1. ¿Huaquin huauqui panicunaca Diosta ashtahuan sirvingapajca imatataj ruracuncuna?

TUCURI punllacuna cꞌuchuyamucushcamantami achca huauqui panicunaca Diosta ashtahuan sirvingapaj esforzaricuncuna (Mateo 24:14; Lucas 10:2; 1 Pedro 5:2). Por ejemplo, huaquincunaca precursores cangapaj, Betelpi sirvingapaj, Diospaj Tandanacuna Huasicunata shayachishpa, allichishpa trabajangapajmi metacunata churacuncuna. Shinallataj maijan huauquicunaca siervo ministerial cangapaj, anciano cangapajmi esforzaricuncuna (1 Timoteo 3:1, 8). Jehová Diosca huauqui panicuna paita sirvingapaj esforzarijta ricushpaca de verastij cushillami sintiringa (Salmo 110:3; Isaías 6:8).

2. ¿Diosta sirvingapaj churashca metacunata mana pajtachi tucushpaca ima shinataj sintirinchij?

² Pero maijan huauqui panicunaca mayorlla cashcamanta o ima shujtaj jarcaicunamantachari paicuna churashca metacunataca mana pajtachi tucushcacuna. Chaimantachari paicunaca llaquilla, desanimarishca sintirincuna (Proverbios 13:12). Por ejemplo, pani Melissaca * Betelpi Yayitu Diosta sirvinata, Escuela para Evangelizadores del Reinoman rinatami munan. Paica: “Ñucaca mayorlla cashcamantami caicunataca  mana pajtachi tucuni. Chaimantami desanimarini” ninmi.

3. ¿Huaquin jovencunaca ashtahuan responsabilidadcunata chasquingapajca imatataj rurana can?

³ Huaquin jovencunaca alli saludtami charincuna. Shinallataj paicunaca Diosta sirvingapaj decididos, yachajcuna, imatapish rato pajtachijcunami cancuna. Pero paicunaca ashtahuan responsabilidadcunata chasquingapajca tal vez puntapica pacienciata charinata, respetota ricuchinata, alli trabajanatami yachana tucunga. Chai cualidadcunata pajtachishpaca paicuna mana yuyashcapimi huaquin responsabilidadcunata chasquingacuna. Por ejemplo, huauqui Nickpi yuyashunchij. Paica 20 huatacunata charishpaca manaraj siervo ministerial cashcamantami llaquilla sintirirca. Paica: “Tal vez ñucaca ima mana allitami ruracuni nishpami yuyarcani” ninmi. Pero paica chashna yuyashpalla saquirinapaj randica Yayitu Diosta ashtahuan sirvingapajmi congregacionpipish, huillanapipish achcata esforzarirca. Paica cunan punllaca shuj Comité de Sucursalpimi sirvicun.

4. ¿Cai yachaipica imatataj yachashun?

⁴ Ima metacunata mana pajtachishcamantachari maipica desanimados sintirinchij. Chashna sintirishpaca ima shina sintirishcata Jehová Diosman parlashunchij (Salmo 37:5-7). Shinallataj experienciata charij huauquicunata imapi mejoranata tapushunchij. Paicuna consejajpica chaita pajtachingapaj esforzarishunchij. Chaita rurashpaca ñucanchij churashca metacunatami pajtachi tucushun. Pero párrafo 2-pi parlashca pani Melissa shina, ñucanchij churashca metacunata mana pajtachi tucushpaca ¿cushilla catingapajca imatataj rurana canchij? Cai yachaipica quimsa yuyaicunatami yachashun. Puntaca, ñucanchij rurai tucushcahuan cushilla sintirinatami yachashun. Ishquipica, ashtahuan cushilla sintiringapaj imata ruranatami yachashun. Quimsapica, ima laya metacunata churana cashcatami yachashun.

5. Eclesiastés 6:9-pi nishca shinaca ¿cushilla sintiringapajca imatataj rurana canchij?

⁵ Cushilla sintiringapajca Eclesiastés 6:9-pi nishcatami pajtachina canchij (Eclesiastés 6:9-ta liyipai). Cai versopi nishca shinaca imata mana charishcapi yuyailla canapaj randica imata charishcahuan, imata rurai tucushcahuanmi cushilla sintirina canchij.

6. ¿Cunanca imatataj yachagrinchij?

⁶ Tucuicunami imatapish ashtahuan yachasha ninchij o ashtahuan alli rurasha ninchij. Shinaca ¿ñucanchij ima rurai tucushcallahuanchu cushilla sintiri tucunchij? Ari, ñucanchij ima charishcacunallahuan, ima rurai tucushcacunallahuanmi cushilla Diosta sirvi tucunchij. ¿Ima shina? Chaipajca Jesús parlashca talento cullquimanta Mateo 25:14-manta 30-cama ricushun. Chaipimi ñucanchij rurai tucushcahuan cushilla sintiringapaj imata ruranata yachashun.

7. ¿Jesusca ima chꞌimbapuraimantataj parlarca?

⁷ Shuj chꞌimbapuraipica Jesusca shuj runa viajeman rishcatami parlarca. Cai runaca manaraj viajeman rishpami paipaj esclavocunamanca cada unoman talento cullquita mingarca. * Cada esclavocuna imata rurai tucushcata ricushpami shujmanca 5 talento cullquita mingarca. Cutin caishujmanca ishqui talento  cullquita mingarca. Caishujmanpish shuj talento cullquitami mingarca. Ishqui esclavocunaca sinchita trabajashpami amopajca ashtahuan cullquita ganarca. Pero shuj talento cullquita chasquijca amopajca ima cullquita mana ganarcachu. Chaimi amoca paitaca despidirca.

8. ¿5 talento cullquita chasquijca imamantataj cushilla sintirirca?

⁸ Cinco talento cullquita chasquij esclavoca paiman chashna mingashcamantami cushilla sintirishcanga. 5 talento cullquica achca cullquimi carca. Amoca chai esclavopi achcata confiashcamantami chai cullquitaca mingashcanga. Cutin, ¿ishqui talento cullquita chasquij runaca paiman chaillata mingashcamantaca llaquillachu sintirishcanga? Pai imata rurashcata ricushun.

9. Mateo 25:22, 23-pi nishca shinaca ¿ishqui talento cullquita chasquij esclavoca imatataj mana rurarca?

⁹ (Mateo 25:22, 23-ta liyipai). Ishqui talento cullquita chasquij runaca mana quejarircachu. Paica: ‘¿CailIatachu ñucaman mingangui? Ñucapish alli trabajadormi cani. Chaillata mingajpica ñucaca ña mana ashtahuan trabajashachu. Ñuca ruraicunapimi ocuparisha’ nishpaca mana nircachu. Ashtahuanpish Jesusca chai esclavo paipaj amopaj alli trabajashcatami parlarca.

10. ¿Ishqui talento cullquita chasquij esclavoca imatataj rurarca?

¹⁰ Ishqui talento cullquita chasquij esclavoca pichca talento cullquita chasquij esclavo shinami sinchita trabajarca. Chashna sinchita trabajashcamantami ishqui talento cullquihuan mirachirca. Chaita yachashpami  paipaj amoca paitaca achcata felicitarca. Shinallatataj ashtahuan responsabilidadcunatapishmi mingarca.

11. ¿Ashtahuan cushilla sintiringapajca imatataj rurana canchij?

¹¹ Ñucanchijpish Diosta sirvingapaj imata mingajpica chaita alli pajtachingapaj tucui pudishcata rurashunchij. Congregacionpipish, huillanapipish alli pajtachingapaj sinchita esforzarishunchij (Hechos 18:5; Hebreos 10:24, 25). Por ejemplo, tandanacuicunapica alli comentariocunata cushunchij. Chashnami caishuj huauqui panicunata animashun. Ima demostracionta cuchun mañajpica chaitapish alli pajtachishunchij. Shinallataj congregacionpi imata ayudachun mingajpica puntuales, alli pajtachijcuna cashunchij. Congregacionpi huaquin mingashcacunaca ‘mana imapaj valinchu’ nishpapish ama yuyashunchij. Ashtahuanpish ima mingashcata alli pajtachingapaj esforzarishunchij (Proverbios 22:29). Diosta sirvinapi ocuparishpaca Jehovapaj amigomi tucushun. Shinallataj cushillami sintirishun (Gálatas 6:4). Ashtahuancarin ñucanchij munashca responsabilidadcunata shujtajcuna chasquijpica ñucanchijpish contentosmi sintirishun (Romanos 12:15; Gálatas 5:26).

12. ¿Pani Melissa, huauqui Nickca cushilla sintiringapajca imatataj rurarcacuna?

¹² Párrafo 2-pi parlashca pani Melissaca Betelman rinata, Escuela para Evangelizadores del Reinoman rinata mana pudishpaca ¿imatataj rurarca? Paica: “Ñucaca precursora cashcamantami tucui laya huillanapi participani. Chaimantami cushilla sintirini” ninmi. Cutin párrafo 3-pi parlashca huauqui Nickca ¿paita mana siervo ministerial cachun agllajpica imatataj rurarca? Paica: “Ñucaca ashtahuan alli predicangapaj, tandanacuicunapi alli comentariocunata cungapajmi esforzarircani. Betelman ringapajpishmi shuj solicitudta jundachircani. Huata huashaca ñucataca Betelmanmi invitarca” ninmi.

13. ¿Ima mingashcacunata alli pajtachingapaj esforzarishpaca ima shinataj sintirishun? (Eclesiastés 2:24).

¹³ Nick shuti huauquica paiman mingashca responsabilidadcunataca allimi pajtachirca. Ñucanchijpish ima mingashca responsabilidadcunata alli pajtachishpaca shamuj punllacunapica ashtahuan responsabilidadcunatachari chasquishun. Pero maipica pani Melissa shina Diosta sirvingapaj tucui pudishcata rurashpapish ashtahuan responsabilidadcunataca manachari chasquishun. Ima laya cajpipish Yayitu Diosta sirvingapaj tucui pudishcata rurashcamantami cushilla sintirishun (Eclesiastés 2:24-ta liyipai). Ashtahuancarin Jesús ñucanchij esfuerzocunata valorashcata yachashpaca contentosmi sintirishun.

14. ¿Jehová Diosta sirvingapaj achcata esforzaricushpapish imatataj rurana canchij?

¹⁴ Diosta sirvingapaj achcata esforzaricushpapish ñami tucuita rurashcanchij nishpaca mana yuyanachu canchij. Cutin ashtahuan alli predicaj, alli yachachijcuna cangapajmi metacunata churana canchij. Chai metacunata pajtachingapajca ñucanchijcunapi yuyailla canapaj randica shujtajcunata ayudana yuyaillami cana canchij (Proverbios 11:2; Hechos 20:35).

15. ¿Ima metacunata churashpataj cushilla sintirishun?

¹⁵ ¿Ima laya metacunatataj churana canchij? Ima metacunata pajtachi tucushcata cuentata cungapajca Jehová Diostami ayudachun mañana canchij (Proverbios 16:3; Santiago 1:5). Por ejemplo, tal vez precursor auxiliar o regular cangapaj, Betelpi, construccionpi  sirvingapajmi metacunata churai tucunchij. Mana cashpaca tal vez shujtaj shimita yachangapajmi esforzari tucunchij. Maipimi huillangapaj minishtirin lugarpipishmi ayudai tucunchij. Cai metacunata ima shina pajtachinata yachangapajca Organizados para hacer la voluntad de Jehová nishca libropi capítulo 10-ta ricui. Shinallataj ancianocunahuanpish parlai. * Chashna laya metacunata pajtachicushpaca cushillami sintirishun. Shujtajcunapish Yayitu Diosta ashtahuan sirvingapaj esforzarishcatami ricungacuna.

16. ¿Ima metacunata mana pajtachi tucushpaca imatataj rurana canchij?

¹⁶ Pero ¿párrafo 15-pi parlashca metacunata mana pajtachi tucushpaca imatataj rurana canchij? Ñucanchij pajtachi tucushca metacunatami churana canchij. Cai catij yuyaicunapi yuyashunchij.

17. 1 Timoteo 4:13, 15-pi nishca shinaca ¿shuj huauquica alli yachachij cangapajca imatataj rurana can?

¹⁷ (1 Timoteo 4:13, 15-ta liyipai). Can bautizado huauqui cashpaca alli conferenciata cungapaj, alli yachachingapajmi metacunata churai tucungui. Chaita pajtachijpica canta uyajcunapish achcatami beneficiaringacuna. Alli yachachij cangapajca Alajata liyij, alli yachachij cai nishca folletopi tiyaj yachaicunatami cutin cutin repasana cangui. Conferenciata cucushpa, alli yachachicushpami practicapi churana cangui. Shinallataj consejero auxiliar nishca ancianota * o shujtaj alli yachachij ancianocunatami ayudachun mañana cangui (1 Timoteo 5:17). Conferenciata  cucushpaca uyacujcunapaj fetami sinchiyachina cangui. Paicuna ima yachashcatapish pajtachichunmi ayudana cangui. Chaita rurashpaca canpish, canta uyajcunapishmi cushilla sintiringuichij.

18. ¿Alli yachachij, alli predicaj cangapajca imatataj rurana canchij?

¹⁸ Diosta sirvijcunaca tucuicunami predicana canchij. Jesusta catijcunatapishmi rurana canchij (Mateo 28:19, 20; Romanos 10:14). ¿Ashtahuan alli predicaj, yachachij cangapajca imatataj rurana canchij? Chaipajca Alli yachachij cai nishca folletota estudiashpami practicapi churana canchij. Shinallataj Tandanacuipi yachana pꞌangapi ima yachashcatapishmi pajtachina canchij. Ima shina huillanata ricuchij videocunamantapishmi yachai tucunchij. Huillangapajpish chꞌican chꞌican yuyaicunata utilizashunchij. Caita rurashpaca ashtahuan alli yachachijcunami cashun. Cushillapishmi sintirishun (2 Timoteo 4:5).

19. ¿Alli cualidadcunata charingapajca imatataj rurana canchij?

¹⁹ Shinallataj tucuicunami alli cualidadcunata charingapaj esforzarina canchij (Gálatas 5:22, 23; Colosenses 3:12; 2 Pedro 1:5-8). Por ejemplo, sinchi feta charingapajca ñucanchij publicacioncunapimi investigana canchij. Shinallataj JW Broadcasting^® programapimi sinchi feta charij huauqui panicuna llaquicunahuan ima shina chꞌimbapurashcata yachai tucunchij. Qꞌuipaca paicunapaj ejemplota ima shina pajtachinapimi yuyana canchij.

20. ¿Cai yachaipi ricushca shinaca cushilla sintiringapajca imatataj rurana canchij?

²⁰ Tucuicunami Jehová Diosta ashtahuan sirvisha ninchij. Paraíso Allpapimi Diostaca cabalta sirvi tucushun. Pero chai punlla chayangacamaca ñucanchij tucui pudishcahuan Yayitu Diosta sirvingapaj esforzarishunchij. Chaita rurashpaca ñucanchijpish cushillami sintirishun. Ashtahuancarin cushi Jehová Diostami jatunyachishun (1 Timoteo 1:11, NWT ). Chaimanta ñucanchij rurai tucushcahuan Jehová Diosta cushicushpa sirvishunchij.