile ee-no idyani yatom-mwiri-a Yudasi ira amvelele Yesu vapereso yoguli-edhana dhaari.—Juwau 12:2-6; Mat. 26:6-16; Luka 22:3-6.

14. N’nga banja n’nango lairilen’ni vo-arela malangi-o a valemba la Luka 16:13?

¹⁴ Yesu atothuucha anama-arelee likundo laimbarimbari loonga ira kamunooda labela Nlungu na fuma hora imbo-ive. (Muleri Luka 16:13.) Likundo leli kalichinjile. Kathuulelani banja n’nango la ilambo ya Romania moda wa-indi-edhile atu likundo la Yesuli. Aliwa tatova-iwa ngari ira tama-inde basa wa hora yoyeva ilambo inango yofuma. Banjalo laongile ira: Natokaana mangawa malukulu bakoni oi niode mapagali ee-no voroma naona ira basali ndimaraeli-o okumela wa Yohova. Mbwenye basali latoairi-a ira ta-akaena hora yokwakwanela yomlabela Yohova. Tangamadhi leri mwasa oonga ira mukale ororomeleya na rima wethene yeniyo ili Nsanja ya Olonda ya Agosto 15, 2008. Aliwa taongile ira: Aakale nidhowa ilambo inango ma-inda basa naifunelo yoi nikaena kobiri dhinjinji ningaodile thonyi-edha ira uxawali-u na Yohova ka-i osimbwa funeya. Naona ira ingumi-u yauzimu  ingadodomile. Ee-no aliwa tatokonda basalo. N’nga yaireile alin’ni? Lombwana wa banjanimo atofwanya basa ilamboni mwiwamo, basali lanoakami-a fwanya vyongo vyafuneela aliwa. I-anuo atoonga ira hora dhothene Yohova unokami-a anamalabee. Mwachineneeva banjali linosangalala mwasa oi latosakula mlabela Yohova a-kala fuma.

15. Mwasiwa ngwan’ni pyoodeya vulumuwa go-ini mwa Satana?

¹⁵ N’nga ninofwanela iran’ni nazindiela ira nitoroma kaana rima ogaya na wa idyani? Ninofwanela chinja. Paulo atoonga ira atu ale namanami-a aamangile liye aingumi mugo-inimwee anooda vulumuwa. (2 Timo. 2:26) Thitho Davide atovwela upungu wam’mwandele Natani liye chinyuwa liye sakanya upya uxamwalee na Yohova. Nithuulelenga ira Yohova ngwakopolo kwaranya Satana. Ee-no narumelanga ira Yohova anikami-e ninooda vulumuwa va go-i uliwethene Namanami-a unofuna liye nireela.

16. N’nga chini inofuna nikami-a ira niodenga rambela migo-i ya Satana?

¹⁶ Pyaimbarimbari ira ninooda vulumuwa namangiwa go-ini mwa Satana. Mbwenye vinooda kala pama rambelelatu migo-iyo, Nlungu ngwenuo unofuna nikami-a. Mbwenye kaninofwanela dhinyindela onanga ira kaninaode kaana rima ogaya venango waidyani. Ninoonga ee-no namwasa oi atu enango takaale tamlabelanga Yohova hora yolapela atomangiwa go-ini mwa Satana. Ee-no dambo lililothene mumvepenga Yohova ira aukami-eni akala vyothuulela vinyu na vyoira vinyu vitoroma oni-a ira mutokaana makalelo othakala. (Sal. 139:23, 24) Mudhilimbi-edhanga ira mwa-akale ogaya venango waidyani.

17. N’nga chini jinofuna m’mwireela mwidani-u Namanami-a chineneeva?

¹⁷ Satana ngumalimbo saya wa vyawa vinjinji. Mbwenye chineneeva liye unodha mangiwa thitho unodha nongiwa. (Apok. 20:1-3, 10) Mbwenye ninodedi-edhela na rima wethene hora yen’na idhafiya. Mbwenye vachineneeva ninofwanela kala odhiing’anela pama ira na-amangiwe na go-iwo. Mudhilimbi-edhanga rambela rima ogaya venango wa idyani. Thitho mukale osikimiza “m-runi-a Namanami-a thitho ee-no unodha utawani.”—Tiy. 4:7.