1. Sooq Jehovap al­lanut sanil­liun­neq ajor­paatigut?

JEHOVAP kis­saatigin­ngilaa kik­kut tamarmik suul­lu tamarmik as­sigiis­sasut. Taman­na pin­ngor­titaanit erser­poq, as­sersuutigalugu inuit tamarmik im­mik­kuul­laris­suup­put. Jehovap il­lit al­lanut sanil­liutin­ngisaan­nar­paatit. Uum­matit, tas­sa qanor­piaq it­tuunersutit, misis­sor­tar­paa. (1 Sam 16:7) Aam­ma nukit­tuf­fitit, san­ngiif­fitit tunuliaqutal­lu nalun­ngilai. Sapik­kan­nik piumaf­figin­ngisaan­nar­paatit. Jehovap uagutsin­nik isigin­nit­taasiatut im­minut isigisariaqar­pugut. Taamaaliorut­ta ‘sianisuumik’ eq­qarsas­saagut, tas­sa im­minut pingaar­tip­pal­laar­natalu nikagis­san­ngilagut. – Rom 12:3.

2. Sooq al­lanut sanil­liut­tas­san­ngilagut?

² Soorunami up­peqatigut aalajaatsut kif­far­tor­nermi angusaqarluar­tar­tut maligas­saal­luar­tul­lu ilin­niarfigigutsigit iluaqutigis­savar­put. (Hebr 13:7) Taava im­maqa kif­far­tor­nitsin­ni qanoq angusaqarluar­nerusin­naasugut paasis­savar­put. (Fil 3:17) Maligas­saal­luar­tunil­li ilaarsineq tas­saan­ngilaq taak­kunun­nga im­minut sanil­liun­neq. Al­lanut sanil­liut­tarut­ta sin­ngalersin­naavugut, nikal­lorsin­naavugut naleqan­ngitsutul­luun­niit misigilersin­naal­luta. Aam­mali al­laaserisap siuliani paasisatsitut ilagiin­niit­tut unam­mil­ler­niar­tarutsigit anersaak­kut ajoqutigis­savar­put. Taamaat­tumik Jehovap asan­nil­luni ima kajumis­saar­paatigut: “Kialuun­niit nam­mineq suliani misilis­savaa, sulianilu nam­miniin­naq usorsisimaarutigis­savai al­lanut naleq­qiun­nagit.” – Gal 6:4.

3. Nuan­naarutigisan­nik sutigut anersaak­kut siumukarsimavit?

³ Jehovap kis­saatigaa anersaak­kut siumukar­nerit nuan­naarutigis­sagit.  As­sersuutigalugu anguniagarisimal­lugu kuisis­simaguit, tas­sa imermut morsutsin­neqarsimaguit, taman­na nuan­naarutigingaas­savat! Imermut morsutsin­neqar­nis­sat nam­mineq aalajangigaraat. Taamaalior­putit illit Guuti asagak­ku. Nalunaajaasun­ngoravil­li siumukarsimanerit eq­qarsaatigiuk. As­sersuutigalugu Biibilimik atuar­tar­neq atuaq­qis­saar­tar­nerlu nuan­narinerulersimavigit? Qaman­nga pisumik qinuneq nuan­naarutigingaalersimaviuk? (Tuss 141:2) Oqaluus­sil­laq­qin­nerulersimavit, oqaluus­sinermilu ator­tak­kagut atorluar­nerusalersimavigit? Ilaqutaqaruil­lu Jehovap ikiuineratigut uiul­luar­nerulersimavit, nuliaal­luar­nerulersimavit, imaluun­niit angajoq­qaajul­luar­nerulersimavit? Siumukarsimanerit nuan­naarutigalugulu nalerisimaarutigingaarsin­naavat.

4. Al­laaserisami matumani suut sam­mis­savagut?

⁴ Al­lat anersaak­kut siumukar­nermin­nik nuan­naarutigin­nin­nis­saan­nik ikiorsin­naavagut. Aam­ma al­lanut sanil­liut­tan­ngin­nis­saan­nut ikiorsin­naavagut. Al­laaserisami matumani sam­mis­savagut angajoq­qaat qitor­natik qanoq ikiorsin­naagaat, nuliaasut uiusul­lu aap­par­tik qanoq ikiorsin­naagaat aam­ma utoq­qaaner­tat ilagiin­niit­tul­lu al­lat up­peqatitik qanoq ikiorsin­naagaat. Kiisalu sam­mis­savagut najoq­qutas­siat Biibilimeersut im­minut ar­torsin­nata anguniagaqar­nis­samut iluaqutigisin­naasagut.

5. Efesosimiut 6:4 naaper­torlugu angajoq­qaat sunaveersaar­tariaqar­pat?

⁵ Angajoq­qaat qitor­nar­tik meeq­qanut al­lanut sanil­liut­tas­san­ngilaat sapigaan­nil­luun­niit piumaf­figisar­nagu. Taamaalior­tarunim­mi qitor­nar­tik nikal­lor­tis­sin­naavaat. (Efesosimiut 6:4 atuaruk). Qatan­ngut ar­naq Sachikomik * atilik ima oqar­poq: “Atuarfim­mi ilin­niar­titsisuma piumasaraat atuaqatin­nit angusaqarluar­nerunis­sara. Aam­ma ilin­niar­titsisuma ataatamalu Nalunaajaasuun­ngitsup Jehovap in­nut­tai ajun­ngitsumik isigin­nit­taaseqarfiginias­sam­matigit anaanama atuarfim­mi angusaqarluar­nis­sara kis­saatigaa. Al­laam­mi anaanama kis­saatigaa misilitsin­nermi kuk­kuneqan­ngil­luin­nas­sasunga, taman­nali ajor­nar­poq. Qangarsuarli atuarun­naareeraluarlunga ilaan­nik­kut suli eq­qarsaatigisar­para sapin­ngisan­nik iliuuseqar­tar­nera Jehovap naam­magisar­neraa.”

6. Angajoq­qaat Tus­siaat 131:1, 2-lu qanoq ilin­niarfigisin­naavaat?

 ⁶ Angajoq­qaat Tussiaat 131:1, 2-lu ilin­niarfigil­luarsin­naavaat. (Atuakkit). Kun­ngi Daavi oqar­poq ‘angisuumik im­minut tupin­nar­pal­laar­tunik’ anguniagaqar­tar­nani. Maniguut­tuugami an­neruniajuitsuugamilu ‘qasuersin­neqarlunilu eq­qis­sisin­neqar­poq’. Daavip oqaasii taak­ku angajoq­qaat qanoq ilin­niarfigisin­naavaat? Angajoq­qaat im­minut qitor­namin­nul­lu piumaf­figin­nin­nermin­ni maniguut­tuul­lutil­lu an­neruniajuitsuusariaqar­put. Angajoq­qaat qitor­natik anguniagas­sik­kaangamik­kit nukit­tuf­fiisa san­ngiif­fiisalu eq­qumaf­figinerisigut ikiorluarsin­naavaat. Qatan­ngut ar­naq Marinamik atilik ima oqalut­tuar­poq: “Anaanama qatan­ngutin­nut pingasunut meeq­qanul­luun­niit al­lanut sanil­liutin­ngisaan­nar­paanga. Ilin­niar­tip­paanga kik­kut tamarmik as­sigiin­ngitsunik pik­korif­feqar­tut tamat­talu Jehovamit asaneqangaar­tugut. Taamatut ilin­niar­tin­neqarama al­lanut sanil­liun­neq ajor­punga.”

7-8. Uiusoq nuliaminik qanoq ataq­qin­nit­tuusin­naava?

⁷ Uiusup kristumiup nuliani ataq­qingaar­tariaqar­paa. (1 Petr 3:7) Ataq­qin­nit­tup ataq­qisani im­mik­kut it­tumik soqutigisar­paa. As­sersuutigalugu uiusoq nuliaminik pingaar­titsinermigut taas­sumin­nga ataq­qin­nit­tar­poq. Sapigaanik piumaf­figineq ajor­paa. Aam­ma ar­nanut al­lanut sanil­liutin­ngisaan­nar­paa. Nuliaasoq al­lanut sanil­liun­neqar­tar­toq qanormita misigisar­pa? Qatan­ngut ar­naq Rosamik atilik uiminit Nalunaajaasuun­ngitsumit al­lanut sanil­liun­neqarajup­poq. Uimi oqaasii nuan­niitsut pis­sutigalugit Rosa im­minut tatigiun­naarlunilu ilumut asaneqar­nerluni qulariler­paa. Ima oqar­poq: “Jehovamit pingaar­tin­neqarlunga eq­qaasin­neqar­tuar­tariaqar­punga.” Uiusul­li kristumiup nuliani ataq­qisar­paa. Nalun­ngilaa nuliaminut ataq­qin­nin­nini taas­sumun­nga Jehovamul­lu qanil­lis­sutigisarlugu. *

⁸ Uiusup nuliaminik ataq­qin­nit­tup taan­na asanerar­tar­paa, pingaar­tin­nerar­tar­paa al­lanul­lu oqalut­tuarigaangamiuk nersualaar­tarlugu. (Uss 31:28) Katerina al­laaserisap matuma siuliani eq­qaaneqar­toq naleqan­ngitsutut misigiun­naarsil­lugu uiata taamatut ikiorsimavaa. Katerina meeraal­luni anaanaminit isor­nar­torsior­neqar­tarlunilu niviarsiaq­qanut al­lanut, ilaatigut ikin­ngutiminut, sanil­liun­neqar­tar­poq. Tamatuma kingunerisaanik Katerina al­lanut sanil­liul­luni im­minut naliler­taler­poq, al­laat Nalunaajaasun­ngoreeraluarluni. Taamaalioq­qajaasarun­naar­nis­saanut im­minul­lu oqimaaqatigiin­nerusumik isigin­nit­taaseqaler­nis­saanut uiata Nalunaajaasup ikior­paa. Katerina ima oqar­poq: “Asavaanga, ajun­ngitsuliak­ka pil­lugit nersualaar­tar­paanga qin­nut­tarlungalu. Aam­ma Jehova nuan­ningaar­tunik pis­suseqar­toq eq­qaasit­tar­paanga nuan­niitsunil­lu eq­qarsaateqar­naveersaar­nis­san­nik ikior­tarlunga.”

9-10. Al­lanut sanil­liuteq­qajaasarun­naar­nis­saminut qatan­ngut ar­naq utoq­qaaner­tanit asan­nit­tunit qanoq ikior­neqar­pa?

⁹ Al­lanut sanil­liuteq­qajaasar­tut utoq­qaaner­tanit qanoq ikior­neqarsin­naap­pat? Qatan­ngutip ar­nap Hanunimik atil­lip, meeraal­luni nersualaar­neqar­tarsiman­ngitsup, misigisaa sam­meriar­tigu. Ima oqalut­tuar­poq: “It­toor­tuuvunga isumaqarlungalu meeq­qat al­lat uan­nit pik­korin­nerusut. Meeraal­lungali al­lanut sanil­liut­tar­neq ileq­qorisimavara.” Al­laat Nalunaajaasun­ngoreerluni Hanuni suli al­lanut sanil­liut­tar­poq. Taamaat­tumik ilagiin­ni  pingaaruteqan­ngitsutut misigisar­poq. Maan­nali pioneriuvoq pil­luar­toq. Pis­susiminik al­lan­nguinis­saminut suna iluaqutigisimavaa?

¹⁰ Hanuni oqar­poq utoq­qaaner­tanit isumagin­nil­luar­tunit ikior­neqarsimal­luni. Tatigin­nin­nermik ersersitsivigaat aalajaal­lunilu kif­far­tor­nera pil­lugu nersualaar­tarlugu. Ima al­lap­poq: “Ilaan­nik­kut utoq­qaaner­tat aperisar­paan­nga qatan­ngutit ar­nat pisariaqar­titsisut qiim­mas­sarsin­naanerik­ka. Taamatut aperineqaraangama pisariaqar­tin­neqar­tutut misigisar­punga. Eq­qaamavara utoq­qaaner­tat asan­nit­tut qatan­ngutinik ar­nanik inuusun­nerusunik qiim­mas­saasar­nera pil­lugu qujaf­figisaraan­nga. Thes­salonikamiunut al­lak­kat siul­liit 1:2, 3-mil­lu atuf­fam­man­nga kil­litsingaar­punga! Taamaat­tunik paarsisuul­luar­toqaral­lar­til­lugu maan­na Jehovap peqatigiis­sor­taani pingaaruteqar­nera nalun­ngilara.”

11. ‘Sequmisitaasut anersaak­kul­lu nikal­lorsimasut’ Esaja 57:15-imi eq­qaaneqar­tut qanoq ikiorsin­naavagut?

¹¹ Esaja 57:15 atuaruk. Jehovap ‘sequmisitaasut anersaak­kul­lu nikal­lorsimasut’ asangaar­pai. Tamat­ta, utoq­qaaner­taan­naan­ngitsut, up­peqatitsin­nik asanar­tunik qiim­mas­saaqataasin­naavugut. Ilaatigut taamaaliorsin­naavugut ilumoorluta soqutigin­nin­nermik ersersitsivigisar­nerisigut. Jehovap taak­ku qanoq asatiginerini paasitis­sagigut kis­saatigaa. (Uss 19:17) Aam­ma maniguut­tuunik­kut an­neruniajuitsuunik­kul­lu up­peqatigut ikiorsin­naavagut. Im­minut malugeq­qusaarusun­ngilagut taamaalior­nermi sin­ngalersitsisin­naam­mat. Pik­korif­figul­li ilisimasagul­lu qiim­mas­saqatigiin­nis­samut atorusup­pagut. – 1 Petr 4:10, 11.

12. Sooq inuit nikagineqar­tut Jiisusi or­niginar­tip­paat? (Saq­qaani as­siliaq takuuk).

¹² Jiisusip malin­nitsiminik pin­nit­tar­nera ilin­niarfigil­luarsin­naavar­put. Inuit inuusimasut pingaar­ner­paar­taraat. Taamaak­kaluar­toq ‘qanilaarlunilu uum­matik­kut makitajuip­poq’. (Matt 11:28-30) Silas­soris­suunini ilisimasar­pas­suanilu malugeq­qusaarutigineq ajor­pai. Oqaatsit as­sersuutil­lu paasiuminar­tut atorlugit ilin­niar­titsisar­poq tusar­tut tamarmik kil­litsis­sutigisaan­nik. (Luk 10:21) Jiisusip up­perisarsior­nik­kut siut­tut makitasuut as­siginagit inuit Guutimit pingaar­tin­neqan­ngitsutut misigitin­neq ajor­pai. (Joh 6:37) Inuit nikagineqar­tar­tut ataq­qisar­pai.

13. Jiisusi ajoqersuk­kaminut qanoq inus­siar­nersuul­lunilu asan­nit­tuua?

¹³ Jiisusi ajoqersuk­kaminut inus­siar­nersuul­lunilu asan­nit­tuuvoq. Nalun­ngilaa ajoqersuk­kani as­sigiin­ngitsunik pigin­naaneqarlutil­lu atugaqar­tut. Taamaat­tumik tamaasa as­sigiim­mik akisus­saaf­filin­ngilai, aam­ma oqaluus­sinermi as­sigiin­ngitsunik angusaqar­tar­put. Tamarmil­li im­mik­kut aal­lus­sil­luar­nerat Jiisusip pingaar­tip­paa. Jiisusip taman­na ersersip­paa talentinik as­sersuusiamini. As­sersuusiami tamatumani naalak­kap inus­siaatini tamaasa “im­mik­kut pigin­naanerat naaper­torlugu” sulias­sip­pai. Inus­siat eqiasuitsut marluk as­sigiim­mik iluanaaruteqan­ngil­lat. Naalak­kal­li as­sigiim­mik nersualaar­pai ima oqarluni: “Ajun­ngilaq, kif­faasutit pitsaasoq ilumoor­torlu.” – Matt 25:14-23.

14. Jiisusi qanoq ilaarsin­naavar­put?

¹⁴ Jiisusi uagutsin­nut inus­siar­nersuul­lunilu asan­nit­tuuvoq. Nalun­ngilaa pigin­naanigut atuk­kagul­lu as­sigiin­ngitsuusut, uagullu sapin­ngisatsin­nik iliuuseqaraangat­ta nuan­naarutigisar­paa. Al­lanik pin­nit­tar­nitsin­ni Jiisusi ilaar­tariaqar­par­put. Up­peqater­put al­latul­li iliuuseqar­tigisin­naan­ngin­nera pis­sutigalugu naleqan­ngitsutut misigitik­kusun­nagulu kan­ngusutsik­kusun­ngilar­put. Qanor­toq up­peqatigut Jehovamut kif­far­tor­nermin­ni  sapin­ngisamin­nik iliuuseqar­tar­tut nersualaar­nis­saan­nut periarfis­sarsior­tarisa!

15-16. Qatan­ngutip ar­nap angusin­naasaminik anguniagaqar­tar­nini qanoq iluaqutigaa?

¹⁵ Anersaak­kut anguniagaqar­tarut­ta siumukas­saagut, inuuner­pul­lu siuner­taqas­saaq. Pingaaruteqar­porli uagut pisin­naasagut atuk­kagul­lu naaper­torlugit, al­lat anguniagaat eq­qarsaatiginagit, anguniagaqar­nis­sar­put. Taamaaliun­ngik­kut­tami im­minut nikal­lor­til­lutalu pakatsisis­saagut. (Luk 14:28) Midorip pioneriusup misigisaa sam­meriar­tigu.

¹⁶ Midori meeraal­luni angum­minit Nalunaajaasuun­ngitsumit qatan­ngutiminut atuaqatiminul­lu sanil­liun­neqar­tar­nermigut nikanarsar­neqar­tar­poq. Ima oqar­poq: “Taamani naleqan­ngitsutut misigivunga.” Peroriar­tor­nerminili im­minut tatigineruler­poq. Ima nangip­poq: “Qamuuna eq­qis­siumal­lunga Jehovamil­lu asaneqar­tutut misigiumal­lunga ul­lut tamaasa Biibili atuar­tar­para.” Aam­ma angusin­naasaminik anguniagaqar­tar­poq, anguniak­kanilu tamak­ku angujumal­lugit qinunik­kut Jehovamut ikioq­qusar­poq. Tamatuma kingunerisaanik Midorip anersaak­kut siumukar­nini nuan­naarutigisar­paa.

17. Eq­qarsar­taaser­put qanoq nutaan­ngorsar­tuarsin­naavar­put, taamaaliorut­talu qanoq iluaqutigis­savar­put?

¹⁷ Eq­qarsaatit misigis­sutsil­lu nuan­niitsut qaangiutipal­lan­neq ajor­put. Taamaat­tumik Jehovap kajumis­saar­paatigut eq­qarsar­taaser­put nutaan­ngorsar­tuas­sagip­put. (Ef 4:23, 24) Taamaalius­sagut­ta qinusariaqar­pugut, Guutip oqaasianik atuaq­qis­saar­tariaqar­pugut eq­qarsaatigin­neq­qis­saar­tariaqarlutalu. Aam­ma Jehova nukis­san­nik aal­lerfigisaruk. Anersaaq  il­ler­nar­toq iluaqutigalugu al­lanut sanil­liun­naveersaar­tuusin­naavutit. Aam­ma sin­ngaler­toor­naveersaar­nis­san­nut makitaler­toor­naveersaar­nis­san­nul­lu Jehovap ikius­savaatit.

18. Nalunaarsuutit aap­paat 6:29, 30-milu al­las­simasut qanoq tup­pal­lersaatigisin­naavigit?

¹⁸ 2 Nalunaarsuutit 6:29, 30 atuakkit. Jehovap uum­mam­miugut nalun­ngilai. Aam­ma silarsuup kuk­koq­qajaanit­talu sun­niutipiluinik akiuiner­put nalun­ngilaa. Tamak­kunun­nga akiuun­nitsin­ni ilungersor­ner­put Jehovap malugigaangamiuk asaneruler­tar­paatigut.

19. Jehovap uagutsin­nut misigis­sutsini paasinarsisin­niarlugit qanoq as­sersuusior­pa?

¹⁹ Jehovap uagutsin­nut misigis­sutsini paasinarsisin­niarlugit anaanaasup naalungiarsuutiminut misigis­susii as­sersuusiarai. (Es 49:15) Anaanaasup Rachelip misigis­susii eq­qarsaatigeriar­tigit, ima al­lap­poq: “Paniga Stephanie inorluni inun­ngor­poq. Takoq­qaarak­ku mikisuaraararsuuvoq. Inun­ngor­nerata kingor­na qaam­mam­mi siul­lermi nap­parsim­mavim­miin­nitsin­ni sulisut ul­lut tamaasa uan­nut pak­kusimatit­tar­paat. Pak­kusimasarak­ku misigis­suseqarfigingaaler­para. Maan­na arfinilin­nik ukioqar­poq ilutiminil­lu mikinerul­luni. Pil­luaatigeqaara, inorlunilu inun­ngorsimanini pis­sutigalugu akiugaqaqim­mat asangaar­para!” Kif­far­tor­nitsin­ni ilungersor­ner­put pis­sutigalugu anaanaasup asan­ningaar­neratut Jehovap asagaatigut nalunagu tup­pal­ler­nangaar­poq!

20. Jehovamut kif­far­tor­tut suna nuan­naarutigisin­naavaat?

²⁰ Jehova kif­far­torfigigak­ku taas­suma ilaqutariis­suanut ilaavutit, Jehoval­lu im­mik­kuul­laris­sutut isigalutil­lu pingaar­tip­paatit. Jehovap im­minut kajungilersip­paatit imaan­ngitsoq inoqatin­nit pik­korin­nerugavit, maniguut­tuugavil­li al­lan­nguerusus­suseqarlutil­lu taas­suman­nga ilin­niar­tin­neqarusuk­kavit. (Tuss 25:9) Jehova nuan­naar­tar­poq sapin­ngisan­nik kif­far­torfigigaangak­ku. Piner­tusaar­tar­nin­nit aalajaatsuunin­nil­lu erser­poq ‘uum­matit pitsaasuul­lunilu ajun­ngitsuusoq’. (Luk 8:15) Taamaat­tumik Jehovamut kif­far­tor­nin­ni illit sapin­ngisan­nik iliuuseqar­tarit. Taava al­lanut sanil­liun­nak nam­mineq siumukar­nerit nuan­naarutigil­luarsin­naas­savat.