1. Σο αβέλα-πες κάνα μερικά τζενέ τζάνα κόντρα ι γιαβερέντζαρ;

ΑΝΤΙΒΕΣ, μπουτ τζενέ ντικχένα σάντε πουμαρό νεαυτός ντα τζάνα κόντρα ι γιαβερέντζαρ. Εκ επιχειρηματίας μπορεί τι μανγκέλα τι τθερέλ πιο μπαρί επιτυχία εκχέ γιαβερέσταρ ντα αντικάς τι τζάλα λέσαρ κόντρα. Εκ αθλητής μπορεί τι ντελ επίτηδες εκχέ τζενές κατά γιαβέρ ομάδα για τι κερδίνελ ο αγώνας. Εκ μαθητής μπορεί τι αντιγραφίνελ κο διαγώνισμας για τι νακχέλ εκχέ λατσσέ πανεπιστημιόστε. Σαρ Χριστιανοί, αγαβάσα ότι ασακέ πράγματα ισί λάθος. Ισί αντρέ κο «πράγματα σο κερέλα ο σώμας». (Γαλ. 5:​19-21) Αλλά αβέλα-πες μερικά πφραλά ντα πφενιά τι τζαν κόντρα ο εκ ι γιαβερέσαρ αντρέ κι κχανγκιρί χωρίς τι αγαβέν-λες; Ανταγιά ερώτηση ισί σημαντική σόσκε, άμα ο πφραλά ντα ο πφενιά τζάνα κόντρα ο εκ ι γιαβερέσαρ, να κα αβέλ ενωμέ η κχανγκιρί.

2. Σο κα ντικχάς ανταλέ μαθημάστε;

² Ανταλέ μαθημάστε, κα ντικχάς ο μπέτι ιδιότητες σο κερένα-αμέν τι τζας κόντρα αμαρέ πφραλέντζαρ. Επίσης, κα ντικχάς ο παράδειγμας πιστέ μουρσένγκο ντα τζουβλίνγκο κατά Γραφή, σο να γκιλέ κόντρα ι γιαβερέντζαρ. Πρώτα, κα ντικχάς σο τσσίντελα-αμέν τι υπηρετίνας ι Ιεχωβάς.

3. Καλά ερωτήσεις πρέπει τι κεράς αμαρέ νεαυτόσκε;

³ Μπάζιμα, ισί λατσσό τι σκεφτίνας σο τσσίντελα-αμέν τι υπηρετίνας ι Ιεχωβάς. Κα μπορίναας τι πουτσάς αμαρό νεαυτός: “Μήπως νιωθίναβα λατσσές σάντε κάνα σκεφτίναβα ότι ισινόμ πιο λατσσό εκχέ γιαβερέσταρ; Μήπως κεράβα μπουτ πράγματα αντρέ κι κχανγκιρί επειδή μανγκάβα τι αβάβ ο πιο λατσσό σαριλένταρ ή μπάριμ τι αβάβ πιο λατσσό εκχέ συγκεκριμέ  πφραλέσταρ ή πφενιάταρ; Ή κεράβα μπουτ πράγματα σάντε για τι νταβ ο πιο λατσσό κο Ιεχωβά;” Σόσκε πρέπει τι κεράς αμαρέ νεαυτόσκε ανταλά ερωτήσεις; Ντικχέν σο βακερέλα ο Λάφι ι Ντεβλέσκο.

4. Σόσκε δεν πρέπει τι συγκρίνας-αμέν ι γιαβερέντζαρ σαρ βακερένα ο εδάφια Γαλάτες 6:3, 4;

⁴ Η Γραφή βακερέλα αμένγκε μα τι συγκρίνας-αμέν ι γιαβερέντζαρ. (Διαβάνεν Γαλάτες 6:3, 4) Σόσκε; Εκ λόγος ισί ότι, άμα πακιάσα ότι κεράσα πιο λατσσές ο πράγματα αμαρέ πφραλένταρ, μπορεί τι αβάς μπαρικανέ. Αλλά άμα πακιάσα ότι αμαρέ πφραλά κερένα πιο λατσσές ο πράγματα αμένταρ, κα χασαράς αμαρί ζορ. Σο-ντα τι πακιάσα, να κα σκεφτίνας λογικά. (Ρωμ. 12:3) Η Κατερίνα, * εκ πφεν σο τζουβντιόλα κι Ελλάδα, βακερέλα: «Συγκρίναβας-μαν γιαβερέ πφενίντζαρ σο ντικχίντιβενας πιο σουκάρ, ισινέ πιο λατσσέ κο έργος ντα κερένας πιο εύκολα αμαλέν. Οτθάρ, νιωθίναβας άχρηστη». Πρέπει τι ντας-αμέν γκοντί ότι ο Ιεχωβά ταρτιντάς-αμέν πασέ πέστε, όχι επειδή ισινάμ σουκάρ, κεράσα λάφι λατσσές ή τζανένα-αμέν μπουτ τζενέ, αλλά επειδή μανγκάσα τι σικαβάς λέσκε αμαρί αγάπη ντα τι ντας καν λέσκε Τσσαβέστε.​—Ιωάν. 6:​44· 1 Κορ. 1:​26-31.

5. Σο σικλιόνα κατά πφραλ Χιουν;

⁵ Κάτι γιαβέρ σο μπορίνασα τι πουτσάς αμαρό νεαυτός ισί ακαβά: “Τζανένα-μαν ο γιαβερά σαρ εκ τζενό σο κερέλα ειρήνη ι γιαβερέντζαρ ή σαρ εκ τζενό σο χάλα-πες ο πιο μπουτ φαρ ι γιαβερέντζαρ;” Ντικχέν σο αβιλό-πες κο πφραλ Χιουν σο τζουβντιόλα κι Νότια Κορέα. Πακιάλας ότι μερικά πφραλά σο τθερένας βον-ντα ευθύνες κι κχανγκιρί τζάνας λέσαρ κόντρα. Βοβ βακερέλα: «Σο-ντα κερένας οντουλά πφραλά αρακχάβας λάθη ντα μπουτ φαρ να συμφωνίναβας οντουλέντζαρ σο βακερένας». Σο αβιλό-πες; «Ανταβά σο κεράβας αντάς διχόνοια κι κχανγκιρί», βακερέλα. Μερικοί λέσκε αμαλένταρ βοηθιντέ-λες τι αγαβέλ πο πρόβλημας. Ο Χιουν κερντάς ο αλλαγές σο έπρεπε τι κερέλ ντα ακανά ισί εκ μπουτ λατσσό πρεσβύτερος. Άμα ντικχάσα ότι νικιόλα αμένταρ πιο εύκολα τι τζας κόντρα ι γιαβερέντζαρ αντίς τι ανάς ειρήνη, πρέπει τι αλλάνας σουγκό.

6. Καλά μπέτι ιδιότητες κερένα-αμέν τι τζας κόντρα ι γιαβερέντζαρ σαρ βακερέλα ο εδάφιος Γαλάτες 5:26;

⁶ Διαβάνεν Γαλάτες 5:​26. Καλά μπέτι ιδιότητες μπορίνενα τι κερέν-αμέν τι τζας κόντρα ι γιαβερέντζαρ; Εκ ιδιότητα ισί ο μπαρικανιπέ. Εκ μπαρικανό τζενό ντικχέλα σάντε πο νεαυτός. Εκ γιαβέρ ιδιότητα ισί η ζήλια. Ο τζενό σο ζηλίνελα, όχι σάντε μανγκέλα κάτι σο τθερένα ο γιαβερά, αλλά μανγκέλα μα τι τθερέν-λες ο γιαβερά-ντα. Οτθάρ, εκ τζενό σο ζηλίνελα εκχέ γιαβερές κι πραγματικότητα μισίνελα-λες. Πρέπει τι κεράς σο νακχέλα αμαρέ βαστένταρ για τι νασκιαράς αντρ’ αμένταρ ανταλά μπέτι ιδιότητες!

7. Βακερέν εκ παράδειγμας σο σικαβέλα ο ζιάνι σο μπορεί τι κερέλ ο μπαρικανιπέ ντα η ζήλια.

⁷ Ο μπαρικανιπέ ντα η ζήλια ισί σαρ ο σκουπιδάκια αντρέ κι βενζίνη εκχέ αεροπλανόσκι. Ο αεροπλάνος μπορεί τι ιριάλ, αλλά οντουλά σκουπιδάκια μπορεί τι χαλαβέν ι μηχανή χάνικ πριν τι γουλίλ ο αεροπλάνος, ντα αντικάς τι περέλ. Εκ τζενό-ντα μπορεί τι υπηρετίνελα ι Ιεχωβάς. Άμα όμως τθερέλα αντρέ πέστε μπαρικανιπέ ή ζήλια, κα αβέλ καταστροφή. (Παρ. 16:​18) Κα τσσιναβέλ τι υπηρετίνελ ι Ιεχωβάς ντα κα κερέλ ζιάνι εμ πέσκε εμ ι γιαβερένγκε. Αλλά σαρ μπορίνασα τι αρακχαβάς-αμέν κατά μπαρικανιπέ ντα κατά ζήλια;

8. Σαρ μπορίνασα τι νασκιαράς αντρ’ αμένταρ ο μπαρικανιπέ;

⁸ Μπορίνασα τι νασκιαράς αντρ’ αμένταρ ο μπαρικανιπέ άμα κα κεράς ι συμβουλή σο  ντινάς ο απόστολος Παύλος κο Φιλιππησίους: «Μα τι κερέν τίποτα επειδή μανγκένα τι χαν-τουμέν ή από εγωισμός, αλλά με ταπεινότητα τι πακιάν ότι ο γιαβερά ισί πιο σημαντικοί τουμένταρ». (Φιλιπ. 2:3) Άμα πακιάσα ότι ο γιαβερά ισί πιο σημαντικοί αμένταρ, να κα τζας κόντρα οντουλέντζαρ σο μπορεί τι τζανένα τι κερέν μερικά πράγματα πιο λατσσές αμένταρ. Οκιά μπάνταρ, κα χαιρίνας λένγκε, ντα πιο μπουτ άμα χρησιμοποιήνενα οντουλά σο τζανένα τι κερέν για τι υπηρετίνεν ι Ιεχωβάς ντα τι ντεν-λες δόξα. Επίσης, άμα ο πφραλά ντα ο πφενιά σο τζανένα τι κερέν λατσσές μερικά πράγματα, κερένα ι συμβουλή ι Παυλόσκι, κα ντικχέν αμαρέ λατσσέ ιδιότητες. Αντικάς, σαρέ κα βοηθίνας τι τθερέλ ειρήνη ντα τι αβέλ ενωμέ η κχανγκιρί.

9. Σο μπορίνασα τι κεράς για τι αρακχαβάς-αμέν κατά ζήλια;

⁹ Μπορίνασα τι αρακχαβάς-αμέν κατά ζήλια άμα κα αγαβάς ότι μερικά πράγματα ναστί κεράσα-λεν λατσσές. Άμα ισινάμ ταπεινοί, να κα προσπαθίνας τι σικαβάς ότι τζανάσα τι κεράς μερικά πράγματα πιο λατσσές σαρέ κατά γιαβερά. Οκιά μπάνταρ, κα προσπαθίνας τι σικλιάς οντουλένταρ σο τζανένα τι κερέν μερικά πράγματα πιο λατσσές αμένταρ. Για παράδειγμας, βακερέν ότι εκ πφραλ κι κχανγκιρί κερέλα μπουτ λατσσέ ομιλίες. Κα μπορίναας τι πουτσάς-λες σαρ προετοιμάνελα πο ομιλίες. Άμα εκ πφεν τζανέλα τι κερέλ λατσσές χαμπέ, κα μπορίναας τι μανγκάς λάταρ τι σικλιαρέλ αμέν-ντα τι κεράς λατσσές χαμπέ. Άμα εκ τερνό πφραλ δυσκολίντιβελα τι κερέλ αμαλέν, κα μπορίνελας τι μανγκέλ βοήθεια εκχέ πφραλέσταρ σο κερέλα εύκολα αμαλέν. Κάνα κεράσα ανταλά πράγματα, να κα ζηλίνας ντα κα σικλιάς τι κεράς μερικά πράγματα πιο λατσσές.

10. Σο πρόβλημας τθερέλας ο Γεδεών;

¹⁰ Σκεφτίνεν σο αβιλό-πες κο Γεδεών, σο ισινέ κατά φάρα του Μανασσή, ντα κο μουρσά κατά φάρα του Εφραΐμ. Ι Ιεχωβάσκε βοηθειάσαρ, ο Γεδεών ντα λέσκε 300 μουρσά κερδιντέ εκ τζένγκι, σο κα μπορίνενας τι ισαρέν-πες ανταλέσκε. Ο μουρσά κατά Εφραΐμ γκιλέ κο Γεδεών, όχι για τι ισαρέν-λες,  αλλά για τι χαν-πες λέσαρ. Χολιασάλε σόσκε ο Γεδεών να λιντάς-λεν από την αρχή κο τζένγκι σο κερντάς ι Ντεβλέσκε ντουσμανίντζαρ. Οντουβά σο χάλας-λεν ανάγκη ισινέ τι ντιντιόλ δόξα λένγκε φαράτε. Αλλά μπισταρντέ ότι ο πιο σημαντικός ισινέ ότι ο Γεδεών αντάς δόξα κο ναβ κι Ιεχωβάσκο ντα αρακχαντάς λέσκε λαός.​—Κριτ. 8:1.

11. Σο βακερντάς ο Γεδεών κο μουρσά κατά Εφραΐμ;

¹¹ Ο Γεδεών βακερντάς ταπεινά κο μουρσά κατά Εφραΐμ: «Σο ισί οντουλά σο κερντόμ με ανγκλάλ οντουλέντε σο κερντέν τουμέν;» Σοράν, αντάς λένγκε γκοντιάτε σαρ βοηθιντάς-λεν ο Ιεχωβά τι κερέν σημαντικά πράγματα. Κάνα ο μουρσά ασουντέ-λες ανταβά, «ηρεμισάλε». (Κριτ. 8:2, 3) Ο Γεδεών ισινέ ταπεινός ντα αντικάς βοηθιντάς τι τθερέλ ειρήνη ο λαός ι Ντεβλέσκο.

12. Σο σικλιάσα κατά Εφραϊμίτες ντα κατά Γεδεών;

¹² Σο σικλιάσα ανταλέ ιστοριάταρ; Κατά Εφραϊμίτες σικλιάσα ότι δεν πρέπει τι χαλ-αμέν ανάγκη τι ντιντιόλ δόξα αμέντε αλλά πρέπει τι χαλ-αμέν ανάγκη τι ντιντιόλ σαρί η δόξα κο Ιεχωβά. Σαρ σορέ ι φαμιλίνγκε ντα πρεσβύτεροι, μπορίνασα τι σικλιάς κάτι σημαντικός κατά Γεδεών. Άμα εκ τζενό κα χολιάνελ εκχέ πραγμάσταρ σο κερντάμ, πρέπει τι προσπαθίνας τι αγαβάς σόσκε χολιασάλο οντουβά τζενό. Ντα μπορίνασα τι ισαράς οντουλέ τζενές εκχέ πραγμάσκε σο κερντάς. Πρέπει τι αβάς ταπεινοί για τι κεράς-λες ανταβά, ντα πιο μπουτ άμα οντουβά τζενό να τθερέλα δίκιος. Αλλά ισί πιο σημαντικός τι τζας-λεν λατσσές αμαρέ πφραλέντζαρ παρά τι σικαβάς ότι τθεράσα δίκιος.

13. Καγιά δυσκολία τθερέλας η Άννα, ντα σαρ νακχαντάς-λα;

¹³ Σκεφτίνεν επίσης ο παράδειγμας ι Αννάκο. Ισινέ παντριμέ εκχέ Λευιτίσαρ, ι Ελκανάσαρ, σο μανγκέλας-λα μπουτ. Αλλά ο Ελκανά τθερέλας εκχέ γιαβερέ-ντα ρομνιά, ι Φενιννά. Ο Ελκανά μανγκέλας ι Αννά πιο μπουτ κατά Φενίννα. Όμως, «η Φενίννα τθερέλας τσσαβέν, αλλά η Άννα να τθερέλας». Οντουλέσκε, η Φενίννα «πρασάλας μπουτ ι Αννά για τι στεναχωρίνελ-λα». Σαρ νιωθίνελας η Άννα; Στεναχωρίντιβελας μπουτ! “Ροβέλας ντα να χάλας”. (1 Σαμ. 1:2, 6, 7) Όμως, η Γραφή να βακερέλα ότι η Άννα προσπαθιντάς τι κερέλ ο ίδιος κι Φενίννα. Αντίς τι κερέλ-λες ανταβά, πουταρντάς πο γκι κο Ιεχωβά, ντα ισινέ σίγουρη ότι κα βοηθίνελας-λα. Αλλαξάλι η Φενίννα; Η Γραφή να βακερέλα. Τζανάσα όμως ότι η Άννα αρακχλάς πάλι ι ειρήνη σο τθερέλας αντρέ πέστε ντα ατσσικιαρντάς-λα. «Λάκο μούι να ντικχίντιβελας στεναχωριμέ».​—1 Σαμ. 1:​10, 18.

14. Σο σικλιάσα κατά Άννα;

¹⁴ Σο σικλιάσα κατά Άννα; Άμα εκ τζενό κα κερέλ κάτι για τι τζαλ τουμέντζαρ κόντρα, τι ντεν-τουμέν γκοντί ότι τουμαρέ βαστέστε ισί σο κα κερέν. Να ισινέν υποχρεωμέ τι τζαν λέσαρ κόντρα τουμέν-ντα. Αντίς τι κερέν κακός οντουλέ τζενέσκε σο κερέλα τουμένγκε κακός, προσπαθίνεν τι κερέν ειρήνη  λέσαρ. (Ρωμ. 12:​17-21) Ατζέ-ντα άμα να κα αλλάνελ, τουμέν κα ατσσικιαρέν ι ειρήνη σο τθερένα αντρέ τουμέντε.

15. Καλέ πραγματέντε μοιάζενας ο Απολλώς ντα ο Παύλος;

¹⁵ Τέλος, σκεφτίνεν σο σικλιάσα κατά μαθητής Απολλώς ντα κατά απόστολος Παύλος. Ο ντούι-ντα τζανένας μπουτ λατσσές ι Γραφή. Ο ντούι-ντα σικλιαρένας μπουτ λατσσές ντα τζανένας-λεν μπουτ τζενέ. Ντα ο ντούι-ντα βοηθιντέας μπουτέ τζενέν τι αβέν μαθητές. Αλλά να ζηλίνελας ο εκ ι γιαβερές.

16. Σο τζενό ισινέ ο Απολλώς;

¹⁶ Ο Απολλώς «ισινέ κατά Αλεξάνδρεια», σο αζομάν μπουτ τζενέ τζάνας οτθέ για τι σπουδάνεν. Κερέλας μπουτ λατσσέ ομιλίες ντα «τζανέλας μπουτ λατσσές ο Γραφές». (Πράξ. 18:​24) Κάνα ο Απολλώς υπηρετίνελας κι Κόρινθος, μερικά πφραλά κι κχανγκιρί σικαντέ ότι μανγκένας-λες πιο μπουτ γιαβερέ πφραλένταρ, σαρ ο Παύλος. (1 Κορ. 1:​12, 13) Μήπως ο Απολλώς αντάς ανταγιά διχόνοια; Ναστί νακχέλα αμαρέ γκοντιάταρ κάτι ασακό. Μάλιστα, εκ φαρ αφού ο Απολλώς νασλό κατά Κόρινθος, ο Παύλος βακερντάς λέσκε τι τζαλ πάλι οτθέ. (1 Κορ. 16:​12) Ο Παύλος να κα κερέλας-λες ανταβά άμα πακιάλας ότι ο Απολλώς ανέλας διχόνοια κι κχανγκιρί. Αγαβάσα ότι ο Απολλώς χρησιμοποιήνελας οντουλά σο τζανέλας τι κερέλ λατσσέ τροπόσαρ, για τι βακερέλ ο λατσσέ αμπέρια ντα τι ντελ ζορ πι πφραλέντε. Επίσης, ισινάμ σίγουροι ότι ο Απολλώς ισινέ ταπεινός. Για παράδειγμας, η Γραφή να βακερέλα ότι προσβαλισάλο κάνα ο Ακύλας ντα η Πρίσκιλλα «εξηγιντέ λέσκε πιο σωστά ο ντρομ ι Ντεβλέσκο».​—Πράξ. 18:​24-28.

17. Σαρ ανέλας ειρήνη ο Παύλος;

¹⁷ Ο απόστολος Παύλος τζανέλας καζόμ λατσσί μπουτί κερέλας ο Απολλώς. Αλλά ο Παύλος να ανησυχίνελας μα τι βακερέν ο  τζενέ ότι ο Απολλώς ισινέ πιο λατσσό λέσταρ. Κάνα διαβάνασα σο γραφιντάς ο Παύλος ι κχανγκιριάκε κι Κόρινθος, αγαβάσα ότι ισινέ ταπεινός ντα λογικός. Να μπεϊντίνελας κάνα ο τζενέ βακερένας: «Με ισινόμ ι Παυλόσκο». Οκιά μπάνταρ, ντέλας σαρί ι δόξα κο Ιεχωβά Ντεβέλ ντα κο Ιησούς Χριστός.​—1 Κορ. 3:​3-6.

18. Σο σικλιάσα κατά Απολλώς ντα κατά Παύλος σαρ σικαβένα ο εδάφια 1 Κορινθίους 4:6, 7;

¹⁸ Σο σικλιάσα κατά Απολλώς ντα κατά Παύλος; Μπορεί τι κεράσα μπουτ πράγματα ι Ιεχωβάσκε ντα μπορεί τι βοηθίνασα μπουτέ τζενέν τι ερεσέν κο μπολντιπέ. Αλλά αγαβάσα ότι ανταβά αβέλα-πες σάντε επειδή βοηθίνελα-αμέν ο Ιεχωβά. Επίσης σικλιάσα ότι, κάνα τθεράσα ευθύνες κι κχανγκιρί, μπορίνασα τι κεράς πιο μπουτ πράγματα για τι βοηθίνας τι αβέλ ειρήνη κι κχανγκιρί. Ισινάμ πφερντέ εκτίμηση κάνα ο πρεσβύτεροι ντα ο διακονικοί υπηρέτες βοηθίνενα-αμέν τι αβάς ενωμέ ντα τι τθεράς ειρήνη ο εκ ι γιαβερέσαρ. Κερένα-λες ανταβά κάνα ο συμβουλές σο ντένα ισί αντράλ κατά Γραφή. Να προσπαθίνενα τι σικαβέν ότι ισί σημαντικοί, αλλά βοηθίνενα σαριλέν κι κχανγκιρί τι ντεν καν κο Ιησούς ντα τι μοιάζεν λέστε!​—Διαβάνεν 1 Κορινθίους 4:6, 7.

19. Σο μπορίνελα τι κερέλ ο κάθε εκ αμένταρ; (Ντικχέν ο πλαίσιος-ντα « Μα Τζαν Κόντρα ι Γιαβερέντζαρ»)

¹⁹ Ο κάθε εκ αμένταρ τζανέλα τι κερέλ λατσσές μερικά πράγματα. Μπορίνασα τι χρησιμοποιήνας οντουλά σο τζανάσα “για τι υπηρετίνας ο εκ ι γιαβερές”. (1 Πέτρ. 4:​10) Μπορεί τι πακιάσα ότι οντουλά σο κεράσα νανέ μπουτ σημαντικά. Αλλά ο κάθε πράγμας σο κεράσα ισί σημαντικός για τι αβέλ ενωμέ η κχανγκιρί σαρ ο κάθε τούβλος ισί σημαντικός για τι χτίντιβελ εκ κχερ. Τι κεράς σο νακχέλα αμαρέ βαστένταρ για μα τι τζας ποτές κόντρα ο εκ ι γιαβερέσαρ. Ντα τι κεράς ο πιο λατσσό σο μπορίνασα για τι βοηθίνας τι αβέλ ειρήνη ντα ενότητα κι κχανγκιρί.​—Εφεσ. 4:3.