1-2. Tus­siaat 34:9 naaper­torlugu Jehovap ajun­ngitsuunera qanoq paasil­luarsin­naavar­put?

TAKORLOORUK nerisas­sanik misilis­siman­ngisan­nik neqeroorfigineqar­tutit. Nerisas­sat isik­kui, tik­ki, nerisas­sior­nermi ilitsersuutit atorlugit inuil­luun­niit al­lat isumasiorlugit nerisas­sat taak­ku paasisaqarfigisin­naavatit. Mamarinerlugil­li paasis­saguk­ku nam­mineq us­ser­tariaqas­savatit.

² Jehovap ajun­ngitsuunera pil­lugu ilisimasaqalersin­naavugut Biibilip Biibililersaarutit­talu atuar­tar­nerisigut al­lal­luun­niit Jehovamit pil­luaq­quneqarsimanermin­nik oqalut­tuar­tut tusar­naar­nerisigut. Aatsaal­li nam­mineq ‘us­serutsigu’ Jehovap ajun­ngingaar­nera paasil­luas­savar­put. (Tussiaat 34:9 atuaruk). Ilaatigut qanoq taamaaliorsin­naanitsin­nik as­sersuuteqariar­ta. Takorlooruk pif­fis­saq tamaat kif­far­tulerusut­tutit, taamaliorumal­lutil­li inuunin­ni pisariil­lisaasariaqar­putit. Kun­ngeqarfik, tas­sa Naalagaaf­fik, sal­liut­tuarutsigu Jehovap pisariaqar­titatsin­nik tunisiumaar­neranik Jiisusip neriorsuutaa im­maqa atuakulasarsimavat, neriorsuutil­li ilumoor­nera nam­mineq misigisimanagu. (Matt 6:33) Taava Jiisusip neriorsuutaata ilumoor­nera up­peralugu aningaasar­tuutitit ikilisip­patit, sulinikin­neruler­putit oqaluus­sinermilu iliuuseqar­nerulerlutit. Taamaalior­nin­ni Jehovap ilumut pisariaqar­titatsin­nik tunisisar­nera nam­mineq misigivat. Tas­sa Jehovap ajun­ngitsuunera nam­mineq ‘us­ser­pat’.

3. Tus­siaat 16:1, 2-lu naaper­torlugit kik­kut Jehovamit pil­luaq­quneqar­tar­pat?

³ Jehova “tamanut ajun­ngisaar­tar­poq”, al­laat ilisarisiman­ngin­nitsiminut.  (Tuss 145:9; Matt 5:45) Ingam­mil­li im­minik asan­nit­tut sapin­ngisamin­nil­lu kif­far­tor­tut pil­luaq­qungaar­tar­pai. (Tussiaat 16:1, 2 atuakkit). Maan­na Jehovap qanoq ajun­ngitsuliorfigisaraatigut sam­meriar­tigu.

4. Jehovap im­minut qanil­lerusut­tut qanoq ajun­ngitsuliorfigisar­pai?

⁴ Jehovamit ilik­kak­kat­ta maleruar­nerisa kinguneqarluar­tar­nerat misigisar­par­put. Ilisarisimanerujar­tor­til­lugu asanerujar­tor­til­lugulu taas­suman­nga ikior­neqarluta eq­qarsar­taaseq iliuutsil­lu iluarin­ngisai iperarsin­naaler­tar­pagut. (Kol 1:21) Jehovamut tun­niul­luin­narlutalu imermut morsutsitaagat­ta taas­suma ajun­ngitsuunera aam­ma al­latigut misigaar­put – tas­sa ilerasuuteqar­natalu Jehovamut qanit­tumik at­taveqarsin­naaler­pugut. – 1 Petr 3:21.

5. Jehovap oqaluus­sinitsin­ni qanoq ajun­ngitsuliorfigisar­paatigut?

⁵ Jehovap ajun­ngitsuunera aam­ma misigisar­par­put oqaluus­sinermi peqataagaangat­ta. It­tuutuujuit? Nalunaajaasor­pas­suit taamaap­put. Nalunaajaasun­ngun­ngik­kal­laravit im­maqa takorloorsiman­ngik­kaluar­pat inun­nut nalusan­nut kasut­torlutit Biibili pil­lugu oqalut­tuar­taler­nis­sat. Maan­nali taamaaliukulasar­putit. Al­laam­mi Jehovamit ikior­neqarlutit oqaluus­sineq nuan­nariler­pat! Jehovap ikiuisar­nera arlalip­pas­suar­tigut misigisimavat. Akerlilersuisumit sorraaf­figineqar­nin­ni eq­qis­sisimaan­nar­nis­san­nut ikiorsimavaatit. Aam­ma pulaak­kamut soqutigin­nit­tumut al­las­simaf­fim­mik naleq­qut­tumik eq­qaasaqar­nis­san­nik ikiorsimavaatit. Oqaluus­sif­figisar­tak­kan­nilu soqutigin­nit­toqarfiun­ngitsumi piner­tusaar­nis­san­nut ikiorsimavaatit. – Jer 20:7-9.

6. Jehovamit ilin­niar­titaaner­put taas­suma ajun­ngitsuuneranut qanoq up­per­narsaataava?

⁶ Jehovap oqaluus­sinis­samut ilin­niar­tik­kamisigut ajun­ngitsuliorfigaatigut. (Joh 6:45) Ul­luin­nar­ni ataatsimiit­tar­nitsin­ni oqaloqatigiin­nis­samut siun­nersuutit piareersarluak­kat takusar­pagut oqaluus­sinermilu ator­nis­saan­nut kajumis­saar­neqar­tarluta. Im­maqa aal­laq­qaam­mut ator­nis­saan­nut tunuarsimaar­pugut, atuleratsigil­li im­maqa paasivar­put oqaluus­sif­figisar­tak­katsin­niit­tunut naleq­qut­tuusut. Aam­ma ataatsimiin­ner­ni ataatsimeersuar­ner­nilu kajumis­saar­neqar­tar­pugut oqaluus­seriaatsit misilis­siman­ngisagut misileq­qul­lugit. Taamaalior­nis­sar­put an­nilaangas­sutigisin­naavar­put, misilik­kutsigil­li Jehovamit pil­luaq­quneqas­saagut. Maan­na sam­meriar­tigit qanorluun­niit atugaqaraluarluta Jehovamut kif­far­tor­nermi sapin­ngisatsin­nik iliuuseqarumal­luta misilis­siman­ngisatsin­nik misiliigaangat­ta pil­luaq­qus­sutisiarisar­tak­kagut. Taava kif­far­tor­nitsin­ni qanoq iliuuseqar­nerulersin­naasugut sam­mis­savar­put.

7. Kif­far­tor­nitsin­ni sapin­ngisatsin­nik iliuuseqar­nerulerut­ta qanoq pil­luaq­quneqas­saagut?

⁷Jehovamut qanillinerusar­pugut. Samuel * utoq­qaaner­taasoq nulianilu Colombiami kif­far­tor­put. Aap­pariit taak­ku pioneriup­put, kif­far­ner­nermin­nili iliuuseqar­nerorusul­lutik ilagiin­nut pisariaqar­titsinerusunut nuuk­kusup­put. Taamaalius­sagunik pil­liuteqar­tariaqar­put. Samuel ima oqar­poq: “Mat­thæusi 6:33 maleruar­par­put pisariaqar­tin­ngisatsin­nil­lu pisisarun­naarluta. Angerlarsimaf­fit­tali, iluarisatsitut sanaap akiitsugaqarfigin­ngisat­talu, qiman­nis­saa saper­nar­ner­paavoq.” Kif­far­torfigilik­kamin­ni sior­natigor­nit aningaasar­tuutikin­nerungaar­put. Samuel ima nangip­poq: “Jehovamit siulersor­neqar­ner­put  qin­nutit­talu akineqarsimanerat takusin­naavar­put. Jehovap iluarin­nin­nera asan­nin­neralu misigisiman­ngisatsitut misigaar­put.” Il­lim­mi kif­far­tor­nin­ni iliuuseqar­nerusin­naavit? Taamaalioruit qularis­san­ngilat Jehovamut qanil­linerus­sal­lutit taas­suman­ngalu isumagineqas­sal­lutit. – Tuss 18:26.

8. Ivan Viktorialu qanoq ilin­niarfigaagit?

⁸Kiffartornerput nuan­naarutigisar­parput. Ivan Viktorialu aap­pariit Kirgisistanimi pioneriusut pilimanian­ngitsumik inooriaaseqaramik ilaatigut sanaar­tor­nermi peqataasin­naasar­put. Ivan ima oqalut­tuar­poq: “Qanorluun­niit sulias­sin­neqaraluaraangat­ta tamaviaar­tar­pugut. Un­nuk­kut qasoq­qasaraluarluta qamuuna eq­qis­sisimal­lutalu nalerisimaar­tar­pugut nalun­ngin­natsigu nukigut Jehovamut kif­far­tor­nermi atorsimal­lugit. Aam­ma ikin­ngutitaagut misigisagul­lu nuan­nersut nuan­naarutigingaar­tar­pagut.” – Mark 10:29, 30.

9. Qatan­ngut ar­naq ajor­nar­torsiutilik Jehovamut kif­far­tor­nerujumal­luni susimava, qanorlu kinguneqar­tumik?

⁹ Ajor­nar­torsiuteqaraluarluta Jehovamut kif­far­tor­nitsin­ni nuan­naarsin­naavugut. Mirreh utoq­qaq uil­lar­nerusoq Afrikap kitaani najugalik as­sersuutigeriar­tigu. Nakorsatut sulif­fim­minit soraar­nin­ngorami pionerin­ngor­poq. Naggus­samigut gigteqarami pisup­pal­laarsin­naan­ngilaq, taamaat­tumil­lu il­lumiit il­lumut oqaluus­sinermi sivikitsuin­narmik peqataasin­naasar­poq. Tamanul­li oqaluus­sinermi peqataasin­naanerusar­poq. Pulaaq­qit­tagai Biibilimil­lu atuaq­qis­saaqatigisar­tagai amerlap­put, taak­kualu ilaat oqarasuaatik­kut at­tavigisar­pai. Mirrehp kif­far­tor­nerunis­saminut suna kajumis­sis­sutigaa? Ima oqar­poq: “Jehova aam­ma Jiisusi Kristusi asangaar­pak­ka. Jehovamut kif­far­tor­nermi sapin­ngisan­nik iliuuseqarsin­naaq­qul­lunga qinukulasar­punga.” – Matt 22:36, 37.

10. Jehovamut kif­far­tor­nermi iliuuseqar­nerusut qanoq ilin­niar­tin­neqar­tar­pat? (1 Petrusi 5:10)

¹⁰Jehovamit ilin­niartin­neqarnerusar­pugut. Ken­nyp Mauritiusimi pioneriusup taman­na misigaa. Sal­lusuis­sut paasigamiuk universitetimi ilin­niar­nini unitseriarlugu imermut morsutsitaavoq pif­fis­sarlu tamaat kif­far­tulerluni. Ima oqar­poq: “Pruf­fiitip Esajap oqar­neratut ima oqarsin­naarusut­tar­punga: ‘Piareersimavunga, aal­lar­tin­nga!’” (Es 6:8) Ken­ny sanaar­tor­ner­ni peqataasarsimavoq aam­ma Biibililersaarutinik oqaatsiminut nutserinermi ikiuut­tarsimal­luni. Ima oqar­poq: “Sulias­sak­ka naam­mas­sisin­naanias­sagak­kit ilin­niar­tin­neqar­punga.” Aam­mali al­lanik ilik­kagaqar­poq, imami nangip­poq: “Pisin­naasama kil­leqar­nerat paasil­lugulu Jehovamut kif­far­tor­nermi pis­suserineqar­tus­sat suut ineriar­tor­tit­tariaqarlugit paasivara.” (1 Petrusi 5:10 atuaruk). Im­maqa aam­ma il­lit Jehovamit ilin­niar­tin­neqar­nerujumal­lutit inuunin­ni al­lan­nguisin­naavutit.

11. Qatan­ngutit Koreamit Kujal­lermeersut oqaluus­seqataanerujumal­lutik susimap­pat, qanorlu iluaqutigisimavaat? (Saq­qaani as­siliaq takuuk).

¹¹ Al­laat Nalunaajaasut misilit­tagaqarluar­tut kif­far­toriaatsinik misilis­siman­ngisamin­nik misiliigaangamik ilin­niar­tin­neqar­neq iluaqutigisar­paat. COVID-19-ip atuun­nerani utoq­qaaner­tat Koreamit Kujal­lermeersut ilaat ima al­lap­put: “Qatan­ngutit ilaat peq­qiil­lior­ner­tik pis­sutigalugu oqaluus­sinermi peqataasin­naasorin­ngitsut maan­na inter­netik­kut oqaluus­sisar­put. Qatan­ngutit ar­nat pingasut 80-it sin­nerlugit ukiul­lit teknologiip nutaap ator­nis­saa ilik­kar­paat maan­nalu ul­lut tamangajaasa oqaluus­seqataasarlutik.” (Tuss 92:15, 16) Il­lit oqaluus­sinermi iliuuseqar­nerorusup­pit taamaalil­lutil­lu Jehovap ajun­ngitsuunera misiginerul­lugu? Taamaaliorumal­lutit iliuuserisin­naasavit ilaat sam­meriar­tigit.

12. Jehovap tatigin­nitsini qanoq neriorsor­pai?

¹²Jehova tatigiuk. Tatigigutsigu sapin­ngisatsin­nil­lu kif­far­torfigigutsigu neriorsor­paatigut pil­luaq­qungaas­sal­luta. (Mal 3:10) Neriorsuutip tamatuma eq­quun­nera qatan­ngutip Fabiolamik atil­lip Colombiameersup misigaa. Nalunaajaasun­ngoq­qam­merluni pionerin­ngorusuk­kaluar­poq, ilaqut­tanili pilersor­niarlugit sulisariaqar­poq. Soraar­nin­ngorsin­naalerami ikioq­qul­luni Jehova kimigiiserfigaa. Ima oqar­poq: “Soraar­nin­ngor­nis­samut akuerisaaniar­neq sivisusaraluar­toq qin­nuteqar­nin­niit qaam­mat ataasiin­naq utaq­qivunga. Tupin­naqaaq!” Qaam­matit marluk qaangium­mata pionerin­ngor­poq. Maan­na ukiut 20-t sin­nerlugit pioneriusimavoq 70-il­lu sin­nerlugit ukioqarluni. Pioneriunermini inuit arfineq-pingasut Nalunaajaasun­ngor­nis­saan­nut ikiorsimavai. Ima oqar­poq: “Ilaan­nik­kut san­ngiitsutut misigisaraluarlunga pioneriuin­nar­nis­san­nut Jehovap ul­lut tamaasa ikior­tar­paanga.”

13-14. Jehovamik tatigin­nil­luta kif­far­tor­nermi iliuuseqar­nerunis­samut suut iluaqutigisin­naavagut?

¹³Jehovamik tatigin­nittut ilin­niarfigikkit. Jehovamut kif­far­tor­nermi iliuuseqangaarsimasor­pas­suit Biibilimi oqalut­tuarineqar­put. Taak­kua amerlanersaat Jehovamit pil­luaq­quneqarumal­lutik iliuuseqaq­qaar­tariaqar­tar­put. As­sersuutigalugu Aaperaat ‘or­nigas­si nalugaluarlugu’ aal­larami aatsaat Jehovamit pil­luaq­quneqar­poq. (Hebr 11:8) Jaaku in­ngili paareeramiuk aatsaat im­mik­kut it­tumik  pil­luaq­quneqar­poq. (1 Mos 32:25-31) Israelik­kut nunamut neriorsuutigisamut isilersut palasit kuus­suup Jordanip er­nga isik­kamin­nik at­tormas­suk aatsaat inuit ikaarsin­naaler­put. – Jos 3:14-16.

¹⁴ Aam­ma nalitsin­ni Nalunaajaasut Jehovamik tatigin­nit­tut kif­far­tor­nermilu iliuuseqar­nerusut ilin­niarfigisin­naavatit. As­sersuutigisin­naavagut Payton nulialu Diana. Taak­ku qatan­ngutit kif­far­tor­nermi iliuuseqar­nerusut pil­lugit al­laaserisat, soorlu “Kajumil­lutik kif­far­tor­tut” *, atuar­nis­saat nuan­naraat. Payton ima oqar­poq: “Misigisaat pil­lugit atuaraangat­ta soorlu tas­sa mamar­tunik nerisut isigin­naarigut. Isigin­naar­nerujar­tor­til­lugit uagut­taaq ‘Jehovap ajun­ngitsuunerata us­ser­nis­saa takunis­saalu’ kis­saatiginerujar­tor­par­put.” Payton Dianalu kingusin­nerusuk­kut pisariaqar­titsif­fiunerusumut nuup­put. Al­laaserisat taak­ku atuar­nikuuigit? Isigin­naagas­siarluun­niit Avin­ngarusimasumi oqaluussineq – Australia jw.org-imi saq­qum­mersoq isigin­naar­nikuuiuk? Misigisalik­kersaarutit taak­ku kif­far­tor­nin­ni iliuuseqar­neruniar­nis­samut iluaqutigisin­naavatit.

15. Jehovamik kif­far­tor­nermi iliuuseqar­nerunis­samut kajumis­sisitsisar­tut peqatigisar­neri qanoq iluaqutigisin­naavar­put?

¹⁵Jehovamik kiffartor­nermi iliuuseqar­nerunis­samut kajumis­sisitsisartut peqatigisakkit. Peqatigisar­tak­kat­ta mamarisaat misilik­kusun­nerusar­pagut. Taamatut­taaq Jehovamut kif­far­tor­nermi iliuuseqangaar­tar­tunik ikin­nguteqaraangat­ta aam­ma uagut Jehovamut kif­far­tor­nitsin­ni iliuuseqar­nerorusuler­tar­pugut. Aap­pariit Kentip aam­ma Veronicap tamatuma ilumoor­nera up­per­narsivaat. Kent ima oqar­poq: “Ikin­ngutit­ta ilaqut­tat­talu kif­far­toriaatsinik as­sigiin­ngitsunik misiliinis­satsin­nut kajumis­saar­paatigut. Paasivar­put Kun­ngeqarfim­mik sal­liutitsisunik peqateqar­tar­nitsigut kif­far­toriaatsinik misilis­siman­ngisatsin­nik misiliinis­samut sapiis­suseqar­neruler­tar­tugut.” Maan­na Kent Veronicalu Serbiami specialpioneriup­put.

16. Jiisusip as­sersuusiaani ersersin­neqar­tutut sooq pil­liuteqarusus­suseqar­tariaqar­pugut? (Lukasi 12:16-21)

¹⁶Jehovamut pilliuteqarit. Jehovamit iluarisaajumal­luta nuan­naarutigisagut tamaasa taamaatit­tariaqan­ngilagut. (Oqal 5:18, 19) Nuan­narisat­tali ilaat unitsik­kusun­ngiin­narlugu Guutimut kif­far­tor­nermi iliuuseqar­nerunaveersaarut­ta as­sigis­savar­put angut Jiisusip as­sersuusiamini eq­qaasaa, taas­sumami ilorrisimaarusuin­narluni Guutimik mianerin­nin­ngin­nini kuk­kus­sutigaa. (Lukasi 12:16-21 atuakkit). Qatan­ngut angut Frankrigimiu Christianimik atilik oqalut­tuar­poq Jehova ilaqut­tanilu pif­fis­saqarfiger­piar­nagil­lu nukis­saqarfiger­piar­nagit. Taava nulianilu pionerin­ngor­niarlutik aalajanger­put. Taman­nali angujumal­lugu sulif­fim­min­nit soraar­tariaqar­put. Im­min­nut pilersorumal­lutik asaasun­ngor­put iser­titakin­neruler­ner­til­lu sungiun­niarsaralugu. Pil­liuteqar­ner­tik nuan­naarutigaat? Christian ima oqar­poq: “Maan­na kif­far­tor­ner­put nuan­naarutigineruar­put, nuan­ningaar­porlu Biibilimik ilin­niar­titagut pulaaq­qit­tak­kagul­lu Jehovamik ilisarisiman­nin­neruleq­qul­lugit ikiorsin­naagatsigit.”

17. Qatan­ngutip ar­nap oqaluus­seriaatsimik misilis­siman­ngisaminik misiliinis­saminut suna iluaqutigaa?

¹⁷Oqaluus­seriaatsinik assigiin­ngitsunik misiliigit. (ApS 17:16, 17; 20:20, 21) Shirley USA-mi pioneriusoq COVID-19-ip atuun­nerani oqaluus­seriaatsini al­lan­ngor­tit­tariaqarsimavaa. Aal­laq­qaam­mut oqarasuaatik­kut  oqaluus­sinerup misilin­nis­saa nangaas­sutigaa. Ilagiin­nil­li nak­kutil­liisup tikeraar­nerani ilin­niar­titaanermi kingor­na oqarasuaatik­kut oqaluus­sisaler­poq. Ima oqar­poq: “Aal­laq­qaam­mut an­nilaanganalaar­poq, maan­nali nuan­naraara. Il­lumiit il­lumut oqaluus­sinermut sanil­liul­lugu inun­nut amerlanerusunut oqaluus­sisin­naavugut!”

18. Kif­far­tor­nermi iliuuseqar­niar­nerunitsin­ni ajor­nar­torsiuteqalerut­ta suna iluaqutigis­savar­put?

¹⁸Pilersaarusiortarit taannalu malillugu. Ajor­nar­torsioraangat­ta ikioq­qul­luta qinusar­pugut qanorlu iliuuseqarfigisin­naanerlugu pilersaarusior­tarluta. (Uss 3:21) Sonia, Europami oqaluus­sisar­toqatigiin­ni oqaatsit romani atorlugit oqalut­tar­tuni pioneriusoq, ima oqar­poq: “Pilersaarusiama pap­piaq­qamut al­lan­nis­saa takusin­naasan­nul­lu inis­sin­nis­saa iluarisar­para. Aq­quser­ngit marluk as­sigiin­ngitsunut sam­mivil­lit nerrivim­ma qaavani titar­tagaatigaak­ka. Aalajangigas­saqaraangama titar­tagaq isigin­naarlugu eq­qarsaatigisar­para aalajangigas­sara qanoq sam­miveqas­sanersoq.” Sonia ajor­nar­torsiuteqaraangami isumal­luar­tuuniarsarisar­poq. Ima oqar­poq: “Isigin­nit­taasera apeq­qutaal­luni atuk­kak­ka al­lan­ngor­tut qarmarsuar­tut unitsitsisutut imaluun­niit ikaar­tarfit­tut ikaarfigisin­naasat­tut is­sin­naap­put.”

19. Suna aalajangiusimas­savar­put?

¹⁹ Jehovap amerlasuutigut pil­luaq­qusar­paatigut. Pil­luaq­qus­sutisiatsin­nik qujamasuutigin­nin­ner­put ersersis­sin­naavar­put Jehovap ataq­qinaatis­saanik sapin­ngisatsin­nik iliuuseqar­tar­nik­kut. (Hebr 13:15) Ilaatigut taamaaliorsin­naavugut kif­far­tor­nermi iliuuseqar­nerunik­kut, taman­nalu pil­luaq­quneqaatiginerus­savar­put. Ul­lut tamaasa ‘us­ser­tigu takul­lugulu Jehova ajun­ngitsuusoq’. Taava Jiisusitut ima oqarsin­naas­saagut: “Uanga nerisas­sara tas­saavoq aal­lar­titsisima piumasaa malil­lugu ilior­nis­saq sulias­sarititaatalu naam­mas­sinis­saa.” – Joh 4:34.