Jiisusip qilam­miin­nermini suleqataal­luar­tuunis­sani ilik­kar­paa. Taamaat­tumik nunarsuarmiin­nermini suleqataal­luar­tuunis­samut tun­ngatil­lugu maligas­siuil­luar­poq. Maligas­siuineranik misis­sueq­qis­saar­nitsigut najoq­qutas­siat pingasut suleqataal­luar­tuunis­samut iluaqutigisin­naasagut ilik­kas­savagut. Najoq­qutas­siat taak­ku anersaak­kut qatan­ngutigiit­tut ataasioqatigiin­nerulis­sutigis­savagut.

Suleqataal­luar­toq maniguul­luni suleqatiminik pingaar­titsil­lunilu malugeq­qusaar­neq ajor­poq. Taman­na Jiisusip Ataataminit ilik­kar­paa. Jehova kisimi Pin­ngor­titsisumik taaneqar­tariaqar­poq. Taamaak­kaluar­toq er­nermi suleqataasimanera maluginiaq­quaa. Imami oqar­poq: “Inun­nik pin­ngor­titsisa immitsinnik as­silil­luta.” (1 Mos 1:26) Jehovap maniguutingaar­nera Jiisusip tamatumani maluginiarsimas­savaa. – Tuss 18:36.

Aam­ma Jiisusi nunarsuarmiitil­luni maniguup­poq. Iliuutsini pil­lugit nersor­neqaraangami ataq­qinaat tamaat Guutimut pigitit­tar­paa. (Mark 10:17, 18; Joh 7:15, 16) Jiisusip eq­qis­seqatigiin­nis­saq anguniar­tar­paa ajoqersuk­kanilu kif­fatut isiginagit ikin­ngutimisut isigai. (Joh 15:15) Maniguun­nermil­lu ilin­niar­tin­niarlugit al­laat isigaat asat­tor­pai. (Joh 13:5, 12-14) Uagut­taaq suleqatigut ataq­qis­savagut nam­minis­sarsior­nata  taak­kua iluaqutis­saat sal­liuk­kutsigit. Nersualaar­neqar­nis­sar­put kisiat anguniar­nagu ataq­qeqatigiik­kaangat­ta naam­mas­sisaqar­nerusas­saagut. – Rom 12:10.

Inuup maniguut­tup nalun­ngilaa ‘amerlasuunik siun­nersuisoqarsimagaangat’ sulias­saq iluatsit­tar­toq. (Uss 15:22) Qanorluun­niit misilit­tagaqarlutalu pigin­naaneqar­tigigaluarut­ta eq­qaamasariaqar­par­put inuup kialuun­niit suut tamaasa ilisiman­ngik­kai. Al­laat Jiisusip nalun­ngilaa suut tamaasa ilisimanagit. (Matt 24:36) Aam­ma ajoqersuk­kami naam­mal­luin­nan­ngitsut isumaat paaserusut­tar­pai. (Matt 16:13-16) Taamaat­tumik ajoqersuk­kat Jiisusip ilaginis­saa nuan­narisar­paat. Uagut­taaq ilisimasat­ta kil­leqar­nerat maniguul­luta eq­qaamagutsigu al­lal­lu isumaat tusaaniar­tarutsigit eq­qis­seqatigiin­nis­saq noq­qaas­sutigis­savar­put angusaqarluas­sal­lutalu.

Pingaar­tumik utoq­qaaner­tat suleqatigiin­nermin­ni Jiisusip maniguun­nera ilaar­tariaqar­paat. Eq­qaamasariaqar­paat utoq­qaaner­taqatigiin­ni kinaluun­niit anersaamit il­ler­nar­tumit siulersor­neqarluni oqaaseqarsin­naasar­toq. Ataatsimiin­nermin­ni tamarmik tunuarsimaaratik oqaaseqarsin­naagaangamik utoq­qaaner­taqatigiit ilagiin­nut iluaqutaasunik aalajangiil­luarsin­naasas­sap­put.

Suleqataal­luar­toq naleq­qus­sarsin­naasar­poq. Jiisusip Ataatami naleq­qus­sarsin­naanera arlalip­pas­suariarluni maluginiar­tarsimas­savaa. As­sersuutigalugu Jehovap inuit toqusus­saagaluar­tut an­naak­kumal­lugit er­nini nunarsuarmut aal­lar­tip­paa. – Joh 3:16.

Aam­ma Jiisusi naleq­quk­kaangat pisariaqaraangal­lu naleq­qus­sarsin­naasar­poq. Ilaan­ni ar­naq Kana’anik­kuusoq ikior­paa, naak Israelik­kut pil­lugit nunarsuarmukar­tin­neqaraluarluni. (Matt 15:22-28) Aam­ma ajoqersuk­kani piumasaqarfigival­laar­neq ajor­pai. As­sersuutigalugu ikin­ngutigil­luak­kami, Petrusip, inup­pas­suit akor­nan­ni miserratigim­mani Jiisusip isumak­keerfigaa. Al­laam­mi kingor­na pingaarutilerujus­suarmik akisus­saaf­filer­paa. (Luk 22:32; Joh 21:17; ApS 2:14; 8:14-17; 10:44, 45) Jiisusip maligas­siaanit erser­poq naleq­qus­sarsin­naanitsigut ‘ingasaas­sinian­ngitsuuner­put tamanit ilisimaneqalersit­tariaqarip­put’. – Fil 4:5, NW.

 Naleq­qus­sarsin­naagut­ta inuit kik­kuugaluar­tul­luun­niit suleqatigil­luarsin­naavagut. Jiisusi taamatut pis­suseqarmat akeraasa sin­ngal­lutik ‘ilan­ngaaserisunut ajor­tulior­tunul­lu’ oqaluus­sif­figisaanut ‘ikin­ngutaanerar­paat’. (Matt 11:19) Uagut Jiisusi ilaarlugu uatsin­nit al­laanerusut suleqatigil­luarsin­naavagut? Louis, qatan­ngut ilagiin­nik nak­kutil­liisutut Betelimilu kif­far­tor­tutut inup­pas­suar­nik as­sigiin­ngitsunik suleqateqar­tarsimasoq, ima oqar­poq: “Inun­nik naam­mal­luin­nan­ngitsuusunik suleqateqar­neq ujaq­qanik as­sigiin­ngitsunik angis­susilin­nik atuil­luni qarmalior­nermut as­sersuun­neqarsin­naavoq. Ujaq­qat as­sigiin­ngitsuum­mata narlorit­tumik iigalior­nis­saq saper­nar­nerusar­poq, iluatsis­sin­naavorli. Tamatumun­nga as­singusumik al­lanik suleqateqarluarumal­lunga suliarlu naam­mas­siumal­lugu naleq­qus­sar­niar­tar­punga.” Qatan­ngutit­ta isigin­nit­taasia nuan­ningaarami, ilaa?

Up­peqatit­ta suleqatiginerini qanoq naleq­qus­sarsin­naavugut? Oqaluus­sisar­toqatigiitsin­ni taamaalior­nis­samut periarfis­saqarluar­pugut. Imaas­sin­naavoq oqaluus­seqatigut ukioqatigin­ngik­kigut ilaqutariin­nermul­luun­niit tun­ngatil­lugu uagutsitut atugaqan­ngitsut. Taak­kua iluarinerusaan­nik nuan­naarutiginerusaan­nil­lu oqaluus­seriaaseqarluta oqaluus­seqatigisin­naavagut?

Suleqataal­luar­toq avitseqateqar­nis­saminut piareersimasar­poq. (1 Tim 6:18) Jehovap ‘qilak aalajaatsumik tun­ngavileramiuk’ iser­tuus­sinani Jiisusi suleqatigalugu ilin­niar­tip­paa. (Uss 8:27) Jiisusip taman­na ilin­niarfigisimal­lugu kingor­na ajoqersuk­kani ‘Ataataminit tusak­kaminik’ kajumil­luni avitseqatigai. (Joh 15:15) Uagut­taaq ilisimasagut qatan­ngutitsin­nut ingerlateq­qeriaan­naasas­savagut. Suleqataal­luar­toq naalagaaniar­neq ajor­poq, suleqatinili paasis­sutis­sanik pisariaqar­titaan­nik iluaqutis­saan­nil­lu avitseqatigisar­pai. Ilik­karsimasani kajumil­luni al­lanut ingerlateq­qik­kusus­savai.

Aam­ma suleqatigut nersualaar­tarsin­naavagut. Taamaalior­tarut­tami nuan­naar­tis­savagut, soorlu uagut maluginiar­neqarsimatil­luta nersualaar­neqaraangat­ta nuan­naar­tar­tugut. Jiisusip ajoqersuk­kat ajun­ngitsor­taat maluginiak­kani pil­lugit nersualaar­tar­pai. (Naleq­qiuk­kit Mat­thæusi 25:19-23; Lukasi 10:17-20). Al­laam­mi oqarfigai suliaminit an­nerusumik suliaqarumaar­tut. (Joh 14:12) Toqus­si aqagut­toq apustilini aalajaatsut nersualaarlugit ima oqarfigai: “Ilis­si uan­nut najuut­tuar­tuuvusi misilin­neqarfigisan­ni.” (Luk 22:28) Takorloorsin­naavar­put taman­na qiim­maal­laatigalugulu kajumis­suseqalis­sutigisimas­sagaat. Uagut­taaq suleqatigut nersualaar­tarutsigit qular­nan­ngitsumik nuan­naar­nerulis­sap­put im­maqalu naam­mas­sisaqarluar­nerus­sal­lutik.

Qatan­ngut Kayodemik atilik ima oqar­poq: “Suleqataal­luar­toq kuk­kujuitsuusariaqan­ngilaq, nuan­naalersitsisar­porli sulias­sanil­lu oqin­nerulersitsisarluni.” Il­lit suleqataal­luar­tuuit? Taman­na paasiumal­lugu kristumioqatitit aperisin­naavatit. Suleqatiginerit nuan­narip­pas­suk – soorlu ajoqersuk­kat Jiisusimik suleqateqar­ner­tik nuan­narisimagaat – apustili Paulusitut ima oqarsin­naas­saatit: ‘Nuan­naar­tuar­nis­sarsi suleqataaf­figaar­put.’ – 2 Kor 1:24.