1. Tae-e du ge sada kuru-aob xa ǁkhāǁkhāhe?

JEHOVAB di ǃoaba-ao i ase du ga kai kaihe o. O du ge ǂkhamsisa xu Jehovab xa ge ǁkhāǁkhāhe. Kuru-aob a ǃkhaisa tsîb ǃgâi ǀgauga ūhâsa. Tsîb ǃhūbaiba paradais ǃnâ ra dī ǂgaosa.—Gen. 1:1; ǃNǃkh. 17:24-27.

2. Matin ǀnîna ra ǂâi ǁnān hîna kuru-aob ǃnâ ra ǂgoman xa?

² ǂGui khoen ge ǂgom tama hâ Elob hâ ǃkhaisa. Tamas ka iob ge hoa xūna a kurusa. Xawen ge ra ǂgom ûib ge di ǀgui a hāsa. Tsî aitsama ûib di xūna xu a kurusen ǃkhaisa. ǀNî khoen hîna ǀgapi ǁkhāǁkhāsensa. Ūhân ge nēti i ǂâiǀgauba ūhâ. ǁÎn ge ra mî kurus ǂans ra ǁgausa Elobmîs ǂhanu tama hâ di. Tsî i kuru-aob ǃnâ ǂgomsa gâre ǂhabusa. Tsî ǃhaese ra ǂgaeǂhabuhe khoen di.

3. Sida ǂgomsa ǀgaiǀgaisa tae-i ǃaroma ǂhâǂhâsa?

³ ǀNî gā-ai khoen ra mî xūna sida ǂgomsa nî ǂkhabu kai. Jehovab a ǀnamǀnamsa kuru-aosa? Nēs ge tae-i ǃaroma da. Jehovab a kuru-ao ǃkhaisa ra ǂgomsa. Khoe-e ge mîba du î du nēsa ǂgom? Tamas ka io du ge ǁaeba ǁama ǂui. Tsî ǁkhāǁkhāsen kuru-aob hâsa? (1Kor. 3:12-15) Matikō gaxuse da ga Jehovaba ǃoaba xawe. Da ge sida di ǂgomsa nî ǀgaiǀgai ǀkhara. Nēsa da ga dī o, o da ge ǂgaeǂhabuhe tide. Khoen ga Elobmîs ama tama hâ di mî o. (Kol. 2:8; Heb. 11:6) Nē ǁkhāǁkhāǃâs ge nî hui da (1)Tae-i ǃaroman ǂgui khoena kuru-aob ǃnâ ǂgom tama hâs, (2) Mati du sadu ǂgomsa kuru-aob ǃnâ nî omkhâi tsî (3) Mati du sadu ǂgomsa ǀgaisase nî ūhâ ǀkhara.

4. Hebreǁîn 11:1 ǃoagus Elobmîsa tae-e ra mî ǂgoms xa?

⁴ ǀNî khoen ge ra ǂâi, ǂgomsa ūhâs ra ǂâibasensa its. ǂÂibasen-e ūhâ tama xu-i ǃnâ ǂgom. Xawe Elobmîs ge ra ǁguiǃā, ǂgoms ǂâibasens ai ǃgaoǃgaosa sa. (Khomai re Hebreǁîn 11:1 sa.) Xawe nēsi da ga Jehovab, Jesub tsî ǁîb di Gaosiba mû tama i. Xawe da ge ǁgauǁgauna ūhâ ama-i a ǃkhaisa. (Heb. 11:3) ǀGui ǃgâsab hîna ûitsama xūn xa ra ǁkhāǁkhāseni ge ra mî: “Jehovab ǃoaba-aon ge ǃgaoǃgaoba ūhâ. ǁÎn ra ǂgom xūn ǃnâ.”

5. Tae-i ǃaroman ǂgui khoena ra ǂgom. Ûib ge kuru-ao i ose a tsoatsoasa?

⁵ ǀNîsi da ge a dî ǁkhā. ‘ǂGom kai da ra ǁgauǁgaudi ga kuru-aob xa hâ o. Tae-i ǃaroman ǂgui khoena ra ǂgom. Elob ge hoa ûitsama xūna kuru tama isa?’ ǀNîn ge ôaǃnâde tātsē aitsama dītsâ tama hâ. Roberti hîna nēsisa a Jehovab di ǃoaba-aob ge ra mî: “Kurus xa i ge skoli ǃnâ ǃhoa-e tama hâ i. ǃKhais ǃaroma ta ge ge ǂâi hâ i ama tama i asa. Tsî ǁnās ge ti 20 kurin ǃnās kōse ge ī. Jehovab di ǃoaba-aon ǀkha ta nî ǃhoas kōse. ǁKhāǁkhāsen ta ge ge Elobmîs ǃgâi ǃereamde ra mā da sa. Î da ǂgom Elob ge hoa xūna a kurusa.” *—“ ǁGûna ǃoa hâ ǂhâǂhâsa haisi-ams” di hâ boksisa khomai re.

6. Tae-i ǃaroman ǂgui khoena ra ǂgom kuru-ao i a ǀkhaisa?

⁶ ǀNîn ge kuru-aob ǃnâ ǂgom tama hâ. ǁÎn ra mî amaga, mû ǁkhān a xūn ǃnâ ǀguin ra ǂgom di. Din ra mî xawen ge mû ǁoan a xūn ǃnâ ra ǂgom. Aiǁgausen ge Gravity-i, mûhe ǁoasa ǀgaib ǃnâ ra ǂgom. Hâ-i a ǁgauǁgausa i ūhâ ǃkhais ǃaroma. Elobmîs  ǃnâ ra ǃhoaǃgaohe ǂgoms tsîn ge a ǃgaoǃgaosa. “Ama hâ a xūn hîna da a mû ǁoan ai.” (Heb. 11:1) ǁAeb tsî ǁkhāsib tsîna i ge ra ū. Aitsama ǁgauǁgauna ôaǃnâsa. ǂGui khoen ge ǁaeba ǁamaǂui ǂgao tama ǁnāsa dīsa. Khoe-i hîna aitsama ǁgauǁgauna. Ôaǃnâ tama i ge a ǂgom ǁkhā Elob a ǀkhai di.

7. Hoa gā-ai khoena ǂgom tama hâ. Elob ge hoaraga xūna a kurusa? ǁGuiǃā re.

⁷ ǁGauǁgauden ge ôaǃnâ toas kaoǃgân ge. Kurus ǂans xa ǁkhāǁkhāsen hâ khoen ǀnîna ge ǂgom. Elob ge hoa ǃhūbaiba a kurusa. * Ais ai da go ro ǃhoaǃgao Roberti. Khamin ge ǀnîna ūǃoas ǀguisa gere dī. Kuru-ao i ge ǀkhai isa. Tātsēn ge kurus xa ǀgapi ǁkhāǁkhāsen ǃkhaigu ai. ǁKhāǁkhāhe  tama hâ i ǃkhais ǃaroma. Xawe ǂguin hîna kurus ǂansa ūhân ge. Jehovab xa ge ǁkhāǁkhāsen. Tsî ǁîba ge ǀnam tsoatsoa. Nē ǀgapise ǁkhāǁkhāsen hâ khoen. Ge a dī khami da ge sida tsîna. Elob ǃnâ da ūhâ ǂgomsa nî ǀgaiǀgai. Mati i ga sida ǁkhāǁkhāsens di kaoǃhūba ī xawe. ǀNî hâ khoe-i ge ǁnā-e a dība du ǁoa.

8-9. (a) Mâ dîde da nēsi nî ǃhoaǃgao? (b) Kurus xa ǁkhāǁkhāsensa mati i nî hui du?

⁸ Mati du sadu ǂgomsa kuru-aob ǃnâ a omkhâi ǁkhā? Hā re i da haka ǀgauga ǃhoaǃgao.

⁹ ǁKhāǁkhāsen kurus xa. Sadu ǂgomsa du ge kuru-aob ǃnâ a omkhâi ǁkhā. ǀGurun, hain tsî ǀgamirona ǃoa du ga kō o. (Psa. 19:1; Jes. 40:26) ǃNāsase du ǁnā xūn xa ra ǁkhāǁkhāsen khami du ge. ǃNāsase nî ǂgom Jehovab a kuru-ao ǃkhaisa. Sada di ǂkhanin ge hoaǁae ǃhoaǃâde ra ǃkhōǂgā. Hîna ǃkharagagu ǀgaugu kurus xa hâna ǃamkuse ra ǁguiǃāde. Tā nē xoaǃâde ǃnâbuǃnâ re. Nē xūna ǁnâuǃās ga ra ǃgom xawe. ǁKhā du as kōse ǁkhāǁkhāsen. Tsî tā ǀuru ǁkhawa kō sa. Sada di internets ǂhaweb ai jw.org ai. Îxa vidiogu hîna kurus xa hâga. Sada di ǀkharib kai ǀhaodi tawa gere. Mâi-ai ǃâ-e ga nē kurigu ǃnâ.

10. Aiǁgau-e mā re kuru-aob hâ ǃkhaisa ra ǁgau-e? (Rom. 1:20)

¹⁰ ǃGaoǃgâ re xūn hîna da a. ǁKhāǁkhāsen ǁkhā na sada kuru-aob xa. Sadu ǂnamipe hâ xūn xa du ga ra ǁkhāǁkhāsen o. (Khomai re Romeǁîn 1:20 sa.) Aiǁgause sores ge ǀgammi tsî ǃnâb tsîna ra mā da. ǃHūbaib ai hâ ûib ǃaroma a ǂhâǂhâsa-e. Xawe sores di ǀnî ǀhâugu tamas ka io ǃnâb. Ultraviolet rays dis tsîna ra ǂgaihe gu. Ge sida ǃaroma ǃgâi tama hâ. ǂHâǂhâsa i ge a khoeda ǁnā ǃnâba xu nî ǁkhaubahesa. Tsî da ge a ǁkhaubasa. Mâ ǀgaub ǃnâ? ǃHūbaib ǂnamipe i ge gas-e hâ, ozone layer dis tsîna ra ǂgaihe-e. Sada nē sores di ǃgâi tama ǃnâba xu ra ǁkhauba-e. Sores di ǃnâb hîna ǃgâi tamab ra ǀgai khami. I ge ǁkhauba ra gas-e kaisib ǃnâ ra ǀarosen. Nēsi du ǂanǃgâ tama hâ. Khoe-i ge nē xūna a kurusa. Tsîb ǁîba a ǀnamǀnamsa tsî gā-ai kuru-aosa?

11. Mapa du ǂgomsa ra omkhâi amaba a hō ǁkhā kurus xa? (“ ǀNî ǀgaugu hîna ǂgomsa ra omkhâigu” di hâ boksisa khomai re.)

¹¹ ǂGui aman hîna sadu ǂgomsa kurus ǃnâ ra ǀgaiǀgaina du ge. Watch Tower Publications Index ǂkhaniba ra sîsenūse. Ôaǃnâs ǃaroma jw.orgs ai a hō ǁkhā. “Kuruhe i ge” di hâ ǃâga xu du ge tsoatsoa ǁkhā. ǃHoaǃâdi tsî vidiogu tsîn ǀkhā. Nē ǃâgu ge a ǃnubu tsî buruxa amab. Hîna ǀgurun tsî ǀnî kuruhe hâ xūn xa ra ǃhoa. Aiǁgaudi tsîna ǃkhōǂgā hâ matin kurus ǂansa ūhâ khoena dītsâ. Tsî ǃhūbaib di kurusa xu kōǁnā. Tsî xūna ra kuru ǃkhaisa.

12. Mâ xūna da nî ǃgaoǃgâ. Elobmîsa da ga ǁkhāǁkhāsen o?

¹² Ôaǃnâ Elobmîsa. Kurus ǂansa ūhâ khoeb. Hîna hakaǁî xoaǀgoras ǃnâ ra ǃhoaǃgaoheb ge. ǁKhā ǁaeb ai kuru-aob ǃnâ ge ǂgom tama hâ i. Xaweb ge ega ge ǂanǃgâ kuru-aob hâ ǃkhaisa. ǁÎb ge ra mî: “Ti ǂgoms ge kurus ǂans ǃnâ ta ge ǁkhāǁkhāsen. Xūn ai ǀgui ge ǃgaoǃgaosa tama hâ i. Xawe i ge ǂkhorisase ta ge. Elobmîs ǃnâ a ôaǃnâ xūna xus tsîna ge ǃgaoǃgaosa i.” ǀNîsi du ge ǀnai Elobmîsa ǃgâise a ǂan. ǁNati i ga ī xawe, sadu kuru-aob ǃnâ ǂgomsa omkhâis ǃgao. Î ge a ǂhâbasa Elobmîsa ǁkhāǁkhāsens ǀkha du nî aiǃgûsa. (Jos. 1:8; Psa. 119:97) Aiǁgause ǂâi re matis Elobmîsa ǂgomǂgomsase. ǃKharu ge ǁaeb ǃnâ ge ī xūna ra ǁguiǃā ǀgausa. ǂÂis tsîna dī re, hoa Elobmîs kēbodi hîna ge dīǀoaǀoahe di xa. Tsî mati gu ǃkharagagu Elobmîs xoa-aoga a ǀguiǃnâxa ǀgauba. ǁNati dīs ge sadu ǂgomsa a ǀgaiǀgai ǁkhā.  ǀNamǀnamxa gā-ai kuru-aob xa da kuruhe hâ ǃkhaisa. Tsîs ge Elobmîsa ǁîb di haisi-am, sida ǃaroma. *—2Tim. 3:14; 2Pet. 1:21.

13. Elobmîs ǃnâ da ra hō ǀgui aiǁgaus, gā-aisib diba a tae?

¹³ Elobmîsa du ga ôaǃnâ o. ǃGaoǃgâ re matis ǁîs ǀapemāde nî hui du sa. Aiǁgause, Elobmîs ge gaxu ǁaeba ǃkharu tsî ge ǃkhâikhom. Mari-e ǀnams a tsū tsî-i ‘ǂgui tsûna’ nî ǃaromasa. (1Tim. 6:9, 10; ǂKhm. 28:20; Mat. 6:24) ǁNā ǃkhâikhomsa nētsēdi ǃnâs tsîna ama? ǀGui ǂkhanis sada ǁaeb di khoen. ǀGaugu xa ra ǀgoragus ge ra mî. “ǃNāsa ǁaeba i ge kai mari-e ūhâs kaise. Ûib ǃnâ ǂhâǂhâsa di ra ǂâi khoena. ǂKhîoǃnâ tsî kaise ra ǂâiǂhansen. Tsî khoen hîna ǃnāsa mari-e ra ǂhâban ge danas ǀaeb. Tsî sorosi ǂurusib di ǃgomsigu tsîna ra hōǃâ.” Elobmîs ǃkhâikhoms tā mari-e ǀnams. Ge kaise ǃgâi ǀapemāsa. ǂÂi ǁkhā du a, ǀnî hâ. Elobmîs ǀapemādi hîna ge hui du de? Hoaraga ǀapemādi hîna. Elobmîs ǃnâ hâ di xa da ga ǂâi o. O da ge nî mû sida ǀnamxa kuru-aob a ǂansa. Tae-i sida ǃaroma a ǃgâisa. Tsî da ge hoaǁae ǁîb ai nî ǂgomǃgâ. ǀApemāna da ga ôa o. (Jak. 1:5) ǁNās xa ǃaromahe hâse da ge. ǃNāsa ǃgâiaǂgaoba sada di ûib ǃnâ a hōǃâ ǁkhā.—Jes. 48:17, 18.

14. Elobmîsa ôaǃnâsa tae-e. Jehovab xa nî ǁkhāǁkhā du?

¹⁴ Elobmîsa ǁkhāǁkhāsen re—Jehovaba ǃgâise ǂans di mîǁguiba ūhâse. (Jhn. 17:3) Xoade du ra ôaǃnâ khami du ge. Jehovab tsî ǁîb di ǀgaugu xa nî ǁkhāǁkhāsen. Tsî nē gu ge ǁkhā ǀgaugu hîna du ge ǁkhāǁkhāsen ga. Elobmîsa du gere ǁkhāǁkhāsen o. Jehovab ǀgaugu xa ǁkhāǁkhāsens ge ge ǂgom kai da. Jehovab amabes ǃnâ hâ ǃkhaisa. (Eks. 34:6, 7; Psa. 145:8, 9) Jehovaba du ǃgâise ra ǂan. Khami i ge sadu di ǂgomsa ǁîb ǃnâ nî ǀgai. ǁÎba du ūba hâ ǀnammi ge nî kai. Tsî sadu ǀhōsagusis ǁîb ǀkhā du ūhâs. Tsîn ge nî ǀgaisa tsoatsoa.

15. Mati du nî hui-e sadu ǂgomsa du ga ra ǀgoragu o?

¹⁵ ǀGoragu re Elob ǃnâ du ūhâ ǂgomsa nau khoen ǀkha. ǁNāsa du ra dī khami i ge. Sadu di ǂgomsa nî ǀgaiǀgaihe. Xawe aoǁnâba du ra khoe-i ga. Elob hâ ǃkhaisa dî du o. Tsî du ga ǃereamsa ǀū o. Mati du nî dī? Dītsâ re i xoade xu dî-e ǃeream. Sida di ǂkhaniga xu. ǁNāpaxu ǁnā khoe-i ǀkha ǀgoragu re. (1Pet. 3:15) ǀHaohâb ǃgâsa-i ǃnāsa ǂansa ūhâ-i. Tsîna du ge ǂan ǁkhā. I du dîsa ǃereams ǀkha hui-e. Khoe-i ga ǃereamsa Elobmîsa xu ga ūǃoas. Tamas ka io ūǃoa tama i. Xawe du ge ǃgâiba sadu go dī ôaǃnâsa xu nî hō. Sadu ǂgoms ge ǀgaisase nî kai. Tsî ǀam ǂoas ge, khoen hîna gā-aise ra mûsen. Tsî ǀgapi ǁkhāǁkhāsensa ūhân. Di ama tama ǁkhāǁkhās. Elob a ǀkhai din ra mîs. Xa du ge ǂgaeǂhabuhe tide.Tamas ka io ǂgom tide.

16. Tae-e a ī ǁkhā sada ǂgomsa da ga. ǀGaisase ūhâ ǀkhara tama io?

¹⁶ Matikō gaxuse du ga Jehovaba ga ra ǃoaba. Xawe da ge aiǃgû. Tsî ǁîb ǃnâ da ūhâ ǂgomsa nî omkhâi. Tsî nî ǃkhō ǀkhara. Tae-i ǃaroma? ǂAn tama da ga ra i. Os ge sida di ǂgomsa a ǂkhabu ǁkhā. ǃHoaǃgao da go khamis ge ǂgomsa. Mûhe ǁoa xūn ai ǃgaoǃgoasa. Mû ǁoa da a xū-e da ge supuse a ǀuru ǁkhā. ǁNā-amagab ge Pauluba ǂgoms ǂkhabusasiba. Nēti ge ǂgai “hugaǀgui ra ǂae-ai da ǁoreb.” (Heb. 12:1) Mati da a ǂgōsen ǁkhā ǁnā ǀgauga xu?—2Tes. 1:3.

17. Tae-e hui da ǁkhā i da. Sida ǂgomsa ǀgaisase ūhâ ǀkhara?

¹⁷ ǂGurose, Jehovaba hoǁae. ǁÎb ǃanu gagab  ǃaroma ǀkhoma re. Tae-i ǃaroma? ǂGoms a gagab di ǂû amaga. (Gal. 5:22, 23) Sada kuru-aob ǃnâ da ūhâ ǂgomsa da ge omkhâi. Tsî a ūhâ ǀkhara ǁkhā. ǃAnu gagab huib ǀkha ǀgui. Jehovaba da ga ǁîb di ǃanu gagaba. ǂGan ǀkhara o, ob ge nî mā da. (Luk. 11:13) ǀGore ǁkhās tsîna da ge ī: “ǂGomsa ǀaroba” da re di.—Luk. 17:5.

18. Psalmdi 1:2, 3 ǃoagu mâ ǀō-aisa ǀkhaeba du nēsi a hōǁkhā?

¹⁸ Aiǃgû tsî hoaǁae sadu di ǁkhāǁkhās Elobmîs disa dī re. (Khomai re Psalmdi 1:2, 3 sa.) Nē psalmdi gere xoa-e on ge ǀoro. Israelǁîna xoa toasa ǃâgu Elobmîs diga ge ūhâ i. Xawe gu ge gaogu tsî pristergu. Tsîna ǁnā ǂhanub di ǃâga ge hō ǁkhā i. Tsî mâ hûǁî kurib hoab ǃnâ ǁaesa gere ǀhaoǀhao. “Aogu, taradi, ǀgôan” tsî Israelǁaes di ǃhaokhoen tsîn hoana. Elob ǂhanub gere khomaihe on nî ǃgâ ga. (Deu. 31:10-12) Jesub di tsēdi ǃnâ în ge ǀoro. Khoena xoadi ǂkhaniga ge ūhâ i. ǃNāsa ǂkhanigu ge sinagogegu ǃnâ gere ūhâ ǀkhara-e. Nētsēs ǀkha da ga ǀgopeǀnō o. On ge ǃnāsa khoena Elobmîsa xu ǃâro-e a khomai ǁkhā. Tamas ka io hoasa. ǁNāb ge kai aiǂhanuba. Mati da a ǁgau ǁkhā gangan da ra sa. Elobmîsa da ūhâ ǃkhais ǃaroma?

19. Tae-e da nî dī sida ǂgomsa ǀgaisase ūhâs ǃaroma?

¹⁹ Aiǂhanub Elobmîsa da ūhâs di ba. Da ra ǃgôaǃgâsa da ge a ǁgau ǁkhā. ǁÎsa da ga hoaǁae khomai o. ǁAeba da ge nî ǀapeǁgui Elobmîsa khomai tsî ôaǃnâsa. Elobmîsa hoaǁae khomaisa da ga ǃkhōǀgara o. O da ge sida di ǂgomsa ǀgaisase a ūhâ ǀkhara ǁkhā.

20. Tae-e da nî mîǁgui dī da nîse?

²⁰ “Gā-ai tsî ǁnâuǃāxan” nē ǃhūbaib dina xu da ge a ǀkhara. Sada ge ǁkhāposa ǂgoms. Elobmîs ai a ǃgaoǃgaosasa ūhâ. (Mat. 11:25, 26) Elobmîs ge ra ǁguiǃāba da, ǃhūbaib ai hâ mâsigu. Tae-i ǃaroma nēti ra ǁgai ǂoasa. Tsî tae-eb Jehovaba ǁnās xa nî dīsa. Hā da ǁkhā da i hoa-e dī tsî sada di ǂgomsa ǀgaiǀgai. Tsî ǂgui khoena hui, în ǂgomsa. Sada di kuru-aob ǃnâ ūhâ. (1Tim. 2:3, 4) Hā re da aiǃgû tsî mûǂui ǁnā ǁaeba ǃoa. Hînan hoa ûitsama xūn ǃhūbaib ai hâna. Jehovaba koa tsî ǂHaiǂhais 4:11 ǃnâ hâ mîde nî mîsa: “Sats ǃKhūts ge a anu, ǂkhaisib tsî ǃgôasib. Tsî ǀgaib tsîna māhesa; sats ge hoana kuru xui-ao.”