1. Jehovaba mati ǂgomǂgomsa khoen xa ǂgaihe ǁkhā?

JEHOVAB ǃoaba-aon omaris ge. Jesub hîna a ‘kurusaben hoan di ǂGuroǃnaesabeb.’ Tsî ǂgui ǀhomǃgān tsîna ǃkhōǂgā hâ. (Kol. 1:15; Psa. 103:20) ǃHūbaib aib ge hâ iob ge Jesuba khoena ge ǁnâuǃā kai. Jehovaban ǁîn dadasab di nî ǂgaisa. ǁÎb ǁkhāǁkhāsabegu ǀkhāb ge re ǃhoa. Ob ge Jesuba Jehovaba ǃoa. “Ti Îb tsî sago Îb” ase ge ǁnaeǁgau. (Jhn. 20:17) Māǁnâsen tsi da ga ǁāǁnâ kaisen. O da ge ra Jehovab ǀnamǀnamsa ǃgâsan omaris ǃâ kai.—Mrk. 10:29, 30.

2. Tae-e da nē ǁkhāǁkhāǃâs ǃnâ nî ǃhoaǃgao?

² ǀNî ǃgâsan ge a ǃgomba-e. Jehovaba ǀnamǀnamsa dadasab ase mûsa. Tsî ǀnîn ge a ǀū matin ǀnamma ǁîn ǃgâsana nî ǁgausa. Nē ǁkhāǁkhāǃâs ǃnâ da ge nî ǃhoaǃgao. Matib Jesuba ra huida sa. Î da Jehovaba ǀnamǀnamsa. Dadasab ase mû ǀgū ǁkhā da aba. ǁKhāǁkhāsens tsîna da ge nî dī. Jehovaba ǁgaes ǃnâ-ū. ǀGaugu hîna da sida ǃgâsana nî hâ-ū ga.

3. Sida Îtse ǀgoresa mati Jehovab ǀgūse ra sī ū da?

³ Jehovab ge ǀnamǀnamsa dadasa. Jesub ge ǂhâba hâ i da Jehovaba. ǁÎb da mûbi ǀgaub ǃnâ mû. ǃGâi tsî ǀnamǀnamsa ǁgû-i hîna da. Mâ ǁae i hoa i ai a ǃhoa ū ǁkhā i khami. Tsî ǃgâi tama khoe-i hîna dī da nî. Xū-i ǀgui-e ra mîba da i khamis ose. Nēsa da ge Jesub ge ǁîb ǁkhāǁkhāsabega. ǀGore kai mîdi ǃnâ ra mû. ǁÎb ge ǀgoresa nē mîdi ǀkha ge tsoatsoa “sida Îtse” di. (Mat. 6:9) Jesub ge ge mîba da i da Jehovaba. “Hoaǀgaixab,” “Kuru-aob” tamas ka io “ǀamosib di gao-aob” di ǂgai. Hoa ǂgaiǀon di ge xoade xu  hâ tsî a ǃgâi. (Gen. 49:25; Jes. 40:28; 1Tim. 1:17) Xaweb ge Jesuba ge mîba da. Î da Jehovaba “sida Îtse” di ǂgai.

4. Mati da a ǂan Jehovab ra ǂhâbasa i da ǁîba ǀgū?

⁴ ǃGomba-e i du a. Jehovaba ǀnamǀnamsa, dadasab ase mûsa? ǀNî da ge a ǃgomba-e. Sada dadasab ge ǃgâi tama ǀgaub ǃnâ. Gere hâ ū da ǃkhais ǃaroma. Î ge ǀnîsi supu tama hâ. ǀNam da a dadasa-e mûnan-aisa. Jehovab ge ǃamkuse a ǂan mati da ra tsâs. Tsî tae-i ǃaroma da di ra tsâs tsîna. Tsî ǁnās ge ra ǁkhaeǂgao da. ǁÎb ge sida ǀgūse ra hâ ǂgao. ǁNā-amagab ge ra ǁkhau da: “Eloba ǀgū, ob ge sado nî ǀgū.” (Jak. 4:8) Jehovab ge ǀnam da tsîb ge ra mî. ǁÎb ge a ǃgâi dadasa ūhâ ǁkhā da aba.

5. Lukab 10:22 ǃoagub Jesuba. Mati ra huida i da Jehovaba ǀgū?

⁵ Jesub ge a huida ǁkhā i da Jehovaba ǀgū. Jesub ge Jehovaba ǃgâise a ǂan. Tsî ǁîb ǀgauga ǀoasase ra ǁgae. ǁNā-amagab ge ge mî: “Tita ra mû-i kom ǁGûba ra mû-eo” di. (Jhn. 14:9) Jesub ge kai abuti i khami ra ǁkhāǁkhāda. Mati da sida dadab Jehovaba nî ǃgôa. Tsî nî ǁnâuǀnam ǀgauba. Tsî tae-e da nî dīsa i da ǁîba ǂkhî kai. Tsî ǁîb xa ūǃoa-e ǁkhā. Jesub ge ra huida i da ǁnâuǃā. Jehovab a khoexaǃnâ tsî ǀnamǀnamsasa. (Khomai re Lukab 10:22 sa.) Hā re i da ǀnî aiǁgaude ǃhoaǃgao.

6. Aiǁgaude mā re, matib ge Jehovaba Jesub di ǀgorede ǃgâ. Tsî a ǁnâu-amsa.

⁶ Jehovab ge ǁîb ôana ra ǃgâ. Hā i da kō re Jehovab ge. ǁÎb ǂguro ǀgôaba gere ǃgâ ǀgauba. Jesub ge ǃhūbaib ai hâ iob gere ǀgore. ǂGui ǀgoredeb ge Jehovaba gere ǁnâu. (Luk. 5:16) ǁÎb ge Jesuba ge ǁnâu ǂhâǂhâsa. Mîǁguigu ǃaromab gere ǀgore o. Aiǁgause ǁîb 12 Apostelgab gere ǁhûi o. (Luk. 6:12, 13) Jehovab tsîn ge Jesuba ge ǁnâu. Kaise ǂâiǂhansen tsîb gere ǀgore o. Jesub ge Judab xab nî ǀapexuhes aiǃâ. ǁÎb dadasab ǃoa ge ǀgore. ǃGom ǃâitsâgu hînab nî ǃkharuǃnâgu ǃaroma.  Jehovab ge Jesub ǀgorede ǁnaûs ǀguisa ge dī tama hâ i. Xaweb ge ǀhomǃgāba ge sî. Îb ǁîb ǀnamǀnamsa ǀgôaba ǀgaiǀgai.—Luk. 22:41-44.

7. Jehovab sada ǀgorede ra ǃgâ ǃkhaisa ǂansa mati ra tsâ kai da?

⁷ Nētsēs tsînab ge Jehovaba. ǁÎb di ǃoaba-aon ǀgorede ra ǃgâ. Tsî ǁîna ǂhanu ǁaeb tsî ǃgâi ǀgaub ǃnâ ra ǃeream. (Psa. 116:1, 2) Indiab ǃnâ hâ ǃgâsas ge ge mû. Matib ge Jehovaba ǁîs di ǀgorede ǁnâu-amsa. ǁÎs ge kaise ǂâiǂhansens. ǃGomsiba ge ūhâ i tsîs ge ǂgaoba xu. Jehovab ǃoa ge ǀgore nē ǃgomsib ǃaroma. ǁÎs ge xoa tsî ge mî: “Meib 2019 JW Broadcastings hîna ge. ǂÂiǂhansen da ga ra o da tae-e nî dī. Di hâ ǃhoaǃâsa ūhâ îs ge. Tita ǃaroma ge ǃgâi-i ǂhâ ta ge hâ i e. Ti ǀgoredi ǃereams ge ge i.”

8. Mâ ǀgaugu ǃnâb ge Jehovaba Jesuba ǀnamma ǁgau?

⁸ Jehovab ge ǀnama ra ǁgauda. ǁKhā ǀgaub hînab ge Jesuba gere ǁgaub ǃnâ. ǃHūbaib aib ge ûi hâ i ǁaeb hoaba. (Jhn. 5:20) Jehovab ge Jesub gagasi ǂhâsigu. Khoesi tsâsigu tsî sorosi ǂhâsigu ǃnâ ǁîba gere kōǃgâ. Jehovab ge ge ǃkhō-oa tama hâ i. ǁÎb ǀnamma Jesuba ǁgausa. Tsî ǁîb ôaba ge mîba ǀnambib asa. Tsîb ǁîb ǀkha ǂkhîsa. (Mat. 3:16, 17) Jesub ge ge ǂan i ǁîb ǀnamǀnamsa. ǀHomsi ǁGûb hoaǁae ǁîb ǀkha nî hâsa. ǁNā-amagab ge tātsē ge ǀguritsâsen tama hâ i.—Jhn. 8:16.

9. Mati da a ǂan Jehovab sida a ǀnamsa?

⁹ Jesub khami da ge hoa da Jehovab ǀnamma ǂgui ǀgaugu ǃnâ ge hōǃâ. ǂÂiǃgâ re: Jehovab ge ge ǂgae da î da ǁîb di ǀhōsa kai. Tsîb ge ǂgui ǀnamǀnamsa ǃgâsana ge mā da. Hîna ra ǂkhî kai da tsî ǂkhâǃnâ da na ǃgom ǁaegu ǃnâ. (Jhn. 6:44) Jehovab ge hoaǁae ǂhâ da hâ gagasi ǂûna ra mā da. Î da sida di ǂgomsa ǀgaisase ūhâ. Tsîb ge ra hui da sida tsēs hoas di ǂhâsigu ǃnâ. (Mat. 6:31, 32) Jehovab sida ūba hâ ǀnammi xa da ga ǂâi o. O i ge sida ǁîba ūba hâ ǀnamma ra kai.

10. Tae-e da a ǁkhāǁkhāsen ǁkhā Jehovab sada ǃgâsana ra hâ-ū ǀgauba xu?

¹⁰ Jehovab ge sada ǃgâsana a ǀnam. Xawe i ge hoaǁae supu tama hâ ǁîna ǀnamsa. Tsî ǀnamma ǁgausa. Nēs ge ǀnîsi a ǃgom ǃkharagagu khaoǃhūgu. Tsî ǃkharagagu ǀgaugu ǃnâ da kaikaihe hâ amaga. Hoa da ge ra dīsa tsî nau khoena ra ǁaixa kai. Tamas ka io ra ǂkhîoǃnâ kai xūna ra dī. Xawe da ge hoa da a dītsâ ǁkhā î da. ǀNamma sida di gagasi omarisa ǁgau. Mâǀgaub ǃnâ? Sada ǁgûba ǁgaes tsî ǀnamma sada ǃgâsana ǁgaus ǃnâ ū. (Efe. 5:1, 2; 1Jhn. 4:19) Hā re î da kō, tae-e da. Jehovab di aiǁgausa xu a ǁkhāǁkhāsen ǁkhā sa.

11. Jesuba mati Jehovab di ‘ǀkhomxaǂgaosiba’ ge ǁgau?

¹¹ Jehovab ge ‘ǀkhomxaǂgaosiba’ ra ǁgau. (Luk. 1:78) ǀKhomxaǂgao khoe-i ge, nau khoe-i. ǃGomma ra tsâsa i ga mû o, o ǁî-e ra tsâba. Tsî i ge ǀgauga ra ôa ǁnā khoe-e hui tsî i nî ǁkhaeǂgao ga. Khoenab gere hâ ū ǀgaub ǃnâb ge Jesuba. Jehovab ǁîna a ǀnam ǀgauba gere ǁgau. (Jhn. 5:19) ǀGui ǁae i aib ge ǂgui khoena a mû ob ge Jesuba. “ǁÎna ge ǀkhom, tsau hâ tsî ǁnāxūhe hâ gūn, ǃûi-ao-i ose hân khamin ge ī i amaga.” (Mat. 9:36) Jesub ge ǀnammi ǀguiba ge tsâba nî tama hâ i. Xaweb ge xū-e ge dī ǁîna huisa. ǀAesen hâna ǂgauǂgau tsîb ge. ‘ǀHupu tsî ǃnaohe hân’ hoana ge hui.—Mat. 11:28-30; 14:14.

12. Mati da sada ǃgâsana ǀkhomxaǂgaosiba a ǁgau ǁkhā?

 ¹² Sada ǃgâsan ūhâ ǃgomsin xa da ga ra ǂâi o. O da ge ǁîna ǀkhomxaǂgaosiba a ǁgau ǁkhā. Aiǁgauses ge, ǃgâsasa ǀnîsi ǁkhōǁkhōsa ǀaeb ǃgomsiba ūhâ. ǁÎs ǃgomsib xas ǃhoa tama hâ xawes ge. ǀNîsi kaise nî ǃgôaǃgâ khoe-i ga ǁîsa hui o. ǁÎs omaris ǂhâsiga matis ra kōǃgâ? ǂÛ-e sâibahes tamas ka io omsa ǃanubahes xa ǃgâibahe is nî? ǃGâsab ge ǀnîsi ǁîb di sîsen-e ge ǂoaǃnâ. Sida xu i ra hāsa mî tama se da ge ǀnîsi ǂkhari mariro-i ǀkha a huibi ǁkhā. ǀKhara sîsen-eb nî hōs kōse.

13-14. Mati da Jehovab khami a māxa ǁkhā?

¹³ Jehovab ge a māxa. (Mat. 5:45) Sada ǃgâsana ǀkhomxaǂgaosiba ǁgaus ǃaroma da ge. Tā nî ǃâu în ǁîna sada ai huiba hā ǂgan. Jehovab khami da ge ǂgan taman hâ hîna xūna dība nî ǁkhā. ǁÎb ge soresa tsēs hoasa ra ǂoaxa kai ǂgan tama da hâ hîna. Tsîn ge hoa khoena sores ǀgamma xu ǃgâiba ra hō. Ganganxasiba ra ǁgaun ǀguin ose. ǃKhō-am i du tide ǂhâ da hâ xūna mā das ǃnâ ūb. Jehovaba ra ǁgausa ǀnamdab asa? Jehovaba da ge kaise a ǀnam. ǃGâi tsîb a māxa amaga.

¹⁴ Sada ǃgâsan ge Jehovaba ra ǁgae tsî ǁnās ǀkha ǁîn tsîna a māxa. Aiǁgause, 2013ǁî kurib ǃnâ i ge ǀgaisa Typhoon Haiyan ǂoasa kai ǂgôaba Filippini ǃnâ ge dī. ǂGui ǃgâsan sada dîn ge omman tsî ǁîn xūn tsîna ge ǂoaǃnâ. Xawe i ge gagasi omaris ǃgâsan ǃhūb ǂhawase hâna ǁîna ge hui. ǂGuin ge māsenxase mari-i ǀkha gere hui. Tamas ka io omna dī-ūnus tsî om huis ǀkha gere hui. Tsî 750 omde kurib tsîn toa tama hâ hîna ge dītoa. Coronas ǁaeb ǃnân ge ǃgâsana kaise ǃgarise ge sîsen tsî ǁîn ǃgâsana gere ǂkhâǃnâ. Sada di gagasi omaris ǃgâsana da ga ǃhaese ǂkhâǃnâ o. Da ge ra ǁgau ǁîna da a ǀnamsa.

15-16. Lukab 6:36 sa mā ǂhâǂhâsa ǀgauba ra ǁgau sada ǀhomsi ǁGûb Jehovaba da a ǁgae ǁkhāba?

¹⁵ Jehovab ge ǀkhomxaǃnâ tsî a ǀûbaǀnamxa. (Khomai re Lukab 6:36 sa.) Tsēs hoasa da ge sida ǀhomsi. ǁGûb di ǀkhomxaǂgaosiba ra hōǃâ. (Psa. 103: 10-14) Jesub di sao-aon ge ǀoasa kurusa ge ūhâ tama hâ i. Xaweb ge ǁîna ǀkhommi tsî ǀûbaǀnamxasib tsîna gere ǁgau. Māsenxab ge ge i ǁîb ûiba ǁguibasa. Sida ǁōren nî ǀûbahe ga. (1Jhn. 2:1, 2) Jehovab tsî Jesub ǃoa du ra ǂgae-e. ǀKhomxaǂgaosib tsî ǀûbaǀnamxasib tsîna kha ūhâ ǃkhais ǃaroma?

¹⁶ ǀNammi hîna da sada gagasi omaris ǃnâ ūhâb ge ra ǀgai. ǂGaoba xu da ga ‘ǀûbagu’ o. (Efe. 4:32) Nau koena ǀûbas ge kaise a ǃgom ǁkhā. ǁNā-amaga da ge ǃgarise nî sîsen ǁnās ai. ǀGui ǃgâsas ge ǃKhē xu ǂgō-ommi ǃnâ ge hâ i ǁkhāǁkhāǃâs “Forgive One Another Freely” di hâs xa ge huihe. * ǁÎs ge xoa tsî ra mî: “Nē ǁkhāǁkhāǃâs ge tita ge hui î da ǁnâuǃā. Nau khoena ǀûbas tita ra huisa. ǁNā ǁkhāǁkhāǃâs ǃnâ i ge gere ǁguiǃā-e nau khoenats ga ǀûba o. O i ge ǂâibasen tama hâ ǁîn ge a dī tsū xū-i a ǂhanu di. Tamas ka io i sado tsûtsû tama hâ di. Xawets ga ǁîna ǀûba ots ge ǁîn ǀkhā ǁaixa tama hâ. Tamas ka io ǁaiba ǃkhōǀgara tama hâ. Tsî da ge sida ǂkhîba ra ǃkhōǀgara.” Sada ǃgâsana da ga ǂgaoba xu ga ra ǀûba o. O da ge ra ǁgau ǁîna da a ǀnamsa. Tsî da sida ǁGûb Jehovaba ra ǁgaesa.

17. Mateub 5:16 ǃaogu da mati ǃgôasiba sada ǀhomsi ǁGûba nî ǁgau?

¹⁷ Kai aiǂhanub ge ǃhūbaib ǂhawase hâ ǃgâsan omaris ǃâsa. ǂGui khoen sada ǀkha Eloba nî ǃoabasa da ge ǂhâba hâ. ǁNāsa ǂâis ǃnâ ūhâse da ge tātsē tā xū-e nî dī. Khoena Jehovab tamas ka io ǁîb di ǃoaba-aon xa ǁgaise nî ǂâi kai-e. Dītsâ da ge ra î da ǃgâise tanisen. În khoena Jehovab xa ǁkhāǁkhāsen tsî ǁîba ǃoaba ǂgao.—Khomai re Mateub 5:16 sa.

18. Tae-e a hui da ǁkhā î da ǁkhoaǂgaose aoǁnâ?

¹⁸ ǀNî ǁaegu ain ge ǀnî khoena a mîǁgaiǁgai da ǁkhā. Tamas ka io a ǃgôaǃgôn da ǁkhā. Sida ǀhomsi ǁgûba da ra ǁnâuǀnam amaga. Nau khoena sada ǂgoms xa mîbas  xa da ga ǃao o. O da tae-e a dī ǁkhā? ǂGomǃgâsiba da ge ūhâ Jehovab tsî ǁîb di ôab tsîn nî hui da sa. Jesub ge ǁîb di ǁkhāǁkhāsabega ge mîba. Îgu tā ǂâiǂhansen tae-e gu nî ǃhoasa. Tae-i ǃaroma? “ǃHoa go nî xūna go ǁnā ǁaeb ai nîra māhe xuige. Sa tama go ge, ǁnā ǃhoa ra go. Xawe Gagab sago Îb dib ge ǁnāb, sago ǃnâ ra ǃhoaba.”—Mat. 10:19, 20.

19. ǁKhoaǂgaose ge aoǁnâ khoe-i di aiǁgausa mā re.

¹⁹ Roberti aiǁgausa kō re. Elobmîsab ǀasase ǁkhāǁkhāsen tsoatsoa hâ. Tsîb ge kai ǂansa Elobmîs xa ūhâ tama hâ i hînab ge. ǁNâuǃgâǃkhaib tawa ge sī îb tae-i ǃaromab. Toroba sī ǃkham tama hâsa ǁguiǃā. ǁÎb ge ǁkhoaǂgaose ǁnâuǃgâheb gere o. O ge mî. ǁÎb ǀkhā-e ǁhûi ǂgao tamasa Xristeǁî ǃgâsanab ūba hâ ǀnammi ǃaroma. Gagasi omaris ǃnâb ūhâ ǃâ-eb ge gere ǃgôaǃgâ. ǀGoraǃgâ-aob ge, “hamna a sa ǃgâsa” di ge dîbi? Roberti ge ǁnā dîsa ge ǃâubasen tama hâ i. Xawe i ge ǁnā tsēs di mîs hînab ge khomai hâ isa ǃhaese ǁîb ǂâis ǃnâ ge hā. Mateub 12:50 sa tsî ra mîsa: “Ti Îb ǀhommi ǃnâ hâb di ǂâisa ga dī-i hoa-i, ǁî-i kom ti ǃgâsab tsî ǃgâsas tsî ti îs ase io.” ǀAsase ǀguib ge Elobmîsa ǁkhāǁkhāsen tsoatsoa hâ i. Xawe îge Jehovab di ǃanu gagaba ge huibi îb ǁnā dîsa ǃeream. Tsî ǃâubsen tamab ge hâ i ǂgui dîdi tsîna. Jehovab ge Roberti ai ge ǂnîsa i. Tsî Jehovab ge sida ai kaise a ǂnîsa. ǁÎb ai da ga ǁkhoaǂgaose ga ra ǂgomaiǂnûi o ǃgom mâsigu ǃnâ.

20. Tae-e da nî dītsâ? (Johaneb 17:11, 15)

²⁰ Kaise da ge ra gangan ǀnamxaǃnâ gagasi omaris da ūhâ ǃkhais ǃaroma. Kaise ǃgâi dadasab tsî ǂgui ǂgomǂgomsa ǃgâsan tsîna da ge ūhâ. Nē xūna da ge tā ǁause nû mû xawe hoaǁae nî ganganxa. ǁGâuab tsî ǁîb sao-aon hîna ǃhuib xa ǀoa hân ge ra. ǂGom kai da sida ǀhomsi ǁGûb ǀnamm da tama hâsa. Tsîn ge sida di ǀguiǃnâxasiba ra dīkaka ǂgao. Jesub ge ge ǀgoreba da tsî sada ǁgûba ge ǂgan îb kōǃgâ da. Îs sida omarisa ǀguiǃnâxa. (Khomai re Johaneb 17:11, 15 sa.) Jehovab ge ǁnā ǀgoresa ra ǃeream. Jesub khami da ge nî dītsâ î da tā sada. ǀHomsi ǁGûb di ǀnammi tsî ǂkhâǃnâs tsîna îganǀgē. A da dītsâ re î da sada di gagasi omarisa ǀgū.