ATUAQQISSAAGASSAQ 40
Ilumoorluni peqqissimineq qanoq isumaqarpa?
‘Tikiuppunga ajortuliortut allamik isumataaqqullugit.’ – LUK 5:32.
ERINARSUUT 34 Assuarnaallunga inoorusuppunga
QILANAARTUUT *
1-2. Kunngip Akabip kunngillu Manassep assigiinngissutaat suua, apeqqutillu suut akissutissarsissavagut?
ITSAQ kunngit marluk sammissavagut. Kunngip aappaa Israelimi kunngiusimavoq, aappaalu Judami. Naak ataatsikkut inuunngikkaluarlutik sorpassuartigut assigiissuteqarput. Assersuutigalugu marluullutik Jehovamut pikitsitsipput innuttaanillu ajortuliortitsillutik. Aamma guutipilussiortarlutillu toqutsisarsimapput. Pingaarutilimmilli assigiinngissuteqarput. Aappaata ajortuliornissani aalajangiusimajuarpaa, aappaali ilumoorluni peqqissimivoq isumakkeerfigineqarlunilu. Taakku kikkuuppat?
2 Kunngit taakku marluk tassaapput Akabi aamma Manasse. Taakkua assigiinngissutaasa misissornerisigut peqqissiminerup isumaa paasisinnaavarput. (ApS 17:30; Rom 3:23) Tamatta ajortuliortaratta Jehovamillu isumakkeerfigineqarusuttaratta apeqqutit uku akissutissarsisariaqarpagut: Peqqissimineq qanoq paasisariaqarpa, qanorlu ersersinneqartarpa? Siullermik kunngit taakku marluk inuunerat iliuusaallu misissoriartigit. Kingorna peqqissiminermut tunngatillugu Jiisusip ilinniartitsissutaa eqqartussavarput.
KUNNGIP AKABIP INUUNERA
3. Kunngi Akabi qanoq ittuua?
3 Akabi Israelimi kunngit arfineq-aapparaat. Sidonip pigissaarfioqisup kunngiata pania, Jezabeli, katippaa, tamannalu Israelikkunnut aningaasatigut iluanaarutaasimassaaq. Aammali Jehovamik guutisiornerannut ajoqutaavoq. Qanoq? Jezabeli Ba’alisiortuuvoq, Akabillu sunnertilluni upperisarsiorneq maajunnartoq taanna Israelimi siaruaatsippaa. Tamatuma kinguneranik naalaffimmi atortittartoqalerpoq meeqqanillu 1 Kng 18:13) Akabilu Jehovap “iluarinngisaanik inuuvoq siuliminit tamanit ajornerusumik”. (1 Kng 16:30, Testamentitoqaq) Akabip Jezabelillu iliuusaat tamaasa Jehovap arajutsinngilluinnarpai. Jehovali nallittuingaartuuvoq. Taamaattumik innuttani allamik isumataarniassammata imminullu saanniassammata pruffiitini Elia aallartittarpaa. Akabili Jezabelilu tusaajumanngillat.
pilliuteqartoqartalerluni. Aamma Jezabelip dronningiunerani Jehovap pruffiitii tamarmik navianartorsiorput allaallumi ilaat toqutaallutik. (4. Akabi qanoq eqqartuunneqarpa, qanorlu qisuariarpa?
4 Akabip ajortuliungaarnera Jehovap naammagilerlugu pruffiitini Elia aallartillugu oqariartortippaa Akabi, Jezabeli ilaqutaalu tamarmik toqunneqassasut. Tupinnaannartumillu Akabi ajuusaangaalerpoq ‘maniguutilerlunilu’. – 1 Kng 21:19-29.
Kunngi Akabi ilumoorluni peqqissiminnginnami Guutip pruffiitianik parnaarussisitsivoq (Immikkoortut 5-6 takukkit) *
5-6. Qanoq nalunngilarput Akabi ilumoorluni peqqissimisimanngitsoq?
5 Naak Akabi ajuusaaraluarluni ilumoorluni peqqissiminngilaq, tamannami iliuutsimigut ersersinngilaa. Qanoq nalunngilarput? Ba’alisiorneq unitsinniarsarinngilaa Jehovamillu guutisiorneq siuarsarnagu. Peqqissiminnginnerali aamma allatigut erserpoq.
6 Kingusinnerusukkut Akabip Judami kunngi Joshafati Aramæerinut sorsugiaqatiseraa. Joshafati taamaaliortinnatik Jehovamit siunnersorteqqaarusuppoq. Taamaattumik Akabi aperaa Jehovap pruffiitianik aperisinnaasaminnik peqarnersoq. Akabillu akivaa: “Suli ataatsimik peqaraluarpoq Naalakkamut siunersiuisissinnaasatsinnik, taannali uumigaara ajunngitsumik pinnani ajortuinnarmik siulittuiffigisarmanga.” Akabip pruffiitimit taassumannga siunnersorneqarnissani iluarinngikkaluaraa aperiartorpaat. Akabillumi oqaasii eqquupput. Guutip pruffiitiata, Mikap, siulittuutigaa Akabi ajunaartitaassasoq. Akabili peqqissiminngilaq Jehovamullu isumakkeerfigeqqunani. Akerlianik pruffiiti parnaarussaatippaa. (1 Kng 22:7-9, 23, 27) Jehovalli pruffiitimigut siulittuutaa eqquutinngitsoortissinnaanngilaa. Kinguninngua sorsuttoqarnerani Akabi toqutaavoq. – 1 Kng 22:34-38.
7. Jehovap Akabi toqoreermat qanoq ittuunerarpaa?
7 Jehovap Akabi qanorpiaq isumaqarfiginerlugu toqoreermat ersersippaa. Sorsunnerup kingorna Jehovap kunngi Joshafati Akabimik ikiuisimanera pillugu pruffiitini Jehu aqqutigalugu naveerpaa. Jehu ima oqarpoq: “Iluaatsut ikiugassaappat? Naalakkamik uumissuisut asavigit?” (2 Nal 19:1, 2) Una eqqarsaatigeriaruk: Akabi ilumoorluni peqqissimisimasuuppat ‘iluaatsutut’, tassa ajortutut, Jehovamillu uumiginnittutut pruffiitip eqqaasimassanngikkaluarpaa. Erserpoq Akabi ajuusaaraluarluni tamakkiisumik peqqissimisimanngitsoq.
8. Peqqissiminermut tunngatillugu Akabip inuuneranit suna paasivarput?
8 Akabip maligassiuinerlunneranit suna paasivarput? Eliamit oqarfigineqarami ilaquttani pillarneqassasut Akabi maniguutileraluarpoq. Taamaaliornera ajunngikkaluartoq kingornatigut iliuusaanit erserpoq ilumoorluni peqqissimisimanngitsoq. Tassa ilumoorluni peqqissimineq ajuusaaginnarnerunngilaq. Qanormi ittuua? Tamanna paasilluarumallugu maligassiuilluartoq sammeriartigu.
KUNNGIP MANASSEP INUUNERA
9. Manasse kunngisut qanoq ittuua?
9 Ukiut 200-t missaat tamatuma kingorna Manasse Judami kunnginngorpoq, taannalu Akabimit ajornerusimagunarpoq. Biibilimi 2 Nal 33:1-9) Sugami? Guutipilunnut pilliiviliorpoq allaallu Jehovap naalaffiani napasunik guutipilussiornermut atorneqartartunik nappartitsilluni! Pisussanik ilimasaarisarpoq angakkuartarnerlu sammisaralugu. Aamma inuppassuit “pinngitsuusut toquttarsimavai”, allaallu ‘ernini innikkoortillugit’ guutipilunnut pilliutigisarsimavai. – 2 Kng 21:6, 7, 10, 11, 16.
ima allassimavoq: “Annertoqisumik Naalakkap isaani ajortumik iliorpoq tamatumuunakkullu narrutsatsillugu.” (10. Jehovap Manasse qanoq perorsaatissippaa, Manasselu qanoq qisuariarpa?
10 Manasse Jehovap pruffiitianit mianersoqquneqarami Akabitulli tusaajumanngilaq. Qanoq kinguneqarpa? Jehovap “Assyriap kunngiata sakkutuuisa naalagaanertaat [Judamut] saassussisippai. Taakkua Manasse nissillugu tigusaraat, kalunnernik qilersorlugu Babylonimullu aallarullugu.” Manassep iliuuserisimasani Babylonimi parnaarussaaqqanermini eqqarsaatigilluaqqissaalerunarpai. ‘Siuaasami Guutiannut assut maniguutilerpoq.’ Aammali Jehova ‘qinnuigiuarpaa saammaateqqulluni’. Angut ajoqisoq taanna allanngoriartorpoq. Jehova Guutimisut isigileramiuk qinnuigiualerpaa. – 2 Nal 33:10-13.
Kunngi Manasse ilumoorluni peqqissimigami guutipilussiornermut akiuilerpoq (Immikkoortoq 11 takuuk) *
11. Nalunaarsuutit aappaat 33:15, 16-ilu naapertorlugit Manassep ilumoorluni peqqissiminini qanoq ersersippaa?
11 Manassep qinnutai Jehovap akivai. Qinnutaanit paasivaa Manasse allanngorsimasoq. Taamaattumik Manasse isumakkeerfigeqqummat qinnutaa tusarpaa kunnginngorteqqillugulu. Manassellu ilumoorluni peqqissiminini sapinngisaminik ersersinniarsaraa. Qanoq iliorpa? Akabi assiginagu pissusilersornini allanngortippaa. Guutipilussiorneq tunuppaa Judamiullu Jehovamik guutisiornissaannik kajumissaarlugit. (2 Nalunaarsuutit 33:15, 16 atuakkit). Manasse taamaaliussaguni sapiissuseqarlunilu uppersuseqartariaqarpoq, ukiorpassuarnimi ilaquttaminut, naalagartaminut innuttaminullu maligassiuinerluttuusimavoq. Iliuuserisimasamili ajortut kingunipilui utoqqaligami iluarsiniarsarai. Manasse ernuttaminut Josijamut maligassiuilluarsimassaaq, Josijami kunngiuvoq ajunngitsoq. – 2 Kng 22:1, 2.
12. Peqqissiminermut tunngatillugu Manassep inuuneranit suna paasivarput?
12 Manasse qanoq ilinniarfigisinnaavarput? Manasse maniguutiliinnanngilaq, aammali kimigiiserluni qinunermigut nallittoqquvoq. Aamma pissusilersornini allanngortippaa iliuuserisimasamilu kingunipilui ilungersorluni iluarsiniarsaralugit. Tamatuma saniatigut Jehovamik pallorfiginninnissani aalajangiusimavaa allallu taamaaliornissaannut ikiorlugit. Manassep misigisaa ajornerpaamik ajortuliorsimasunut allaat neriuutissiivoq, tamatumanimi paasivarput Jehova Guuti ‘ajunngitsuusoq isumakkeerfiginnikkumasarlunilu’. Tuss 86:5) Aap, ilumoorlutik peqqissimisut isumakkeerfigineqarsinnaapput.
(13. Peqqissiminermut tunngatillugu pingaarutilik suna ilikkarparput? Assersuuteqarit.
13 Manassep ajortuliani ajuusaarutigiinnanngilai. Tamanna peqqissiminermut tunngatillugu pingaarutilimmik ilinniarfigaarput. Qanoq? Assersuuteqariarta: Takorlooriaruk kaagisiniartutit. Pisiniartitsisup kaagimik tuninak mannimmik tunivaatit, oqarluni mannik kaagip akuisa pingaarnerit ilagigaat. Tamanna naammagissagaluarpiuk? Soorunami naamik! Ilumoorluni peqqissiminermut tunngatillugu aamma taamaappoq. Ajortuliorsimasup peqqissiminissaa Jehovap piumasaraa. Ajortuliorsimasulli ajortuliaminik ajuusaarutiginninnera ajunngikkaluartoq naammanngilaq. Ilumoorluni peqqissimiguni aamma allatut iliuuseqartariaqarpoq. Qanoq? Tassunga tunngatillugu Jiisusip assersuusiaa killitsinnaqisoq ilinniarfigilluarsinnaavarput.
ILUMOORLUNI PEQQISSIMINEQ
Erneq tammaraluartoq aalajangiinerlunnerminik paasinnikkami ungasissumiit angerlarpoq (Immikkoortut 14-15 takukkit) *
14. Jiisusip assersuusiaani erneq tammaraluartoq peqqissimilernerminik aallaqqaammut qanoq ersersitsiva?
14 Erneq tammaraluartoq pillugu Jiisusip oqaluttuaa killitsinnaqisoq Lukasi 15:11-32 atuarneqarsinnaavoq. Tassani oqaluttuarineqarpoq angut inuusuttoq ataataminut pikitsitsilluni ‘nunamut ungasissumut aallartoq’ inuunerlulertorlu. Ajornartorsiuleramili aalajangiinerlussimanini eqqarsaatigisalerpaa, paasivaalu ataatani najorallaramiuk atugarissaangaarsimalluni. Jiisusip oqarneratut “silattuaqilerpoq”. Aalajangerpoq uterluni ataataminut isumakkeerfigeqqujartorniarluni. Ernerup taassuma aalajangiinerlussimanerminik paasinninnera pingaaruteqarpoq. Naammappali? Naamik. Aamma pissusilersornerminik allannguisariaqarpoq.
15. Ernerup tammaraluartup ilumoorluni peqqissiminera qanoq erserpa?
15 Qanoq erserpa erneq tammaraluartoq ilumoorluni peqqissimisoq? Sivisuumik angalasariaqaraluarluni angerlarpoq, apuukkamilu ataatani ima oqarfigaa: “Qilammut ilinnullu ajortuliorpunga. Ernernik taaneqassallunga qinngaqqutilerpunga.” (Luk 15:21) Tassa kukkusimanerminik nassuerutiginninnermigut ersersippaa Jehovamut qanilleqqikkusulluni. Nalunnginnamiullu ataatani aliasutsissimallugu taassumunnga attaveqarnermi aaqqinnissaanut ilungersorusuppoq. Allaallumi ataataminit kiffartortuinnartut isigineqarnissani piareersimaffigaa. (Luk 15:19) Oqaluttuaq taanna ilinniarfissaalluarpoq. Ingasattumik ajortuliorsimasoq ilumoorluni peqqissiminersoq paasiniarumallugu utoqqaanertat oqaluttuaq taanna iluaqutigisinnaavaat.
16. Sooq ajortuliorsimasoq ilumoorluni peqqissiminersoq utoqqaanertat nalileruminaatsissinnaavaat?
16 Ingasattumik ajortuliorsimasoq ilumoorluni peqqissiminersoq utoqqaanertat nalileruminaatsissinnaavaat.
Sooq? Inuup eqqarsaatai takusinnaannginnamikkit peqqissiminermut takussutissanik ujartuisarput. Aamma inuk maajunnangaartumik iliorsimappat utoqqaanertat ajortuliorsimasoq ilumoorluni peqqissiminersoq paasisinnaanngilaat.17. (a) Assersuuteqarnikkut nassuiaruk sooq ajuusaaginnarneq ilumoorluni peqqissiminermut ersiutaanngitsoq. (b) Korinthimiunut allakkat aappaat 7:11 naapertorlugu ilumoorluni peqqissimisoq susariaqarpa?
17 Assersuuteqariarta. Qatanngut ukiorpassuarni kinguaassiuutitigut inuunerluppoq. Ikiortissarsiornani tamanna nuliaminut, ikinngutiminut utoqqaanertanullu isertuuppaa. Naggataatigulli paasisaavoq, utoqqaanertallu uppernarsaatinik saqqummiussaqarmata nassuerpoq ajuusaangaalerlunilu. Tamanna ilumoorluni peqqissimineranut ersiutaava? Naamik, aalajangiinerlunnermigut ataasiaannarluni ajortuliunngilaq. Paarlattuanik ajortuliortarnini ukiorpassuarni ingerlatiinnarpaa. Aamma utoqqaanertanut nassuerniarluni iliuuseqanngilaq, paasisaavorli. Taamaattumik ajortuliorsimasup eqqarsartaatsiminik, misigissutsiminik pissusilersornerminillu ilumoorluni allannguineranik utoqqaanertat takussutissaqaqqaartariaqarput. (2 Korinthimiut 7:11 atuaruk). Ingasattumik ajortuliorsimasoq ilumoorluni peqqissiminerminik sivisuumik uppernarsaaniartariaqarsinnaavoq. Ilimanarporlu ilagiinnit ilaajunnaarsitaagallassasoq. – 1 Kor 5:11-13; 6:9, 10.
18. Ilaajunnaarsitaasimasup ilumoorluni peqqissiminini qanoq ersersissinnaavaa, qanorlu kinguneqassava?
18 Ilaajunnaarsitaasimasoq ilumoorluni peqqissiminerminik ersersitsiumalluni ataatsimiinnerni najuunneq ileqquliuttariaqarpaa utoqqaanertallu siunnersuinerattut Biibilimik misissuillunilu qinukulasariaqarluni. Aamma ajortulioqqinnissamut ussernartuusinnaasut sapinngisaminik ingalassimasariaqarpai. Jehovamut attaveqarlualeqqinnissani ilungersuutigiguniuk qularinngissinnaavaa Jehovamit isumakkeerfigineqarumaarluni ilagiinnullu ilaaleqqinnissamut utoqqaanertanit ikiorneqarumaarluni. Soorunami inummiit inummut pissutsit assigiinneq ajorput. Taamaattumik utoqqaanertat paasiniaraangamikku ajortuliortoq ilumoorluni peqqissiminersoq misissueqqissaartarput, sakkortuallaamillu eqqartuussinaveersaartarput.
19. Ilumoorluni peqqissimisoq susariaqarpa? (Ezekieli 33:14-16)
19 Sammeriikkatsitut ingasattumik ajortuliorsimasup ajuusaarnera kisimi ilumoorluni peqqissimineranut ersiutaanngilaq. Peqqissimisoq eqqarsaatiminik misigissutsiminillu allannguisariaqarpoq. Ileqquliussimasani ajortoq unitsittariaqarpaa Jehovallu najoqqutassiaanik Ezekieli 33:14-16 atuakkit). Ajortuliorsimasup Jehovamut attaveqarlualeqqinnissani pingaarnerpaatittariaqarpaa.
maleruaaqqilerluni. (AJORTULIORSIMASUT QANOQ IKIORNEQARSINNAASUT
20-21. Ingasattumik ajortuliorsimasoq qanoq ikiorsinnaavarput?
20 Jiisusi kiffartornini pillugu pingaarutilimmik ima oqaaseqarpoq: ‘Tikiuppunga ajortuliortut allamik isumataaqqullugit.’ (Luk 5:32) Uaguttaaq ajortuliorsimasut allamik isumataarnissaat kissaatigaarput. Taavami qanigisarput ingasattumik ajortuliorsimappat qanoq iliussaagut?
21 Ajortuliaa isertorutsigu taassuma ajoqutigiinnassavaa. Aamma Jehova sunik tamanik takunnissinnaammat isertorfigineqarsinnaanngilaq. (Uss 5:21, 22; 28:13) Ajortuliorsimasoq ikiorusukkukku utoqqaanertanut saaffiginneqqusinnaavat, utoqqaanertammi ikiorusuppaat. Nammineerlunili utoqqaanertanut nassuerumanngippat illit utoqqaanertanut oqartariaqassaatit. Tamanna pingaaruteqarpoq, ikiorneqanngikkunimi Jehovamut ikinngutaajunnaarsinnaavoq!
22. Allaaserisami tulliuttumi suna sammineqassava?
22 Taavami utoqqaanertat aalajangiippata inuk ingasattumik ajortuliorsimasoq ilaajunnaarsitaassasoq? Isumaqarpa utoqqaanertat nallittuinngitsut? Jehovap ajortuliortunik perorsaanermini nallittuinera uagullu qanoq ilaarsinnaagipput allaaserisami tulliuttumi sammissavarput.
ERINARSUUT 103 Paarsisut ilagiinnut tunissutaapput
^ par. 5 Ajortuliorsimasoq ilumoorluni peqqissimisoq ajuusaaginnarnani iliuuseqartarpoq. Tamanna paasilluarumallugu kunnginik Akabimik Manassemillu oqaluttuat kiisalu Jiisusip erneq tammaraluartoq pillugu assersuusiaa allaaserisami matumani sammissavagut. Aamma utoqqaanertat qatanngutip ingasattumik ajortuliorsimasup ilumoorluni peqqissimineranik naliliiniarnerminni eqqarsaatigisariaqagaat sammineqassapput.
^ par. 60 ASSIMI MALUGISASSAT: Kunngi Akabi kamalluni Jehovap pruffiitia Mika parnaarussaateqquaa.
^ par. 62 ASSIMI MALUGISASSAT: Kunngip Mannassep sulisuni peqquai napasut guutipilussiornermut atorneqartartut naalaffimmi napparnikuusani nungutinneqassasut.
^ par. 64 ASSIMI MALUGISASSAT: Erneq tammaraluartoq sivisuumik angalareerluni ataatami illua ungasianiit takugamiuk oqiliallattoq.