Auandarhu, Jesúsi jorhenguarhispti néna sési ánchikuarhini máteruecha jingoni. Ka tátsekua enga ixú echerirhu japkia, ambakiti ejemplu ma jurajkukuaspti imeechani engaksï imani jingoni ánchikuarhipka. ¿Nénajtsïni uaa jarhuatani imeeri ejemplu? Engachi exeni jauaka, exeakachi tanimu konsejuechani engajtsïni jarhuataaka ambakiti kompanieru máeni, eskachi májku kʼéri jauaka ka eskachi jarhuajperaaka.

Kʼuiripu ma enga jorhenaka ánchikuarhini máteruecha jingoni kaxumbitisti, jukaparharaasïndi imeechani enga jingoni ánchikuarhijka ka no kʼéramakuarhisïndi. Jesúsi exespti eska imeeri Taati jémba kaxumbitiska. Nájkiruka Jeoba jindeeka enga Kuerajpiriika, uékaspti eskaksï máteruecha mítepiringa na enga imeeri uájpa jarhuatapka kueraani ambe ma. Kurhangusïngachi ini ambe, imani ambe jimbo enga Tata Diosï uandapka: “Ísïchi uaaka kʼuiripuni eskachi jucha na jásïika” (Gén. 1:26). Enga Tata Diosï Jeoba ini ambe uandapka, Jesúsi exespti eska imeeri Taati jémba meru kaxumbitiska (Sal. 18:35).

Ixú Echerirhu, Jesúsi ístu kaxumbitispti. Jiáni enga kʼuiripu kʼéri ambe arhienga imani ambe jimbo enga uenga ima méntkisï uandasïreendi eska Jeoba jimboespka (Mar. 10:17, 18; Juanu 7:15, 16). Ístu jánguarhintaspti pári méntkisï sési pájperani imeeri chúxapaticha jingoni ka ísï kaani komueska imeeri amiguecha ka no komueska imeeri jántspiricha (Juanu 15:15). Ka asta jupandukuaspti  para jorhendaani eskaksï jatsispka para kaxumbitini (Juanu 13:5, 12-14). Ísï eska Jesúsi, jatsiskachi para jukaparharaani juchaari kompanieruechani ka orheta peerani imeecheri ambe. Engachi iáminduecha sési kámberajka ka nóchi uandanhiani solu juchaari ambe jimbojku, uaakachi uánikuechani jarhuataani (Rom. 12:10).

Kʼuiripu ma enga kaxumbitiika ístu kurhangusïndi eska “engaksï uánikuecha jarhajka engaksï konseju íntskujka sési uérasïn[ga] ambe” ma (Prov. 15:22). No arhiparini na engachi xáni jorhenaka o míteni ambe, ju je miáni eska no ma kʼuiripu míteska iámindu ambe. Asta Jesúsi uandaspti eska no míteska iámindu ambe (Mat. 24:36). Ka nájkirukaksï imeeri chúxapaticha imperfektuepka, Jesúsi uékasïreendi míteni ambe engaksï eratseenga (Mat. 16:13-16). Ísï jimbo, imeechaksï sési pʼikuarherasïreendi imani jingoni jarhani. Májkueni, engachi kaxumbitiiska ka exenchi eskachi no úsïnga iámindu ambe úni ka jingontkuchi kurhajchaani máteruechani, uaati eskachi iáminduecha sési pájperaaka ka “sési uérasïndi ambe” ma.

Kánikua jukaparhakuesti eskaksï orhejtsïkuticha kaxumbitiuaka ísï eska Jesúsi. Jatsistiksï para miáni eska espiritu santu uaaka jarhuatani náki uéjki orhejtsïkutini ma para imani ambe uandani enga jarhuataaka kúnguarhikuarhu anapu orhejtsïkutichani paraksï sési ambe erakuni úni. Engaksï imeeri kúnguarhikuarhu jurajkuauaka eskaksï uandaaka ambe engaksï eratsejka marhuakuauati paraksï sési erakuni ambe úni ka ísï uaati eskaksï iámindu erachicha sési jauaka.

Ambakiti kompanieru ma kurhangukuasïndi máteruechani. Ísï jimbo, no uékasïndi eska iámindu ambe ísï úkuarhiaka eska ima na uandaaka. Jesúsi uánikua uelta exespti na enga xáni kurhangutspitiika imeeri Taati jémba. Pori ejemplu, Tata Diosï Jeoba axaspti imeeri Uájpani para pʼímutantaani kʼuiripuechani nájkirukaksï jukanchaka para uarhini (Juanu 3:16).

Jesúsi no méni uékaspti eska ima ambe úkuarhipiringa ambe enga ima uandaenga. Ju je miáni na enga jarhuatapka fenisia anapu uarhiitini ma nájkiruka ima solu axanhapka ireta Israeli (Mat. 15:22-28). Ístu kurhangukuaspti imeeri chúxapatichani enga no sánderu ambe kurhakuapka. Jiáni enga Pedru imeeri amigu jémba negaripka, Jesúsi puákuntaspti ka sánderu tátsekua kʼérati ánchikuarhitechani íntskuaspti (Luk. 22:32; Juanu 21:17; Uku. 2:14; 8:14-17; 10:44, 45). Jesúsiri ejemplujtsïni jorhendasïndi para no uékani eska ísï úkuarhiaka ambe ma eskachi jucha na uékajka,  uékasïngachi eskajtsïni ísï míteaka eskachi kurhangutspisïnga (Filip. 4:5, TNM).

Engachi ísï úska, iámindu járhati kʼuiripuecha jingonchi sési ánchikuarhiaka. Jesúsi sési pájperasïreendi kʼuiripuecha jingoni, jimboksïsï imeeri ikiatspiticha ikiauendi ka no sésiksï arhini enga impuestu kobrarpitichani ka pekadorichani jorhendauenga Tata Diosïri ambe (Mat. 11:19). ¿Uaachi májkueni úni eska Jesúsi ka sési ánchikuarhini máteruechani jingoni nájkirukaksï no májkueniuaka eska jucha? Erachi ma enga Louis arhinhajka ka enga marhuakia komu sirkuitueri orhejtsïkuti ka Beteli ka enga uánikua járhati erachi jingoni ánchikuarhikia, uandasïndi: “Ánchikuarhini mámaru járhati erachicha jingoni, ísïisti komu uékani mámaru járhati tsakapuecha jingoni barda ma úni, nájkirukaksï tsakapuecha mámaru járhatijka uaakachi kʼéri barda ma úni ka jurhimbitku. Kánikua jánguarhintaxaka parani úni ánchikuarhini mámaru járhati erachicha jingoni ka paraka sési uéraaka ambe engachi úni jaka”. ¡Xáni ambakiti ambe!

¿Nénachi uaa kurhangukuani máteruechani juchaari kúnguarhikuarhu? Pori ejemplu, jamberi juchaari grupurhu, jatiksï máru erachicha engaksï mámaru jatiriika o engaksï mámaru ánchikuarhitechani jatsiaka imeecheri familiarhu. Engachi aianhpini jauaka imeecha jingoni, ¿úpirinchi ísï aianhpi eskaksï imeecha na újka o jimeesïsï aianhpini nani engaksï imeecha sánderu tsitijka?

Ambakiti kompanieruechaksï tsípikua jingoni íntspisïndi (1 Tim. 6:18). Enga ánchikuarhipka imeeri Taati jémba jingoni, Jesúsi exepti eska Tata Diosï Jeoba no ma ambe jískasïnga. Jiáni enga Jeoba kueraapka auandani Jesúsi jima jarhaspti ka úsïreendi jorhenguarhini imeeri ambe (Prov. 8:27). Ísï tátsekua, Jesúsi tsípikuarhita jingoni aianguaspti imeeri chúxapatichani ambe enga kurhaapka eska uandaspka imeeri Taati jémba (Juanu 15:15). Májkueni eska Tata Diosï Jeoba, juchajtuchi jatsiska para jorhendaani juchaari erachichani ambe engachi xáni míteka ka jorhenani. Ambakiti kompanieru ma jorhentpisïndi imani ambe enga míteka ka enga marhuauaka parakaksï imeechajtu uaaka sési úni ambe ma. Ka tsípikuarhita jingoni aianguasïndi ambe enga xáni jorhenguarhikia úni.

Máteru ambe engachi uáka úni jindeesti uinhaperantaani juchaari erachichani. ¿A no eskachi kánikua sési pʼikuarherasïnga enga nema exejka na engachi xáni jánguarhintajka ka diosmaiamukuajtsïni arhini? Jesúsi arhutasïreendi tiempu para arhiani imeeri chúxapatichani ambe engaksï sési ueenga (terukutanta je Mateu 25:19-23; Luk. 10:17-20). Asta Jesúsi arhiaspti eskaksï ima sánderu kʼéri ambe úpiringa eska ima (Juanu 14:12). Ima chúri ante de uarhini, uinhaperantaaspti imeeri apostolichani: “Chájtsï jindeeska engajtsïni no méni jurajkuka engani ji tsʼéjkunhaka” (Luk. 22:28). Seguru eskaksï imeeri uandakuecha kánikua uinhaperantaapka paraksï seguirini úni imeeri ánchikuarhitani. Engachi juchajtu sési arhiauaka juchaari erachichani imeechaksï sánderu tsípikua jingoni uaati ambe ma ka sánderu sési.

Erachi ma enga arhinhajka Kayode uandasïndi: “Nóri jatsiska parari iámindu ambe sési úni parari ambakiti kompanieru máeni, peruri uaaka sési pʼikuastaani engari sési arhiaska imeecheri ánchikuarhita jimbo ka engari jarhuataaska paraksï agustu ánchikuarhini”. ¿Májkueni uandanhasïni chaari ambe? ¿Andijtsïsï no kurhamarhijki máteru erachini sintsï ambakiti kompanieru máeski? ¿Sésiksï pʼikuarherasïni chánksïni jingoni jarhani, ísï eskaksï na sési pʼikuarhereenga Jesúsiri chúxapaticha engaksï imani jingoni jarheenga? Enga ísïika, chájtujtsï uaaka májkueni uandani eska apostoli Pablu: “Jucha jindeeska chaari jarhuajpiricha parakajtsï kánikua tsípiaka” (2 Kor. 1:24).