Jesus tuˈugyë tyuuny mëdë Tyeety jam tsäjpotm ets yˈijx wiˈixën mbäät njäˈäyˈäjtëm ko nduˈunëm mëdë nmëguˈukˈäjtëm. Ets ko jyukyˈajty yä Naxwiiny, nenduˈunën ttukniˈˈijxë pënaty mëët tuˈugyë tyuuny. ¿Wiˈix xypyudëjkëmë yˈijxpajtënë Jesus? Min nˈokˈijxëm tëgëk pëkyë käjpxwijën diˈib xypyudëkëyäˈänëm parë oy nduˈunëm mët ja nmëguˈukˈäjtëm, nyajjaˈäjtëmë tuˈugyëˈäjtën ets nixim niyam nnaybyudëjkëm.

Tuˈugë jäˈäy diˈib yujy tudaˈaky, oy tyuny myëdoy mëdë wiink jäˈäy, yajtsobatypy pënaty mëët tyuny ets kyaj ti nyaytyukmëjawëty. Jesus yˈijxën ko Tyeety duˈun jyaˈayˈaty yujy tudaˈaky. Oyë Jyobaa yëˈë tijaty tjayajkojtääy, per nan yajtsobat tijaty ja yˈUˈunk tukpudëjkë. Ets mbäät nˈijxëm ko dyuˈunëty, pes duˈunë yˈUˈunk tˈanmääy: “Tyam tsojk ënet nyajkojëm tuˈuk yëˈë yeˈeytyëjk. Duˈun yˈixëˈatëty ëtsäjtëmën” (Gén. 1:26, MNM). Ko duˈunë Jyobaa jyënany, ta Jesus tpëjkyë kuentë ko Tyeety jantsy yujy tudaˈaky (Sal. 18:35).

Ko Jesus jyukyˈajty yä Naxwiiny, nan ijt yujy tudaˈaky. Pes xëmë tmëjkumääyë Tyeety ko jäˈäy ojts myëjkugäjpxëty mä tijatyë nety tyuumpy (Mar. 10:17, 18; Fwank 7:15, 16). Nan kyaj tsyiptuuny mët ja yˈëxpëjkpëty ets kyaj tˈijxy extëmë tyuumbë myosën, duˈunën tjäˈäwë extëmë myëtnaymyaayëbëty (Fwank 15:15). Axtë yajtekypyuj ja yˈëxpëjkpëty parë ttukniˈˈijxëdë ko tsojkëbë nety yˈittët yujy tudaˈaky (Fwank 13:5, 12-14). Duˈun extëmë  Jesus, tsojkëp nyajtsobatëmë nmëguˈukˈäjtëm ets kyaj jeˈeyë këˈëm nnaymyëmäˈäy nnaymyëdäjëm. Mbäät mëjwiin kajaa tijaty nduˈunëm ko naywyingutsëˈkëm nixim niyam ets ko kyaj pën myëjpëtsëmäˈänët (Rom. 12:10).

Pënaty ijttëp yujy tudaˈaky nan jyaygyujkëp ko “oybyëtsëëmp tijaty, pën jam nimayë ëwij käjpxwijpë” (Prov. 15:22). Nˈokjamyajtsëm ko nituˈugë naxwinyëdë jäˈäy kyajaˈˈaty diˈib nyijäˈäwëtyaapy tijaty, oyë nety nuˈun tjamëdäjtpë wijyˈäjtën o tjajäjt tjanijäˈäbë tijaty, axtë Jesus kyaj tëgokyë tijaty tnijäˈäwëtyaay (Mat. 24:36). Jesus nan myëjpëjtak wiˈixë nety wyinmaytyë ja yˈëxpëjkpëty, oyë nety pyokyjyaˈayˈattë (Mat. 16:13-16). Pääty oy nyayjyäˈäwëdë ko tuˈugyë mëët tyuundë. Nenduˈuntsën ëtsäjtëm, pën ijtëm yujy tudaˈaky ets pën nˈijxëm axtë mäbäädën tijaty nmëmadakëm ets pën nˈijxkujk njaygyujkëm wiˈix wyinmaytyë ja nmëguˈukˈäjtëm, ta tuˈugyë mëët nnayaˈitäˈänëm ets “oybyëtsëëmp tijaty” nduˈunëm.

Pënaty tuundëp mëjjäˈäy, mas niˈigyë tsyokyëty tpanëjkxtëdë yˈijxpajtënë Jesus ko nety tyuˈukmuktë mët ja myëguˈuktëjk. Tsojkëp tjamyatstët ko Diosë myëjääw mbäät tyuny mä niduˈuk yëˈëjëty parë tnigäjpxët diˈib mbäät pyudëkëdë niˈamukë mä jam dyajwingëdäˈägäˈändë wiˈix tijaty ttunäˈändë. Pën mä tyuˈukmuktë, tyuundëbë mëjääw parë tnigäjpx tnimaytyäˈäktë wiˈix tijaty ttunäˈändë, mbäädë net niˈamukë ja nmëguˈukˈäjtëm ttukˈoyˈattë mä kongregasionk.

Jantsy oy mëët nduˈunëm ja nmëguˈukˈäjtëm diˈib kajpxyjaygyujkëp. Pes kyaj mëët ntsiptuˈun ntsipkäjpxëm ets kyaj wyinmäˈäny ttimtukpëtsëmäˈäny mä tijaty mëët nduˈunëm. Seguurë ko Jesus nan yˈijx kanäkˈok wiˈixë Tyeety tijaty ttuuny extëm oy yajnayjyawëdët. Extëm nˈokpëjtakëm, kajxë yä Naxwiiny parë ojts xyjyuuybyëtsëˈëmëm mä ja oˈk tëgoˈoyën (Fwank 3:16).

Jesus yajtëgäjts tijaty ko tˈijxy ko tsojkëbë nety duˈun ttunët. Extëm nˈokpëjtakëm, yëˈëyë nety të yajtuknigexy ja israelitëty, per pyudëjkë tuˈugë toxytyëjk diˈibë nety tsoˈomp Canaán (Mat. 15:22-28). Nan jyaygyujkë wiˈixë nety yajpäättë ja yˈëxpëjkpëty, pes kyaj ojts ttukˈaneˈemy diˈib kyaj tmëmadäˈäktët. Ko Pedro jyënany mayjyaˈay wyinduuy ko kyaj yˈixyˈatyëty, Jesus pyokymyaˈkx, ets ok, ta ttuknipëjkyë tuungë jëjpˈambë (Luk. 22:32; Fwank 21:17; Apos. 2:14; 8:14-17; 10:44, 45). Extëmë Jesus tijaty ttuuny, yëˈë xytyukˈijxëm ko oy ko ngajpxyjaygyujkëm ets kyaj duˈun tijaty ndimtunäˈänëm extëm njatsojkëm (Filip. 4:5, TNM).

 Pën kajpxyjaygyujkëm, ta kyaj xytsyiptäˈägäˈänxëm nduunmujkëm mët ja nmëguˈukˈäjtëm oy mää tsyoondët. Jesus jantsy oy ojts nyaymyënëjkxyëty mëdë jäˈäyëty, pääty axtë axëkˈijxëdë ja myëtsipëty ets niwäämbajtëdë ko yëˈëyë nety mëët nyaymyayëty ja diˈib yajkugëbajttëp etsë pokyjyaˈayëty (Mat. 11:19). ¿Mbäät nbanëjkxëmë Jesusë yˈijxpajtën ets nduunmujkëm mëdë nmëguˈukˈäjtëm oy mä tsyoondët? Louis, tuˈugë nmëguˈukˈäjtëm diˈib të tyuny sirkuitë ets Betel, të tyuunmuky mët nimayë nmëguˈukˈäjtëm diˈib määyëm tsoˈondëp. Duˈun jyënaˈany: “Ko nduunmujkëm mëdë nmëguˈukˈäjtëm diˈib nenduˈun yajpattëp pokyjyaˈay, duˈunxyëp extëm nyajpëdëˈëgäˈänëm tuˈugë tsääbotsy ets nyajtunäˈänëm mëj mutsk ja tsää. Tsojkëp niˈigyë nduˈunëmë mëjääw parë kijpxy ja tsääbotsy wyëˈëmët, mët ko mëj mutsk ja tsää diˈib nyajtunäˈänëm. Nenduˈunëts ndunyë mëjääw parëts nyajnigëxëˈëgyë oybyë jäˈäyˈäjtën etsëts tuˈugyë ndundë mët ja nmëguˈukˈäjtëm, duˈun tsuj yajxon ja tuunk tyuˈuyeˈey”. ¡Jantsy oy extëmë tyääbë nmëguˈukˈäjtëm ttuny!

¿Wiˈix mbäät nyajnigëxëˈkëm ko njaygyujkëm wiˈix yaˈix yajpäättë ja nmëguˈukˈäjtëm diˈib mä kongregasionk? Extëm nˈokpëjtakëm, waˈan mä grupë mä nˈëwäˈkx ngäjpxwäˈkxëm jyapˈatyë nmëguˈukˈäjtëm diˈib wiˈixëmë xyëëw jyëmëjt myëdäjttëp o tiiyëm nyikëjxmˈäjttëp mä fyamilyë. Ko mëët nëjkxëm tëjkˈayeˈebyë, ¿mbäädëdaa mëët nˈëwäˈkx ngäjpxwäˈkxëm extëm të tˈijxwëˈëmdë o yëˈë nduˈunëm diˈib mas tsyojkënyëˈäjttëp parë niˈigyë ttukxondäˈäktëdë Diosë tyuunk?

Tuˈugë oyjyamyëët, yajwaˈkxypy diˈib myëdajty jyaygyejpy (1 Tim. 6:18). Ko Jesus tyuuny mëdë Teety, yˈijx ko kyaj ti tyukwinguyuˈutsyëty. Pes ko Jyobaa ojts “dyajkojˈyë tsäjp” tamˈäjtë Jesus ets jyäjt wiˈix tijaty ttuunyë Tyeety (Prov. 8:27). Ets ko jyukyˈajty yä Naxwiiny, tyukmëtmaytyak ja yˈëxpëjkpëty tijatyë nety të tˈixy të tmëdoy mä Tyeetyën (Fwank 15:15). Duˈun extëmë Jyobaa ttuny, ëtsäjtëm nan tsojkëp ndukniˈˈijxëmë nmëguˈukˈäjtëm tijaty njäjt nnijäˈäwëm. Pes tuˈugë jäˈäy diˈib oy tuump mëdë myëguˈuk kyaj jeˈeyë tˈanaˈamäˈäny, tyukniˈˈixëyaambyën ja myëguˈuk tijaty të tjaty kyaj ttukwinguyuˈutsy diˈib jyajty nyijäˈäwëp.

Ja tuk pëky wiˈix mbäädë nmëguˈukˈäjtëm nbudëjkëm, ja ko nmëjääwmoˈoyëm. ¿Këdii jantsy jotkujk nnayjyäˈäwëm ko nmëguˈukˈäjtëm tpëktë kuentë ko tuˈun mëdoˈowëm ets ko tkuˈëw tkukäjpxëdë winë ääw winë jot? Duˈunënë Jesus ttuuny, pes yˈanmääy pënaty mëët tyuunmujky ko oy tyundë (ijxkijpxyë mëdë Matewʉ 25:19-23; Lukʉs 10:17-20). Axtë yˈanmääy ja yˈëxpëjkpëty ko tyunandëbë nety diˈib waanë niˈigyë myëjjëty këdiinëm diˈib të ttuny (Fwank 14:12). Ets ja ux mä nety yajmatsanë, ta tˈanmääyë ja yˈëxpëjkpëty: “Miitsëty xëmë myajpäättë mët ëjts kots nyajnaxyë ayoˈon jotmay” (Luc. 22:28, TNM). Seguurë ko jantsy agujk jotkujk nyayjyäˈäwëdë ja yˈëxpëjkpëty ko duˈun tmëdoowdë ets niˈigyë ja jot mëjääw tpëjktë parë tyunäˈändë. Ëtsäjtëm, nan mbäät agujk jotkujk nyajnayjyäˈäwëm ja nmëguˈukˈäjtëm ko nˈanmäˈäyëm ko jantsy oy tyundë ets mbäädë net niˈigyë ttukxondäˈäktë.

Tuˈugë nmëguˈukˈäjtëm diˈib xyëwˈäjtypy Kayode, jyënaˈany: “Kyaj tyimtsokyëty ak oy tijaty nduˈundäˈäyëm parë oy nduˈunëm mëdë nmëguˈukˈäjtëm, per mbäät agujk jotkujk nyajnayjyäˈäwëm ets niˈigyë ttukxondäˈäktët ja tyuunk”. ¿Wiˈix ëtsäjtëm nyaˈixyˈäjtëm? ¿Tiko ngayajtëˈëwëm ja nmëguˈukˈäjtëm diˈib mëët tuˈugyë nduˈunëm pën oy nyajnayjyäˈäwëm? ¿Oyëdaa nyayjyawëdë ko mëët nduˈunmujkëm duˈun extëm ja Jesusë yˈëxpëjkpëty dyajnayjyäˈäwëdë? Pën duˈun, mbäädë net mjënäˈäny extëm jyënanyë apostëlë Pablo: “Ntsejpyëts nbudëkëyäˈändë es xymyëdattët niˈigyë jotkujkˈäjtën esë xondakën” (2 Kor. 1:24).