1. Boi do hita gabe anggota keluarga ni Jahowa?

GODANG do anggota keluarga ni Jahowa, termasuk ma i Jesus “na parjolo ditoppa sian saluhutna”, dohot marjuta suru-suruan. (Kol. 1:15; Ps. 103:20) Tikki di portibi on dope Jesus, hea do didok ibana tu akka siseanna, ‘Na lao ma au tu Damang i dohot tu Amamuna.’ (Joh. 20:17) Sian hata ni Jesus i taboto ma, Bapakta do Jahowa i. Alani i, molo talehon diritta tu Jahowa jala tardidi hita, boi ma hita gabe anggota keluarga ni Jahowa.—Mrk. 10:29, 30.

2. Aha do na lao tabahas di artikel on?

² Piga-piga halak maol do manganggap molo Jahowa i Bapak na parholong. Na asing, dang diboto songon dia carana patuduhon holong tu akka dongan. Alani i, di artikel on tabahas ma songon dia Jesus mangurupi hita makkilala holong ni Jahowa, jala songon dia carana asa boi hita jonok tu Jahowa. Tabahas ma muse songon dia carana maniru holong ni Jahowa asa boi tapatudu holong tu akka donganta.

3. Songon dia do tangiang na diajarhon Jesus i mambahen hita lam jonok tu Jahowa?

³ Massai burju do Jahowa. Boi do hita makkatai tu Ibana manang na sadihari pe. Jala dang hea Jahowa mamaksa hita mangoloi Ibana. Takkas do diboto Jesus molo Jahowa Bapak na parholong. Alani i ma tikki diajari Jesus akka siseanna martangiang, dijou ibana do Jahowa i “Amanami”. (Mat. 6:9) Sabotulna boi do Jesus manjou Jahowa, “Pargogo na So Hatudosan”, “Sitoppa saluhut”, manang “Raja na manoktong”. Alana, i do gelarna dibahen di Bibel. (1 Mus. 49:25; Jes. 40:28; 1 Tim. 1:17) Alai dang akka gelar i na dipakke Jesus lao manjou Jahowa. Diajarhon ibana do tu hita asa tajou Jahowa i ‘Ama’.

4. Sian dia ma taboto na lomo do roha ni Jahowa jonok tu hita?

 ⁴ Maol do dihilala hamu manganggap Jahowa i Bapak na parholong? Adong do piga-piga halak na merasa songon i, ala dang burju bapakna. Gabe maol ma dihilala ibana mambayakkon songon dia bapak na burju i. Alai pos ma rohamuna, molo Jahowa dang songon i. Holong hian do rohana tu hita. Takkas do diattusi Jahowa songon dia pakkilalaatta jala diboto Ibana do boasa songon i pakkilalaatta. Lomo do muse roha ni Jahowa jonok tu hita. Alani i ma didok Ibana, “Pajonok hamu ma tu Debata, dung i pajonokonna ma tu hamu.” (Jak. 4:8) Holong hian do roha ni Jahowa tu hita. Ibana ma Bapakta na umburju.

5. Sesuai tu Lukas 10:22, songon dia do Jesus mangurupi hita asa boi jonok tu Jahowa?

⁵ Diurupi Jesus do hita asa boi jonok tu Jahowa. Takkas do ditanda Jesus ise Jahowa, jala massai denggan do ditiru ibana akka sifat ni Jahowa. Alani i ma boi didok Jesus, “Manang ise na mangida au, nungnga diida ibana Damang i.” (Joh. 14:9) Molo di sada keluarga, biasana abang siakkangan do na mangajari akka adekna. Dos songon abang siakkangan i ma Jesus. Diajarhon ibana do tu hita songon dia carana mangargai jala mangihutton paretta ni Jahowa, Bapakta i. Diajari ibana do muse hita asa unang taulahon sogo ni roha ni Jahowa. Jala diurupi do hita mangulahon lomo ni roha ni Jahowa. Alai dang holan i na diajarhon Jesus, dipaboa do muse molo Jahowa i burju jala holong rohana tu hita. (Jaha Lukas 10:22.) Taida ma piga-piga contohna.

6. Sian dia do taboto na olo Jahowa manangihon Jesus?

⁶ Olo do Jahowa manangihon akka anakna. Taida ma songon dia Jahowa manangihon Jesus, Anakna na parjolo i. Saleleng di portibi on Jesus, ditangihon Jahowa do tangiang ni Anakna i. (Luk. 5:16) Misalna, ditangihon Jahowa do Jesus tikki martangiang lao mamillit 12 apostelna. (Luk. 6:12, 13) Andorang so dipasahat si Judas penghianat i Jesus tu akka musuna, martangiang do Jesus asa boi diadopi ibana ujian na lao masa i. Jala ditangihon Jahowa do tangiangna i. Alai dang holan i,  disuru Jahowa do muse suru-suruan patoguhon Anak hasianna i, ala marsak hian do Jesus tikki i.—Luk. 22:41-44.

7. Songon dia do perasaanta ala olo Jahowa manangihon tangiangta?

⁷ Saonari pe olo do Jahowa manangihon tangiangta, jala dialusi Ibana do i di tikki na pas sesuai tu kebutuhanta. (Ps. 116:1, 2) Taida ma pengalaman ni sahalak donganta borua di India. Jotjot do ibana marsak jala holsoan. Didok ibana, “Acara JW Broadcasting^® bulan Mei 2019, mangurupi au asa unang sai marsak be. Jala lewat acara i boi do huhilala na dialusi Jahowa tangiangku.”

8. Songon dia do Jahowa patuduhon holongna tu Jesus?

⁸ Dipatudu Jahowa do holongna tu hita dos songon holong na dipatudu Ibana tu Jesus. (Joh. 5:20) Diurupi Jahowa do Jesus asa toktong togu haporseaonna, dipatogu do muse Jesus tikki marsak, jala diparade do kebutuhan ni Jesus. Didok Jahowa do muse tu Jesus, na holong rohana tu ibana jala las situtu rohana mangida Anakna i. (Mat. 3:16, 17) Boi do dihilala Jesus holong ni Jahowa tu ibana. Alani i dang hea merasa kesepian Jesus, ala torus do didongani Jahowa ibana.—Joh. 8:16.

9. Sian dia do taboto na holong roha ni Jahowa tu hita?

⁹ Songon Jesus, pasti sude do hita nungnga hea makkilala holong ni Jahowa. Pikkirhon ma on, olo do Jahowa manarik hita tu organisasina. Jala dibahen do hita gabe anggota keluargana. Godang do akka dongan sahaporseaotta di liat portibi on, diurupi nasida do hita tikki susa. Alani i, gabe boi ma hita toktong marlas ni roha. (Joh. 6:44) Dipatogu Jahowa do muse haporseaotta lewat publikasi dohot parpunguan. Jala diparade Jahowa do sude kebutuhanta. (Mat. 6:31, 32) Molo sai taingot haburjuon dohot holong ni Jahowa i, gabe lam balga ma holongta tu Ibana.

10. Molo tatiru Jahowa na sai patuduhon holong tu akka dongan sahaporseaotta, aha do manfaatna?

¹⁰ Massai holong do roha ni Jahowa tu akka donganta sahaporseaon. Alai molo hita, olo do sipata maol tahilala patuduhon holong tu nasida. Jala olo do tabahen haccit roha ni akka dongan. Alana asing be do kebudayaan dohot latar belakangta, jala sude do hita mardosa. Alai berupaya ma hita sude makkaholongi akka donganta sahaporseaon. Boha ma carana? Tatiru ma Bapakta Jahowa na sai toktong patuduhon holong tu nasida. (Eps. 5:1, 2; 1 Joh. 4:19) Saonari taida ma songon dia carana maniru Jahowa.

11. Songon dia do Jesus maniru ‘asi ni roha ni Jahowa’?

¹¹ Jotjot do Jahowa patuduhon “asi ni rohana” tu hita. (Luk. 1:78) Molo diida halak parasi roha adong halak na susa, pasti lungun do rohana. Alai dang holan i, dilului ibana do muse cara lao mangurupi jala patoguhon halak na susa i. Songon i do na diulahon Jesus. Sian pambahenanna tu akka halak, tarida do na ditiru Jesus asi ni roha ni Jahowa. (Joh. 5:19) Misalna tikki diida Jesus godang halak na ro mandapotton ibana, “asi ma rohana mangida nasida. Ai disusai do nasida jala dang disarihon, dos songon biru-biru na so adong parmahanna”. (Mat. 9:36) Jala dipatudu ibana do asi ni rohana i sian pambahenanna. Buktina olo do ibana pamaluppon halak na marsahit. Asing ni i, tikki diida ibana “akka na loja jala na mamboan boban na borat”, olo do Jesus mangurupi jala patoguhon nasida.—Mat. 11:28-30; 14:14.

12. Songon dia do carana patuduhon asi ni roha tu akka donganta sahaporseaon?

¹² Molo olo hita mamikkiri masalah na diadopi akka donganta, pasti ummura do hita patuduhon asi ni roha tu nasida. Misalna, sahalak donganta borua na parah sahitna. Dang  hea ra donganta i mengeluh taringot sahitna i. Alai pasti las hian do rohana molo olo hita mangurupi ibana. Boi do tapikkiri, sanggup dope ibana paradehon kebutuhan ni keluargana? Olo do hita mangurupi ibana mangaloppa manang paiasson jabuna? Coba ma jo muse tapikkiri situasi ni sahalak donganta bawa na dipecat sian karejona. Adong do na boi taulahon lao mangurupi ibana sappe dapotna karejo na baru? Olo do hita mangalean hepengta lao mangurupi ibana? Jala undenggan do molo dang pola tapaboa na sian hita hepeng i.

13-14. Songon dia do carana maniru Jahowa na sai patuduhon haburjuon?

¹³ Burju hian do Jahowa i. (Mat. 5:45) Alani i, tatiru ma Jahowa. Unang ma jolo minta tolong akka donganta tu hita baru pe tapatudu haburjuon tu nasida. Songon Jahowa, hita ma na parjolo mangurupi nasida. Coba ma jo tapikkiri on, dibahen Jahowa do terbit mataniari tiap ari jala dilehon do i tu sude halak, termasuk tu parjahat. Alana, diboto Ibana do na porlu i di hita. Dang hea jolo sappe tajalo i, baru pe dilehon Jahowa. Sai diparade Jahowa do sude kebutuhanta, i patuduhon na holong do rohana tu hita. Hita pe gabe holong ma rohatta tu Jahowa, ala burju jala holong rohana tu hita.

¹⁴ Godang do akka donganta na maniru haburjuon ni Jahowa. Misalna di taon 2013, sega ma godang jabu di Filipina alani Topan Super Haiyan, termasuk ma i jabu ni akka donganta. Alai pittor hatop do ro bantuan sian akka donganta di liat portibi on. Adong na mangalean hepeng, jala adong na mangurupi padenggatton akka jabu na sega i. Adong ma hampir 750 jabu na dipadenggan holan di bagasan sataon. Saleleng pandemi COVID-19 on pe, torus do masiurupan akka donganta di liat portibi on. Sudena i patuduhon na masihaholongan do hita.

15-16. Sesuai tu Lukas 6:36, aha do na ikkon tapatudu asa boi tatiru Jahowa?

¹⁵ Parasi roha do Jahowa jala rade manalpuhon hasalaatta. (Jaha Lukas 6:36.) Tiap ari do Jahowa patuduhon asi ni rohana tu hita. (Ps. 103:10-14) Jesus pe ditiru do Jahowa. Nang pe dang sempurna akka siseanna, olo do Jesus patuduhon asi ni roha tu nasida, jala  rade do ibana manalpuhon hasalaan ni halak i. Dang holan i, gariada olo do ibana mate lao manobus dosatta. (1 Joh. 2:1, 2) Pasti lomo do rohatta jonok tu Jahowa dohot tu Jesus. Alana parasi roha do nasida jala rade manalpuhon hasalaatta.

¹⁶ Molo ‘rade hita manalpuhon hasalaan’ ni akka dongan, gabe lam balga ma holongta tu nasida. (Eps. 4:32) Memang dang sai mura mangulahon i, jala butuh upaya do i. Songon i do na dihilala sahalak donganta borua. Alai artikel “Ampunilah Satu Sama Lain dengan Lapang Hati” na adong di Menara Pengawal, boi do mangurupi ibana. * Didok ibana, “Dipaboa do di artikel i, molo rade hita manalpuhon hasalaan ni akka donganta, dang na berarti setuju hita tu tindakanna i manang dang boi haccit rohatta sama sekali tu ibana. Alai manalpuhon hasalaan berarti, dang torus muruk hita tu ibana asa boi toktong dame rohatta.” Jadi molo olo hita manalpuhon hasalaan ni akka dongan, i patuduhon na holong do rohatta tu nasida jala na tatiru do Jahowa, Bapakta i.

17. Sesuai tu Mateus 5:16, songon dia do caratta mambahen sangap goar ni Jahowa?

¹⁷ Las do rohatta ala sakeluarga do hita dohot sude dongan di liat portibi on. Boi do hita manomba Jahowa rap dohot nasida. Alani i tajaga ma torus pangalahotta asa unang sappe tabahen roa goar ni Jahowa dohot akka naposona. Molo torus hita berupaya mangulahon i, olo do gabe tertarik halak mambege barita na uli jala gabe sisomba Jahowa.—Jaha Mateus 5:16.

18. Aha do na mangurupi hita asa barani marbarita na uli?

¹⁸ Saonari adong do halak na menentang jala menganiaya hita, ala toktong hita setia tu Bapakta Jahowa. Songon dia ma molo mabiar hita paboahon haporseaotta tu nasida? Pos ma rohatta na urupan ni Jahowa dohot Jesus do hita. Didok Jesus do tu akka siseanna, “Unang ma marsak hamu mamikkiri aha na lao dohononmuna.” Boasa? Didok Jesus muse, “Ai laos di tikki i do dipaboa tu hamu aha na lao dohononmuna. Ai dang sian pikkiranmuna sandiri hata na lao dohononmuna i, alai sian  Debata do i na dipaboa marhite tondi parbadiana.”—Mat. 10:19, 20.

19. Aha do na boi taparsiajari sian pengalaman ni si Robert?

¹⁹ Taparrohahon ma pengalaman ni donganta si Robert, na dijou tu pengadilan Afrika Selatan lao patorakkon tu hakim boasa dang olo ibana gabe tentara. Tikki i donganta on baru dope marsiajar Bibel, jala dang godang dope pengetahuanna taringot Bibel. Alai barani do ibana patorakkon haporseaonna i tu hakim. Dang olo ibana gabe tentara, ala las do rohana gabe bagian keluarga ni Jahowa. Jadi disukkun hakim i ma ibana, “Ise do haroa keluargam?” Dang dirippu si Robert dibahen hakim sukkun-sukkun songon i. Alai pittor diingot ibana ma ayat di Mateus 12:50, “Manang ise na mangulahon lomo ni roha ni Damang na di banua ginjang, i do anggikku, i do ibotokku, jala i do omakku.” Nang pe baru marsiajar Bibel dope donganta si Robert on tikki i, boi do ibana mangalusi akka sukkun-sukkun i termasuk ma i sukkun-sukkun na so hea dipersiappon ibana, ala diurupi Jahowa do ibana. Pasti bangga do Jahowa tu si Robert ala barani ibana. Jala bangga do tong Jahowa tu hita molo barani hita paboahon haporseaotta tikki adong situasi na maol.

20. Aha ma na ikkon torus taulahon? (Johannes 17:11, 15)

²⁰ Mandok mauliate do hita ala boi gabe bagian sian keluarga ni Jahowa na masihaholongan. Adong do Bapakta Jahowa, jala adong do akka donganta na makkaholongi hita, na dos songon abangta, adekta, dohot itotta. Pasti taargai do i. Alai Sibolis dohot akka pengikutna, torus do berupaya mambahen hita dao sian Jahowa, jala asa unang marsada hita dohot akka dongan. Alai unang pola mabiar hita. Nungnga dipangido Jesus tu Jahowa, asa torus hita dijaga jala asa boi toktong marsada dohot akka dongan. (Jaha Johannes 17:11, 15.) Dialusi Jahowa do tangiang ni Jesus i. Jadi songon Jesus, pos ma rohatta na holong do roha ni Jahowa tu hita jala sai urupanna do hita. Alani i, torus ma hita jonok tu Jahowa dohot tu akka dongan sahaporseaotta.