1-2. Éíhab dóó Manáseh haʼátʼíí yee ałʼąą átʼéé ńtʼééʼ? Áádóó haʼátʼíí naʼídíkid shı̨́ı̨́ baa nídadíitʼįįł?

NAAKIGO ałkʼidą́ą́ʼ aláahgo naatʼáanii nilı̨́ı̨́ ńtʼéeʼgo baa nídadíitʼįįł. Łaʼ éí Ízreljí 10go dineʼé yikʼi hooʼááł. Łahjiígíí Júdahjí 2go dineʼé yikʼi hooʼááł. Doo tʼáá ahąąh hoolzhishgo jiináa da ńtʼéeʼ ndi, ląʼígóó tʼáá ahehoołtʼéego ájíítʼįįd. Jiihóvah doo bikʼeh hojííłʼįįd da áádóó bidineʼé bąąhági ádaaníiłgo ájííłʼįįd. Diyin dabidiʼníinii worship ájííłʼįįd áádóó niʼjistseed. Ákótʼée ndi, ałʼąą ájítʼé. Łaʼígíí éí tʼáá bąąhági ájooníiłgo ahóyííłką́. Łaʼígíí éí repent ádzaago doo daaldinii ájíítʼįįd yę́ę há yóóʼanídootʼą́. Díí háí ájítʼı̨́ı̨́ ńtʼééʼ?

² Éí Ízreljí binaatʼáanii Éíhab índa Júdahjí binaatʼáanii Manáseh. Ałʼąą ájítʼéé ńtʼéeʼgi repent tsʼídá óolyéegi bitsʼą́ą́dóó íhooʼaah. (Acts 17:30; Rom. 3:23) Repent haʼátʼíí óolyé áádóó haitʼéego éí tʼáá aaníí ííshjání ázhdoolííł? Díí nihił bééhózin doo, háálá bąąhági íidzaagoda Jiihóvah nihá yóóʼanéididooʼááł daniidzin. Naakigo aláahgo naatʼáanii beʼiinaʼ yiníłtʼiʼgi áádóó áátʼįįdgi díí naʼídíkid bitsʼą́ą́dóó bídahwiidiilʼáałgi hazhóʼó dadíníilʼįįł. Áádóó Jesus éí repent íiyisíí óolyéegi yee naʼneeztą́ąʼgi ałdóʼ baa nídadíitʼįįł.

3. Éíhab éí haitʼéego naatʼáanii jílı̨́ı̨́ ńtʼééʼ?

³ Éíhab éí tsostsʼid góneʼ Ízreljí 10go dineʼé yikʼi hooʼááł ńtʼééʼ. Náhookǫsjigo kin dah shijaaʼ Sáidandóó naatʼáanii bitsiʼ Jézebel jizyeh. Díí jizyehgo binahjįʼ Ízrel  ayóó átʼéego daʼjitʼı̨́į dooleełgo há bohónéedzą́ silı̨́ı̨́ʼ. Ndi tʼóó tséʼádin Ízrel dineʼé Jiihóvah bikʼijįʼ nidaʼiisíihgo ájiilaa. Háálá Jézebel éí Béíyal worship ajíłʼı̨́ áádóó díí tʼóó baaʼihgo worship ádaʼalʼínígíí Éíhab ni ałdóʼ atah íʼíłʼı̨́ bijiní. Éí prostitution índa áłchíní náádajiiłniihgo baa jookah. Jézebel queen jílı̨́įgo tʼáá ałtso Jiihóvah bá dahalneʼé danílíinii doo bá yáʼátʼéeh da silı̨́ı̨́ʼ. Éí Jézebel tʼóó ahayóí neestseed. (1 Ki. 18:13) Éíhab éí Jiihóvah binááł “doo yáʼáshóonii baa nijiyá, halą́ąjįʼ naatʼáanii danilı̨́ı̨́ nítʼéʼígíí éí tʼáá ałtso dabiláhígo ájíítʼįįd.” (1 Ki. 16:30) Éíhab dóó Jézebel kótʼéego baa jooʼashgo Jiihóvah tʼáá ałtsojįʼ yaa ákonízin. Ndi Jiihóvah aa aʼááh niizı̨́įʼgo Iiláíjah éí Ízrel dineʼé bíká anílyeed biłníigo abííłʼaʼ. Ndi, Éíhab dóó Jézebel doo hwíistsʼą́ąʼ da.

4. Éíhab éí haitʼéego há nihootʼą́ áádóó bikʼéí haajiidzaa?

⁴ Díí baa jooʼashígíí Jiihóvah éí kʼadí yeeʼ niizı̨́ı̨́ʼ. Iiláíjah éí Éíhab dóó Jézebel kótʼéego há nihodeeshʼááł, éí hatsʼą́ą́dóó dahodeezlı̨́ʼígíí ałtso ádooldįįł bididííniił, hoʼdooʼniid. Éíhab kóhodooʼniidgo ayóó átʼéego bąąh yínííł jizlı̨́ı̨́ʼ! Ádeijódlí yę́ę ‘ayáhígo ázhʼdiilyaa.’—1 Ki. 21:19-29.

5-6. Haitʼéego nihił béédahózingo Éíhab éí tʼáadoo repent ádzaa da?

⁵ Éíhab éí kóhodooʼniidgo ayáhígo ázhʼdiilyaa ndi, bikééʼdóó ánáájíítʼįįdígíí bee bééhózingo doo tʼáá aaníí repent ázhʼdiilyaa da. Béíyal worship álʼı̨́įgi tʼáadoo nahjįʼ kójiilaa da. Jiihóvah worship ádaałʼı̨́ tʼáadoo jidííniid da. Náánáłahjí baa joogáłígíí bee bééhózingo tʼáadoo repent ájiidzaa da.

⁶ Tʼahádóó Éíhab éí Júdahdóó yáʼátʼéehgo naatʼáanii nilíinii Jiiháshafat Síriya bikʼiidiijah yidííniid. Jiiháshafat éí Jiihóvah bá halneʼé áłtsé łaʼ bił dahodiilnih ní. Éíhab áłtsé doo bił yáʼátʼéeh dago ání: “Diné łaʼ tʼah yidziih, . . . éí shı̨́ı̨́ hwee [Jiihóvah] nabídídíilkił, nidi éí jooshłá, háálá yáʼátʼéehii doo shídéétʼiʼgóó tʼéí shaa halneʼ, nidi doo yáʼáshóonii tʼéiyá yee shaa halneʼ.” Ákójiníi ndi, Jiihóvah yá halneʼé Maikéíyah bił dahojoolneʼ, éí tʼáá aaníí doo yáʼátʼééhgóó há chʼihooníʼą́. Éíhab éí shá yóóʼanídíʼaah Jiihóvah tʼáadoo bizhdííniid da, dóó tʼáadoo repent ájiidzaa da. Ndi Jiihóvah yá halneʼé tʼóó awáalya ajííłtʼeʼ. (1 Ki. 22:7-9, 23, 27) Azhą́ ákójiilaa ndi, doo yáʼátʼééhgóó há chʼíhootʼánę́ęgi tʼáadoo nahjįʼ kódzaa da. Daʼahijigą́ągi Éíhab biʼdiisyı̨́.—1 Ki. 22:34-38.

7. Éíhab daaztsą́ą́dóó bikʼijįʼ Jiihóvah haitʼéego hąą tsídeezkééz?

⁷ Éíhab daaztsą́ą́dóó bikʼijįʼ Jiihóvah éí haa nitsíkeesígi ííshjání áyiilaa. Yáʼátʼéehgo Naatʼáanii Jiiháshafat éí tʼáadoo átʼéhígóó hooghangi nádzáago éí haʼátʼíí biniyé Éíhab bíká ajoolwodgi Jiihóvah éí Jííhu hachʼįʼ ayííłʼaʼ. Jiihóvah yá halneʼé áháłní: “Daʼ doo diyin kʼehgo dahináaniísh bíká anánílwoʼ áádóó [Jiihóvah] deijoołáhígíísh ayóóʼííníʼní?” (2 Chron. 19:1, 2) Díí baa nitsíníkees: Éíhab éí tʼáá aaníí repent ájiidzaago doo yáʼátʼéehii jílı̨́įgo Jiihóvah jijoołá, doo hodóʼníi da doo ńtʼééʼ. Éíhab baaʼihígi ájíítʼįįdgi bąąh hániʼ shı̨́į ndi, tʼáá aaníigo tʼáadoo repent ájiidzaa da.

8. Éíhab áátʼįįdgi repent éí haʼátʼíí bitsʼą́ą́dóó íhooʼaah?

⁸ Éíhab éí haʼátʼíí bitsʼą́ą́dóó bóhooʼaah? Iiláíjah éí Éíhab bitsʼą́ą́dóó dahodzizlı̨́ʼígíí ádooldįįł bidííniidgo éí ayáhígo áʼdiilyaa. Díí éí yáʼátʼéhígi ájiidzaa. Ndi, bikééʼdóó  ájíítʼįįdígíí bee bééhózingo doo éí tʼáá aaníígóó repent ájiidzaa da. Áko tʼáá aaníí repent ájiitʼįįhgo éí doo tʼóó bąąh hániʼ da. Kʼad éí Manáseh bitsʼą́ą́dóó ínáádahwiidiilʼááł áádóó éí repent tsʼídá íiyisíí óolyéegi bitsʼą́ą́dóó ídahwiidiilʼááł.

9. Manáseh éí haitʼéhígíí naatʼáanii nilı̨́ı̨́ ńtʼééʼ?

⁹ Naakidi neeznádiindóó nááhai bikʼijįʼ daatsʼí Manáseh éí Júdahdóó naatʼáanii silı̨́ı̨́ʼ. Éí Éíhab yiláhídi doo yáʼáshóonii yaa naayá. Diyin Bizaad ání: “Tʼáá íiyisí doo yáʼádaashóonii éí [Jiihóvah] yinááł yaa naagháago yee yáhóółchįįd.” (2 Chron. 33:1-9) Éí diyin dabidiʼníinii bá altars ádayiilaa. Éʼélyaaii ałdóʼ łaʼ asdzánígo diyin átʼéego bee yaʼiiʼáago áyiilaa. Bééhózinígo éí Jiihóvah bitemple góneʼ yiyiisįʼ. Magic, divination, índa sorcery yaa naayá. Áádóó “baʼátʼeʼ ádaadinii tʼóó ahayóigo neistseedgo bidił dadeeznaʼ.” Diné tsʼídá tʼóó ahayóí neistseed índa tʼáá bí baʼáłchíní didlidgo nááyiisniiʼ.—2 Ki. 21:6, 7, 10, 11, 16.

10. Jiihóvah éí Manáseh haitʼéego yichʼįʼ haadzííʼ, áádóó díí naatʼáanii yikʼee haidzaa?

¹⁰ Manáseh éí Éíhab nahalingo Jiihóvah kótʼéego chʼééh hałníigo doo baa naa áhozhdilʼı̨́į da ńtʼééʼ. Jiihóvah éí “Asíriya dineʼé aláahgo binanitʼaʼí bisiláo yinanitʼaʼí danilíinii hachʼįʼ yiʼníłniiʼgo béésh adishahí yee Manáseh dayiiłtsood áádóó béésh daʼahólzhaʼí yee yidaʼaztłʼǫ́ǫgo Bábilandi yił daaskai.” Áko Bábilandi awáalya jizdáago Manáseh éí baa nijiyáii hazhóʼó baa nitsízdeezkééz. Éí ‘dahazhéʼé yę́ę biDiyin God bidááhdóó tʼáá íiyisíí aʼohgo ízhʼdiilyaa.’ Ndi doo tʼáá éí tʼéí ájiidzaa da, éí Diyin ‘bichʼįʼ sozdilzingi’ doo neʼ ájíléeh da. Tsʼídá bąąhági átʼéii yaa naayáii hashtʼeʼ tsíńdeezkééz. Jiihóvah “haDiyin” átʼéego baa ákozhniizı̨́ı̨́ʼ áádóó yéigo bichʼįʼ sozdilzingo baa nízhdiidzá.—2 Chron. 33:10-13.

11. 2 Chronicles 33:15, 16 bikʼehgo Manáseh éí haitʼéego tʼáá aaníí repent ádzaa ní?

¹¹ Jiihóvah éí Manáseh bisodizin yidiiztsʼą́ą́ʼ. Éí yíká sodoolzinii binahjįʼ bee bééhózingo Manáseh hashtʼeʼ nitsínáníkééz. Manáseh náhookąąhgo doo yáʼátʼéehii áátʼįįd yę́ęgi yá yóóʼánéidiyiizʼą́ áádóó aláahgo naatʼáanii nilı̨́įgo ánáyiidlaa. Éíhab tʼáadoo ádzaaígi átʼéego Manáseh éí tʼáá aaníí repent ádzaagi bééhózinígo áyiilaa. Baa joogáałii hashtʼééjiidlaa. False worship bikʼijįʼ nijishnish. Áádóó hodineʼé Jiihóvah worship ádaałʼı̨́ bizhdííniid. (2 Chronicles 33:15, 16 yíníłtaʼ.) Kójíníigo tʼáá bikʼeʼíyééʼ índa joodlą́ą dooleeł. Háálá tʼah doo repent ájínéhę́ędą́ą́ʼ éí haghan hazʼą́ą́dóó índa hodineʼé binááł baaʼihii baa joogáałgo ląʼí nááhai. Hajistihgo  índa tʼóó baaʼihii baa nijiyáhą́ą hashtʼééjiidlaa. Áko hanálí Josáíyah binááł yáʼátʼéehii ájíítʼįįd, éí tʼahádóó yáʼátʼéehii naatʼáanii silı̨́ı̨́ʼ.—2 Ki. 22:1, 2.

12. Manáseh áátʼįįdgi haʼátʼíí bitsʼą́ą́dóó bóhooʼaah?

¹² Manáseh áátʼįįdgi haʼátʼíí bitsʼą́ą́dóó bóhooʼaah? Aʼohgo ázhʼdiilyaa. Áádóó yéigo náʼookąąhgo sodoolzin índa hashtʼeʼninádzá. Bąąhági átʼéii yee atíʼiilaa yę́ę hashtʼééyiidlaa áádóó Jiihóvah worship áshʼı̨́į doo niizı̨́ı̨́ʼ índa náánáłahjįʼ ałdóʼ ákódaatʼée dooleełgo yee yíká aalwod. Díí binahjįʼ íhooʼaahgo éí tsʼídá aláhídi átʼéego bąąhági ádzaii bá ił chohooʼı̨́įgo átʼé. Jiihóvah éí ‘yáʼátʼéehii índa á yóóʼánéidiiyiiʼaahii nilı̨́įgi’ ííshjání ályaa. (Ps. 86:5) Tʼáá aaníí repent ádzaii bá yóóʼanídidootʼáałgo átʼé.

13. Repent áʼdeeshłííł jinízingo haʼátʼíí binahjįʼ íhooʼaah?

¹³ Manáseh éí bąąhági ádzaagi doo tʼóó yąąh bíniʼ da ńtʼééʼ. Éí tʼáá aaníí repent ázhdooníiłgi yee naʼnitin. Díí baa nitsíníkees: Bááh ádaalneʼgóó yiníyáago cake łaʼ yíníkeed, ndi baa naʼiiniihii éí ayęęzhii néiníʼą́. Díí doo baa nił hózhǫ́ǫ da doo. Ayęęzhii éí cake bił ályaa shı̨́į ndi, doo éí éii yíníkeed da. Cake tʼáá siʼą́ą́ ńtʼééʼ yíníkeed. Tʼáá ákótʼé Jiihóvah éí bąąhági ádaaníiłii repent ádooníiłgi yíyókeed. Łaʼda bąąhági ááníiłii yąąh bíniʼgo éí yáʼátʼééh, kótʼéego baa hániʼgo éí repent bił nítʼiʼ. Ndi doo tʼáá ałtsojįʼ repent ájiidzaa da doo. Áko haʼátʼíí ałdóʼ ázhdoonííł? Jesus éí haneʼ binahjįʼ naʼnitinii áyiilaa yę́ę bitsʼą́ą́dóó íhooʼaah.

14. Jesus éí ayeʼ doo akʼeh hóółʼįįdii yá halneʼ yę́ę haitʼéego áłtsé repent ádzaa?

¹⁴ Luke 15:11-32gi Jesus éí ayeʼ bizhéʼé doo yikʼeh hółʼı̨́ı̨́góó hooghandóó dah diiyá, níigo yaa halneʼ. Éí “kéyah nízaad léiʼgóó” ajííyá. Áadi tsiʼnjigháá ńtʼééʼ. Yéigo hachʼįʼ hodiisʼnáaʼgo hazhóʼó tsízdeezkééz. Hazhéʼé tʼah bił haghan yę́ędą́ą́ʼ éí yáʼátʼéehgo joogááł ńtʼéeʼgo bééjoolniiʼ. Jesus ání, ‘Ájítʼéii bee ádééjoolniiʼ.’ Hooghangóó nídeeshdááł áádóó shizhéʼé forgive áshidoolííł jiniizı̨́ı̨́ʼ. Ayeʼ jílínígíí tsʼídá yéigo ajisiihgi bee ádaa ákozhniizı̨́įʼgo há yáʼátʼééh, ndi doo tʼáá ákódí da. Éí baa nijigháhígíí bitsʼą́ąjįʼ dashdidoogááł.

15. Ayeʼ baa haneʼígíí haitʼéego tʼáá aaníí repent ádzaa?

¹⁵ Díí ayeʼ áátʼįįdgi tʼáá aaníí repent ádzaago baa haneʼ. Éí ayóó nizaagóó hooghangóó dah nídiidzá. Hazhéʼé baa níjídzáago ábijíní: “Shizhéʼé, yáʼąąshii bichʼįʼ índa ni nichʼįʼ bąąhági ásdzaa, náásgóó niyeʼgo nááshiʼdójíi dooígíí doo bą́ą́h nishłı̨́į da sélı̨́ı̨́ʼ.” (Luke 15:21) Díí  dinééh yéigo náʼoozkango binahjįʼ bee bééhózingo éí Jiihóvah yił kʼéʼahidiʼníigi hashtʼéédeeshdlííł nízin. Doo yáʼáshóonii yaa naayáhígíí bizhéʼé yee atíyiilaa lágo yaa ákoniizı̨́ı̨́ʼ. Áko shizhéʼé hazhóʼó bił kʼé naʼáhidideeshniił jinízin. Ákózhdooníiłgo éí hazhéʼé bá ndaalʼaʼígíigi átʼéego bá naashʼaʼ doo jiniizı̨́ı̨́ʼ! (Luke 15:19) Łaʼda tʼáá yéigo asiihgoda tʼáá aaníí daatsʼí repent ádzaagi díí haneʼígíí elders bíká adoolwoł.

16. Elders éí łaʼda tʼáá aaníí repent ádzaagi dahwiidoodląąłgi haʼátʼíí biniinaa bá nidantłʼa?

¹⁶ Łaʼda tʼáá yéigo asiihgo áádóó tʼáá daatsʼí aaníí repent ádzaagi éí elders bił béédahózin dooleełgi tʼáá bá nidantłʼa. Háálá elders éí łaʼda tsʼídá nitsíkeesígi doo bił béédahózin da. Áko łaʼda bąąhági ádzaaígíí yijoołá silı̨́įʼgo bee baa ákódazhnízin doo. Ndi łahda, łaʼda tsʼídá yéigo doo yáʼátʼéhígi ádzaago éí tʼáá aaníí daatsʼí repent nízingo nitsékeesgi elders dahwiidoodląąłgi bá nidantłʼa łeh.

17. (a) Łaʼda tʼáá aaníí repent ádzaago azhą́ yąąh bíniʼ ndi, haʼátʼíí binahjįʼ íhooʼaah? (b) Matthew 3:8 éí tʼáá aaníí repent íʼdiishyaa nínígíí haʼátʼíí bee bééhózingo ííłʼı̨́?

¹⁷ Brother éí adiléego ląʼí nááhai. Shíká aʼdoowoł doo nízingo nitsíkees da. Ndi beʼasdzą́ą́, bikʼis, índa elders yitsʼąą neiniłʼin. Ájiidzaaígíí elders bił béédahózin. Éí adilyé baa nijigháhígíí tʼáá aaníí íínítʼįįdgo nihił béédahózin dahałní áádóó tʼáá aaníí áshtʼı̨́ jiní. Éí bąąh hániʼígi ázhnoolin. Ákoósh ákozhnoolingi repent ázhʼdiilyaa? Ndagaʼ. Tʼóó bąąh hániʼígi ázhnoolingo doo hoʼdoodlą́ą da. Doo tʼááłáhídi bąąhági ájiidzaa da, ndi baa joogáałgo ląʼí nááhai. Doo ndi bee ádaa hojilneʼ da. Ndi dahwiiłtsánígíí elders yee yił dahoolneʼ. Áko elders éí bąąhági ájiidzaaígíí nitsíjíkeesgi índa ájooníiłgi tʼáá daatsʼí aaníí bee hashtʼeʼninájídzáagi bee baa ákodazhdínóozįįł. Áádóó Jiihóvah yéigo bee atíjiilaagi daatsʼí ałdóʼ yéigo bąąh hániʼ. (Matthew 3:8 yíníłtaʼ.) Kójíítʼįįdgi hashtʼeʼnínázhdoodáałgi éí tʼáá nidzaa nihodoolzhishgoda átʼé. Áko bééhózinígo éí congregationdóó nahjįʼ hahodiʼdooltʼeeł.—1 Cor. 5:11-13; 6:9, 10.

18. Disfellowship ályaaígíí tʼáá aaníí repent ádeeshnííł nízingo haitʼéego ííshjání ííłʼı̨́į łeh áádóó haitʼéego bíká eʼewoʼ?

¹⁸ Disfellowship ályaaígíí tʼáá aaníí repent ájiidzaago éí áłah náʼádleehgi tʼáá ahą́ą́h níjídáah doo. Elders tʼáá ahą́ą́h sodilzin dóó Diyin Bizaad baa íhoołʼaah dahałníigi bikʼehgóó ájítʼée doo. Índa doo yáʼáshóonii ájíítʼįįdígíí biniinaa ákonáázhdooʼníiłgi yéigo bitsʼąą ájítʼée doo. Jiihóvah bił kʼéʼahizhdiʼníigi hashtʼééjidléehgo baa nijigháago éí Jiihóvah  forgive áhodoolííł. Congregation bitahdóó nááhojídlǫ́ǫ dooleełgo elders yee áká adoojah. Elders éí łaʼda tʼáá aaníí daatsʼí repent áʼdílnééh danízingo éí doo tʼáá aheełtʼéego yaa nitsídaakees da. Índa doo tʼáá naʼníleʼdii yee aa nídaatʼı̨́į da.

19. Tʼáá aaníí repent ájiidzaago haitʼéego ííshjání ázhdoolííł? (Ezekiel 33:14-16)

¹⁹ Bídahwiilʼą́ąʼgo éí tʼáá yéigo bąąhági ájiidzaago tʼóó bąąh hániʼgo éí doo bíighah da. Éí hazhóʼó hashtʼeʼnitsínázhdookos áádóó tʼáá aaníí repent ájiidzaago ííshjání ájósin doo. Éí doo yáʼádaashóonii baa nijigháii neʼ ázhdoolííł áádóó Jiihóvah bikʼeh hojíłʼı̨́į doo. (Ezekiel 33:14-16 yíníłtaʼ.) Jiihóvah bił kʼéʼahizhdiʼníigi jííłchxǫʼígíí íiyisíí hashtʼéézhdoodlííł.

20-21. Łaʼda tʼáá yéigo asiihgo haitʼéego bíká adiilwoł?

²⁰ Jesus éí nahasneʼ yę́ęgi díí ałdóʼ bił nítʼiʼgo áyiilaago yaa haadzííʼ. Éí ání: “Bąąhági ádaaníiłii, . . . nihibąąhági átʼéii bitsʼáhóhkááh, bidideeshniił biniyé níyá.” (Luke 5:32) Nihídóʼ tʼáá ákwíí niidzin doo. Yéigo nihikʼis nilı̨́įgo tʼáá yéigo bąąhági ádzaago haitʼéego bíká adiilwoł?

²¹ Nihikʼis doo bíká iilyeedgóogo éí bąąhági ádzaagi tʼóó bá naniilʼingo bee atídiilnííł. Doo tʼóó bá jidínóołʼįįł da. Háálá Jiihóvah tʼáá íídą́ą́ʼ hoołtsą́. (Prov. 5:21, 22; 28:13) Nikʼis bíká adiilwołgo éí elders níká adoojahgo átʼé, bididííniił. Doo íinízingóogo éí tʼáá ni elders bił hodiilnih. Háálá éí binahjįʼ nikʼis bíká adeeshwoł nínízin. Jiihóvah yił kʼéʼahidiʼníigi tsʼídá yéigo yąąh dahwiidoołʼaał!

22. Haʼátʼíí díí bikéédóó baa nínáádadíitʼįįł?

²² Ákoshąʼ bąąhági ááníiłii tʼáá íiyisíí yéigo bąąhági áániiłgo nidzaago nihoolzhiizhgo áádóó éí elders disfellowship ádoolnííł dadííniidgoshąʼ? Éísh elders doo dajoobaʼgo ádaatʼı̨́? Díí bikéédóó baa nínáádadíitʼįįłígíí éí Jiihóvah bibee ajoobaʼ yee bąąhági ádaaníiłii yichʼįʼ hashké niidzįįhgi áádóó haitʼéego éí beʼiilʼı̨́į doo.