1. Batho ba gore baa tshepega ba tseya Jehova go le mang wa bona?

GA BO ba leng ka mutšing wa Jehova go na le Jeso wa gore “ke letšibula la dilo ka mokana ga tsona” le mangeloyi ya go tladisa mohlolo. (Makol. 1:15; Pis. 103:20) Nakwela Jeso a le ho lefaseng, o šupetsiye gore batho ba gore baa tshepega ba ka tseya Jehova go le Papa wa bona. Mo Jeso a bolabola le malata yage, o yitseri Jehova ke “Papaka le . . . Papa wa lune.” (Joh. 20:17) Fote mo re tineyela ga Jehova re boya re kolobetsiwa, re ba ga bo ba leng ka mutšing wa Jehova ba gore ba kwana mong go kwana.—Mar. 10:29, 30.

2. Ga hlogotaba yowa re nyoko petapeta ka ying?

² Ba bangwana ba kwa di ba thathafela go tseya Jehova go le Papa wa gore o ba nyaka ka matla. Ba bangwana a ba di kgone go šupetsa magageru gore ba ma nyaka ka matla. Ga hlogotaba yowa, re nyoko bona ka mokgo Jeso a re tšhutisang gore re tseye Jehova go le Papa wa gore o re nyaka ka matla wa gore fote re ka šutela thina naye. Fote re nyoko tšhuta ka mokgo re ka kopiselang mokgwa wo Jehova a tshwarang magageru.

3. Mokgwa wo ba yyeng ba re beyisela gore re ka wo berekisa mo re rapela wo re šutetsa thina le Jehova ka mokgo mang?

³ Jehova ke Papa wa gore o re nyaka ka matla. Jeso o nyaka gore re tseye Jehova ka mokgo yene a mo tseyang—go le mmelegi wa gore o re nyaka ka matla fote aa duli a teyye mokgakga kela a re makisanya dilo ka tšhinghi. Tso Jeso a tšhutisiyeng malata yage gore ma di hlaye mo ma rapela di napa di maka taba yowa gore yi be lekgwaying. O ba beyisele gore mo ba rapela ba thomise ka gore: “Papa wa rune.” (Mat. 6:9) Hala Jeso a di nyakiye, nke a f’lo re mo re bolabola le Jehova re re “wa Matšhika ka Moka,” “ye a Makiyeng dilo,” kela “Kgoši ya gore ke botala yi le gona”—phela ka mokana ga tsona a di sinyi selo ka taba la gore ke mokgwa  wo mongwana wa go reta Jehova wa go tšwa ka Bhayibeleng. (Gen. 49:25; Jes. 40:28; 1 Thim. 1:17) Mara Jeso o kgetiye go berekisa lentsu la gore “Papa.”

4. Re di tšibela kaye tsa gore Jehova o nyaka gore re šutele thina gage?

⁴ Ayitsano di ya go thathafela go tseya Jehova go le Papa wa gore o re nyaka ka matla? Ga ba bangwana ba rune go fo ba ka mokgonone. Mo nkare o gudiye papago a go maka lešidi, o ka kraya go ro ba mong taba ya nyuwane gore di ya kgonega gore bopapa ba šupetse bana ba bona gore ba ba nyaka ka matla. Go fo tšiba taba ya gore Jehova o kwisisa ka mokgo re tikwang, di ya re kgomoletsa wa tšiba! Wa di nyaka go šutela thina le rune. Nka taba lo Lentsu lage le re hlohletselang gore: “Šutelaneng thina ga Modimo, le yene o nyoko šutela thina ga lune.” (Jak. 4:8) Phela Jehova o re nyaka ka matla fote o tikemisele go ba Papa wa mannete.

5. Luka 10:22 yi re Jeso a ka re gelepa ka mokgo mang gore re šutele thina le Jehova?

⁵ Jeso a ka re gelepa gore re šutele thina le Jehova. Ke yene a tšibang Jehova gabutši fote o di tsere ka moka tsa Papage la go šinya a re: “Ye a bonneng nna, o bonne le Papa.” (Joh. 14:9) Ka taba la gore Jeso ke bhuti wa rune ye mogolo, o re tšhutisa tso re ka ga di maka go šupetsa gore re hlompa Papa wa rune fote re ya mo theetsela, le gore re ka maka byang gore re sa mo tshwatisi gore a thogo re yamogela. Gabutšibutši lephelo la Jeso la nakwela a le ho lefaseng, le re wunyullela gore Jehova o na le pelo ya gabutši fote o re nyaka ka matla. (Bala Luka 10:22.) Tla re lebeleleneng mešupetso ye mengwana ke yowa.

6. Re beyisele gore Jehova o yye a theetsela Jeso ka mokgo mang.

⁶ Jehova o theetsela bana bage. Lebelela gore o theetsela Morwayi wage wa matšibula ka mokgo mang. Jehova ke mo a fo dula a theetsela Morwayi wage mo a mo rapela nakwela a le ho lefaseng. (Luk. 5:16) O yye a mo theetsela mo a rapela gore a thogo segelela dipheto tse dikgolo, tsa go tshwana le go kgeta 12 ya mapostola. (Luk. 6:12, 13) Jehova o yye a theetsela Jeso mo a rapela nakwela go na le tsa go mo šekedisa. Nakwela Jeso ba soko bane ba mo sepela ka fase, o yye a rapela Papage a šwennye a rapelela  tsa go roba tso a nyoko gahlanang natso. Jehova o yye a theetsela mo Jeso a rapela a boya a romela lengeloyi gore le tiyise Morwayi yene Wage.—Luk. 22:41-44.

7. Taba ya gore Jehova wa re theetsela mo re rapela yi maka gore re tikwe byang?

⁷ Le lekgono lowa, Jehova o sa na a theetsela malata yage mo ma mo rapela fote o fetola ka nako ya gona a boya a go neya mong sona so o se gayelang. (Pis. 116:1, 2) Lebelela gore taba yowa yi makegiye byang ga mogageru ye mongwana wa mosadi wa ku India. Ke mo di mo kgahleletsiye ka matla ke mokane a llela Jehova ka taba yone. O yitseri: “Letheto la Setiši sa JW la May 2019 la go bolabola ka taba ya go hlula mešekelo, ke mo ba le makele nna. Ke mo go le phetolo ya tso ne ke di rapelela.”

8. Jehova o šupetsiye ka ying gore ga Jeso o mo nyaka ka matla?

⁸ Jehova o re nyaka ka matla fote o hlupega ka rune go fo tshwana le ka mokgo a makiyeng ga Jeso nakwela a gahlana le tsa go mo phika mo a kene a maka mmereko wage ho lefaseng. (Joh. 5:20) Ke mo a mo pasopa ga tso tsa Modimo, ka mokgo a tikwang le ga tso a di gayelang gore a thogo phela. Fote Jehova ke mo di sa mo tšebisi go hlaya ka mokgo a tikwang ka Morwayi wage. (Mat. 3:16, 17) Ka taba la gore Jeso ne a dula a tshepele ga Papage wa gore o mo nyaka ka matla, a sanka a kwa nkare o tišalele a ntoši.—Joh. 8:16.

9. Re bona ka ying gore ka nnete Jehova o re nyaka matla?

⁹ Go fo tshwana le Jeso, ka mokana ga rune re ya di tšiba gore di natefa go segela kaye mo Jehova a re šupetsa gore o re nyaka ka matla. O fo nagana: Jehova o re šutetsiye thina naye, a maka gore re be ka mutšing wage wa gore batho ba gona baa nyakanana fote ke selo ka ssoši, tsotsone di maka gore re dule re jabodiye re tikwe re yitseri kgehle. (Joh. 6:44) Jehova o re fepa ka Lentsu lage gore tumelo ya rune yi dule yi tiyelele. Fote o re gelepa gore re kraye tso re di gayelang gore re thogo tipasopa. (Mat. 6:31, 32) Mo re dula re nagana ka tso a re makeleng tsona, tsotsone di maka gore re nape re mo nyaka ka matla.

10. Re ka tšhuta ying ga mokgwa wo Jehova a tshwarang magageru ka wona?

¹⁰ Jehova o kwana le magageru ka matla. Mara o ka kraya di se lula go šupetsa bo re nang nabo ka mutšing wa Jehova gore re ba nyaka ka matla. Phela ka mokana ga rune re tšwa mo re tšwang. Fote ka mokana ga rune re fela re kekemisa go gongwana la go šinya re tshwatisa ba bangwana. Mara re ka tšhela letsogo ga taba ya go šupetsa bo re nang nabo ka mutšing wa Jehova gore re ba nyaka ka matla. Byang mara? Ka go kopisela ka mokgo Papa wa rune a šupetsang magageru gore o ma nyaka ka matla. (Maef. 5:1, 2; 1 Joh. 4:19) Tla re boneneng gore re ka tšhuta ying ga Jehova.

11. Jeso o šupetsiye ka mokgo mang gore Jehova o ‘kwelana go baba ka matla’?

¹¹ Jehova o šupetsa gore “o re kwela go baba ka matla.” (Luk. 1:78) Motho wa gore o kwelana go baba di ya mo kokona mo a bona ba bangwana ba hlupega; o karakara ka matla gore a ba gelepe a boye a ba kgomoletse. Ka mokgo Jeso ne a tshwara batho ka gona, o napiye a maka gore di be lekgwaying gore Jehova o tikwa byang ka batho. (Joh. 5:19) Nakwela Jeso a bona megoba ya batho, o yye “a yi kwela go baba, ka taba la gore ke mo yi šigamme fote yi lahlegiye go tshwana le dinku tsa gore a di na wa go di disa.” (Mat. 9:36) Mo Jeso a re o ba kwela go baba ne a sa fo bolabola ka molomo, ke mo a maka se sengwana. O yye a yalafa ba go tilwalela a boya a yimulla ba go ‘goga go baba le ba go kwa go roba.’—Mat. 11:28-30; 14:14.

12. Re beyisele gore o ka šupetsa byang gore o kwelana go baba.

¹² Mo re nyaka go šupetsa magageru gore re ma  kwela go baba, di nyaka re thomise re kwisise tso di ba kgahleletsiyeng. Mo re beyisa, mogageru wa mosadi a ka fo ba a lwala ka matla. Mara o ka sa mo kwe a bolabola ka tsona, le mo go le ka mokgonone wa di nyaka go gelepiwa. Ayitsano wa di kgona go pasopa ba mutši wage ka tso ba di gayelang? Nje a ka sa di jabolele mo re ka gelepa ka go mo yapegela kela go yedisa ntlo? Kela mogageru ye mongwana a ka fo ba a felele ke mmereko. Mo re ka mo romela tšheleta le mo a sa di tšibi gore yi tšwa ga mang, nje a ka sa phetši hala le hala go segela a kraya mmereko?

13-14. Re ka šupetsa ka mokgo mang gore a re konane go fo tshwana le Jehova?

¹³ Jehova aa konane. (Mat. 5:45) Di nyaka re šupetse magageru gore re ma kwela go baba ka go ma gelepa, re sa yemele gore ma šinye ma kgopele. Re tshwane le Jehova, re sa jikajiki. Ka moka matšatši o re hlabisela letšatši, aa yemele gore re le kgopele! Fote letšatši lowa le re natefela ka mokana ga rune, le mong bo ba gore danki a ba nayo. Ayitsano o ka yi ganetsa taba yowa ya gore mo Jehova a re neya tso re di gayelang o šupetsa gore o re nyaka ka matla? Ye lune, phela taba ya gore Jehova aa konane yi napa yi maka gore re mo nyake tsa nkare ke moka!

¹⁴ Magageru ya go tlala ma kopisela ga Papa wa rune wa legedimong mo ma šupetsa go sa konane ka go gelepa ba bangwana ma sa jikajiki. Mo re beyisa, ka 2013, Sedingwana se segolo so ba reng ke Haiyan se sinyannye ka matla ku Philippines. Magageru ya go tlala ma lobiye magaye ya wona le dilo tsa wona. Mara ba mutši wa Jehova wa lefaseng ka mokana ga lona ba yye ba yakgoswa ba gelepa. Ba go tlala ba gelepiye ka tšheleta kela go yisa matsogo mo go makiwa mmereko wa go yaga, tsotsone di gelepiye gore go yagiywe kela go lukisiwe dintlo tsa go teya gana hala ga 750 go soko bane go fela le mongwaga! Mo bolwele bya go sabalala bya COVID-19 bo kene bo ya mahlong, Dihlatse di berekiye ka matla gore di gelepe magageru. Mo re gelepa magageru re sa jikajiki, re šupetsa gore re ma nyaka ka matla.

15-16. Luka 6:36 yi re re ka šupetsa byang gore re kopisela ga Papa wa rune?

¹⁵ Jehova o kwelana go baba fote wa tshwarelana. (Bala Luka 6:36.) Re dula re di bona gore Papa wa rune wa legedimong o re kwela go baba.  (Pis. 103:10-14) Malata ya Jeso ke mo ma sa felegelela; mara ke mo a ma kwela go baba a boya a ma tshwarela. Ke mo a tikemisele gore a neyele ka lephelo lage gore re tshwarediwe ga tso re di sinnyeng. (1 Joh. 2:1, 2) Taba ya gore Jehova le Jeso ba kwelana go baba fote baa tshwarelana, nje a yi make gore o tikwe o nyaka go mamarelana nabo?

¹⁶ Re tiyisa so se makang gore re nyakanane le bo re nang nabo ka mutšing wa Jehova mo ‘re tshwarelana re sa kokole.’ (Maef. 4:32) Re ya di tšiba gore ka dinako tse dingwana a di lula go tshwarela ba bangwana, byalo di nyaka re karakare. Mogageru ye mongwana wa mosadi o yitseri hlogotaba ya Sewokamelo ya gore ‘Le Tshwarelane le sa Kokole’ yi mo gelepiye gore a thogo tshwarelana. * O yitseri: “Hlogotaba yowa yi n’gelepiye gore ke tšhentšhe ka mokgo ke tseyang dilo. Yi hlatolliye gore mo o tikemisele go tshwarela motho, a di rele gore o kwana natso tsa go kekema tso a di makiyeng kela tso a di sinnyeng o di takisa maahlo. Mara go tshwarela motho di rela gore o sa mo tshware ka pelo ga tso a di makiyeng gore o thogo teyela ke moya.” Mo re tshwarela magageru di tšwa pelong, re šupetsa gore re ma nyaka ka matla fote re tseyele ga Papa wa rune, Jehova.

17. Matewu 5:16 yi re re ka mo gadimisa byang ga Papa wa rune wa legedimong?

¹⁷ Re yi leboga re sa fetsi taba ya gore re ga mutši wa Jehova wa lefaseng ka mokana ga lona wa gore batho ba gona baa nyakanana. Re nabela gore ba go tlala ba ka tla gore ba be le rune ga taba ya go berekela Modimo. Mo re nyaka tsotsone di makega, di nyaka re bone gore tso re di makang di sa poyidisi batho ba Jehova kela mong yene Papa wa rune. Re karakara ka matla gore maphelelo ya rune ma lobe batho gore ba nyake ditaba tsa go bafala.—Bala Matewu 5:16.

18. Re ka gelepa king gore re tšhomayele re sa tšhabe selo?

¹⁸ Ka nakwenngwana, ba bangwana ba ka re rogelela kela ba re hlorisa re fo kgwela gore re theetsela Papa wa rune wa legedimong. Byalo re nyoko maka byang mo nkare re ya tšhaba go bolabola le ba bangwana ka so re se dumelang? Re ka tshepela ga Jehova le Morwayi wage. Jeso o  butsiye malata yage gore ma sa šekedisi ke taba ya gore ma nyoko bolabola ma re king. Ke ntaba mara? Mo a hlatolla yene mong Jeso o yitseri, “Tso le nyoko di bolabolang le ko di tšiba ka nako yonone,” a boya a re, “a yi lune le nyoko bolabolang, le nyoko gelepa ke moya wa go hlawolega wa Papa wa lune wa ku magedimong.”—Mat. 10:19, 20.

19. Re beyisele ka ye mongwana wa gore o yye a tšhomayela a sa thogathoge.

¹⁹ Lebelela taba ya Robert. Nakwela a sa thomisa go tšhutisiwa Bhayibele fote a soko bane a tšiba nnete gabutši, ke mo ba re a kenele bosole, byalo o yye a tshwanela ke go yemela ditaba tsage ga khota ya Afrikha Borwa. O hlatollele khota a sa thogathoge gore aa nyake go kenakena tsa dintwa ka taba la gore magagabo ya Makreste o ma nyaka ka matla. Taba ya gore le yene ke ye mongwana wa bo ba leng ka mutšing wa Jehova ke mo a yi tseyela gedimo! Ke mokane yewa wa go yahlula a mmutsisa ka yakgoswa a re, “O ra bomang mo o re magagenu?” Robert ke mo a sa nagana gore ba ka mmutsisa putsiso ya mošaga wonone, mara a yakgoswa a gopola temanyana ya letšatši lolone. Ke mo go le Matewu 12:50 ya gore yi re: “Ye a makang tso di nyakang ke Papa wa ku legedimong, ke yene bhuti waka, sesi waka le mmane waka.” Ke mo go se botala Robert a tšhutisiwa Bhayibele, mara moya wa go hlawolega wa Jehova wo mo gelepiye gore a thogo fetola putsiso yone le tse dingwana tsa gore ba ro mo tsatsela. A re kamake gore Jehova o yye a titeya sekguba ka Robert! Le rune Jehova o nyoko titeya sekguba ka rune mo re tshepela gage gore o nyoko re neya lešiši la gore re tšhomayele le mo seyemo se galaka.

20. Di nyaka re tikemisele go maka ying? (Johane 17:11, 15)

²⁰ Re ro phophota barena gore nkare re ka ya mahlong re tseyela gedimo taba ya gore re ka mutšing wa Jehova wa gore wo na le batho ba go nyakanana. Wa go tshwana le Papa ye re leng naye re ka sa tsoge re mo krayye le magageru ya go tlala ya gore ma tineyele gage. A di nyake re tseya taba yowa go le ya go kgana. Sathane le malata yage ya dipelo tse diphifadu ba liketsa ka matla go maka gore re kamake taba ya gore Papa wa rune wa legedimong o re nyaka ka matla fote ba liketsa go re šehlollanya gore re sa be selo ka ssoši. Mara Jeso o re kgopelele ka thapelo ga Papa wa rune gore a re pasope gore re dule re mamarelanne. (Bala Johane 17:11, 15.) Thapelo yone a ya wela fase, Jehova o yi kwile. Go fo tshwana le Jeso, a di nyake re kamaka taba ya gore Papa wa rune wa legedimong o re nyaka ka matla fote wa re gelepa. Tla re tikemiseleneng go dula re mamarelanne le ba mutši wa Jehova.