1-2. (a) Proverbs 16:31 éí brothers dóó sisters náás daazlı̨́įʼii haitʼéego baa nitsídeikees doo, ní? (b) Haʼátʼíí ndaʼídíkid shı̨́ı̨́ baa nídadíitʼįįł?

TSÉ dildǫʼii diamond éí tʼáh doo iilgééshgóó éí doo ayóó bitsʼádiʼnílíid da doodaiiʼ doo nizhóní da łeh. Áko łaʼda kótʼéego yiyiiłtséehgo éí tsé dildǫʼii átʼéegi doo yaa ákonízin da, áko tʼóó yíighah dighááh.

² Brothers dóó sisters náás daazlı̨́įʼii éí díí tsé dildǫʼii nidahalingo yódí treasures ayóóʼóóʼnínígíí ádaatʼé. Diyin Bizaad éí bitsiiʼ deigaii naatʼá chʼah bikʼidadéʼą́ nidahalingo bee baa dadzólní yiłní. (Proverbs 16:31 yíníłtaʼ; 20:29) Náás daazlı̨́įʼii éí ayóó daʼjílı̨́įgo átʼéegi doo bá baa ákohwiindzin da dooleełgo átʼé. Ániid ndaakaii éí kótʼéego baa nitsídadzikeesgo éí naadeełii daʼílíinii bilááh átʼéego bitsʼą́ą́dóó nídazhdidoolééł. Tááʼ ałʼąą átʼéego naʼídíkid baa nídadíitʼįįł. Jiihóvah éí brothers dóó sisters náás daazlı̨́įʼii haʼátʼíí biniyé ayóó daʼjílı̨́įgo haa nitsíkees? Áádóó Jiihóvah bidineʼé dahikahígi bitahdóó haʼátʼíí biniyé ayóó daʼjílı̨́įgo haa nitsídahakees? Áádóó índa deíkaidę́ę́ʼ yee ádaa dahalneʼgo haitʼéego bitsʼą́ą́dóó bídahwiidiilʼááł?

3. Brothers dóó sisters náás daazlı̨́įʼii haʼátʼíí biniyé Jiihóvah ayóóʼábóʼní? (Psalm 92:12-15)

³ Brothers dóó sisters náás daazlı̨́įʼii éí Diyin Jiihóvah ayóóʼáhóʼní. Éí tsʼídá ádajítʼéegi yee hwééhósin áádóó éí bee daʼjílı̨́įgo haa nitsíkees. Ląʼí nááhai há ndaalʼaʼgo éí hódzą́ yitsʼą́ą́dóó yee ídahoołʼą́ʼígíí ániid ndaakaii yee yił dahalneʼgo  Jiihóvah yaa bił hózhǫ́. (Job 12:12; Prov. 1:1-4) Áádóó hadaʼólníigo bídeiníłką́ągi ałdóʼ yaa bił hózhǫ́. (Mal. 3:16) Azhą́ bichʼįʼ nidahwiisnáaʼ ndi, wołí bee Jiihóvah yá ndaasʼaʼ. Kʼad éí náasdi ił chohooʼı̨́ dooleełii yéigo yee bidziil ádabiilaa. Áádóó azhą́ hadaastih ndi, Jiihóvah tʼahdii yaa nidahalneʼgo ayóóʼábóʼní.—Psalm 92:12-15 yíníłtaʼ.

4. Brothers dóó sisters náás daazlı̨́įʼii haʼátʼíí bee hadaʼjólníi doo?

⁴ Hasínítih shı̨́į ndi, Jiihóvah bá nisínílʼaʼgi ayóó yéénálniih. (Heb. 6:10) Nahaneʼgi bínindlı̨́įgo bee akééʼ sínízı̨́įgo nahosínílneʼgo bąą Nihizhéʼé Jiihóvah yaa bił hózhǫ́. Nichʼįʼ nahwiisʼnááʼ, éí yéigo ajéí deeneesgaii ádaatʼéiida bee nichʼįʼ nahwiisʼnááʼ, éí Diyin Bizaad bikʼehgóó yíníyá áádóó bichʼą́ą́h hahínídzííʼ. Jiihóvah bidineʼé dahikahígíí biiʼdóó naanish naandítʼáahgo yáʼátʼéehgo ádaʼiinilaa índa naʼnínítą́ą́ʼ. Ląʼígóó łah ádahoonííłgóó doo ná nantłʼagóó bikʼehgóó íinidzaa. Full-time nidahalneʼé bikééʼ sínízı̨́įgo bá bínindlı̨́įgo íinilaa. Wołí bee Jiihóvah bikééʼ sínízı̨́įgo ayóóʼánóʼní. Shikééʼ adahideezíinii ‘doo yóóʼadideeshʼáał da,’ nihiłní. (Ps. 37:28) Ałdóʼ ání, ‘Nitsiiʼ yiigaiijįʼ naa áháshyą́ą doo.’ (Isa. 46:4) Áko nitsiiʼ yiigaiigo biniinaa Jiihóvah bidineʼé dahikahígi bitahdóó doo ayóó anishłı̨́į da, tʼáadoo nínízingo ádaa nitsíníkeesí.

5. Náás dajizlı̨́įʼii haʼátʼíí béédajilniih doo?

⁵ Náás dajizlı̨́įʼii éí Jiihóvah bidineʼé dahikahígi bitahdóó ląʼígóó chodahoʼdoolʼı̨́. Azhą́ shı̨́ı̨́ doo dahadziil dajizlı̨́įʼ da ndi, ląʼí hwéédááhai éí bitsʼą́ą́dóó íhwiidooʼáałii ląʼígóó hwee dahólǫ́. Éí nahdę́ę́ʼ áádóó kʼad baa dahaneʼígi átʼéego Jiihóvah tʼahdii ląʼígóó chohoołʼı̨́įgo átʼé.

6-7. Diyin Bizaad biiʼdóó náás daazlı̨́įʼii baa dahaneʼígíí bee bikʼidahasdliʼígíí łaʼ chʼíníʼaah.

⁶ Diyin Bizaad biiʼdę́ę́ʼ yáʼátʼéehgo ádáátʼįįdii baa dahaneʼ, éí Jiihóvah tʼáá yá deílníishgo są́ yiiheeskai. Mózes éí łaʼ, éí 80 daatsʼí honááhaigo Jiihóvah bá prophet jizlı̨́ı̨́ʼ áádóó Ízrel dineʼé jiníʼeezh. Daniel éí 90dóó baʼaan daatsʼí honááhaigo prophet jílı̨́įgo Jiihóvah tʼáá  chohoołʼı̨́ı̨́ ńtʼééʼ. Áádóó yilʼaadii John éí bééhózinígo 90dóó baʼaan honááhaigo naaltsoos Revelation bikʼeʼjishchı̨́.

⁷ Ląʼí Jiihóvah yá ndaasʼaʼ yę́ę łaʼ doo ayóó béédahoʼdílzin da, ákondi doo ayóó baa ákohwiindzin da. Ndi Jiihóvah éí haa ákoniizı̨́ı̨́ʼ áádóó bikééʼ naazı̨́įgo yikʼihasdliʼ. Łaʼ éí Símiyan diné tsʼídá tʼáá ákogi ájítʼé índa hozdísin ńtʼééʼ, éí Diyin Bizaad biiʼ áłtsʼísígo chʼíhoʼdeetʼą́. Ndi Jiihóvah éí hwééhósin áádóó éí Jesus tʼah awééʼchíʼí nilı̨́įgo jiiłtsą́ągo yee akʼihasdliʼ. Áádóó éí awééʼ dóó bimá baa hajoodzííʼ. (Luke 2:22, 25-35) Bąąh áhásdįįdii nílı̨́įgo Anna ałdóʼ baa haneʼ, éí 84 honááhaigo kin biiʼ sohodizin bił hazʼą́ągi tʼáá ahą́ą́h níjídááh. Áko éí hó ałdóʼ Jesus tʼah awééʼchíʼí nilı̨́įgo jiiłtsą́. Díí tʼáá áłah Símiyan dóó Anna éí Jiihóvah ayóóʼáhóʼní.—Luke 2:36-38.

8-9. Nihisister bąąh áhásdįįdii silı̨́įʼgo haʼátʼíí tʼáá binaanishgo áyoolííł ńtʼééʼ?

⁸ Dííshjı̨́įdi ląʼí náás daazlı̨́įʼii éí ániid ndaakaii yinááł nizhónígo ádaʼiilaa. Łaʼ éí nihisister Lois Didur wolyé. Índa 21 honááhaigo Canadadi special pioneer jizlı̨́ı̨́ʼ áádóó éí bikéédóó hachʼooní John bił traveling workjí bił nijilnishgo ląʼí nááhai. Áádóó tʼahádóó Canadadi Béthelgi nijilnishgo 20dóó baʼaan nááhai. Lois éí 58 honááhaigo hachʼooní bił Ukrainedi nináádoołnish hoʼdooʼniid. Áko éí haitʼéego baa tsízdókos? Náánáłahjįʼ kéyahgóó náádiiʼnéełgi nihíyeeʼ hasiitih jidínóozįįłísh? Naanish éí nízhdiilá, John éí Branch Committeejí átʼah nihoʼdeeltı̨́. Ńtʼééʼ tsostsʼid nááhaigo John ájídin, éí bikʼijįʼ Lois éí tʼáá ákwii naashnish doo jiniizı̨́ı̨́ʼ. Kʼad éí 81 honááhaigo Ukraine Béthelgi tʼahdii Jiihóvah bá joolnish. Ákwii brothers dóó sisters ayóóʼádahóʼní.

⁹ Bąąh ádahasdįįdii Lois átʼéhígi átʼéego éí bichʼooní yił ląʼígóó naanish yił áyííłʼįįdgo kʼad shı̨́ı̨́ éí doo ayóó haa ákohwiindzin da. Ákondi tʼahdii éí ayóóʼábidóʼní. Sisters kótʼéego ląʼí nááhai bichʼooní yíká análwoʼgo áádóó tʼahdii Jiihóvah yá naalʼaʼí nilı̨́įgo Jiihóvah ayóó ájílı̨́įgo haa nitsíkees. (1 Tim. 5:3) Áádóó náábighą́ąhjįʼ éí ániid ndaakaii ayóó yíká anájah.

10. Tony haitʼéego nizhónígo nihinááł áʼiilaa?

¹⁰ Ląʼí brothers dóó sisters náás daazlı̨́įʼii éí hastóí dóó sáanii baa ádahayą́ą́góó doodaiiʼ achʼįʼ anáhóótʼiʼ biniinaa tʼóó hooghangi naazdá. Ákondi éí ałdóʼ ayóóʼádeíníiʼní. Łaʼ nihibrother Tony éí hastóí dóó sáanii baa ádahayą́ągi sidá. August 1942 yę́ędą́ą́ʼ 20 honááhaigo Pennsylvaniadi baptize áhoʼdiilyaa. Baptize áhoʼdiilyaadóó bikʼijįʼ tʼáá íídą́ą́ʼ éí siláołtsooí bididíínááł hodooʼniid. Ndi dooda jidííniidgo biniinaa naakidóó baʼaan nááhaijįʼ awáalya ahoʼdooltʼeʼ. Hachʼooní  Hilda bił éí haʼáłchíní naakigo Jiihóvah yił ahééhólzingo bee jineesą́. Tony éí táaʼgo congregation bił hazʼą́ą́góó presiding overseer jílı̨́ı̨́ ńtʼééʼ, éí kʼad coordinator of the body of elders wolyéego bee wójí. Áádóó índa circuit assembly nídaʼadleehgóó ałdóʼ bikʼizhdéezʼı̨́įʼgo nijishnish. Awáalya bił nahazʼą́ą́góó ałnáájídáahgo ákwii meetings áádóó Bible studies áníʼjiiłʼįįh. 98 honááhai, áko Jiihóvah bá nijilnishgi doo neʼ ájóoleʼ átʼée da. Wołí bee bá ájítʼı̨́įgo bá joolnish áádóó brothers dóó sisters áhą́digo bił nijilnish.

11. Hastóí dóó sáanii baa ádahayą́ą́góó doodaiiʼ achʼįʼ anáhóótʼiʼ biniinaa tʼóó hooghangi naazdáhígíí haitʼéego nihił danilı̨́į doo?

¹¹ Brothers dóó sisters náás daazlı̨́įʼii éí hastóí dóó sáanii baa ádahayą́ą́góó índa achʼįʼ anáhóótʼiʼ biniinaa tʼóó hooghangi naazdáhígíí haitʼéego nihił danílı̨́į doo? Elders éí bíighah ládą́ą́ʼ éí áłah néidleehgi nádááh doodaiiʼ tʼóó íistsʼą́ąʼda dooleeł, áádóó nahaneʼgóoda bee bíká aníjíjah doo. Tʼáá nihídóʼ baa ákodaniidzingo baa néiidáahda doo éí doodaiiʼ video chatda bił ánáʼiilʼįįh doo. Nízaadę́ę́ʼ naagháagoda átʼéego aa ádahayą́ągi sidá. Áko tʼááká baa dayooʼnééh yíilaʼ. Bichʼįʼ yádeiltiʼgo łaʼ shı̨́ı̨́ tʼáá bá ndantłʼago átʼé doodaiiʼ ádaa dahodoolnihgi yichʼįʼ tʼą́ą́ʼ ádaatʼé. Ákondi yaa bił hózhǫ́ǫgo Jiihóvah yá naasʼaʼgi yee ádaa halneʼgo éí nabídíilkidgo yísíníiltsʼą́ąʼgo nihíká adoolwołgo átʼé.

12. Nihicongregation bitahdóó brothers dóó sisters haa daatʼéhígíí nihitah dahólǫ́?

¹² Nihicongregation bitahdóó brothers dóó sisters náás daazlı̨́įʼii shı̨́ı̨́ łaʼ nihitah hólǫ́ǫgo átʼé. Sister Harriette wolyéego New Jerseydi Jiihóvah yá naalʼaʼgo ląʼí nááhai. Áádóó dashdiináago hachʼéʼé bił yá ajííná. Congregationgi náájiʼnánígi brothers hwéédahoosįįd, ńtʼééʼ ayóó átʼéego Jiihóvah yá naasʼaʼ lágo bił béédahózin. Éí 1920 nahalzhiish yę́ędą́ą́ʼ Jiihóvah tʼóó bééhojoosįįdígo nahojilneʼgóó bee ádaa hojilneʼgo ayóó bee áká ajoolwod. Íídą́ą́ʼ awáalya áshiʼdooltʼeʼ lágo jinízingo hatoothbrush tʼáá nijítingo nahojilneʼ ńtʼééʼ. 1933 yę́ędą́ą́ʼ naakidi awáalya góneʼ damóo hwéé azlı̨́ı̨́ʼ. Hachʼooní éí doo Jiihóvah Yá Halneʼé nilı̨́į da, ákondi éí ayóó háká análwoʼ. Éí awáalyadi jizdáago haʼáłchíní tááltʼéegoígíí yaa áhályą́ą́ ńtʼééʼ. Áko Harriette átʼéhígi átʼéego náás daazlı̨́įʼii nihił danilı̨́į doo!

13. Brothers dóó sisters náás daazlı̨́įʼii haʼátʼíí bitsʼą́ą́dóó ídahwiilʼą́ą́ʼ?

¹³ Brothers dóó sisters náás daazlı̨́įʼii éí Jiihóvah índa bidineʼé dahikahígi bitahdóó daʼjílı̨́įgo átʼé. Éí Jiihóvah biorganization índa tʼáá hó ląʼígóó Jiihóvah yee hakʼihasdliʼii baa ákodazhniizı̨́ı̨́ʼ. Nidaʼjiisííʼgóó bitsʼą́ą́dóó ídahojiiłʼą́ą́ʼ. Áko éí ‘hódzą́ bitsʼá daazlı̨́įʼgo’ baa nitsídaakees áádóó bitsʼą́ą́dóó ídahoołʼaah. (Prov. 18:4) Hazhóʼó bił ahéédahołzįįhgo niheʼoodląʼ bidziil áádóó ląʼígóó bitsʼą́ą́dóó ídahwiidiilʼááł!

14. Deuteronomy 32:7 éí ániid ndaakaii haʼátʼíí yiłní?

¹⁴ Tʼáá ni bá náhoołʼaahgo náás daazlı̨́įʼii bił ahił náhoolneʼ. (Deuteronomy 32:7 yíníłtaʼ.) Doo shı̨́ı̨́ ayóó daʼooʼı̨́į da, hazhóʼógo shı̨́ı̨́ ndaakai índa doo ayóó hodiitsʼaʼgóó yádááłtiʼ daazlı̨́ı̨́ʼ.  Ákondi tʼahdii shidziil danízin. “Yáʼátʼéehgo hwéédahoʼdílzingo” Jiihóvah yee honéłʼı̨́. (Eccl. 7:1, New World Translation) Jiihóvah éí daʼjílı̨́įgo haa nitsíkeesgi béénílniih. Nił danilı̨́įgo íinisin. Iiláísha átʼéhę́ęgi átʼéego éí Iiláíjah yił tádíʼaashgo ííłnínę́ęgi átʼéego éí táaʼdi ánéidooʼniid, “Doo nitsʼádeesháał da.”—2 Ki. 2:2, 4, 6.

15. Náás daazlı̨́įʼii haʼátʼíí nabídíilkid doo?

¹⁵ Náás daazlı̨́įʼii bínindlı̨́įgo hazhóʼó nabídíłkid. (Prov. 1:5; 20:5; 1 Tim. 5:1, 2) Kódaatʼéégóó nabídíłkid: “Tʼah ániid nanináhą́ądą́ą́ʼ íiyisíí haʼátʼíí bee iisínídląąd?” “Haʼátʼíí íínítʼįįdgo binahjįʼ Jiihóvah ahą́dí bił nilı̨́įgo yee níká aalwod?” “Haʼátʼíí níká análwoʼgo nił hózhǫ́ǫgo Jiihóvah bá nanilʼaʼ?” (1 Tim. 6:6-8) Áádóó díí yee nił halneʼgo hazhóʼó yísíníłtsʼą́ą́ʼ.

16. Ániid ndaakaii dóó náás daazlı̨́įʼii ahił nidahalneʼgo haitʼéego bíká análwoʼ?

¹⁶ Ániid ndaakaii áádóó náás daazlı̨́įʼii ahił nidahalneʼgo ahidiníłnáago ahíłká anájah. (Rom. 1:12) Ániid ndaakaii Jiihóvah éí bidineʼé ayóó yaa áhályą́ągo átʼéegi baa ahééh díníizįįł áádóó náás daazlı̨́įʼii ayóóʼáshidóʼníí lá danízin doo. Áádóó Jiihóvah yee bikʼihasdliʼii yaa bił hózhǫ́ǫgo yee ádaa halneʼ doo.

17. Náás daazlı̨́įʼii éí ayóó ádanóolingo bídayéełkaah éí haʼátʼíí biniyé ákótʼé diiʼníi doo?

¹⁷ Są́ biih jígháahgo ayóó ázhnoolin yę́ęgi hatsʼąą kótʼįįh, ndi Jiihóvah doo yitsʼádaakáahii éí ayóó ádanóolin nidahaleʼ. (1 Thess. 1:2, 3) Háálá bídeiníłką́ą́dę́ę́ʼ Diyin biníłchʼi diyinii bíká análwoʼgo éí bee éʼétʼéii yídahoołʼą́ąʼgo danizhónígo ádabiilaa. Brothers dóó sisters náás daazlı̨́įʼii ayóóʼádeíníiʼnínígíí hazhóʼó bił ahéédahoniilzįįhgo áádóó bitsʼą́ą́dóó ídahwiilʼaahgo éí tsʼídá ayóó daʼjílı̨́įgo baa nitsíikees doo.

18. Díí bikéédóó haʼátʼíí baa nídadíitʼįįł?

¹⁸ Ániid ndaakaii éí náás daazlı̨́įʼii hoł danilı̨́įgo áádóó náás daazlı̨́įʼii ałdóʼ ániid ndaakaii hoł danilı̨́įgo congregation bóhoníłdzilgo siʼą́ą łeh. Díí bikéédóó baa nídadíitʼįįłígíí éí náás daazlı̨́įʼii éí brothers ániid ndaakaii haitʼéego hoł danilı̨́į doo.