Yesu atolandela ifwanafwani-edho yei dhulu, vahora yali liye vailambo yavathi vano anolaba mosangalala naatu aalabana liye. Angadhidhe vailambo yavathi, atowafunji-a makalelo apamala waanamafunjedhee. I-yo thitho ninooda funjedhavo vinjinji vaifwanafwani-o ya Yesu. Ninofuna nitapanyeni vinjinji vamakundo mararu anaode funjedhavo naona ifwanafwani-o ya Yesu. Makundo enala anodha nikami-a ira nilabenga pama naafwi-u thitho kala ovwelana naabali.

Ira nilabelenga vambo-i naafwi-u ninofwanela kala oviyevi-a. Mutu oi e-no unolemeza afwee abasani thitho kanofuna ira akale vasogolo vaafwee. Yesu ali oviyevi-a mwandila yeniyo atofunjedha kala ninga mwemo muli Babee, Yohova. Pyaimbarimbari ira Yohova ngunaode itaniwa ira Namapanducha. Bwenye vingalive e-no, atoiri-a ira atu enango taidhiwe ira Mwanee atomkami-a. Evyo pyovweya pama na viongile Yohova va Maromelo 1:26. Liye aongile ira: “Dhoweni nim’panduche mutu muifwanafwani-o yi-u.” Madhu enala tanothonyi-edha wa Yesu ira Yohova ali oviyevi-a.—Sal. 18:35.

Yesu angali vailambo yavathi, liye ali oviyevi-a. Mwaifwanafwani-o, Yesu asimbiwanga, liye anovelela titimi-o wa Yohova. (Marku 10:17, 18; Juwau 7:15, 16) Liye anovilimbi-edha vinjinji ira akatei-e rendele naanamafunjedhee. Wa Yesu aliwa tali axamwalee akala adharee. (Juwau 15:15) Yesu atofiedha u-wa manyalo aanamafunjedhee ira aafunji-e likundo lofuneya kala oviyevi-a. (Juwau 13:5, 12-14) Na-iyene thitho ninofwanela sazi-edhanga  ifwanafwani-o ya Yesu vo-ela vifunelo vyaabali-u, vasogolo vii-u. I-yo ninooda laba mwapama vinjinji akala ninolemezana unango na fwee, thitho adungunyanga ira ninodha wacheliwa pama namwasa wabasa li-u.—Aroma 12:10.

Atu oviyevi-a anoidhiwa ira “ovelela malangi-o kainjiva vinokwakwanela.” (Sang. 15:22) Pyofuneya thuulela ira kavali mutu uidhi vyongo vyothene, masiki akale wa dodoliso vinjinji. Masiki Yesu atorumela ira kaidhiwiele vyongo vyothene. (Mat. 24:36) Yesu afuna ira aidhiwe mathuulelo aanamafunjedhee angalive ira atoidhiwa ira aliwa katali olongoma. (Mat. 16:13-16) Vyevi vinooni-a ira anafudhee tali omasuwa waredha na liye! I-yo thitho ninofuneela kala oviyevi-a ninga aliwa. Nazindiyelanga okene ira kaniidhi vyongo vyothene thitho i-yo vuruwananga mathuulelo aafwi-u ninooda kaatei-a rendele thitho ninooda kaana “mathuulelo apama.”

Simbwasimbwa andimuwa avapingoni anofwanela sazi-edha ifwanafwani-o ya Yesu vokala oviyevi-a talabanga vambo-i naafwiwa. Aliwa tanofwanela thuulela ira zimu ochena unooda mkami-a ndimuwa wavapingoni uliwethene liye ooda omga likundo lelo linaode kami-a gulu laandimuwa sakula vyoira mwazelu. Akala vagumano waandimuwa othene takala omasuwa ira taonge mathuulelwiwa, vinokala vyo-orucha ira vyosakula vyapama vyevyo vinadhowi-e pingo vasogolo.

Ira niodenga laba pama naafwi-u, ninofwanela chinjachinjanga vyongo thitho kanikalenga ofunechecha ira vyongo viniwendele pama hora dhothene. Mwahora dhinjinji Yesu atokaana ngari yoona ira Yohova ngololela. Mofwanafwani-a, Liye atoona ira Yohova unowavwela atu tangaranga. Namwasa wa vyodawa, atu tanofwanela wukwa. Mbwenye Yohova atololela velela yoombolana ira aombole atu uvyodawa.—Juwau 3:16.

Yesu thitho ali ololela thitho ochinjachinja vyongo. Ifwanafwani-o ya vyevyo ali vahora yamkami-idhe liye i-yana wau Fenisiya. Yesu atotumiziwa ira adhakami-e mbumba ya Yohova akala atu amitundu inango. Angalive e-no liye mombranya atomkami-a i-yanuo. (Mat. 15:22-28) Yesu ali ololela thitho kaafuna ira anamafunjedhee ta-adawi-enga yongo. Umboni wavyevyo alia vahora yalevelele liye xamwalee, Pedru, angalive ira vasogolovee aongile ira kaamwidhiwile Yesu. Vangavirile hora, Yesu atomva-a Pedru izo ilukulu. (Luka 22:32; Juwau 21:17; Mayir. 2:14; 8:14-17; 10:44, 45) Ifwanafwani-o ya Yesu inonifunji ira  ninofuneela kala ochinja “thitho atu othene taidhiwe ira muli ololela”.—Afil. 4:5.

Lolela unooda nikami-a kala ochinja nolabanga basa mwarendele naatu atundu uliwethene. Yesu anoirelecha atu othene vyongo vyapama amwidanee taonga ira Yesu ali “xamwali waalimbo koma misoko na odawene” atu enao tawachela milanyu yee. (Mat. 11:19) N’nga i-yo ninaode a-vi sazi-edha ifwanafwani-o ya Yesu vokalanga mwapama naatu enango? Luis, bali ulabile muvyawa vinjinji naatu o-iyana-iyana talabanga ninga anamaing’anela isa wu Beteli unoonga ira: “Wa miyo laba naatu enango tisaasawa manga panda namabwe o-iyana-iyana. Vinova-a basa vinjinji manga panda ira ukale olinyali namabwe oi e-no, mbwenye pyoodeya irana vyevyo na-elanga libwe nlilothene valimburo lofwanelela. Miyo ndinovilimbi-edha kala ochinjachinja mwemo mumaodele miyo ira ndikale mwarendele no laba basa pama mwagulu.” I-yo thitho ninofuna ira nikale e-no!

N’nga chihora iivi inofwanela i-yo kala ololela thitho ochinjachinja nakala naabali-u a pingoni? Nitokaana ngari yapama yoirela vyevyo vahora inolaba i-yo na gululi-u vabasa lolaleela. Nioodenga dhilimbi-edha laba na anamalaleela o-iyana i-yana, a vimo vyo-iyana i-yana. N’nga ninooda kala ololela no chinjachinja movwelana na namalaleya uliwethene unalaleelana i-yo vambo-i, venango ninooda laba basa nlilothene lolaleela ninga munofunela aliwa?

Mutu unolaba pama mwagulo hora dhothene onokala “okozeya gawana naatu enango dodoliso nlina liye.” (1 Timo. 6:18) Hora yothene Yesu yalaba liye na Babee dhulu, atoidhiwa ira Yohova kaalokotedha vyongo. Vahora Yohova “yasaka-edha liye dhulu na vyongo vinango,” Yesu “ali vevo” Liye atofunjedhavo vongo vinjinji va vile vyaoni liye. (Sang. 8:27) Yesu angali vailambo yavathi, atogawana na anamafunjedhee va vile vyavwide liye na Bebee. (Juwau 15:15) Na-iyene thitho ninofwanela irana vyevyo vogaana vavile viidhi i-yo na dodoliso li-u naatu enango. Kaninofwanela i-yachi gaana vavile viidhi i-yo venango funji-a atu enango namwasa oova ira kaninofuneela venango e-liwa vakundu. Mo-iyana na vyevyo i-yo ninokala osangalala vogawana atu enango vifunjile i-yo.

I-yo thitho ninooda gawana Madhu olimbi-a naatu enango Anolabana i-yo vambo-i. N’nga nyo kamunokala osangalala atu enango tausimbangani kumela vathi varima vavyongo viirile nyo? Mwaimbarimbaridi munosangalala. Yeswene anooda simba anamafudhee. (Onani thitho va Mateu 25:19-23; Luka 10:17-20) Yesu thitho atoonga anamafunjedhee anodha irana “mabasa malukulu” kwaranyedha airile liye. (Juwau 14:12) Nama-iyu Yesu a-anakwe, liye atowasimba anafunjedhee ororomeleya ira: “Mbwenye, nyo mwalive vambo-i na miyo muvyowesedhiwa vyanga.” (Luka 22:28) N’nga nyo munooda thuulela moda madhu enala mwachinjile aliwa ingumi yaalobwanala? Mwaimbarimbari aliwa tanovivwa kala olimbi-iwa iravo yongo. Nasimbanga atu anolabana i-yo Mwaimbarimbari aliwa aonokala osangalala nolaba mwapama.

Bali unango unoitaniwa Kayode unoonga ira: “Nyo kamunafwanela kala olongomana ira mulabe pama vano. Mbwenye munofwanela i-yachi atu anolaba na nyo ira akale omasuwa thitho ira basiwa i-akale yorucha.” N’ga nyo munolaba pama naafwinyu? N’ga munoona a-vi afuka abali venango arongola vavinothuulela aliwa na vinoona aliwa wa nyo? Akala aliwa anodhiveliwa nolaba na nyo, ninga mwadhiveliwana anafunjedha a Yesu mwalabela aliwa vambo-i, munooda onga ninga mwemo muongile rumiwi Paulo ira: “Nili anamalaba afwinyu ira mukale aimwerumweru.”—2 Akor. 1:24.