1. Ke selo sefeng so se makiyeng Jeso gore a tshwanise malata yage le dinku?

JESO o tshwanisiye senghana so a nang naso le malata yage le ka mokgo motho wa go disa a kwanang le dinku tsage. (Joh. 10:14) Mošupetso wowa wa kwagala. Dinku tsowa di tšiba ye a di disang fote dya mo kwa mo a di bitsa. Motho ye mongwana wa go kwana le go vakašela dipoleke o yi bonne ka maahlo taba yonone. O yitseri: “Ne re liketsa gore dinku tse dingwana di šutele gore re thogo di tseya dinepe. Mara ka taba la gore ne di sa tšibi mantsu ya rune, a sanka dya šutela. Mo go nyarela mošomanyana wa go disa; di mo šele nthago di sa diyege mo a di bitsa.”

2-3. (a) Malata ya Jeso ma šupetsa byang gore ma kwa lentsu lage? (b) Re nyoko petapeta ka ying ga hlogotaba yowa le ya go latela?

² Tso di makegeleng morenela wa go kwana le go vakašela dipoleke di re gopotsa tso Jeso a di hlayyeng mo a bolabola ka dinku tsage go leng malata yage. O yitseri: “Di nyoko kwa lentsu laka.” (Joh. 10:16) Mara Jeso o ku legedimong. Byalo, re ra byang mo re re re ya mo kwa? So se ka šupetsang gore re kwa lentsu la Mong wa rune ke go maka tso a re tšhutisang.—Mat. 7:24, 25.

³ Ga hlogotaba yowa le ya go latela, re nyoko petapeta ka tse dingwana tso Jeso a yyeng a di tšhutisa. Re ko di boneng gore Jeso o tšhutisiye gore di nyaka re lisetse dilo tse dingwana ke mokane tse dingwana di nyaka re di make. Re nyoko thoma ka go petapeta ka dilo ka dipedi tso Jeso a nyakang re di lisetsa.

4. Luka 12:29 yi re king so se ka makang gore re “fo dulela go šekela”?

⁴ Bala Luka 12:29. Jeso o butsiye malata yage gore ma ‘lisetse go fo dulela go šekela’ ka dilo tso ma di gayelang. Re ya di tšiba gore tso Jeso a re yetetsang ka tsona di dula di re berekela.  Byalo, re nyaka go di ngangarela le mo ka dinako tse dingwana di se lula. Ke ntaba?

5. Ke ntaba ba bangwana ba šekela ka taba la tso ba di gayelang?

 ⁵ Ba bangwana ba ka fo ba ba šekedisa ke tso ba di gayelang—tsa go ja, dikobo le ga go dula. Di ka makega gore ba dula ga naga ya gore go kenne mohlupego. Go ka ba ntshitshire gore ba kraye tšheleta ya gore ba pasope ba mutši wa bona. Kela di ka makega gore ye ne a ba pasopa ka tso ba di gayelang o timele, ke mokane ba mutši wage ba fo šala ba yi tsa. Bolwele bya go sabalala bya COVID-19 bo makiye gore ba bangwana ba felele ke mmereko fote ba sa sa kraya le mong peni. (Mmo. 9:11) Mo nkare tsa mošaga wonone di yye dya re makegela, re ka di berekisa ka mokgo mang tso Jeso a re yetetsang ka tsona tsa gore re lisetse go šekela?

6. Re yanegele tso di yyeng dya makegela Petro wa lepostola.

⁶ Tšatšenngwana, Petro wa lepostola le mapostola ya mangwana ke mo ba sepela ka sekepe ga Lewatle la Galeliya go kene go na le sedingwane ke mokane ba bona Jeso a sepela gedimo ga meetši. Petro o yitseri: “Morena, ho nkare ke wene, mpitse le nna ke sepele gedimo ga meetši go tshwana nago.” Ka nthago Jeso o yitseri ga Petro “tlang,” ke mokane a tšwa ka sekepeng “a ya ga Jeso a sepela gedimo ga meetši.” Lebelela so se yyeng sa makega. “Mo a lebelela sedingwane, o yye a tšhoga. Ke mokane mo a thomisa go nwelela ka meetšing a yahlamela a re: ‘Morena mphonise!’” Jeso o yye a mo goga ka letsogo ke mokane a mo phonisa. Taba ke gore, mola Petro a sa talakanyisa lihlo lage a fo lebelela Jeso, ne a ko fo ya a sepela gedimo ga meetši. Mara  Petro o yitseri go lebelela sedingwane, o yye a tšhoga ka matla a thomisa le go kamaka a šinya a nyoko nwelela.—Mat. 14:24-31.

7. Re ka tšhuta ying ga mošupetso wa Petro?

⁷ Mošupetso wa Petro wo ka re tšhutisa tsa go tlala. Mo Petro a tšwa ka sekepeng fote a sepela lewatleng, ke mo a sa nagana gore go ka ba le sa go mo šitisa ke mokane sa maka gore a thomise go nwelela. Ke mo a tikemisele go segela ga Mong wage a kene a sepela gedimo ga meetši. Mara di mo šitiye go maka ka mokgonone. Nnete ke gore re ka sa di kgone go sepela gedimo ga meetši mara tsa go liketsa tumelo ya rune di ya re tlela le rune. Mo re ka lebala taba ya go tshepa Jehova le tso a di tshepisang, re nyoko thomisa go šepisa ga tso tsa Modimo. Byalo, le mo re ka gahlana le mathatha ya mošaga mang, di nyaka re sa lebale gore Jehova ke yene ye a re gelepang. Re ka di makamaka byang tsotsone?

8. King so se ke makang gore re sa nape re šitisa ke taba ya go šekedisa ke tso re di gayelang?

⁸ Mo re ka tshepa Jehova ke mokane ra lisetsa go šekela, di nyoko re sepelela gabutši. Gopola taba ya gore Papa wa rune wa go re nyaka ka matla Jehova o tshepisa gore mo re ka yetisa tsa Mmušo wage mahlong o nyoko re neya tso re di gayelang. (Mat. 6:32, 33) O šupetsiye gatleletlele gore wa di kgona go maka tso a di tshepisiyeng. (Dot. 8:4, 15, 16; Pis. 37:25) Mo Jehova a kgona go pasopa dinonyane le mabhlomu, anthe rune ke ntaba re šekela ka gore re nyoko ja ying kela re nyoko yapara ying! (Mat. 6:26-30; Mafil. 4:6, 7) Babelegi ba kwa di ba tšhofa gore ba pasope bana ba bona ka tso ba di gayelang, le Papa wa rune wa ku legedimong o pasopa batho bage ka tso ba di gayelang ka taba la gore o ba nyaka ka matla. Mpela-mpela, a re kamake gore Jehova o nyoko re pasopa!

9. Re ka tšhuta ying ga mošupetso wa monna ye mongwana le mosadi wage?

⁹ Lebelela taba yo yi šupetsang gore Jehova wa di kgona go re pasopa ka tso re di gayelang. Monna ye mongwana le mosadi wage ba gore ba ga mmereko wa nako ka moka ba fetsiye nako ya go teya ka ku ga awara ba sepela ka koloyi ya bona ya botala ba lata magageru ya basadi gore ba thogo ma felegetsa megahlanong ya Sekreste, magageru yane ne ma dula ga poleke ya gore go dula batho ba gore ba tšhabiye ga dinaga tsa bona. Mogageru o yitseri: “Ka nthago ga mogahlano, re yye ra mema magageru yane ya basadi gore ma tle ma je le rune, mara re f’lo gopola ka nako yonone gore a re na sa go ba neya.” Mara monna yewa le mosadi wage ba nyoko fetsa ba makiye byang? Mogageru o tokegele ka gore: “Mara mo re segela gaye, re krayye dijumbhane ka dipedi tsa tsa go ja mo monyako wa ntlo. Ne re sa tšibi gore di beyye ke mang gana hone. Jehova ne a re pasopa.” Ka nthagonyana, koloyi ya bona yi yye ya sinyega. Ne ba berekisa yona mo ba ya tšhomong; mara ne ba se na sekwetše sa go yi lukisa. Mo ba sa yisiye koloyi yone mo ba lukisang dikoloyi gona gore ba yi pombhole, morene mongwana o yye a tla ke mokane a butsisa gore: “Ke ya mang koloyi yowa?” Mogageru o yitseri ke yage a boya a mmotsa gore yi nyaka gore ba yi lukise. Ke mokane morenela a re: “Tsone a di hlupi. Mosadi waka o nyakana le koloyi ya mošaga wonowa fote le mong khala yowa ke yona. O ka nrekisela ka bokaye?” Mogageru yene o tlugiye hone a tlatsiye dikhwama ka tšheleta ya gore yi ka reka koloyi ye nngwana. O feleletsiye ka gore: “Ga dilo ka mokana ga tsona tso di makegiyeng, re šitega le go hlaya ka mokgo ne re jabodiye ka gona. Ne re tšiba gore a dya f’lo timakegela. Jehova o tšhediye letsogo.”

10. Pisalema 37:5 yi re hlohletsela byang gore re sa šekedisi ke tso re di gayelang?

 ¹⁰ Mo re ka theetsela tso Jeso a di hlayang re boya re lisetsa go fo dulela go šekela ka tso re di gayelang, re ka sa kamake le ka gonyana gore Jehova o nyoko re pasopa. (Bala Pisalema 37:5; 1 Pet. 5:7) Nagana ka seyemo sa go thathafa so re bolabodiyeng ka sona ga  serele 5. Di ka makega gore ke botala Jehova a berekisa hlogo ya mutši kela ye a re hiriyeng gore a re gelepe gore re thogo tipasopa ka tso re di gayelang. Mo nkare hlogo ya mutši a yi sa di kgona go maka ka mokgonone kela re felela ke mmereko, Jehova o nyoko berekisa mekgwa ye mengwana gore a re pasope. So se šalang ke gore yene a ka sa re lisetse. Tla re lebeleleneng se sengwana so Jeso a hlayyeng gore re lisetse go se maka.

11. Ga Matewu 7:1, 2, Jeso o re re lisetse go maka ying fote ke ntaba go ka ba ntshitshire?

¹¹ Bala Matewu 7:1, 2. Jeso ne a tšiba gore bo ba mo theetselang a baa felegelela fote ba kwana natso tsa go yahlula ba bangwana. Nka taba lo a hlayyeng gore: “Lisetsa go yahlula.” Re ka fo ba re liketsa ka matla gore re sa yahlule magageru. Mara ka nakwenngwana di ka re phukulusanya ka taba la gore a re ya yenela. Mo nkare re fela re solasola ba bangwana, di nyaka re make ying? Theetsela Jeso, ke mokane o karakare ka matla gore o lisetse go yahlula.

12-13. Mo re ghayela ka taba ya ka mokgo Jehova a yyeng a tshwara Dafita ka gona, yi ka re gelepa byang gore re lisetse go yahlula ba bangwana?

¹² Mo re ka ghayela ka tso Jehova a re beyiseleng ka tsona, tsotsone di nyoko re berekela. O lebelela tsa gabutši mo bathong. Taba yone re yi bona ka mokgo ne a tshwara Kgoši Dafita, motho wa gore o yye a sinya ka matla. Mo re beyisa, o yye a maka bonghwahla le Bhathišeba fote a maka gore monnage ba mmolaye. (2 Sam. 11:2-4, 14, 15, 24) Ka taba lolone, tso Dafita a di makiyeng a di ya kwisa yene go baba a ntoši mara di kwisiye le ba mutši wage re ra le mong basadi bage ba bangwana. (2 Sam. 12:10, 11) Tšatši le lengwana, Dafita o šupetsiye gore aa tisamele ka Jehova mo a balela banna ba Maisrayele ba gore ke masole Jehova a sa mo roma. Di ka makega gore o hlupiye ke magetla le go tshepa masole yage mo a šinya a maka tsotsone. Go makegiye ying? Maisrayele ya go teya gana hala ga 70 000 ma yye ma kerefela ke bolwele!—2 Sam. 24:1-4, 10-15.

¹³ Mola o phidiye ka dinako tsa Maisrayele, nke ga Dafita o yye wa mo tseya byang? Ayitsano ne o nyoko tseya gore a di mo tshwanele tsa gore Jehova a mo kwele go baba? Mara Jehova a sanka a mo tseya ka mokgonone. Ne a lebelela dilo ka mokana ga tsona tso di šupetsang gore Dafita wa tshepega fote o sokologiye tsa mannete. Nka taba lo Jehova a yyeng a tshwarela Dafita ga tsa go befa tso a di makiyeng. Jehova ne a di tšiba tsa gore Dafita o mo nyaka ka matla fote wa di nyaka go maka tsa gabutši. Wa tšiba, re yi leboga re sa fetsi taba ya gore Jehova o lebelela tsa gabutši ho ga rune!—1 Mag. 9:4; 1 Dikor. 29:10, 17.

14. King so se gelepiyeng Makreste gore ma lisetse go yahlula ba bangwana

¹⁴ Ka taba la gore Jehova aa letela gore re make dilo nkare re felegelele, le rune a re ya tshwanela go letela tsotsone ga ba bangwana mara di nyaka re lebelele tsa gabutši mo ga bona. Ga go tlala di lula go bona mo motho a kekemisang gona ke mokane ra thomisa go mo solasola. Mara mo motho a butšwiye gabutši ga tso tsa Modimo, a ka fo ya mahlong a bereka gabutši le ba bangwana le mo a di  bona gore baa kekemisa go gongwana. Dhayimondi mo ba soko yi fefa a ya bafala fote a di jabodisi go yi lebelela, mara motho wa gore o tseya dilo gabutši aa hlupe ke gore yi lebelelega byang ka ho tawong ka taba la gore wa di tšiba gore mo ba ka yi fefa ba boya ba yi gadimisa, go ko ba selo sa gore ba se tseyela gedimo. Di nyaka re kopisela Jehova le Jeso ga taba ya gore re sa fo lebelela tso batho ba di kekemisang mara re lebelele tsa gabutši tso ba di makang.

15. Mara go nagana ka seyemo sa ba bangwana go ka re gelepa ka mokgo mang gore re sa ba yahlule go baba?

¹⁵ Go tokegela ga taba ya go lebelela tsa gabutši ga ba bangwana, king so se ka re gelepang gore re sa ba yahlule go baba? Liketsa go fo nagana gore ba manya ke tsa mošaga mang. Lebelela mošupetso wowa. Tšatši le lengwana mo Jeso a le ku tempeleng, o yye a bona mosadi ye mongwana wa gore wa tihlupegela fote o kgwele ke monna a tšhela ditšheleta ka dipedi tsa go sa re selo ka lebhokising la go neyela. A sanka a butsisa gore: “Ke ntaba a sa yeketse nyana?” Jeso a sanka a hlupega ka matla ka gore mosadi yene o neyele ka bokaye mara o f’lo lebelela so se mo tšhofang le gore seyemo sage ke sa mošaga mang ke mokane a mo thanaka.—Luk. 21:1-4.

16. Re tšhuta ying ga tso Veronica a gahlanneng natso?

¹⁶ Mo re ka lebelela mošupetso wa mogageru wa mosadi ye ba reng ke Veronica, re ko di  boneng gore di gabutši ka matla go nagana ka seyemo so ba bangwana ba gahlanang naso. Ga phutego ya bona ke mo go na le mmane ye mongwana wa gore o tigudisela morwayi wage a le ntoši. Veronica o yitseri: “Ne di šupa nkare a ba nyake go tšhela letsogo ga tso phutego yi di makang. Ka taba la tsotsone, ne ke sa ba tseye gabutši. Mara ke yye ka sepela le mmane wa gona tšhomong. O mputsiye ka bothatha byo a tshwaraganneng nabyo bya gore morwayi wage aa felela monaganong. Ke mo a karakara ka matla gore ba kraye tso ba di gayelang fote ba tiyise senghana sa bona le Jehova. Ka dinako tse dingwana, ke mo a bona di hlokega gore a ye mogahlanong ga phutego ye nngwana ka taba la mo a bona morwayi wage a sa titsose.” Veronica o fetsiye ka gore: “Ne ke sa di tšibi gore o tshwere bothatha. Gana byalo mogageru yewa wa mosadi ke mo tseyela gedimo ka matla fote ke ya mo hlompa ka taba la tso a di makang gore a thogo berekela Jehova.”

17. Jakobo 2:8, yi re re make ying fote tsotsone re nyoko di maka ka mokgo mang?

¹⁷ Di nyaka re maka ying mo nkare re ya di bona gore ne re yahlula mogageru? Re sa lebale gore re tshwanele re nyake magageru ka matla. (Bala Jakobo 2:8.) Fote, di nyaka re rapela Jehova di re baba gore a re gelepe re lisetse taba ya go yahlula. Gore dilo di makege ka mokgo re di rapeleleng, re tshwanele re fokatse le motho yenene wa gore ne re dulela go mo solasola. Tsotsone di nyoko maka gore re mo tšibe gabutši. Re ka mo kgopela gore a bereke le rune ga mmereko wa tšhomo kela ra mo mema gore a tle a je le rune. Mo re kene re liketsa go tšiba mogageru yene gabutši re ka kopisela ga Jehova le Jeso ga taba ya go lebelela tse di butši gage. Ka mokgonone re ko ba re šupetsa gore re theetsela tso Jeso a di hlayyeng tsa gore re lisetse go yahlula.

18. Re ka šupetsa ka mokgo mang gore re theetsela lentsu la Jeso?

¹⁸ Malata ya Jeso ma theetsela lentsu lage go fo tshwana le mo dinku di theetsela lentsu la ye a di disang. Mo re karakara ka matla gore re lisetse go šekela ka tso re di gayelang le go yahlula ba bangwana, Jehova le Jeso ba nyoko re rufa. Di sa yi ka gore re “morape wo monyana” kela “dinku tse dingwana,” nkare re ka ya mahlong re theetsela tso Jeso a di hlayang. (Luk. 12:32; Joh. 10:11, 14, 16) Ga hlogotaba ya go latela, re nyoko petapeta ka dilo ka dipedi tso Jeso a hlayyeng gore malata yage ma tshwanele ma di make.