1. Matin ǂguina Jehovab di ǃoabas ǃnâ ǃnāsase ra dī ǂgao?

 ǂGUI SÎSEN-E da ge ūhâ dī da nî-e. Nē ǃhūbaib di ǀams nî ǀkhīs kōse. (Mat. 24:14; Luk. 10:2; 1Pet. 5:2) Hoada ge Jehovaba ǀoasase ra ǃoaba ǂgao. ǁKhā da as kōse. ǂGuin ge aoǁnâ sîsen-e ǃkharagagu ǃkhain ai ra dī. ǀNîn ge ǃâubasensa ūhâ aimâba-aose ǃoabasa. Tamas ka io betels tawa ǃoabasa. Tsî gagasi omgu ra omhe ǃkhaib tawa sī sîsensa. ǂGui ǃgâsagu ge mîǁguiga ra dī î gu. ǀHaohâb hui-ao tamas ka io ǀhaohâb ǃûi-aose ǃoaba. (1Tim. 3:1, 8) Nēs ge Jehovaba ra ǂkhî kai. Mûb ga o ǁîb di khoen māsenxase ǁîba ra ǃoabasa.—Psa. 110:3; Jes. 6:8.

2. Mati da tsâ ǁkhā mîǁguigu hîna da. Jehovab ǃoabas ǃnâ dī hâga da ga sīǃnâ tama io?

² ǂKhabuǂâi tsoatsoa ǁkhā da ge a. Jehovab ǃoabas ǃnâ da dī hâ mîǁguiga da ga. Gaxu ǁaeb kaoǃgâ sī ǃnâ tama io. Tamas ka io da ge a ǂkhabuǂâi ǁkhā. ǀNî xūna da ga Jehovab di ǀapeǂhumis ǃnâ dīho tama io. Sida di kurin tamas ka io ǀnî hâ mâsigu xa ǃaromahe hâse. (ǂKhm. 13:12) ǁNās ge Melisas ǀkha ge ī. * Aiǁgause Melisas ge ǁnā ǀnamma ūhâ. Betels tawa sîsens diba. Tamas ka io Gaosib aoǁnâ-aon skola ǁhaos diba. Xawes ge ra mî: “Ti kurin ge kaise a kai. ǁNā ǁgaumâide sīǃnâs ǃaroma. ǀNî ǁaegu ai ta ge ǂkhabuǂâis di tsâsiba ūhâ.”

3. Tae-en ǀnîna a dī ǁkhā în. Jehovab ǃoabas ǃnâ ǃnāsa aiǂhanuga hō?

³ ǀNîn hîna ǂkham tsî ǃgâi ǂurusiba ūhân ge. ǀNî ǀgauga nî  omkhâi ǀkhara aiǂhanugan nî hōs aiǃgâ. Aiǁgausen ge ǀnîna gā-ai, ǃhaese mîǁguiga dī. Tsî māsenxase ra sîsen. Xawen ge nî ǁkhāǁkhāsen în ǃnāsase ǃnūǃnâxa. În ǃgâiǀgaub ǃnâ ǁîn di sîsenna dī ǁkhā. Tsî ǁnās ǀkhas tsîna nau khoena ǃgôasiba ūhâba. ǂHâbasa ǀgaugu ai du ga ǃgaoǃgâ. O du ge aiǂhanuba a hō ǁkhā. ǃÂubasen tama du hâ hîna. Kō re tae-i ge Nicki ǀkha a isa. 20 kurixab ge io, ob ge kaise ge tsûaǂgao hâ i. ǀHaohâb hui-aob aseb ge ǁgaumâi-e tama hâ i amaga. ǁÎb ge ra mî. “ǂÂi ta ge ge ǀnîsi i xū-e tita ǀkha ǃgâi tama di.” Xawe Nicki ge ge ǀûsen tama hâ i. ǁÎb ge ǁkhāb a i hoa-e. ǀHaohâb ǃnâ gere dī tsî aoǁnâ sîsen-i ǃnâs tsîna. Nētsēb, ge ǁnâub komitegu di ǁanib ase ra ǃoaba.

4. Tae-e da nē ǁkhāǁkhāǃâs ǃnâ nî ǃhoaǃgao?

⁴ ǂKhabuǂâi i du ra Jehovab di ǃoabas ǃnâ. Sadu mî hâ gagasi mîǁguiga du. Sīǃnâ tama hâ ǃkhais ǃaroma? ǁNati i ga io Jehovaba ǃoa ǀgore re. Tsî ǁîba mîba re tsâ du ra ǀgauba. (Psa. 37:5-7) ǂAnsa ūhâ ǃgâsan tawas. Tsîna du ge ǀapemāna a ôa ǁkhā. Î du ǂan mati du sadu ǃoabasa a ǃgâiǃgâi ǁkhā ǀgausa. ǁKhā du a i hoa-e dī re, i du ǁnā ǀapemāsa sao. ǁNāsa du ga dī, o du ge aiǂhanuga a hō ǁkhā. Tamas ka io sadu di mîǁguiba a sīǃnâ ǁkhā. Xawe Melisas hîna da go ǀnai ais ai. ǃHoaǃgao hâ is khami. Da ge aiǂhanugu hîna da ra ǂhâba ga. ǀNîsi nē ǁaeb ǃnâ sīǃnâ ǁoa. Xawe mati du ǂkhîba noxoba a ūhâ ǀkhara ǁkhā? ǁNā dîsa ǃereams ǃaroma is ge. Nē ǁkhāǁkhāǃâsa sao ra na nî ǃhoaǃgao. (1) Tae-e ǃgâiaǂgaoba a mā du ǁkhā?, (2) Mati du ǃnāsa ǃgâiaǂgaoba a ūhâ ǁkhā? tsî (3) Mîǁguigu dī ǁkhā du a gu. Hîna sadu ǃgâiaǂgaob ai nî ǀaro gu.

5. ǃGâiaǂgaoba da ga ūhâ ǂgao o. Tae-i ai da ǂâisa nî ǂnûi? (Aoǁnâ-aob 6:9)

⁵ Aoǁnâ-aob 6:9 ǃnâ i xoasa khami. Da ge ǃgâiaǂgaoba da ga ôa o. ǂHanu ǃkhais ai a hō ǁkhā. (Khomai re.) Khoe-i hîna ǁî-i di ‘mûdi a mû ǁkhā’ xūn ai. ǂâisa ra ǂnûi i ge. Ū i hâ xū-i ǀkha ra ǂâu. Aiǁgause ǁî-i nēsi ūhâ mâsiba. Xawe “turaba ra ǃgûǃgû” khoe-i ge ra aiǃgû. ǁÎ-i ūhâ ǁoa xū-e ǂhâbas ǃnâ. Tae-e da nēpa xū ra ǁkhāǁkhāsen? ǃGâiaǂgaoba da ga ūhâ ǂgao. O da ge ūda hâ xūn ǀkha nî ǂâu. Tsî sīǃnâ ǁkhā da a xūn ai ǂâisa nî ǂnûi.

6. Mâ ǂkhōsa da nî ǃhoaǃgao. Tsî tae-e da ǁnāpaxu a ǁkhāǁkhāsen ǁkhā?

⁶ Amabes ǃnâ ī ǁkhā-e. ǀNai da ūhâ xūn ǀkhā ǂâusa? Tsî ama as ge ǁaeb ra ī khami. Da ge ǀasa xūna ra ǁkhāǁkhāsen ǂgao. Amabes ǃnâ da ge ǃgâiaǂgaoba a ūhâ ǁkhā. Nēsi da ūhâ xūn ǀkha. Mati da ǁnāsa a dī ǁkhā? ǁÎ-e ǂanǂuisa, ǀkhī re î da ǃhoaǃgao. Jesub di ǂkhōs talent di xa hâsa. Mateub 25:14-30 ǃnâ da ra hōsa. ǁKhāǁkhāsen da ge nî mati da ǃgâiaǂgaoba nî ūhâsa. Tsî ǃnāsa ǃgâiaǂgaoba nēsi da hâǃnâ mâsib ǃnâ nî hōs tsîna.

7. ǃNubuse ǁguiǃā re Jesub di ǂkhōs, talendi xa.

⁷ Nē ǂkhōs ǃnâb ge khoeba ǀnî ǃhūb ǀkha gere ī. Xawe īb nîs aiǃgâb ge ǁîb di ǃgāga ge ǂgai. Tsî māb hoaba talende ge mâ. ǃNāsa mari-e gu nî kuru ga. * ǁÎb ge ge ǂan i ǁîb di ǃgāgu ǃkharagagu ǁkhāsiga ūhâsa. Tsîb ge ǀgui ǃgāba koro talende ge mā. Tsî ǀgamra nauba tsî ǀguisa ǃnonaǁî ǃgāba. ǂGuro ǀgam ǃgāga ge ǃgarise gere sîsen. Î  ga ǂgui mari-e ǁîkha di ǀhōnkhoeba kuruba. Tsî ǃnonaǁî ǃgāb ge xū-e ge dī tama hâ i. Tsîb ge sîsen-e xu ge ǃhaehe.

8. Tae-i ǃaromab ge ǂguro ǃgāb. Jesub ǂkhōs ǃnâ ge hâ i ba ǃgâiaǂgao ǁkhā i?

⁸ ǂGuro ǃgāb ge kaise ge ǃgâiaǂgao hâ i. ǁÎb ǀhōnkhoeb ge koro talende a mābi o. ǁNā i ge ǂgui mari ge i e. Tsî nēs ge gere ǁgau ǁîb ǀhōnkhoeb ge. Kaise ǂgomǃgâbi hâ ǃkhaisa. Xawe ǀgamǁî ǃgāb xa matis? ǁÎb ge ga ǂkhabuǂâi hâ. ǂGuro ǃgāb khamib ge ǂgui talende. Mā-e tama hâ i ǃkhais ǃaroma. Xawe tae-eb ge dī?

9. Tae-eb Jesuba ǀgamǁî ǃgāb xa mî tama hâ? (Mateub 25:22, 23)

⁹ Khomai re Mateub 25:22, 23 sa. Jesub ge ge mî tama hâ i. ǀGamǁî ǃgāb ge ǁaixa di. ǀGam talend ra ǀgui rab ge māhe ǃkhais ǃaroma. Jesub ge mî tama ge hâ i. ǃGāb ge ǃgae tsî a mîsa: ‘Ti ǀhōnkhoeba tita tae-i ǃaroma ǀorose ra mā. Tita tsîn ge ǃgarise a sîsen hîna. Ti ǀhōnkhoeb ga tita ǃgôaǃgâ tama io. O da ge ǁîb di mari-e sâu. Tsî aitsama sîsenbasen ǁkhā. Tsî ǁîba sîsenba tide.’

10. Tae-eb ge ǀgamǁî ǃgāba ǁîb di talendi ǀkha dī?

¹⁰ ǂGuro ǃgāb khamib ge. ǀGamǁî ǃgāba ge ǁnâuǃā. ǁÎb di ǀhōnkhoeb ge a mābi ǃereams ge ǂhâǂhâsa isa. Tsîb ge ǁîb ǀhōnkhoeba ǃgarise ge sîsenba. ǁNās xa ǃaromahe hâseb ge ǁîb di ǀhōnkhoeb. ǀGam talend ra ge ǂguiǂgui tsî i ge ge haka. ǀHōnkhoeb ge nē ǃgāba. ǁÎb di ǃgari sîsen-i ǃaroma ge mādawa-am. Nē ǀhōnkhoeb ge ǃgâiaǂgaos ǀguisa ge dī tama hâ i. Xawe koabi tsî ǃnāsa ǃereamsa ge mābi.

11. Mati da sida di ǃgâiaǂgaoba a ǀaro ǁkhā?

 ¹¹ ǁNās khami da ge ǃnāsa, ǃgâiaǂgaoba a hō ǁkhā. Mā-e da hâ ǁgaumâidi ǃnâ. Da ga ǃgarise sîsen o. Jehovab di ǃoabas ǃnâ. “ǀHawe” re aoǁnâ sîsen-i ǃnâ. Tsî ǀhaohâb ǀkha ǃgarise sîsen ǀhao re. (ǃNǃkh. 18:5; Heb. 10:24, 25) ǃAmkuse aiǂhomisen re ǀhaodi ǃaroma. Î du omkhâi ra ǃereamde mā ǁkhā. ǂHâǂhâsase ū re, ǁgaumâidi hîna du. Wekheb ǁaegub ǃnâ hâ ǀhaos tawa ra māhe na. ǂAn-e du ga ra o. Î du ǀnî ǁgaumâin ǀkha ǀhaohâb ǃnâ hui. O du ǁaeb ai hâ tsî ǂgomǂgomsa re. Tā ǂâi re ǁgaumâis hîna. Du ūhâs ǂhâǂhâsa tama di. Tsî-i ǂhâbasa tamasa. Sadu ǁaeba du ǁî-e nî māsa. ǃGarise dītsâ re î du ǃnāsa. ǂAnsa hō sadu sîsen-i ǃnâ. (ǂKhm. 22:29) Jehovaba du ga kaise ǃgarise sîsenba. O du ge nî ǁîb di ǃgâi ǀhōsa kai. Tsî kai ǃgâiaǂgaoba nî ūhâ. (Gal. 6:4) ǃGâibahe î du nî ǃgâiaǂgao ǀhaosa. Nau khoen ga aiǂhanuga hō o. Sadu ǂhâba hâga.—Rom. 12:15; Gal. 5:26.

12. Tae-e Melisas tsî Nicki tsîna ge hui. Î ra ǃnāsa ǃgâiaǂgaoba ūhâ ǁkhā?

¹² ǂÂihō du ra Melisas. Hîna ge ǁîs turab. Betels tawa sī ǃoabas. Tamas ka io Gaosib aoǁnâ-aon skola hâǃnâs di turaba a ǁgâiǂuisensa? ǁÎs di turabas ge sīǃnâ ǁoa i. Xawes ge ra mî: “ǁKhā ta a i hoa-e ta ge ra dī. Aimâba-ao sîsen-i ǃnâ. Tsî ta ge ǃkharaga ǀgaugu ǃnâ aoǁnâ sîsen-e ra dītsâ. ǁNās ge kai ǃgâiaǂgaoba ge mā te.” Tsî Nicka mati ǀhaohâb hui-aoseb ge. ǁGaumâi-e tama hâ io, ǁîb ǂkhabuǂâisa ge dan? “Ti ǂâisa ta ge ū ta ge hâ i aiǂhanu ai ge mâi. Aiǁgause aoǁnâ sîsenne dīs. Tsî omkhâi ra ǃereamde ǀhaodi tawa mās ǃnâ ū. Tsî ta ge betels tawa. ǃOabas ǃaroma ge xoaǂgāsen. Tsî sao ra kurib ǃnâ ge ūǃoahe.”

13. Nēsi du ūhâ ǁgaumâis ǃnâ du ga. ǁGuiǂgāsen o du tae-e nî hō? (Aoǁnâ-aob 2:24)

¹³ Nēsi du ūhâ ǁgaumâis ǃnâ. Du ga ǀoasase ǁguiǂgāsen o. Du hānîǁaeb ǃnâ ǃnāsa ǁgaumâide nî ǃkhōǃoa? ǁNās ge Nicki ǀkhā i ge ī khami. Sadu ǀkhas tsîna a īǁkhā. Xawe i ga di ī tama io. O du ge Melisas khami kai ǃgâiaǂgaoba a ūhâ ǁkhā. Tsî du ge kaise nî ǂkhî. Jehovaba du ra dība xūn ǃaroma. (Khomai re Aoǁnâ-aob 2:24 sa.) ǁNās xōǀkhā du ge kai ǃgâiaǂgaoba nî ūhâ. Sadu ǀhōnkhoeb Jesu Xristuba du ra. ǂKhî ǂkhîsa du a ǂan amaga.

14. Sida gagasi mîǁguigu xa da. Tae-e ǂâis ǃnâ nî ūhâ?

¹⁴ ǁKhā da a i hoa-e da ga. Nēsi Jehovab ǃoabas ǃnâ dī o. Î ra ǂâibasen Jehovaba da ge ǃnāsase dība tide di? Hî î. Mîǁguiga da ge nî dī hui da nî ga. Î da ǃgâi aoǁnâ-ao tsî ǁkhāǁkhā-ao kai. Tsî ǃnāsase sida ǃgâsana hui ǁkhā. Nē mîǁguiga da ge a sīǃnâ ǁkhā. Gā-ai tsî da ga ǃgamǃgamsens ǀkha. ǂÂisa nau khoena huis ai ga ra ǂnûi o. Sida ai ǀguis ose.—ǂKhm. 11:2; ǃNǃkh. 20:35.

15. Mâ mîǁguiga a hui du ǁkhā. Î du sadu ǃgâiaǂgaoba ǀaro?

¹⁵ Mâ mîǁguiga du a dībasen ǁkhā? Jehovaba ǂgan re îb hui du. Î du ǂan mâ mîǁguiga dū a sīǃnâ ǁkhāsa. (ǂKhm. 16:3; Jak. 1:5) Dītsâ tsî du ǀgui mîǁguiba a sīǃnâ ǁkhā. Nē ǁkhāǁkhāǃâs di  ǂguro xoaǀgoras. ǃNâ ra ǃhoaǃgaohe ga. Aiǁgause, huiǃnâra aimâba-ao, ǁnaetisa aimâba-ao. Tsî Betels tamas ka io ǀapeǂhomis di om-sîsengu tawa? ǀNîsi du ge ǀkhara gowaba a ǁkhāǁkhasen ǁkhā. Tamas ka io ǀnî hâ ǃkhaib ai sī khoena a aoǁnâba ǁkhā. ǃNāsase du ge nē mîǁguigu xa ǁkhāǁkhāsen ǁkhā. Organized to Do  Jehovah’s Will di hâ ǂkhanisa du ga. 10ǁÎ danaǃās ǃnâ khomai o. Tsî sadu di ǀhaohâb ǃûi-aogu ǀkha ǃhoas ǃnâ ū. * Dītsâ tsî du nē mîǁguiga ra sīǃnâ. Khamin ge nau ǃgâsana. Sadu aiǃgûsa a mû ǁkhā. Tsîb ge sadu ǃgâiaǂgaoba nî ǀarosen.

16. Tae-e du a dī ǁkhā ǂhâba du ra. Mîǁguiba du ga nēsi sīǃnâ ǁoa o?

¹⁶ Xawe du ga nēsi nē. ǁKhāǁkhāǃâs ǃnâ ra ǃhoaǃgaohe. Mîǁguiga sīǃnâ ǁoa o? Dītsâ re i sīǃnâ ǁkhā du a mîǁguiga dī. Sao ra ī ǁkhāsigu xa ǂâi re.

17. 1 Timoteub 4:13, 15 ǃoagub ǃgâsaba. Tae-e a dī ǁkhā îb ǃgâi ǁkhāǁkhā-ao kai?

¹⁷ Khomai re 1 Timoteub 4:13, 15 sa. ǁĀǁnâsa ǃgâsab ge nî dītsâ îb ǃgâise ǃhoade mā. Tamas ka io ǃgâi ǁkhāǁkhā-ao kai. Tae-i ǃaroma? “ǃGariseb” ga dītsâ tsî ga ǃgâi khomai-ao. ǃHoa-ao tsî ǁkhāǁkhā-ao kai o. Î ge ǁîb ǃgâ-aona a hui ǁkhā. Dītsâ re î ǁkhāǁkhāsen. ǀhaohâb ǃhoadi ǃgao. Da ra māhe ǀapemāde sîsenūsa. Khomais tsî ǁkhāǁkhās ǃnâ ǁguiǂgāsens ǂkhanib ǃnâ ra ǃhoaǃgaohe ǀgauga. ǀGui ǀgauba ǁhûi re i oms ai. ǃGâise aiǂhomisen. Tsî sîsenū re ǁkhāǁkhāsen du go na. ǃHoade du ga mā o huiba 2ǁî mûǂam-aob (huiǃnâra ǀapemā-aob). Tamas ka io ǀhaohâb ǃûi-aogu ai ǂan re. Hîna ǀō-aisa “mîs tsî ǁkhāǁkhās tsîra ǃnâ ra ǃoabagu” ai. * (1Tim. 5:17) Tā ǂkhaniba xū du ra ǁkhāǁkhāsen. Xūna du nî sîsenū ǀgaub ai ǀgui ǂâisa ǂnûi re. Xawe sadu ǃgâ-aon tsîna hui re. În ǁîn di ǂgomsa ǀgaiǀgai. Tsî ǁkhāǁkhāsenan ra xūna ûiǂui.  ǁNati dīs ǃnâ ū du ge. Sadu tsî nau ǃgâsan. ǃGâiaǂgaob ai a ǀaro ǁkhā.

18. Tae-e a hui da ǁkhā î da. Mîǁguiga sīǃnâ aoǁnâ sîsen-i ǃnâ?

¹⁸ Hoada ge aoǁnâ. Tsî ǁkhāǁkhāsabe dīs ǁgaumâisa ūhâ. (Mat. 28:19, 20; Rom. 10:14) Sadu ǂansa du nē ǂhâǂhâsa. Sîsen-i ǃnâ ra ǀāǀā ǂgao? Khomais tsî ǁkhāǁkhās ǃnâ ǁguiǂgāsens ǂkhaniba khomai re. Tsî ǁnāpaxu mîǁguigu. Hîna a hui du ǁkhā ga dī re. ǁKhāǁkhāsen du go xūn xa. ǃGâi ǀapemāna du ge. Sida Xristeǁî ûib tsî aoǁnâ sîsenni—sîsen ǂkhaniba xu a hō ǁkhā. Tsî ǁgamǀhaos aiǁgaus di vidiogu. Hîna wekheb ǁaegub ǃnâ ra ūhâ-e. ǀHaodi tawa ra ǁgau-e ga. ǃKharagagu ǀgauga sîsenū re. Î du ǂan mâ i ǃgâise ra sîsensa. Nē ǀapemāde du ga sîsenū o. O du ge nî ǃgâi aoǁnâ-ao kai. Tsîs ge nēsa ǃnāsa ǃgâiaǂgaoba nî mā du.—2Tim. 4:5.

19. Mati du Xristeǁî ǀgauga a omkhâi ǁkhā?

¹⁹ Mîǁguiga du ga dī ǂgao o. O du ge tā kaise ǂhâǂhâsa mîǁguiba nî ǀuru. ǁNāb ge Eloba ra ǂkhî kai ǀgauga ūhâsa. (Gal. 5:22, 23; Kol. 3:12; 2Pet. 1:5-8) Tae-e du a dī ǁkhā î du ǁnā mîǁguiba sīǃnâ? Aiǁgause, ǀnîsi du ge ǀgaisa ǂgomsa ra omkhâi ǂgao. O sida ǂkhanin ǃnâ hâ ǁkhāǁkhāǃâde khomai re. Hîna ǂgomsa ǀgaiǀgais ǃaroma ǃgâi ǀapemāde ra māna. Tsî du ge kai ǃgâiba nî hō. JW Broadcastings dī ǃâga du ga kō o. Hîna ra ǁgauga matin ge ǃgâsana mâǂoara ǂgomsa. ǃGomsin ǃnâs tsîna gere ǁgau ǀgausa. Tsî kō re mâ mâsigu ǃnâ du. Sadu ûib ǃnâ ǁîn ǂgomsa ǁgae ǁkhā ǀgauba.

20. Tae-e da a dī ǁkhā. Î da ǃnāsa ǃgâiaǂgaoba hō. Tsî ǀorose ǂkhabuǂâi?

²⁰ Hoada ge kaise Jehovaba. Nēsi da ra dīs xa. ǃNāsase dībasa ra ǁkhōre. Elob ǀasa ǃhūbaib ǃnâ. Da ge ǁîba ǀoasase a ǃoaba ǁkhā. ǁNā amaga da ge nēsi da a dī ǁkhā i hoa-e nî dī. O da ge sida ǃgâiaǂgaob ai a ǀaro ǁkhā. Tsî ǂâiǂhansendi tsâsiga a ǀoroǀoro ǁkhā. Tsî kaise ǂhâǂhâsa i ge ǃgôasib tsî koas. Tsîna da ge Jehovab ai nî ǀkhī ū. Sida di “ǃgâiǃō hâ Elob” ai. (1Tim. 1:11) ǁNā-amaga a da ǃgâiaǂgaoba hō re. Aiǂhanugu hîna da ūhâ gu ǃnâ.