1. Unam­mil­ler­neq qanoq kinguneqarsin­naava?

NALITSIN­NI inup­pas­suit nam­minis­sarsiorlutik unam­mil­leqatigiit­tar­put. As­sersuutigalugu sulif­fiutil­lip unam­mil­ler­timinit iluatsitsil­luar­nerujumal­luni soq­qusaatsumik periaaseqarsin­naavoq. Timersor­tar­tup ajugaajumal­luni unam­mil­ler­tini piaaraluni ajoqusersin­naavaa. Ilin­niar­torlu universitetimut tusaamasaal­luar­tumut ilin­niar­tutut tigusaajumal­luni peq­quserlut­tuliorsin­naavoq. Kristumiuugat­ta nalun­ngilar­put iliuutsit taamaat­tut eq­qun­ngitsulior­nerusut, ‘uin­ngum­mi suliaanut’ ilaap­put. (Gal 5:19-21) Im­maqali ilagiin­niit­tut ilaat piaarinatik arlaatigut unam­mil­ler­put. Taamaat­toqan­ngin­nis­saa eq­qumaf­figisariaqar­par­put, ilagiin­nimi unam­mil­ler­toqaler­pat qatan­ngutigiis­suar­ni avis­saar­tuut­toqalersin­naavoq.

2. Al­laaserisami matumani suut sam­mis­savagut?

² Al­laaserisami matumani sam­mis­savagut pis­susipalaat up­peqatitsin­nik unam­mil­lersitsilersin­naasut. Aam­ma angutit ar­nal­lu Biibilip nalaani inuusut aalajaatsut im­minut pingaar­tip­pal­laan­ngitsut sam­mis­savagut. Sam­meq­qaariar­tiguli sunik pis­sutiginiagaqar­nerluta qanoq paasisin­naagip­put.

3. Apeq­qutit suut eq­qarsaatigisariaqar­pagut?

³ Pis­sutiginiak­kagut ilaan­nik­kut misis­sor­tariaqar­pagut, soorlu apeq­qutit uku eq­qarsaatigalugit: ‘Al­lanut sanil­liul­lunga im­minut naliler­tar­punga? Pik­korin­ner­paajorusuk­kama qatan­ngutil­luun­niit ilaan­nit pitsaanerorusuk­kama ilagiin­ni  ilungersor­tar­punga? Imaluun­niit pitsaaner­paaq Jehovamut tun­niuk­kusuk­kak­ku ilungersor­punga?’ Sooq apeq­qutit taak­ku eq­qarsaatigisariaqar­pagut? Taman­na Guutip oqaasiani akineqar­poq.

4. Sooq al­lanut sanil­liun­naveersaas­saagut? (Galatiamiut 6:3, 4)

⁴ Biibilimi kajumis­saar­neqar­pugut al­lanut sanil­liun­naveersaas­sasugut. (Galatiamiut 6:3, 4 atuakkit). Sooq? Al­lanit pik­korin­nerusorilerut­ta makitasuun­ngorsin­naagat­ta. Sanil­lius­sinitsin­nilu al­lat uagutsin­nit pik­korin­nerusorigutsigit nikal­lorsin­naavugut. Tas­sa al­lanut sanil­liun­neq silatusaar­nerun­ngilaq. (Rom 12:3) Qatan­ngut ar­naq Grækenlandimiu Katerinamik * atilik ima oqar­poq: “Pin­ner­nerusorisan­nut, oqaluus­sil­laq­qin­nerusorisan­nut ikin­ngutitaal­laq­qin­nerusorisan­nul­lu im­minut sanil­liut­tar­nikuuvunga. Tamatuma kingunerisaanik naleqan­ngitsutut misigisar­punga.” Eq­qaamasariaqar­par­put Jehovap im­minut kajungilersik­kaatigut taas­sumin­nga asan­nin­ner­put Er­neranul­lu naalak­kusun­ner­put pis­sutigalugit, imaan­ngitsoq pin­nersuugat­ta, oqal­loris­suugat­ta nuan­narineqar­tuugat­taluun­niit. – Joh 6:44; 1 Kor 1:26-31.

5. Hyunip misigisaanit suna ilik­kar­piuk?

⁵ Una aam­ma eq­qarsaatigisariaqar­par­put: ‘Eq­qis­sisitsiniar­tar­tutut imaluun­niit isumaqatigiin­ngis­suteqakulasutut ilisimaneqar­punga?’ Qatan­ngutip Hyunimik atil­lip Koreami Kujal­lermi najugal­lip misigisaa as­sersuutigisin­naavar­put. Ilagiin­ni im­mik­kut pisin­naatitaaf­fil­lit sior­natigut unam­mil­ler­timisut isigisarsimavai. Ima oqar­poq: “Qatan­ngutit taak­ku isor­nar­torsior­tar­pak­ka oqaasiilu isumaqatigin­ngikulasarlugit.” Taamaat­tar­nera qanoq kinguneqar­pa? Ima nas­suer­poq: “Taamatut pis­suseqar­nera ilagiin­ni avis­saar­tuutsitsivoq.” Hyun ajor­nar­torsiutiminik paasin­nis­sin­naaq­qul­lugu ikin­ngutaasa ikior­paat. Hyun al­lan­nguivoq ul­lumik­kul­lu utoq­qaaner­taal­luar­tuul­luni. Eq­qis­sineq siuarsar­nagu im­minut pingaar­tip­pal­laalersimal­luta paasigutsigu iliuuseqapal­lat­tariaqar­pugut.

6. Galatiamiut 5:26-mi eq­qaaneqar­tutut pis­susipalaat suut im­minut pingaar­tip­pal­laalersitsisin­naap­pat?

⁶ Galatiamiut 5:26 atuaruk. Pis­susipalaat suut im­minut pingaar­titsival­laalersitsisin­naap­pat? Ilaat tas­saavoq nam­minis­sarsiorneq. Inuk nam­minis­sarsior­tuusoq makitasuul­lunilu im­minuin­naq eq­qarsaatigisar­poq. Pis­susipalaaq al­la tas­saavoq sin­nganeq. Inuup sin­ngatuup al­lap pigisaa pigerusul­lugu arsaarusut­tar­paa. Tas­sa sin­nganeq uumigin­nin­neruvoq. Pis­susipalaat taamaat­tut pis­susererusun­ngil­luin­nar­pagut.

7. Nam­minis­sarsior­neq sin­nganerlu sumut as­sersuun­neqarsin­naap­pat?

⁷ Nam­minis­sarsior­neq sin­nganerlu tim­misar­tup orsuanik mingutsitsisar­tunut as­sersuun­neqarsin­naap­put. Tim­misar­toq qangat­tareeraluarluni orsuata mingutsin­neqar­nera pis­sutigalugu motoori unit­toor­pat tim­misar­toq nak­kas­saaq. Taamatut­taaq inuk Jehovamut kif­far­tor­nermini nam­minis­sarsior­neq sin­nganerlu pis­sutiginiagarigunigit naggataatigut ‘ajunaas­saaq’. (Uss 16:18) Tas­sa Jehovamut kif­far­torun­naarlunilu im­minut ajoqusis­saaq al­lal­lu ajoquserlugit. Taavami qanoq nam­minis­sarsior­naveersaarlutalu sin­ngatunaveersaarsin­naavugut?

8. Qanoq nam­minis­sarsior­naveersaarsin­naavugut?

 ⁸ Nam­minis­sarsior­naveersaarsin­naas­saagut Paulusip Filip­pimiunut siun­nersuutaa una malit­tarutsigu: “Nam­minis­sarsior­neq im­minul­luun­niit angisuutin­neq tun­ngavigalugit iliuuseqar­taqinasi, makitajuitsuunis­sigul­li al­lat ilis­sin­nit an­nerutis­sigit.” (Fil 2:3) Al­lat uagutsin­nit pingaar­nerusutut isigigutsigit uagutsin­nit arlaatigut pik­korin­nerusut unam­mil­ler­nagit qutsatiin­nas­savagut – ingam­mik pigin­naanitik Jehovamut kif­far­tor­nermin­ni taas­sumun­nga ataq­qinaataatip­patigit. Qatan­ngutigul­lu pik­koris­sut Paulusip siun­nersuutaa malik­kunik­ku aam­ma uagut pigin­naanigut nuan­nersut qujamasuutigis­savaat. Taamaaliorut­ta tamat­ta ilagiin­ni eq­qis­seqatigiil­lutalu ataasius­suseqatigiis­saagut.

9. Sin­ngaq­qajaaneq qanoq akiorsin­naavar­put?

⁹ An­neruniajuis­suseq ineriar­tor­tik­kutsigu, tas­sa pisin­naasat­ta kil­leqar­nerat nas­suerutigigutsigu, sin­ngaq­qajaaneq akiorsin­naas­savar­put. An­neruniajuik­kut­ta al­lanit pik­korin­neruniarsarinata uagutsin­nit pik­korin­nerusut ilin­niarfigerusus­savagut. As­sersuutigalugu qatan­ngut angut ilagiin­ni oqalugial­laq­qis­suusoq oqalugiaatis­sani qanoq piareersar­tar­nerai aperisin­naavar­put. Qatan­ngut ar­naq iggaris­suup­pat iganermut tun­ngasunik taas­suman­nga siun­nersor­tik­kumasin­naavugut. Qatan­ngutip inuusut­tup ikin­ngutitaar­niar­neq saper­nar­tik­kuniuk ikin­ngutitaal­laq­qis­sumut siun­nersoq­qusin­naavoq. Taamaalior­tarut­ta pineqar­tut pik­korif­figinerulersin­naavagut sin­ngatunaveersaarlutalu.

10. Gideoni sunik nalaataqar­pa?

¹⁰ Gideoni, naggueqatigiin­nit Manas­sek­kun­neersuusoq, aam­ma angutit naggueqatigiin­nit Efraimik­kun­neersuusut pil­lugit oqalut­tuaq misis­soriar­tigu. Gideoni sak­kutuuilu 300-t Jehovamit ikior­neqarlutik ajugaarujus­suar­put, taman­nalu makitasuun­nguutigisin­naagaluar­paat. Efraimik­kut Gideoni  or­nip­paat nersualaar­niar­nagu ap­pisaluuk­kiar­torluguli. Guutip akeraanut sorsun­nermi Gideonip aal­laq­qaam­mut peqatiserin­ngim­matik ajual­lal­lutil­lu kamap­put. Efraimik­kut naggueqatimik ataq­qineqar­nis­saa pingaar­tip­pal­laaramik­ku pingaar­nerusoq – tas­sa Gideonip Jehovap aq­qa ataq­qinarsisil­lugulu in­nut­taanik il­lersuisimanera – puior­paat. – Eqq 8:1.

11. Gideoni Efraimik­kun­nut qanoq oqar­pa?

¹¹ Gideoni Efraimik­kun­nut maniguul­luni ima oqar­poq: “Uanga naam­mas­sisara suugami ilis­si naam­mas­sisas­sin­nut naleq­qiul­lugu?” Taava Gideonip taak­kua Jehovamit ajugaatin­neqarsimanerat eq­qaavaa. Oqaasiilu Efraimik­kut eq­qis­sis­sutigalugil­lu ‘kamak­kun­naas­sutigaat’. (Eqq 8:2, 3) Gideonip im­minut pin­nani Guutip in­nut­taasa eq­qis­seqatigiin­nis­saat pingaar­ner­paatip­paa.

12. Efraimik­kun­nit Gideonimil­lu suut ilin­niar­pagut?

¹² Oqalut­tuaq qanoq ilin­niarfigisin­naavar­put? Efraimik­kut eq­qarsar­taasianit paasivar­put im­minut pingaar­tip­pal­laar­nata Jehovap ataq­qineqar­nis­saa pingaar­nerutis­sagip­put. Ilaqutariin­ni it­tuugut­ta utoq­qaaner­taagut­taluun­niit Gideoni ilin­niarfigisin­naavar­put. Arlaata iliuuser­put ajual­laatigisimap­pagu paasiniar­tariaqar­par­put sooq taamatut misiginersoq. Aam­ma iliuuserisimasai nuan­nersut pil­lugit nersualaarsin­naavar­put. Taamaalius­sagut­ta maniguut­tuusariaqar­pugut, ingam­mik nalun­ngik­kutsigu ajual­laatigisin­naasaan­nik iliuuseqar­nikuunata. Eq­qis­seqatigiin­nerli an­neruniar­nermit pingaaruteqar­nerungaar­poq.

13. Han­nap suna ajor­nar­torsiutigaa, qanorlu ilior­pa?

¹³ Hannap misigisaa sam­meriar­tigu. Han­nap uia Elkana Levik­kuusoq marlun­nik nuliaqar­poq. Nuliata aap­paa Penin­namik ateqar­poq, Elkanal­li Han­na taas­suman­nga asaneruaa. ‘Penin­nali qitor­naqar­poq, Han­nalu er­nisuitsuuvoq’. Taman­na pis­sutigalugu Penin­nap Han­na ‘narrunarsar­tar­paa’ misigis­sutsik­kut an­nersit­tarlugu. Taamaalior­tar­nera Han­nap aliasuutigingaar­paa. ‘Qial­lunilu neriuman­ngilaq.’ (1 Sam 1:2, 6, 7) Han­nal­li Penin­namut akiniaasarsimaneranik al­las­simasoqan­ngilaq. Misigis­sutsinili Jehovamut aniatip­pai ikiorumaaraanilu up­peralugu. Penin­nap Han­namut periaatsini al­lan­ngor­tip­paa? Biibilimi taman­na al­laatigineqan­ngilaq. Nalun­ngilar­pul­li Han­na qamuuna eq­qis­sisimalerlunilu ‘isik­kumigut aliasup­paluk­kun­naar­toq’. – 1 Sam 1:10, 18.

14. Han­na qanoq ilin­niarfigaar­put?

¹⁴ Han­na qanoq ilin­niarfigisin­naavar­put? Arlaata unam­mil­ler­niar­patit eq­qaamajuk il­lit nam­mineq qanoq ilius­sanerlutit aalajangersin­naagak­ku. Unam­mil­lerfigisariaqan­ngilat. Ajor­toq ajor­toqataanik akinagu inuk  pineqar­toq eq­qis­seqatiginiarsariuk. (Rom 12:17-21) Pis­sutsini al­lan­ngor­tin­ngik­kaluar­paguluun­niit il­lit qamuuna eq­qis­sisimas­saatit.

15. Apol­losi Paulusilu sutigut im­min­nut as­singup­pat?

¹⁵ Kiisalu ajoqersugaq Apollosi aam­ma apustili Paulusi qanoq ilin­niarfigisin­naagigut sam­meriar­tigu. Taak­ku marluul­lutik Al­lak­kanik Il­ler­nar­tunik ilisimasaqarluar­put. Ilin­niar­titsisutut pik­koril­lutil­lu sun­niuteqarluar­put, amerlasuunil­lu ajoqersugan­ngor­titsisimap­put. Im­min­nul­li sin­ngagin­ngil­lat.

16. Apol­losi inut­tut qanoq it­tuua?

¹⁶ Apol­losi ‘Alexandriamiuuvoq’, tas­sanilu ilin­niar­nis­samut periarfis­sar­pas­suaqar­poq. Oqal­loris­suuvoq “Al­lak­kal­lu ilisimal­luarlugit”. (ApS 18:24) Apol­losip Korinthimiin­nerani ilagiin­niit­tut ilaasa ersersip­paat taan­na qatan­ngutinit al­lanit, aam­ma Paulusimit, nuan­narinerul­lugu. (1 Kor 1:12, 13) Apol­losi taak­kunatut avis­saar­tuutsitsisar­pa? Ilimanan­ngilaq. Al­las­simavormi Apol­losi Korinthimit qimagutereersoq Paulusip uteq­qul­lugu kajumis­saaraa. (1 Kor 16:12) Paulusip Apol­losi ilagiin­nik avis­saar­tuutsitsisimasoriguniuk uteq­qusimanavian­ngik­kaluar­paa. Erseq­qip­poq Apol­losip pik­korif­fini ajun­ngitsumik ator­tarsimagai, tas­sa tusagas­saq nuan­nersoq oqaluus­sis­sutigisar­paa up­peqatinilu nakus­satsit­tarlugit. Apol­losi aam­ma maniguut­tuusimas­saaq. As­sersuutigalugu Akvilamit Priskil­lamil­lu ‘Guutip aq­qutigeq­qusaanik sukumiinerusumik nas­suiaan­neqarami’ ajual­las­simaneranik al­las­simasoqan­ngilaq. – ApS 18:24-28.

17. Paulusi qanoq avis­saar­tuutsitsinaveersaar­tar­pa?

¹⁷ Apol­losip kif­far­torluarsimanera apustilip  Paulusip ilisimal­luar­paa. Paulusil­li unam­mil­ler­timisut isigin­ngilaa. Paulusip maniguun­nera, an­neruniajuin­nera ingasaas­sinian­ngin­neralu Korinthimiunut siun­nersuutaanit erser­put. Inuit ima oqar­tar­nerat nuan­narin­ngilaa: “Uanga Paulusimut atavunga.” Jehovali Guuti aam­ma Jiisusi Kristusi ataq­qinarsisik­kusup­pai. – 1 Kor 3:3-6.

18. Apol­losi Paulusilu qanoq ilin­niarfigaagut? (1 Korinthimiut 4:6, 7)

¹⁸ Apol­losi Paulusilu qanoq ilin­niarfigaagut? Im­maqa Jehovamut kif­far­tor­nermi aal­lus­sil­luarlutalu amerlasuut Nalunaajaasun­ngor­nis­saan­nut ikiorsimavagut. Nalun­ngilar­pul­li Jehovamit pil­luaq­quneqan­ngik­kut­ta taamaaliorsin­naanata. Aam­ma Apol­losi Paulusilu al­latigut ilin­niarfigaagut, tas­sa ilik­kar­par­put ilagiin­ni akisus­saaf­feqar­tut eq­qis­seqatigiis­sitsinis­samut periarfis­saqar­nerusut. Qujamasungaar­tar­pugut angutit akisus­saaf­fil­lit siun­nersuutitik Guutip oqaasianik tun­ngaveqar­tik­kaangatigit Jiisusilu Kristusi im­min­nit pingaar­tin­nerugaangas­suk. Taamaalioraangamik ilagiin­ni eq­qis­seqatigiin­neq ataasioqatigiin­nerlu siuarsar­tar­paat. – 1 Korinthimiut 4:6, 7 atuakkit.

19. Tamat­ta susin­naavugut? (Aam­ma takuuk ungalusaq “ Unam­mil­ler­naveersaar­tuugit”).

¹⁹ Tamat­ta arlaatigut pik­korif­feqar­pugut. Pik­korif­figut ‘kif­far­tuuteqatigiin­nitsin­ni’ atorsin­naavagut. (1 Petr 4:10) Im­maqa misigivugut sun­niuteqar­pal­laar­nata. Eq­qaamajul­li atisat kusanar­tut kilunit amerlasuunit ataqatigiis­sin­neqar­tar­tut. Taamaat­tumik iliuuserisin­naasat qanorluun­niit an­nikip­pasitsigigaluar­pat ilagiin­ni eq­qis­seqatigiin­nis­samut iluaqutaas­saaq. Tamat­ta ilungersorluta unam­mil­ler­naveersaar­tuusa. Aam­ma ilagiin­ni eq­qis­seqatigiin­neq ataasioqatigiin­nerlu siuarsar­niarlugit sapin­ngisatsin­nik iliuuseqar­tuar­nis­sar­put aalajangiusimatigu. – Ef 4:3.