1. Aha do na diulahon akka naposo ni Jahowa lao mangalehon na undenggan tu Ibana?

 ALA nungnga lam jonok ajal ni portibi on, lam godang do na ikkon taulahon. (Mat. 24:14; Luk. 10:2; 1 Ptr. 5:2) Alani i, lomo do rohatta mangalehon unggodang tikki lao melayani Jahowa. Misalna gabe perintis, karejo di Betel, karejo di tim konstruksi, jala godang do donganta bawa na berupaya melayani gabe parhobas manang sintua di huria. (1 Tim. 3:1, 8) Pasti las hian do roha ni Jahowa mangida akka naposona na berupaya mangulahon i.​—Ps. 110:3; Jes. 6:8.

2. Songon dia do perasaan ni akka donganta na so mandapot cita-citana dope?

² Molo nga berupaya hita mandapot sada tugas, alai dang marna dapotta dope i, olo do ra gabe kecewa hita. Na asing olo do gabe metmet rohana ala nungnga matua manang dang cocok be situasina lao mandapot tugas na diharappon ibana. (Poda 13:12) Songon i do na masa tu si Melisa. * Lomo hian do rohana karejo di Betel manang dohot tu sikkola SBPK. Alai didok ibana, “Nipi nama i. Dang mungkin be dapottu cita-citakki, ala nga matua au jala dang cocok be umurhu tusi.” Alani i, gabe metmet ma rohana.

3. Asa boi dapot ni sasahalak tugas sian Jahowa, aha do na porlu diulahon ibana?

³ Adong do piga-piga donganta na poso na malo, rajin, jala berupaya mandapot tugas di huria. Alai asa boi dapot nasida tugas i, porlu do nasida marsiajar asa lam sabar, lam serius  mandalatton tugas, jala patuduhon respek tu akka dongan. Molo berupaya do akka na poso mambahen sifatna asa lam denggan, ujungna memenuhi syarat ma nasida mandapot cita-citana. Taparrohahon ma jo pengalaman ni donganta si Niko. Tikki marumur 20 taon, hea do ibana kecewa ala dang marna dilantik ibana gabe parhobas. Gabe ro ma tu pikkiranna, “Aha do nuaeng na hurang sian au?” Alai dang menyerah si Niko, torus do ibana berupaya patuduhon akka sifatna na denggan. Dibahen ibana do na undenggan lao mandalatton tugasna di huria dohot marbarita na uli. Saonari nungnga melayani sebagai Panitia Cabang be ibana.

4. Aha do na lao tabahas di artikel on?

⁴ Hea do ra hita kecewa ala dang marna dapotta cita-citatta manang tugas na taharappon. Molo songon i do, tapaboa ma i tu Jahowa. (Ps. 37:5-7) Boi do muse tajalo saran sian akka dongan naung berpengalaman manang na togu haporseaonna, asa lam terampil hita mandalatton tugasta. Molo taulahon saranna i, dapotta ma cita-citatta i. Alai olo do ra situasitta songon si Melisa naung dipaboa di paragraf dua nakkin, dang mungkin be boi tadapot cita-citatta i. Attong, aha do na ikkon taulahon asa toktong marlas ni roha? Tabahas ma di artikel on: (1) Songon dia do carana asa marlas ni roha? (2) Songon dia do carana asa martamba las ni rohatta? (3) Cita-cita aha do na boi tabahen asa boi hita toktong marlas ni roha?

5. Boha do carana asa boi hita marlas ni roha? (Parjamita 6:9)

⁵ Di Parjamita 6:9, dipaboa do songon dia carana asa boi hita marlas ni roha. (Jaha.) Sasahalak na fokus tu ‘na adong di jolona’, pasti boi do ibana merasa puas, termasuk ma i boi menerima situasina saonari. Alai molo halak na sai “mangalului na so adong”, maol do ibana merasa puas. Aha do na boi taparsiajari sian ayat i? Asa boi las rohatta, fokus ma hita tu na adong di hita. Unang ma tapaksahon diritta ikkon mandapot cita-cita na so boi be tacapai.

6. Aha do na boi taparsiajari sian perumpamaan ni Jesus taringot talenta?

⁶ Toho do hita boi merasa puas tu na adong di hita? Lomo do rohatta belajar hal-hal na baru jala lomo do rohatta mandapot tugas na baru. Wajar do i, ala songon i do hita ditoppa. Attong songon dia do carana asa boi hita puas tu ‘na adong di jolotta’? Saonari marsiajar ma jo hita sian perumpamaan ni Jesus taringot talenta na disurat di Mateus 25:14-30. Taparsiajari ma songon dia carana asa boi marlas ni roha jala asa tamba las ni rohatta manang na songon dia pe situasitta.

7. Ceritahon ma perumpamaan ni Jesus taringot talenta.

⁷ Di perumpamaan ni Jesus i, adong ma sahalak bawa naeng mardalani tu huta na dao. Sebelum berangkat dijou ma akka hatobanna, disuru ma nasida mangurus akka artana. Dilehon ma tu nasida hombar tu na tolap uruson ni nasida. Dilean ma tu na sada lima talenta, tu na asing dua talenta, tu na sada nai sada talenta. * Dua hatobanna i, rajin do. Alani i, gabe tamba ma arta ni tuanna i. Alai molo hatobanna na sada nai, malas do. Gabe diusir ma ibana.

8. Aha do na mambahen las roha ni hatoban na parjolo i?

⁸ Las hian do roha ni hatobanna i ala dipasahat tu ibana lima talenta. I patuduhon  na porsea do tuanna i tu ibana, ala hepeng na massai godang do i. Songon dia molo hatoban na paduahon? Kecewa do ibana ala dang sarupa godang ni hepeng na dilean tuanna i tu ibana dohot tu hatoban na parjolo i?

9. Muruk do hatoban na paduahon i ala holan dua talenta dilean tu ibana? (Mateus 25:22, 23)

⁹ Jaha Mateus 25:22, 23. Dang adong dipaboa Jesus di perumpamaanna i na kecewa manang muruk hatoban na paduahon i, ala holan dua talenta dilean tu ibana. Jala, dang adong didok hatoban i songon on, ‘Ai holan on do dapottu? Boasa unggodang dilean tu ibana? Hape rap kerja keras do hami. Na so porsea do tuanku tu au? Molo songon i do, tumagon ma hukubur sidua talenta on, asa unang karejo be au tu ibana.’

10. Songon dia do dibahen hatoban na paduhaon mangurus talenta na dipasahat tu ibana?

¹⁰ Songon hatoban na parjolo, hatoban na paduahon pe martanggung jawab jala kerja keras do mangulahon tugasna. Hasilna gabe tamba ma arta ni tuanna i. Ala rajin do ibana, gabe las ma roha ni tuanna i, dipuji ma ibana, jala dilehon ma unggodang tanggung jawab tu ibana.

11. Songon dia do carana asa martamba las ni rohatta?

¹¹ Asa boi tamba las ni rohatta, ikkon berupaya do hita mambahen na undenggan mandalatton tugasta. Taupayahon ma asa lam godang ‘tapakke tikkitta’ lao marbarita na uli jala mangulahon tugas di huria. (Ul. 18:5; Heb. 10:24, 25) Persiapan ma hita sebelum marpungu, asa boi talean komentar na denggan na patoguhon akka dongan. Molo dapot  tugas di parpunguan tonga pokkan, denggan ma taparade. Denggan ma takarejohon tugas manang aha pe na dilean tu hita. Unang ma hea didok rohatta adong tugas na hurang penting jala na pahabis-habisson tikki. Berupaya ma hita asa lam malo mangulahon karejotta. (Poda 22:29) Molo lam denggan hita mangulahon akka tugasta, gabe lam jonok ma hita tu Jahowa jala tamba ma las ni rohatta. (Gal. 6:4) Molo tung pe donganta na asing na mandapot tugas na taharappon i, dang mago las ni rohatta i. Gariada rap marlas ni roha do hita dohot ibana.​—Rom 12:15; Gal. 5:26.

12. Aha do na diulahon si Melisa dohot si Niko asa unang mago las ni rohana?

¹² Molo taingot donganta si Melisa naung dipaboa nakkin, lomo do rohana karejo di Betel jala naeng dohot sikkola SBPK. Alai dang mungkin be ibana boi dohot tusi. Nang pe songon i, didok ibana ma, “Berupaya do au asa gabe perintis na terampil. Hucoba ma sude akka cara marbarita na uli na disaranhon organisasi. Hasilna, gabe martamba ma las ni rohakku.” Songon dia molo donganta si Niko na sempat kecewa ala dang marna dilantik gabe parhobas? Didok ibana, “Berupaya do au fokus mangulahon tugas na boi huulahon, misalna marbarita na uli manang mangalean komentar di parpunguan. Dung i huisi ma formulir Betel. Sataon dukkon i, dijou ma au karejo tu Betel.”

13. Aha do hasilna molo nga terampil hita mangulahon tugasta? (Parjamita 2:24)

¹³ Molo nungnga terampil hita mangulahon tugasta, boi do dapotta cita-citatta i? Bisa jadi, songon na dialami si Niko. Alai molo songon si Melisa do situasitta, na so mungkin be dapotta cita-citatta, boi do tetap hita marlas ni roha jala puas. (Jaha Parjamita 2:24.) Asing ni i, pasti las do rohatta ala nga tabahen las roha ni Tuanta, Jesus Kristus.

14. Songon dia do carana asa boi tercapai cita-citatta?

¹⁴ Molo nga fokus hita mandalatton tugasta saonari, na so porlu be tabahen cita-cita na asing? Dang i maksudna. Ikkon tabahen do cita-citatta asa lam terampil hita mangulahon tugasta. Misalna, marbarita na uli dohot mangurupi dongan na asing. Boi do tercapai cita-citatta i, molo fokus hita mangurupi na asing, dang pasangappon diri sandiri.​—Poda 11:2; Ul. 20:35.

15. Cita-cita aha do na boi tabahen asa tamba las ni rohatta?

¹⁵ Cita-cita aha do na boi tabahen? Tapangido ma bisuk sian Jahowa lao manottuhon cita-cita na masuk akkal na boi tabahen. (Poda 16:3; Jak. 1:5) Boi do tabahen cita-citatta songon na dipaboa di  paragraf sada nakkin. Misalna gabe perintis ekstra, perintis biasa, karejo di Betel, manang dohot tu tim konstruksi. Boi do hita muse marsiajar bahasa na baru manang pinda tu inganan na asing lao marbarita na uli. Di bukku Diorganisasi untuk Melakukan Kehendak Yehuwa bab 10, boi do taida akka aha na porlu taulahon asa boi tadapot cita-citatta. * Jala, boi do muse tapangido saran sian akka sintua di huria. Molo nga berupaya hita mandapot cita-citatta i, boi ma diida akka dongan kemajuanta, jala tamba ma las ni rohatta.

16. Boha do molo dang boi dapotmuna sada pe sian cita-cita naung dipaboa di artikel on?

¹⁶ Alai boha do molo dang boi dapotmuna sada pe sian cita-cita naung dipaboa nakkin? Coba hamu ma muse cita-cita na asing na tolapmuna. Taparrohahon ma piga-piga contohna.

17. Sesuai tu 1 Timoteus 4:13, 15, aha do na boi diulahon akka donganta bawa asa lam malo mangajari?

 ¹⁷ Jaha 1 Timoteus 4:13, 15. Molo sahalak bawa naung tardidi do hamu, porlu do hamu berupaya asa lam denggan manjaha, mangajari, dohot marjamita. Molo diulahon hamu i ‘sian nasa gogomuna’, gabe bermanfaat ma i tu akka dongan na mambege. Parsiajari hamu ma i sian brosur Cara Asa Lam Denggan Manjaha dohot Mangajari. Bahen hamu ma latihan di jabu, jala praktekkon hamu ma i tikki marjamita. Boi do muse jaloonmuna saran sian sintua na gabe penasihat ekstra manang sian akka sintua “na paboahon jala na mangajarhon hata ni Debata sian nasa gogona”. * (1 Tim. 5:17) Jadi tujuanta mamparsiajari i dang holan naeng mamboto jala mampraktekkon i sajo. Tujuanna, asa boi do lam togu haporseaon ni akka dongan na mambege jala asa tergerak nasida mangulahon i. Molo dibahen hamu songon i, rap marlas ni roha ma hamu dohot nasida.

18. Aha do na mangurupi hita asa lam terampil marbarita na uli dohot mangajari?

¹⁸ Sude do hita mandapot tugas lao marbarita na uli dohot mambahen sisean. (Mat. 28:19, 20; Rom 10:14) Jadi porlu do tatingkatton keterampilanta mangulahon i. Boha ma carana? Taparsiajari ma akka saran di brosur Mangajari. Boi do muse dipakke hamu saran na adong di Hangoluan dohot Pangkobasion ni Halak Kristen—Na Laho Diparsiajari. Boi do tong diida hamu video sitiruon mamukka pakkataion na diputarhon di parpunguan tonga pokkan. Coba hamu ma sude saran i, asa diboto hamu cara na dia do na undenggan jala na cocok. Molo dibahen hamu songon i, lam malo ma hamu marbarita dohot mangajari,  jala lam tamba ma las ni rohamuna.​—2 Tim. 4:5.

19. Boha do carana asa lam denggan akka sifatta?

¹⁹ Alai adong dope tujuan na paling penting na ikkon taupayahon, i ma padengatton akka sifatta asa boi palasson roha ni Jahowa. (Gal. 5:22, 23; Kol. 3:12; 2 Ptr. 1:5-8) Contohna, molo naeng patoguhon haporseaon, jaha ma akka artikel na marisi saran lao patoguhon haporseaon. Manang, totton ma acara JW Broadcasting^®. Adong do disi pengalaman ni akka donganta na toktong togu haporseaonna nang pe godang sitaononna. Dung i, tatiru ma haporseaon ni akka donganta i.

20. Molo dang dapot dope tugas na taharappon, songon dia do carana asa toktong hita marlas ni roha?

²⁰ Pasti lomo do rohatta naeng mangalehon na undenggan tu Jahowa. Alai taingot ma, di paradeiso do boi taulahon tugas manang aha pe na taharappon. Nang pe songon i, taupayahon ma mangalean na undenggan lao mangulahon tugasta saonari. Molo tabahen songon i, tamba ma las ni roha jala dang kecewa be hita molo tung pe dang dapotta dope tugas na taharappon i. Na paling penting, gabe tapasangap ma Jahowa, “Debata na marlas ni roha i”. (1 Tim. 1:11) Jadi berupaya ma hita menikmati tugas na tadapot saonari.