1-2. Pisalema 34:8 yi re di nyaka re make ying gore re thogo mmona ga Jehova gore o lukiye?

TLA re fo re motho ke yewa o go neya tsa go ja, fote o ro thoma le go di bona go tlugisela go le wene. O ka tšhuta se sengwana mo o ka fo di lebelela, wa di nkgelela, wa butsisela gore ba tšhelatšhediye ying mo ba di yapega, wa boya wa butsisa ba bangwana gore nje di ya phologela. Mara gore le wene mong o thogo tšiba gore di ya natefa kela awwa, di ro nyaka o di ja.

² Mo re bala Bhayibele le dikgatiso tsa rune re boya re theetsela ba bangwana mo ba bolabola ka tso Jehova a ba neyyeng tsona, re tšhuta se sengwana ka Jehova fote re ya di bona gore o lukiye. Mara mo re ka fo “liketsa” ka borune beng, re napa re di bona gore nnete Jehova o lukiye. (Bala Pisalema 34:8.) Yema re beyise ka taba ye nngwana ke yowa. Tla re fo re ke wene yewa o nyaka go berekela Jehova nako ka moka, mara gore o thogo maka tsotsone, di nyaka gore a sa liketse go hlekeletsa dilo tsa go tlala. Nakwenngwana ne o badiye mantsu ya Jeso gatleletlele ya gore mo re ka thomisa ka go nyaka tsa Mmušo wa Modimo, Jehova o nyoko re neya tso tse dingwana, mara wene a o soko bona dilo tsone di makega gago. (Mat. 6:33) Mara ka taba la gore tso Jeso a di tshepisiyeng wa di dumela, o liketsa go sa rekareke dilo tsa go tlala, o poma nako yo o yi fetsang o le mmerekong fote o dula o naganne ka mmereko wa go tšhomayela ditaba tsa go bafala. Mo o kene o maka ka mokgonone, o napa o di bona gore ka nnete Jehova wa go pasopa. O “liketsa” Jehova ka bowene beng gore o thogo mmona gore o lukiye.

3. Pisalema 16:1, 2 yi re ke batho ba mohlobo mang ba gore Jehova o ba makela tsa go loka?

³ Jehova o makela ‘batho ka mokana ga bona dilo tsa go loka,’ le bo ba gore a ba mo tšibi. (Pis. 145:9; Mat. 5:45) Mara ka matlamatla  Jehova o rufa bo ba gore ba mo nyaka ka matla ba gore fote ba mmerekela ka dipelo tsa bona ka moka. (Bala Pisalema 16:1, 2.) Tla re bolaboleneng ka tse dingwana tsa go bafala tsa gore Jehova o re makele tsona.

4. Bo ba gore ba thomisa go šutela thina ga Jehova, o ba šupetsa byang gore o lukiye.

⁴ Nako ye nngwana le ye nngwana mo re berekisa tso re di tšhutang ga Jehova, re bona ka mokgo di re berekelang mo re kene re phela. Nakwela re tšhuta ka Modimo fote re thomisa go kwa re mo nyaka ka matla, o yye a re gelepa gore re lisetse mokgwa wa go nagana le wa go maka dilo tsa go kekema tsa gore ke mo di maka gore re keketlele ku kgole naye. (Makol. 1:21) Fote nakwela re tineyela ga Jehova re boya re kolobetsiwa, re napiye re di bona gore o lukiye ka taba la gore o re neyye lekwalo la go yela a boya a re šutetsa thina naye gore re be banghana bage.—1 Pet. 3:21.

5. Mo re kene re maka mmereko wa go tšhomayela, re bona ka ying gore Jehova o lukiye?

⁵ Mo re kene re maka mmereko wa go tšhomayela ditaba tsa go bafala, re ya di bona gore Jehova o lukiye. Ayitsano ke wene motho wa go ba le dihlong? Batho ba Jehova ba go tlala ba natso. Di ka makega gore nakwela o soko ba Hlatse ya Jehova, ne o sa tshepe gore o ka kraya o kena mitšing ya batho ba gore a wo ba tšibi, o ba botsa ditaba tsa gore ba go tlala a ba kwane natso. Mara gana byalo o fo teya o tshwarelele. Fote Jehova o go gelepiye gore mmereko wo wa go tšhomayela o kwe wo go jabodisa! Le wene o di bonne mo Jehova a go gelepa ka mekgwa ya go tlala. O go gelepiye gore o dule o kgibiye mo o gahlana le motho wa go go phigisa. O go gelepiye gore o gopole lengwalo la gabutši gore o šupetse motho wa go jabolela. Fote o go neyye matšhika ya go ya mahlong o tšhomayela le mo batho ba sa nyake go go theetsela.—Jer. 20:7-9.

6. Ke ntaba re re tso Jehova a re tšhutisang tsona di šupetsa gore o lukiye?

⁶ Jehova o re šupetsiye gore o lukiye ka go re tšhutisa gore mmereko wo wa go tšhomayela re wo make byang. (Joh. 6:45) Ga megahlano ya gare ga beke re theetsela dipolabodisano tso re ka di kopang tsa go re gelepa fote re di berekisa tšhomong. Ke nnete gore re ka thomisa re kamaka go berekisa mokgwa wa nyuwane wa go tšhomayela, mara mo re wo berekisa re ka kraya gore wo bereka ka matla tšhomong ya rune. Mo re le ga megahlano ya phutego le ga megahlano ye megolo, ba ka re botsa gore re liketse mekgwa ya go tšhomayela ya gore a re soko yi liketsa. Le gana hone, di nyaka gore re make dilo tsa gore a ra di tlwayela, mara mo re maka ka mokgonone, Jehova o nyoko re rufa. Tla re bolaboleneng ka tse dingwana tsa gore Jehova o nyoko re rufa ga tsona mo re liketsa mekgwa ye mengwana ya go tšhomayela le go mmerekela ka dipelo tsa rune moka le mo seyemo se sa make. Tla re boneneng tso re ka ga di maka gore re segelele tso re nyakang go di maka ga mmereko wo wa go tšhomayela.

7. Mo re fetsa nako ya go tlala ga mmereko wa go tšhomayela, Modimo o nyoko re rufa ka ying?

⁷ Re šutela thina ka matla le Jehova. Tseya ka mogolo ye mongwana ye ba reng ke Samuel, * wa gore o tšhomayela le mosadi wage ku Colombia. Yene le mosadi wage ne ba jabolela go ba mašupatsela ga phutego ya mo ba goleleng gona mara ke mo ba nyaka go ya ga poleke ye nngwana gore ba ye gelepa phutego ya gore go gayela batšhomayedi. Gore ba thogo segelela tsotsone, ne di nyaka ba tikone tse dingwana. Samuel o re: “Re berekisiye Matewu 6:33 ke mokane ra lisetsa go reka dilo tsa gore a re di hloke. Mara taba ya go thathafa ka matla ke mo go le go tloga ga ntlo yo ne re dula ga yona. Ke mo ba yi yagiye ka  mokgo re yi nyakang fote ke mo re sa yi kolote.” Mo ba rurela ga phutego ya nyuwane, ba di bonne gore ba ka di kgona go phela ka tšheleta ye nyana. Samuel o re: “Re di bonne gore Jehova wa re yetetsa fote wa fetola mo re rapela. Re ya di kwa gore ga Jehova re ya mo jabodisa fote o re nyaka ka matla go phala mathomisong.” Ayitsano le wene o ka di kgona go yeketsa nako yo o yi fetsang o maka mmereko wa go tšhomayela? Mo nkare go ka mokgonone, o sa kamake gore di nyoko maka gore o šutele thina ka matla le Jehova fote o nyoko go pasopa.—Pis. 18:25.

8. O tšhuta ying ga tso di hlayyeng ke Ivan le Viktoria?

⁸ Mmereko wa rune wo maka gore re jabole. Tseya ka tso di hlayyeng ke Ivan le mosadi wage Viktoria, ba gore ke mašupatsela ku Kyrgyzstan. Ba yye ba sa nyake go hlekeletsa dilo tsa go tlala gore ba thogo maka mmereko wo mongwana le wo mongwana, go tshwana le wa go yaga. Ivan o re: “Ke mo re karakara ka matla ga mmereko wo mongwana le wo mongwana. Letšatši ke mo le tlulela re tinnwe mara ne re fo kwa re kgotsofele ka gore re berekisiye matšhika ya rune ga mmereko wa Modimo. Re jabodiye ka matla go kraya banghana ba nyuwane fote go na le tsa go tlala tsa go jabodisa tsa gore le gana byalo re sa na re di gopola.”—Mareka 10:29, 30.

9. Mogageru wa mosadi wa gore o na le tso di mo robang o makiye byang gore a yeketse nako yage ya go tšhomayela fote o krayye maphomela ya mošaga mang?

⁹ Re jabola ka matla mo re berekela Jehova le mo go na le tsa go re kgahleletsa. Mo re beyisa, kokwane ye ba reng ke Mirreh wa go dula Afrikha ya ka Bodikela, wa gore o kgwele ke monna, o lisetsiye mmereko wa botogotela ke mokane a thomisa go ba mošupatsela. Mirreh o na le bolwele bya go baba ka matla bya mašapo, byalo mo a tšhomayela mutši ka mutši, o kgona go fo bereka awara ka yyoši. Mara o kgona go maka diawara tsa go tlala a tšhomayela mo go tleleng batho. O na le batho ba go tlala bo a boyelang ga bona le bo a tšhutang nabo Bhayibele, ba bangwana o ro ba fowunela. Kokwane Mirreh o maka king gore a karakare ka mokgo? Yene mong o re: “A ke tšibi gore nka šupetsa byang gore ga Jehova le Kreste Jeso ke ba nyaka ka matla. Ke dula ke rapela Jehova gore a n’gelepe gore ke make so nka se kgonang ga mmereko wo wage.”—Mat. 22:36, 37.

10. Petro wa Mathomo 5:10 yi šupetsa gore mo batho ba karakara ka mo ga tsa Jehova, yene o ba makela ying?

¹⁰ Jehova o re tšhutisa tse dingwana tsa go tlala. Kenny, wa gore ke mošupatsela ku Mauritius, o yi bonne taba yone. Mo a fetsa go tšhuta nnete, o yye a tloga yunivesithi, a kolobetsiwa ke mokane a thomisa mmereko wa nako ka moka. O re: “Ke liketsa go phela ka tso di hlayyeng ke moporofeta Jesaya mo a re: ‘Ke nna yewa! Nrome!’” (Jes. 6:8) Kenny o berekiye mmereko wa go tlala wa go yaga, fote o gelepiye ga mmereko wa go hlatolla dipuku tsa go bolabola ka Bhayibele ka mmolabolo wa gabo. Kenny o re: “Ga mmereko wo mongwana le wo mongwana, ke mo ba ntšhutisa gore wo makiwa byang, gore ke thogo wo maka gabutši.” Mara aa tšhuta tsa go yelana le mebereko yone fela, o tšhutiye le tse dingwana. O re: “Ke tšhutiye le gore nka sa kgone dilo ka moka fote ka tšhuta le gore di nyaka ke be le mekgwa yifeng ya gabutši gore ke be lelata la gabutši la Jehova.” (Bala 1 Petro 5:10.) Ke ntaba o sa lebelele seyemo sago o bone gore ayitsano le wene o ka sa kraye nako ya gore Jehova a go tšhutise?

11. Magageru ya mangwana ya basadi ya hala Korea Borwa ma makiye ying gore ma thogo tšhomayela fote go yye gwa felela kaye? (Lebelela sethombhe sa ka tawong.)

¹¹ Le Makreste ya mangwana ya gore ke botala go le Dihlatse di ya ba berekela mo ba liketsa mebereko ye mengwana ya nyuwane. Mo go kene go na le bolwele bya COVID-19, bagolo ba phutego ye nngwana ku Korea Borwa ba ngwadiye gore: “Ba bangwana ba gore ne ba tseya nkare ba ka sa di kgone go ya tšhomong ka  taba la gore a baa philega, gana byalo ba tšhomayela ba berekisa mokgwa wa go bolabola ka vidiyo. Magageru ya mangwana ya basadi ka mararo ya go ba le gana hala ga 80 ya mengwaga ma tšhutiye mokgwa wa go berekisa thekinoloji ke mokane ma thomisa go tšhomayela ampore ka moka matšatši.” (Pis. 92:14,15) Ayitsano le wene o nyaka go yeketsa nako yago ya go tšhomayela gore o thogo mo liketsa ga Jehova gore o nape o mmona gore o lukiye? Ke tsowa tse dingwana tsa gore o ka di maka gore o thogo segelela tsotsone.

12. Jehova o ba tshepisa ying bo ba gore ba tshepele gage?

¹² Tšhuta go mo tshepa ga Jehova. Mo re mo tshepa fote re mmerekela ka dipelo tsa go felegelela, o tshepisa gore o nyoko re rufa ra šala re bafele. (Mal. 3:10) Mogageru wa mosadi ye ba reng ke Fabiola wa hala Colombia o di bonne di mo makegela tso Jehova a mo tshepisiyeng. Ke mo a nyaka go ba mošupatsela wa nako ka moka mo a fetsa go kolobetsiwa. Mara ke mo di nyaka gore a bereke gore a thogo pasopa monnage le bana bage ka bararo. Mo go šele go segele nako ya gore a lisetse mmereko, o yye a rapela Jehova a šwennye gore a mo gelepe. O re: “Batho ga go tlala ba yema nako ya go lefa gore ba kraye pakete mara nna yaka ke yi krayye ka nthago ga kgwedi. Ne nkare ke mohlolo wa tšiba!” Mo go fela dikgwedi ka dipedi, o yye a thomisa go ba mošupatsela. Gana byalo o na le gana hala ga 70 ya mengwaga fote o na le 20 ya mengwaga go le mošupatsela. Ka nako yone o gelepiye mabala ya batho gore ba šinye ba kolobetsiwa. O re: “Le mo ka dinako tse  dingwana ke tikwa ke lelemela, Jehova o n’gelepa ka moka matšatši gore ke ye mahlong ke le mošupatsela.”

13-14. Ke dilo difeng tsa gore di ka re gelepa gore re tshepe Jehova fote re tšhomayele ka matlanyana?

¹³ Tšhuta ga mešupetso ya batho ba gore ba yye ba tshepa Jehova. Bhayibele yi na le mešupetso ya go tlala ya batho ba gore ne ba tineyele ga mmereko wa Jehova. Ga go tlala, malata yane ya Jehova ne di nyaka ma thomise ma maka se sengwana gore Jehova a thogo ma rufa. Mo re beyisa, Jehova o yye a yemela gore Abhrahama a tloge gaye gage, gwa ba gona a mo rufang, nakwela “[a fo] ya le mo a na a sa tšibi gore o ya kaye.” (Maheb. 11:8) Jakobo o yye a rufega mo a šele a kikirisanne le lengeloyi. (Gen. 32:24-30) Nakwela Maisrayele ma le thina le go kena ga Naga yo ma Tshepisiwweng yona, ma kgonne go taka Noka ya Jorodane mo maprista ma šele ma kenne mone nokeng.—Još. 3:14-16.

¹⁴ O ka tšhuta le ga mešupetso ya Dihlatse tsa lekgono tsa gore di yye dya tshepa Jehova ke mokane dya kena mmerekong. Mo re beyisa, mogageru ye ba reng ke Payton le mosadi wage Diana ke mo ba jabolela go bala ka magageru ya banna le basadi ya gore ma yye ma yeketsa nako ya wona ya go berekela Jehova ga dihlogotaba tsa go lategetsana tsa gore “Ba Yye ba Tineyela ba sa Tšhofe ke Motho.” * Payton o re: ‘Mo re bala ditaba tsone tsa bona, ke mo re tshwana le motho mo a fo kgwisetsela mare ka taba la go nabela mo a bona ye mongwana a kene a ja fote nkare di thewoga ka ho sekoding. Mo re kene re lebelele, ra kwa di re tšhofa gore re mo ‘liketse ga Jehova re thogo mmona gore o lukiye.’” Payton le Diana ba fetsiye le pelo, ke mokane ba rurela mo go gayelang Dihlatse. Ayitsano o šele o di badiye dihlogotaba tsowa tsa go lategetsana? Ayitsano o šele o di bonne dividiyo tsa go ba le dihlogotaba tsa gore Witnessing in Isolated Territory—Australia le ya gore Witnessing in Isolated Territory—Ireland ga jw.org? Dilo tsowa di ka go gelepa gore o kraye mekgwa ya go yeketsa mmereko wago wa go tšhomayela.

15. Di ka re gelepa byang tsa go ba le banghana ba gabutši?

¹⁵ O sa fo nghanelana le motho ye mongwana le ye mongwana. Mo re na le batho ba bangwana, re ka fo tikraya re šele re ja tsa go ja tsa gore a re di tšibi. Di tshwana le mo re nghanelana le batho ba gore ba berekela Jehova, le rune di nyoko re topela ra šinya re kraya mokgwa wa go yeketsa mmereko wa rune wa go tšhomayela. Tsowa di makegiye ga Kent le mosadi wage Veronica. Kent o re: “Banghana le mašaga ya rune ba yye ba re hlohletsela gore re liketse mekgwa ye mengwana ya go tšhomayela. Re di bonne gore go nghanelana le ba gore ba yetisa tso tsa Mmušo wa Modimo mahlong di makiye gore re sa tšhabe go liketsa mekgwa ye mengwana.” Gana byalo, Kent le Veronica ke mašupatsela ya go hlawolega ku Serbia.

16. Mo re lebelele mošupetso wo Jeso a bolabodiyeng ka wona ga Luka 12:16-21, ke ntaba di nyaka re tikona tse dingwana?

¹⁶ Tikone tse dingwana gore o thogo berekela Jehova. A di nyake re tikona dilo ka moka re re re makela go berekela Jehova. (Mmol. 5:19, 20) Mara mo re ka tšhaba go tikona tse dingwana gore re thogo berekela Modimo, re ko ba re yi lahliye go tshwana le morenela Jeso a šupetsiyeng ka yene wa gore o tinyakele dilo tsa majabajaba ke mokane a lisetsa tsa Modimo. (Bala Luka 12:16-21.) Mogageru ye mongwana ye ba reng ke Christian, wa go dula France, o re: “Ke mo ke sa berekisi matšhika yaka ka moka le nako yaka mo ke berekela Jehova fote ke pasopa mutši waka.” Christian le mosadi wage ba thomisiye go ba mašupatsela. Mara ke mo di nyaka ba lisetsa  mmereko gore ba thogo ba mašupatsela. Ba yye ba thomisa bhizinisi ya bona ye nyana ya go yedisa gore ba thogo phela, fote ba yye ba tšhuta go kgotsofatsa ke sosone se senyana so ba nang naso. Ayitsano tso ba di makiyeng di ba berekele? Christian o re: “Mmereko wa go tšhomayela wo re jabodisa ka matla fote mo re bona bo re tšhutang nabo Bhayibele ba kene ba tšhuta ka Jehova, re kwa re jabola.”

17. Di maka king gore go sa be lula go liketsa mokgwa wa nyuwane wa go tšhomayela?

¹⁷ O sa tšhabe go liketsa mekgwa ye mengwana ya go tšhomayela. (Meber. 17:16, 17; 20:20, 21) Shirley ke mošupatsela hala United States, ke mo di nyaka a tšhentšhe ka mokgo a tšhomayelang ka taba la bolwele bya COVID-19. O thomisiye a jika-jika go tšhomayela ka fowunu. Mara mo mopotulugi a šele a vakašele phutego ya bona fote a ba tšhutisiye tse dingwana, mogageru yewa wa mosadi o yye a thomisa go dula a tšhomayela ka fowunu. Yene o re: “Mathomisong ke mo ke tšhaba, mara gana byalo, manatefelo ya gona a ba hlaye. Se re kgona go kraya batho ba go tlala go phala nakwela re sepela mutši ka mutši.”

18. Mo re kene re liketsa go yeketsa mmereko wa rune wa go tšhomayela, re ka gelepa king mo re gahlana le tsa go re ghula?

¹⁸ Maka ka mokgo o polanneng. Mo re gahlana le tsa go re ghula, re ya rapela fote ra nagana gabutši gore di nyaka re make ying. (Diy. 3:21) Sonia, wa gore o bereka go le mošupatsela wa nako ka moka ga mogoba wa go bolabola Seromaniya ku Yuropo o re: “Tso ke di polanneng ke kwana le go di ngwala lephepheng ke mokane ke le beye ga gore ke thogo le bona. Ga tafola yaka, ke na le sethombhe sa mo go gahlanang dipata ka dipedi. Mo di nyaka ke segelela sepheto, ke lebelela dipata tsone ke mokane ka tiputsisa gore sepheto saka se nyoko ntšhela ga pata yifeng.” Le mo go na le tsa go fela di mo phika ga Sonia, aa fo napa a lisetsa. O re: “Seyemo sa nyuwane so ke gahlanang naso se ka tshwana le lepharo la gore le nthibelele kela lebhrogo la gore ke thogo takela ka hala mosekola—di fo ya ka nna gore ke tseya dilo byang.”

19. Di nyaka re tikemisele go maka ying?

¹⁹ Jehova o re rufa ka mekgwa ya go tlala. Re ka šupetsa gore re ya mo leboga ka go maka se sengwana le se sengwana gore re mo thanake. (Maheb. 13:15) Re ka tipotsa gore re nyaka go maka dilo tsa mohlobohlobo gore re thogo yeketsa mmereko wa rune, tsotsone di ka maka gore re rufege ka matla. Ka moka matšatši, tla re nyakeleneng mašuba ya go ‘mo liketsa ga Jehova gore re thogo mmona gore o lukiye.’ Re ko tshwana le Jeso nakwela a re: “Tsa go ja tsaka ke go maka tso di nyakang ke ye a nrommeng le go fetsa mmereko wage.”—Joh. 4:34.