1-2. Sesuai tu Psalmen 34:8, aha do na ikkon taulahon asa boi tahilala haburjuon ni Jahowa i?

BAYAKKON ma adong na mangalehon siallangon tu hamu, alai dang hea dope diallang hamuna i. Diida hamu ma, dianggo hamu, disukkun hamu ma sian dia i dibahen. Jala disukkun hamu ma tu na asing songon dia daina. Alai asa boi diboto hamu songon dia sabotulna daina, ikkon hamu sandiri do na mancoba i.

² Nungnga taboto ra songon dia Jahowa patuduhon haburjuonna tikki tajaha Bibel, tajaha publikasitta, manang tabege akka donganta marcerita songon dia Jahowa mamasu-masu nasida. Alai asa lam takkas taboto songon dia haburjuon ni Jahowa i, ikkon hita sandiri do na ‘mandai’ i. (Jaha Psalmen 34:8 dohot surat na di toru.) Misalna, molo naeng gabe perintis hita ikkon tasederhanahon do ngolutta. Olo do ra nga jotjot tajaha janji ni Jesus na mandok, molo tautamahon Harajaon ni Debata pasti paradeon ni Jahowa do sude kebutuhanta. Alai dang hea dope ra tabuktihon sandiri janji ni Jesus i. (Mat. 6:33) Nang pe songon i, ala porsea hita tu Jesus gabe tasederhanahon ma ngolutta, taorui ma tikkitta karejo asa boi unggodang tikkitta marbarita na uli. Ala tabahen songon i, gabe boi ma taida songon dia Jahowa paradehon kebutuhanta. Jala boi ma ‘tadai’ haburjuon ni Jahowa.

3. Sesuai tu Psalmen 16:1, 2, tu ise do unggodang dilehon Jahowa pasu-pasuna?

 ³ “Burju do Jahowa tu sude”, bahkan tu halak na so mananda Ibana. (Ps. 145:9; Mat. 5:45) Alai unggodang do pasu-pasu na dilehon Jahowa tu akka halak na makkaholongi Ibana dohot na manomba Ibana sian nasa rohana. (Jaha Psalmen 16:1, 2.) Saonari taida ma jo songon dia Jahowa patuduhon haburjuonna tu hita.

4. Songon dia do Jahowa patuduhon haburjuonna tu akka halak na naeng jonok tu Ibana?

⁴ Dung marsiajar hita taringot Jahowa jala tapraktekkon na taparsiajari i, gabe muba ma parngoluotta. Ala nga lam holong rohatta tu Ibana, gabe tapauba ma cara marpikkirta. Jala dang taulahon be akka ulaon na so dihalomohon Ibana. (Kol. 1:21) Tikki talehon diritta tu Ibana jala tardidi, gabe lam sering ma tahilala haburjuon ni Jahowa i, dapotta ma panggora ni roha na denggan, jala lam jonok ma hita tu Ibana.​—1 Ptr. 3:21.

5. Songon dia do Jahowa patuduhon haburjuonna tikki marbarita hita?

⁵ Boi do tahilala muse haburjuon ni Jahowa, molo dohot hita marbarita na uli. Halak na parila do hamu? Unang pola metmet rohamuna. Godang do akka donganta na parila. Sebelum gabe Saksi Jahowa hamu, dang hea ra dibayakkon hamu ikkon lao hamu manuktuki jabu ni halak jala paboahon barita na so biasa dibege halak i. Hape saonari nga terbiasa be hamu. Jala na lebih penting, nga dinikmati hamu be na marbarita i. Boi ma dihilala hamu songon dia Jahowa mangurupi hamu. Dibantu do hamu asa tetap tenang tikki adong halak na kasar. Molo adong na berminat, diurupi do hamu mangingot akka ayat na pas. Jala diurupi do hamu asa toktong martahan nang pe godang halak na so berminat di daerahmuna.​—Jer. 20:7-9.

6. Songon dia do Jahowa mangajari hita asa lam malo marbarita?

⁶ Dipatudu Jahowa do muse tu hita haburjuonna ala olo do Ibana mangajar-ajari hita tikki marbarita na uli. (Joh. 6:45) Misalna di parpunguan tonga pokkan, adong do sitiruon mamukka pakkataion jala boi do tatiru i. Mulana jantungan do ra hita tikki mancoba cara na baru. Alai molo terbiasa hita mangulahon i, gabe lam lomo ma rohatta mamakke cara na baru i. Dijujui do muse hita di parpunguan dohot di kebaktian, asa olo hita mancoba akka cara marbarita na uli na so hea dope tacoba. Molo olo hita mancoba i, dipasu-pasu Jahowa ma hita. Saonari taida ma songon dia Jahowa patuduhon haburjuonna tu hita, molo marpos ni roha hita tu Ibana jala olo hita mangalehon unggodang tikki dohot tenagatta tu Ibana. Dung i tabahas ma aha na porlu taulahon asa tadapot cita-citatta i.

7. Pasu-pasu aha do na dihilala si Samuel dohot istrina ala olo halak i mangalehon unggodang tikki tu Jahowa?

⁷ Gabe lam jonok ma hita tu Jahowa. Taida ma jo pengalaman ni sahalak sintua na margoar si Samuel. * Rap melayani sebagai perintis do ibana dohot istrina di Kolombia. Sebelumna, nga merintis halak i di hutana. Alai lomo do roha ni halak i naeng melayani di tempat na asing na lebih membutuhkan. Asa boi diulahon nasida i, porlu do dibahen nasida pengorbanan. Didok si Samuel ma, “Huihutton hami ma poda na disurat di Mateus 6:33. Dang hutuhori hami be akka barang na so porlu di hami. Alai pengorbanan na umborat na ikkon hami bahen, i ma maninggalhon jabunami. Alana hami sandiri do na merancang i, jala nga lunas jabu i hubayar hami.” Di tempat ni nasida na  baru i, ummotik do kebutuhan ni nasida. Didok si Samuel ma, “Boi do huida hami, na sai diurupi Jahowa do hami jala dialusi Ibana do tangiangnami. Hubahen hami ma las roha ni Jahowa, jala dapotnami ma pasu-pasu na so hea dope hurasahon hami sebelumna.” Lomo do rohamuna naeng mangalehon godang tikki lao marbarita? Molo olo hamu mangulahon i, gabe lam jonok ma hamu tu Jahowa jala pasti do paradeonna sude kebutuhanmuna.​—Ps. 18:25.

8. Aha do na boi taparsiajari sian si Ivan dohot si Viktoria?

⁸ Gabe boi ma tahilala las ni roha. Taida ma jo pengalaman ni si Ivan dohot si Viktoria na melayani di Kyrgyzstan. Sederhana do ngolu ni nasida asa boi mangalehon gumodang tikki mangulahon tugas sian Jahowa. Misalna dohot tu proyek pembangunan. Didok si Ivan, “Memang ikkon kerja keras do hami setiap adong proyek. Nang pe nungnga loja hami sadari karejo, puas do hami ala nungnga hulehon hami sude gogonami tu Jahowa. Las do muse rohanami ala gabe tamba do dongannami dohot pengalamannami.”​—Mrk. 10:29, 30.

9. Aha do na diulahon donganta si Mirreh nang pe godang tantanganna, jala aha do hasilna?

⁹ Boi do hita marlas ni roha manomba Jahowa nang pe godang tantangan na taadopi. Songon i do na dialami si Mirreh na tinggal di Afrika Barat. Sahalak dokter hian do ibana. Nungnga matua jala mabalu ibana. Dung pensiun, mulai ma ibana merintis. Alai marsahit na parah do ibana. Maol do ibana mardalan. Alani i holan otik do tikkina na boi dilehon ibana marbarita sian jabu tu jabu. Jala gabe unggodang ma tikkina kesaksian di tempat umum. Nang pe songon i, adong do kunjungan kembalina dohot parsiajar Bibelna. Piga-piga dihubungi ibana sian telepon. Aha do na mambahen si Mirreh olo mangalehon godang tikki dohot gogona tu Jahowa? Alana holong do rohana tu Jahowa dohot tu Jesus. Martangiang do ibana tu Jahowa asa boi mangalehon na dumenggan tu Ibana.​—Mat. 22:36, 37.

10. Sesuai tu 1 Petrus 5:10, aha do na dilehon Jahowa tu hita molo talehon unggodang tikkitta tu Ibana?

¹⁰ Gabe dapotta ma pelatihan sian Jahowa. Songon i ma na dihilala si Kenny sahalak perintis di Mauritius. Dung marsiajar Bibel ibana, ditinggalhon ma kuliahna, tardidi ma ibana, jala merintis biasa. Didok ibana, “Berupaya do au maniru si Jesaya na mandok, ‘Au ma! Suru ma au!’” (Jes. 6:8) Dohot do si Kenny tu proyek pembangunan, jala dohot do ibana menerjemahon publikasi tu bahasana sandiri. Didok ibana, “Dapottu ma pelatihan asa lam terampil au mandalatton tugassu. Alai dang holan i. Gabe huboto ma hahuranganku, jala berupaya ma au padenggatton akka sifathu asa boi hubahen las roha ni Jahowa.” (Jaha 1 Petrus 5:10.) Songon dia molo hamu, olo do hamu mambahen penyesuaian asa boi dapot hamu pelatihan sian Jahowa?

11. Aha do na diulahon akka donganta na di Korea Selatan asa boi marbarita, jala aha do hasilna? (Ida ma muse gambar sampul.)

¹¹ Nang pe nga leleng hita gabe Saksi Jahowa, porlu dope hita dilatik mamakke cara na baru lao mabarita. Akka sintua di Korea Selatan paboahon aha na masa saleleng pandemi COVID-19 di huria ni nasida. Didok, “Sebelumna, adong do akka donganta naung matua na maol kaluar dinas alani masalah kesehatan. Alai saonari, ala adong video-conference, gabe boi ma nasida marbarita. Adong do tolu donganta naung marumur 80-an marsiajar mamakke komputer. Gabe boi ma nasida marbarita hampir tiap ari.” (Ps. 92:14, 15) Songon dia molo hita? Olo do hita mangalehon godang tikkitta lao marbarita asa boi tahilala haburjuon ni Jahowa i? Tabahas ma piga-piga cara na boi mangurupi hita mancapai tujuatta i.

12. Aha do janji ni Jahowa tu hita molo taandalhon Ibana?

¹² Taandalhon ma Jahowa. Marjanji do Jahowa lao mamasu-masu hita molo talehon na dumenggan tu Ibana. (Mal. 3:10) Songon i ma na dihilala sahalak donganta na margoar si Fabiola na tinggal di Kolombia. Lomo do rohana nian, sae baptis ibana langsung merintis. Alai ikkon ibana do na paradehon kebutuhan ni keluargana. Nang pe songon i, dung cocok situasina diputusson ibana ma asa pensiun jala ditangiakkon ibana do i tu Jahowa. Didok ibana muse, “Biasana leleng do mangurus asa kaluar hepeng pensiun, hape au sabulan dope, nga kaluar hepeng pensiunki. Mukjizat ni Jahowa do on!” Dua bulan dukkon i, merintis ma ibana. Saonari nga 70-an be umurna, jala nga lobi sian 20 taon ibana merintis. Nga adong be ualu halak na diurupi ibana sappe tardidi. Didok ibana, “Sipata loja do huhilala, alai boi do huida songon dia Jahowa mangurupi au asa tetap merintis.”

13-14. Pengalaman ni ise ma na tatiru asa boi lam taandalhon Jahowa?

¹³ Tatiru ma akka halak na mangandalhon Jahowa. Di Bibel adong do disurat teladan ni akka halak na berjuang lao mangulahon na dumenggan tu Jahowa. Sian akka contoh i hita marsiajar, ikkon jolo bertindak do hita asa boi dipasu-pasu hita. Misalna si Abraham, ditinggalhon ibana do hutana “nang pe dang diboto dope manang tudia ibana lao”. Alani i, dipasu-pasu Jahowa ma ibana. (Heb. 11:8) Molo si Jakkob, jolo margulat do ibana dohot  suru-suruan, dung i pe asa dipasu-pasu Jahowa ibana. (1 Mus. 32:24-30) Tikki naeng masuk tu Tano na Dijanjihon, ikkon jolo mangalakka do akka malim, dung i pe asa so aek ni Sunge Jordan na doras i.​—Jos. 3:14-16.

¹⁴ Saonari adong do akka donganta na mangalehon godang tikki dohot gogona tu Jahowa. Taida ma jo pengalaman ni donganta si Payton dohot istrina si Diana. Jotjot do dijaha halak i artikel berseri “Mereka Merelakan Diri.” * Disi, dibahen do pengalaman ni akka donganta na mangalehon godang tikki di ulaon marbarita. Didok si Payton, “Tikki dijaha hami pengalaman i, hira na manotton halak mangallangi na tabo ma hami. Lam jotjot dijaha hami pengalaman ni akka donganta i, gabe naeng dohot ma hami ‘mandai jala mangida haburjuon ni Jahowa.’” Alani i pinda ma nasida tu tempat na lebih membutuhkan godang penyiar. Molo hamu songon dia? Nga hea dijaha hamu pengalaman sisongon i? Nga hea ditotton hamu video Marbarita di Inganan na Pinjil—Australia dohot Marbarita di Inganan na Pinjil—Irlandia na adong di jw.org? Molo olo hita manjaha jala manotton video sisongon i, gabe tergerak ma hita mangalean unggodang tikkitta tu Jahowa.

15. Aha do manfaatna molo mardongan hita tu halak na mangutamahon Jahowa?

¹⁵ Pillit ma dongan na mangutamahon Harajaon ni Jahowa. Biasana gabe tertarik do hita mancoba makanan na baru, molo rap hita dohot halak na lomo rohana mangallang i. Sarupa ma i dohot caratta mamillit akka donganta. Molo tapillit do akka dongan na mangutamahon Jahowa di ngoluna, gabe tertarik ma hita mangalean na dumenggan tu Jahowa. Songon i ma na dihilala donganta si Kent dohot si Veronica, sapasang suami istri na melayani sebagai perintis istimewa di Serbia. Didok si Kent, “Jotjot do dongannami manjujui hami asa olo mangulahon akka tugas na asing di organisasi. Ala mardongan hami dohot akka dongan sisongon i, gabe tertarik ma hami mancoba akka tugas na asing.”

16. Songon tudosan ni Jesus di Lukas 12:16-21, boasa hita porlu mambahen pengorbanan?

¹⁶ Rade ma mambahen pengorbanan. Molo tabahen pengorbanan tu Jahowa, dang na berarti dang boi taulahon aha na tahalomohon.(Pjm. 5:19, 20) Alai molo dang olo hita mambahen pengorbanan holan alani na tahalomohon i, sarupa ma hita dohot bawa na di tudosan ni Jesus. Bekerja keras do ibana asa sonang ngoluna. Alai gabe dilupahon ibana do Debata. (Jaha Lukas 12:16-21.) Si Christian, na tinggal di Prancis mandok, “Saleleng on, dang godang dope tikkikku na hupakke tu Jahowa dohot tu keluargakku.” Jadi gabe perintis ma ibana dohot istrina. Asa boi nasida merintis, ikkon ditinggalhon halak i do karejona. Gabe tukang bersih-bersih ma halak i. Dibahen halak i ma sederhana ngoluna. Aha do manfaat ni pengorbanan ni nasida i? Didok si Christian, “Nungnga dinikmati hami be na marbarita i. Jala, las do rohanami mangida akka kunjungan dohot studinami marsiajar taringot tu Jahowa.”

17. Boasa adong na so lomo rohana mancoba cara marbarita na baru?

¹⁷ Tacoba ma akka cara marbarita na baru. (Ul. 17:16, 17; 20:20, 21) Si Shirley, sahalak perintis di Amerika Serikat, porlu do disesuaihon ibana carana marbarita saleleng pandemi COVID-19. Mulana, dang lomo rohana marbarita lewat telepon. Alai dung dapotna pelatihan tikki kunjungan pengawas wilayah, gabe rutin ma ibana marbarita lewat telepon. Didok  ibana, “Sabotulna mabiar do au mamakke cara on. Alai saonari nga lomo be rohakku mamakke cara on. Gabe unggodang do halak na hukabari hami lewat telepon sian tikki marbarita sian jabu tu jabu.”

18. Aha do na ikkon taulahon molo adong tantangan na mangabbati hita mencapai tujuanta?

¹⁸ Bahen ma rencana jala ulahon ma i. Molo adong tantangan na taadopi, ikkon martangiang do hita tu Jahowa. Jala, tapikkiri ma songon dia cara mangatasi i. (Poda 3:21) Si Sonia, na melayani di kelompok bahasa Romani di Eropa mandok, “Jotjot do husurat akka rencanakku di harotas. Dung i hutempelhon ma i di tempat na mura huida. Adong do muse hubahen gambar ni dua dalan di mejakku. Asing do arah ni dua dalan i, sada tu kiri, sada tu kanan. Jadi setiap naeng mambahen keputusan au, huida ma gambar i. Hupikkiri ma, keputusan dia do nuaeng na mangurupi au mencapai rencanakki.” Setiap adong tantangan selalu do donganta si Sonia marpikkiran positif. Didok ibana, “Molo berubah situasitta, boi do i songon tembok na menghalangi hita manang songon jambatan na mangurupi hita mencapai tujuanta i. Bergattung tu cara marpikkirta do i.”

19. Aha do na ikkon taulahon?

¹⁹ Nungnga massai godang pasu-pasu na tajalo sian Jahowa. Alani i, tapatudu ma pangargaion tu sude naung dilehon Jahowa i. Berupaya ma hita mangulahon manang aha pe na parohon sangap tu goar ni Jahowa. (Heb. 13:15) Molo olo hita mangulahon akka tugas na baru di organisasi, lam godang ma pasu-pasu ni Jahowa na tahilala. Jadi ganup ari, bertekad ma hita ‘mandai jala mangida haburjuon ni Jahowa’. Dung i gabe boi ma hita songon Jesus na mandok, “Sipanganokku, i ma mangulahon lomo ni roha ni na marsuru au jala pasaehon ulaon na sian Ibana.”​—Joh. 4:34.