Ke belegiwwe Netherlands ka mongwaga wa 1948. Ke mokane ka mongwaga wa go latela ba mutši wa geru ba rurela São Paulo, ku Brazil. Babelegi baka ke mo ba kwana le kereke ka matla, ka moka matšatši mo re šele re jele tsa go ja tsa ka malobana ne re bala Bhayibele re le mutši. Ka mongwaga wa 1959 re yye ra rura fote, mara gana byalo ne re ya United States, ra segela ra dula ga poleke yo ba reng ke Massachusetts.

Papa ke mo a karakara ka matla gore a thogo re pasopa re le ba mabala mo re felele. O berekiye mebereko ya go sa tshwane, ya go sepela a rekisa, a yaga dipata, a boya a bereka ga khamphani ya di elebhreyi. Ka mokana ga rune ne re jabodiye ka matla mo a kraya mmereko ga khamphani ya di elebhreyi ka taba la gore ke mo re thogo sepela re vakašela ga di naga tse dingwana.

Mo ke sa kena sekolo, ne ke dula ke nagana ka taba ya gore, ‘Mara ke nyoko maka ying mo ke šele ke gudiye?’ Banghana baka ba bangwana ba kgetiye go ya yunivesithi, ba bangwana ba kenela bosole. Mara nna taba ya go ba lesole ne yi se layini yaka ka taba la gore ne ke sa kwane le tsa go phigisana, mo yi le tsa go lwa le go di bolabola a ke di bolabole. Ke f’lo kgeta go ya yunivesithi gore ke thogo tšhabelela taba ya go ba lesole. Mara ka teng ne ke tšiba gore ke nyaka go gelepa  ba bangwana ka taba la gore ne ke nagana gore kela di ka n’gelepa gore ke tšibe gore ke phelela ying.

Mo ke le yunivesithi ne ke jabodisa ke go tšhuta ka taba ya gore di tlogela kaye gore motho go šinye go be motho, ne ke nyaka go tšiba gore dilo tso di phelang di thomisiye kaye. Ba re tšhutisiye gore dilo di f’lo timakegela fote ke mo ba nyaka gore re fo tshepa taba re sa butsisi tsa go tlala. Mara ho gaka tso ne ba di tšhutisa ke mo di sa gahlane, ne di nyaka gore motho a fo dumela fote a fo di takisa maahlo a sa nagane ka matla ka tsona, mara gore o tshepe taba, di nyaka go be le sa go tshwarelela ga sona.

Ga ditlelase ka mokana ga tsona tso ke di kenneng ke mo ba sa re tšhutisi gore sa gabutši ke sefeng kela sa go befa ke sefeng. Mara ne ba šihlela taba ya gore rune re ka maka byang gore re phomelele le mo nkare go na le so se thosogang. Ke mo ke jabodisa ke go ya diphathing ke na le banghana baka ke boya ke liketsa didraksi tsa mehlobohlobo, mara tsotsone ke mo di fo njabodisa tsa senakonyana. Ne ke tiputsisa gore, ‘Nje lowa ke mong lona lephelo?’

Ke yye ka rurela toropong ya Boston ke mokane ka kena yunivesithi gana hone. Gore ke thogo patela, ne ke fela ke bereka mo dikolo di kwadiye, ke gahlanne le Dihlatse tsa Jehova la mathomo gana hone. Ye mongwana wa gore ke bereka naye o bolabodiye le nna ka taba ya seprorofeto sa “kašupa ya dinako” sa gore se ga Daniyele tema 4 ke mokane a nhlatollela gore re phela ga dinako tsa mafelelo. (Dan. 4:13-17) Ke yakgoswiye ke di bona gore mo nka ya mahlong ke petapeta naye ka dilo tsowa fote ke di tseyela gedimo, di ko nyaka gore ke tšhentšhe maphelelo. Byalo, ke mo ke dula ke mo tšhabelela.

Ku yunivesithi ke yye ka tšhutela tsa gore di nyoko maka gore di be lula go ye bereka mmereko wa go tinyakela ku South America. Ne ke nagana gore mo nka fo bereka mmereko wa go gelepa ba bangwana wo nyoko maka gore ke tšibe gore ke phelela ying. Mara taba ya go kamaka gore go na le so re se phelelang yi f’lo ya yi kene yi gola. Nkene ke dhungheganne ka mokgonone ke f’lo lisetsa yunivesithi ke sa tla segare.

Ka May 1970, ke yye ka rurela Amsterdam ku Netherlands, go ye bereka gana hala di elebhreying mo go berekang papa. Ka taba la mmereko wowa, ne ke sepeIa ke vakašela dinaga tsa go tlala, dinaga tsa Afrikha, Amerikha, Yuropo le ku Bohlabela. Ke yakgoswiye ke di bona tsa gore naga ye nngwana le ye nngwana yo ke yi vakašelang batho ba gahlana le dintshitshire fote a ba tšibi gore ba make byang. Di nhlohletsele gore ke make se sengwana, ke yye ka boyela United States go ye kena ga yunivesithi yenela ya ku Boston.

Ne ke boyele sekolong, mara ne ke šele ke di bonne gore a ke kraye diphetolo tsa diputsiso tso ke nang natso ka lephelo. Ka taba la gore ne ke sa sa tšiba pelo le nthago, ke yye ka kgopela phrofesa wa go tšhutisa tsa gore di tlogela kaye gore motho go šinye go be motho gore a n’yeletse. Ne ke makele mo a re: “Ke ntaba o ya mahlong? Ke ntaba o sa fo lisetsa?” A sanka ka yemela gore a bolabole fote. Ke f’lo tšwa yunivesithi le nthago ke sa lebelele.

Ne ke kwa nkare a go na so ke se phelelang, byalo ka kgeta go kena ga mogoba wa go lwela gore batho ba ba tshware gabutši. Nna le banghana baka re yye ra vakašela dinaga tsa United States go ye segela Acapulco ku Mexico. Ne re dula ggoši le batho ba gore a ba kwane le go hlabologa fote ba šupetsa ba se na mathatha le mešekelo. Mara mo nkene ke dula nabo, ke yye ka šinya ke di bona gore a ba tšibi gore ba phelela ying fote a baa jabola. Ke di bonne gore a ba tshepege fote a yi mošaga wa batho ba gore o ka tikokotlela ka bona.

Mo dilo di sa yemme ka mokgonone, ke yye ka nagana ka tso ne ke nabela go di maka nakwela ke sa le ye monyana. Ne ke nyaka go sepela ka sekepe lewatleng, a ke rele go fo se kalama mara go se drayiva. Gore tso ne ke di nabela di thogo makega ne di nyaka ke tikrayele sekepe saka. Ka taba la gore monghanaka ye ba reng ke Tom le yene ne a nabela tso ke di nabelang, re kwanne gore re vakašele ga dinaga tse dingwana re sepela re le ka babedi ka sekepe. Ne ke nyaka go kraya poleke ya gore yi dukulugiye ke meetši ga gore nka khutsa melawolawo ya go tlala yo batho ba yi beyyeng.

Nna le Tom re vakašele Arenys de Mar, ya gore yi thina le Barcelona, ku Spain. Gana hone re rekiye sekepe so ba reng ke Llygra sa go teya gana hala ga 31 ya mafiti. Re thomme fase re yaga sekepe sone gabutši gore se thogo sepela lewatleng. Ka taba la gore ne re sa jagela go segela mo re yang, re ntshiye injini ya sona ke mokane ra thogo kraya poleke ye kgolonyana ya go beya meetši ya go nwa. Gore re thogo jikisa sekepe mo re segela mo go yemang dikepe, ne re berekisa tsela tsa go thapa meetši ka dipedi tsa nkare ke makgwana tsa go teya ga 16 ya mafiti. Re yitseri go fetsa, ra kena pateng ra ya Seychelles, ku Indian Ocean. Ne re polanne go keketlela ka bodikela bya lewatle la Afrikha re dukuluga Cape of Good Hope, ku Afrikha Borwa. Re berekisiye dinanedi, mmepo, dipuku le dithulusi tsa lula gore re thogo bona gore re bakiye kaye. Taba ya gore ne di le lula go tšiba gore šele re tla kaye ne yi mmakatsa ka matla.

Re yakgoswiye re di bona gore sekepe sa rune sa go makiwa ka mapolanka sa gore fote se hlagele, se ka sa di kgone go sepela lewatleng. Ne se kenisa 22 ya dilitha tsa meetši ka awara ka yyoši! Mathomisong ke hlayye gore nakwela go makega sedingwana ne ke tšhugiye ka matla fote ke mo go le la mathomo ke rapela ka nthago ga mengwaga ya go tlala, ke yye ka tshepisa Modimo gore mo nka phona, ke nyoko liketsa ka matla gore ke mo tšibe. Sedingwana se yye sa yema, ke mokane le nna ke yye ka maka ka mokgo ke tshepisiyeng.

Ke thomisiye go bala Bhayibele re kene re le gana ku lewatle. O fo nagana o duli teng ga sekepe o le kgole le leropho ku segare sa Lewatle la Mediterranean, o lebelele dihlapi tsa mohlobohlobo o boya o bona mo go bonalang nkare lewatle le gahlana le legedimo. Bošego ne ke jabolela go bona setšhotšho sa dinanedi sa Milky Way fote tsotsone ne di maka gore ke sa kamake gore go na le Modimo fote wa tihlupa ka batho.

Mo go šele go fitiye mabeke re le gana hone lewatle, re yye ra jikisela sekepe Alicante mo go yemang dikepe ku Spain, gana hone ra napa ra kwana gore re rekise sekepe sa rune gore re thogo reka se sengwana sa gore se kawone. Ne di sa makatse mo re sa kraye ye a ka se rekang, ka taba la gore sekepe sone ke mo go le sa botala, se se na injini fote se kenisa meetši! Mara, lone ne go le lešuba la gabutši la gore ke thogo bala Bhayibele.

Mo nkene ke ya mahlong ka go bala Bhayibele ke napiye ke di bona gore ke puku ya gore yi ka re gelepa mo re kene re phela. Ke tikisiye ke taba ya gore Bhayibele ya kwagala ga ditaba tsa go phela lephelo la go yela, maphelelo ya gabutši le gore ke ntaba nna le batho ba go tlala re titseya go le rune Makreste mara re sa make tso yi di hlayang.

Ne ke tikemisele go maka se nka se kgonang gore ke yedise maphelelo yaka, byalo ka napa ke lisetsa go kgokga didraksi. Ka fetsa ka gore go tshwanele go na le batho ba gore baa wo theetsela molawo wo wo leng ka Bhayibeleng fote ke nyaka go gahlana nabo. Ke yye ka rapela la bobedi, ke kgopela Modimo gore a n’gelepe gore ke ba kraye.

Taba ya go tsama ke liketsa dikereke tsowa go segela ke kraya ya mannete ne yi kwagala gabutši ho gaka. Mo nkene ke sepelasepela gana hone dipateng tsa Alicante, ke bonne meyago ya dikereke tsa go tlala. Mara  ka taba la gore tsa go tlala tsa tsona ke mo di na le dithombhe, ne di le lula gore ke tšibe gore a yi tsona tso ke di nyakang.

Tsatšenngwana ka Lesonto go le ka sethewo, ne ke le ga mmoto wo wo leng ka kgakalanyana ga poleke yo go yemang dikepe, nkene ke bala lengwalo la Jakobo 2:1-5, la gore le re pasopisa ka taba ya go yamogela batho mo re bona gore ba ghannye. Mo ke sologela sekepeng sa rune, ke fitiye ga poleke ya gore nkare ba tshwarela megahlano ya sedumedi, fote mo kgakala ga sekwalo ba ngwadiye gore: “Holo ya Mmušo ya Dihlatse tsa Jehova.”

Ke mokane ka nagana gore, ‘Di nyaka ke liketse batho bowa. Ke bone gore ba n’yamogela byang.’ Byalo ka kena Holong ya Mmušo ke sepela ka loto, ke yapere bhokati ya go tabogana. Wa go yamogela batho a n’yeta mahlong a n’šupetsa mo nka dulang, thina le mosadi wa gore o šele a gudiye wa gore ke mo a n’gelepa go bula mangwalo ya ma hlayang ke wa go beya polabolo. Ka nthago ga megahlano, ne ke makele mo ka mokana ga bona bo ba ntamisang ba šupetsa gore ba njabolele. Morene mongwana o yye a mmema gore ke tle gaye gage gore re thogo bolabodisana, mara ka taba la gore ne ke so fetsi go bala Bhayibele ka mmotsa gore, “Nko go botsa mo go šele go le nako.” Le mo go le ka mokgonone ne ke ya megahlanong ka mokana ga yona.

Mo go šele go fitiye mabekenyana, ke yye ka vakašela morenela gaye gage ke mokane a fetola diputsiso tsaka tsa go yelana le Bhayibele. Ka nthago ga beke, a nneya sekhwama se tlele ka dikobo tsa go bafala. Ke mokane a mpotsa gore mong wa dikobo tsone o jele ka taba la go theetsela molawo wa Bhayibele wa gore re nyakanane ka matla fote re sa sa tšhuta go lwa. (Jes. 2:4; Joh. 13:34, 35) Byalo ne ke sa kamake gore ke krayye so ne ke se nyaka—batho ba gore ba maka tso Bhayibele yi di hlayang ga taba ya maphelelo ya go yela! Polane yaka ne yi sa sa le go nyakela poleke ya pharadeyisi ya gore yi dukulugiye ke meetši mara ne ke nyaka go tšhuta Bhayibele ke boye ke yi kwisise gabutši. Byalo ka boyela Netherlands.

Ke fetsiye matšatši ka mane ke kgopela dilifti ke bakiye toropong ya Groningen ku Netherlands. Gana ku ne ke nyaka gore ke kraye mmereko gore ke thogo tipasopa. Mo ke tlatsa fomo ya go kgopela mmereko ga setolo se sengwana sa gore ba bereka ka mapolanka, ba butsisiye gore kereke yaka ke yifeng. Ke ngwadiye gore, “Dihlatse tsa Jehova.” Mo mong wa setolo a yi bala, ka bona a fo pipegana ho sefahlegong. O yitseri, “Nko go fowuneleng.” Mara a sanka a maka ka mokgonone.

Ga setolo se sengwana sa gore ba bereka ka mapolanka, ke yye ka butsisa mong wa setolo gore ayitsano aa nyake motho wa go mo gelepa. O mputsisiye gore ayitsano ke na le maphephe ya go šupetsa gore ke kenne sekolo le ya go šupetsa gore ke yye ka bereka  go gongwana. Ke mmutsiye gore ke yye ka lukisa sekepe sa gore ba se makiye ka mapolanka. Ne ke makele mo a re, “Mo nkare re nyoko kwana ga taba yowa ka yyoši, o ka thomisa go bereka lekgono lolowa ka sethewo. A ke nyake mathatha mo setolong saka ka taba la gore ke nna Hlatse ya Jehova fote ke berekisa ditšhiko tsa Bhayibele mo nkene ke phela.” Ne ke mo lebelele ke makele ke mokane ka re gage, “Le nna!” Mara ka taba la gore ne ke ruwwe moriri le makgakga, o yitseri, “Go lukiye gee, ke nyoko napa ke tšhuta Bhayibele nago!” Ke yye ka dumela ke jabodiye. Ke šele ke ya di tšiba gore ke ntaba mong wa setolo sa mathomo a sa mfowunela. Jehova ne a nyaka gore ke kraye so pelo yaka ne yi se nabela. (Pis. 37:4) Ke berekiye ga setolo sa mogageru yene mongwaga ka wwoši. Ka nako yonone, o yye a ntšhutisa Bhayibele, ka nthago ka kolobetsiwa ka January 1974.

Ka nthago ga kgwedi, ke yye ka kenela mmereko wa nyuwane​—mmereko wa go ba mošupatsela wa nako ka moka—​wa go maka gore ke kwe ke sa gayele selo. Ga kgwedi ya go latela, ke rurele Amsterdam gore ke thogo thega mogoba wa gore wo sa thomisa wa mmolabolo wa Spanish. A yi go jabodisa ga tsona go tšhutisa batho Bhayibele ka mmolabolo wa Spanish le Sepotokisi! Ka May 1975, ba yye ba nkgopela gore ke bereke ke le mošupatsela wa go hlawolega.

Ka letšatši le lengwana, mogageru ye mongwana wa mosadi wa gore ke mošupatsela wa go hlawolega ye ba reng ke Ineke ne a tlile ga megahlano ya rune ya mmolabolo wa Spanish a felegetsiye ye a tšhutang naye Bhayibele wa gore o bolabola mmolabolo wa Sebolivia gore a tšibane le magageru ya go bolabola Spanish. Nna le Ineke re kwanne gore di nyaka re fela re ngwalelana marifi gore re thogo tšibana gabutši, ke mokane ra di bona gore ke mo re tikemisele go segelela dilo tsa go tshwana. Re yye ra šadha ka 1976 fote ra ya mahlong re kene re bereka go le rune mašupatsela ya go hlawolega go segela ka 1982 mo ba re mema gore re tle ga tlelase ya bo 73 ya Gilead. Ke mo re makele fote re jabodiye mo ba re re ye tšhomayela ku Bohlabela bya Afrikha, re berekiye kapheta ya mengwaga Mombasa, ku Kenya! Ka 1987, ba re romela ku Tanzania, ga gore ne yi se botala ba dumelele mmereko wa go tšhomayela. Go fediye 26 ya mengwaga re dula gana hone mo re so ko boyela ku Kenya.

Tsa go tšhutisa batho ba gore baa tinyanafatsa nnete yo yi leng Bhayibeleng di makiye gore re tšibe gore re phelela ying. Mo re beyisa, ye ke tšhutiyeng naye Bhayibele la mathomo ku Mombasa ne go le morene mongwana wa gore ke gahlanne naye mo ke maka mmereko wa go tšhomayela mo go tleleng batho. Ka nthago ga mo ke mo neyye dimakazini ka dipedi, o yitseri, “Mo nka di fetsa, nko ba ke maka ying?” Beke ya go latela ra thomisa go tšhuta Bhayibele re berekisa puku You Can Live Forever in Paradise on Earth, ya gore ne ba sa tšwa go yi ntsha ka mmolabolo wa Seswahili. O kolobetsiwwe ka nthago ga mongwaga ke mokane ya ba mošupatsela wa nako ka moka. Go tlugisela hana hone yene le mosadi wage ba gelepiye batho ba go teya gana hala ga 100 gore ba tineyele fote ba kolobetsiwe.

Mo ke thomisa go kwisisa gore ke phelela ying, ne ke kwa nkare ke nna motho wa go sepela a rekisa wa gore o bonne lekolwane la gore ba le tseyela gedimo fote a fo nyaka go bona a f’lo re le ngo ka letsogo. (Mat. 13:45, 46) Ne ke nyaka go berekisa nako yaka ka mokana ga yona ke gelepa ba bangwana gore ba tšibe gore ba phelela ying. Nna le mosadi waka, re di bonne gore Jehova o rufa batho bage ka go ba gelepa gore ba kraye mong lona lephelo.