1. Sathane o tshwana ka ying le motho wa go tsoma kela go reya diphoolwane?

NKA ssoši selo so se nyakang ke motho wa go tsoma, o fo tinyakela go tanya kela go bolaya phoolwane, ke moka. A ka berekisa difu tsa mehlobohlobo, fote ye mongwana ga banghana bala ba Jobo ke mo a yi tšiba taba yone. (Jobo 18:8-10) Motho wa go reya diphoolwane o maka byang gore a šinye a di tanye? Diphoolwane tsone wa di tšhuta. O lebelela gore di sepelela kaye, di kwana le ying le gore a ka di tanya byang. Sathane o tshwana le motho yene wa go tsoma. Wa re tšhuta. O lebelela gore re kwana le go ya kaye le gore re tlalele ka kaye. Ke mokane o re beyela molabo wa gore wo re tanye re sa nagana. Mara, Bhayibele ya re botsa gore le mo a ka re tanya, re ka khwanyudisa. Fote yi re tšhutisa gore re make byang gore re sa tsoge re tannye ke melabo yone yage.

2. Sathane o berekisa melabo yifeng ka mmedi ya gore yi mmerekela ka matla?

² Melabo ka mmedi ya gore Sathane o phomelela ka matla ga yona ke go ba le magetla le dipawu. * Ke botala Sathane a berekisa mekgwa yowa ya go sa jabodisi, fote ya mmerekela. O tshwana le motho wa go reya dinonyane wa gore o di woka ka se sengwana gore a thogo di tanya. (Pis. 91:3) Mara re ka sa fo mo lisetsa Sathane a šinya a re tanya. Ke ntaba? Ka taba la gore Jehova o re butsiye dipolane tso Sathane a di berekisang.—2 Makor. 2:11.

3. Ke ntaba Jehova a makiye gore mešupetso ye mengwana yi ngwadiwe ka ho Bhayibeleng?

³ Mokgwa wo mongwana wa gore Jehova o re pasopisa ka wona  gore re sa be le magetla kela dipawu, ke go re hlohletsela gore re tšhute ga tso di makegeleng ba bangwana. Ga mešupetso yo re nyoko go bolabola ka yona, o ko bona ka mokgo Sathane a yyeng a tanya le mong malata ya Jehova ya gore ma butšwiye. Ayitsano di ra gore le rune re nyoko teya fase? Le ka gonyana. Jehova o makiye gore ditaba tsowa di ngwadiwe ka ho Bhayibeleng gore “re thogo tšhuta ga tsona.” (1 Makor. 10:11) Wa di tšiba tsa gore re ka tšhuta ga mešupetso yone ra thogo kganela kgole le melabo ya Diyabolo kela ra khwanyudisa.

4. Go ba le magetla go nyoko re gorometsa kaye?

⁴ Sathane o nyaka gore re be le magetla. Wa di tšiba tsa gore mo re ka ba le magetla, re nyoko tshwana naye ke mokane tsa go kraya lephelo la go ya go yye di nyoko šaša. (Diy. 16:18) Pawulo wa lepostola o makiye ke tsotsone mo a šinya a hlaya gore motho a ka “ba le magetla ke mokane a yahludiwa go tshwana le Diyabolo.” (1 Thim. 3:6, 7) Di ka makega ga ye mongwana le ye mongwana, a di yi ka gore re sa tšwa go kena ka ho phutegong kela go ro ba mong mengwaga re berekela Jehova.

5. Mmolabodi 7:16, 20 yi re motho o šupetsa ka ying gore o na le magetla?

⁵ Motho wa go ba le magetla o tinaganela a ntoši. Sathane o liketsa go maka gore re sa naganele batho ba bangwana, o maka gore re sa nagane ka Jehova re tinaganele re ntoši, ka matla mo go bifiye. Mo re beyisa, ayitsano ba yye ba go hlayela matsaka? Kela ba yye ba sa go tshware gabutši? Sathane a ka jabola mo a bona o sola Jehova le magageru. Fote Diyabolo o nyaka o nagane gore dilo di nyoko loka mo o di maka ka mokgo wene o nyakang, o sa make tso Lentsu la Jehova le di hlayang.—Bala Mmolabodi 7:16, 20.

6. O ka tšhuta ying ga mošupetso wa mogageru wa mosadi wa ku Netherlands?

⁶ Nagana ka mogageru ye mongwana wa mosadi wa ku Netherlands, wa gore mo o ka fo mo tikisa nje, ke mo a tuba nkare ke senana. O yye a tipotsa gore yene aa sa nyaka motho ho thina gage. O re: “Ke yye ka thoma go kwa budutu ka matla fote ke sa kgone le go tšhentšha ka mokgo ne ke tikwa ka gona. Ke butsiye monnaka gore re  tshwanele re rurele ga phutego ye nngwana.” Mogageru yewa wa mosadi o yye a lebelela Setiši sa JW sa March 2016. Letheto lone ke mo le bolabola ka taba ya gore motho a ka maka ying mo a kwa magageru ma mo silikisa. Mogageru yene wa mosadi o re: “Ke di bonne gore ke mo ke tshwanele ke tinyanafatse fote ke lebelele tso nna ke di makang tsa gore di ka silikisa ba bangwana, ke lisetse go nyaka go tšhentšha magageru. Letheto lone le n’gelepiye gore ke nagane ka Jehova wa gore ke yene ye a re botsang tso re tshwaneleng re di make.” Ayitsano wa yi kwisisa taba yowa? Mo o gahlana le tsa go go ghula, o dule o nagana ka Jehova. Mo kgopele gore a go gelepe o tseye ba bangwana ka mokgo yene a ba tseyang ka gona. Papago wa legedimong wa ba bona mo ba sinya, mara o fo ba tshwarela go na go le sone. O nyaka le wene o make ka mokgonone.—1 Johane 4:20.

7. Go makegiye ying ka Kgoši Uziya?

⁷ Kgoši Uziya o yye a gana mo ba mo wolola, a šinya a maka tsa gore a yi mmereko wage, ka taba la magetla. Uziya ke mo a maka dilo tsa go tlala gabutši. O hludiye dintwa tsa go tlala, a yaga mitši ya go tlala fote ke mo a na le dibaya tsa go tlala. “Modimo wa mannete o makiye gore a phomelele.” (2 Dikor. 26:3-7, 10) Bhayibele yi re: “Mara mo a šele a tiyelele, a thomisa go ba le magetla ke mokane tsotsone dya mmolayisa.” Jehova ke mo a hlayye gore ke maprista fela ya gore ma ka tšhuba tsa go nkgela ka tempeleng. Mara Kgoši Uziya o yye a kakola magetla a timaka yene, a kena ka ku tempeleng a tšhubanya tsela tsa go nkgela. Jehova o yye a kwata ka matla, a teya monna yene wa go timaka yene ka bolwele bya go jega dinama byo ba reng ke lephera. Uziya o šinnye a kgwa a na le bolwele byone.—2 Dikor. 26:16-21.

8. Makorente wa Mathomo 4:6, 7, yi re re ka maka byang gore re sa be le magetla?

⁸ Ayitsano le rune re ka tanya ke molabo wa go ba le magetla go tshwana le Uziya? Tla re beyise ka José. Tsa dibhizinisi ke mo di mo sepelela gabutši ka matla fote ne go le mogolo ka phutegong. Ke mo a beya dipolabolo ga megahlano ye megolo le ye megolonyana fote le bapotulugi ke mo ba ya gage mo ba nyaka go yeletsiwa ka tse dingwana. Yene mong o re: “Mara ke mo ke titshepa ka matla. Ga Jehova ne ke mo phagele ku kgole. Ne ke nagana gore ke tiyelele ka mo ga tso tsa Modimo, byalo ke mo ke sa theetsele mo Jehova a ng’yeletsa le mo a ng’wolola. José o yye a sinya ka matla, ke mokane a ntshiwa ka phutegong. O na le mengwaganyana a busetsiwwe ka phutegong. Gana byalo o re: “Jehova o ntšhutisiye gore taba ya gore ke tshwanele ke yi tseyele gedimo  a yi gore ke na le mayemo mara ke go maka so a se kgopelang.” A di nyake re lebala gore selo se sengwana le se sengwana so re kgonang go se maka le mmereko wo re wo makang ka ho phutegong, re di neyye ke Jehova. (Bala 1 Makorente 4:6, 7.) Mo re ka ba le magetla, Jehova a ka sa re berekisi.

9. Dipawu di makiye gore Sathane le Efa ba make ying?

⁹ Di ka makega gore mo o kwa ba re dipawu, o fo nagana ka Sathane Diyabolo. Sathane ke mo go le lengeloyi la Jehova, byalo o ka kraya gore ke mo a na le mebereko ya go tlala ya gabutši. Mara ke mo a phangha. Ke mo a nyaka tsa gore di tshwanela Jehova a ntoši, ne a nyaka gore batho ba mo rapele. Sathane o nyaka gore re tshwane naye, o nyaka gore re sa kgotsofale ka tso re nang natso. Tsotsone di thomme nakwela a bolabola le Efa. Jehova ke mo a neyye Efa le monnage tsa go ja tsa go tlala, o yitseri ba je “diyengwa tsa mohlare wo mongwana le wo mongwana,” mara a re ba sa ji tsa mohlare ka wwoši. (Gen. 2:16) Mara Sathane o yye a fokola Efa, a maka gore a kwe a nyaka go ja diyengwa tsa mohlare wonola ba mmutsiyeng gabutši gore a sa šutele. Efa ke mo a galala tso ne a le natso, a thoma go ba le pawu. A re sa nyaka le go hlaya gore di felele kaye. Efa yewa o sinyannye ka matla, a fetsa a kgwile.—Gen. 3:6, 19.

10. Pawu yi mo makiye ying ga Kgoši Dafita?

¹⁰ Dipawu di makiye gore Kgoši Dafita a lebale tso Jehova a mo neyyeng tsona, gana hone go kena le gore ke mo a ghannye, a tšibega fote a hlula dintweng tsa go tlala. Dafita le yene o hlayye gore tso Modimo a mo neyyeng tsona “di tlele ka matla la go sa hlayisege!” (Pis. 40:5) Go na le ka nako ye nngwana ga gore Dafita o yye a lebala tso Jehova a mo neyyeng tsona. Ke mo a galala, a nyaka tsa go feta tsone. Dafita ke mo a na le basadi ba go tlala, mara a fo lisetsa pelo yage yi nabela mosadi wa monna ye mongwana. Mosadi yene ke mo ba re ke Bhathišeba ke mokane monnage ba re ke Uriya wa Lehethe. Phela Dafita ke mo a tinaganela a ntoši, byalo o yye a yetsela le Bhathišeba ke mokane mosadi yewa a yima. Dafita ke mo a sinnye ka matla ka taba la gore ke mo a makiye bonghwahla, mara a tokegela gana hone ka go maka gore ba bolaye Uriya! (2 Sam. 11:2-15) Anthe Dafita ke mo a kenne king? Ayitsano ke mo a nagana gore Jehova aa mmoni? Morenewa o berekele Jehova nako ya go lefa a kene a tshepega, mara o yye a rapogana go baba ka taba la pawu. Sa go jabodisa ke gore mo nako yi kene yi ya, Dafita o yye a di bona tsa gore o sinnye ke mokane a tšhentšha. O yye a jabola ka  matla gore Jehova o mo tshwarele!—2 Sam. 12:7-13.

11. Maefeso 5:3, 4, yi re re ka gelepa king gore re sa be le dipawu?

¹¹ Re tšhuta ying ga taba yowa ya Dafita? Re tšhuta gore re ka di kgona tsa go sa be le dipawu mo re ka fo dula re leboga dilo ka mokana ga tsona tso Jehova a re neyyeng tsona. (Bala Maefeso 5:3, 4.) Di nyaka re kgotsofale ka so re nang naso. Bo ba gore re sa thomisa go tšhuta nabo Bhayibele, di nyaka re ba botse gore ba nagane ka selo ka ssoši sa gore Jehova o ba rufiye ka sona ke mokane ba mo leboge. Mo motho a ka fo maka ka mokgonone ka moka matšatši, di ra gore mo go fela beke o ko ba a rapele ka kašupa ya ditaba tsa go sa tshwane. (1 Mathes. 5:18) Nje le wene wa di maka tsotsone? Mo o ka fo ghayela ka dilo ka mokana ga tsona tso Jehova a go makeleng tsona, di nyoko go gelepa gore o mo leboge. Fote mo o mo leboga, o nyoko kgotsofala ka tso o nang natso. Mo o ka kgotsofala ka tso o nang natso, o ka sa be le dipawu.

12. Judase Iskariyote o yye a šinya a maka ying ka taba la dipawu?

¹² Dipawu di makiye gore Judase Iskariyote a make tsa go tšebisa ka matla, tsa go sepelana ka fase. Mara yene o thomisiye go le motho wa gabutši. (Luk. 6:13, 16) Jeso o yye a mo hlawola gore go be lepostola lage. Di šupa nkare Judase ke mo go le motho wa go tshepega, ka taba la gore ke yene ye ne a tshwara lebhokisi la tšheleta. Jeso le mapostola yage ne ba berekisa tšheleta yone ga mmereko wa bona wa go tšhomayela. Tšheleta yone re ka fo yi tshwanisa le moneyelo wa mmereko wa lefase ka mokana ga lona lekgono. Mara go yye gwa segela nako ya gore Judase a thomise go ba le lenala, le mo a kwile Jeso a bolabola ga tleletlele ka taba ya go ba le dipawu. (Mar. 7:22, 23; Luk. 11:39; 12:15) Mara Judase a fo tiwomisa hlogo.

13. Ke leng di napiyeng di šupetsa gore Judase ne a na le dipawu?

¹³ Tso di makegiyeng mo Jeso a le thina le go kgwa, di napiye di yedisa taba ya gore Judase o na le dipawu. Jeso le malata yage, le Mariya le sesi wage Mata, ke mo ba vakašele Simoni wa go ba le bolwele bya go jega dinama byo ba reng ke lephera. Mo ba kene ba ja, Mariya o yye a tlogamela a tshwere makgura ya go nkgela ya gore ma turiye ke mokane a ma tšhela ho hlogong ya Jeso. Judase le malata ya mangwana ba yye ba kwata ka matla. Di ka makega gore ke mo ba kwa nkare tšheleta yone yi ka ba gelepa ga mmereko wa bona wa go tšhomayela. Mara Judase yene ke mo a kwatele tsage. Ke mo “go le tsotsi,” fote ke mo a nyaka go yetswa tšheleta ya hone lebhokising. Ka nthagonyana, dipawu di makiye gore Judase a rekise Jeso ka tšheleta ya go lekana le ya mo ba reka lebhantiti.—Joh. 12:2-6; Mat. 26:6-16; Luk. 22:3-6.

14. Monna ye mongwana le mosadi wage ba berekisiye mantsu ya Luka 16:13 byang?

¹⁴ Jeso o yye a botsa malata yage nnete ya gore: “Le ka sa di kgone go berekela Modimo la boya la nyaka go Ghanya.” (Bala Luka 16:13.) Taba yone go sa na go le nnete le gana byalo. Tseya ka monna ye mongwana le mosadi wage ba ku Romania, ba gore ba yye ba berekisa tso Jeso a di hlayyeng. Ba yye ba kraya mmereko wa nakonyana ga naga ya gore yi ghannye. Ba re: “Ke mo re kolota panka tšheleta ya go tlala, byalo re thomisiye re nagana gore mmereko wone wo tšwa ga Jehova.” Mara ke mo go na le molabo. Mmereko wone ne wo nyoko maka gore ba sa kraye nako ya go berekela Jehova. Ka nthago ga go bala hlogotaba ya gore “Dula o Tshepega ka Pelo ka Moka” ga Sewokamelo sa August 15, 2008, ba yye ba segelela sepheto. Mo ba hlatolla ba re: “Mo nkare re ya ga poleke ye nngwana gore re kraye tšheleta ya go tlala, tsotsone ne di nyoko šupetsa gore senghana sa rune le Jehova a re se tseyele gedimo. Ke mo re di bona gore se nyoko kgwelakgwehla.” Byalo, ba yye ba gana mmereko wone. Go makegiye ying ka nthago ga hone? Monna yene o krayye mmereko ho a dulang gona wa gore ke mo wo  ba gelepa ka tso ba di gayelang. Mosadi yene o re: “Jehova aa konane.” Monna yewa le mosadi wage ba jabodiye ka matla, a baa tshepa tšheleta mara ba tshepiye Kgoši ya bona Jehova.

15. Re tšiba ka ying gore di ya kgonega go khwanyudisa ga melabo ya Sathane?

¹⁵ Re ka maka ying mo re bona nkare re tannye ke molabo wa go ba le magetla fote re na le dipawu? Re ka khwanyudisa! Pawulo o yitseri bo ba gore Diyabolo o “ba tannye ba kene ba phela,” ba ka khwanyudisa. (2 Thim. 2:26) Le Dafita o yye a theetsela Nathane mo a mo wolola, a lahla dipawu fote a lukisa senghana sage le Jehova. O sa lebale gore Jehova o na le matšhika ya go phala ya Sathane. Byalo, mo re ka fo lisetsa Jehova a re gelepa, re ka di kgona go khwanyudisa ga molabo wo mongwana le wo mongwana wa gore Sathane o re reyele wona.

16. Re ka gelepa king gore re kganele kgole le melabo ya Sathane?

¹⁶ Go kawone gore re kganele kgole le melabo ya Sathane, di sa šinyi di nyaka gore re khwanyudise ga yona. Tsotsone re ka di kgona mo re gelepa ke Modimo. Mara a di nyake re titshepa ka matla! Le malata ya Jehova ya gore ke botala ma mmerekela, ma yye ma ba le magetla kela dipawu. Byalo kgopela Jehova di go baba, gore a go gelepe o di bone mo nkare mekgwa yone ya go kekema yi thomisa go go kena, o lebelele ka mokgo o naganang le ka mokgo o makang dilo ka gona. (Pis. 139:23, 24) O sa lisetse mekgwa yone yi go mamarela!

17. Go nyoko makega ying go se botala ka lenaba la rune Diyabolo?

¹⁷ Sathane o fetsiye mengwaga ya go tlala a nyaka go tanya batho. Mara go se botala ba nyoko mo tshwara ba fetsa ka yene. (Kut. 20:1-3, 10) Letšatši lone re le yemele ka maahlo ya makhubedu. Mo re sa na re yemele letšatši lone, dula o ntshiye maahlo dikwakweng gore Sathane a sa go tanye ka melabo yage. Karakara gore o sa be le magetla le dipawu. Tikemisele go ‘lwa le Diyabolo ke mokane yene o nyoko go tšhaba.’—Jak. 4:7.