1. Кыӵе мылкыдзы вань тросэзлэн вын-агайёслэн но сузэр-апайёслэн?

  ТА ДУННЕЛЭН пумыз матын ини, соин ик милям трос ужъёсмы вань (Матф. 24:14; Лука 10:2; 1 Пётр 5:2). Милям ваньмылэн Иеговалы тросгес ужаммы-тыршеммы потэ. Тросэз ми пӧлысь мылкыд каризы тросгес тодытыны. Кин ке но ужпум кутӥз пионер луыса ужаны-тыршыны, нош кин ке но Вефильын ужаны яке организациямы пуктӥськон-лэсьтӥськон ужъёсы пыриськыны. Озьы ик тросэз вын-агайёсмы куронъёслы тупаны тыршо, тӧро яке кенешлы юрттӥсь луон понна (1 Тим. 3:1, 8). Иегова туж шумпотэ, куке адӟе, калыкез солы ужаны-тыршыны дась шуыса (Пс. 109:3; Ис. 6:8).

2. Мае ми шӧдыны быгатӥськомы, куке Иеговалы ужан-тыршонын пуктэм ужпумъёсмы быдэсмытэк кылё?

² Куддыръя милям мылкыдмы куашканы быгатэ, куке Иеговалы ужан-тыршонын пуктэм ужпумъёсмы кема дыр ӵоже быдэсмытэк кылё. Кин ке но ужан-тыршонын тросгес лэсьтыны уг быгаты арлыдыз сэрен яке мукет югдуръёсыз сэрен (Мад. 13:12). Кылсярысь, Мелиссалэн b туж потэ Вефильын ужамез-тыршемез яке Эксэйлыкез тодытӥсьёслы школаын дышетскемез. Нош арлыдыз сэрен со тае лэсьтыны уг быгаты. Тани мар со вера: «Мынам малпанъёсы быдэсмытэк кылё. Куддыръя таин сэрен мон туж ӝоже усисько».

3. Мар кароно соослы, кинъёслэн Иеговалы ужан-тыршонын тросгес лэсьтэмзы потэ?

³ Егит вын-агайёслы но сузэр-апайёслы, ужан-тыршонын но кенешын тросгес лэсьтон понна, кулэ Инмарен кусыпъёссэс юнматыны но кулэ луись сямъёссэс будэтыны. Кылсярысь,  куд-огъёсыз быгато визьмоесь луыны, ӝог ужпумъёс кутыны но трос ужаны. Но озьы ик соослы кулэ на дышетскыны чидась луыны, ужзэс эшшо но сак быдэсъяны но мукетъёссэ гажаны. Ужалэ со вылын, мае лэсьтыны тӥляд уг пӧрмы. Озьы лэсьтӥды ке, тӧроос тӥледлы эшшо но тросгес ужъёс оскозы, дыр, тужгес но соку, куке тӥ сое уд но возьмаське. Тани мар луиз Ник агаен. Куке солы 20 арес вал, со туж ӝоже усьылӥз, сое кенешлы юрттӥсь уг каро шуыса. Со тодаз вае: «Мон ӧй быгаты валаны, мае мон шонертэм лэсьтӥсько». Озьы ке но Ник ӧз сётскы. Со ӟырдыт мылкыдын пыриськиз тодытон уже, озьы ик солы сётэм ужъёсты тыршыса быдэсъяз. Туннэ Ник филиаллэн комитетаз ужа-тырше.

4. Мае ми эскеромы та статьяын?

⁴ Ӝоже усиськоды-а тӥ, Иеговалы ужан-тыршонын али кыӵе ке ужпумъёстэс быдэстыны уд быгатӥське шуыса? Озьы ке, та сярысь Иеговалы вералэ (Пс. 36:5—7). Озьы ик юаны луоз юн осконэн вын-агайёслэсь но сузэр-апайёслэсь, мае тӥ умоятыны быгатысалды. Собере соослэсь сётэм визь-кенешсэс улонады пыртыны тырше. Озьы лэсьтӥды ке, тӥледлы трос ужъёс оскозы, дыр, яке пуктэм ужпумъёстэс быдэстыны быгатоды. Оло нош, Мелисса сямен ик, тӥ али уд быгатӥське лэсьтыны сое, мае лэсьтэмды потэ вал Иегова понна. Соку мар юрттоз тӥледлы шумпотондэс ыштытэк улыны? Та юанлы валэктон шедьтон понна, ойдолэ эскеромы: 1) маин герӟаськемын шумпотон, 2) мар кароно, шумпотонмы тросгес мед луоз шуыса, но 3) кыӵе ужпумъёсты быдэстон милемлы шумпотон вае.

5. Маин герӟаськемын шумпотон? (Екклесиаст 6:9).

⁵ Екклесиастын 6:9 (лыдӟе) валэктӥське, мар юрттоз милемлы шумпотыса улыны. Адями, кудӥз шумпотэ солы, мае адӟо синъёсыз, дунъя сое, маиз солэн вань, кылсярысь, аслэсьтыз югдуръёссэ. Нош куке адями лулыныз солань-талань шонаськыса ветлэ, яке мылкыд каре басьтыны сое, мае басьтыны уг быгаты, со трос шуг-секытъёсын пумиськыны быгатэ. Озьыен, шумпотыса улон понна, милемлы дунъяно сое, мармы милям вань, но ас азямы быдэстыны луымон ужпумъёс пуктоно.

6. Кыӵе мадёнэз ми али эскеромы но малы ми саклык висъяломы?

⁶ Зэм, адями тырше ас азяз выль ужпумъёс пуктыны. Со одӥг интыяз уг сылы. Нош луэ-а тыр луыны соин, мармы милям вань? Луэ. Со сяна, ми талы шумпотыны но быгатӥськомы. Мар милемлы юрттоз? Ойдолэ эскеромы Иисуслэсь талантъёс сярысь мадёнзэ (Матф. 25:14—30). Та мадёнын ми саклык висъяломы солы, кызьы шумпотыса улоно аслад югдуръёсад но кызьы та шумпотонэз будэтоно.

7. Мар сярысь вераське Иисуслэн талантъёс сярысь мадёназ?

⁷ Иисуслэн талантъёс сярысь мадёназ вераське мурт шаере кошкись пиосмурт сярысь, кудӥз кошкон азяз аслаз ляльчиосызлы талантъёс c люкылӥз но соосты уже кутыны косӥз. Талантъёссэ сётъякуз, со лыдэ басьтӥз котькуд ляльчиезлэсь быгатонлыкъёссэ. Соин ик одӥг ляльчиезлы со сётӥз вить талант, мукетызлы — кык, нош куинетӥезлы — одӥг. Нырысетӥ кык ляльчиос сётэм талантъёсынызы кузёзылы тросгес коньдон поттӥзы, нош куинетӥез озьы ӧз лэсьты. Со сяна, со ӧз но тыршы сётэм коньдонзэ йылэтыны. Соин ик кузёез сое улляз.

8. Малы мадёнысь нырысетӥез ляльчи шумпотыны быгатэ вал?

⁸ Нырысетӥез ляльчи туж шумпотӥз, дыр,  кузёез солы вить талантъёссэ оскиз шуыса. Та туж трос коньдон вал! Озьыен, кузёез сое туж оскымон адямиен лыдъяз. Но мар вераны луоз кыкетӥез ляльчи сярысь? Со ӝоже усьыны быгатысал, кузёез солы ӧз сёты шуыса сомында ик талантъёс, кӧня нырысетӥезлы сётӥз. Но кызьы со ассэ возиз?

9. Мае ӧз лэсьты кыкетӥез ляльчи? (Матфейлэсь 25:22, 23).

⁹ Лыдӟе Матфейлэсь 25:22, 23. Мадёнын уг вераськы, кыкетӥез ляльчи солы кык талант гинэ сётэмзы сэрен йыркуръяськиз шуыса. Иисус сое уг возьматы ӝожтӥськись адямиен, кудӥз вераны быгатысал: «Та ваньмыз?! Малы нырысетӥ ляльчилы вить талант сётӥзы, нош мыным кык гинэ? Маин мон уродгес? Кузёе монэ уг дунъя бере, мон та талантъёсты музъеме сого но аслам ужъёсыным выро».

10. Мар кариз кыкетӥез ляльчи солы сётэм коньдонэн?

¹⁰ Нырысетӥез ляльчи сямен ик, кыкетӥез ляльчи кузёезлэсь сётэм коньдонзэ кулэен лыдъяз но кузёез понна туж тыршиз. Солы луыса кык талантсэ со кык поллы будэтӥз. Тыршемез понна кузёез ляльчизэ туж ушъяз, озьы ик эшшо но тросгес ужъёс солы оскиз.

11. Мар юрттоз милемлы эшшо но трос шумпотон шедьтыны?

¹¹ Озьы ик ми но тросгес шумпотон шедьтомы Иеговалы ужан-тыршонын сётэм ужъёслэсь, ми соос пӧлы быдэсак выйимы ке. Соин ик вань сюлмысьтыды тодытэ но мылысь-кыдысь кенешлэн ужъёсаз пыриське (Ап. уж. 18:5; Евр. 10:24, 25). Котькуд пумиськонлы умой дасяське, тӥляд валэктонъёсты вын-агайёслэсь но сузэр-апайёслэсь мылкыдзэс мед ӝутозы шуыса. Арня вискысь пумиськонын сётэм ужез тыршыса быдэсъялэ. Кенешысь  вын-агайёс тӥледыз мар ке карыны куро ке, оскымонэсь луэ но сётэм ужез дырыз дыръя быдэстэ. Тӥледлы сётэм ужез дыр быдтон шуыса эн лыдъялэ. Тырше кулэ луись быгатонлыкъёстэс будэтыны (Мад. 22:29). Макем тыршыса Иегова понна ужалоды, сокем юнгес луоз тӥляд соин эшъяськонды, озьы ик тӥ эшшо но тросгес шумпотон шедьтоды (Гал. 6:4). Со сяна, тӥледлы капчигес луоз мукетъёсыз понна шумпотыны, куке соослы сёто ужъёсты, кудъёссэ тӥляд быдэсъямды потэ вал (Рим. 12:15; Гал. 5:26).

12. Мар каризы Мелисса но Ник, эшшо но золгес шумпотон понна?

¹² Берытскомы Мелиссалэн примерез вылэ. Со вала, Вефильын ужаны-тыршыны но Эксэйлыкез тодытӥсьёслы школаын дышетскыны мылкыдыз уз быдэсмы шуыса. Озьы ке но со вера: «Мон вань сюлмысьтым пионер луыса ужасько-тыршисько. Озьы ик мон тыршисько пӧртэм амалъёсын тодытыны. Та мыным трос шумпотон вае». Нош мар юрттӥз Никлы умой мылкыдын улыны, куке со кенешлы юрттӥсь ӧз луы? Тани мар со вера: «Мон саклыкме висъяй солы, мае карыны быгатӥсько вал: быгатэмея тодытон уже пыриськыны но кенешлэн пумиськонъёсаз вын-агайёсты но сузэр-апайёсты умой малпам валэктонъёсыным юнматыны. Эшшо мон анкетаез гожтӥ, Вефильын ужан-тыршон понна. Но ар ортчыса ини, монэ отчы ӧтизы».

13. Мае ми шӧдомы, вань сюлмысьтымы милемлы сётэм ужез быдэсъямы ке? (Екклесиаст 2:24).

¹³ Тӥ вань сюлмысьтыды тӥледлы сётэм ужез быдэсъяськоды ке, возьматэ-а со, тӥледлы эшшо но тросгес ужъёс сётозы шуыса? Кызьы возьматэ Никлэн учырез, со озьы луыны быгатэ. Нош озьы ӧз луы ке но, уждэс Мелисса сямен тыршыса быдэсъямды тӥледлы тросгес шумпотон ваёз. (Лыдӟе Екклесиастэз 2:24). Озьы ик милям тыршеммы Кузёмес, Иисус Христосэз шумпоттэ шуыса тодӥськомы ке, та милемыз эшшо но шудогес каре.

14. Мар сярысь тодамы возёно, куке малпаськиськомы Иеговалы ужан-тыршонэн герӟаськем ужпумъёсмы сярысь?

¹⁴ Ми вань сюлмысьтымы Иеговалы ужаськомы-тыршиськомы ке, возьматэ-а со, милемлы со понна тросгес лэсьтоно ӧвӧл ини шуыса. Со озьы ӧвӧл. Милемлы азьланяз но Иеговалы ужан-тыршонын ужпумъёс пуктоно! Озьы ӧм лэсьтэ ке, ми ум быгатэ ужан-тыршонын быгатонлыкъёсмес умоятыны но вын-агайёсмылы но сузэр-апайёсмылы юрттыны. Инмарлы ужан-тыршонэн герӟаськем ужпумъёсмес быдэстон понна, милемлы кулэ визьмоесь но зӥбыт-востэмесь луыны, озьы ик мукетъёсызлэсь кулэяськонъёссэс асьмелэн кулэяськонъёсмылэсь вылӥегес пуктыны (Мад. 11:2; Ап. уж. 20:35).

15. Кыӵе ужпумъёсты быдэсъян тӥледлы тросгес шумпотон ваёз?

¹⁵ Кыӵе ужпумъёс кутыны луоз? Куре Иеговаез юрттыны, тӥ мед быгатоды югдурды шоры шонер учкыны но валаны, кыӵе ужпумъёсты тӥ быдэстыны быгатоды (Мад. 16:3; Иак. 1:5). Оло нош, та статьяын  нырысетӥ абзацын верам ужпумъёс пӧлысь одӥгзэ ке но быдэстыны быгатоды, кылсярысь, юрттӥсь пионер яке пионер луыса ужаны-тыршыны, Вефильын ужаны-тыршыны яке пуктӥськон-тупатъян ужъёсы пыриськыны. Озьы ик тӥ быгатӥськоды дышетыны мукет кылэз, сое ужан-тыршонын уже кутон понна яке улыны кошкон понна отчы, кытын та кылын верасько. Со сярысь, кызьы ужан-тыршонэ тросгес пыриськыны луэ, тодыны луоз, «Иеговалэсь эриксэ быдэсъяны радъямын» книгаысь (ӟуч) 10-тӥ люкетсэ лыдӟыса яке кенешысьтыды тӧроосын вераськыса d. Кутэм ужпумъёстэс быдэсъяны  тыршиды ке, мукетъёсыз азинсконъёстэс адӟозы, озьы ик шумпотонды но будоз.

16. Мар кароно, куке тӥ асьтэлэн югдуръёсты сэрен кыӵе ке ужпумъёсты быдэстыны уд быгатӥське?

¹⁶ Нош мар кароно, куке тӥ асьтэлэн югдуръёсты сэрен вылӥын верам ужпумъёсты быдэсъяны уд быгатӥське? Соку туж кулэ ас азяды мукет ужпумъёс пуктыны, кудъёссэ тӥ быдэсъяны быгатоды. Тани куд-ог сыӵе ужпумъёс.

17. Мар юрттоз агайлы умойгес дышетӥсь луыны, 1 Тимофейлы 4:13, 15 лыдэ басьтыса?

¹⁷ Лыдӟе 1 Тимофейлы 4:13, 15. Тон пылатӥськем агай ке, тыршы умоятыны вераськон но дышетон быгатонлыкъёстэ, «ваньзэ тае сюлэмдэ поныса быдэсъя». Соку со, мае тон лыдӟиськод, вераськод но малы дышетӥськод, кылзӥсьёсыдлэсь сюлэмзэс вырӟытоз. Ужпум кут «Дышетскы устогес лыдӟиськыны но дышетыны» брошюраез пыр-поч эскерыны. Нош эн тыршы урокъёсты ваньзэ ӵош одӥг дыре эскерыны — соосты огез бӧрсьы мукетсэ эскеры. Собере, тыныд сётэм ужез дасякуд, та брошюраысь визь-кенешъёсты уже кут. Юрттэт кур тӧроослэсь, кудъёсыз «Инмар кылэз тыршыса» тодыто но дышето, озьы ик юрттэт курыны луоз визь-кенеш сётъясь агайлэсь но e (1 Тим. 5:17). Аслэсьтыд быгатонлыкъёстэ гинэ умоятыны эн тыршы, нош юртты кылзӥсьёсыдлы осконзэс юнматыны но мылкыдзэс ӝутыны уже кутыны сое, мае соос тодо. Озьы лэсьтӥд ке, со шумпотон ваёз аслыд но, кылзӥсьёсыдлы но.

18. Мар юрттоз милемлы эшшо но быгатыса дышетыны но дышетскисьёсты дасяны?

¹⁸ Ми пӧлысь котькудмылы кулэ луись уж сётэмын — тодытыны но дышетскисьёсты дасяны  (Матф. 28:19, 20; Рим. 10:14). Потэ-а тӥляд та ужез умойгес быдэсъямды? Соку тӥледлы юрттоз «Дышетскы» брошюра. Кыӵе ке урок вылын ужакуды, пуктэ нимысьтыз ужпумъёс, отысь визь-кенешъёсты уже кутон понна. Озьы ик юрттозы «Христиан улонмы но ужан-тыршонмы» ужан тетрадь но видеороликъёс, кудъёсаз возьматэмын, кызьы адямиен вераськыны луэ. Та видеороликъёсты арня вискысь пумиськонъёсын возьмато. Тырше пӧртэм визь-кенешъёсты эскерыны. Соку тододы, кудӥз визь-кенеш тӥледлы тужгес но умой тупа. Солы луыса тӥ эшшо но умойгес дышетӥсь луоды но тросгес шумпотон басьтоды (2 Тим. 4:5).

19. Мар юрттоз тӥледлы Инмарлы ярамон сямъёстэс будэтыны?

¹⁹ Куке тӥ малпаськиськоды, кыӵе ужпумъёс ас азяды пуктоно, эн вунэтэ тужгес но кулэез сярысь — Инмарлы ярамон сямъёсты будэтон сярысь (2 Пётр 1:5—8; Гал. 5:22, 23; Кол. 3:12). Кызьы та ужпумез быдэстыны луоз? Шуом, тӥляд оскондэс юнматэмды потэ. Соку тӥ асьмелэн публикациосысьтымы утчаны быгатоды визь-кенешъёсты, кудъёсыз юрттозы тӥледлы оскондэс юнматыны. Озьы ик учкыны луоз JW Broadcasting^® программаосты. Отын вераське вын-агайёс но сузэр-апайёс сярысь, кудъёсыз шуг-секытъёс дыръя но юн осконзэс возьматӥзы. Малпаське, мае тӥ соослэсь адӟем карыны быгатӥськоды. Таӵе учыръёсты эскерон тӥледлы трос пайда ваёз.

20. Мар кароно, тросгес шумпотон понна но ӧжытгес ӝож мылкыдын улон понна?

²⁰ Зэм но, ми пӧлысь котькудӥзлэн Иегова понна тросгес лэсьтэмез потэ, ӵошатыса соин, мае ми али лэсьтӥськомы. Инмарлэн выль дуннеяз тае лэсьтыны номыр уз люкеты. Нош али ойдолэ дунъяломы вань луонлыкъёсмес, кудъёссэ ми Иеговалы ужан-тыршонын уже кутыны быгатӥськомы. Соку ми пӧлысь котькудӥз эшшо но тросгес шумпотоз но ӧжытгес ӝож мылкыдын улоз. Озьы ик асьмелэн ужан-тыршонэнымы ми данъяломы шудо Иегова Инмармес (1 Тим. 1:11). Ойдолэ шумпотомы ваньмызлы, мае ми лэсьтыны быгатӥськомы Иегова понна!