1. Molo Saksi Jahowa do natua-tuamuna, aha do na diajarhon tu hamu sian mulai gelleng?

MOLO Saksi Jahowa do natua-tuamuna, pasti diajarhon do tu hamu taringot Jahowa sian mulai gelleng. Gabe diboto hamu ma Jahowa do na manoppa hita. Diboto hamu ma muse akka sifatna na luar biasa, jala diboto hamu ma naeng bahenon ni Jahowa nama portibi on gabe Paradeiso.​—1 Mus. 1:1; Ul. 17:24-27.

2. Boha do pandapot ni akka halak taringot Panoppa?

² Godang do halak dang porsea adong Debata. Didok nasida saluhut na adong di portibi on terjadi sandiri do. Porsea do nasida tu teori evolusi. Didok nasida, makhluk hidup na sederhana do na berubah gabe marmacam jenis ni makhluk hidup. Piga-piga halak na porsea tusi, i ma halak na timbo sikkolana. Didok nasida do muse, molo sains boi do membuktihon na sala do Bibel i. Jala didok nasida akka halak na porsea tu Panoppa i, halak na so berpendidikan do manang na so diboto manang aha.

3. Boasa porlu torus tapatogu haporseaotta?

³ Gabe ragu do hita molo Jahowa i do Panoppa alani pandapot ni akka halak i? Molo taboto do alasanna boasa hita porsea Jahowa i do na manoppa sude, pasti dang ragu hita. Unang ma porsea hita holan ala mangihutton aha na diajarhon tu hita. Alai ikkon hita sandiri do mangalului buktina. (1 Kor. 3:12-15) Dang soal nungnga sadia leleng hita gabe Saksi Jahowa, ikkon torus do tapatogu haporseaotta tu Jahowa. Molo tabahen songon i, dang tartipu be hita alani “ajaran ni jolma dohot akka hata na so marguna” na so sesuai tu Bibel. (Kol. 2:8; Heb. 11:6) Di artikel on taulas ma (1) boasa godang halak dang porsea na  adong Panoppa, (2) songon dia caratta patoguhon haporseaotta tu Jahowa Sitoppa saluhutna, jala (3) songon dia asa toktong togu haporseaotta tu Jahowa.

4. Sesuai tu Heber 11:1 aha do dasar ni haporseaon i?

⁴ Piga-piga halak mandok, dang pola porlu adong dasar ni haporseaon i jala dang porlu dilului buktina, cukkup ma holan porsea sajo. Alai menurut ni Bibel, dang songon i haporseaon. (Jaha Heber 11:1 dohot surat na di toru.) Misalna porsea do hita tu Jahowa, Jesus, dohot Harajaonna na adong di surgo. Alai porsea pe hita tu sudena i, ala adong do buktina. (Heb. 11:3) Sahalak ilmuwan na gabe Saksi Jahowa mandok, “Sude na dihaporseai Saksi Jahowa i adong do dasarna, jala sesuai do i tu sains.”

5. Boasa godang halak na so porsea na adong do Panoppa?

⁵ Mungkin sukkun-sukkun do ra rohatta, ‘Molo adong do buktina na adong Debata, boasa ma godang halak dang porsea tu Debata?’ Sebenarna adong do buktina, alai na so olo do halak i mangalului i. Si Robert sahalak Saksi Jahowa mandok, “Tikki di sikkola, dang hea diparsiajari hami taringot toppaan. Jadi dang porsea au na adong Panoppa. Alai dung marumur 22 taon au, pajuppang ma au dohot Saksi Jahowa. Dipatorang nasida ma bukti na masuk akkal sian Bibel na patuduhon na adong do Panoppa.” *—Ida kotak “ Pesan na Penting tu Akka Natua-tua”.

6. Aha dope alasan na asing na mambahen akka halak dang porsea adong do Panoppa?

⁶ Piga-piga halak dang porsea na adong Panoppa, ala dang boi diida Debata. Hape porsea  do nasida na adong angin, nang pe so boi diida. Bibel mandok, ‘tutu do akka na tahaporseai i nang pe dang taida dope’, alai ikkon adong do dasarna boasa tahaporseai i. (Heb. 11:1) Porlu do talean tikki dohot upaya asa boi tabuktihon na tutu adong Debata. Alai godang do halak saonari na so olo mangalului buktina. Makana gabe disimpulhon nasida sandiri ma na so adong Debata.

7. Boasa adong ilmuwan na gabe porsea tu Debata?

⁷ Songon si Robert na dipaboa di paragraf sebelumna, godang do halak na so porsea tu Debata ala dang diparsiajari nasida i tikki kuliah. Alai adong do piga-piga ilmuwan na gabe porsea tu Debata dung dibuktihon nasida memang adong do Sitoppa saluhutna. * Alani i gabe holong ma roha ni nasida tu Jahowa. Tatiru ma  nasida, torus ma tapatogu haporseaotta tu Debata, dang soal aha sikkolatta. Alana dang boi halak na asing mangulahon i tu hita.

8-9. (a) Sukkun-sukkun aha do na lao tabahas? (b) Aha do manfaatna molo marsiajar sian akka toppaan?

⁸ Songon dia do carana asa boi hita patoguhon haporseaotta tu Debata? Tabahas ma opat carana.

⁹ Marsiajar ma sian akka toppaan. Molo jotjot taamati akka toppaan songon binatang, suan-suanan, dohot akka bintang, boi do gabe porsea hita na adong do Panoppa. (Ps. 19:1; Jes. 40:26) Lam jotjot taparsiajari taringot i, lam togu ma haporseaotta tu Jahowa na manoppa saluhutna. Boi do muse taida hatorangan taringot akka toppaan di publikasitta. Molo songon na maol diattusi hamu hatorangan na adong disi, unang ma pittor menyerah hamu. Torus ma berupaya hamu mamparsiajari i. Boi dope muse idaonmuna akka video taringot toppaan di situs webta jw.org. Nungnga hea diputarhon akka video i di parpunguan regional.

10. Bahen ma sada contoh na mambuktihon adong do Sitoppa hita. (Rom 1:20)

¹⁰ Tikki taparsiajari taringot akka toppaan, manat ma taparrohahon aha na boi taparsiajari taringot sifat ni Sitoppa hita sian i. (Jaha Rom 1:20.) Misalna mataniari, massai petting do on tu hita. Alana molo dang adong mataniari, dang adong sumber panas dohot sumber cahaya tu portibi on. Molo dang adong i, dang boi be hita mangolu. Alai adong do sinar na berbahaya di mataniari i. Nang pe songon i, adong do lapisan ozon na melindungi planet bumi on sian sinar na berbahaya i. Molo lam mohop mataniari i, gabe lam tebal ma lapisan ozon i. Ujungna dang sahat be sinar na berbahaya i tu planet bumi on. Menurut hamu, luar biasa do i? Masuk akkal do didok rohamuna adong do sebenarna Panoppa na marbisuk na mambahen i sude?

11. Akka aha do na boi tapakke lao mamparsiajari taringot toppaan? (Ida kotak “ Akka Publikasi na Boi Patoguhon Haporseaotta”.)

¹¹ Asa lam togu haporseaotta, boi do taparsiajari taringot akka toppaan sian Indeks Publikasi Menara Pengawal manang sian jw.org. Boi ma annon disi diida hamu akka artikel manang seri video “Apakah Ini Dirancang?” Singkat do video i. Alai sian on boi ma diida hamu hatorangan taringot tu binatang dohot toppaan na asing na luar biasa. Jala dipaboa do disi songon dia akka ilmuwan maniru akka toppaan lao mambahen tekhnologi na canggih.

12. Molo ringgas hita marsiajar Bibel, aha ma na boi taboto?

¹² Marsiajar Bibel. Ilmuwan na dipaboa nakkin, mulana dang porsea ibana na adong do Panoppa. Saonari nga porsea be ibana na adong do Debata. Memang lam diparsiajari ibana taringot sains, lam porsea do ibana tu Debata. Alai dang holan i, lam togu do muse haporseaonna ala torus ibana marsiajar Bibel. Hita pe, nang pe nga adong parbinotoatta taringot tu Bibel, ikkon torus do taparsiajari Bibel asa lam togu haporseaotta tu Sitoppa hita. (Jos. 1:8; Ps. 119:97) Taparsiajari ma tutu do manang na dang sude sejarah na disurat di Bibel i. Manang taparsiajari ma muse surirang na dipaboa di Bibel naung masa. Asing ni i, tapikkiri ma boasa dang bertentangan aha na disurat di Bibel i, hape marasing-asing do panurat ni Bibel. Molo taulahon i, gabe lam pos ma rohatta na tutu do adong na manoppa hita, jala na tutu do Bibel i Hatana. *—2 Tim. 3:14; 2 Ptr. 1:21.

13. Marguna dope nasehat ni Bibel tu hita? Paboa ma contohna.

 ¹³ Molo taparsiajari Bibel, godang do nasehat na denggan na boi tadapot. Misalna, Bibel mandok unang ma tabahen hepeng na uppetting di ngolutta. Alana “parohon na haccit” do i tu hita. (1 Tim. 6:9, 10; Poda 28:20; Mat. 6:24) Marguna dope nasehat ni Bibel i tu hita saonari? Adong do sada bukku na mambahas sifat-sifat ni jolma mandok, “Godang do halak na mangutamahon hepeng di ngoluna dang bahagia jala depresi. Bahkan halak na holan sekedar naeng manambai penghasilanna pe, ummura do marsahit. Jala biasana, dang bahagia ngoluna.” Takkas ma, marguna dope nasehat ni Bibel i tu hita saonari. Adong dope nasehat ni Bibel na asing na diboto hamu na marguna di ngolumuna? Molo taparsiajari Bibel, gabe taboto ma holong do roha ni Panoppa i tu hita jala holan Ibana do na mamboto na dumenggan di ngolutta. (Jak. 1:5) Molo taihutthon do hata ni Jahowa i, hasilna gabe las ma rohatta.​—Jes. 48:17, 18.

14. Molo lam jotjot taparsiajari Bibel, aha do na boi taboto taringot Jahowa?

¹⁴ Tikki marsiajar Bibel, bahen ma tujuan asa lam mananda Jahowa. (Joh. 17:3) Tikki marsiajar Bibel hita, gabe taboto ma akka sifat ni Jahowa. Jala, akka sifatna i tarida do sian akka toppaanna. (2 Mus. 34:6, 7; Ps. 145:8, 9) Molo nga lam takkas taboto akka sifatna i, gabe lam pos ma rohatta na tutu do adong Jahowa. Jadi molo lam tatanda Jahowa, lam togu ma haporseaotta tu Ibana. Gabe lam holong ma rohatta tu Ibana, jala lam togu ma parale-aleotta tu Jahowa.

15. Aha do manfaatna molo marbarita na uli hita?

¹⁵ Marbarita na uli ma hita tu akka halak. Molo lam jotjot taulahon i, lam togu ma haporseaotta tu Jahowa. Molo adong na manukkun tu hamu tutu do adong Debata, alai dang diattusi hamu mangalusi i aha ma na ikkon diulahon hamu? Lului ma alusna sian publikasitta. (1 Ptr. 3:15) Boi do dipangido hamu akka donganta mangurupi hamu mangalusi sukkun-sukkunna i. Molo nga dipaboa hamu tu parjabu i alai dang diterima, unang pola kecewa hamu. Alana tetap do adong manfaatna molo mangariset hamu, gabe lam togu ma haporseaonmuna. Hasilna, gabe dang mura be hamu porsea tu akka halak na mandok dang adong Panoppa.

16. Aha do akibatna molo dang torus tapatogu haporseaotta i?

¹⁶ Dang soal nungnga sadia leleng hita manomba Jahowa, ikkon toktong do tapatogu haporseaotta tu Ibana. Boasa? Alana haporseaotta i boi do gabe gale. Songon na tabahas nakkin, asa boi tahaporseai akka na so boi taida i, ikkon adong do dasarna. Alai biasana, mura do talupahon akka na so boi taida. Jala dipatudos si Paulus ma i tu “dosa na boi mangabbati hita di parlumbaatta”. (Heb. 12:1) Jadi songon dia ma caratta asa boi toktong togu haporseaotta i?​—2 Tes. 1:3.

17. Aha do na boi taulahon asa toktong togu haporseaotta?

¹⁷ Na parjolo, jotjot ma martangiang hita manjalo tondi parbadia sian Jahowa. Boasa? Alana haporseaon i, parbue ni tondi parbadia do. (Gal. 5:22, 23) Jadi asa boi toktong togu haporseaotta tu Sitoppa hita, ikkon diurupi tondi parbadia do hita. Molo torus tajalo tondi parbadia i, lehonon ni Jahowa do i. (Luk. 11:13) Tikki martangiang, tadok ma, “Tambai ma haporseaonnami.”​—Luk. 17:5.

18. Sesuai tu Psalmen 1:2, 3, aha do hadiah istimewa na tajalo sian Jahowa?

¹⁸ Na paduahon, taratur ma hita belajar pribadi. (Jaha Psalmen 1:2, 3.) Tikki sae disurat bukku Psalmen, holan saotik do halak  Israel na boi manjaha Patik. Alai akka raja dohot akka malim, boi do manang sadihari manjaha Patik i. Jala dibahen do pengaturan sahali pitu taon asa dijahahon Patik i tu “bawa, borua, dakdanak”, dohot sude halak sian bangso na asing. (5 Mus. 31:10-12) Di tikki ni Jesus pe, holan saotik do halak na boi langsung manjaha Patik i, jala di sinagoga do i disippan. Hape saonari nga godang be halak na boi manjaha Bibel. Sada hadiah na istimewa do i tu hita. Songon dia ma hita patuduhon na taargai do hadiah na sian Jahowa i?

19. Aha do na boi taulahon asa toktong togu haporseaotta?

¹⁹ Boi do tapatudu na taargai do hadiah na sian Jahowa i molo tajaha Bibel. Tabahen ma jadwal manjaha jala mamparsiajari Bibel. Taihutton ma jadwalta i, dang holan tikki sanga hita baru tajaha. Molo taulahon i, gabe lam togu ma haporseaotta tu Jahowa.

20. Aha do na ikkon torus taulahon?

²⁰ Dang songon “halak na bisuk dohot halak na pistar” di portibi on hita. Porsea do hita tu Debata, jala haporseaotta i adong do dasarna di Bibel. (Mat. 11:25, 26) Sian Bibel, taboto do boasa adong hasusaan di portibi on jala aha na naeng diulahon Jahowa. Alani i, tapatogu ma haporseaotta tu Jahowa jala taurupi ma akka halak mananda Ibana. (1 Tim. 2:3, 4) Tarpaima-ima do hita sappe dapot tikkina sude halak marsurak mandok, “Ale Jahowa Debatanami, na tama do ho manjalo hasangapon . . . Ai ho do manoppa saluhutna.”​—Pgk. 4:11.