1-2. Movwelana na lemba la Salimo 34:8, n’nga ninaire a-vi ira nilawi-e upama wa Yohova?

KAFWANAFWANI-ANI ira mutu mwinango utouva-ani yodya yenio a-anailawi-evo nyoo. Munooda idhiwa vinjinji vyoonga vyodyavyo voira iing’ana ba-i inuka idhiwa vyongo vinango vyevyo vi-edhimo aliwa thitho vofuka atu enango enao anaidhiwa. Mbwenye ndhila yapama mwemo yoidhiwela yongwiyo kuilawi-a nyoka.

² Mofwanafwana na vyevi ninooda funjedha upama wa Yohova voleri Bibilya venango mabukwi-u venango thitho vovuruwana vyevyo vinoonga atu enango vyoonga maraeli-o Yohova anowava-a liye. Mbwenye ninovwechecha upama wa Yohova “nalawi-a” okene upameuo. (Muleri Salimo 34:8.) Dhoweni nioneni ifwanafwani-o yamwemo munairele i-yo vyevi. Nifwanafwani-edhe ira urumiwi unango waora ndothene Mbwenye ira nikwakwanili-edhe ifunelo yei ninofwanela chinja vyongo vinango vaingumiyi-u. Pyoodeya ira nikadi nileringavo va yolanyedha ya Yesu yoonga ira na-ela vyongo vyaumwene valimburo loroma Yohova uninova-a vyevyo vinofuneela i-yo. (Mat. 6:33) Mbwenye i-yo vaokene kaninaonevo kwakwaneli-edhiwa wa yolanyedha yei. Angalive ee-no vororomela yolanyedha ya Yeswila nitoyevi-a vyevyo vyagula i-yo thitho hora yeniyo ya-inda i-yo basa naifunelo yoi niirengana vinjiji vabasa lolaleela. Vevo vanoirana i-yo vyevi ninofiya dhionelanga okene ira Yohova uninova-adi vyongo vyevyo vinofuneela i-yo. Naira e-no ninokala ira nitolawi-a okene upama wa Yohova.

3. Movwelana na lemba la Salimo 16:1, 2, n’nga mbaani anosangalalana upama wa Yohova?

³ Yohova ngwapama thitho ira unoomela rima uli wethene gumani-avo enao ta-amwidhi. (Sal. 145:9; Mat. 5:45) Mbwenye liye unovelela maraeli-o manjinji waatu e-nao anomdhiveliwana  thitho mlabela na rima wethene. (Muleri Salimo 16:1, 2.) Dhoweni nioneni vyongo vyapama vyevyo vinoniirela Yohova.

4. N’nga Yohova unaoni-a a-vi upamee waatu enao taromile kala vauxamwali na liye?

⁴ Hora yothene vevo vanofunjedha i-yo i-ndi-edha basa vyevyo finofunjedha i-yo vyoonga Yohova ninoona upama wa vyevi vaigumi yi-u. Nangaromile funjedha vyaliye thitho mdhiveliwana atonikami-a i-ya makalelo odaweya enao a-anadhiveliwana liye. (Akol. 1:21) Ningadhivelele nobadiziwa, natoroma ona upamee owenjedheleya vevo vaniva-idhe leye ithuulela rima yapama thitho nikami-a ira nikale vauxamwali olimba na liye.—1 Pe. 3:21.

5. N’nga ninaona a-vi upama wa Yohova nalabanga basa lolaleela?

⁵ Ninodhowanave ona upama wa Yohova nalabanga basa yolaleela. N’nga nyo mutokaana manyadho? Arumiwi enango thitho a Yohova bamanyadho. Pyoodeya ira mwa-anakale rumiwi wa Yohova kamwathuulela ira dambo n’nango munodha fiya vandhe va mutu wenuo wa-anamwidhiwa nyo nomwandela milanyu ya Bibilyani. Mbwe malamboano munoirana vyevi hora dothene. Thitho Yohova utoukami-a ira musanaglalenga vinjinji mwalabanga basa lolaleela. Pyoodeya ira mutoona ira liye utoukami-ani thitho mundhila dhinango. Utoukami-ani ira mulabenga na riminyu wethene mwagumanana atu oruni-a, muthuulelenga lemba lofwanela loi mutapanye na mutu weniyo unaoni-a ifunelo thitho utouva-ani kopolo ira mudhowenganave laleela, angalive munogumanana atu enao ta-anafuna vuruwana.—Jer. 20:7-9.

6. N’nga vyofunjedha vyevyo vinoniva-a Yohova vinooni-a a-vi ira liye ngwapama?

⁶ Yohova unonioni-a upamee vonifunji-a mwemo munalabele i-yo basa lolaleela. (Juwau 6:45) Vamigumano wa wari mwa sumana ninovuruwanecha vifwanafwani-o vya vyolaleelana vyosaka-edhiwa pama thihto ninolimbi-a vi-indi-edha pama basa nalaleelanga. Voroma ninooda kala oova ira ni-indi-edha basa malangi-o achineeneva. Mbwenya navwelanga malangiao ninoroma ona ira milanywi-u inoafiya varimani atu amutatamoni mwi-u. Vamiguno ya pingo thitho ya gawo ninolimbi-iwa ira niwesedhenga i-ndi-edha basa ndhila dhinango dholaleelana dedo dha-anadhiwesedhevo i-yo. Vyevi vinooda nikumbanyi- a. Mbwenye nairangana Yohova unoniraeli-a. Ee-ni dhoweni nitapanyeni enango mwa maraeeli-o enao anofwanya i-yo namwasa o-indi-edha basa ndhila dhachineeva volambela Yohova mo-otukulela mwemo vyongo mukalele aliwa vaingumiyi-u. Ee-no namala ninodha tapanya ndhila dhinango thitho dhedo dhinawenjedhele urumiwi-u.

7. N’nga bamaraeli-o aavi anofwanya i-yo nakaana thindhi vowenjedhela urumiwi-u?

⁷ Ninokala vauxamwali olimba vinjinji na Yohova. Kathuulelani vyevyo vyamwireele dimuwa mwinango dhinalee Samuel wenuo i-yanee unalaba wu Colombia. * Banjali latosangalala ira upainiya pimgoni mwiwa mbwenye tanofuna wenjedhela urumiwi vokami-a pingo unago wenuo wafuneeleya anamalaleya anjinji. Ira taode ifunelo yen’ne aliwa tanofuneela chinja vyongo vinango vaigumiiwa. Samuel unoonga ira: “Vothuulela vyevyo vili valemba la Mateu 6:33 dato-iya gula vyongo vinango vyo-ofuneeleya. Mbwenye yorucha vinjinji ali thama i-yachi nyubi-u nyumbila nanoidhiveliwana namwasa oi yatomangiwa mundhila yeniyo i-yo yafuna i-yo thitho kanana manga wa ali othene ana i-yo okuza nyumbila.” Aliwa tangaromile urumiwiwa wa chineneevuo tatoona ira tani-indi-edha basa kobiri dhoyeva vinjinji vofwanafwani-edha vyevyo  vya-indi-ehda aliwa ndulimu. Samuel unoonga thitho ira: “Natoona Yohova anisogolelanga thitho roma wakula malobelwi-u. Va ee-ni nitozidieya ira Yohova unonidhiveliwana vinjinji kwaranyedha mwemo mwaonela-yo ndulimu.” N’nga nyo munooda wenjedhela vyoira urumiwinyu? Akala ti ee-no, idhiwani ira munooda kala va uxamwali olimba vinjinji na Yohova thitho liye unodha usamalilani.—Sal. 18:25.

8. N’nga ninafunjedhe n’ni va vyevyo viongile Ivan na Viktoria?

⁸ Ninosagalala na urumiwi-u. Kaonani vyevyo vyaongile Ivan na Viktoria banja lelo linoira upainiya Ukyrgyzstan. Aliwa tatochinja vyongo vinango vaingumi yiwa naifunelo yoi tavivelele voira urumiwi wahora dhothene thangani-avo wavyomangamanga. Ivan aongile ira: “Nano-inda basa mwathindi hora yothene. Angalive ira nanowa-eya ndambo laviranga, nanokaana rendele warimani thitho okwakwana voidhiwa ira nito-indi-edha basa kopolo dhi-u vabasa Laumwene. Nanosangalala namwasa oi natokaana afwi-u apya thitho natokaana vyongo vyapama vinjinji vyevyo vyavithuulela i-yo.”—Marku 10:29, 30.

9. N’nga atu enao anogunana nyarwa dho-iyana-iyana tairilen’ni ira tawenjedhele urumwiwa, n’nga vyo-arelavi viwa vyali vyoi a-vi?

⁹ Ninooda kalala osangalala vomlabela Yohova masiki nigumanena vyorucha. Mwaifwnafwani-o, rongola unango oulula thitho makwele wa Afrika Osidental dhina lee Mirreh, atoroma upainiya angavumule vabasee ya iferimera. Va ee-ni Mirreh unorucheya na urenda oi awenda nyakuwanga manyalo unaongiwa nyamakazi thitho unalaleela vahora limbo-i baa-i alaleelanga nyumba nanyumba. Mbwenye unooda laleela vahora injinji alaleelanga mumamburo mofwanyeya atu anjinji. Liye utokaana maulendo owelela thitho atu anjinji anaafunjedhana liye Bibilya enango mwaaliwa, unaatapanyanee dela va telefonini. N’nga chini yamlimbi-idhe Mirreh ira airengana vinjinji vomlabela Yohova? Liye aongile ira: “Ndinomdhiveliwana vinjinji Yohova na Kristu Yesu thitho hora dhothene ndinomvepecha Yohova ira andikami-e irana vinjinji vomlabela.”—Mat. 22:36, 37.

10. Movwelana na lemba la 1 Pedru 5:10 n’nga Yohova unairela n’ni atu enao anowenjedhela vyoira viwa vomlabela?

¹⁰ Ninowachela mafunjedho owenjedheleya kumela wa Yohova. Kenny wenuo ngu painiya Umauritius, atoona ira vyevyi pyaimbarimbari. Angafunjedhile imbarimbari ato-iya mafunjedho a universidade nobadiziwa adhaire ee-no atoroma urumiwi wahora dhothene. Liye aongile ira, “Ndinodhilimbi-edha tukulela ifwanafwani-o ya namaongela Esaya wenuo aongile ira: ‘Miyo nditokalavo! Ndirumeni.’” (Esaya 6:8) Liye utokami-anawo basa lavyomangamanga thitho thapulela makhu oonga vya Bibilya muiwongelwee. Kenny aongile ira: “Ndatowachela mafunjedho enao tandikami-idhe kaana dodoliso lelo lafuneela miyo vaurumiwi o-iyana-iyana.” Liye atofunjedha vinjinji akala dodoliso lolabana basa m’nango lenee. Liye atoonga thitho ira, “Ndatoidhiwa vyevyo vinaode miyo na vya-anaode miyo thitho makalelo enao anofwanela miyo ulukuli-a naifunelo yoi ndikale rumiwi wapama wa Yohova.” (Muleri 1 Pedru 5:10.) N’nga nyo athuulelanga mwemo vyongo vili aliwa vaingumi yinyu noona akala pyoodeya dhivelela ira muwachele mafunjedho owenjedheleya kumela wa Yohova?

11. N’nga arongola enango au Korea tairilen’ni ira talaleelanga, n’nga vyo-arelavo viwa vyali vyoi a-vi? (Onani iruthiruthi yavakapani.)

¹¹ Amboni enao takadhi tamlabelanga Yohova wahora injnji, tanoganyali namafunjedho enao tanova-iwa aliwa tadhilimbi-edhanga laba urumiwi wachineneeva. Vahora ya sau wa COVID-19, andimuwa apingo unango wau korea  tatolemba ira: “Abali enao tathuulela ira kataode laleela namwasa wa vyorucha vyatutu liwa, va-ee-ni anolaleela dela vavidiyo koferensia. Arongola araru a vyawa 80 tatofunjedha mwemo muna-indi-edhe aliwa basa mafaramento achineneeva thitho tatoroma laleelana vakwikwi navakwikwi ndambo lili lothene.” (Sal. 92:14, 15) N’nga nyo munooda wenjedhela urumiwinyu ira mulawi-e upama wa Yohova owenjedheleya? Dhoweni nioneni vyongo vinango vyevyo vinairena nyo ira mukwakwaneli-edhe ifunelwinyu.

12. N’nga Yohova unolanyedha n’ni waatu ale anomnyindela?

¹² Mum’nyindelenga Yohova. Liye unonilanyedha ira unodha niva-a maraeli-o manjinji namnyindenga thitho irana vyothene vyevyo vinaode i-yo vomlabela. (Malaku. 3:10) Rongola unango dhinalee Fabiola, atoona mwemo Yohova mwakwakwaneli-edhe liye yolanyedha yei vaingumi yee. Liye angabadiziwile, anofuna laba urumiwi wa upainiya okaatheya. Mbwenye anofuneela alabenga ira amsamalelenga mam’nee thitho a-imee araru. Ee-no ingafiile hora yoi aode vuma vabasa leelo, atolobela wa Yohova ira am’kami-e. Liye unoonga ira: “Hora dhinjnji vanovira hora indendai ira mutu aode wachela kobiri dha pesauni va basa lalaba liye. Mbwenye miyo ndaromile wachela vangavirile mwedi mbo-i baa-i. Vyali vyodabwi-a vinjinji!” Vangavirile medi mili, atoroma upainiya. Va-eni una vyawa 70 thitho ukadhi airanga upainiya vyawa vakwikwive 20. Va-eni rongolula utokami-a atu okwakwana 8 fiedha badiziwa. Liye aongile ira: “ Angalive ira  hora dhinango ndinofookecha, Yohova unondikami-echa hora dhothene ira ndidhowenave upainyanga.”

13-14. N’nga pivifwanafwani-o viivi vyevyo vinanikami-e ira ni nyindelanga Yohova nairanga vinjinji vomlabela?

¹³ Mufunjedhenga waatu enao anomnyindela Yohova. Bibilyani mutokala atu anjinji enao tana thindhi vomlabela Yohova. Hora dhinjinji arumiwi a Yohovala tanofuneela irana vyongo vinango vyothonyi-edha ira anomnyindela liye ira aaraeli-e. Mofwanafwani-a ali vanduli voi abrahamu utothamao waniwa, “angalive ira kaaidhi wewo wadhowa liye Yohova atomraeli-a. (Aeb. 11:8) Yakobo thitho atowachela maraeli-o avakundu vanduli voi atolimbanana ngelo. (Maro. 32:24-30) Mbwenye tanga-adhi vang’ono volowa mwiilambo yolanyedhiwa, ali vevo alimbo velela sembe tanganyinganle i-njeni mwayorodanu vevo atu vavandela aliwa.—Yoswa 3: 14-16.

¹⁴ Munooda funjedha vinjinji wa Mboni dha Yohova a malamboano, enao anooni-a mnyindela Yohova novivelela ira taire vinjinji vomlabela. Mwaifwanafwani-o bali unango dhinalee Payton na i-yanee Diana, anosangalala voler mwasa wa abele na arongola eneo tawenjedhile vyoira vomlabela Yohova ninga mwemo viongiwile mwasa doi, “Anadzipereka Ndi Mtima Wonse.” * Payton unoonga ira: “Naleringa mwasa dedi, nakala ninga mutu mwinango wenuo adyanga yodya yoriya. Vanoler i-yo vinjinji myasa dedi pavevo vafunecha i-yo ‘lawi-a noona ira Yohova ngwapama.’” Va-ana vire hora indendai, Payton na Diana tatootamela wewo wafuneeleya anamalaleya vya Umwene anjinji. N’nga nyo mwatooroma lerivo myasa dedi? Thitho mwatooroma wonelavo mavidiyo oi, Kulalikira M’dera Lakutali—Australia thitho Kulalikira M’dera Lakutali M’dziko la Ireland enao anofwanyeya va jw.org? Mavidiyo enala anoodha ukami-ani wona mwemo munairele nyo ira muwenjedhele urumiwinyu.

15. N’nga vwelanana naatu ofwanelela unaukami-eni a-vi?

¹⁵ Muvwelanenga na atu ofwanelela. I-yo atu ninofunechecha udya yodya inango nadhiveliwangana waredhana atu enango anodhiveliwana yodya yeyo. Mofwanafwana na vyevi, nadhiveliwangana waredha naatu enao anoona ira lambela Yohova kofuneya vinjinji, na i-yene thitho ninoroma sakasaka vyevyo vinaire i-yo ira niwenjedhele vyoira vi-u vomlabela Nlungu. Kent na Vironica, enao ali banjani, tatoona ira vyevi pyaimbarimbari. Kent unoonga ira: “Afwi-u naabali-u tatoonilimbi-a ira niwesede ira urumiwi upya. Natoozindiela ira wareda naatu enao ano-ela vasogolo vyongo vyaumwene watoonikami-a ona ira ninooda wenjedhela urumiwi-u.” Va ee-ni Kent na Vironica anolaba upayiniya wu Serbia.

16. Movwelana na ifwanafwani-o, yava lemba la Luka 12:16-21, mwasiwa ngwani ninofwanela vimana va vyongo vinango vomlabela Yohova?

¹⁶ Mulolelenga vimana ira mum’labele Yohova. Kai ira ninofwanela i-ya vyongo vyothene ira nim’dhiveliwi-e Yohova. (Namal 5:19, 20) Mbwenye akala ninoimwanana ira vinjinji vomlabela Yohova, venango a-funa vimana va vyongo vinango, vinooda kala ira ninaadawi-a vyongo ninga mutu aongiwile muifwanafwani-o ya Yesu wenuo ana thindhi loi akaena ingumi yapama thitho kaatuulela vya Nlungu. (Muler Luka 12:16-21.) Bali unango dhinalee Christian, wenuo unakala wu France aongile ira, “kandairana vyothene vyevyo vyaira miyo vomlabela Yohova thitho kami-a banja langa.” Liye na i-yanee tatothuulela roma upayinia. Mbwenye ira aode kwakwaneli-edha ifunelo yiwai tanofuneela i-yachi mabasiwa. Ira tafwanye vyongo vyofuneeleya vyavaingumi  yiwa tatoroma negosiyo ung’ono wocheni-a maskritorio na nyumba dhaatu thitho tatofunjedha kwanana na vyoyeva vyevyo vyana aliwa. N’nga aliwa tatoroma sangalala namwasa wa vyevyo vyana aliwa? Christian unoonga ira, “ndinoosangalala vinjinji naurumiwi thihto ona anamafunjedhi-u Bibilya na maulendo owelela tafunjedhanga vya Yohova”.

17. Chini inaniimwanani-e wesedha ndila dipya volaleela?

¹⁷ Mukalenga ofunechecha wesedha ndila dipya dolaleela. (Mayir 17:16, 17; 20:20, 21) Shirley, wenuo ngu payinia wau Estados Unidos, anofwanela chinja ndila dolaleelela vahora ya sayu wa COVID-19. Voroma, liye anoozengereza vo-indi-eda basa telefone. Mbwenye va sumana yakundu atoofunji-iwa mwemo muna-indi-edele liye basa vyevi, liye atooroma i-indi-eda basa ndila yen’na ohora dothene. Shirley unoonga ira: “Voroma ndanoova mbwenye va-eeni ndili osangalala volaleela va telefone. Thitho ndinolaleela atu anjinji kwaranya mwemo mwalaleela miyo nyumba nanyumba.”

18. N’nga chini inanikami-e limbanana nyarwa dedo dinaniimwanani-e ira vinjinji va urumiwi-u?

¹⁸ Mudhi-elelenga ifunelo nodhilimbi-edha ikwakwaneli-a. Nagumanana na nyarwa, nivepenga Yohova ira anikami-e thitho nidilimbi-edena thuulela vyevyo vinaire i-yo ira nilimbane na nyarwadi-udo. (Sang. 3:21) Sonia, wenuo ngu payinia okaatheya mu grupu la Chiromani wu Europe, unoonga ira: “Ndinolemba vifunelo vyanga va papelini noli-iyachi voonela. Vamezani vanga ndinodezenyarivo viruthiruthi vya ndila mbinli dedo dinodowa o-iyana-iyana. Ndafunanga ira vyoira ndinoing’ana va ndila mbilido nothuulela ira vyevyo visakulile miyo vyo vinandifii-e wani.” Sonia anadilimbi-edha ona mofwanelela nyarwa dedo dinogumanana liye. Liye aongile ira: “Iliyothene yeyo anandiireela vainguyanga vinooda kala ninga chi-i yondifungela ira nda-aode kwakwaneli-eda vifunelo vyanga venango ponte yondikami-a kwakwaneli-eda vifunelo vyanga.” Vinonyindela mwemo munoonela miyo vyongo.

19. N’nga ninaoni-e a-avi ira nino simba vyongo vyapama vyevyi viniva-ide Yohova?

¹⁹ Yohova unoniraeli-a mu ndila dinjinji. Ninooda wooni-a ira Ninosimba vinjinji vinaniirela liye, voira vyevyo vinaode i-yo vomthithimi-a. (Aeb. 13:15) Vyevi vinothani-avo fwanya ndila dipya dhowenjedhela urumiwi-u vyevyo vinaniiri-e ira Yohova aniraeli-e vinjinji. Dhambo lililothene doweni nidilimbi-edenga fwanya ndila donikami ira ‘nilawi-e noona ira Yohova ngwapama’. Nairangana vyevi, ninofwanafwana na Yesu wenuo aongile ira: “Chakudya changa ndicho kuchita chifuniro cha amene anandituma ndi kutsiriza ntchito yake.”—Juwau 4:34.