ATUAQQISSAAGASSAQ 50
Savanik paarsisuulluartoq tusaajuk
‘Nipiga tusassavaat.’ – JOH 10:16.
ERINARSUUT 3 Jehova, neriuffigivatsigit nakuussutigalutillu
QILANAARTUUT *
1. Sooq Jiisusip malinnitsini savanut assersuuppai?
JIISUSIP malinnitsiminut attaveqarnini savanik paarsisup savaataasalu attaveqarluarnerannut assersuuppaa. (Joh 10:14) Tamannalu assersuusiatsialaavoq. Savammi paarsisortik tusaasarpaat naalallugulu. Angutip tamanna maluginiarlugu ima oqaluttuarpoq: “Savat filmiliariniarlugit aggersaraluaratsigit nipigut ilisarinnginnamikkit orninngilaatigut. Taavali nukappiarannguup savanik paarsisup takkulluni aggersarpai, savallu ingerlaannaq ornippaat.”
2-3. (a) Jiisusip nipaa malinnittaasa qanoq tusaasarpaat? (b) Allaaserisami matumani tullianilu suut sammissavagut?
2 Angutip taassuma misigisaata Jiisusip malinnitsiminut tunngatillugu oqaasiinik ukuninnga eqqaasippaatigut: ‘Nipiga tusassavaat.’ (Joh 10:16) Jiisusili qilammiippoq. Taavami ‘nipaa’ qanoq tusaasinnaavarput? Taamaaliortarpugut ilinniartitsissutai misissorlugillu maleruaraangatsigit. – Matt 7:24, 25.
3 Allaaserisami matumani tullianilu Jiisusip ilinniartitsissutaasa ilaat eqqartussavagut. Savanik paarsisuulluartup, Jiisusip, ilinniartippaatigut qanoq iliortarunnaassasugut qanorlu iliortassasugut. Iliuuserisarunnaagassatta ilaat marluk maanna sammissavagut.
INGASATTUMIK ISUMAKULOQINASI
4. Lukasi 12:29 naapertorlugu suut isumakuluutigisarsinnaavagut?
4 Lukasi 12:29 atuaruk. Jiisusip malinnitsini oqaaqqissaarpai timikkut pisariaqartitatik ingasattumik isumakuluutigisassanngikkaat. Nalunngilarput Jiisusi tamatigut silatusaartumik eqqortumillu siunnersuisartoq. Siunnersuutaali malikkusukkaluarlugit ilaannikkut malikkuminaatsittarpagut. Sooq taamaappa?
5. Sooq ilatta timikkut pisariaqartitatik isumakuluutigisarpaat?
5 Ilatta timikkut pisariaqartitatik, soorlu nerisassat, atisat inissaqarnerlu, isumakuluutigisinnaasarpaat. Immaqa nunami pissakilliorfiusumi najugaqaramik ilaquttaminnik pilersuinissartik ajornakusoortissinnaavaat. Immaqaluunniit ilaqutariinni pilersuisuusoq toqusimammat ilaqutariit pissakilliulersimapput. Aamma nappaat tuniluuttoq, COVID-19, pissutigalugu inuppassuit suliffissaaleqilersimapput. (Oqal 9:11) Uagut assingusumik allatulluunniit ajornartorsiuteqarutta Jiisusip isumakulukkunnaaqqulluta oqaasii qanoq maleruarsinnaavagut?
6. Apustili Petrusi qanoq misigisaqarpa?
6 Petrusi apustileqatinilu Galilæap Tasersuani umiatsiamik anorersuarsiortillutik Jiisusi tasersuup qaavatigut pisuttoq takuaat. Petrusi ima oqarpoq: “Naalagaq, illiuguit uannut orneqqugit tasersuup qaavatigut.” Jiisusip aggeqqummani Petrusi ‘umiatsiamiit aqqarluni immap qaavatigut pisuppoq Jiisusi ornillugu’. Taava susoqartoq maluginiaruk. “Qanorli anorlertigisoq takuleramiuk nangialerpoq kiviartulerlunilu, nilliavorlu: ‘Naalagaq, annaannga!’” Jiisusip assani isaallugu annaappaa. Eqqaamasariaqarparput Petrusi Jiisusimik tunaarinnittuartilluni immap malleqisup qaavatigut pisussinnaasoq. Anorersuarli maluginialeramiuk annilaangalerpoq qulalerlunilu. Kiviartulerporlu. – Matt 14:24-31.
7. Petrusip misigisaa qanoq ilinniarfigisinnaavarput?
7 Petrusip misigisaa qanoq ilinniarfigisinnaavarput? Jiisusi tikikkusullugu immap qaavatigut pisulerpoq. Jiisusili isiginagu anorersuaq maluginiarneruleramiuk ilimaginngisaminik annilaangalerpoq kiviartulerlunilu. Uagut immap qaavatigut pisussinnaanngikkaluarluta ajornartorsiuleraangatta uppersuseqartariaqarpugut. Jehova neriorsuutaalu tatigiunnaarutsigit kiviartorlutalusooq anersaakkut sanngiillissaagut. Ajornartorsiutigut anorersuartut ikkaluarpataluunniit Jehovap uagutsinnik ikiuisinnaanera tatigiuartariaqarparput. Qanoq taamaaliorsinnaavugut?
8. Timikkut pisariaqartitatsinnik ingasattumik isumakululinnginnissamut suna iluaqutigisinnaavarput?
8 Ajornartorsiutinik nalaataqaraangatta ingasattumik isumakululernata Jehova tatigisariaqarparput. Eqqaamajuk Ataatarput asannittoq neriorsuisoq anersaakkut ittut salliutikkutsigit timikkut pisariaqartitatsinnik isumagiumaarluta. (Matt 6:32, 33) Neriorsuinermisullu iliortuaannarsimavoq. (5 Mos 8:4, 15, 16; Tuss 37:25) Jehovap timmissat naasullu isumagisarmagit uagut nerisassat atisallu isumakuluutigisariaqanngilagut. (Matt 6:26-30; Fil 4:6, 7) Angajoqqaat meeqqaminnut asanninnertik kajumississutigalugu isumassuisarnerattut Ataatatta qilammiusup asanninnini kajumississutigalugu innuttani timikkut pisariaqartitaannik isumassortarpai. Aap, upperilluinnarsinnaavarput Jehovap isumassorumaaraatigut.
9. Aappariit misigisaat qanoq ilinniarfigaajuk?
9 Jehovap timikkut pisariaqartitatsinnik qanoq isumassuisinnaanera pillugu misigisaq sammilaariartigu. Aappariit piffissaq tamaat kiffartortut biiliminnik pisoqqanik akunneq ataaseq sinnerlugu biilerlutik qatanngutit arnat ataatsimiigiaqataasussat qimaasut ineqarfiannut aavaat. Uiusoq oqaluttuarpoq: “Ataatsimiinnerup kingorna uagutsinnut neriartoqquagut, eqqaalerparpulli naammattunik nerisassaateqarata.” Taava qanoq pisoqarpa? Ima nangippoq: “Angerlamut apuukkatta puussiat marluk nerisassanik ulikkaartut matutta eqqaaniittut siumorpagut. Naluarput kina pajussimanersoq, nalunngilarpulli Jehovap isumassoraatigut.” Kingusinnerusukkut biilit ingerlasinnaajunnaarput. Oqaluussinermi pisariaqartikkamikkit biilileriffimmut iluarsaatsikkiartoraluarpaat, akissaqartinngilaalli. Taava angut iserpoq aperalunilu biilit taakku kiap piginerai. Qatanngutip piginerarlugillu iluarsaatassaanerarmagit angut oqarpoq: “Ajunngilaq, nuliara taama ittunik taamatorluinnarlu qalipaatilinnik biilitaarusuppoq. Qassilertikkusuppigit?” Qatanngutip biilit tunigamigit allanik biilitaarnissani akissaqartilerpaa. Ima oqaluttuarpoq: “Nuannaangaarama qanorluunniit misiginerlunga nassuiarsinnaanngilara. Nalunngilarput pisoq nalaatsornerinnaanngitsoq Jehovalli ikioraatigut.”
10. Tussiaat 37:5-imi qanoq kajumissaarneqarpugut?
10 Savanik paarsisuulluartoq naalallugu timikkut pisariaqartitagut ingasattumik isumakuluutigisanngikkutsigit upperilluinnarsinnaavarput Jehovap isumassorumaaraatigut. (Tussiaat 37:5 atuaruk; 1 Petr 5:7) Ajornartorsiutit immikkoortoq 5-imi eqqaaneqartut eqqarsaatigikkit. Imaassinnaavoq Jehovap ilaqutaariinni niaquusoq sulisitsisorluunniit aqqutigalugu timikkut pisariaqartitatsinnik isumassoraatigut. Ilaqutariinnili niaquusoq pilersuisinnaajunnaarpat suliffippulluunniit annaagutsigu Jehovap isumagissaqqaarpaatigut. Maanna savanik paarsisuulluartup kajumissaarutaa alla sammeriartigu.
ISORNARTORSIUISSAARITSI
11. Matthæusi 7:1, 2-lu naapertorlugit Jiisusip qanoq iliortarunnaaqquaatigut, tamannalu sooq unamminiarnarsinnaava?
11 Matthæusi 7:1, 2 atuakkit. Jiisusip nalunngilaa inuit naammalluinnanngitsut isornartorsiueqqajaasartut. Taamaattumik ima oqarpoq: “Eqqartuusseqinasi.” Uppeqatitsinnik isornartorsiuiumanata ilungersoraluarluta ilaannikkut taamaaliortoortarpugut. Isornartorsiueqqajaasaruttami qanoq iliussaagut? Jiisusip oqaasii naalallugit isornartorsiuisarunnaarnissarput ilungersorluta sulissutigisariaqarparput.
12-13. Jehovap maligassiuinera allanik isornartorsiuinnginnissamut qanoq iluaqutigisinnaavarput?
12 Jehovap maligassiuilluarneranik eqqarsaatiginneqqissaarneq iluaqutigissavarput. Taassuma inuit pissusaat ajunngitsut isiginiarnerusarpai. Kunngi Daavi ingasattumik ajortuliormat qanoq pineraa eqqarsaatigiuk. Daavip Batseba allasiorfigaa, allaallumi uia toqutaatippaa. (2 Sam 11:2-4, 14, 15, 24) Tamatuma kingunerisaanik Daavi imminut aliasuutissiinnarani ilaquttaminik, soorlu nuliaminik allanik, aliasutsitsivoq. (2 Sam 12:10, 11) Aamma Jehovamit peqquneqarani Israelimi sakkutuut kisinneqartikkamigit Jehova tatiginngitsoorpaa. Sakkutoorpassuani tulluusimaarutigigunaramigit taakkunanngalu illersorneqarsinnaasorigami taamaaliunnguatsiarpoq. Tamanna qanoq kinguneqarpa? Israelikkut 70.000-t nappaammik toqquteqarput. – 2 Sam 24:1-4, 10-15.
13 Illit taamanikkut Israelimi inuusimasuuguit Daavi qanoq isumaqarfigissagaluarpiuk? Isumaqassagaluarpit Jehovamit isumakkeerfigineqarsinnaassanngitsoq? Jehova taamatut isumaqanngilaq. Daavip aalajaassimanera peqqissimineralu isiginiarnerugamigit ingasattumik ajortuliorsimagaluartoq isumakkeerfigaa. Jehovap nalunngilaa Daavip asangaaraani aamma eqqortumik iliornissani kissaatigigaa. Ilaa qujamasunnangaarami Guutitta pissutsigut ajunngitsut isiginiarnerusarai? – 1 Kng 9:4; 1 Nal 29:10, 17.
14. Kristumiut allanik isornartorsiuisarunnaarnissamut suna iluaqutigaat?
14 Jehovap naammalluinnartuunissarput piumasarinngimmagu uaguttaaq allat naammalluinnartuunissaat piumasarinagu pissusii ajunngitsut isiginiartariaqarpagut. Allat kukkussutaasa maluginiarnissaat isornartorsiuinissarlu ajornanngitsuararsuusarpoq. Jehovamilli ilaarsisup allat suleqatigilluarsinnaavai kukkussutaat arajutsinngikkaluarlugit. Diamanti silineqanngitsoq kusanarpallaarneq ajorpoq, inuulli silatuup nalunngilaa silineqaruni kusatsillunilu naleqangaalissasoq. Jehova Jiisusilu ilaarlugit uaguttaaq allat kukkussutaat maluginiarnerunagit pissusaat ajunngitsut maluginiartassavagut.
15. Sooq inoqatitta atugaannik eqqarsaatiginninneq isornartorsiuisannginnissamut iluaqutigissavarput?
15 Allat pissusiisa nuannersut eqqarsaatigisarnerisa saniatigut isornartorsiuisannginnissamut suna iluaqutigisinnaavarput? Inoqatitta qanoq atugaqarnerat takorloorniartarsinnaavarput. Jiisusip maligassiaa eqqarsaatigiuk. Ullut ilaanni naalaffimmiitilluni uillarneq piitsoq aningaasannguanik marlunnik nakkaatitsivimmut ikisisoq takuaa. Jiisusi ima eqqarsanngilaq: Luk 21:1-4.
“Sooq aningaasanik amerlanernik ikisinngila?” Uillarnerup tunissutimininngui isiginiarnerunagit tunisineranut pissutaasoq atugaalu isiginiarneruai. Uillarneq sapinngisaminik iliuuseqarmat nersualaarpaa. –16. Veronica qanoq ilinniarfigaajuk?
16 Allat atugaannik eqqarsaatiginninnerup pingaaruteqassusia qatanngutip Veronicamik atillip misigisaanit ersersinneqarpoq. Anaanaq kisimiittoq erneralu ilageeqatigai. Veronica unneqqarilluni ima oqaluttuarpoq: “Isumaqarpunga taakku ataatsimiigiarpiartanngitsut oqaluusserpiartaratillu. Taamaattumik nuannarivallaanngilakka. Taamaallungali anaanaasup oqaluusseqatigiganni oqaluttuuppaanga ernini autistiusoq. Sapinngisaminik iliorluni timikkut anersaakkullu pisariaqartitatik isumagisarpai. Ernermi nappaataa pissutigalugu ilaannikkut ilagiinnut allanut ataatsimiigiartariaqartarpoq.” Veronica ima nangippoq: “Aatsaat paasilerpara taama ajornartorsiuteqartigisoq. Qatanngut arnaq taanna Jehovamut sapinngisaminik kiffartortoq maanna asallugulu ataqqingaarpara.”
17. Jaaku 2:8-mi qanoq peqquneqarpugut, qanorlu taamaaliorsinnaavugut?
17 Uppeqatitsinnik isornartorsiuisimalluta paasigutsigu qanoq iliussaagut? Qatanngutitsinnik Jaaku 2:8 atuaruk). Aamma isornartorsiuisarunnaarnissamut ikioqqulluta Jehova qinunikkut kimigiiserfigisariaqarparput. Qinnutitsinnullu naapertuuttumik iliorluta isornartorsiorsimasarput ilisarisimanerulerumallugu oqaluusseqatiserisinnaavarput neriartoqqulluguluunniit. Qatannguterput ilisarisimanerujartortillugu ajunngitsortaasa isiginiarnerisigut Jehova Jiisusilu ilaarniarsinnaavagut. Taamaaliortarutta takutissavarput savanik paarsisuulluartup isornartorsiuisarunnaaqqulluta peqqussutaa naalakkusullugu.
asanninnissaq pillugu peqqussut eqqaamasariaqarparput. (18. Savanik paarsisuulluartumut naalannerput qanoq ersersissinnaavarput?
18 Savanik paarsisup nipaa savat tusaasarpaat. Taamatuttaaq Jiisusip nipaa malinnittaasa tusaasarpaat. Timikkut pisariaqartitagut ingasattumik isumakuluutigisarunnaarniarlugit allanillu isornartorsiuisarunnaarniarluta ilungersorutta Jehovap Jiisusillu ikiussavaatigut. ‘Savarpannguanut’ ‘savanulluunniit allanut’ ilaagaluarutta savanik paarsisuulluartoq naalattuartigu. (Luk 12:32; Joh 10:11, 14, 16) Jiisusip malinnitsiminut peqqussutaasa ilaat marluk allaaserisap tulliani sammissavagut.
ERINARSUUT 90 Qiimmassaqatigiitta
^ par. 5 Jiisusi oqarpoq nipini savaatimi tusassagaat, tassa ilinniartitsissutigisani malinnitsimi tusarnaarlugillu maleruassagaat. Jiisusip ilinniartitsissutigisaasa ilaat marluk – timikkut pisariaqartitat pillugit ingasattumik isumakulunnginnissaq allanillu eqqartuussinaveersaarnissaq – allaaserisami matumani sammissavagut. Oqaasii taakku qanoq maleruarsinnaallugit eqqartussavarput.
^ par. 51 ASSIMI MALUGISASSAT: Qatanngut angut suliffeerussimalluni ilaquttaminik pilersuinissaminut naammattunik aningaasaateqanngitsoq allamik inissarsiortariaqalersoq. Mianersunngikkuni isumakuluppallaalerluni Jehovamut kiffartornini salliutikkunnaaratarsinnaavaa.
^ par. 53 ASSIMI MALUGISASSAT: Qatanngut angut inortuilluni ataatsimiigiartoq. Torrutiinnarluguli oqaluussisarpoq, utoqqarnik ikiuisarpoq naalagaaffilersaarfimmilu ikiuuttarluni, taamaalillunilu nuannersunik pissuseqarnini ersersippaa.