1. Séítan éí haʼátʼíí biniyé naalzheehii nahalin haʼní?

NAALZHEEHII éí áłʼąą ádaatʼéego łoh choyoołʼı̨́įgo yíká naalzheehii bił dídeeshdił doodaiiʼ diyeeshxééł nízin łeh. Diyin Bizaad ałdóʼ naalzheehii tʼáá ákótʼéego yaa nahalneʼ. (Job 18:8-10) Naalzheehii biloh łaʼ yiih doogáałgo haitʼéego yiʼdiloh? Háágóoshąʼ tádíghááh? Haʼátʼíísh bił ayóó átʼé? Haʼátʼíí lá łoh shı̨́ı̨́ choideeshʼįįł nízingo yee haisíid łeh. Séítan éí tʼáá ákótʼéego naalzheehii nahalin. Éí tádiidááhgóó áádóó haʼátʼíí shı̨́ı̨́ nihił yáʼátʼéehii yee hanihisííd. Díí átʼéhígíí łoh há nídeeshʼááł, áko tʼáadoo áhojilchįįhí biishdoogááł nihóʼní. Diyin Bizaad áníigo éí łoh biih hidzáá ládą́ą́ʼ biiʼ háádiidáałgo átʼé. Łoh doo biih diidáał daaígi ałdóʼ yee naʼnitin.

2. Haʼátʼíí naakigo Séítan íiyisíí yee ázaʼniiʼááh?

² Kʼad ląʼí nááhai Séítan éí naaki áłʼąą átʼéego yee łoh nihá niyiiníłígíí éí ádaa hodzódlí índa áchą́hwíídéeniʼ. * Éí tsídii ahiyiileehii nahalin. Haʼátʼíí shı̨́ı̨́ yee yiʼdoolohígíí yee ázaʼniiʼááh. (Ps. 91:3) Ndi Séítan éí doo ázaʼnihidínóoʼah da, háálá Jiihóvah éí Séítan choyoołʼíinii tʼáá íídą́ą́ʼ nihił ííshjání ííłʼı̨́.—2 Cor. 2:11.

3. Haʼátʼíí biniyé kótʼéego łaʼ baa dahaneʼgo ályaa?

³ Jiihóvah éí ádaa hodzódlí índa áchą́hwíídéeniʼ bitsʼąą ádaa áhwiilyą́ą doogo éí tʼáá aaníigo baa dahaneʼígíí  baa ídahoołʼaah nihiłní. Jiihóvah yá ndaalʼaʼígíí Séítan ázaʼyiniizʼaaʼígíí baa nídadíitʼįįł. Ádaa hodzódlí índa áchą́hwíídéeniʼ bitsʼąą éʼétʼé dooleełgo átʼé. Ádaa hodzódlí índa áchą́hwíídéeniʼ nábidanéeztą́ʼígíí Diyin Bizaad biiʼ baa dahaneʼgo bee naʼnítinii átʼéego Jiihóvah nihá áyiilaa. (1 Cor. 10:11) Háálá díí bitsʼą́ą́ʼ íhooʼaah doodaiiʼ Devil biloh biiʼ háádiidáałgo átʼéego bił bééhózin.

4. Ádaa dzííníidlí siidlı̨́įʼgo haadiiʼnííł?

⁴ Séítan éí ádaa dzííníidlíi doo nihóʼní. Bił bééhózingo éí ákóniitʼéego bí átʼéhígi ániitʼée doo, áádóó hoolʼáágóó iiná nihee ádin doo. (Prov. 16:18) Áko yilʼaadii Paul éí łaʼda ‘ádaa hodzódlí bide átʼįįhgoda Devil bá nihootʼánígi átʼéego há nihodootʼáałgo átʼé,’ ní. (1 Tim. 3:6, 7) Índa shı̨́ı̨́ Jiihóvah bééhosiilzįįd doodaiiʼ díkwíí shı̨́ı̨́ nááhai Jiihóvah bá neilʼaʼ ndi, ákódiiʼníiłgo átʼé.

5. Ecclesiastes 7:16, 20 éí łaʼda haitʼéego ádaa dzódlíii dooleeł ní?

⁵ Diné ádaa dadzódlíii éí tʼáá bí tʼéí ádaa nitsídaakees. Séítan éí tʼáá hó ádaa tsízdidookosgo áhodeeshłííł, áko nihichʼįʼ hodiiʼnáahgoda Jiihóvah éí doo baa tsízdookos da nihóʼní. Łahdaásh tʼáá ádzaagóó tʼáadoo leʼé bee nikʼéhastʼah? Doodaiiʼ doo ákogi átʼéégóó ániʼdiilyaa? Séítan éí Jiihóvah doodaiiʼ biorganization bichʼįʼ náhodoochįįł nóʼní. Áádóó índa bee achʼįʼ nahwiiʼnáanii tʼáá ni nikʼehgo hashtʼedíílííł, Jiihóvah Bizaad bikʼehgo áʼdíílííł éí doo nóʼníi da.—Ecclesiastes 7:16, 20 yíníłtaʼ.

6. Nihisister bitsʼą́ą́dóó haʼátʼíí bídahwiidiilʼááł?

⁶ Nihisister łaʼ baa haneʼgo éí diné nidaʼiisííhgóó tʼóó bázhdoosnihgo tʼóó hatsʼą́ąjįʼ áníshtʼée doo jiniizı̨́ı̨́ʼ. Ńtʼééʼ ájíní: “Doo shił hatsʼíi da sélı̨́ı̨́ʼ. Áádóó brothers dóó sisters forgive ádeeshłíiłgi doo óoshneʼ átʼée da sélı̨́ı̨́ʼ. Áádóó shichʼooní łahjígo congregationgóó náádiiʼnił  bidiiʼniid.” March 2016 JW Broadcasting^® hanááł naaskid. Éí diné nidaʼiisííhgóó haitʼéego bił haʼííníilníi dooleeł níigo naaskid. Áádóó nihisister ání: “Ádaa ákoniizı̨́įʼgo éí tʼáadoo ayóó ádaa nitséskeesígo éí niʼiisííhgóó bee ádaa ákonisdzin doo. Brothers dóó sisters kódajítʼée dooleeł nisingi éí ndagaʼ. Díí shinááł naaskidgo éí Jiihóvahjí baa nitsáhákees, áádóó kótʼéego nihiłníigi bibee bóhólníihgo átʼéegi yee shíká aalwod.” Áko achʼįʼ anáhóótʼiʼ haleehgo Jiihóvah baa tsídiikos. Jiihóvah éí diné yaa nitsékeesígi átʼéego baa nitséskeesgo áshíínísin bidiiʼníigo néinikąąh. Yáʼąąshiidę́ę́ʼ Nihizhéʼé éí diné nidaʼiisííhgóó yaa ákonízin, ndi forgive ííłʼı̨́. Áko ni ałdóʼ tʼáá ákónítʼée doo nóʼní.—1 John 4:20.

7. Naatʼáanii Azáíyah haa hóʼdiilyaa?

⁷ Júdah binaatʼáanii Azáíyah ayóó ádeijódlí jizlı̨́įʼgo kótʼéego hodiʼníigi doo jíistsʼą́ąʼ da jizlı̨́ı̨́ʼ. Doo hódéétʼiʼii ájiilaa. Azáíyah éí ląʼígóó yáʼádaatʼéehii áʼjííłʼįįd. Éí ląʼí anaaʼ nídahadleehgóó akʼeh jideesdlı̨́ı̨́ʼ. Ląʼí kin dah naazhjaaʼgo ájiilaa. Áádóó kʼéédaʼdilyééhgóó ląʼí hwee hólǫ́. “Diyin God éí náás ajiyoołdiłgo” áhoolaa. (2 Chron. 26:3-7, 10) Ndi Diyin Bizaad ání: “Hadziil dzizlı̨́įʼgo éí hodoołchǫǫłgo ádaa hodzisnih.” Jiihóvah bikin biiʼ sohodizin góneʼ dilidgo halchinii nááhániihii éí náádaʼiiłniihii tʼéiyá yee yá hasʼą́. Ndi Naatʼáanii Azáíyah doo akǫ́ǫ́ ájíítʼįįdgóó doo há átʼéii ájiilaa. Áko biniinaa Jiihóvah doo bił hóózhǫǫdgóó leprosy hąąh áyiilaa. Éí tʼáá hąąhgo ahóyííłką́.—2 Chron. 26:16-21.

8. 1 Corinthians 4:6, 7 bikʼeh íʼiilʼı̨́įgo éí ádaa hodzódlí haitʼéego bitsʼąą ániitʼée doo?

⁸ Azáíyah ádaa dzódlíigo asihę́ęgi, ákódiiʼníiłgoósh átʼé? José baa haneʼ. Éí businessman áádóó congregationgi elder jílı̨́ı̨́ ńtʼééʼ. Assemblies dóó conventionsgóó talks áníʼjiiłʼįįh. Áádóó circuit overseers shíká anílyeed dahałníigo bíká aníjílwoʼ. Áko ájíní: “Tʼáá shí bíneeshʼánígíí áádóó bitsʼą́ą́dóó bóhooshʼaahii baa jííníshłí, Jiihóvah éí doo baʼííníshłíi da. Áko ayóó shidziil nisin. Jiihóvah kótʼéego nííjí doo yísístsʼą́ąʼ da.” Ńtʼééʼ José éí tʼáá yéigo asiihgo disfellowship  ályaa. Áádóó tʼahádóó reinstate ánályaa. Áko kʼad ájíní: “Íiyisíí ílíinii Jiihóvah yee nashineeztą́ąʼgo éí shíyeeʼ díí nishłı̨́, doo niidzin da doo, ndi tʼóó ákʼeh honiilʼı̨́į doo.” Bénéiilniih doogo éí haʼátʼíí shı̨́ı̨́ yiichįįhii índa naanish íilʼíinii tʼáá ałtso Jiihóvah bitsʼą́ą́dóogo éí congregationgi bídahwiilʼaah. (1 Corinthians 4:6, 7 yíníłtaʼ.) Ádaa dzííníidlíigo Jiihóvah éí doo choinihiidoołʼįįł da.

9. Áchą́hwíídéeniʼ éí Séítan dóó Íiv haa hoolaa?

⁹ Áchą́hwíídéeniʼ baa nitsáhákeesgo Séítan baa tsóhodookos. Jiihóvah bá naalʼaʼí jílı̨́įgo naanish yáʼádaatʼéehii hwee hólǫ́ǫ́ ńtʼééʼ. Ndi ląʼígóó náázhniidzı̨́ı̨́ʼ. Éí Jiihóvah tʼéiyá worship álʼı̨́įgi bidázhnoosnííʼ. Séítan átʼéhígi átʼéego áchą́hwíídiiníilniʼ doo nihóʼní. Éí Íiv tsʼídá áłtsé ákótʼéego bee hajííłtʼiʼ. Jiihóvah éí Íiv dóó bahastiin chʼiyáán bee hwiih jílı̨́į dooleełgo há niinílá. Éí ‘tsin naazkaadígíí bineestʼąʼ tʼáá ałtso tʼáá ni nínízingo niyą́,’ ndi tʼááłaʼígo éí dooda hodííniid. (Gen. 2:16) Ndi Séítan éí Íiv yiʼdeezloʼgo éí díí tsin tʼááłaʼí bineestʼąʼ bichʼįʼ baa hóchįʼ yę́ę jidínóozįįłgo áhoolaa. Íiv éí há niilyáhą́ą doo baa ahééh jiniizı̨́įʼ da, bilááhgóó náázhniizı̨́ı̨́ʼ. Nihił béédahózingo Íiv éí yéigo ajisiihgo tʼáá aaníí éí dajiztsą́.—Gen. 3:6, 19.

10. Naatʼáanii David éí áchą́hwíídéeniʼ haitʼéego bikʼeh deesdlı̨́ı̨́ʼ?

¹⁰ Jiihóvah éí tʼóó ahayóígóó David yee yíká aalwod. Éí atʼı̨́, nahatʼáagi, índa daʼanaaʼgóó akʼeh nídídleehgo ádaatʼéii ałdóʼ. Áko David díí ayóó baa ahééh jinízingo “doo jóołtaʼ ánéelą́ąʼ da” átʼéego Diyin sheinílá jiní. (Ps. 40:5) Ákondi David éí díí Jiihóvah haa yiizlahígíí bilááhgóó áchą́hwíídéeniʼ hakʼeh deesdlı̨́ı̨́ʼ. Hweʼasdzą́ą́ éí ląʼí, Jiihóvah doo álʼı̨́į da hałníi ndi, Yuráíyah beʼasdzą́ą́ Bath-shííba bidázhnoosnííʼ. Áádóó Bath-shííba bił hwiiską́ągo bitsʼą́ą́dóó aʼniiltsąąd. David éí tʼáá íiyisíí doo yáʼátʼéhígi ájíítʼįįd. Tʼáá náábiláahdi ánáájíítʼįįdígíi éí Yuráíyah bidiʼyoolyééł jiníigo binahodzizʼą́. (2 Sam. 11:2-15) Áko David haʼátʼíí jinízingo ájítʼı̨́? Jiihóvaásh doo shooʼı̨́į da jinízin? Azhą́ David éí  ląʼí nááhai Jiihóvah bá nijilʼaʼgo áchą́hwíídéeniʼ hakʼi deesdlı̨́įʼgo biniinaa tʼáá yéigo hachʼįʼ nahwiisnááʼ. Tʼahádóó David éí asésiih jiníigo Jiihóvah baa níjooskan. Éí Jiihóvah há yóóʼanéidiiʼą́ągi baa ahééh jiniizı̨́ı̨́ʼ!—2 Sam. 12:7-13.

11. Ephesians 5:3, 4 bikʼehgo haʼátʼíí nihíká análwoʼgo áchą́hwíídéeniʼ bikʼeh diidlı̨́į doo?

¹¹ David áátʼįįdgi haʼátʼíí bitsʼą́ą́dóó bídahwiilʼą́ą́ʼ? Tʼáá ałtsoní Jiihóvah nihaa yiizláaii baa ahééh niidzingo éí áchą́hwíídéeniʼ bikʼeh didiidleełgo átʼé. (Ephesians 5:3, 4 yíníłtaʼ.) Nihee dahólóonii baa nihił hózhǫ́ǫ doo. Łaʼda Diyin Bizaad bee naniitingo tʼááłaʼígo Jiihóvah neiníláhígíí baa nitsíníkees bidiníigo naniitin doo. Tʼáá ákwíí jı̨́ Jiihóvah bichʼįʼ ahééh hwiindzin doo. (1 Thess. 5:18) Niísh kótʼéego íʼíłʼı̨́? Tʼáá ałtso Jiihóvah ná áátʼįįdgi nabikʼítsíníłkeesgo éí ahééh nínízingo ánóhsin doo. Nee hólóonii baa nił hózhǫ́ǫgo áchą́hwíídéeniʼ bikʼeh didlı̨́į doo.

12. Júdas Iskáriyat éí áchą́hwíídéeniʼ haabiilaa?

¹² Júdas Iskáriyat éí áchą́hwíídéeniʼ jizlı̨́įʼgo biniinaa doo yáʼátʼéhígi ájiidzaa índa Jesus ninázhdiníʼą́. Júdas éí doo tʼáá ákójítʼée da ńtʼééʼ. (Luke 6:13, 16) Yilʼaadii jidooleeł biniyé Jesus náhodiiłtı̨́. Háálá éí bízhneelʼą́ áádóó bee haʼahódlí. Áko Jesus haʼózlíiʼgo béeso baa áhojilyą́ągo áhoʼdiilyaa. Jesus índa daalʼaadii nidahalneʼgóó tádíkáahgo díí béeso chodayoołʼı̨́ı̨́ ńtʼééʼ. Dííshjı̨́įdi átʼéhígi átʼéego béeso bee anáʼawoʼígíí átʼé nahalin. Azhą́ Jesus éí áchą́hwíídéeniʼ díkwíidi shı̨́ı̨́ diné yee yichʼįʼ hanádzihgo jidiiztsʼą́ąʼ ndi, Júdas azhniʼįįhgo baa nízhdiidzá.—Mark 7:22, 23; Luke 11:39; 12:15.

13. Júdas éí áchą́hwíídéeniʼ jizlı̨́įʼgo háadą́ą́ʼ bee hwééhoozin?

¹³ Jesus éí tʼah doo daatsaahgóó Júdas éí áchą́hwíídéeniʼ jílı̨́įgi bee hwééhoozin. Jesus índa bídahoołʼaahii éí Mary dóó bisister Martha yił Sáíman leper nilı̨́įgo bighangi jíkai. Ákwii daʼjiyą́ągo Mary nídiiʼnaʼgo perfumed oil ayóó ílínígíí Jesus bitáaʼgi yayiiziid. Júdas dóó náánáłaʼ ídahoołʼaahii doo yikʼee ákódaadzaa da. Ídahoołʼaahii łaʼ éí díí béeso nahaneʼgóó choidooʼįįł danízin. Ndi Júdas éí doo kótʼéego tsídeezkéez da, háálá “aniʼįįhii jílı̨́,” díí béeso yeeʼ dinéeshʼı̨́ı̨́ł jiniizı̨́ı̨́ʼ. Áádóó Júdas éí áchą́hwíídéeniʼ biniinaa tʼahádóó béeso bee Jesus ninázhdiníʼą́.—John 12:2-6; Matt. 26:6-16; Luke 22:3-6.

14. Couple nilı̨́įgo éí Luke 16:13 haitʼéego bikʼehgóó áʼjiilaa?

¹⁴ Jesus éí bikééʼ naakai yę́ę kwííłní: “Diyin God índa atʼı̨́ doo tʼáá łahjįʼ bá nijólʼaʼ átʼée da.” (Luke 16:13 yíníłtaʼ.) Díí tʼáá aaníí. Romaniadę́ę́ʼ couple nilı̨́įgo díí Jesus yee haadzíʼígíí yeʼiilaa. Éí náánákéyahdę́ę́ʼ naanish łaʼ haa deetʼą́. Ájíní: “Bankdę́ę́ʼ béeso ląʼí nihaʼíʼnil, áko éí díí naanish nihaa deetʼą́ągo Jiihóvah yee nihikʼihasdliʼ lá niidzı̨́ı̨́ʼ.” Ndi díí naanish bichʼįʼ lą́ ajisłı̨́įʼgo éí Jiihóvah bá naʼaʼaʼgi biʼoh ázhdoolííł. The Watchtower, August 15, 2008, “Maintain Loyalty With a Unified Heart” wolyéego jííłtaʼgo bee ádá nihozhdeetʼą́. “Béeso ląʼí álʼı̨́į doo biniyé náánáłahjįʼ kéyahgóó dah diiʼnáago éí Jiihóvah bá naʼaʼaʼgi nihitsʼą́ą́ʼ yidínóołtłʼah. Jiihóvah bił kʼé haʼnínę́ęgi akééʼdóó ííníilzingo ánihidoolííł,” jiní. Áko naanish tʼáadoo bee ląʼí ajisłı̨́įʼ da. Ahastiin éí tʼáá ákwii kéyah biiʼ kééhojitʼínígíí naanish  łaʼ bikʼízhníyáago éí bídin jílíinii bee akʼizhdeeshnish. Eʼasdzą́ą́ éí ájíní: “Jiihóvah éí bá ndaalʼaʼí áłahjįʼ yíká análwoʼ.” Kótʼéego áʼjiilaago Jiihóvah bá nijilʼaʼ, béeso éí ndagaʼ.

15. Séítan biloh biiʼ hááʼdoodáałgi haitʼéego bohónéedzą́?

¹⁵ Ádaa hodzódlí doodaiiʼ áchą́hwíídéeniʼ bee ádaa ákoniidzı̨́ı̨́ʼ lágo haa diiʼnííł? Biiʼ háádiidáałgo átʼé! Paul éí Devil “bisnááh nítʼéeʼii biloh yiiʼ” hááhidookahgo átʼé ní. (2 Tim. 2:26) David éí ákódzaa. Néíthan hachʼįʼ haadzíiʼgi beʼjiilaa. Áchą́hwíídéeniʼ nahjįʼ kójiilaago Jiihóvah bił kʼé ahizhdiʼníigi hashtʼééjiidlaa. Tʼááká baa yoonééh Jiihóvah éí Séítan biláahdi ábóodziil. Áko Jiihóvah baʼííníidlíigo éí Devil łoh nihá niyiiníłígíí biiʼ hááhiidáah doo.

16. Séítan biloh haitʼéego bitsʼąą ániitʼée doo?

¹⁶ Ádaa hodzódlí doodaiiʼ áchą́hwíídéeniʼ tʼáadoo bee éʼétʼéhígo yáʼátʼéeh doo. Éí Diyin áká análwoʼgo tʼéí bohónéedzą́. Bichʼįʼ shidziilgo éí doo ákódeeshníił da, tʼáadoo niidziní doo. Tʼáá ałkʼidą́ą́ʼ Jiihóvah yá ndaalʼaʼí danilínę́ę éí łaʼ ákódaadzaa. Ákótʼéego tsídíníkéezgoda doodaiiʼ ákódeeshnííł ninizı̨́įʼgoda Jiihóvah shíká anilyeed bidiníigo néiníkąąh. (Ps. 139:23, 24) Ádaa hodzódlí doodaiiʼ áchą́hwíídéeniʼ nikʼeh dódleʼ yíilaʼ!

17. Devil éí haa doolníiłgo bichʼįʼ hoolzhish?

¹⁷ Séítan éí naalzheehii nilı̨́įgo kʼad ląʼí nááhai. Ndi dabiʼdiyootłʼóół áádóó ádooldįįłgo bichʼįʼ hoolzhish. (Rev. 20:1-3, 10) Éí ákódoolníiłgo bíká dadíníitʼı̨́ı̨́ʼ. Ákondi kʼad éí Séítan łoh niyiiníłígíí baa ákoniidzin doo. Éí ádaa hodzódlí doodaiiʼ áchą́hwíídéeniʼ yéigo bikʼeh diidlı̨́į doo. Áádóó yéigo Devil “bichʼįʼ nideiildzilgo nihitsʼádoolwoł.”—Jas. 4:7.