ບົດຄວາມສຶກສາທີ 48
“ພວກເຈົ້າຕ້ອງເປັນຄົນບໍລິສຸດ”
“ໃຫ້ເປັນຄົນບໍລິສຸດໃນການກະທຳທຸກຢ່າງ.”—1 ປຕ. 1:15
ເພງ 34 ສັດຊື່ຕໍ່ພະເຈົ້າສະເໝີ
ໃຈຄວາມສຳຄັນ *
1. ອັກຄະສາວົກເປໂຕໄດ້ໃຫ້ຄຳແນະນຳຫຍັງກັບພີ່ນ້ອງ ແລະເປັນຫຍັງຄຳແນະນຳນີ້ຈຶ່ງເບິ່ງຄືວ່າເຮັດຕາມໄດ້ຍາກ?
ບໍ່ວ່າເຮົາຈະມີຄວາມຫວັງຢູ່ໃນສະຫວັນຫຼືຢູ່ໃນໂລກ ເຮົາກໍຈະໄດ້ຮັບປະໂຫຍດຈາກຄຳແນະນຳທີ່ອັກຄະສາວົກເປໂຕໃຫ້ກັບຄລິດສະຕຽນໃນສະຕະວັດທຳອິດ. ລາວບອກວ່າ: “ໃຫ້ເປັນຄົນບໍລິສຸດໃນການກະທຳທຸກຢ່າງຄືກັບພະເຈົ້າອົງບໍລິສຸດທີ່ເອີ້ນພວກເຈົ້າມາ ເພາະພະຄຳພີບອກວ່າ: ‘ພວກເຈົ້າຕ້ອງເປັນຄົນບໍລິສຸດ ເພາະເຮົາເປັນພະເຈົ້າທີ່ບໍລິສຸດ.’” (1 ເປ. 1:15, 16) ຈາກຄຳເວົ້ານີ້ ເຮັດໃຫ້ເຮົາເຫັນວ່າເຮົາສາມາດຮຽນແບບພະເຢໂຫວາຜູ້ທີ່ເປັນຕົວຢ່າງທີ່ດີທີ່ສຸດໃນເລື່ອງຄວາມບໍລິສຸດ. ແຕ່ເຮົາຈະເປັນຄົນບໍລິສຸດໄດ້ແນວໃດເພາະເຮົາເປັນມະນຸດທີ່ບໍ່ສົມບູນແບບ? ເປໂຕເອງກໍເຄີຍເຮັດຜິດພາດຫຼາຍເທື່ອ ແຕ່ຈາກຕົວຢ່າງຂອງລາວສະແດງໃຫ້ເຫັນວ່າເຮົາສາມາດເປັນ “ຄົນທີ່ບໍລິສຸດໄດ້.”
2. ເຮົາຈະຕອບຄຳຖາມຫຍັງແດ່ໃນບົດຄວາມນີ້?
2 ໃນບົດຄວາມນີ້ ເຮົາຈະມາຕອບຄຳຖາມຕໍ່ໄປນີ້: ຄວາມບໍລິສຸດແມ່ນຫຍັງ? ຄຳພີໄບເບິນສອນເຮົາໃຫ້ຮູ້ຫຍັງກ່ຽວກັບຄວາມບໍລິສຸດຂອງພະເຢໂຫວາ? ເຮົາຈະເປັນຄົນບໍລິສຸດໃນທຸກສິ່ງທີ່ເຮົາເຮັດໄດ້ແນວໃດ? ການເປັນຄົນບໍລິສຸດແລະການມີສາຍສຳພັນທີ່ດີກັບພະເຢໂຫວາກ່ຽວຂ້ອງກັນແນວໃດ?
ຄວາມບໍລິສຸດແມ່ນຫຍັງ?
3. ຫຼາຍຄົນຄິດວ່າຄົນບໍລິສຸດເປັນຄົນແບບໃດ ແຕ່ເຮົາຈະຮູ້ຄວາມຈິງໃນເລື່ອງນີ້ໄດ້ຈາກໃສ?
3 ເມື່ອເວົ້າເຖິງຄົນບໍລິສຸດ ຫຼາຍຄົນມັກຄິດເຖິງຜູ້ທີ່ໃສ່ເຄື່ອງແບບຂອງສາສະໜາແລະເຮັດໜ້າຕາທີ່ເຄັ່ງຂຶມ. ແຕ່ຄົນບໍລິສຸດບໍ່ໄດ້ເປັນແບບນັ້ນ ເພາະຄຳພີໄບເບິນບອກວ່າພະເຢໂຫວາຜູ້ທີ່ບໍລິສຸດເປັນ “ພະເຈົ້າຜູ້ມີຄວາມສຸກ” ແລະຜູ້ທີ່ຮັບໃຊ້ເພິ່ນກໍ “ມີຄວາມສຸກ” ຄືກັນ. (1 ຕມ. 1:11; ເພງ. 144:15) ພະເຢຊູໄດ້ຕຳໜິຄົນທີ່ໃສ່ເຄື່ອງແບບຂອງສາສະໜາແລະ ມັກເຮັດດີເພື່ອເອົາໜ້າ. (ມທ. 6:1; ມຣກ. 12:38) ເມື່ອຄລິດສະຕຽນແທ້ໄດ້ຮຽນຮູ້ເລື່ອງຂອງພະເຢໂຫວາຈາກຄຳພີໄບເບິນ ເຂົາເຈົ້າກໍໄດ້ຮູ້ວ່າຄວາມບໍລິສຸດໝາຍເຖິງຫຍັງ. ເຮົາໝັ້ນໃຈວ່າພະເຢໂຫວາຮັກເຮົາ ແລະບໍ່ເຄີຍບອກເຮົາໃຫ້ເຮັດສິ່ງທີ່ເຮົາເຮັດບໍ່ໄດ້. ດັ່ງນັ້ນ ເມື່ອພະເຢໂຫວາບອກວ່າ: “ພວກເຈົ້າ ຕ້ອງເປັນຄົນບໍລິສຸດ” ກໍສະແດງວ່າເຮົາສາມາດເປັນຄົນບໍລິສຸດໄດ້. ແຕ່ເພື່ອເຮົາຈະເປັນຄົນບໍລິສຸດ ເຮົາຕ້ອງເຂົ້າໃຈກ່ອນວ່າຄວາມບໍລິສຸດໝາຍຄວາມວ່າແນວໃດ.
4. “ຄວາມບໍລິສຸດ” ໝາຍເຖິງຫຍັງ?
4 ຄວາມບໍລິສຸດໝາຍເຖິງຫຍັງ? ໃນຄຳພີໄບເບິນອະທິບາຍວ່າ “ຄວາມບໍລິສຸດ” ໝາຍເຖິງການມີສິນລະທຳທີ່ສະອາດ ແລະການນະມັດສະການທີ່ສະອາດຫຼືສັກສິດ. ແລະຍັງໝາຍເຖິງການແຍກສິ່ງໃດສິ່ງໜຶ່ງໄວ້ຕ່າງຫາກເພື່ອຮັບໃຊ້ພະເຈົ້າ. ດັ່ງນັ້ນ ຖ້າເຮົາມີສິນລະທຳທີ່ສະອາດ ນະມັດສະການພະເຢໂຫວາໃນແບບທີ່ເພິ່ນຍອມຮັບ ແລະມີສາຍສຳພັນທີ່ໃກ້ຊິດກັບເພິ່ນ ເຮົາກໍຈະເປັນຄົນທີ່ບໍລິສຸດໄດ້. ເຮົາຮູ້ສຶກແປກໃຈຫຼາຍທີ່ເຫັນວ່າພະເຢໂຫວາຢາກໃຫ້ເຮົາເປັນໝູ່ກັບເພິ່ນເຖິງວ່າເຮົາຈະເປັນຄົນບໍ່ສົມບູນແບບ.
“ພະເຢໂຫວາບໍລິສຸດ ບໍລິສຸດ ບໍລິສຸດ”
5. ເຮົາໄດ້ຮຽນຫຍັງກ່ຽວກັບພະເຢໂຫວາຈາກທູດສະຫວັນ?
5 ພະເຢໂຫວາເປັນພະເຈົ້າທີ່ສະອາດແລະບໍລິສຸດໃນທຸກດ້ານ. ເຮົາຮູ້ເລື່ອງນີ້ໄດ້ຈາກຄຳເວົ້າຂອງເຊຣາຟີມເຊິ່ງເປັນທູດສະຫວັນທີ່ຢູ່ໃກ້ກັບບັນລັງຂອງພະເຢໂຫວາ. ເຂົາເຈົ້າເວົ້າວ່າ: “ພະເຢໂຫວາແຫ່ງກອງທັບທັງຫລາຍກໍບໍລິສຸດ ບໍລິສຸດ ບໍລິສຸດ.” (ເອຊາ. 6:3) ທູດສະຫວັນເຫຼົ່ານີ້ຕ້ອງເປັນຜູ້ທີ່ບໍລິສຸດແທ້ໆເພື່ອເຂົາເຈົ້າຈະໃກ້ຊິດກັບພະເຢໂຫວາໄດ້. ທີ່ຈິງ ບ່ອນທີ່ທູດສະຫວັນລົງມາໃນໂລກນີ້ໄດ້ກາຍເປັນບ່ອນທີ່ບໍລິສຸດ ເຊັ່ນ: ຕອນທີ່ທູດສະຫວັນມາຫາໂມເຊໃນພຸ່ມໄມ້ທີ່ໄໝ້ ບ່ອນນັ້ນກໍກາຍເປັນບ່ອນທີ່ບໍລິສຸດ.—ອົບ. 3:2-5; ຢຊວຍ. 5:15
6-7. (ກ) ຕາມອົບພະຍົບ 15:1, 11 ໂມເຊໄດ້ເນັ້ນຄວາມບໍລິສຸດຂອງພະເຢໂຫວາແນວໃດ? (ຂ) ສິ່ງໃດເຮັດໃຫ້ຊາວອິດສະຣາເອນທຸກຄົນຮູ້ວ່າພະເຢໂຫວາເປັນພະເຈົ້າທີ່ບໍລິສຸດ? (ເບິ່ງຮູບໜ້າປົກ)
6 ຫຼັງຈາກທີ່ໂມເຊພາຊາວອິດສະຣາເອນຂ້າມທະເລແດງແລ້ວ ລາວກໍເນັ້ນວ່າພະເຢໂຫວາເປັນພະເຈົ້າທີ່ບໍລິສຸດ. (ອ່ານອົບພະຍົບ 15:1, 11) ເມື່ອຄິດເຖິງສິ່ງທີ່ຜູ້ນະມັດສະການພະຂອງເອຢິບແລະພະຂອງການາອານເຮັດ ເຮົາເຫັນວ່າເຂົາເຈົ້າບໍ່ບໍລິສຸດເລີຍ ເພາະເຂົາເຈົ້າເຮັດສິ່ງທີ່ໜ້າລັງກຽດຫຼາຍຢ່າງ ເຊັ່ນ: ເອົາລູກໄປເຜົາບູຊາແລະເຮັດຜິດສິນລະທຳທາງເພດ. (ເລວີ. 18:3, 4, 21-24; ບັນຍັດ. 18:9, 10) ແຕ່ພະເຢໂຫວາບໍ່ເຄີຍໃຫ້ຜູ້ທີ່ນະມັດສະການເພິ່ນເຮັດສິ່ງທີ່ໜ້າລັງກຽດເຫຼົ່ານີ້ຈັກເທື່ອ ເພາະເພິ່ນເປັນພະເຈົ້າທີ່ບໍລິສຸດ. ເຮົາເຫັນເລື່ອງນີ້ໄດ້ແຈ້ງຈາກຄຳເວົ້າທີ່ສະຫຼັກໃສ່ແຜ່ນຄຳເຊິ່ງຕິດຢູ່ຜ້າຄຽນຫົວຂອງມະຫາປະໂລຫິດ. ໃນນັ້ນຂຽນວ່າ: “ພະເຢໂຫວາບໍລິສຸດ.”—ອົບ. 28:36-38, ລ.ມ.
7 ທຸກຄົນທີ່ເຫັນຄຳເວົ້າທີ່ຢູ່ໃນແຜ່ນຄຳນັ້ນເຂົ້າໃຈວ່າພະເຢໂຫວາເປັນພະເຈົ້າທີ່ບໍລິສຸດ. ແຕ່ຖ້າບາງຄົນບໍ່ເຫັນແຜ່ນຄຳນັ້ນຍ້ອນຢູ່ໄກຈາກປະໂລຫິດເດ ເຂົາເຈົ້າຍັງຈະຮູ້ບໍວ່າພະເຢໂຫວາເປັນພະເຈົ້າທີ່ບໍລິສຸດ? ຮູ້ແທ້! ເພາະຊາວອິດສະຣາເອນທຸກຄົນກໍໄດ້ຍິນເລື່ອງນີ້ຕອນທີ່ມີການອ່ານກົດໝາຍຂອງໂມເຊຕໍ່ໜ້າຜູ້ຊາຍ ຜູ້ຍິງ ແລະເດັກນ້ອຍ. (ບັນຍັດ. 31:9-12) ຖ້າເຈົ້າຢູ່ໃນສະໄໝນັ້ນ ເຈົ້າກໍຈະໄດ້ຍິນການອ່ານກົດໝາຍຂອງໂມເຊທີ່ບອກວ່າ: “ເຮົາແມ່ນເຢໂຫວາ ພະເຈົ້າຂອງພວກເຈົ້າ. ເຈົ້າຕ້ອງບໍລິສຸດສຳລັບເຮົາ ເພາະເຮົາເປັນພະເຈົ້າທີ່ບໍລິສຸດ.” “ພວກເຈົ້າຕ້ອງເປັນຄົນບໍລິສຸດສຳລັບເຮົາ ເພາະເຮົາເຢໂຫວາເປັນພະເຈົ້າທີ່ບໍລິສຸດ.”—ເລວີ. 11:44, 45; 20:7, 26, ລ.ມ.
8. ເຮົາໄດ້ບົດຮຽນຫຍັງຈາກຄຳເວົ້າທີ່ຢູ່ໃນພວກເລວີ 19:2 ແລະ 1 ເປໂຕ 1:14-16?
ພວກເລວີ 19:2, ລ.ມ. ເຊິ່ງເປັນສິ່ງທີ່ພະເຢໂຫວາບອກໂມເຊໃຫ້ອ່ານຕໍ່ໜ້າຊາວອິດສະຣາເອນທຸກຄົນ. ໃນນັ້ນພະເຢໂຫວາບອກໂມເຊວ່າ: “ໃຫ້ບອກຊາວອິດສະຣາເອນທຸກຄົນແບບນີ້ ‘ພວກເຈົ້າຕ້ອງເປັນຄົນບໍລິສຸດ ເພາະເຮົາເຢໂຫວາພະເຈົ້າຂອງເຈົ້າເປັນພະເຈົ້າທີ່ບໍລິສຸດ.’” ຕອນທີ່ເປໂຕບອກພີ່ນ້ອງຄລິດສະຕຽນໃຫ້ “ເປັນຄົນບໍລິສຸດ” ລາວອາດຈະຍົກຄຳເວົ້າຈາກຂໍ້ພະຄຳພີນີ້ກໍໄດ້. (ອ່ານ 1 ເປໂຕ 1:14-16) ເຖິງວ່າຕອນນີ້ເຮົາຈະບໍ່ໄດ້ຢູ່ພາຍໃຕ້ກົດໝາຍຂອງໂມເຊແລ້ວ ແຕ່ສິ່ງທີ່ເປໂຕເວົ້າກໍເນັ້ນຄວາມສຳຄັນທີ່ຢູ່ໃນພວກເລວີ 19:2 ທີ່ວ່າພະເຢໂຫວາເປັນພະເຈົ້າທີ່ບໍລິສຸດແລະຜູ້ທີ່ຮັກເພິ່ນກໍຕ້ອງພະຍາຍາມເປັນຄົນບໍລິສຸດຄືກັນ. ດັ່ງນັ້ນ ບໍ່ວ່າເຮົາຈະມີຄວາມຫວັງຢູ່ໃນສະຫວັນຫຼືຢູ່ໃນໂລກ ເຮົາກໍຕ້ອງເປັນຄົນບໍລິສຸດ.—1 ປຕ. 1:4; 2 ປຕ. 3:13
8 ຕອນນີ້ໃຫ້ເຮົາມາເບິ່ງຄຳເວົ້າທີ່ຢູ່ໃນ“ໃຫ້ເປັນຄົນບໍລິສຸດໃນການກະທຳທຸກຢ່າງ”
9. ເຮົາຈະໄດ້ຮັບປະໂຫຍດຫຍັງຈາກການສຶກສາປຶ້ມພວກເລວີບົດ 19?
9 ຍ້ອນເຮົາຢາກເຮັດໃຫ້ພະເຢໂຫວາພໍໃຈ ເຮົາຈຶ່ງຕ້ອງຮຽນຮູ້ທີ່ຈະເປັນຄົນບໍລິສຸດ. ພະເຢໂຫວາໄດ້ໃຫ້ເຮົາມີຄຳແນະນຳເພື່ອຈະເຮັດແບບນັ້ນໄດ້ ເຊິ່ງເຮົາກໍເຫັນຄຳແນະນຳນີ້ຈາກປຶ້ມພວກເລວີບົດ 19. ມາຄັດສ໌ ຄາລີດຊ໌ເຊິ່ງເປັນຜູ້ຊ່ຽວຊານດ້ານພາສາເຮັບເຣີບອກວ່າ: “ບົດນີ້ເປັນບົດທີ່ບອກລາຍລະອຽດຫຼາຍທີ່ສຸດ ແລະອາດຈະເປັນສ່ວນສຳຄັນທີ່ສຸດຂອງປຶ້ມພວກເລວີແລະປຶ້ມ 5 ເຫຼັ້ມທຳອິດທີ່ໂມເຊຂຽນ.” ຕອນນີ້ໃຫ້ເຮົາມາເບິ່ງບາງຂໍ້ໃນປຶ້ມພວກເລວີບົດ 19 ເຊິ່ງຈະຊ່ວຍເຮົາໃຫ້ເປັນຄົນບໍລິສຸດໃນທຸກແງ່ມຸມຂອງຊີວິດ. ຕອນທີ່ຮຽນເລື່ອງນີ້ ຂໍໃຫ້ເຮົາຈື່ໄວ້ວ່າໃນປຶ້ມພວກເລວີບົດ 19 ເລີ່ມຕົ້ນດ້ວຍຄຳວ່າ: “ພວກເຈົ້າຕ້ອງເປັນຄົນບໍລິສຸດ.”
10-11. ຕາມພວກເລວີ 19:3 ເຮົາຕ້ອງເຮັດຫຍັງ ແລະເປັນຫຍັງຈຶ່ງສຳຄັນ?
10 ຫຼັງຈາກທີ່ພະເຢໂຫວາບອກຊາວອິດສະຣາເອນວ່າ ພວກເຈົ້າຕ້ອງເປັນຄົນບໍລິສຸດ ເພິ່ນກໍເວົ້າຕໍ່ວ່າ: “ພວກເຈົ້າຕ້ອງນັບຖືພໍ່ແມ່ . . . ເຮົາແມ່ນເຢໂຫວາພະເຈົ້າຂອງພວກເຈົ້າ.”—ເລວີ. 19:2, 3, ລ.ມ.
11 ເຮົາເຫັນໄດ້ວ່າເປັນເລື່ອງສຳຄັນຫຼາຍທີ່ຈະເຮັດຕາມຄຳສັ່ງຂອງພະເຢໂຫວາທີ່ໃຫ້ນັບຖືພໍ່ແມ່. ມີເທື່ອໜຶ່ງທີ່ຜູ້ຊາຍຄົນໜຶ່ງໄດ້ມາຖາມພະເຢຊູວ່າ: “ຂ້ອຍມທ. 19:16-19) ພະເຢຊູໄດ້ຕຳໜິພວກຟາຣິຊາຍແລະພວກຄູສອນສາສະໜາທີ່ຫາວິທີທີ່ຈະບໍ່ເບິ່ງແຍງພໍ່ແມ່. ຍ້ອນແນວນີ້ ເຂົາເຈົ້າຈຶ່ງ “ເຮັດໃຫ້ຄຳສອນຂອງພະເຈົ້າບໍ່ມີຄວາມໝາຍ.” (ມທ. 15:3-6) ຄຳສອນຂອງພະເຈົ້າທີ່ບອກໃຫ້ນັບຖືພໍ່ແມ່ລວມຢູ່ໃນຂໍ້ທີ 5 ຂອງບັນຍັດ 10 ຂໍ້ ແລະຢູ່ໃນພວກເລວີບົດ 19:3. (ອົບ. 20:12) ຂໍໃຫ້ຈື່ໄວ້ວ່າຄຳແນະນຳທີ່ຢູ່ໃນພວກເລວີບົດ 19:3 ທີ່ບອກໃຫ້ນັບຖືພໍ່ແມ່ໄດ້ເວົ້າຂຶ້ນມາຫຼັງຈາກຄຳເວົ້າທີ່ວ່າ: “ພວກເຈົ້າຕ້ອງເປັນຄົນບໍລິສຸດ ເພາະເຮົາເຢໂຫວາພະເຈົ້າຂອງພວກເຈົ້າເປັນພະເຈົ້າທີ່ບໍລິສຸດ.”
ຕ້ອງເຮັດຄວາມດີຫຍັງຈຶ່ງຈະໄດ້ຊີວິດຕະຫຼອດໄປ?” ຄຳຕອບສ່ວນໜຶ່ງຂອງພະເຢຊູບອກວ່າ: “ໃຫ້ນັບຖືພໍ່ແມ່.” (12. ເຮົາຈະເຮັດຕາມຄຳແນະນຳທີ່ຢູ່ໃນພວກເລວີບົດ 19:3 ແນວໃດ?
12 ເມື່ອເຈົ້າອ່ານຄຳແນະນຳຂອງພະເຢໂຫວາທີ່ບອກໃຫ້ນັບຖືພໍ່ແມ່ ເຈົ້າອາດຈະຖາມຕົວເອງວ່າ ‘ຂ້ອຍໄດ້ນັບຖືພໍ່ແມ່ແລ້ວບໍ?’ ແຕ່ຖ້າເຈົ້າຮູ້ສຶກວ່າຕົວເອງຄວນຈະນັບຖືພໍ່ແມ່ໃຫ້ຫຼາຍກວ່າແຕ່ກ່ອນ ກໍຂໍໃຫ້ເຈົ້າເຮັດຕັ້ງແຕ່ຕອນນີ້ເລີຍ ເພາະເຖິງວ່າເຈົ້າຈະປ່ຽນອະດີດບໍ່ໄດ້ ແຕ່ເຈົ້າກໍສາມາດເຮັດດີທີ່ສຸດທີ່ຈະຊ່ວຍເຫຼືອພໍ່ແມ່ໃນຕອນນີ້ ເຊັ່ນ: ໃຊ້ເວລາກັບເຂົາເຈົ້າຫຼາຍຂຶ້ນ ຊື້ສິ່ງຂອງບາງຢ່າງໃຫ້ເຂົາເຈົ້າ ໃຫ້ກຳລັງໃຈເຂົາເຈົ້າສະເໝີ ແລະຊ່ວຍເຂົາເຈົ້າໃຫ້ໃກ້ຊິດກັບພະເຢໂຫວາແລະຮັບໃຊ້ເພິ່ນຕໍ່ໆໄປໄດ້. ເມື່ອເຈົ້າເຮັດແບບນີ້ເຈົ້າກໍກຳລັງເຮັດຕາມຄຳແນະນຳທີ່ຢູ່ໃນພວກເລວີບົດ 19:3.
13. (ກ) ໃນພວກເລວີບົດ 19:3 ຍັງມີຄຳແນະນຳຫຍັງອີກ? (ຂ) ໃນທຸກມື້ນີ້ເຮົາຈະເຮັດຕາມຕົວຢ່າງຂອງພະເຢຊູທີ່ຢູ່ໃນລູກາ 4:16-18 ໄດ້ແນວໃດ?
13 ໃນພວກເລວີບົດ 19:3 ຍັງສອນເຮົາໃຫ້ຮູ້ອີກເລື່ອງໜຶ່ງເພື່ອຈະເປັນຄົນບໍລິສຸດນັ້ນຄື ການເຮັດຕາມຄຳສັ່ງເລື່ອງວັນຊະບາໂຕ. ເຖິງວ່າເຮົາຈະບໍ່ໄດ້ຢູ່ພາຍໃຕ້ກົດໝາຍຂອງໂມເຊແລະບໍ່ຕ້ອງເຮັດຕາມຄຳສັ່ງເລື່ອງວັນຊະບາໂຕແລ້ວ ແຕ່ເຮົາກໍຈະໄດ້ຮຽນຮູ້ຫຼາຍຢ່າງຈາກວິທີທີ່ຊາວອິດສະຣາເອນເຮັດຕາມຄຳສັ່ງເລື່ອງວັນຊະບາໂຕແລະປະໂຫຍດທີ່ເຂົາເຈົ້າໄດ້ຮັບ. ວັນຊະບາໂຕເປັນມື້ທີ່ຊາວອິດສະຣາເອນຈະໄດ້ພັກຜ່ອນແລະໃສ່ໃຈຕໍ່ການນະມັດສະການພະເຈົ້າ. * ນີ້ຈຶ່ງເປັນເຫດຜົນທີ່ພະເຢຊູໄປບ່ອນປະຊຸມຂອງຊາວຢິວແລະອ່ານພະຄຳພີໃນວັນຊະບາໂຕ. (ອົບ. 31:12-15; ອ່ານລູກາ 4:16-18) ຄຳສັ່ງຂອງພະເຈົ້າທີ່ຢູ່ໃນພວກເລວີບົດ 19:3 ທີ່ບອກໃຫ້ເຮົາ “ເຮັດຕາມຄຳສັ່ງເລື່ອງວັນຊະບາໂຕ” ຄວນກະຕຸ້ນເຮົາໃຫ້ຈັດເວລາໄວ້ໃນແຕ່ລະມື້ເພື່ອເຮັດສິ່ງທີ່ເສີມຄວາມເຊື່ອ. ແລ້ວເຈົ້າເດ ເຈົ້າຄິດວ່າຄວນປັບຕາຕະລາງເພື່ອໃຫ້ມີເວລາຫຼາຍຂຶ້ນໄດ້ບໍ? ຖ້າເຈົ້າເຮັດແບບນີ້ ເຈົ້າກໍຈະມີສາຍສຳພັນທີ່ໃກ້ຊິດກັບພະເຢໂຫວາຫຼາຍຂຶ້ນເຊິ່ງເປັນສ່ວນສຳຄັນທີ່ຈະເຮັດໃຫ້ເຈົ້າເປັນຄົນບໍລິສຸດ.
ໃຫ້ມີສາຍສຳພັນທີ່ແໜ້ນແຟ້ນກັບພະເຢໂຫວາຫຼາຍຂຶ້ນ
14. ໃນປຶ້ມພວກເລວີບົດ 19 ໄດ້ເນັ້ນຄວາມຈິງພື້ນຖານຫຍັງ?
14 ໃນປຶ້ມພວກເລວີບົດ 19 ຍັງໄດ້ເນັ້ນເຖິງຄວາມຈິງພື້ນຖານຢ່າງໜຶ່ງທີ່ຈະຊ່ວຍເຮົາໃຫ້ເປັນຄົນບໍລິສຸດ. ໃນຂໍ້ 4 ຂອງບົດນັ້ນບອກວ່າ: “ເຮົາແມ່ນເຢໂຫວາພະເຈົ້າຂອງເຈົ້າ.” ຄຳເວົ້ານີ້ມີຢູ່ໃນປຶ້ມເລວີບົດ 19 ປະມານ 16 ເທື່ອ. ນີ້ເຮັດໃຫ້ເຮົາຄິດເຖິງບັນຍັດຂໍ້ທຳອິດທີ່ບອກວ່າ: “ເຮົາແມ່ນເຢໂຫວາພະເຈົ້າຂອງເຈົ້າ . . . ຢ່າມີພະເຈົ້າອື່ນນອກຈາກເຮົາ.” (ອົບ. 20:2, 3) ຄລິດສະຕຽນທຸກຄົນທີ່ຢາກເປັນຄົນບໍລິສຸດຕ້ອງບໍ່ຍອມໃຫ້ໃຜຫຼືສິ່ງໃດມາທຳລາຍສາຍສຳພັນຂອງເຂົາ ເຈົ້າກັບພະເຢໂຫວາ. ແລະຍ້ອນເຮົາເປັນພະຍານພະເຢໂຫວາ ເຮົາຈຶ່ງຕັ້ງໃຈທີ່ຈະບໍ່ເຮັດສິ່ງໃດກໍຕາມທີ່ຈະເຮັດໃຫ້ພະເຢໂຫວາເສຍຊື່ສຽງ.—ເລວີ. 19:12; ເອຊາ. 57:15
15. ຂໍ້ພະຄຳພີໃນພວກເລວີບົດ 19 ທີ່ເວົ້າເຖິງເຄື່ອງບູຊາຄວນກະຕຸ້ນເຮົາໃຫ້ຢາກເຮັດຫຍັງ?
15 ຊາວອິດສະຣາເອນຍອມຮັບວ່າພະເຢໂຫວາເປັນພະເຈົ້າຂອງເຂົາເຈົ້າໂດຍເຮັດຕາມກົດໝາຍຂອງເພິ່ນ. ໃນພວກເລວີບົດ 18:4, ລ.ມ. ບອກວ່າ: “ພວກເຈົ້າຕ້ອງເຮັດຕາມກົດໝາຍແລະຂໍ້ກຳນົດຂອງເຮົາ ເຮົາຄືເຢໂຫວາພະເຈົ້າຂອງເຈົ້າ.” ໃນປຶ້ມພວກເລວີບົດ 19 ໄດ້ເວົ້າເຖິງຂໍ້ກຳນົດບາງຢ່າງທີ່ຊາວອິດສະຣາເອນຕ້ອງເຮັດ ເຊັ່ນ: ໃນຂໍ້ 5-8, 21, 22 ໄດ້ເວົ້າເຖິງວິທີຖວາຍສັດເປັນເຄື່ອງບູຊາ. ຊາວອິດສະຣາເອນຕ້ອງເຮັດຕາມຂໍ້ກຳນົດເຫຼົ່ານີ້ເພື່ອຈະບໍ່ ‘ດູໝິ່ນສິ່ງບໍລິສຸດຂອງພະເຢໂຫວາ.’ ການອ່ານຂໍ້ເຫຼົ່ານີ້ຄວນກະຕຸ້ນເຮົາໃຫ້ຢາກຖວາຍເຄື່ອງບູຊາໃນແບບທີ່ພະເຢໂຫວາພໍໃຈຄືກັບທີ່ເຮັບເຣີ 13:15 ບອກໃຫ້ເຮົາເຮັດ.
16. ຫຼັກການໃດຊ່ວຍເຮົາໃຫ້ເຫັນຄວາມແຕກຕ່າງລະຫວ່າງຜູ້ທີ່ຮັບໃຊ້ພະເຈົ້າກັບຜູ້ທີ່ບໍ່ໄດ້ຮັບໃຊ້ພະເຈົ້າ?
16 ເພື່ອຈະເປັນຄົນບໍລິສຸດ ເຮົາຕ້ອງຍອມແຕກຕ່າງຈາກຄົນທີ່ບໍ່ໄດ້ນະມັດສະການພະເຢໂຫວາ. ແຕ່ການເຮັດແບບນັ້ນບໍ່ແມ່ນເລື່ອງງ່າຍ ເພາະບາງເທື່ອໝູ່ຢູ່ໂຮງຮຽນ ຢູ່ບ່ອນເຮັດວຽກ ຍາດພີ່ນ້ອງທີ່ບໍ່ມີຄວາມເຊື່ອແລະຄົນອື່ນໆອາດຈະກົດດັນເຮົາໃຫ້ເຮັດສິ່ງທີ່ຍາດເວລາທີ່ຈະນະມັດສະການພະເຢໂຫວາ. ຖ້າເປັນແບບນີ້ ເຮົາຕ້ອງຕັດສິນໃຈເລືອກສິ່ງທີ່ສຳຄັນ. ແລ້ວສິ່ງໃດຈະຊ່ວຍເຮົາໃຫ້ຕັດສິນໃຈໄດ້? ໃຫ້ເຮົາຄິດເຖິງຫຼັກການທີ່ຢູ່ໃນພວກເລວີ 19:19, ລ.ມ. ທີ່ບອກວ່າ: “ຢ່າໃສ່ເສື້ອຜ້າທີ່ເຮັດຈາກດ້າຍສອງຊະນິດ.” ກົດໝາຍນີ້ເຮັດໃຫ້ຊາວອິດສະຣາເອນຕ່າງຈາກຊາດອື່ນໆທີ່ຢູ່ອ້ອມຂ້າງ. ໃນທຸກມື້ນີ້ ເຮົາຈະນຸ່ງເຄື່ອງທີ່ມີດ້າຍປົນກັນຫຼາຍຊະນິດກໍໄດ້ ເຊັ່ນ: ຝ້າຍປົນນິລົງ ຫຼືໄໝມ້ອນປົນໄໝຫຼາບ. ແຕ່ເຮົາຈະບໍ່ເຮັດຕາມຄວາມເຊື່ອແລະທຳນຽມຕ່າງໆຂອງຄົນທີ່ບໍ່ໄດ້ນະມັດສະການພະເຢໂຫວາ ເຖິງວ່າຄົນເຫຼົ່ານັ້ນຈະເປັນໝູ່ຢູ່ໂຮງຮຽນ ຢູ່ບ່ອນເຮັດວຽກ ຫຼືຍາດພີ່ນ້ອງຂອງເຮົາກໍຕາມ. ກໍແມ່ນຢູ່ວ່າເຮົາຮັກຍາດພີ່ນ້ອງແລະຮັກເພື່ອນບ້ານ ແຕ່ເມື່ອເຮົາຕ້ອງຕັດສິນໃຈເລື່ອງທີ່ສະແດງວ່າເຮົາເຊື່ອຟັງພະເຈົ້າ ເຮົາຕ້ອງເຮັດໃຫ້ເຫັນວ່າເຮົາແຕກຕ່າງຈາກຄົນເຫຼົ່ານັ້ນ. ຂໍໃຫ້ຈື່ໄວ້ວ່າຖ້າເຮົາຢາກເປັນຄົນບໍລິສຸດ ເຮົາຕ້ອງແຍກຕົວເອງໄວ້ສຳລັບພະເຈົ້າ.—2 ກຣ. 6:14-16; 1 ປຕ. 4:3, 4
17-18. ເຮົາໄດ້ບົດຮຽນຫຍັງຈາກພວກເລວີ 19:23-25?
17 ຄຳວ່າ “ເຮົາແມ່ນເຢໂຫວາພະເຈົ້າຂອງເຈົ້າ” ໄດ້ເຕືອນຊາວອິດສະຣາເອນວ່າເຂົາເຈົ້າຕ້ອງໃຫ້ສາຍສຳພັນຂອງເຂົາເຈົ້າກັບພະເຢໂຫວາເປັນສິ່ງສຳຄັນທີ່ສຸດໃນຊີວິດ. ແລ້ວເຂົາເຈົ້າຈະເຮັດແບບນັ້ນໄດ້ແນວພວກເລວີ 19:23-25 (ອ່ານ) ຈະຊ່ວຍເຮົາໃຫ້ຮູ້ເລື່ອງນີ້. ໃຫ້ເຮົາມາເບິ່ງວ່າຊາວອິດສະຣາເອນຕ້ອງເຮັດຫຍັງແດ່ເມື່ອເຂົ້າໄປໃນແຜ່ນດິນທີ່ພະເຈົ້າສັນຍາ. ຖ້າຊາວອິດສະຣາເອນປູກຕົ້ນໄມ້ເພື່ອຈະໄດ້ກິນໝາກ ເຂົາເຈົ້າຕ້ອງບໍ່ກິນໝາກໄມ້ນັ້ນໃນ 3 ປີທຳອິດ ແລະໃນປີທີ 4 ເຂົາເຈົ້າຕ້ອງເອົາໝາກໄມ້ນັ້ນມາຖວາຍໃຫ້ພະເຢໂຫວາຢູ່ເຕັ້ນສັກສິດ. ເມື່ອຮອດປີທີ 5 ເຂົາເຈົ້າຈຶ່ງຈະກິນໝາກໄມ້ຈາກຕົ້ນນັ້ນໄດ້. ກົດໝາຍນີ້ຊ່ວຍຊາວອິດສະຣາເອນບໍ່ໃຫ້ຄິດເຖິງແຕ່ຄວາມຈຳເປັນຂອງຕົວເອງ ແຕ່ເຂົາເຈົ້າຄວນໃຫ້ສາຍສຳພັນຂອງເຂົາເຈົ້າກັບພະເຢໂຫວາເປັນສິ່ງສຳຄັນທີ່ສຸດໃນຊີວິດ ແລະໝັ້ນໃຈວ່າພະເຢໂຫວາຈະເບິ່ງແຍງເຂົາເຈົ້າໃຫ້ມີສິ່ງຈຳເປັນ. ພະເຢໂຫວາຈະໃຫ້ເຂົາເຈົ້າມີອາຫານກິນຢ່າງພຽງພໍ ແລະເພິ່ນກະຕຸ້ນໃຫ້ເຂົາເຈົ້າສະແດງນ້ຳໃຈເອື້ອເຟື້ອໂດຍເອົາໝາກໄມ້ນັ້ນມາຖວາຍຢູ່ເຕັ້ນສັກສິດ.
ໃດ? ໃນ18 ກົດໝາຍທີ່ຢູ່ໃນພວກເລວີ 19:23-25 ເຮັດໃຫ້ເຮົາຄິດເຖິງຄຳເວົ້າຂອງພະເຢຊູໃນຄຳບັນຍາຍເທິງພູເຂົາທີ່ບອກວ່າ: “ໃຫ້ເຊົາອຸກໃຈ . . . ວ່າຈະມີກິນບໍ ຈະມີດື່ມບໍ.” ພະເຢຊູຍັງເວົ້າຕື່ມວ່າ: “ພະເຈົ້າຜູ້ເປັນພໍ່ຂອງພວກເຈົ້າທີ່ຢູ່ໃນສະຫວັນຮູ້ຢູ່ແລ້ວວ່າພວກເຈົ້າຕ້ອງມີສິ່ງຂອງທັງໝົດນີ້.” (ມທ. 6:25, 26, 32) ຈາກເລື່ອງນີ້ເຮັດໃຫ້ເຮົາໝັ້ນໃຈວ່າ ພະເຢໂຫວາຈະເບິ່ງແຍງເຮົາໃຫ້ມີສິ່ງຈຳເປັນຄືກັບທີ່ເພິ່ນໄດ້ເບິ່ງແຍງໂຕນົກ. ນອກຈາກນັ້ນ ເຮົາກໍຄວນຈະຊ່ວຍເຫຼືອຄົນອື່ນແລະບໍລິຈາກເພື່ອຊ່ວຍຄ່າໃຊ້ຈ່າຍໃນປະຊາຄົມນຳ. ເຖິງວ່າຈະບໍ່ມີໃຜເຫັນສິ່ງທີ່ເຮົາເຮັດ ແຕ່ພະເຢໂຫວາເຫັນແລະເພິ່ນກໍຈະໃຫ້ລາງວັນກັບເຮົາ. (ມທ. 6:2-4) ຖ້າເຮົາເຮັດແບບນີ້ ກໍສະແດງວ່າເຮົາເຂົ້າໃຈບົດຮຽນຈາກພວກເລວີ 19:23-25.
19. ເຮົາໄດ້ຮັບປະໂຫຍດຫຍັງຈາກການສຶກສາບາງຂໍ້ໃນປຶ້ມພວກເລວີບົດ 19?
19 ເມື່ອເຮົາຮຽນບາງຂໍ້ຈາກປຶ້ມພວກເລວີບົດ 19 ເຮົາກໍຮູ້ວິທີທີ່ຈະເປັນຄົນບໍລິສຸດຄືກັບພະເຢໂຫວາ. ເມື່ອເຮົາຮຽນແບບພະເຢໂຫວາ ກໍສະແດງວ່າເຮົາພະຍາຍາມທີ່ຈະເປັນ “ຄົນບໍລິສຸດໃນການກະທຳທຸກຢ່າງ.” (1 ປຕ. 1:15) ນອກຈາກນັ້ນ ຫຼາຍຄົນທີ່ບໍ່ໄດ້ຮັບໃຊ້ພະເຢໂຫວາກໍຈະເຫັນການປະພຶດທີ່ດີຂອງເຮົາ ເຊິ່ງສິ່ງນັ້ນອາດຈະກະຕຸ້ນເຂົາເຈົ້າໃຫ້ຢາກມາຍ້ອງຍໍສັນລະເສີນພະເຢໂຫວາ. (1 ປຕ. 2:12) ແຕ່ເຮົາຍັງຈະໄດ້ບົດຮຽນອີກຫຼາຍຢ່າງຈາກປຶ້ມພວກເລວີບົດ 19. ໃນບົດຄວາມຕໍ່ໄປ ເຮົາຈະມາເບິ່ງຕື່ມບາງຂໍ້ໃນປຶ້ມພວກເລວີບົດ 19 ເຊິ່ງຈະຊ່ວຍເຮົາໃຫ້ຮູ້ວິທີທີ່ຈະເປັນ “ຄົນບໍລິສຸດ” ໃນທຸກສິ່ງທີ່ເຮົາເຮັດຄືກັບທີ່ເປໂຕບອກ.
ເພງ 80 “ລອງຊີມແລ້ວຈະຮູ້ວ່າພະເຢໂຫວາດີ”
^ ຂໍ້ 5 ເຮົາຮັກພະເຢໂຫວາແລະຢາກເຮັດໃຫ້ເພິ່ນພໍໃຈ. ພະເຢໂຫວາເປັນພະເຈົ້າທີ່ບໍລິສຸດແລະເພິ່ນກໍຄາດໝາຍໃຫ້ຜູ້ຮັບໃຊ້ຂອງເພິ່ນເປັນຄົນທີ່ບໍລິສຸດຄືກັນ. ແຕ່ມະນຸດທີ່ບໍ່ສົມບູນແບບຈະເປັນຄົນທີ່ບໍລິສຸດໄດ້ບໍ? ໄດ້ແທ້! ເຮົາຈະມາເບິ່ງວ່າຄຳແນະນຳທີ່ອັກຄະສາວົກເປໂຕໃຫ້ກັບພີ່ນ້ອງແລະຄຳສັ່ງທີ່ພະເຢໂຫວາໃຫ້ກັບຊາວອິດສະຣາເອນຈະຊ່ວຍເຮົາແນວໃດໃຫ້ເປັນຄົນບໍລິສຸດໃນທຸກສິ່ງທີ່ເຮົາເຮັດ.
^ ຂໍ້ 13 ເບິ່ງຂໍ້ມູນເພີ່ມເຕີມກ່ຽວກັບວັນຊະບາໂຕແລະບົດຮຽນທີ່ເຮົາຈະໄດ້ຮັບຈາກເລື່ອງນີ້ໃນບົດຄວາມທີ່ຊື່ວ່າ “‘ມີເວລາສຳລັບ’ເຮັດວຽກແລະພັກຜ່ອນ” ໃນຫໍສັງເກດການ ເດືອນທັນວາ 2019.