1. Re ka tiputsisa ying mo re nagana ka dilo ka mokana ga tsona tso Jehova a di makiyeng?

MO RE nagana ka dilo ka mokana ga tsona tso Jehova a di makiyeng legedimong le lefaseng, nakwenngwana le rune re ka tikwa go tshwana le Dafita wa mopisalema nakwela a rapela Jehova a mmutsisa gore: “Mo ke bona magedimo yago, mmereko wa dinwana tsago, ngwedi le dinanedi tso o di makiyeng, motho wa nama le madi go ro ba ying mo o šinya o mo gopola, ke ra le morwayi wa motho mo o šinya o mo pasopa?” (Pis. 8:3, 4) Le rune re ka fo ba re tshwana le Dafita, re titseya go fo ba rune mawudu mo re titshwanisa le dinanedi tso Jehova a di makiyeng, o kraya di re makatsa ka matla gore Jehova o re tseyela hlogong. Mara re nyoko tšhuta gore Jehova ke mo a ba tseyela gedimo batho ba mathomothomo, Adamo le Efa, a boya a ba kenisa ka mutšing wage.

2. Jehova ke mo a nyaka gore bana bage ba mathomothomo mo lefaseng ba make ying?

² Adamo le Efa ke bona bana ba mathomothomo ba Jehova ho lefaseng, fote Jehova ke mo yi le Papa wa bona wa legedimong wa gore o ba nyaka ka matla. Modimo ke mo a nyaka go be le tso ba di makang ka ho mutšing wage. O ba butsiye gore: “Beleganeng le yeketsege, le tlatse lefase le boye le le lawole.” (Gen. 1:28) Ke mo a nyaka ba belege bana ba boye ba pasope lefase lowa la gore ke mo go le mutši wa bona. Hala Adamo le Efa ba makiye tso ne di nyaka ke Jehova, bona le bana ba bona ne ba nyoko ba ka mutšing wa Modimo go ya go yye.

3. Ke ntaba re re Adamo le Efa ke mo ba le ga poleke ya go hlompega ka mutšing wa Jehova?

³ Adamo le Efa ke mo ba le ga poleke ya go hlompega ka mutšing wa Jehova. Hala ga Pisalema 8:5, Dafita o bolabola ka Jehova nakwela a maka motho, o re: “Ke wene o mo makiyeng gore a be ka tlasenyana ga mangeloyi, wa boya wa mo rwesa fapo ya  go mo thanakisa le go mo gadimisa.” Ke nnete gore batho a ba segele ga mangeloyi ka matšhika, go hlalefa le go kgona go maka dilo. (Pis. 103:20) Mara, batho ba fo ba “ka tlasenyana” ga mangeloyi ya gore ma na le matšhika ya magolo ka matla. Ye lune! Jehova ke mo a neyye babelegi ba rune lephelo la go natefa ka matla.

4. Go makegiye ying ka Adamo le Efa mo ba le ka ho mutšing wa Jehova, fote re nyoko bolabola ka ying ga hlogotaba yowa?

 ⁴ Sa go kwisa go baba ke gore Adamo le Efa ba yye ba ntshiwa ka mutšing wa Jehova. Tsotsone di makiye gore lephelo la bananyana ba bona le gakge, dilo tsa gona re nyoko boya re bolabola ka tsona. Jehova o sa na a tikemisele go maka tsetsela. O sa na a nyaka gore batho ba go mo theetsela go be bana bage go ya go yye. Tla re thomiseneng ka go petapeta ka gore Jehova o šupetsiye ka mokgo mang gore o re tseyela gedimo. Re nyoko boya re handhahandha ka tso rune re ka di makang go šupetsa gore re nyaka go ba ka mutšing wa Modimo. Sa mafelelo, re nyoko bona gore Jehova o nyoko ba rufa ka ying bana bage ba lefaseng gore ba thogo tikwisa ka lephelo go ya go yye.

5. Re ka mo šupetsa byang ga Modimo gore re yi tseyela gedimo taba ya gore o re makiye gore re tshwane naye?

⁵ Jehova o re tseyele gedimo ka go maka gore re tshwane naye. (Gen. 1:26, 27) Rune batho Modimo o re makiye gore re tshwane naye, byalo re ya di kgona go tšhuta mekgwa ya go šupetsa ba bangwana gore re ba nyaka ka matla, re kgona go kwelana go baba, go tshepega le go loka. (Pis. 86:15; 145:17) Mo re tšhuta mekgwa yowa, re thanakisa Jehova fote re šupetsa gore re ya mo leboga. (1 Pet. 1:14-16) Mo re maka dilo tsa go jabodisa Papa wa rune wa legedimong, re ya jabola fote re fo kwa le dipelo tsowa di kgehlemele. Akere Jehova o re makiye ka setshwano sage, byalo re ka di kgona go ghobega gore re be ka mokgo yene a reng o nyaka batho ba ba ka gona ka mutšing wage.

6. Nakwela Jehova a lukisa lefase o šupetsiye byang gore o tseyela batho gedimo?

⁶ Jehova o re lukiselele mutši wa go hlawolega. Ku nthago mo Jehova a soko maka motho wa mathomo, o lukisiye lefase gore batho ba thogo dula ga lona. (Jobo 38:4-6; Jer. 10:12) Jehova wa naganelana fote aa konane, byalo o re neyye dilo tsa go tlala tsa gabutši gore re di jabolele. (Pis. 104:14, 15, 24) Ka dinako tse dingwana ke mo a fo fela a yemanyana a lebelela tso a di makiyeng, ke mokane a re mo a lebelela a “bona di bafele.” (Gen. 1:10, 12, 31) O šupetsiye gore o tseyela batho gedimo ka go maka gore ba “lawole” mmereko wage ka moka wa go bafala wo a wo makiyeng ho lefaseng. (Pis. 8:6) Tso Modimo a nyakang go di segelela ke gore batho ba go yenela ba jabolele go pasopa dilo ka mokana ga tsona tsa go bafala tso a di makiyeng, go ya go yye. Ayitsano o dula o leboga Jehova gore o re tshepisiye dilo tsa gabutši ka mokgo?

7. Jošuwa 24:15 yi šupetsa byang gore ke rune re ka tikgetelang gore re maka ying?

⁷ Jehova o makiye gore re tikgetele. Re ya tikgetela gore rune re nyaka go maka ying ka maphelo ya rune. (Bala Jošuwa 24:15.) Modimo wa rune wa go re nyaka ka matla wa jabola mo re kgeta go mmerekela. (Pis. 84:11; Diy. 27:11) Go tikgetela go ka re gelepa gore re segelele dipheto tsa go tlala tsa gabutši. Tla re boneneng gore re tšhuta ying ga Jeso.

8. Jeso o tikgetele go maka ying?

⁸ Re ka tseyela ga Jeso ka go kgeta go jabodisa batho ba bangwana, re sa nyake go jabodisa rune re le ntoši. Nakwela Jeso le mapostola yage ba tinnwe ka matla, ba yye ba nyaka poleke ya gore yi kgomolele gore ba thogo khutsanyana. Mara ba yye ba šitega go khutsa. Mogoba wo yye wa ba kraya, fote ke mo wo nabela ka matla gore Jeso a wo tšhutise. Mara, Jeso aa fo  kwa ba mo silikisa. O yye a ba kwela go baba. Byalo o yye a maka ying yene Jeso? “A thomisa go wo tšhutisa dilo tsa go tlala.” (Mar. 6:30-34) Ho le rune re tseyela ga Jeso, re berekisa nako ya rune le matšhika ya rune gore re gelepe ba bangwana, re gadimisa Papa wa rune wa legedimong. (Mat. 5:14-16) Fote re ko ba re šupetsa Jehova gore re nyaka go ba ka mutšing wage.

9. King sa gore a di nyake babelegi ba se lebala?

⁹ Jehova o makiye gore batho ba thogo ba le bana, a boya a ba neya mmereko wa gore ba ba tšhutise go šupetsa Modimo gore ba mo nyaka ka matla ba boye ba mmerekele. Mo nkare ke wene mmelegi, ayitsano o se tseyela gedimo selo sowa sa go hlawolega? Jehova o rufiye mangeloyi ka dilo tsa go tlala, mara wona a ma kgone go ba le bana. Mo nkare wene o na le bana, yi tseyele gedimo ka matla taba yone. Jehova o neyye babelegi mmereko wo mogolo wa go gudisa bananyana ba bona ka go ‘ba wolola fote ba ba tšhutise tso Jehova a di nyakang.’ (Maef. 6:4; Dot. 6:5-7; Pis. 127:3) Mokgahlo wa Modimo wo gelepa babelegi ka dilo tsa go tlala tsa gore ditaba tsa tsona di tšwa ka Bhayibeleng, tsa go tshwana le dipuku, dividiyo, dikoša le tse dingwana tsa gore di ga inthanete. Di fo ba lekgwaying gore Papa wa rune wa legedimong le Morwayi wage ba tseyela bananyana gedimo ka matla. (Luk. 18:15-17) Jehova o jabola ka matla mo babelegi ba tisamela ka yene ba boya ba karakara gore ba pasope bananyana ba bona ba gore ba thina le dipelo tsa bona ka matla. Babelegi bowa ba gelepa bananyana ba bona gore le bona ba karakare gore ba be ka mutšing wa Jehova go ya go yye!

10-11. Jehova o makiye gore go kgonege ying ka sehlabelo sa Jeso?

¹⁰ Jehova o neyele ka Morwayi wage wa go hlawolega ka matla gore re boye ka mutšing Wage. Ku kgakala ga  serele 4, re hlayye gore Adamo le Efa ba sinnye, sosone sa maka gore ba sa sa ba ka mutšing wa Jehova, le bana ba bona ba tšwa. (Marom. 5:12) Adamo le Efa ba kgetiye go sa theetsele Modimo, ke mokane ba sa sa tshwanelega go ba ka mutšing wage. Mara bana bage gee? Ka gore Jehova o kwa a nyaka batho ka matla, mo motho a na le pelo ya gabutši, o tikemisele go mo yamogela ka mutšing wage. O makiye gore Morwayi wage wa gore o fo ba a le ntoši, Jeso Kreste, go be sehlabelo. (Joh. 3:16; Marom. 5:19) Sehlabelo sa Jeso se makiye gore Jehova a yamogele 144 000 ya batho ba go tshepega gore go be barwayi bage.—Marom. 8:15-17; Kut. 14:1.

¹¹ Go tokegela gana hone, dimiliyoni tsa batho ba go tshepega di theetsela Modimo fote di maka tso Modimo a di nyakang. Baa di tšiba gore ka nthago ga gore ba liketsiwe la mafelelo mo go fela sekete sa mengwaga, ba ko ba ka mutšing wa Modimo ka go felegelela. (Pis. 25:14; Marom. 8:20, 21) Ka gore a ba yi kamake taba yone, ba šele ba bitsa Jehova, ye a ba makiyeng, gore ke “Papa.” (Mat. 6:9) Bo ba tsusiwweng le bona ba nyoko neyiwa nako ya go tšhuta gore Jehova o nyaka ba make ying. Ba gore baa mo theetsela le bona ba nyoko feleletsa ba le ka mutšing wage.

12. Gana byalo re nyoko fetola putsiso yifeng?

¹² Re di bonne gore Jehova o makiye dilo tsa go tlala tsa go šupetsa gore o tseyela batho gedimo. O šele a yamogele ba gore ba tlotsiwwe gore go be barwayi bage, a boya a maka gore ba “mogoba wo mogolo” ba tshepe gore le bona ba ka ba bana bage ga lefase la nyuwane. (Kut. 7:9) Gana byalo lowa re ka maka ying go šupetsa Jehova gore re nyaka go ba ka mutšing wage go ya go yye?

13. Re ka maka byang gore re be ka mutšing wa Modimo? (Mareka 12:30)

¹³ Berekela Jehova ka pelo yago ka mokana ga yona go šupetsa gore wa resa mo o re o mo  nyaka tsa mannete. (Bala Mareka 12:30.) Ga dilo ka mokana ga tsona tso Modimo a re neyyeng, se segolo ka matla ke gore re kgona go mo rapela. Re šupetsa Jehova gore re ya mo nyaka mo re ‘theetsela melawo yage.’ (1 Joh. 5:3) Mo Jeso a re botsa tso di nyakang ke Papage, o yitseri re make batho gore go be malata, re ba kolobetse. (Mat. 28:19) Fote o yitseri re nyakanane. (Joh. 13:35) Bo ba gore ba theetsela, Jehova o nyoko ba leya ka mutšing wage wa lefase ka mokana ga lona wa batho ba go mo rapela.—Pis. 15:1, 2.

14. Re ka maka byang gore ba bangwana ba di bone gore re ba nyaka ka matla? (Matewu 9:36-38; Maroma 12:10)

¹⁴ Šupetsa ba bangwana gore wa ba nyaka. Selo se segolo ka matla so Jehova a tšibegang ka sona ke gore o re nyaka ka matla. (1 Joh. 4:8) Jehova o šupetsiye gore wa re nyaka, rune le go mo tšiba re soko mo tšiba. (1 Joh. 4:9, 10) Mo re šupetsa ba bangwana gore re ya ba nyaka, re ko ba re tseyele gage. (Maef. 5:1) Selo sa go di phala ka moka so re ka šupetsang batho gore re ba nyaka ka matla, ke mo re ba gelepa gore ba tšhute ka Jehova nako yi sa le gona. (Bala Matewu 9:36-38.) Mo re ba tšhutisa, re ba thulela lešuba la gore le bona ba be ka mutšing wa Modimo. Mo motho a fetsa go kolobetsiwa, a di nyake re lisetsa go mo šupetsa gore re mo nyaka ka matla fote re mo tseyele gedimo. (1 Joh. 4:20, 21) Re ka maka ying? Mo a makiye se sengwana, re sa fo tabogela go mo naganela tsa go befa. Mo re sa kwisisi gore ke ntaba a se makiye, a re fo tseya gore ke mo a na a nyaka tsona. Mara, re nyoko tseyela mogageru yene gedimo, re tseya gore wa re phala.—Bala Maroma 12:10; Mafil. 2:3.

15. Di nyaka re kwele bomang?

¹⁵ Tshwara batho ka mokana ga bona gabutši fote o ba kwele go baba. Mo nkare le rune re nyaka go hlaya go ya go yye gore Jehova ke Papa rune, di nyaka mo re kene re phela, re berekise dilo tso re di tšhutang ka teng ga Lentsu la Modimo. Mo re beyisa, Jeso o re tšhutisiye gore batho ba mehlobo ka mokana ga yona re ba kwele go baba, le mong ba gore ke manaba ya rune. (Luk. 6:32-36) Tsotsone di fela di thathafa ka matla. Mo re kwa di thathafa, di nyaka re tšhute go nagana go tshwana le Jeso re boye re make dilo go tshwana naye. Mo re ka ganya dikobo gore re theetsele Jehova re boya re tseyela ga Jeso, re šupetsa Papa wa rune wa legedimong gore re nyaka go ba ka mutšing wage go ya go yye.

16. Re ka maka ying gore re sa sinyi lebitso la ba mutši wa Jehova?

¹⁶ O sa lisetse mutši wa Jehova ba wo psyirela ka maraga. Di ya makega ga go tlala gore ka mutšing mošomanyana a tseyele ga bhuti wage. Mo bhuti wage a berekisa ditšhiko tsa Bhayibele, o ka kraya mošomanyana yewa a tseyela gage. Le mo bhuti yewa a ka maka tsa go kekema, monyanana yewa le yene o ko fo ya naye. Go fo ba ka mokgonone le ka mutšing wa Jehova. Mo wa gore o yye a ba Mokreste wa go tshepega a thomisa go nagana go tshwana le ba go kgeloga kela a sa titshware gabutši kela a maka dilo tsa go tšwa pateng, ba bangwana le bona ba ka fo kwa ba nyaka go mo latelela. Batho ba go maka tsotsone ba psyirelanya maraga ho mutšing wa batho ba go rapela Jehova. (1 Mathes. 4:3-8) Barena re sa make tsa go tshwana nabo fote re sa lisetse go ba le selo sa gore se sinya senghana sa rune le Papa wa rune wa legedimong wa gore o re nyaka ka matla.

17. A re ya tshwanela re nagane dilo tsa mošaga mang, fote ke ntaba?

¹⁷ Tshepa Jehova, o sa tshepe dilo tsa majabajaba. Jehova o re tshepisiye gore mo re ka beya tsa Mmušo wage ku mahlong re boya re theetsela melawo yage ya go loka, yene o nyoko re neya tsa go ja, dikobo le ga go dula. (Pis. 55:22; Mat. 6:33) Tsotsone di maka gore re sa nagane gore dilo tsa majabajaba tsa lefase lowa di nyoko re  pasopa dya boya dya maka gore re jabole go ya go yye. Re ya di tšiba gore mo re nyaka gore dipelo tsa rune di dule di kgehlemele, di nyaka re make tso di nyakang ke Jehova. (Mafil. 4:6, 7) Di ka makega gore sekwetše sa go di reka sona re naso, mara di nyaka re tiputsise gore ayitsano re nyoko kraya nako le matšhika ya go di berekisa re boye re di pasope. Nje re ka sa kwane ka matla le dilo tsone tsa rune? A di nyake re lebala gore Modimo o nyaka gore mo re le ka mo mutšing wage re sa fo lepoga, mara re karakare. Re sa di lisetse di re lebatsa kela go re tlonya. A re nyake go tshwana le mosogana yela wa go gana go berekela Jehova, wa gore ke mo a nyoko mo yamogela gore go be morwayi wage, a maka ke gore ke mo a kwana ka matla le dilo tsa ho lefaseng!—Mar. 10:17-22.

18. Batho ba gore ba theetsela Modimo ba nyoko rufega ba boya ba tikwisa ka ying go ya go yye?

¹⁸ Batho ba gore baa theetsela ba nyoko kraya selo sa mayemo ya gedimo ka matla, ba nyoko kgetiwa gore ba šupetse gore ga Jehova ba mo nyaka ka matla ba boye ba mo rapele go ya go yye! Ba gore ba nyoko phela ho lefaseng le bona ba nyoko jabolela go pasopa lefase lowa la go bafala lo Jehova a le makiyeng gore go be mutši wa bona wa gore a wo gayele selo. Go se botala go nyoko lawola Mmušo wa Modimo, byalo lefase le dilo ka mokana ga tsona tso di phelang go nyoko ba tsa nyuwane. Jeso o nyoko lukisa dilo ka mokana ga tsona tsa gore di sinyegiye nakwela Adamo le Efa ba kgeta go tšwa ka mutšing wa Modimo. Jehova o nyoko tsosa dimiliyoni tsa batho a boya a ba thulela lešuba la gore ba phele go ya go yye go se na ho ba kwang go baba, ga lefase la gore go šele go le pharadeyisi. (Luk. 23:42, 43) Mo mutši wa go rapela Jehova wa ho lefaseng o ya o kene o yenela, ye mongwana le ye mongwana o ko kgoneng go “mo thanakisa le go gadimisa,” ka mokgonola Dafita a hlayyeng.—Pis. 8:5.

19. Di nyaka re dule re naganne ying?

¹⁹ Mo nkare o wela ga ba “mogoba wo mogolo,” dilo tsa go bafala di sa go yemele ku mahlong. Modimo o go nyaka ka matla fote o nyaka gore o be ka mutšing wage. Napa o ro ganya dikobo gore o mo jabodise. Tso Modimo a di tshepisiyeng o di beye ka mo monaganong le ka ho pelong ka moka matšatši. Leboga gore le wene ba go kgetiye gore o rapele Papa wa rune wa legedimong wa gore re mo nyaka ka matla, fote o sa yi tseyele fase taba ya gore o nyoko mo thanaka go ya go yye!