1. Qatan­nguter­pas­suagut qanoq anguniagaqar­pat?

 UL­LUMIK­KUT aatsaat taama ulap­putis­saqar­tigaagut! (Matt 24:14; Luk 10:2; 1 Petr 5:2) Tamat­ta Jehova sapin­ngisatsin­nik kif­far­tuuk­kusup­par­put. Taamaat­tumik qatan­nguter­pas­suagut kif­far­tor­nermin­ni iliuuseqar­nerorusup­put. Ilaat pionerin­ngorusup­put, al­lat Betelimi kif­far­tulerusup­put al­lal­lu sanaar­toqataarusul­lutik. Aam­ma qatan­nguter­pas­suit angutit ilagiin­ni kif­far­tor­tun­ngor­nis­saq utoq­qaaner­tan­ngor­nis­sarluun­niit tamaviaarutigivaat. (1 Tim 3:1, 8) Jehovap in­nut­tami kajumil­lutik kif­far­torusun­nerat nuan­naarutigingaar­paa! – Tuss 110:3; Es 6:8.

2. Angorusutat­ta ilaat angusin­naasiman­ngik­kutsigit qanoq misigilersin­naavugut?

² Anguniak­kat­ta ilaat angusiman­ngik­kutsigit utaq­qikatalerlutalu nikal­lungalersin­naavugut. Im­maqaluun­niit utoq­qaliner­put al­lal­luun­niit pis­sutigalugit angusin­naajun­naar­pagut. (Uss 13:12) Taman­na Melis­sap * misigaa. Taan­na Betelimi kif­far­torusus­simagaluar­poq Kristumiunul­lu Oqaluus­sisar­tunut Ilin­niarfim­mi ilin­nialerusus­simagaluarluni. Imali oqar­poq: “Ukioq­qor­tusival­laar­nera pis­sutigalugu qin­nuteqarsin­naajun­naar­punga, taman­nalu ilaan­nik­kut nikal­lungas­sutigisar­para.”

3. Qatan­ngutit­ta ilaat akisus­saaf­filer­neqar­tin­natik soq­qaar­tariaqar­pat?

³ Inuusut­tut peq­qis­sut ilaat akisus­saaf­filer­neqar­tin­natik anersaak­kut inersimaneruleq­qaar­tariaqar­put. As­sersuutigalugu  im­maqa silas­soril­lutil­lu aalajangeriataal­laq­qis­suup­put piumas­suseqarluarlutil­lu, im­maqali utaq­qisin­naas­suseqar­nerunis­sar­tik, peq­qis­saar­nerunis­sar­tik ataq­qin­nin­nerunis­sar­til­lu sulis­sutigeq­qaar­tariaqar­paat. Il­lit sulis­sutigisas­satit ilungersorlutit sulis­sutigiuaruk­kit akisus­saaf­filer­neqariaan­naavutit. Nickip 20-nik ukioqarluni misigisaa eq­qarsaatigiuk. Ilagiin­ni kif­far­tor­tun­ngor­titaan­ngin­nini pakatsis­sutigingaar­paa, atorsin­naan­ngitsutul­lu misigiler­poq. Siumukar­nis­sanili ilungersuutigiuarlugulu ilagiin­ni oqaluus­sinermilu iliuuserisin­naasani iliuuserai. Maan­nak­kut Im­mik­koor­tor­taqarfiup Ataatsimiititaliaani kif­far­tor­poq.

4. Al­laaserisami matumani suut sam­mis­savagut?

⁴ Anersaak­kut anguniak­kat maan­nak­kor­piaq angusin­naan­ngin­nak­ku nikal­lor­pit? Taamaap­pat uum­mam­miutit Jehovamut qinunik­kut oqalut­tuarik­kit. (Tuss 37:5-7) Aam­ma kif­far­tor­nin­ni suut sulis­sutigisin­naanerlugit qatan­ngutinut inersimal­luar­tunut siun­nersor­tigit, siun­nersuutaal­lu sapin­ngisan­nik malin­niar­tak­kit. Taamaalioruit anguniak­kat angoriaan­naalis­savat. Imaas­sin­naavorli Melis­sa, eq­qaaneqareersoq, as­sigalugu anguniak­kat maan­nak­kor­piaq angusin­naan­ngik­kit. Taamaap­pat qanoq nuan­naar­tuarsin­naavit? Taman­na paasiumal­lugu al­laaserisami matumani apeq­qutit uku sam­meriar­tigit: Suut nuan­naarutaasin­naap­pat? Qanoq nuan­naar­nerulersin­naavit? Aam­ma, nuan­naar­nerulerumal­lutit qanoq anguniagaqarsin­naavit?

5. Nuan­naar­tuarumal­luta suut pingaar­tis­savagut? (Oqaluus­sisar­tup oqaasii 6:9)

⁵ Oqaluussisartup oqaasii 6:9-mi eq­qaaneqar­poq qanoq nuan­naar­nerulersin­naasugut. (Atuaruk). Tas­sani paasitin­neqar­pugut pigeriik­katsin­nik naam­magin­nin­neq angusin­naan­ngisatsin­nik kis­saateqar­tuar­nermiit nuan­naar­nar­nerusoq. Taamaat­tumik uagut nuan­naar­tuarumal­luta maan­nak­kut angusin­naasagut aal­lutsigit angusin­naan­ngisagut pin­nagit.

6. Suna misis­sus­savar­put, as­sersuusiarlu qanoq ilin­niarfigisin­naavar­put?

⁶ Angoriik­kat ilumut nalerisimaarutigineqarsin­naap­pat? Inup­pas­suit taama isumaqan­ngil­lat, tamat­tami nutaanik anguniagaqarusut­tar­pugut. Angoriik­kagul­li nuan­naarutigiuarsin­naavagut. Qanoq? Taman­na paasiumal­lugu Jiisusip talentit pil­lugit as­sersuusiaa Mat­thæusi 25:14-30 atuar­neqarsin­naasoq misis­sus­savar­put. Aam­ma kif­far­tor­nitsin­ni angusimasagut qanoq nuan­naarutigisin­naanerlugit al­laal­lumi qanoq nuan­naarutiginerulersin­naanerlugit misis­sus­savar­put.

7. Jiisusip talentit pil­lugit as­sersuusiaa oqalut­tuariuk.

⁷ Jiisusip talentit pil­lugit as­sersuusiaani angutip ungasis­sumut aal­lar­nialerluni kif­fani talentinik niuerutis­saan­nik tunivai. * Siul­leq talentinik tal­limanik tunivaa, al­la marlun­nik, al­lalu ataatsimik – tamarmik im­mik­kut pigin­naanerat naaper­torlugu. Kif­fat marluk siul­liit naalagar­tik talentinik amerlanerusunik pis­sarsis­suk­kumal­lugu ilungersorlutik sulip­put, pingajuatali talenti toq­qor­paa, taman­nalu pis­sutigalugu naalagaata soraarsip­paa.

8. As­sersuusiami kif­faq siul­leq sooq nuan­naarsimas­sava?

⁸ Kif­faq siul­leq talentinik tal­limanik  naalak­kaminit tunineqarami nuan­naarsimas­saqaaq. Aningaasar­pas­suup­pum­mi, naalagaalu taamaalior­nermigut kif­faminut tatigin­nin­nerminik ersersitsivoq. Kif­fal­li aap­paata aningaasanik ikin­nerusunik tunineqar­nini pakatsis­sutigisin­naasimagaluar­paa. Qanorli qisuariar­pa?

9. As­sersuusiami kif­fap aap­paa qanoq qisuarian­ngila? (Mat­thæusi 25:22, 23)

⁹ Matthæusi 25:22, 23 atuakkit. Kif­fap aap­paa talentinik marlun­nik pisoq ajual­lal­lunilu kamalin­ngilaq. Aam­ma naam­magit­taal­liulin­ngilaq ima oqarluni: “Pisas­sak­ka tas­sa kisimik? Kif­fatul­li siul­ler­tut talentinik tal­limanik pisutut suleruloor­tigaanga! Sulinera Naalak­kama pingaar­tin­ngip­pagu pitsaanerus­saaq talentit pis­sarsiak­ka matoorutiin­naruk­kit soqutigisak­kalu aal­lul­lugit.”

10. Kif­fap aap­paata talentiutini qanoq pivai?

¹⁰ Kif­fap aap­paata kif­faqatini siul­leq as­sigalugu akisus­saaf­fini pimoorup­paa. Naalak­kani ilungersorluni sul­lik­kamiuk talentit marluk sisaman­ngor­tip­pai. Taman­na naalagaata nuan­naarutigalugu kif­fani akis­sarsisip­paa akisus­saaf­fim­mik an­nerusumik tunil­lugu.

11. Qanoq nuan­naar­nerulersin­naavit?

¹¹ Uagut­taaq Jehovamut kif­far­tor­nitsin­ni sulias­sin­neqaraangat­ta sulias­siis­sutigineqar­tut suul­luun­niit kajumilluta suliarisarutsigit nuan­naar­nerulis­saagut. Oqaluus­sineq ilagiin­nilu sulias­siis­sutigineqar­tut ‘tamaviaarut­tak­kit’. (ApS 18:5; Hebr 10:24, 25) Ataatsimiin­ner­ni anersaak­kut ineriar­tor­nar­tunik  akis­suteqar­tarsin­naaq­qul­lutit piareersarluar­tarit. Ul­luin­nar­ni ataatsimiin­nermi pisas­sin­neqaraangavit ilagiin­niluun­niit al­lamik sulias­sin­neqaraangavit sulias­siis­sutigineqar­toq pimoorul­lugu suliarisaruk. Pik­korin­neruler­nis­sat sulis­sutigiuar­taruk. (Uss 22:29) Ilagiin­ni sulias­siis­sutigineqar­tut ilungersorlutit suliarisaruk­kit siumukariar­tupal­lal­lutil­lu nuan­naar­nerulis­saatit. (Gal 6:4) Aam­ma il­lit kif­far­tor­nin­ni anguniak­kat al­lamut sulias­siis­sutigineqaraluar­pal­luun­niit nuan­naar­tuarsin­naas­saatit. – Rom 12:15; Gal 5:26. 

12. Melis­sa Nickilu nuan­naar­nerulerumal­lutik qanoq iliuuseqar­pat?

¹² Melis­sa eq­qaaneqareersoq eq­qarsaatigiuk. Taan­na Betelimi kif­far­tulerusuk­kaluar­poq imaluun­niit Kristumiunut Oqaluus­sisar­tunut Ilin­niarfim­mi ilin­nialerusuk­kaluarluni. Angorusutani angun­ngik­kaluarlugit ima oqar­poq: “Aal­lus­sil­luarlunga pioneritut kif­far­tor­punga oqaluus­seriaatsil­lu as­sigiin­ngitsut tamaasa peqataaf­figisarlugit. Nuan­naar­neruler­pungalu.” Nickip ilagiin­ni kif­far­tor­tun­ngor­tin­neqan­ngin­nini pil­lugu pakatsinini qanoq anigor­paa? Ima oqar­poq: “Iliuuserisin­naasak­ka, soorlu oqaluus­sineq ataatsimiin­ner­nilu anersaak­kut ineriar­tor­nar­tunik akisar­neq, sapin­ngisan­nik aal­lup­pak­ka. Aam­ma Betelimi kif­far­torusul­lunga qin­nuteqar­punga, ukiorlu ataaseq qaangium­mat qin­nuteqaatiga akuerineqar­poq.”

13. Sulias­siis­sutigineqar­tut pimoorul­lugit suliarisaruk­kit taman­na qanoq kinguneqas­sava? (Oqaluus­sisar­tup oqaasii 2:24)

¹³ Sulias­siis­sutigineqar­tut pimoorul­lugit suliarisaruk­kit Nickitul­li an­nerusumik akisus­saaf­filer­neqarsin­naavutit. Taamaat­toqan­ngik­kaluar­pal­luun­niit Melis­sa as­sigalugu Jehovamik kif­far­tuus­sinerit nuan­naarutigiuarsin­naavat. (Oqaluussisartup oqaasii 2:24 atuaruk). Aam­ma naalak­katsin­nit, Jiisusimit Kristusimit, iluarisaanerit nuan­naarutigingaas­savat.

14. Jehovamik kif­far­tuus­sinermi anguniak­kagut eq­qarsaatigigaangatsigit suna eq­qaamasariaqar­par­put?

¹⁴ Jehova maan­na tamaviaarluta kif­far­tuuk­katsigu imaap­pa al­lanik anguniagaqas­san­ngitsugut? Naamerluin­naq! Oqaluus­sil­laq­qin­neruler­nis­saq, ilin­niar­titsil­laq­qin­neruler­nis­saq qatan­ngutitsin­nil­lu ikiuil­laq­qin­neruler­nis­saq sulis­sutigiuar­tariaqar­par­put. Maan­nak­kor­piaq angusin­naan­ngisagut eq­qarsaatigival­laar­nagit al­lanik ikiuinis­sar­put aal­lun­nerugutsigu angusaqarluar­nerus­saagut. – Uss 11:2; ApS 20:35.

15. Nuan­naar­nerulerumal­lutit suut anguniagarisin­naavigit?

¹⁵ Suut anguniagarisin­naavigit? Taman­na paasiumal­lugu Jehovamut ikioq­qugit. (Uss 16:3; Jaak 1:5) Anguniagas­sat  al­laaserisap matuma aal­lar­tin­nerani eq­qaaneqar­tut ilaat anguniaruk. Ikior­ti-pioneriusar­nis­sat pionerin­ngor­nis­sal­luun­niit imaluun­niit Betelimi kif­far­tuler­nis­sat sanaar­toqataasaler­nis­sal­luun­niit anguniagarisin­naaviuk? Imaluun­niit al­latut oqaasil­lit oqaluus­sif­figiumal­lugit taak­kua oqaasii ilin­niarsin­naavigit? Paasisaqar­nerujumal­lutit Organiseret til at gøre Jehovas vilje, kapitali 10 takuuk aam­ma ilagiin­ni utoq­qaaner­tat oqaloqatigik­kit. * Taamatut anguniagaqaruit siumukar­nerit al­lanit takuneqarsin­naas­saaq.

16. Anguniak­kat maan­nak­kor­piaq angusin­naan­ngik­kuk­ku susin­naavit?

 ¹⁶ Taavami al­laaserisami matumani eq­qaaneqar­tut maan­nak­kor­piaq angusin­naan­ngik­kuk­kit? Angusin­naasan­nik anguniagaqarit. As­sersuuteqariar­ta.

17. Timotheusimut al­lak­kat siul­liit 4:13, 15-ilu naaper­torlugit qatan­ngut angut qanoq ilin­niar­titsil­laq­qin­nerulersin­naava?

¹⁷ 1 Timotheusi 4:13, 15 atuakkit. Angutaaguit Nalunaajaasoq oqalugiar­nermut ilin­niar­titsinermul­lu pik­korin­neruler­nis­sat sulis­sutigisin­naavat. Sooq? Atuf­farin­neruler­nis­sat, oqalugial­laq­qin­neruler­nis­sat ilin­niar­titsil­laq­qin­neruler­nis­sal­lu sulis­sutigiguk­kit tusar­naar­tutit ikiorluarsin­naanerus­savatit. Misis­sueq­qis­saar­tarit aam­ma oqalugiar­tar­neq pil­lugu siun­nersuutit qup­persak­kami Atuffas­sinermut ajoqer­suinermullu pikkorin­nerulerit-imiit­tut malin­niar­tak­kit. Siun­nersuutit ataasiak­kaarlugit misis­sor­tak­kit, sungiusar­tarit oqalugiaraangavil­lu malin­niar­tarlugit. Siun­nersor­ti utoq­qaaner­tal­luun­niit al­lat “qasusuil­lutik nalunaajaasar­tut ajoqersuisar­tul­lu” ikior­tiserik­kit. * (1 Tim 5:17) Qup­persak­kami siun­nersuutit maliin­nar­nagit aam­ma tusar­naar­tivit up­per­nik­kut nakus­satsin­nis­saat ilik­kak­kamin­nil­lu malin­neq­qul­lugit kajumis­saar­nis­saat eq­qarsaatigisaruk. Taamaalior­taruit il­lit tusar­naar­titil­lu nuan­naar­nerulis­saasi.

18. Oqaluus­sil­laq­qin­nerulerumal­luta suut iluaqutigisin­naavagut?

¹⁸ Tamat­ta oqaluus­sinis­samik ajoqersugan­ngor­titsior­tor­nis­samil­lu sulias­sin­neqar­nikuuvugut. (Matt 28:19, 20; Rom 10:14) Suliami pingaarutilim­mi tamatumani pik­korin­nerulerumal­lutit  qup­persagaq Ajoqersuineq misis­soruk, ilik­kak­katil­lu malil­lugit aalajangersimasumik anguniagaqarit. Aam­ma oqaloqatigiin­nis­samut siun­nersuutit pil­lugit videut ul­luin­nar­ni ataatsimiin­ner­ni takutin­neqar­tar­tut kiisalu Kristumiutut inuunerput kiffartornerpullu – Najoqqutassaq isumas­sarsiorfigisin­naavatit. Siun­nersuutit sorliit iluaqutigil­luarsin­naanerlugit paasiumal­lugu siun­nersuutigineqar­tut as­sigiin­ngitsut misilit­tak­kit. Taamaalior­taruit oqaluus­sil­laq­qin­nerulerlutil­lu nuan­naar­nerulis­saatit. – 2 Tim 4:5.

19. Kristumiutut pis­suserineqar­tus­sat ajun­ngitsut qanoq ineriar­tor­tis­sin­naavigit?

¹⁹ Puigoqinaguli anguniagarisin­naasavit pingaar­nersaasa ilaat tas­saam­mat kristumiutut pis­suserineqar­tus­sanik ajun­ngitsunik sulis­sutigin­nit­tuar­nis­saq. (Gal 5:22, 23; Kol 3:12; 2 Petr 1:5-8) Qanoq taamaaliorsin­naavit? Up­per­neruler­nis­sat sulis­sutiginiaruk­ku atuagas­siaatitsin­ni al­laaserisat up­per­nermut nakus­sas­saataasin­naasut atuarsin­naavatit. Aam­ma qatan­ngutit as­sigiin­ngitsutigut misilin­neqar­taraluarlutik up­perluar­tuujuar­tut misigisalik­kersaarutaat qaam­mam­mut aal­lakaatitas­siani takutin­neqar­tar­tut iluaqutigis­savatit. Taak­kua up­per­nerat il­lit qanoq ilaarsin­naanerlugu eq­qarsaatigisaruk.

20. Qanoq nuan­naar­nerulerlutalu pakatsival­laar­naveersaarsin­naavugut?

²⁰ Jehovamik kif­far­tuus­sinerunis­saq qular­nan­ngitsumik tamat­ta kis­saatigaar­put. Silarsuas­samilumi nutaami tamak­kiisumik kif­far­torfigisin­naalis­savar­put. Taman­na nal­liutserlugu maan­nak­kut iliuuserisin­naasagut iliuuserisarutsigit nuan­naar­nerulerlutalu pakatserujus­suar­tar­navian­ngilagut. Pingaar­nerusumil­li Jehova, ‘Guuter­put pil­luar­toq’, ataq­qinaatis­sil­lugulu un­nersiutigis­savar­put. (1 Tim 1:11) Taamaat­tumik iliuuserisin­naasagut nuan­naarutigisigit!