ATIKARA APII 47
Mei Teaa Rai te Ketaketa i Toou Akarongo?
“Auraka e taitaia to kotou ngakau: ka akarongo i te Atua.”—IOA. 14:1.
IMENE 119 Ei Akarongo to Tatou
I ROTO I TEIA APII *
1. Eaa te uianga ka ui tatou kia tatou uaorai?
APIAPI ainei koe me akamanako i te au mea te ka tupu kare e roa atu ana—te takore anga i te au akonoanga pikikaa, te tamaki a Goga a Magoga e te tamaki o Aramakito? Kua ui ainei koe, ‘Me tae mai te reira tuatau, ka vai tiratiratu ainei au me tupu teia au mea matakuia?’ Me manako akapera koe, ka riro teia uriurianga i ta Iesu i tuatua i roto i te irava tumu ei tauturu ia koe. Akakite aia ki tana au pipi: “Auraka e taitaia to kotou ngakau: ka akarongo i te Atua.” (Ioa. 14:1) Ka tauturu te akarongo ketaketa ia tatou kia akakoromaki noatu eaa te ka tupu a te tuatau ki mua.
2. Akapeea tatou me akaketaketa i to tatou akarongo, e eaa ta tatou ka uriuri i teia atikara?
2 Me akamanako i ta tatou ka rave i teianei me tupu te au mea te ka timata i to tatou akarongo, ka tauturuia tatou kia kite eaa tei anoanoia kia akaketaketa i to tatou akarongo. Ka kite katoa tatou e ko teea te au ngai o to tatou akarongo ka tau tatou kia akara meitaki. Me akakoromaki i te timataanga, ka ketaketa atu to tatou akarongo. Ka rauka i reira ia tatou i te akakoromaki i te au timataanga i te tuatau ki mua. I teia atikara, ka uriuri tatou e ā turanga te ka akaari mai e kua anoanoia te au pipi a Iesu kia akamaata atu i to ratou akarongo. Ka uriuri katoa tatou i te au turanga aiteite i teia tuatau, e akapeea te reira me akapapa ia tatou no te tuatau ki mua.
TE AKARONGO E KA AKONO MAI TE ATUA IA TATOU I TE PAE KOPAPA
Penei ka tupu te au manamanata pae moni, inara ka tauturu te akarongo ia tatou kia akamou ki runga i te tavini anga ia Iehova (Akara i te parakarapa 3-6)
3. Tei tataia i roto ia Mataio 6:30, 33, eaa te manako maata ta Iesu e apii ra no runga i te akarongo?
3 Mea natura no tetai upoko o te ngutuare kia inangaro i te oronga i te kai, te kakau, e te ngai nooanga no tana vaine e Mataio 6:30, 33.) Mea papu tikai e kare a Iehova e akaruke ia tatou, no reira ka rauka ia tatou i te akamou ki runga i te tavini anga iaia. Me kite tatou akapeea a Iehova te akono anga ia tatou i te pae kopapa, ka akavaitata atu tatou kiaia e ka akaketaketa i to tatou akarongo.
tana anau. Kare ra teia i te mea māmā i te rave i teia tuatau ngata. Tetai taime, ka akanooia to tatou au taeake irinaki mei ta ratou angaanga, e noatu ka tauta ratou, kare e rauka mai tetai ngai angaanga. E tetai pae, kare ratou e āriki i tetai ngai angaanga kare e tau no te au Kerititiano. Me tupu te reira, ka anoanoia te akarongo ketaketa e ka akono mai a Iehova i to tatou au anoano i te pae kopapa. Apii a Iesu i teia ki tana au pipi i roto i tana Akoanga i te Maunga. (E tatau ia4-5. Eaa tei tauturu i tetai ngutuare kia akakoromaki i te apiapi no runga i to ratou au anoano pae kopapa?
4 Akamanako akapeea a Iehova te tauturu anga i tetai ngutuare i Venezuela te tupu anga te manako apiapi i to ratou au anoano pae kopapa. I mua ana, kua rava ua te moni a te ngutuare Castro mei ta ratou angaanga tanutanu i ko i to ratou kainga. I reira, kua aere mai tetai pupu aronga e pupui ta ratou, kua rave i to ratou kainga, e kua tuaru ia ratou kia aere. Akakite te metua tane ko Miguel: “Teia taime ka angaanga matou i runga i tetai potonga enua meangiti, ta tetai tangata i oronga mai no matou. Ka akamata au i te au rā ravarai na te pati anga ia Iehova kia oronga mai i ta matou i anoano no tera rā.” E ngata te oraanga no teia ngutuare, inara ma te akarongo mou tikai e ka akono mai to tatou Metua aroa i to ratou au anoano i te au rā, ka aere putuputu te ngutuare Castro ki te au uipaanga a te putuputuanga e ka tutu aere. Ko te tavini anga ia Iehova te mea puapinga roa atu i roto i to ratou oraanga, e ka irinaki ratou e akono mai a Iehova ia ratou.
5 I tera tuatau ngata, kua akamou a Miguel e tana vaine ko Yurai i to raua manako akapeea a Iehova te akono anga ia ratou. I tetai au atianga, kua taangaanga a Iehova i te au taeake e te au tuaine ei oronga i tetai apinga ta ratou e anoano ra, e kua tauturu ia Miguel kia kimi i tetai ngai angaanga. I tetai atianga ke, kua taangaanga a Iehova i te opati Betela ei oronga i te tauturu no ratou. Kare rava a Iehova i akaruke ana ia ratou. Tei tupu, kua ketaketa roa atu te akarongo o teia ngutuare tangata. Muri ake i te akakite anga i tetai atianga takake i tauturu ei a Iehova ia ratou, karanga ta raua tamaine mua ko Yoselin: “Mea pumaana i te kite taka meitaki akapeea a Iehova te akono anga ia matou. Koia toku oa e ka irinaki papu au iaia kia tauturu mai iaku.” Karanga katoa aia: “Riro te au timataanga ta matou i na roto ei ngutuare ei akapapa ia matou no te au timataanga pakari a te tuatau ki mua.”
6. Akapeea koe me akaketaketa i toou akarongo me tupu te au manamanata pae moni?
6 Te tupu ra ainei te au manamanata pae moni kia koe? Me koia ïa, e tuatau ngata teia noou. Inara, noatu te ngata i toou turanga, ka Mataio 6:25-34, ma te akamanako oonu i te reira. Akamanako i te au akaraanga o teia tuatau tei akapapu mai e ka akono a Iehova i te aronga tei rave maata i tana angaanga. (1 Kori. 15:58) Me akapera koe, ka ketaketa roa atu toou akarongo e ka tauturu a Iehova ia koe, mei tana rai i rave no etai ke tei na roto i te au turanga aiteitei. Kua kite aia i taau e anoano ra, e akapeea me oronga i te reira. Me kite koe i ta Iehova tauturu i roto i toou oraanga, ka ketaketa atu toou akarongo kia akakoromaki i te au timataanga maata i te tuatau ki mua.—Haba. 3:17, 18.
rauka ia koe i te akapou i teia taime no te akamatutu i toou akarongo. Pure kia Iehova e e tatau i ta Iesu i tuatua iaTE AKARONGO KIA AKAKOROMAKI I “TETAI URIIA MAATA”
Ka tauturu te akarongo ketaketa ia tatou kia akakoromaki i tetai ua atu timataanga tei aite mei te uriia maata (Akara i te parakarapa 7-11)
7. Ia Mataio 8:23-26, akapeea “tetai uriia maata” te timata anga i te akarongo o te au pipi?
7 Te rokoia anga a Iesu e tana au pipi e tetai uriia i tai, kua taangaanga a Iesu i te reira ei tauturu ia ratou kia kite e ka anoanoia kia akaketaketaia to ratou akarongo. (E tatau ia Mataio 8:23-26.) Te moe ua ra a Iesu te tupu anga te uriia, e kua akamata te tai i te tapoki i te paī. Akaara atu te au pipi mataku ia Iesu e kua pati iaia kia akaora ia ratou. Kua ako maru te Atu ia ratou: “Eaa kotou i mataku ei, e kotou, te aronga akarongo mea ngiti nei?” Ka tau te au pipi mataku kia mārama e e mea māmā ua na Iehova i te akaora ia Iesu e ratou katoa. Eaa te apiianga no tatou? Ka tauturu te akarongo ketaketa ia tatou kia akakoromaki i te au “uriia maata” me kore te au manamanata tei aite mei te uriia rai.
8-9. Akapeea te akarongo o Anel te timataia anga, e eaa tei tauturu iaia?
8 Akamanako ana akapeea te akarongo o tetai tuaine kare i akaipoipo no Puerto Rico mai, te akaketaketaia anga e tetai timataanga ngata. Kua timataia tona akarongo e tetai “uriia maata.” Akamata te reira i te 2017 te takoreia anga tona kainga i roto i te Uriia ko Maria. Pera katoa kua ngere aia i tona ngai angaanga no te uriia. “I tera tuatau ngata, kua apiapi tikai au,” i karanga ai a Anel, “inara apii au kia irinaki kia Iehova na roto i te pure, e auraka au e tuku i te apiapi kia tāpu iaku mei te rave anga i taku i anoanoia kia rave.”
9 Karanga katoa a Anel e kua tauturu te tu akono iaia kia akakoromaki i te turanga ngata. Karanga aia: “Na te aru anga i te aratakianga a te akaaerenga i tauturu iaku kia noo maru ua. Tauturu mai a Iehova iaku na roto i te au taeake e te au tuaine, tei akamaroiroi mai iaku e kua oronga i te au mea taku e anoano ra i te pae kopapa.” Karanga katoa aia: “E maata ua atu ta Iehova i oronga mai kiaku i taku i pati, e kua akaketaketa maataia toku akarongo.”
10. Eaa taau ka rave me tupu “tetai uriia maata” kia koe?
10 Te tupu ra ainei “tetai uriia maata” i roto i toou oraanga? Penei kua na roto koe i tetai tumatetenga natura. Me kore, penei kua tu koe i tetai maki kino, e kua taitaia koe e kare i Sala. 77:11, 12) Ka papu roa ia koe e kare a Iehova e akaruke ia koe—kare rava!
papu eaa taau ka rave. Penei ka apiapi koe i tetai taime, inara auraka e akatika i toou apiapi kia akakore i toou irinaki ia Iehova. E akavaitata atu kiaia na roto i te pure akatenga. Akaketaketa i toou akarongo na te akamaara anga i te au tuatau i tauturu ei a Iehova ia koe. (11. Eaa ra tatou ka tauta ai kia akono i te aratakianga a te akaaerenga?
11 Eaa atu te ka tauturu ia koe kia akakoromaki i te turanga ngata? Mei ta Anel i akakite mai, ko toou tu akono. Tauta kia irinaki i te aronga ta Iehova e Iesu e irinaki ra. Tetai taime, ka oronga mai te au taeake e arataki ra i te au ikuikuanga tei tangi tuke ua akerai. Inara ka akameitaki a Iehova i toou tu akono. Kua kite tatou mei tana Tuatua e mei tei tupu ki te au tavini tiratiratu e ka riro te tu akono ei akaora ia tatou. (Exo. 14:1-4; 2 Para. 20:17) Akamanako oonu i teia au akaraanga. Ka riro te reira ei akamaroiroi i toou inangaro kia aru i te aratakianga a te akaaerenga a Iehova i teianei e a te tuatau ki mua. (Ebe. 13:17) Kare i reira koe e mataku i te mate maata e vaitata maira.—Mase. 3:25.
TE AKARONGO KIA AKAKOROMAKI I TE TU TIKA KORE
Me pure putuputu, ka akaketaketaia to tatou akarongo (Akara i te parakarapa 12)
12. Ia Luka 18:1-8, eaa te pirianga o te akatupu i te akarongo e te akakoromaki i te tu tika kore?
12 Kite a Iesu e ka riro te tu tika kore ei timata i te akarongo o tana au pipi. Ei tauturu ia ratou, kua akakite aia i tetai akatutuanga tei tataia i roto i te puka a Luka. Akakite a Iesu i te parapore no tetai vaine takaua tei pati akatenga i tetai akava tuatua tika kore kia akatika mai i tana. Kua papu i te vaine takaua, me pati putuputu ua rai aia ki te akava, ka tauturu mai te akava iaia. Aere ua rai, kua akarongo te akava kiaia. Eaa te apiianga? Kare a Iehova i te Akava tuatua tika kore. No reira a Iesu i karanga e: “Kare aina oki te Atua e akatika mai i tona uaorai tangata i ikiia ra, ko tei kapiki atu iaia i te po e te ao.” (E tatau ia Luka 18:1-8.) E oti karanga a Iesu: “Kia tae maira te Tamaiti a te tangata nei, e kitea ainei e ia te akarongo i te enua nei?” Me tupu te tu tika kore kia tatou, ka anoanoia kia akaari i te tu akakoromaki marie e te tauta atu rai kia rauka mai te akarongo ketaketa mei to te vaine takaua rai. Me akatupu i taua tu akarongo, ka irinaki papu tatou e ka tauturu mai a Iehova ia tatou. Ka anoano katoaia tatou kia irinaki e e mea ririnui te pure. Tetai taime, penei ka pauia ta tatou pure na roto i tetai mataara kare tatou i manako atu ana.
13. Akapeea te pure te tauturu anga i tetai ngutuare tei akonoia ma te tu tika kore?
13 Akamanako ana i tei tupu ki tetai tuaine ko Vero, e noo ana aia i te Democratic Republic of the Congo. Anoanoia a Vero, tana tane kare i te Kite, e ta raua tamaine e 15 ona mataiti kia akaruke i to ratou oire te tae anga mai tetai pupu vaeau. I runga i te mataara, kua rokoia ratou e te pupu vaeau tei opu ia ratou e kua karanga e ka tamateia ratou. Te akamata Mataio 6:9-13.” Karanga te rangatira, “E maine, e aere maru koe e toou nga metua, e kia paruru to Atua ko Iehova ia koe!”
anga a Vero i te aue, tauta tana tamaine i te akamaru iaia na te pure anga ma te reo maata e te taiku putuputu i te ingoa o Iehova i roto i tana pure. Te akaoti anga aia, kua ui te rangatira vaeau, “E maine, naai i apii ia koe kia pure?” Pau atu aia: “Na toku mama, e kua taangaanga aia i te pure i roto ia14. Eaa te ka timata i to tatou akarongo, e eaa te ka tauturu ia tatou kia akakoromaki?
14 Te apii maira teia au tupuanga auraka tatou kia akangaropoina i te puapinga o te pure. Akapeea ra me kare taau pure e pau vivikiia mai me kore na roto i tetai tu umere? Mei te vaine takaua rai i roto i te parapore a Iesu, e pure putuputu ma te irinaki e kare te Atua e akaruke ia koe e ka pau mai aia i taau pure. Pati akatenga ia Iehova no tona vaerua tapu. (Phili. 4:13) E akamaara kare e roa atu, ka akameitaki maata a Iehova ia koe e ka akangaropoina koe i te au manamanata tei tupu kia koe. Me akakoromaki koe i te au timataanga ma te tauturu a Iehova, ka ketaketa roa atu koe no te akakoromaki i te au timataanga i te tuatau ki mua.—1 Pete. 1:6, 7.
TE AKARONGO KIA AUTU I TE AU TURANGA NGATA
15. Tei akakiteia mai ia Mataio 17:19, 20, eaa te manamanata tei tupu ki ta Iesu au pipi?
15 Apii a Iesu i tana au pipi e ka tauturu te akarongo ia ratou kia autu i te au turanga ngata. (E tatau ia Mataio 17:19, 20.) I tetai atianga, kare i rauka ia ratou i te tuaru i tetai temoni ki vao noatu kua rauka ia ratou i te rave i te reira i mua ana. Eaa te tumu? Akamārama a Iesu e ka anoanoia ratou kia akamaata atu i to ratou akarongo. Akakite aia me e akarongo to ratou, ka autu atu ratou i te au turanga ngata mei te maunga rai! I teia tuatau katoa, ka tupu te au manamanata kia tatou tei ngata tikai i te autu atu.
Me tupu te mamae ngakau, ka tauturu te akarongo ia tatou kia tavini maroiroi ia Iehova (Akara i te parakarapa 16)
16. Akapeea te akarongo te tauturu anga ia Geydi kia autu i te tumatetenga e te mamae ngakau?
16 Akamanako ana i tei tupu kia Geydi, e tuaine i Guatemala. Kua tamateia tana tane ko Edi te oki anga mai raua mei te uipaanga a te putuputuanga. Akapeea te akarongo o Geydi te tauturu anga iaia kia akakoromaki i tona ngakau mii? Akakite aia: “Tauturu te pure iaku kia tuku i taku apainga kia Iehova e kia rauka mai te manako ‘au. Riro te tavini maroiroi anga ia Iehova ei tamaru i toku mamae ngakau. Kua tauturu te reira iaku kia akakoromaki i te au rā tataki tai, e auraka kia apiapi i to apopo. Mei taku i na roto, apii mai au e noatu te turanga ngata te ka tupu a te tuatau ki mua, ka rauka iaku i te autu atu i te reira ma te tauturu a Iehova, Iesu, e te akaaerenga.”
17. Eaa ta tatou ka rave me tupu te au turanga ngata mei tetai maunga rai?
17 Te mii ra ainei koe no tei takake atu tetai tei akaperepereia? Akanoo i tetai tuatau no te akaketaketa i toou akarongo i te manakonakoanga o te tuakaouanga na te tatau i te au Mase. 18:1) Rave i te au angaanga te ka tauturu ia koe kia akakoromaki, noatu ka pururu ua te roimata. (Sala. 126:5, 6) Akono tamou i taau akapapaanga no te aere ki te au uipaanga, te angaanga tutu aere e te tatau i te Pipiria. Akamou i toou manako ki runga i te au akameitakianga manea ta Iehova ka oronga mai kia koe. Me kite koe akapeea a Iehova me tauturu ia koe, ka ketaketa roa atu toou akarongo.
tua Pipiria no te aronga tei akatuakaouia mei te mate. Te mii ra ainei koe no te mea kua akaateaia tetai mema o toou ngutuare ki vao i te putuputuanga? Rave i te apii ei akapapu kia koe uaorai, ka riro te akoanga a te Atua ei mea meitaki rava atu. Noatu eaa te manamanata te tupu ra kia koe, taangaanga i te reira atianga kia akaketaketa i toou akarongo. E riringi i toou ngakau ki mua ia Iehova. Eiaa e akatakake ia koe uaorai mei etai ke, mari ra e noo vaitata ua i te pae i toou au taeake e te tuaine. (“E AKAMAATA MAI I TO MATOU AKARONGO”
18. Me kite koe e kua paruparu toou akarongo, eaa taau ka rave?
18 Me kua riro te au timataanga o te tuatau i topa me kore i teianei ei akaari e kua paruparu toou akarongo, auraka e taitaia. Akariro i teia ei atianga no te akaketaketa i toou akarongo. Mei te au apotetoro a Iesu, e pati: “E akamaata mai i to matou akarongo.” (Luka 17:5) Pera katoa, akamanako i te au akaraanga ta tatou i uriuri i roto i teia atikara. Mei ia Miguel e Yurai, e akamaara i te au taime i tauturu ana a Iehova ia koe. Mei te tamaine a Vero e Anel, pure akatenga kia Iehova i te tuatau tikai me tupu tetai tumatetenga. E mei ia Geydi, e akamaara penei ka tauturu a Iehova ia koe na roto i toou ngutuare tangata e te au taeake. Me akatika koe ia Iehova kia tauturu ia koe kia akakoromaki i te au timataanga i teianei, papu roa e ka tauturu mai aia ia koe me tupu tetai ua atu timataanga i te tuatau ki mua.
19. Eaa ta Iesu i irinaki papu, e eaa taau ka irinaki papu?
19 Akakite mai a Iesu i te au ngai i ngere ei tana au pipi i te akarongo. Inara, kare aia i ekoko ana e ka tauturu a Iehova ia ratou kia autu i te au timataanga. (Ioa. 14:1; 16:33) Kua papu katoa iaia e ka ora mai tetai urupu maata mei roto i te mate maata no to ratou akarongo ketaketa. (Apo. 7:9, 14) Ko koe ainei tetai ia ratou? Ma te tauturu a Iehova, ka rauka ia koe te reira me rave i taau ka rauka i teianei i te akaketaketa i toou akarongo!—Ebe. 10:39.
IMENE 118 “Akamaata Mai i to Matou Akarongo”
^ para. 5 Te tapapa nei tatou i te openga o teia akatereanga. Inara, i tetai taime penei ka manako koe e me kua ketaketa rai toou akarongo no te akakoromaki e tae ua atu ki te openga. I teia atikara, ka uriuri tatou i te au akaraanga e te au apiianga te ka tauturu ia tatou kia akaketaketa i to tatou akarongo.