43-زەرتتەۋ ماقالاسى
ەش تالمايىق!
«جاقسىلىق جاساۋدان ەش تالمايىق» (عال. 6:9).
68-ٵن پاتشالىق تۇقىمىن سەبەيىك!
اڭداتپا *
1. ٴبىز قانداي قۋانىش پەن مارتەبەگە يەمىز؟
ەحوبا كۋاگەرى بولۋ — ٴبىز ٷشىن ۇلكەن مارتەبە ٵرى قۋانىش! ٴبىز ادامدارعا ەحوبا جايلى ۋاعىزداپ، ٴتالىم بەرگەندە، اتىمىزعا زاتىمىز ساي حالىق ەكەنىمىزدى كورسەتەمىز. «ماڭگى ومىرگە ىڭعاي تانىتقاندارعا» شومىلدىرۋ راسىمىنەن ٶتىپ، باۋىرلاس بولۋعا كومەكتەسە الساق، قۋانىشىمىزدا شەك بولمايدى! (ەل. ٸس. 13:48). يسا دا وسىنداي سەزىمدە بولعان. شاكىرتتەرى جەمىستى قىزمەت ەتىپ كەلگەندە، ول «كيەلى رۋح پەن قۋانىشقا كەنەلگەن» (لۇقا 10:1، 17، 21).
2. قىزمەتكە جاۋاپكەرشىلىكپەن قاراۋ نەنى بىلدىرەدى؟
2 ٴبىز قىزمەتىمىزگە ۇلكەن جاۋاپكەرشىلىكپەن قارايمىز. ويتكەنى ادامداردىڭ ٶمىرى وسىعان بايلانىستى. ەلشى پاۋىل: «سوندا ٶزىڭدى دە، تىڭداۋشىلارىڭدى دا قۇتقاراسىڭ»،— دەگەن. ادامداردى قۇتقارۋ ٸسىن جاۋاپكەرشىلىكپەن اتقارۋ ٷشىن، پاۋىل ايتقانداي، «وزىمىزگە جانە بەرىپ جاتقان تالىمىمىزگە ٵردايىم دەن قويۋىمىز» كەرەك (ٴتىم. 1-ح. 4:16). «وزىمىزگە دەن قوياتىن» سەبەبىمىز — ٴبىز قۇداي پاتشالىعىنىڭ ازاماتتارىمىز. سوندىقتان ٴبىز ٵردايىم ەحوباعا دانق اكەلەتىندەي جانە ۋاعىزدايتىن ىزگى حابارىمىزعا لايىق بولاتىنداي ٶمىر سۇرگىمىز كەلەدى (ٴفىلىپ. 1:27). ال «تالىمىمىزگە دەن قويۋ» ٷشىن، قىزمەتكە شىعار الدىندا جاقسىلاپ دايىندالامىز جانە ەحوبانىڭ باتاسىن سۇراپ دۇعا ايتامىز.
3. ادامدار ٵرقاشان ىزگى حابارعا قۇلاق اسا ما؟ مىسال كەلتىرىڭىز.
3 ٴبىز ۋاعىزدايتىن ايماقتا كەيدە ادامدار پاتشالىق حابارىنا مۇلدەم قۇلاق اسپاۋى مۇمكىن. مىسالعا گەورگ ليندال باۋىرلاسىمىزدى الايىق. ول يسلانديادا 1929—1947-جىلدار ارالىعىندا جالعىز ٶزى ۋاعىزداعان. ول ونداعان مىڭ ادەبيەت تاراتسا دا، بىردە-ٴبىر ادام شىندىقتى قابىل المادى. «كەيبىر ادامدار شىندىققا قارسى بولدى، ال باسىم كوپشىلىگى مۇلدەم قىزىقپادى»،— دەيدى گەورگ باۋىرلاس. ٴتىپتى عالاقات مەكتەبىنەن وتكەن ميسسيونەرلەر كەلىپ ۋاعىزداسا
دا، توعىز جىل دەگەندە جەرگىلىكتى تۇرعىنداردىڭ كەيبىرى ەحوباعا باعىشتالىپ، شومىلدىرۋ راسىمىنەن ٶتتى.4. ادامدار ىزگى حابارعا قۇلاق اسپاعاندا نە سەزىنۋىمىز مۇمكىن؟
4 ادامدار شىندىققا قۇلاق اسپاسا، قاتتى كوڭىلىمىز تۇسەدى. ياھۋديلەر يسانىڭ ۋادە ەتىلگەن ٴماسىح ەكەنىن مويىنداماي، ودان بۇكىل حالىق بولىپ باس تارتقاندا، ەلشى پاۋىل دا: «قاسىرەتىم زور، جۇرەگىم سىزداپ قويمايدى»،— دەپ قايعىرعان (ريم. 9:1—3). مىسالى، ٴسىزدىڭ قانشا كۇش سالىپ، دۇعا ەتكەنىڭىزگە قاراماستان، سىزبەن زەرتتەيتىن ادام ۇيرەنگەندەرىن ومىردە قولدانبايتىندىقتان، ونىمەن زەرتتەۋ ساباعىن دوعارۋ كەرەك شىعار. نەمەسە سىزبەن زەرتتەگەندەردىڭ بىردە-بىرەۋى شومىلدىرۋ راسىمىنەن وتپەگەن بولار. مۇندايدا «ەحوبا قىزمەتىمە باتاسىن بەرمەي جاتىر» دەپ ويلاپ، ٶزىمىزدى كىنالى سەزىنەتىن شىعارمىز. ٴبىراق بۇلاي ويلاۋ دۇرىس پا؟ بۇنى ٴبىلۋ ٷشىن قازىر مىنا ەكى سۇراققا توقتالايىق: 1) قىزمەتىمىز نەسىمەن باعالى؟ 2) قىزمەتىمىزدى تالماي اتقارا بەرۋ ٷشىن قانداي جايتتاردى ۇمىتپاۋ كەرەك؟
قىزمەتىمىز نەسىمەن باعالى؟
5. نەگە قىزمەتىمىز كەيدە ٴبىز كۇتكەندەي ناتيجە بەرمەۋى مۇمكىن؟
5 كيەلى كىتاپتا قۇدايدىڭ ەركىن ورىندايتىن ادامنىڭ «ٵربىر ٸسى ٴساتتى بولاتىنى» ايتىلعان (ٴزاب. 1:3). ٴبىراق بۇل ەحوبا ٷشىن ىستەگەندەرىمىزدىڭ ٴبارى ٶزىمىز كۇتكەندەي ناتيجەلى بولادى دەگەندى بىلدىرەدى مە؟ ولاي دەي المايمىز، ويتكەنى ٶزىمىز دە، باسقالار دا كەمەلسىز بولعاندىقتان، «ٶمىرىمىز ازاپقا تولى» (ٵيۇپ 14:1). ال كەيدە قارسىلاستار كەدەرگى جاساعاندىقتان ەركىن ۋاعىزداي المايتىن شىعارمىز (قور. 1-ح. 16:9؛ سال. 1-ح. 2:18). سوندا قىزمەتىمىز بەكەرشىلىك بولدى دەگەن ٴسوز بە؟ قىزمەتىمىز ەحوباعا نەسىمەن باعالى؟ قازىر وسى سۇراقتارعا جاۋاپ بەرەتىن پرينسيپتەردى قاراستىرايىق.
ادامعا قالاي ۋاعىزداساق تا — بەتپە-بەت، حات نە تەلەفون ارقىلى بولسىن — ەحوبا ەڭبەگىمىزدى باعالايدى (6-ابزاستى قاراڭىز)
6. ەحوبا قىزمەتىمىزدى نەگە قاراپ باعالايدى؟
6 ەحوبا كۇش سالىپ جاتقانىمىزعا جانە تاباندىلىعىمىزعا ٴمان بەرەدى. قىزمەتىمىزدى ەحوبانىڭ الدىندا باعالى ەتەتىن نارسە — ادامداردىڭ بىزگە قۇلاق اسقانى ەمەس، ەحوباعا دەگەن سۇيىسپەنشىلىگىمىز جانە قىزمەتتەگى قۇلشىنىسىمىز. ەلشى پاۋىل بىلاي دەگەن: «قۇداي ادىلەتسىز ەمەس. ول قاسيەتتىلەر ٷشىن اتقارعان، ٵلى دە اتقارىپ جاتقان قىزمەتتەرىڭ ارقىلى ٶزىنىڭ ەسىمىنە دەگەن سۇيىسپەنشىلىكتەرىڭ مەن ەڭبەكتەرىڭدى ۇمىتپايدى» (ەۆر. 6:10). بىزبەن كيەلى كىتاپتى زەرتتەگەن ادام شومىلدىرۋ راسىمىنەن ٶتسىن-وتپەسىن، ەحوبا ٴبىزدىڭ ونى سۇيگەندىكتەن اتقارعان ەڭبەگىمىزدى ەسىنەن شىعارمايدى. ۇمىتتەنگەنىڭىز اقتالماي قالسا، پاۋىلدىڭ «يەمىزدىڭ جولىنداعى ەڭبەكتەرىڭ بەكەر ەمەس» دەگەن سوزدەرى جانىڭىزعا جالاۋ بولسىن (قور. 1-ح. 15:58).
7. ەلشى پاۋىلدىڭ ٶز قىزمەتى جايلى ايتقان سوزدەرىنەن نە تۇيەمىز؟
7 ەلشى پاۋىل كوپ قالالاردا قاۋىمدار قۇرعان وتە تاماشا ميسسيونەر بولعان. دەسە دە كەيبىرەۋلەر ونىڭ ٴتالىم بەرۋ شەبەرلىگىنە شەك كەلتىرگەندە، ول ٶزىن اقتاۋ ٷشىن شىندىققا قانشا ادام اكەلگەنىن ايتپاعان. ٴبىراق ولارعا قايتارعان جاۋابىندا پاۋىل: «مەن... كوبىرەك ەڭبەك ەتتىم»،— دەگەن (قور. 2-ح. 11:23). ٴبىز دە پاۋىل سياقتى، ەحوبا اسىرەسە كۇش سالعانىمىزدى جانە تاباندىلىعىمىزدى باعالايتىنىن ەستەن شىعارمايىق.
8. قىزمەتتە ٴبىزدى قۋانتاتىن باستى نارسە نە؟
8 ەحوبا قىزمەتىمىزگە ريزا. يسانىڭ 70 شاكىرتى قۇداي پاتشالىعى تۋرالى ۋاعىزداپ كەلگەن سوڭ، قاتتى قۋانعان. ولار يساعا: «ٴسىزدىڭ اتىڭىزدان بۇيىرعاندا، ٴتىپتى جىندار دا باعىندى»،— دەپ ٴماز بولدى. ٴبىراق يسا: «جىنداردىڭ وزدەرىڭە باعىنعانىنا ەمەس، ەسىمدەرىڭنىڭ كوكتە جازىلعانىنا قۋانىڭدار»،— دەپ شاكىرتتەرىن تۇزەتتى (لۇقا 10:17—20). ويتكەنى يسا قىزمەتتە وسىنداي ەرەكشە وقيعالار ۇنەمى بولا بەرمەيتىنىن جاقسى ٴبىلدى. ونىڭ ۇستىنە، شاكىرتتەردى جاقسى تىڭداعانداردىڭ تۇبىندە نەشەۋى شىندىققا كەلگەنىن بىلمەيمىز. دەمەك، شاكىرتتەر قىزمەتتەگى جەتىستىكتەرىنە عانا ەمەس، ەڭ باستىسى، ەحوبا ولاردىڭ ەڭبەكتەرىنە ريزا ەكەندىگىنە قۋانۋ كەرەك ەدى.
9. عالاتتىقتارعا 6:7—9-تارماقتاردا ايتىلعانداي، قىزمەتىمىزدى ەش تالماي اتقارساق، قانداي جەمىسىن كورەمىز؟
9 قىزمەتىمىزدى ەش تالماي اتقارساق، ماڭگىلىك ومىرگە جەتەمىز. شىندىق دانىن سەۋىپ، ونى وسىرۋگە بارىنشا كۇش سالعانىمىز — «رۋحتى ويلاپ سەپكەنىمىز». ويتكەنى قىزمەت ەتكەندە ٴبىز كيەلى رۋحتىڭ جەتەگىنە ەرەمىز. وسى ٸستى اتقارۋدان «ەش تالماساق» جانە «شارشاپ قالماساق»، ەحوبا ٶز ۋاقىتىندا ماڭگىلىك ٶمىردى وراتىنىمىزعا كەپىلدىك بەرەدى. بۇل سيدى الۋ-الماۋىمىز قانشا ادامعا شومىلدىرۋ راسىمىنەن وتۋگە كومەكتەسكەنىمىزگە بايلانىستى ەمەس (عالاتتىقتارعا 6:7—9 وقىڭىز).
قانداي جايتتاردى ۇمىتپاعان ٴجون؟
10. ادامداردىڭ ىزگى حاباردى قابىلداۋى نەگە بايلانىستى؟
10 ادامداردىڭ ىزگى حاباردى قابىلداۋى ەڭ الدىمەن جۇرەك كۇيلەرىنە بايلانىستى. يسا ديقان جايلى مىسالىندا وسىنى جاقسىلاپ ٴتۇسىندىرىپ كەتكەن. ديقاننىڭ تۇقىمى ٵرتۇرلى توپىراققا تۇسكەنمەن، تەك بىرەۋى عانا ٶنىم بەرەدى (لۇقا 8:5—8). مىسالداعى ٵرتۇرلى توپىراق «قۇداي ٴسوزىن» ٵرتۇرلى قابىلدايتىن ادامداردى بەينەلەيدى (لۇقا 8:11—15). دەمەك، ادامنىڭ جۇرەگىنە تۇسكەن شىندىق دانىن ٴبىز كۇشتەپ وسىرە المايمىز، ويتكەنى بۇل ونىڭ جۇرەك كۇيىنە بايلانىستى. ٴبىزدىڭ مىندەتىمىز — پاتشالىق جايلى حاباردىڭ دانىن ٵرى قاراي دا سەبە بەرۋ. ويتكەنى ەلشى پاۋىل ايتقانداي، ٵرقايسىسى «ەڭبەگىنە قاراي ٶز سيىن الادى»، ەڭبەگىنىڭ ناتيجەسىنە قاراي ەمەس (قور. 1-ح. 3:8).
نۇح كوپ جىلدار بويى ادالدىقپەن ۋاعىزداسا دا، كەمەگە ٶز ٷي ىشىنەن باسقا ەشكىم كىرمەدى. ٴبىراق ول مويىنسۇنعىش بولىپ، ەحوبا تاپسىرعان ٸستى اتقارىپ شىقتى (11-ابزاسىن قاراڭىز)
11. «ادىلدىكتى ۋاعىزداۋشى نۇحقا» ەحوبا نە ٷشىن رازى بولدى؟ (مۇقاباداعى سۋرەتتى قاراڭىز.)
11 ەجەلگى ۋاقىتتا دا قۇدايدىڭ پايعامبارلارىنىڭ حابارىنا قۇلاق اسپاعان ادامدار بولعان. مىسالى، «ادىلدىكتى ۋاعىزداۋشى نۇح» 40—50 جىل بويى قۇدايدىڭ حابارىن جاريالاعان (پەت. 2-ح. 2:5). ول حاباردى تىڭداپ، قۇتقارىلاتىن ادامدار بولادى دەپ كۇتكەن شىعار. ٴبىراق ەحوبا بۇلاي بولاتىنىن ايتپادى. ول: «ٶزىڭ، ۇلدارىڭ، ايەلىڭ مەن كەلىندەرىڭ كەمەگە كىرەسىڭدەر»،— دەپ قانا ايتتى (مۇس. 1-ج. 6:18). بۇعان قوسا، نۇح كەمەنىڭ كولەمى قانداي بولۋ كەرەكتىگىن بىلگەندە، كوپ ادام قۇتقارىلا المايتىنىن تۇسىنسە كەرەك (مۇس. 1-ج. 6:15). بىلەتىنىمىزدەي، نۇحتىڭ حابارىنا ٶز ٷي ىشىنەن باسقا بىردە-ٴبىر جان قۇلاق اسپادى (مۇس. 1-ج. 7:7). بۇل نۇحتىڭ ٶز تاپسىرماسىن دۇرىس اتقارماعانىن بىلدىرە مە؟ جوق، مۇلدەم ولاي ەمەس! ەحوبانىڭ الدىندا ول «ادىلدىكتى ۋاعىزداۋشى» دەگەن كەرەمەت اتقا يە بولدى، ويتكەنى ٶز تاپسىرماسىن سوڭىنا دەيىن ادال اتقاردى (مۇس. 1-ج. 6:22).
12. ەرەميا پايعامبارعا قىزمەتتە قۋانىشىن جوعالتپاۋعا نە كومەكتەستى؟
12 40 جىلداي ۋاقىت بويى ۋاعىزداعان ەرەميا پايعامباردىڭ حابارىنا دا ادامدار نەمقۇرايلى قاراعان، ٴتىپتى قارسى شىققان. ول كوپ «قورلىق كورىپ، ۇرىس ەستىپ»، تۇڭىلگەنى سونشا — قىزمەتىن تاستاپ كەتكىسى كەلگەن (ەرم. 20:8، 9). الايدا ەرەميا بۇنداي جاعىمسىز ويدى جەڭىپ، قىزمەتىنەن قايتا قۋانىش تابا الدى. وعان مىنا ەكى ماڭىزدى شىندىق كومەكتەستى: بىرىنشىدەن، ادامدارعا «جارقىن بولاشاق پەن ٷمىت سيلايتىن» حاباردى ايتقانى وعان قۋانىش سيلادى (ەرم. 29:11). ەكىنشىدەن، ول ەحوبانىڭ اتىن الىپ ٴجۇردى (ەرم. 15:16). بۇگىندە ٴبىز دە رۋحاني تۇنەك باسقان زاماندا ٷمىت سيلايتىن حاباردى ايتامىز جانە ەحوبا كۋاگەرلەرى رەتىندە قۇدايدىڭ اتىن الىپ ٴجۇرمىز. وسى ەكى ماڭىزدى شىندىقتى ۇنەمى ويدا تۇتساق، ادامدار حابارىمىزدى قالاي قابىلداماسىن، قۋانىشىمىزدى جوعالتپايمىز.
13. يسانىڭ مارقا 4:26—29-تارماقتاردا جازىلعان مىسالىنان نە بىلەمىز؟
13 ادامنىڭ رۋحاني ٶسۋى بىرتە-بىرتە بولادى. بۇنى يسانىڭ تۇقىم سەۋىپ، تۇندە ۇيىقتاۋعا كەتكەنى كىسى جايلى ايتقان مىسالىنان بىلەمىز (مارقا 4:26—29 وقىڭىز). ول كىسى قانشا قالاسا دا، تۇقىمنىڭ ٶسۋىن تەزدەتە الماعان. تۇقىم ٶز ۋاقىتىمەن، بىرتىندەپ وسكەن. سول سياقتى، زەرتتەۋشى دە بىردەن رۋحاني ٶسىپ كەتپەيدى. بۇل پروسەسس اقىرىنداپ جۇرەدى. ٴبىز يسانىڭ مىسالىنداعى تۇقىم سەبۋشى سياقتى، زەرتتەۋشىنىڭ رۋحاني ٶسىمىن جىلدامداتا المايمىز. سوندىقتان زەرتتەۋشى ٴسىز كۇتكەندەي تەز رۋحاني وسپەي جاتسا، كوڭىلىڭىز تۇسپەسىن. ەگىن ٶسىرۋ سياقتى، شاكىرت دايىنداۋ دا شىدامدىلىقتى تالاپ ەتەدى (جاق. 5:7، 8).
14. ادامدار ىزگى حابارعا ۋاقىت وتە قۇلاق اسا باستاۋى مۇمكىن بە؟ مىسال كەلتىرىڭىز.
14 كەي ايماقتاردا ۋاعىز ٸسى جىلدار بويى جەمىس بەرمەۋى مۇمكىن. مىسالعا اپالى-ٴسىڭلىلى گلاديس پەن رۋبي اللەن باۋىرلاستاردى الايىق. ولار 1959-جىلى كانادانىڭ كۆەبەك پروۆينسياسىنداعى ٴبىر قالاعا ٸزاشار بولىپ تاعايىندالادى. سول كەزدە قوعامنىڭ قىسىمى بار، كاتوليك شىركەۋىنىڭ ىقپالى بار، ىزگى حاباردى ەشكىم قابىلداماي قويادى. گلاديس بىلاي دەيدى: «ٴبىز كۇندە سەگىز ساعات ۇيدەن ۇيگە ٴجۇرىپ ۋاعىزدايتىنبىز. وسىلاي ەكى جىل جۇردىك. ٴبىراق بىردە-ٴبىر ادام ٴبىزدى تىڭدامادى. ادامدار ەسىككە كەلەتىن دە، ٴبىزدى كورىپ، بۇرىلىپ كەتىپ قالاتىن. ٴبىراق ٴبىز ەش بەرىلمەدىك». ۋاقىت وتە ادامداردىڭ جۇرەكتەرى ٴجىبىپ، شىندىقتى قابىلداي باستادى. قازىر سول قالادا ٷش قاۋىم بار (يشايا 60:22).
15. قورىنتتىقتارعا 1-حات 3:6، 7 دەن شاكىرت دايىنداۋ ىسىنە قاتىستى نە بىلەمىز؟
15 شاكىرت دايىنداۋ ٸسى — جۇمىلا اتقارىلاتىن ٸس. زەرتتەۋشىنىڭ شومىلدىرۋ راسىمىنەن وتۋىنە قاۋىمنىڭ ٵربىر مۇشەسى قورىنتتىقتارعا 1-حات 3:6، 7 وقىڭىز). مىسالى، ٴبىر جاريالاۋشى ادامعا بۋكلەت نە جۋرنال قالدىرىپ كەتۋى مۇمكىن. ٴبىراق ونىڭ قايتا بارۋعا مۇمكىندىگى بولماعاندىقتان، ول باسقا جاريالاۋشىدان وتىنەدى. ٴسۇيتىپ، ەكىنشى جاريالاۋشى ونىمەن زەرتتەۋ ساباعىن باستايدى. زەرتتەۋگە قاۋىمداعى ٴتۇرلى باۋىرلاستار قاتىسىپ، ونىڭ رۋحاني وسۋىنە ٵرقايسىسى ٶز ۇلەسىن قوسادى. وسىلاي ادام شومىلدىرۋ راسىمىنەن وتكەندە، يسا ايتقانداي، ەگىندى ەككەن دە، جيناعان دا بىرگە قۋانادى (جوح. 4:35—38).
ۇلەس قوسادى (16. نەگە ٴسىز دەنساۋلىعىڭىز ناشار بولسا دا نە شارشاپ-شالدىعىپ جۇرسەڭىز دە، قىزمەتتەن قۋانىش تابا الاسىز؟
16 دەنساۋلىعىڭىز ناشارلاعاندىقتان يا شارشاپ جۇرگەندىكتەن، ۋاعىز قىزمەتىن ويىڭىزداعىداي اتقارا الماي ٴجۇرسىز بە؟ ەندەشە، ەڭسەڭىزدى تۇسىرمەڭىز. ٴبارىبىر دە ٴسىزدىڭ دۇنيەجۇزىلىك ىسكە قوسىپ جاتقان ۇلەسىڭىز بار. ٴداۋىت پاتشانىڭ باسىنان وتكەن جاعدايدى الايىقشى. امالەكتىك توناۋشىلار كەلىپ، ولاردىڭ ايەلدەرىن، بالا-شاعاسى مەن دۇنيە-مۇلكىن الىپ كەتكەندە، ٴداۋىت ادامدارىن ەرتىپ، ولاردىڭ سوڭدارىنا تۇسەدى. ٴبىراق 200 ساربازى قاتتى شارشاعاندىقتان، شايقاسقا اتتانا الماي، جۇكتىڭ قاسىندا قالىپ قويادى. جەڭىسپەن ورالعان سوڭ، ٴداۋىت ولجانى بارلىق ساربازدارىنا بىردەي ٴبولىپ بەرۋدى بۇيىرادى (سام. 1-ج. 30:21—25). بۇل وقيعانىڭ شاكىرت دايىنداۋ ىسىنە قانداي قاتىسى بار؟ ٵربىر جاريالاۋشى بۇل ىسكە قولىنان كەلگەنشە اتسالىساتىندىقتان، قانداي دا ٴبىر ادام شىندىق جولىنا كەلىپ، شومىلدىرۋ راسىمىنەن وتكەندە، مۇنىڭ قۋانىشى بارىمىزگە ورتاق.
17. ەحوباعا نە ٷشىن ريزامىز؟
17 ەحوبانىڭ بىزگە سۇيىسپەنشىلىكپەن قاراپ، قىزمەتىمىزدى باعالايتىنىنا وتە ريزامىز. ول ٴبىزدىڭ ادامداردى ماجبۇرلەپ شىندىققا اكەلە المايتىنىمىزدى تۇسىنەدى. دەسە دە ٴبىزدىڭ قۇلشىنىسپەن ٵرى شىن نيەتپەن اتقارعان قىزمەتىمىزدى بايقاپ، سيىن بەرەدى. شاكىرت دايىنداۋ ىسىنە قانداي ۇلەس قوسپايىق، ول سوعان قۋانا ٴبىلۋدى ۇيرەتەدى (جوح. 14:12). قىزمەتىمىزدى ەش تالماي اتقارا بەرسەك، ەحوبا بىزگە ىقىلاسىن جاۋدىراتىنىنا سەنىمدى بولايىق!
67-ٵن پاتشالىقتىڭ قىزمەتشىلەرى، العا!
^ 5-ابزاس ادامدار ىزگى حابارعا قۇلاق اسىپ، شىندىقتى قابىلداسا، ٴبىز ٷشىن بۇدان اسقان باقىت جوق. الايدا سىزبەن كيەلى كىتاپتى زەرتتەپ جۇرگەن ادام ەشقانداي رۋحاني قادام جاساماي جاتسا شە؟ زەرتتەۋشىلەرىڭىزدىڭ ەشقايسىسى سول كۇيى شومىلدىرۋ راسىمىنەن وتپەگەن بولسا شە؟ بۇل ٴسىزدىڭ شاكىرت دايىنداۋ ٸسىن دۇرىس اتقارماي جۇرگەنىڭىزدى بىلدىرە مە؟ بۇل ماقالادا ادامدار حابارىمىزعا قۇلاق اسسىن-اسپاسىن، قىزمەتتە جەتىستىككە جەتىپ، قۋانىش تابا الاتىنىمىزدى بىلەمىز.