1. King so se makang gore re jabole re boye re titeye sekguba?

WA TŠIBA taba ya gore ke rune Dihlatse tsa Jehova yi maka gore re jabole re boye re titeye sekguba! Ka taba la gore re tšibega ka lebitso lo la Modimo, re karakara ka matla mo re tšhomayela re boya re maka batho gore go be malata gore lebitso lowa le sa re rone. Re jabola la go sa hlayisege mo re gelepa motho wa gore o “tlalele ga lephelo la go ya go yye” gore go be lelata. (Meber. 13:48) Re tikwa go tshwana le Jeso wa gore, ‘Modimo o yye a mo neya moya wa go hlawolega ke mokane a jabola ka matla’ mo malata yage di ma sepelele gabutši ga letsima la go tšhomayela.—Luk. 10:1, 17, 21.

2. Re šupetsa ka mokgo mang gore mmereko wa rune wa go tšhomayela re wo tseyela gedimo?

² Mmereko wa rune wa go tšhomayela re wo tseyela gedimo ka matla. Pawulo wa lepostola o hlohletsele Thimothi gore: “Tipasope, o pasope le ka mokgo o tšhutisang ka gona.” Pawulo o tokegele ka gore: “Ka taba la gore o nyoko tiphonisa wa boya wa phonisa le bo ba go theetselang.” (1 Thim. 4:16) Maphelo ma kotsing. Re ya tipasopa ka taba la gore Mmušo wa Modimo ke wa rune. Re dula re nyaka go maka dilo ka mokgwa wa gore wo nyoko thanakisa Jehova wo boya wo tshwanela ditaba tsa go bafala tso re di tšhomayelang. (Mafil. 1:27) Re šupetsa gore re ‘pasopa tso re di tšhutisang’ ka go lukiselela re boya re kgopela Jehova gore a re gelepe mo re ye tšhomayelela ba bangwana.

3. Batho ba fo re king ka molayetsa wa Mmušo wa Modimo? Beyisa.

³ Le mo re karakara ka matla, o ka kraya ba sa tlala bo ba jabolelang molayetsa wa Mmušo wa Modimo ga tšhomo ya rune kela go hloka le mong ka wweši ye a wo jabolelang. Lebelela mošupetso wa Mogageru Georg Lindal, wa gore o yye a tšhomayela a le ntoši ku Iceland go tlugisela ka mongwaga wa 1929 go segela ka 1947. O sabalatsiye diketekete tsa dikgatiso mara a go na le ka wweši ye a yyeng a yamogela nnete. O ngwadiye gore: “Ba bangwana ke mo ba šupetsa ba hloyye nnete mara ba go tlala ne ba sa yi jabolele.” Le ka nthago ga mo barumiwa ba go tšwa Gilead ba tl’le gelepa ga  mmereko wone wa go tšhomayela, go tsere nkokwane ya mengwaga gore batho ba bangwana ku Iceland ba šinye ba tineyele ga Jehova ba boye ba kolobetsiwe. *

4. Taba ya gore ba bangwana a ba yamogele molayetsa wa ditaba tsa go bafala yi ka re tshwara byang?

⁴ Di re fetsa matla mo batho ba sa yamogele molayetsa wa rune. Re ka tikwa go tshwana le Pawulo wa gore ke mo a ‘kwile go baba ka matla fote a kgongwele’ ka taba la gore Majuda ma ganne go yamogela gore Jeso ke Mesiya ye a tshepisiwweng. (Marom. 9:1-3) O nyoko maka byang mo o karakariye ka matla o boya o rapelela ye o tšhutang naye Bhayibele mara a sa šupetse go thogathoga di šinya di nyaka gore o lisetse go tšhuta naye? Kela mo nkare a o soko gelepa le motho ka wweši gore a šinye a kolobetsiwe? Ayitsano tsotsone di ka maka gore o sa bo pate, o šinya o tseya gore Jehova aa rufi mmereko wago wa go tšhomayela? Ga hlogotaba yowa, re nyoko fetola diputsiso ka dipedi ke tsowa: (1) Gore motho o phomelele ga mmereko wa go tšhomayela, re di bona ka ying? (2) Re litele gore go makege ying mo re tšhomayelela ba bangwana?

5. Ke ntaba mmereko wo re wo makelang Jehova wo ka sa duli wo makega ka mokgo rune re nyakang?

⁵ Bhayibele mo yi bolabola ka motho wa gore o maka tso Modimo a di nyakang, yi re: “Se sengwana le se sengwana so a se makang se nyoko phomelela.” (Pis. 1:3) Mara tsotsone a di rele gore dilo ka mokana ga tsona tso re di makelang Jehova di nyoko makega ka mokgo rune re nyakang. Lephelo la motho le “tlele ka mesasamelo” ka taba la gore rune le ba bangwana a re ya yenela. (Jobo 14:1) Go tokegela gana hone, bo ba go re phigisa ba ka fela ba phomelela ga taba ya go re šitisa gore re ye mahlong re maka mmereko wa rune wa go tšhomayela. (1 Makor. 16:9; 1 Mathes. 2:18) Byalo, Jehova o yi kala byang taba ya rune ya go phomelela? Lebelela ditšhiko tse dingwana tsa Bhayibele tso di re gelepang go fetola putsiso yowa.

6. Jehova o kala byang gore re phomelele ga mmereko wo re mo makeleng wona?

⁶ Go karakara le go tiyisela ke tso Jehova a di lebeleleng. Jehova wa jabola mo re tšhomayela ka matšato go le ka taba la gore re mo nyaka ka matla le mo batho ba re theetsela kela dho. Pawulo o ngwadiye gore: “Modimo aa na pelo ye phifadu fote a ka sa lebale tso le di makiyeng, le ka mokgo le šupetsiyeng ka gona gore le kwana le lebitso lage ka go berekela bo ba go hlawolega fote le kene le ya mahlong le ba berekela.” (Maheb. 6:10) Jehova aa lebale gore re ya karakara fote re mo nyaka ka matla, le mo tso re di makang di bonala nkare a yi selo. Ka mokgonone, o ka berekisa tso Pawulo a di butsiyeng Makorente mo a re: “Mmereko wo le wo makelang Morena a yi wa mahala,” di sa yi ka gore wene ne o lebelele go kraya tsa mošaga mang.—1 Makor. 15:58.

7. Re ka tšhuta ying ga tso Pawulo wa lepostola a di hlayyeng ka mmereko wage wa go tšhomayela?

⁷ Pawulo wa lepostola ke mo go le morumiwa wa go tšiba ditaba tsage a sepela a thomisa diphutego ditoropong tsa go tlala. Mara mo a  yemela taba ya gore di ya mo tshwanela go ba lelata la Kreste, a sanka a bolabola ka taba ya gore yene o gelepiye batho ba go tlala gore go be malata. Mo Pawulo a tiyemelela ga bo ba go tipotsa gore baa mo phala, o ngwadiye gore: “Ke berekiye ka matla go phala lune.” (2 Makor. 11:23) Go tshwana le Pawulo, le rune di nyaka re sa lebale gore Jehova o tseyela gedimo motho wa go karakara a boya a tiyisela.

8. King so di nyakang re dule re se gopola ka mmereko wa rune wa go tšhomayela?

⁸ Mmereko wa rune wa go tšhomayela wo jabodisa Jehova. Jeso o yye a roma 70 ya malata yage gore ma ye tšhomayela molayetsa wa Mmušo wa Modimo, ke mokane mo ma fetsa letsima lone, ma “boya ma jabodiye.” King so se makiyeng gore ma jabole? Ma yitseri: “Le madimona maa re theetsela ka taba la gore re berekisa lebitso lago.” Mara Jeso o yye a potolla ka mokgo ne ma tseya dilo ka gona a ma botsa gore: “Le sa jabodisi ke gore madimona maa le kgotamela, lune jabodisaneng ke gore mabitso ya lune ma ngwadiwwe ku magedimong.” (Luk. 10:17-20) Jeso ke mo a di tšiba gore dilo di ka sa duli di ma sepelela gabutši ga mmereko wa go tšhomayela. Gabutšibutši, a re tšibi gore nka bakaye bo ba yyeng ba theetsela ke mokane ba feleletsa go le malata. Ne di nyaka gore malata ya Jeso ma sa fo jabodisa ke tso ma di segeleleng mara ma jabodise ke go tšiba gore Jehova o yamogela mmereko wa wona.

9. Magalata 6:7-9 yi re re nyoko kraya ying mo re ka tiyisela ga mmereko wa rune wa go tšhomayela?

⁹ Mo re ka fo tiyisela ga mmereko wa rune wa go tšhomayela, re nyoko tikwisa ka lephelo la go ya go yye. Mo re kene re gaša re boya re hlagolela nnete ya Mmušo di re baba, ke gona mo re “gašang tso di nyakang ke moya wa go hlawolega” ka go lisetsa moya wa Modimo wo re yetetse mo re kene re phela. Tla “re sa lisetseneng” kela “re sa tini,” ka taba la gore Jehova o re tshepisa gore re nyoko kraya lephelo la go ya go yye, di sa yi ka gore go na le ye re mo gelepiyeng gore a tineyele ga Modimo kela dho.—Bala Magalata 6:7-9.

10. Gore motho a yamogele molayetsa wa rune kela a sa wo yamogele, o maka king?

¹⁰ Tsa gore batho ba yamogela nnete kela dho, di tšwa ga bona beng. Jeso o beyye nnete lekgwaying a berekisa mošupetso wa motho wa go gaša pewu ga mobu wa go sa tshwane, mara diyengwa di tšwile ga mohlobo ka wwoši wa mobu. (Luk. 8:5-8) Jeso o yitseri mobu wo wa go sa tshwane wo yemela dipelo tsa batho ba gore ba yamogela “Lentsu la Modimo” ka mokgwa wa go sa tshwane. (Luk. 8:11-15) Go fo tshwana le motho wa go gaša, le rune re ka sa kgone go lawola maphomela ya mmereko wa rune, ka taba la gore tsotsone di ya ka bo ba re theetseleng. Rune mmereko wa rune ke go fo ya mahlong re kene re gaša pewu yowa ya molayetsa wa Mmušo wa Modimo. Mo Pawulo wa lepostola a beya taba yowa, o yitseri, “ye mongwana le ye mongwana o nyoko kraya patela yage di ya ka mmereko wo a wo makiyeng,” go seng ka maphomela ya mmereko wage.—1 Makor. 3:8.

11. Ke ntaba Nnowa a yye a phomelela go le monna “wa go tšhomayela ka go loka”? (Lebelela sethombhe sa ka tawong.)

¹¹ Dihlatse tsa ku botala tsa Jehova di gahlanne nayo taba ya go tšhomayelela batho ba gore a ba nyake go theetsela. Mo re beyisa, Nnowa o tsere mengwagangwaga go le monna “wa go tšhomayela ka go loka.” (2 Pet. 2:5) A re kamake gore Nnowa ne a nabela gore ba bangwana ba ka yamogela molayetsa wage, mara a go na so Jehova a se hlayyeng sa go šupetsa gore dilo ne di nyoko makega ka mokgonone. Mo Modimo a botsa Nnowa gore a yage areka, o yitseri: “Kena arekeng, wene, barwayi bago, mosadi wago le basadi ba barwayi bago.” (Gen. 6:18) Fote mo Nnowa a lebelela areka yo Modimo a mmutsiyeng  gore a yi yage gore yi teya kaye le gore go ka kena batho ka bakaye, o f’lo tiposa gore di ra gore a baa tlala ba gore ba nyoko yamogela molayetsa wage. (Gen. 6:15) Phela ga lefase lone la go tlala ka batho ba go ba le lešidi, a sanka gwa ba le ka wwoši wa gore o yye a yamogela molayetsa wa Nnowa. (Gen. 7:7) Ayitsano Jehova o yye a tseya gore Nnowa o šitegiye? Le ka mbhitšane! Modimo ne a tseya gore Nnowa o phomelele ga mmereko wage wa go tšhomayela ka taba la gore o makiye dilo ka mokana ga tsona tso Jehova a mo kgopeleng gore a di make.—Gen. 6:22.

12. Moporofeta Jeremiya o makiye byang gore a dule a jabolela mmereko wage le mo a gahlana le batho ba go sa jabolele le ba go mo phigisa?

¹² Moporofeta Jeremiya o yye a tšhomayela mengwagangwaga a kene a gahlana le batho ba go sa jabolele le ba go mo phigisa. Ke mo a kgongwetsa ke taba ya gore bo ba go mo phigisa ne ba dulela go mo “rogelela le go mo kwera” a šinya a nagana le go lisetsa mmereko wage. (Jer. 20:8, 9) Mara Jeremiya a sanka a lahla tewu! King so se mo gelepiyeng gore a lisetse go nagana tsa go kekema ke mokane a jabolele mmereko wage? Ke mo a beyye lihlo lage ga dilo ka dipedi. Sa mathomo, molayetsa wa go tšwa ga Modimo wo Jeremiya ne a wo leyele batho ke mo go le wa “tshepo ya tsa ku mahlong.” (Jer. 29:11) Sa bobedi, Jehova ne a kgetiye Jeremiya gore a yemele lebitso lage. (Jer. 15:16) Le rune re leyela batho molayetsa wa tshepo fote re yemela lebitso la Jehova re le Dihlatse tsage. Mo re ka sa takisi maahlo dilo tsowa ka dipedi, re nyoko fo dula re jabodiye mo batho ba re theetsela kela ba sa re theetsele.

13. Mošupetso wa Jeso wo wo leng ga Mareka 4:26-29 wo re tšhutisa ying?

¹³ Motho o gula ka gonyana ka gonyana ga tso tsa Modimo. Jeso o tšhutisa nnete yowa ga mošupetso wage wa motho wa go gaša ke mokane a ye yetseleng. (Bala Mareka 4:26-29.) Pewu yo yi gašiyeng ke motho yene ke mo yi gula ka gonyana ka gonyana fote ne go se na so a ka se makang gore yi yakgoswe yi gule. Le wene o ka sa yakgoswe o bona maphomela ga mmereko wago wa go maka batho gore go be malata, ma nyoko bonala ka gonyana ka gonyana. Go fo tshwana le mo motho wa go lema a ka sa di kgone go maka gore tso a di gašiyeng di gule ka mokgo yene a nyakang, le rune re ka sa kgarametse ye re tšhutang naye Bhayibele gore a yakgoswe a gula ga tso tsa Modimo. Byalo, mo ba gula ka go nanankela, di sa go tape matšhika. Go lema le go maka batho gore go be malata, di nyaka gore motho a lefise pelo.—Jak. 5:7, 8.

14. King so se šupetsang gore maphomela ya mmereko wa rune wa go tšhomayela ma nyoko bonala ka gonyana ka gonyana?

¹⁴ Ga dipoleke tse dingwana di tseya mengwaga gore maphomela ya mmereko wa go tšhomayela ma yakgoswe ma bonala. Lebelela tso Gladys le sesi wage Ruby ba ga Allen ba yyeng ba gahlana natso, ba gore ka 1959 ba yye ba ba neya mmereko wa gore ba ye ga poleke yo ba reng ke Quebec ya gore yi ku Canada ba ye tšhomayela go le mašupatsela ya nako ka moka. * Batho ba hone ne ba sa nyake go theetsela molayetsa wa Mmušo ka taba la gore ne ba tšhaba gore bayagelane le moruti wa kereke ya bona ba ko re king. Gladys o yitseri: “Go fediye mengwaga ka mmedi re bereka mabala ya diawara ka letšatši re kena ka mutši ka mutši mara go se na le ka wweši wa go jabolela! Batho ne ba fo tla ba re sekela ke mokane ba kwala sekwalo. Mara a sanka ra lahla tewu.” Mo goya goya batho ba yye ba thomisa go temeka ke mokane tšhomo ya thomisa go nyawula. Re bolabola re yitsa, go šele go na le kararo ya diphutego ga toropo yone.—Jes. 60:22.

15. King so re se tšhutang ga 1 Makorente 3:6, 7 ga taba ya mmereko wa go maka gore batho go be malata?

¹⁵ Mmereko wa go maka batho malata, a yi wa motho ka wweši. Re ya di tšiba gore di nyaka phutego ka mokana ga yona gore motho a šinye a kolobetsiwe. (Bala 1 Makorente 3:6, 7.) Tla re fo  re motšhomayedi o neya motho wa gore wa jabolela sephephane le makazini. Mo mogageru a lebelela letheto lage, wa di bona gore a ka sa di kgone go boyela a ye tšhutisa motho yela wa gore wa jabolela, byalo o kgopela motšhomayedi ye mongwana gore a boyele ga motho yene. Ke mokane motšhomayedi yene a thomisa go tšhuta naye Bhayibele. O yye a mema magageru ya mangwana gore ma ye naye mo a ye tshwara setšhuto sone ke mokane ye mongwana le ye mongwana ga magageru yane o yye a hlohletsela ye a tšhutisiwang Bhayibele ka mokgwa wa go sa tshwane. Magageru ka mokana ga wona ya gore ma yye ma vakašela ye a tšhutisiwang Bhayibele ma nyoko tšhela letsogo ga mmereko wa go gelepa gore a tšhute tsa go tlala ka Jehova. Ka mokgonone go nyoko makega tso Jeso a di hlayyeng mo a re motho wa go gaša le wa go buna ba nyoko jabolela mmereko wa go buna ggoši.—Joh. 4:35-38.

16. Ke ntaba o ka jabola le mo go lwala le go gayela matšhika di go kgerela ga mmereko wago wa go tšhomayela?

¹⁶ Byalo, o nyoko re king mo nkare go lwala le go gayela matšhika di ya go kgerela ga mmereko wa go tšhomayela? Sosone se senyana so o kgonang go se maka se ka maka gore o jabolele mmereko wa go buna. Lebelela gore Kgoši Dafita le masole yage ba gahlanne le tsa mošaga mang nakwela ba phonisa mitši ya bona le diphahlo tsa bona ga dikgohlane tsa Maamaleke. Ka taba la gore ne go na le makgolo ka mabedi ya banna ba gore ne ba tinnwe la go kgwa gore ba ka ya ntweng, ba yye ba šala gaye gore ba pasope diphahlo tsa bona. Mo ba šele ba hludiye ntweng, Dafita o yye a ba botsa gore ba pomelane tso ba buyyeng natso ka go lekana. (1 Sam. 30:21-25) Di fo tshwana le ka mokgo re makang ga mmereko wa rune wa lefase ka mokana ga lona wa go maka batho gore go be malata. Ye mongwana le ye mongwana ka ho phutegong ye a karakarang ka matšato le yene a ka jabola mo motho ye mongwana a thomisa go tšiba Jehova a boya a kolobetsiwa.

17. Ke ntaba re tshwanele re leboge Jehova?

¹⁷ Ka taba la gore Jehova o tseya mmereko wa rune gabutši re mo leboga re sa fetsi. Wa di tšiba gore re ka sa di kgone go lawola maphomela ya mmereko wa rune. Mara o tseyela gedimo taba ya gore re ya karakara gore re šupetse gore re mo nyaka ka matla fote wa re rufa. O re tšhutisa gore re ka maka byang gore re jabodise ke go tšhela letsogo ga mmereko wa go tšhomayela. (Joh. 14:12) A re kamake gore Modimo o nyoko dula a re yamogela mo re ka sa lahle tewu!