1. indraikku niraiya makkal ēn kulambippōgiraargal?

 kristhava madhatthil indraikku ēgappatta pirivugal irukkindrana. avatril irukkira ellaarumē, ‘naanga kadavulukku pidicha maadhiridhaan avara vanangarōm’ endru solgiraargal. adhanaal, makkal kulambippōgiraargal. ‘ellaa madhangalayum kadavul ētthukkiraaraa, illa orē madhatthadhaan ētthukkiraaraa?’ endru yōsikkiraargal. indha sūlnilaiyil, oru yegōvaavin saatchiyaaga naam sollikkoduppadhudhaan satthiyam enbadhaiyum, naam avarai vanangugira vidhamdhaan sariyaanadhu enbadhaiyum urudhiyaaga nambugirōmaa? appadippatta urudhiyaana nambikkaiyōdu nammaal irukka mudiyumaa? ippōdhu sila aadhaarangalai paarkkalaam.

2. thaan nambuvadhu satthiyamdhaan enbadhil pavul ēn urudhiyaaga irundhaar? (1 thesalōnikkēyar 1:5)

² thaan nambuvadhu satthiyamdhaan enbadhil appōsthalan pavul urudhiyaaga irundhaar. (1 thesalōnikkēyar 1:5-ai vaasiyungal.) aanaal, ēdhō unarchivasappattu avar andha mudivukku varavillai. kadavuludaiya vaartthaiyai gavanamaaga paditthaar. “vēdhavasanangal ellaam kadavuludaiya sakthiyin thūndudhalaal kodukkappattirukkindrana” enbadhai avar nambinaar. (2 thī. 3:16) yēsudhaan vaakku kodukkappatta mēsiyaa enbadharku urudhiyaana aadhaarangalai vēdhavasanangalilirundhu avar therindhukondaar. aanaal, andha aadhaarangalaitthaan yūdha madha thalaivargal odhukkitthallinaargal. kadavulai patri katrukkoduppadhaaga avargal sollikkondaargal. aanaal, avargaludaiya seyalgalaal kadavulai niraagaritthaargal. (thīt. 1:16) avargalai pōl vēdhavasanangalil thanakku pidittha vishayangalai mattumē edutthukkondu, pidikkaadha vishayangalai pavul appadiyē vittuvidavillai. “kadavuludaiya nōkkangalil . . . ellaavatraiyum” matravargalukku sonnaar, avarum adhanpadi seidhaar.—ap. 20:27.

3. naam nambuvadhu satthiyamdhaan enbadhil urudhiyaaga iruppadharku kandippaaga ellaa kēlvigalukkum badhil therindhirukka vēndumaa? (“ yegōvaavin seyalgalum yōsanaigalum—‘kanakkil adangaadhavai’” endra pettiyaiyum paarungal.)

 ³ unmai madham endraal ellaa kēlvigalukkum adhil badhil irukka vēndum endrum oruvēlai baibilil adharku badhil illai endraalum, unmai madham thangalukku badhil kodukka vēndum endrum silar ninaikkiraargal. aanaal, adhu edhaartthamaa? appōsthalan pavulin vishayatthai paarkkalaam. ‘ellaavatraiyum sōdhitthu paarkkumpadi’ avar matravargalidam sonnaar. adhē samayatthil, thanakku puriyaadha niraiya vishayangal iruppadhaagavum avar otthukkondaar. (1 the. 5:21) “namakku araikuraiyaana arivudhaan irukkiradhu” endrum “naam ulōga kannaadiyil mangalaaga paarkkirōm” endrum avar sonnaar. (1 ko. 13:9, 12) ellaa vishayangalaiyum pavulaal purindhukolla mudiyavillai, nammaalum mudiyaadhu. aanaal, yegōvaavai patriya adippadai vishayangalai avaraal purindhukolla mudindhadhu. avar nambuvadhu satthiyamdhaan enbadhil urudhiyaaga iruppadharku thēvaiyaana thagavalgalai avar therindhu vaitthirundhaar.

4. naam nambuvadhu satthiyamdhaan enbadhil naam eppadi urudhiyaaga irukkalaam, unmai kristhavargal seigira endha vishayangalai patri ippōdhu paarkkappōgirōm?

⁴ kadavulai eppadi vananga vēndum endru yēsu solli kodutthirukkiraar. avar solli kodutthadhaiyum indraikku yegōvaavin saatchigalaagiya naam eppadi kadavulai vanangugirōm enbadhaiyum oppittu paarkkumpōdhu, naam nambuvadhu satthiyamdhaan enbadhil urudhiyaaga irukkalaam. appadiyendraal, unmai kristhavargal ēn silai valipaadu seivadhillai endrum ēn yegōvaavin peyarukku madhippu sērkkiraargal endrum, satthiyatthai nēsikkiraargal endrum oruvarmēl oruvar aalamaana anbai kaattugiraargal endrum ippōdhu paarkkalaam.

5. kadavulai sariyaana vidhatthil vananguvadhai patri yēsuvidamirundhu enna katrukkolgirōm, naam eppadi adhanpadi seiyalaam?

⁵ yegōvaamēl yēsu alavukadandha anbu vaitthirundhadhaal, avar paralōgatthil irundhapōdhum sari, būmiyil irundhapōdhum sari, yegōvaavai  mattumdhaan vananginaar. (lū. 4:8) avarudaiya sīshargalaiyum adhaitthaan seiya sonnaar. avarum avarukku unmaiyaaga irundha sīshargalum silaigalai vanangavē illai. yegōvaa paralōgatthukkuriya udalil iruppadhaal manidhargal seigira endha silaiyum avarudaiya magimaiyai pradhibalikkavē mudiyaadhu! (ēsaa. 46:5) appadiyendraal, silar punidhargaludaiya silaigalai seidhu adhai vanangugiraargalē, adhu sariyaa? patthu kattalaigalil irandaavadhu kattalai enna solgiradhu endru paarungal. “mēlē vaanatthilō kīlē būmiyilō . . . irukkira edhanudaiya vadivatthilum nīngal uruvangalaiyum silaigalaiyum ungalukkaaga undaakka kūdaadhu. avatrukku munnaal thalaivananga . . . kūdaadhu.” (yaa. 20:4, 5) idhu evvalavu thelivaana oru kattalai. kadavulukku pidittha maadhiri avarai vananga vēndum endru ninaikkiravargal, nichayam idhanpadidhaan seivaargal.

6. kadavulai valipadugira vishayatthil naam yaarai pōl nadandhukolgirōm?

⁶ aaramba kaala kristhavargal kadavulai mattumdhaan vananginaargal ena saritthira vallunargal solgiraargal. udhaaranatthukku, valipaattil uruvangalai payanpadutthugira andha ennatthaiyē aaramba kaala kristhavargal “verutthaargal” endru histari af tha kristiyan charch endra butthagam solgiradhu. aaramba kaala kristhavargalai pōldhaan, indraikku yegōvaavin saatchigalum kadavulai valipadugiraargal. punidhargaludaiya uruvangalukku munbō dhēvathūdhargaludaiya uruvangalukku munbō naam jebam seivadhillai. yēsuvidamkūda naam jebam seivadhillai. naam kodi vanakkam seivadhumillai. oru naattai valipadugira maadhiriyaana endha seyalgalaiyum seivadhillai. enna nadandhaalum sari, “un kadavulaagiya yegōvaavai mattumē vananga vēndum” endru yēsu sonna vaartthaigalukku naam kīlppadigirōm.—mat. 4:10.

7. thangalai kristhavargal endru sollikkollum janangalukkum yegōvaavin saatchigalukkum enna vitthiyaasangal irukkindrana?

⁷ indraikku niraiya pēr prabalamaana charch pōdhagargaludaiya prasangatthai kētpadharku aasaippadugiraargal. sollappōnaal, avargalai kadavul maadhiri paarkkiraargal. andhalavukku avargalai uyartthi vaitthirukkiraargal. avargaludaiya charchugalil pōi kuvigiraargal, avargaludaiya butthagangalai vaangugiraargal. avargalai aadharippadharkaaga ēraalamaana kaanikkaigalai kondupōi kottugiraargal. silar, avargal enna sonnaalum adhai vēdhavaakkaaga edutthukkolgiraargal. oruvēlai, yēsuvē thangalukku munbu vandhu nindraalkūda avvalavu sandhōshappaduvaargalaa endru theriyaadhu. andhalavukku avargalai thalaiyil thūkki vaitthirukkiraargal. aanaal, yegōvaavin saatchigal appadi kidaiyaadhu. endha manidhanaiyum avargal pinpatruvadhillai. munnindru valinadatthubavargalmēl madhippu mariyaadhai vaitthirundhaalum avargalai sagōdharargalaagatthaan paarkkiraargal. ēnendraal, “nīngal ellaarum sagōdharargal” endru yēsu solliyirukkiraar. (mat. 23:8-10) madha thalaivargalaaga irundhaalum sari, arasiyal thalaivargalaaga irundhaalum sari, endha manidhanaiyumē naam alavukku adhigamaaga uyartthuvadhu illai. avargal seigira vishayangalai naam aadharippadhum illai. naam nadunilaiyōdu irukkirōm, indha ulagatthilirundhu pirindhirukkirōm. ippadi, thangalai kristhavargal endru sollikkollum janangalilirundhu yegōvaavin saatchigal rombavē vitthiyaasamaaga irukkiraargal.—yōvaa. 18:36.

8. thannudaiya peyarai naam magimaippaduttha vēndum endrum matravargalidam solla vēndum endrum yegōvaa aasaippadugiraar enbadhu namakku eppadi theriyum?

⁸ “thagappanē, ungaludaiya peyarai magimaippadutthungal” endru orudhadavai yēsu jebam seidhaar. adhai kēttadhum, thannudaiya peyarai magimaippadutthappōvadhaaga paralōgatthilirundhu yegōvaavē sonnaar. (yōvaa. 12:28) yēsu ūliyam seidha kaalam muluvadhum thannudaiya thagappanin peyarai magimaippadutthinaar. (yōvaa. 17:26) appadiyendraal, unmai kristhavargalum kadavuludaiya peyarai payanpadutthuvadhaiyum, matravargalidam adhai solvadhaiyum periya baakkiyamaaga ninaippaargal thaanē?

9. mudhal nūtraandu kristhavargal eppadi kadavuludaiya peyarai madhitthaargal?

⁹ mudhal nūtraandil, kristhava sabai ērpadutthapatta konja kaalatthilēyē yegōvaa, ‘matra dhēsatthu makkalmēl than gavanatthai thiruppi, avargal matthiyilirundhu thannudaiya peyarukkendru oru janatthai piritthedutthaar.’ (ap. 15:14) andha mudhal nūtraandu kristhavargal kadavuludaiya peyarai payanpadutthuvadhaiyum, matravargalidam adhai solvadhaiyum  periya baakkiyamaaga ninaitthaargal. avargal seidha ūliyatthilum avargal eludhiya baibil butthagangalilum kadavuludaiya peyarai payanpadutthinaargal. * ippadi, thaangaldhaan kadavuludaiya peyarukkendru thērndhedukkappatta janangal enbadhai nirūbitthaargal.—ap. 2:14, 21.

10. yegōvaavin saatchigaldhaan kadavuludaiya peyarukkendru thērndhedukkappatta janangal enbadharku enna aadhaarangal irukkindrana?

¹⁰ indraikku yegōvaavin saatchigaldhaan kadavuludaiya peyarukkendru thērndhedukkappatta janangalaa? sila aadhaarangalai paarkkalaam. madha thalaivargal niraiya pēr, kadavulukku oru peyar irukkiradhu endra unmaiyai maraippadharku thangalaal mudindhadhaiyellaam seidhirukkiraargal. avargal molipeyarttha baibilgalil kadavuludaiya peyarai edutthuvittadhōdu, charchugalil kadavuludaiya peyarai payanpaduttha kūdaadhu endrum solliyirukkiraargal. * aanaal, yegōvaavin saatchigal enna seidhirukkiraargal? kadavuludaiya peyarukku kodukka vēndiya madhippumariyaadhaiyai avargal mattumdhaan kodukkiraargal. idhai yaaraavadhu marukka mudiyumaa? vērendha madhappirivaiyumvida, avargaldhaan kadavuludaiya peyarai matravargalukku adhigamaaga theriyappadutthugiraargal. ippadi, yegōvaavin saatchigal endra peyarukku ētrapadi vaalgiraargal. (ēsaa. 43:10-12) avargal veliyittirukkira parisuttha baibil—pudhiya ulaga molipeyarppil, kadavuludaiya peyar engellaam irundhirukka vēndumō angellaam adhai payanpadutthiyirukkiraargal. idhuvarai 24 kōdikkum adhigamaana pradhigalai veliyittirukkiraargal. adhōdu, kadavuludaiya peyarai matravargalukku solvadharkaaga 1,000-kkum adhigamaana moligalil prasurangalai thayaarikkiraargal.

11. mudhal nūtraandu kristhavargal satthiyatthai nēsitthaargal endru eppadi sollalaam?

¹¹ yēsu satthiyatthai nēsitthaar. adhaavadhu, kadavulai patriya unmaigalaiyum avarudaiya nōkkangalaiyum nēsitthaar. andha satthiyatthinpadi avar vaalndhaar, martravargalukkum adhai sollikkodutthaar. (yōvaa. 18:37) yēsuvai unmaiyaaga pinpatriya sīshargalum satthiyatthai romba nēsitthaargal. (yōvaa. 4:23, 24) sollappōnaal, kristhava madhatthai patri sonnapōdhu adhai “satthiya vali” endru appōsthalan pēdhuru sonnaar. (2 pē. 2:2) avargal satthiyatthai andhalavukku nēsitthadhaal, madha thatthuvangal... manidhanudaiya paarambariyangal... satthiyatthukku edhiraana sondha karutthugal... ivai ellaavatraiyum odhukkitthallinaargal. (kolō. 2:8) indraikkum unmai kristhavargal baibil solvadhaitthaan nambugiraargal, baibil solgirapadi vaalgiraargal. ippadi, ‘thodarndhu satthiyatthil nadappadharku’ avargalaal mudindha ellaavatraiyum seigiraargal.—3 yō. 3, 4.

12. baibilai purindhu vaitthiruppadhil maatrangal thēvai endru nammai munnindru valinadatthubavargal ninaikkumpōdhu enna seigiraargal, ēn seigiraargal?

¹² baibilil irukkira ellaamē thangalukku theriyum endru kadavuludaiya makkal solvadhillai. sila samayangalil, baibil pōdhanaigalai purindhukolvadhilum amaippai valinadatthum vidhatthilum sila thavarugal seidhirukkiraargal. idhil aachariyappaduvadharku ondrum illai. ēnendraal, kaalangal pōga pōgatthaan thirutthamaana arivu perugum endru baibil solgiradhu. (kolō. 1:9, 10) yegōvaavum satthiyatthai padippadiyaagatthaan velippadutthugiraar. adhanaal, andha satthiya oli pragaasamaaga aagumvarai naam porumaiyaaga kaatthirukka vēndum. (nīdhi. 4:18) satthiyatthai purindhu vaitthiruppadhil ēdhaavadhu maatrangal avasiyam endru ninaikkumpōdhu amaippai munnindru valinadatthubavargal adhai seivadharku thayanguvadhillai. matra kristhava pirivugalil irukkiravargalum maatrangal seigiraargal. aanaal, charchukku varubavargalai piriyappadutthuvadharkaagavum ūrōdu otthuppōga vēndum enbadharkaagavumdhaan adhai seigiraargal. kadavuludaiya amaippu seigira maatrangal appadippattadhu kidaiyaadhu. yegōvaavidam makkal nerungi vara vēndum enbadharkaagavum, kadavulai eppadi valipada vēndum endru yēsu sonnaarō appadi valipaduvadharkaagavumdhaan maatrangal seigiraargal. (yaak. 4:4) indraikku ulagatthil prabalamaaga irukkum karutthugalukku ētrapadi avargal endha maatrangalaiyum seivadhillai. baibilai nandraaga purindhukondadhaaldhaan maatrangal seigiraargal. idhilirundhu avargal unmaiyilēyē satthiyatthai nēsikkiraargal enbadhu therigiradhu.—1 the. 2:3, 4.

13. unmai kristhavargalidam irukka vēndiya mukkiyamaana gunam enna, adhai yegōvaavin saatchigal eppadi kaattugiraargal?

¹³ mudhal nūtraandu kristhavargalidam nalla gunangal niraiya irundhana. adhil mukkiyamaanadhu anbu. “nīngal oruvarmēl oruvar anbu kaattinaal, nīngal ennudaiya sīshargal endru ellaarum therindhukolvaargal” endru yēsu sonnaar. (yōvaa. 13:34, 35) indraikku ulagam muluvadhum irukkira yegōvaavin saatchigal appadippatta anbaitthaan kaattugiraargal, otrumaiyaaga irukkiraargal. vevvēru naadugalilirundhum kalaachaarangalilirundhum vandhirundhaalum, anbaal pinni pinaindhirukkiraargal. vērendha amaippil iruppavargalum ippadippatta anbai kaattuvadhillai. nammudaiya kūttangalilum, maanaadugalilum unmaiyaana anbai paarkka mudigiradhu. yegōvaa virumbum vidhatthildhaan avarai naam vanangugirōm enbadharku idhu ōr aadhaaramaaga irukkiradhu.

14. oruvarukkoruvar aalndha anbu kaatta mukkiyamaana oru valiyai patri kolōseyar 3:12-14 enna solgiradhu?

¹⁴ “oruvarukkoruvar aalndha anbu kaattungal” endru baibil solgiradhu. (1 pē. 4:8) oruvaraiyoruvar mannikkumpōdhum, oruvarudaiya kuraigalai innoruvar porutthukkollumpōdhum, andha anbai kaatta mudiyum. adhōdu, sabaiyil irukkira ellaaridamum dhaaraala gunatthai kaattavum ubasarikkavum naam vaaippugalai thēdugirōm. oruvēlai, yaaraavadhu nammai punpadutthivittaal, avargalidamum indha gunangalai kaattugirōm. (kolōseyar 3:12-14-ai vaasiyungal.) ippadippatta anbai kaattuvadhudhaan unmai kristhavargalin adaiyaalamaaga irukkiradhu.

15. vērenna valigalil naam mudhal nūtraandu kristhavargalai pōlavē kadavulai valipadugirōm?

¹⁵ mudhal nūtraandu kristhavargalai pōlavē naamum kadavulai valipadugirōm enbadhai idhuvarai paartthōm. amaippu sambandhappatta ērpaadugalaiyum mudhal nūtraandil irundha appōsthalargalai pōl naam seigirōm. udhaaranatthukku, payana kangaanigal... mūppargal... udhavi ūliyargal... endra ērpaadu appōdhu irundhadhu. ippōdhum adhē ērpaadu irukkiradhu. (pili. 1:1; thīt. 1:5) mudhal nūtraandu kristhavargalai pōlavē naamum seksai patriyum kalyaanatthai patriyum kadavuludaiya sattam solvadhai madhikkirōm. ratthatthai payanpadutthuvadhai patri baibil solgira vishayangalukku mariyaadhai tharugirōm. manam thirundhaadhavargalidamirundhu sabaiyai paadhugaakkirōm.—ap. 15:28, 29; 1 ko. 5:11-13; 6:9, 10; ebi. 13:4.

16. ebēsiyar 4:4-6-ilirundhu naam enna therindhukolgirōm?

¹⁶ niraiya pēr thannudaiya sīshargal endru sollikkolvaargal endrum, aanaal avargal unmaiyilēyē sīshargal kidaiyaadhu endrum yēsu sonnaar. (mat. 7:21-23) kadaisi naatkalil, niraiya pēr ‘bakthimaangalai pōl kaattikkolvaargal’ endru baibil munkūttiyē solliyirukkiradhu. (2 thī. 3:1, 5) aanaal, kadavul ētrukkolvadhu ‘orē visuvaasatthai’thaan endrum adhu thelivaaga solgiradhu.—ebēsiyar 4:4-6-ai vaasiyungal.

17. yēsuvai pinpatri unmaiyaana orē visuvaasatthai kaattubavargal yaar?

¹⁷ orē unmaiyaana visuvaasatthai indraikku kaattubavargal yaar? adharkaana aadhaarangalai idhuvarai naam paartthōm. kadavulai valipaduvadhai patri yēsu enna sonnaar enbadhaiyum, mudhal nūtraandu kristhavargal kadavulai eppadi valipattaargal enbadhaiyum paartthōm. idhaiyellaam vaitthu paarkkumpōdhu, yegōvaavin saatchigaldhaan andha orē visuvaasatthai kaattugiraargal enbadhil endha sandhēgamum illai. oru yegōvaavin saatchiyaaga iruppadhum yegōvaavai patriya satthiyatthaiyum, avarudaiya nōkkangalaiyum patri therindhiruppadhum evvalavu periya baakkiyam! adhanaal, naam ellaarum mulu nichayatthudan satthiyatthai urudhiyaaga piditthukkollalaam.