1. Tae-eb ge Jehovaba dība du?

MATI DU ge Jehovab di ǃoaba-aon di ǀgui kai? ǂGurose du ge ǃgâiǂhôasa ǀnîsi sadu mara xu ge ǁnâu. Sadu sîsen ǀhōsa-e xu. Tsî sadu skol ǀhōsa-e xus tsîna. Tamas ka io Jehovab ǃoaba-aon. Ge sadu omsa a sari o, aoǁnân ra hîna. (Mrk. 13:10) ǁNāpaxu i ge khoe-e ǂgui ǁaeb. Tsî ǀgaib tsîna ge sîsenū. Elobmîsa sado ǁkhāǁkhāsa. ǁNā ǁkhāǁkhās ǃnâ du ge Jehovaba ge ǀnam tsoatsoa. Tsî du ge ge ǁkhāǁkhāsen ǁîb sadu tsîna a ǀnamsa. Jehovab ge amaba ǃoa ge ǂgae du. Tsî du ge nēsi a Jesub di ǁkhāǁkhāsabe. Amaga du ge ǃâubasensa ūhâ ǀamose ûis disa. (Jhn. 6:44) Amabes ǃnâ du Jehovaba ra gangan. ǁÎb ge khoe-e sîsenū. Tsî sado amaba a ǁkhāǁkhā o. Tsîb ge ūǃoa dusa, ǁîb di ǃoaba-aon di ǀguise.

2. Tae-e da nē ǁkhāǁkhāǃâs ǃnâ nî ǃhoaǃgao?

² Nēsi da amaba a ǂan o. O da ge ǁnā aiǂhanuba ūhâ. Khoena huisa în ǁîn tsîna. Sida ǀkha ǀamo ûib di daob ai ǃgû. ǀNîsi da ge khoena aoǁnâbas xa a supubahe ǁkhā. Xawe i ge ǀnîsi a ǃgomba da ǁkhā. Khoe-e dîsa Elobmîsa i ra ǁkhāǁkhāsen ǂgaosa. Tamas ka io Elobmîs ǁkhāǁkhāsa ǁî-e māsa. Ti da ra tsâ? Os ge nē ǁkhāǁkhāǃâsa nî hui da. Tsî ǃgâi ǀapemade, nî mā da. ǃHoaǃgao da ge nî tae-i turaba ra mā dasa. Î da ǁkhāǁkhāsabedīs ǀkha hui. ǃHoaǃgaos tsîna da ge nî hî. Mati da ǃgomsina nî dansa. ǂKhabuǂâi kai da rana Elobmîsa da ga ǁkhāǁkhā o. ǂGurose, da ge nî ǃhoaǃgao.  Tae-i ǃaroma da aoǁnâ-aos ǀguisa hî tidesa. Xawe ǃgâiǂhôas di ǁkhāǁkhā-aos tsîna nî isa.

3. Tae-i ǃaroma da ra aoǁnâ?

³ Jesub ge ǃhūbaib ai hâ io. Ob ge ǁîb di saosabena ǀgam ǃâga ūhâ sîsen-e ge dī kai. ǂGurob ge ge mî, în ǃgâiǂhôas Gaosib disa aoǁnâ. Tsîb ge ge ǁgau nî. Matin ǁnāsa nî dīsa. (Mat. 10:7; Luk. 8:1) Aiǁgause, Jesub ge ǁîb di ǁkhāǁkhāsabena ge mîba. Tae-en nî dīsa, khoen ga Gaosib di haisi-amsa ga ra ǃgâ o. Tsî tae-en nî dīsa khoen ga ǃgâ ǂgao tama ga ra io. (Luk. 9:2-5) ǁÎb ge ge mî. ǁÎb ǁkhāǁkhāsaben, ǂgui khoena nî aoǁnâbasa. Tsî ǂgui ǃhūgu ǃnâs tsîna nî aoǁnâsa. Mîb ge o, “hoa ǁaedi mîdansa ǃoa”di. (Mat. 24:14; ǃNǃkh. 1:8) Mati ǀgui i ga i tsîn ga khoena haisi-amsa ūǃoa. Tamas ka io ūǃoa tama ga ra i. Xaweb ge Jesuba ǁîb di ǁkhāǁkhāsabena ge mîba. În khoena Elob Gaosib xa mîba. Tsî tae xūna i nî dīǀoaǀoas tsîna.

4. Mateub 28:18-20 ǃoagu da Gaosib xa aoǁnâs xōǀkhā, tae-i nî dī?

⁴ ǀGamǁî ǃâb Jesub ge mā sîsen-i diba ge tae-i? Jesub ge ǁîb di saosabena ge mîba în khoena ǁkhāǁkhā. Tsî ǁîb ge mîmān hoana ǁnâuǀnam. ǀNî khoen ge a mî ǁkhā. Jesub ge aoǁnâs tsî ǁkhāǁkhās di sîsen-e. ǂGurokamǁaeb di Xristeǁîn ǀguina a dī kaisa. Xawe ǁnāsa a ama? Hî-î, Jesub ge ge mî. Nē ǂhâǂhâsa sîsen-i nî aiǃgûsa. Sida tsēdi ǃnâs tsîna, “nē hâ ǁaeb di ǀams kōse.” (Khomai re Mateub 28:18-20 sa.) Jesub ge nē mîmāsa 500 sa ǃnā hâ. ǁKhāǁkhāsaben xab ra mûhe hîna ge mā. (1Kor. 15:6) ǂHaiǂhais hînab ge Johaneba a mās. ǃNâb ge Jesuba ǃgāsase ge mî. Hoa ǁkhāǁkhāsabena xu i ǃâubasen-e hâsa. În khoena ǁkhāǁkhā, în Jehovab xa ǂan.—J.ǂHa. 22:17.

5. 1 Korinteǁîn 3:6-9 ǃoagub Paulub mâ aiǁgausa gere sîsenū? ǁKhāǁkhās tsî aoǁnâs tsîn ǁaegu hâ ǃkharagusib xa?

⁵ Apostel Paulub ge ǁkhāǁkhāsabedī sîsen-e. ǃHanaǂgās ǀkha gere ǀgopeǀnō. ǁNās ǀkhab ge ra ǁgau. ǃKhomsa ǂgās xa da ǃnāsase nî dīsa. ǁÎb ge Korinteǁîna ge sao ra-e ge mîba: “Tita ge ge ǂgā, tsî Apolob ge ge ǂnâ. Sadu ge a Elob di ǃhana-ai.” (Khomai re 1 Korinteǁîn 3:6-9 sa.) Sida ge a sîsen-ao ‘Elob ǃhânab’ ǃnâ. ǃKhomsa da ge ra ǂgā aoǁnâ da ga o. Tsî da ge ra ǂnâ, ǁkhāǁkhā da ga o. (Jhn. 4:35) Xawe da ge a ǂan Elob ǃkhomsa ra kai kaisa.

6. ǁKhāǁkhās sîsenna tae-e ǃkhōǂgā hâ?

⁶ Khoen hîna ‘ǀamo ûiba ǃoa ǃkhōǂuibasenhe hâna’ da ge nî ôa. (ǃNǃkh. 13:48) ǁÎna da ga ra hui o. În ǁkhāǁkhāsabe kai. O da ge nî hui nî. În (ǂgurose) ǁnâuǃā. Tsî (2ǁîse) ǂgom. Tsî (3ǁîse) ǁkhāǁkhāsen an a xūna ûiǂui. ǀŌ-aisase Elobmîsa xu. (Jhn. 17:3; Kol. 2:6, 7; 1Tes. 2:13) Hoan hîna ǀhaohâb ǃnâ hân ge a hui ǁkhā. Elobmîsa ra ǁkhāǁkhāsen khoena ǀnamma ǁgausa. Tsî ǁkhoreǁharesase ǁîna a tsâ kai ǁkhā. (Jhn. 13:35) ǁNā i hîna ra ǁkhāǁkhā i ge ǂgui ǁaeb tsî ǀgaib. Tsîna nî sîsenū ǁkhāǁkhā i ra khoe-e huisa. Î-i “ǀgaisa hâǃkhaide” ǂgomǀgaugu tamas ka io ǁnaeti-aiga xu dawasen. (2Kor. 10:4, 5) ǂGui ǁkhâga i ge a ū ǁkhā khoe-e huisa. Î-i ǀkharaǀkharana ǁî-i ûib ǃnâ dī. Tsî ǁnā mîǁguib ǁāǁnâs diba sīǃnâ. Xawe nē ǀkharaǀkharana dīs ge ǁî-e kaise nî ǃgâiba.

7. Tae-e ra hui da î da aoǁnâ. Tsî ǁkhāǁkhāsabedī sîsen i ǃnâ ǂoa?

⁷ Tae-i ǃaroma da khoena ra aoǁnâba? Tsî ra ǁkhāǁkhā în ǁkhāǁkhāsabe kai?  ǂGurose, Jehovaba da a ǀnam amaga. Sadu a ǁkhā i, hoa-e du ga dī tsî mîmās. Aoǁnâ tsî ǁkhāǁkhāsabedīsa ga ra ǁnâuǀnam o. O du ge Jehovaba du ūba hâ ǀnamma ra ǁgau. (1Jhn. 5:3) Nēs xa ǂâi re: Khoena du ge ra aoǁnâba. Jehovaba du a ǀnam amaga. ǁNā mîmāsa ǁnâuǀnamsa supu i ge i? ǀNîsi ge supu tama hâ i. ǂGuro ǃnāsa du ge aoǁnâ sîsen-i ǃnâ a ǂoa o. ǃHuri du ge hâ i? Î. Xawe du ge ge ǂan i. Jesub ǂhâba hâsa î du nē sîsen-e dī. Tsî du ge mîmāsa ge ǁnâuǀnam. Tsî du ǁaero-e aoǁnâ hâs khaoǃgâ. Î ge ǀnîsi ge supu tsoatsoa. Xawe mati du ra tsâ, Elobmîsa ǁkhāǁkhās xa? ǃHuri î du ra, ǁî-i xa du ga ra ǂâi o? Xawe ǀgore tsî Jehovaba ǂgan re. Î du hui-e tsî ǁkhoaǂgaosiba ūhâ. Tsî Elobmîs ǁkhāǁkhasa mā ǁkhā. Î du ǁnā turaba omkhâi tsî ǁkhāǁkhāsabedī.

8. Markub 6:34 ǃoagu i tae-e ra hui da, î da nau khoena ǁkhāǁkhā?

⁸ ǀGamǁîse, ǀgūkhoena da ūba hâ ǀnammi ge ra hui da. Î da ǁîna amaba ǁkhāǁkhā. Aiǁgause Jesub tsî ǁîb di ǁkhāǁkhāsabegu ge kaise ge tsau hâ i. Kaise gu ge aoǁnâ hâ i, ǃkhais ǃaroma. ǁÎgu ge ǃkhai-e ge ǂhâ hâ i îgu sâ. Xawe i ge ǂgui khoena ǁîga ge ǀhao ū. Jesub ge nē khoena kaise ge ǀkhom. Tsî ǁîna ge ǁkhāǁkhā tsoatsoa “ǂgui xūna.” (Khomai re Markub 6:34 sa.) ǁÎb ge ǃgarise gere sîsen tsaub ge hâ i, xawes tsîna. Tae-i ǃaroma? Jesub ge ge ǂan i. Matin ge ǁnā khoena gere tsâ ǀgauba. Jesub ge ge mû matikōsen ge ǃgoma gere tsâsa. Matikōsen ge ǃâubasen-e ǂhâ hâ isa. Tsî ǁîna gere hui ǂgao. Khoen tsîn ge nētsē ǃgomsiga ra hōǃâ. Tsî ǃâubasen-e ǂhâ hâ. ǁÎn di ûib ǀkhan a ǂkhîsan ga ra mû xawe. ǁÎn ge kā hâ gūn hîna ǃûi-aoba ūhâ taman khami i. Apostel Paulub tsîn ge ǁnāti i khoen xa ge mî. ǁÎn Eloba a ǀū tsî ǃâubasen-e ūhâ tama di. (Efe. 2:12) ǁÎn ge “kāǁōsib ǃoa garu” daob ai hâ. (Mat. 7:13) Sida ra aoǁnâ ǃkhain ai hâ khoen. Di gagasi mâsiga da ga ra kō o. O i ge ǀnammi tsî ǀkhomxaǂgaosib. Tsîna ra ǁgari da î da ǁîna hui. Tsî ǀgui ǃgâi ǀgaub hîna ǁîna a hui ǁkhāb ge î da Elobmîs ǁkhāǁkhāsa ǁîna mā.

9. Filipeǁîn 2:13 ǃoagub Jehovaba mati a hui da ǁkhā?

⁹ ǀNîsi du ge ra ǂâiǂhansen ro Elobmîs ǁkhāǁkhāsa māsa. ǂAn du a amaga, ǁaeba î nî ūsa, î du aiǂhomisen. Tsî ǁnāpaxu Elobmîs ǁkhaǁkhāsa mā. ǁNāti i ga io, sadu tsâsiba Jehovab ǀkha ǀgoragu re. ǁÎba ǂgan re, îb hui du î du khoe-e hō. Sadu Elobmîsa a ǁkhāǁkhā ǁkhā-e. (Khomai re Filipeǁîn 2:13 sa.) Apostel Johaneb ge ge mîba da. Elob nî sida ǀgorede ǃereamsa. ǁÎb di ǂâis ǃoagu da ga xū-e ǂgan o. (1Jhn. 5:14, 15) ǁNā-amaga du ge ǂgomǃgâsiba a ūhâ ǁkhā. Jehovab nî hui dusa. Î du ǁnā turaba ūhâ. Tsî khoe-e ǁkhāǁkhā.

10-11. Tae-e a ǃkhō-oa da, ǁkhā Elobmîsa ǁkhāǁkhāsa xu?

¹⁰ ǁKhāǁkhās di mîmāsa da ge ǂgurose ra mâi, sida ûib ǃnâ. Nēsi da ga ǂgui ǃgomsina hōǃâ. Hîna a ǁkhae da ǁkhāna. Î da tā ǁkhāǁkhāsabedī sîsen-e dī. ǀKhī re, î da kō, ǀnîn a mâ ǃgomsisa. Tsî mati da ǁîna a dan ǁkhā ǀgaub tsîna.

¹¹ Sida mâsigu xa da ra ǁkhaehe, khami da ge a tsâ ǁkhā. Aiǁgause, ǀnî aoǁnâ-aon ge a kaira. Tamas ka io ǂurusib di ǃgomsiba ūhâ. Sadu ūhâ mâsiba ǁnāba? ǁNāti i ga io. ǀKhī re, î da kō, ǀgui xū-i. Hîna da Coronasa xu a ǁkhāǁkhāsen ǁkhā-e. ǁKhāǁkhāsen da ge hâ cellphonegu ǃnâ-ū. Da Elobmîsa khoena a ǁkhāǁkhā ǁkhāsa. ǁNā-amaga du ge nēsi Elobmîsa a ǁkhāǁkhā ǁkhā. Tsî a dī ǁkhā sadu di omde xū. Tsî ǀnî ǃgâi xū-i tsîn ge hâ. ǀNîn ge Elobmîsa ra  ǁkhāǁkhāsen ǂgao. Xawen ge sida ǃgâsan ra mî ǁaeb ai a hō-e ǁoa. Xawen ge ǁgoaga a hō-e ǁkhā. Tamas ka io ǃui ǁaeb ai. Elobmîs ǁkhāǁkhāsa ǁnā ǁaeb ai dī ǁkhā, î du a? Jesub ge Nikodemuba ǃui ǁaeb ai gere ǁkhāǁkhā. Tsî ǁnāb ge ǁaeba Nikodemub gere ǁkhāǁkhā-e ǂgaoba.—Jhn. 3:1, 2.

12. Tae-e ra ǃgâi Elobmîs ǁkhāǁkhā-ao kai da?

¹² ǀNîsi da ge a ǂâi ǁkhā. Elobmîs ǁkhāǁkhāsa da mā hō tide di. ǀNîsi da ge ra tsâ ǃnāsa ǂans. Tsî ǁkhāǁkhā ǀgauba da nî ūhâsa. ǃGâi ǁkhāǁkhā-ao kai ǂgao da nîs ga o. Khoe-e ra ǁkhāǁkhā-e. O ǃnona xūna kō re. Hîna a hui da ǁkhāna. Î da nau khoe-e ǁkhāǁkhā. ǂGurose, Jehovab ge khoena da a ǁkhāǁkhā ǁkhāsa a ǂan. (2Kor. 3:5) ǀGamǁîse, Jesub hîna ǀhommi. Tsî ǃhūbaib ai ǀgaiba ūhâb ge ra mî, î da ǁkhāǁkhā. (Mat. 28:18) Tsî ǃnonaǁîse, da ge sida ǃgâsan ai a kō ǁkhā, huib ǃaroma. Jesub ge ǁîb di Pab ge ǁkhāǁkhā bi. Îb mî xūn ai ge ǂgomǃgâ hâ i. Tsî da ge sada tsîna ǁnāsa a dī ǁkhā. (Jhn. 8:28; 12:49) ǀNîsi da ge aoǁnâ sîse-e ra mûǂam ǃgâsaba a dî ǁkhā. ǂAnsa ūhâ aimâba-ao-e. Tamas ka io ǂansa, ūhâ aoǁnâ-ao-e a dî ǁkhā. Mati i, ǁî-e a hui da ǁkhāsa. Î da Elobmîs ǁkhāǁkhāsa tsoatsoa. ǀGui ǀgaub hîna da a ǃgâi ǁkhāǁkhā-ao kai ǁkhāb ge. ǀNî ǃgâsan ra Elobmîsa ǁkhāǁkhā ǁaeb ai. ǁÎn ǀkha ǀguiba sîsensa.

13. Tae-i ǃaroma da ǃkharagagu ǀgaugu ǃnâ nî ǁkhāǁkhā?

¹³ ǀNîsi du ge ǃgomsiba nî ūhâ. ǀAsa ǀgaub tsî ǀasa tools na sîsenūs ǃnâ. Elobmîs ǁkhāǁkhāde da ra mā ǀgaub ge nēsisa dawa hâ. Sida di ǀasa ǂkhanis ǀAmosib kōse ǃgâiaǂgao re di hâs ge ra ǂgaoǀkhā. Î da Elobmîs ǁkhāǁkhās ǃaroma aiǂhomisen. Tsî da ge nēsa ǀnai da gere dī ǀgaub, ǃnâ dī tama hâ. Tsî ǁkhāǁkhā da ra o. O da ge ǃnāsa vidioga ra sîsenū. Tsî toolsan tsîna aiǁgause, JW Librarib khami. Nē tools na sîsenūs xa da ga ǃgâise tsâ tama io. ǀNî hâ khoe-i ǀkha ǃhoa re. Î-i hui du. Î du ǂan mati du nî sîsenūsa. Khoesi kurus ge hoaǁae ra dawa. Supu tama i ge hâ, ǀasa xūn ǃoa dawasa. Xawe Jehovab tsî nau ǃgâsan di huib ǀkha. Da ge nî supubahe dawasa. Tsî da ge nî ǃgâiaǂgao Elobmîsa da ga ǁkhāǁkhā o. ǀGui aimâba-ao i ge mî khami. Nē ǀgaub hîna ra sîsenūheb ge. Elobmîsa ra “ǁkhāǁkhāhe khoe-i. Tsî Elobmîsa ra ǁkhāǁkhā ǃgâsan tsîna ǃgâise ra tsâ kai.”

14. Tae-e da nî ǂâihō ǃgâhe tama da hâ, ǃkhaigu tawa da ga ra aoǁnâ o. Tsî matis 1 Korinteǁîn 3:6, 7 sa ra ǂkhâǃnâ da?

¹⁴ Sida ra hâ ǀkhāb ai i ge ǀnîsi a ǃgom. Elobmîsa khoena ǁkhāǁkhāsa. ǀNî khoen ge sida di haisi-amsa ǃgâ ǂgao tama hâ. O, tae-e nî hui da, î da ǂgom ǀgara. ǁNāti i khoen tsîn Elobmîs haisi-amsa nî ǃgâsa. ǂÂis ǃnâ ūhâ re, khoen di mâsigu tsîn ǃhaese a dawa ǁkhāsa. Nē ǁgai ǃhūbaib ǃnâ. Tsîn khoen hîna ge ǂguro ǃgâ ǂgao tama hâ în. Tsîn nî ǂanǃgâsa Elob di daoǁgausan. ǁÎn di ûib ǃnâ ǂhâ hâsa. (Mat. 5:3) ǀNî khoen hîna ge ǃkharu ge ǁaeb ǃnâ. Sida di ǂkhanina ū ǂgao tama hâ in ge. Ega Elobmîs ǁkhāǁkhāsa ra ūǃoa. ǂAn da as ge, Jehovab ge khoena amaba ǃoa ra ǂgae. (Mat. 9:38) ǁÎb ge ǂhâba hâ. Î da aiǃgû tsî ǂgā tsî ǂnâ. Xawe ǁîb ge kai kais di ǃereamsa ūhâ. (1Kor. 3:6, 7) Matikō khoena da ra huis. Tamas ka io matikō ǂkhanin. Tsî ham-e da ra ǁkhāǁkhās ge ǃgôa tama hâ. Xawe da ge kaise ra ǂkhâǃnâhe ǂansa, Jehovab nî ǀkhae da ǃkhaisa. Dītsâ tsî da ga khoena ga ra hui o. *

15. Jehovaba mati ra tsâ khoe-i ga Elobmîsa ǁkhāǁkhāsen tsoatsoa tsî ûiǂui o?

¹⁵ Jehovab ge ra ǂkhî mûb ga ra o. Khoe-i Elobmîs amaba ūǃoa. Tsî ǁnā amaba nau khoen ǀkha ra ǀgoragu o. (ǂKhm. 23:15, 16) Tsî Jehovab ge ǂkhîb xa ra ǀoahe. Mûb ga ra o, ǁîb khoen ôasase aoǁnâ. Tsî ra ǁkhāǁkhā o nētsē. Aiǁgause, î ge ǃhūbaib ǂhawase Coronasa hâ i o. 2020ǁÎ kurib ǃnâ, xawe î ge 7 705 765 Elobmîs ǁkhāǁkhāde gere dīhe. Tsî 241 994 khoena ge hui. În ǁîn di ûiga Jehovab ai māǁnâ tsî ǁāǁnâ kaisen. Nē ǀasa ǁkkhāǁkhāsaben tsîn ge Elobmîsa ge ǁkhāǁkhā tsoatsoa. Tsîn ge ǁnās ǃnâ-ū ǃnāsa ǁkhāǁkhāsabena ge dī. (Luk. 6:40) ǂGom da ge ra, Jehovaba da ra ǂkhî kaisa. Khoena da ga ǁkhāǁkhā. Tsî ga ra ǁkhāǁkhāsabedī o.

16. Tae-e a ǃgâi mîǁgui?

¹⁶ ǁKhāǁkhāsabe di sîsen-i ge a ǃgom. Xawe da ge Jehovab di huib ǀkha sida ǃâ-e a ǀhuru ǁkhā. Tsî ǀasa ǃgâsana a ǁkhāǁkhā ǁkhā. În sida di ǀhomsi Paba ǀnam. Mîǁgui-e da a dī ǁkhā, î da ǀgui khoe-e Elobmîsa ǁkhāǁkhā? Buru da ge nî, tae-i nî isa? ǀHao ū da ra khoen hoana da ga dî o. Elobmîsan sida ǀkha ǁkhāǁkhāsen ǂgao tama hâsa. ǂGomǃgâ ǁkhā da ge a. Jehovab ge sida di dītsâde nî ǀkhae.

17. Mati da nî tsâ Elobmîs ǁkhāǁkhāsa da ga dī ǁkhā o?

¹⁷ Kai aiǂhanub ge khoena amaba aoǁnâba. Tsî ǁkhāǁkhās tsîna. Nē sîsen i ge amabes ǃnâ ra ǃgâiaǂgao kai da. Apostel Paulub hîna ge Tesalonikas ǃnâ ǂguina a huib. În ǁkhāǁkhāsabe kain. Ge ǁîb di tsâsiga. Nē ǀgaub ǃnâ gere ǁguiǃā: “Mâ-e kha sige ǃâubasen-e, tsî ǃgâiaǂgao-e, tsî sige koasens di kron-e? Sa tamado kha ǁîdo ǃKhūb Jesub Xristub aiǃâ ǁîb di hās ǃnâ? Ā, sadu kom a sige ǂkhaisi tsî ǃgâiaǂgao-o.” (1Tes. 2:19, 20; ǃNǃkh. 17:1-4) ǂGuin ge nētsē ǁnā ǀgaub ǃnâ ra tsâ. Stéphanie di ǀon hâ ǃgâsas tsî ǁîs aob. Tsîn ge ǂgui khoena ge hui, în ǁāǁnâhe. ǁÎs ge nēti ra mî: “Kai ǂkhî i ge a ǀkhai khoena huisa. În Jehovab kōse māǁnâsen.”