1-2. (a) Apustilit pingasut qanoq ilioq­quneqar­pat, qanorlu ilior­pat? (b) Al­laaserisami matumani suut sam­mis­savagut?

UKIUMI 32-mi poorskip kingor­na qaq­qami por­tusuumiitil­lutik, qaq­qami Hermoniun­nguatsiar­tumi, apustilit Petrusi, Jaaku Johan­nesilu tupin­nangaar­tumik takusaqar­put. Takuaat Jiisusip ‘kiinaa seqiner­tut qaamaninit­toq atisaalu qaamaner­tut in­ngianarsisut’. (Matt 17:1-4) Naggataatigut apustilit tusaavaat Guuti ima oqar­toq: “Tas­sa er­nera asasara nuan­narisara. Taan­na tusarsiuk!” (Matt 17:5) Apustilit pingasut oqaatsinik taak­kunin­nga maleruaaner­tik inooriaatsimik­kut takutip­paat. Taak­kua maligas­siuinerat ilaarusup­par­put.

² Al­laaserisap siuliani paasivar­put Jiisusip nipaa tusaagutsigu iliuutsit aalajangersimasut iliuuserisarun­naar­tariaqarigut. Al­laaserisami matumani iliuuserisariaqak­kagut marluk Jiisusip eq­qaasai sam­mis­savagut.

3. Mat­thæusi 7:13, 14-ilu naaper­torlugit qanoq ilius­saagut?

³ Matthæusi 7:13, 14 atuakkit. Maluginiaruk Jiisusip aq­qutinut as­sigiin­ngitsunut marlun­nut isaaf­fiit eq­qaagai. Aq­qutip aap­paa ‘silit­tuuvoq’ aap­paalu ‘amitsuul­luni’. Al­lamik aq­quteqan­ngilaq. Sorlik­kuus­sanerluta nam­mineq aalajangigas­saraar­put. Taman­na aalajangigas­satsin­nit tamanit pingaar­ner­paajuvoq,  aq­qum­mi ataasiin­naq inuunermut naas­saan­ngitsumut aq­qutaavoq.

4. ‘Aq­qut silit­toq’ qanoq it­tuua?

⁴ Aq­qutit marluk taak­ku as­sigiin­ngis­sutaat eq­qaamasariaqar­pagut. ‘Aq­qut silit­toq’ ingerlavigiuminar­tuum­mat inup­pas­suit tas­suunaar­tar­put, ajoraluar­tumil­lu aq­qut taan­na qimak­kusun­nagu maleruutiin­nar­tar­put. Paasin­ngilaat Saatani Diaavulu aq­qutik­kut tas­suunaar­titsiniaasuusoq aq­qul­lu taan­na toqumik kinguneqar­toq. – 1 Kor 6:9, 10; 1 Joh 5:19.

5. ‘Aq­qut amitsoq’ naniumal­lugu ingerlavigilerumal­lugulu inuit ilaat qanoq iliorsimap­pat?

⁵ Aq­qutip aap­paa ‘amitsuuvoq’, Jiisusilu oqar­poq taas­sumin­nga nanisisut ikit­tuin­naasut. Sooq? Maluginiaruk versip tul­liani Jiisusip malin­nitsini pruf­fiitioq­qusersut pil­lugit mianersoq­qugai. (Matt 7:15) Up­perisarsioqatigiit amerlangaarmata amerlaneril­lu ilumoor­tumik ilin­niar­titsinerar­tarmata inup­pas­suit paatsiveerul­lutik inuunermut aq­qut ujar­tor­nerluun­niit ajor­paat. Inuunermul­li aq­qut nanineqarsin­naavoq. Jiisusi ima oqar­poq: “Oqaasera aalajangius­simajuarus­siuk ilumut ajoqersugaris­savas­si, sal­lusuis­sul­lu ilisimalis­savarsi, sal­lusuis­sutsil­lu inus­siaajun­naarsis­savaasi.” (Joh 8:31, 32) Il­lit maleruutiin­nar­nak ilumoor­toq ujar­torak­ku nersualaar­neqar­tariaqar­putit. Guutip piumasaqaatai paasiniarlugit Biibilimik misis­sueq­qis­saar­taler­putit Jiisusil­lu ilin­niar­titsis­sutigisai malerualerlugit. Ilaatigut ilik­kar­pat Jehovap piumasarigaa ajoqersuutit eq­qun­ngitsut tunuar­tis­sagigut nal­liut­torsior­neril­lu up­perisarsior­nermit eq­qun­ngitsumit aal­laavil­lit peqataaf­figisarun­naas­sagigut. Aam­ma paasiler­pat Jehovap iluarisaanik iliorumal­luni pisariaqar­tumik al­lan­nguinis­saq saper­narsin­naasoq. (Matt 10:34-36) Al­lan­nguiniar­neril­lu ajor­naatsuin­naasimagunan­ngilaq. Ataatal­li qilam­miusoq asagak­ku nuan­naar­tik­kusul­lugulu tun­niutiin­nan­ngilatit. Jehovap tul­luusimaarutigingaarsimas­savaatit! – Uss 27:11.

6. Tus­siaat 119:9, 10, 45, 133-lu naaper­torlugit ‘aq­qutik­kut amitsuk­kut’ ingerlajuar­nis­samut suut iluaqutigisin­naavagut?

⁶ ‘Aq­qutik­kut amitsuk­kut’ ingerlajuar­nis­samut suut iluaqutigisin­naavagut? As­sersuuteqariar­ta. Qaq­qami aq­qusinik­kut amitsun­nguak­kut biiler­tut aq­quser­ngup sinaanut qanil­lival­laar­nis­saat nak­kar­nis­saal­luun­niit pin­ngitsoor­tin­niarlugu aq­qusineq sinaak­kutaqar­tar­poq. Biiler­tut arlaan­naataluun­niit taman­na naam­magit­taal­liutiginavian­ngilaa. Jehovap najoq­qutas­siai Biibilimiit­tut sinaak­kutatut il­lersuutaasutut ip­put, taak­kulu iluaqutigalugit ‘aq­qutik­kut amitsuk­kut’ ingerlajuarsin­naavugut. – Tussiaat 119:9, 10, 45, 133 atuakkit.

7. Inuusut­tut ‘aq­qut amitsoq’ qanoq isigis­sagaat Jehovap kis­saatigaa?

⁷ Ilis­si inuusut­tuususi, Jehovap najoq­qutas­siai sukan­ner­pal­laarsoraasigit? Saatanip taamatut isumaqalersik­kusup­paasi. Kis­saatigaa ‘aq­qutik­kut silit­tuk­kut’ nuan­nisar­pasil­lutik ingerlasut maluginias­sagisi. Isumaqalersik­kusup­paasi atuaqatisi inuil­lu inter­netik­kut takusasi nuan­nisar­nerujus­suusut aam­ma Jehovap najoq­qutas­siai nuan­naalivitsitsinatik kil­lilersuutaagin­nar­tut. * Unali  eq­qaamajuk: ‘Aq­qutik­kut silit­tuk­koor­neq’ qanoq kinguneqas­sasoq Saatanip iser­tuuk­kusup­paa. Jehoval­li paasitip­paatit ‘aq­qutik­kut amitsuk­kut’ ingerlajuaruit inuunerit qanoq nuan­ner­tigis­sasoq. – Tuss 37:29; Es 35:5, 6; 65:21-23.

8. Inuusut­tut Olaf qanoq ilin­niarfigisin­naavaat?

⁸ Qatan­ngutip inuusut­tup, Olafip, misigisai qanoq ilin­niarfigisin­naanerlugit eq­qarsaatigiuk. * Taan­na atoqateqar­nis­samut atuaqatiminit tatineqarami nas­suiaap­pai Biibilimi ileq­qus­satigut najoq­qutas­siat qutsis­sut Jehovap Nalunaajaasuisa maleruar­taraat. Taamatul­li oqarmat niviarsis­sat ilaasa uteriiserfigineruler­paat. Olafil­li eq­qor­tulior­nis­sani aalajangiusimajuar­paa. Aam­mali al­latigut tatineqar­tar­nini ima oqalut­tuaraa: “Ilin­niar­titsisut qaf­fasin­nerusumik ilin­niagaqaq­qul­lunga kajumis­saar­paan­nga. Oqarfigaan­nga taamaaliun­ngik­kuma atorfigis­saar­nangalu ataq­qineqar­navian­ngitsunga.” Olafip tatineqar­nini qanoq akiorsin­naasimavaa?  Ima oqalut­tuar­poq: “Ilagiin­ni up­peqatik­ka ikin­ngutigil­lualerak­kit ilaqut­tat­tut isigiler­pak­ka. Aam­ma Biibilimik atuaq­qis­saar­tar­nera pimoorun­nerulerak­ku atuak­kama ilumoor­tuunerat qularutigin­ngin­neruler­para. Tamatuma kingunerisaanik Jehovamut kif­far­tor­nis­sara aalajangiusimaneruler­para.

9. ‘Aq­qut amitsoq’ ingerlavigiuarusuk­kutsigu qanoq ilius­saagut?

⁹ Saatanip inuunermut aq­qutik­kut ingerlajun­naar­tik­kusup­paatit. Inuit amerlanersaat malil­lugit toqumut aq­qutik­koor­tik­kusup­paatit. (Matt 7:13) Uagul­li Jiisusip nipaa tusaajuarutsigu ‘aq­qutik­kul­lu amitsuk­koor­neq’ il­lersuutitut isigigutsigu aq­qut taan­na qiman­navian­ngilar­put. Jiisusip iliuusereq­qusaa al­la maan­na sam­meriar­tigu.

10. Mat­thæusi 5:23, 24-lu naaper­torlugit Jiisusip qanoq ilioq­quaatigut?

¹⁰ Matthæusi 5:23, 24 atuakkit. Al­las­simaf­fim­mi tas­sani Jiisusip pil­liineq tusar­naar­timi juutiusut pingaar­titaat eq­qar­tor­paa. Takorlooruk naalaf­fim­miit­tut ilaata pil­liutis­sani palasimut tun­niun­nialerlugu eq­qaaleraa qatan­ngutimi ilaata iluarin­ngik­kaani. Tunis­sutis­sani qimal­lugu ingerlasariaqaler­poq, Jehovamum­mi pil­liuteqar­tin­nani pingaar­nerusumik iliuuseqar­tariaqar­poq. Taman­na Jiisusip erseq­qis­sumik oqaatigaa; tas­sa qatan­ngutini eq­qis­seqatigeq­qaar­tariaqar­paa.

11. Jaaku Esauimik eq­qis­seqateqar­niarluni qanoq ilior­pa?

¹¹ Eq­qis­seqateqar­nis­samut tun­ngatil­lugu Jaaku ilin­niarfigil­luarsin­naavar­put. Jaaku ukiut 20-t mis­saan­ni nunami al­lami najugaqareersoq Guutip in­ngili aq­qutigalugu nunagisaanut uteq­quaa. (1 Mos 31:11, 13, 38) Jaakuli siooratsangaar­poq, angajumimi Esauip suli kamaan­neraani isumakuluutigaa. Esauimi Jaaku toqun­niarlugu oqarsimavoq. (1 Mos 27:41; 32:8) Angajuminik eq­qis­seqateqar­niarluni qanoq ilior­pa? Jehovamut qaman­nga pisumik qinoq­qaar­poq. Taava Esaui tunis­suter­pas­suar­nik tunivaa. (1 Mos 32:10-16) Kiisalu, naapik­kamik ataasiaan­nar­nani arfineq-marloriarlunili seeq­qum­merfigaa. Taamaalil­luni qatan­ngutiminik sivisuumik takusiman­ngisaminik ataq­qin­nin­nini takutip­paa. Jaakup maniguul­luni ataq­qin­nil­lunilu iliuuseqar­nera Esauimik eq­qis­seqateqar­neranik kinguneqar­poq. – 1 Mos 33:3, 4.

12. Jaaku qanoq ilin­niarfigaar­put?

¹² Jaakup iliuusii ilin­niarfigil­luarsin­naavagut. Angajuni naapigiar­tin­nagu maniguul­luni Jehovamut qinunik­kut ikioq­quvoq. Taava qin­nutiminut naaper­tuut­tumik qatan­ngutini eq­qis­seqatiginiarlugu sapin­ngisaminik iliuuseqar­poq. Naapik­kamiul­lu isumaqatigiin­ngin­nermin­nut kina pisuunersoq pil­lugu angajuni oq­qateqatigin­ngilaa. Qatan­ngutiminik eq­qis­seqateqar­nis­sani aalajangiusimavaa. Jaaku qanoq ilaarsin­naavar­put?

13-14. Up­peqater­put ajual­latsis­simagutsigu qanoq ilius­saagut?

¹³ Inuunermut aq­qutik­kuus­sagut­ta qatan­ngutigut eq­qis­seqatiginiar­tariaqar­pagut. (Rom 12:18) Up­peqater­put ajual­latsis­simal­lugu paasigutsigu qanoq ilius­saagut? Jaakutut iliorluta Jehovamut qaman­nga pisumik qinus­saagut. Qatan­ngutitsin­nik eq­qis­seqateqar­niar­nitsin­ni ikioq­qul­luta qin­nuigisin­naavar­put.

 ¹⁴ Aam­ma im­minut misis­sor­tariaqar­pugut. Apeq­qutit uku eq­qarsaatigisin­naavagut: ‘Nam­mineq kuk­kusimal­lunga oqarusus­saanga, maniguul­lunga utoq­qatserusus­saanga eq­qis­seqateqar­nis­sarlu sulis­sutigalugu? Qatan­ngutiga siul­liul­lunga eq­qis­seqatiginiaruk­ku Jehova Jiisusilu qanoq misigis­sap­pat?’ Im­minut misis­sor­ner­put kajumis­sis­sutigalugu Jiisusi naalal­lugu up­peqater­put maniguul­luta eq­qis­seqatiginias­savar­put. Taamaalil­luta Jaakup maligas­siuinera ilaarsin­naavar­put.

15. Eq­qis­seqateqar­niaraangat­ta najoq­qutas­siaq Efesosimiut 4:2, 3-milu al­las­simasoq qanoq iluaqutigisin­naavar­put?

¹⁵ Takorlooruk Jaakup qatan­ngutini makitasaarfigisimasuup­pagu qanoq pisoqarsimas­sagaluar­toq. Ajorluin­nar­tumik kinguneqarsimasin­naagaluar­poq. Taamaat­tumik uagut qatan­ngutsitsin­nik eq­qis­seqateqar­niaraangat­ta maniguut­tuunis­sar­put pingaaruteqar­poq. (Efesosimiut 4:2, 3 atuakkit). Us­satit 18:19-imi ima al­las­simasoqar­poq: “Qatan­ngutaasup ajual­latsin­neqar­tup as­sigaa il­loqarfik pal­lit­taalisalik; saqitsaan­nerit as­sigaat pal­lit­taalisap matorsuisa san­nerutaat.” Maniguul­luni utoq­qatser­neq ‘pal­litaalisap iserfiginis­saanut’ iluaqutigisin­naavar­put.

16. Suut eq­qarsaatigisariaqar­pagut, aam­ma sooq?

¹⁶ Aam­ma qanoq oqas­sanerluta oqaasis­sagul­lu qanoq saq­qum­miutis­sanerlugit eq­qarsaatigeq­qis­saar­tariaqar­par­put. Piareerut­talu ajual­latsis­simasar­put saam­marsar­niarlugu or­nit­tariaqar­par­put. Imaas­sin­naavoq aal­laq­qaam­mut nuan­niitsunik oqaaseqar­toq. Taamaap­pat kamalersin­naavugut im­minul­lu il­lersor­niarsarilerluta, taman­nali eq­qis­seqatigiin­nermik kinguneqas­sava? Ilimanan­ngilaq. Eq­qaamajuk or­nigun­nin­nut suna siuner­taasoq. Kia pisuuneranik kialu ilumoor­neranik paasiniaanis­saq pin­nagu qatan­ngutin­nik eq­qis­seqateqar­nis­sat siuner­tarivat. – 1 Kor 6:7.

17. Gilber­t qanoq ilin­niarfigaajuk?

¹⁷ Qatan­ngut angut Gilber­timik atilik eq­qis­seqateqar­niarluni ilungersor­toq ima oqalut­tuar­poq: “Panigalu at­taveqar­ner­put ajorluin­nar­poq. Taan­na at­taveqarfigil­luaq­qilerumal­lugu ukiut marluk ingerlanerini un­neq­qaris­sumik eq­qis­sisimasumil­lu oqaloqatigisar­para.” Gilber­t aam­ma al­lamik iliuuseqar­poq.  “Oqaloqatigiin­ngin­nitsin­ni qinusar­punga, aam­ma nuan­niitsunik oqaaseqas­sagaluar­pat kamalin­ngin­nis­san­nik kajumil­lungalu isumak­keerfigin­nin­nis­san­nik im­minut eq­qaasit­tar­punga. Paasivara uanga kuk­kusiman­ngin­nera up­per­narsar­niarsarinagu eq­qis­seqateqar­niar­nis­saq akisus­saaf­figalugu.” Taman­na qanoq kinguneqar­pa? Gilber­t oqar­poq: “Ilaqut­tak­ka tamaasa ul­lumik­kut at­taveqarfigil­luarak­kit qamuuna eq­qis­sisimavunga.”

18-19. Ajual­latsitsisimagut­ta qanoq ilior­tariaqar­pugut, aam­ma sooq?

¹⁸ Taavami paasiguk­ku up­peqatit ajual­latsis­simal­lugu qanoq ilius­savit? Jiisusip eq­qis­seqateqar­nis­samik peq­qus­sutaa maleruaruk. Jehovamut qinunik­kut siulersoq­qugit, anersaal­lu il­ler­nar­tup ikiuinera tatigalugu eq­qis­seqatigiin­nis­saq noq­qaas­sutigiuar­taruk. Taamaalior­nerit nuan­naarutigis­savat, takutis­saval­lu Jiisusi tusar­naarlugu. – Matt 5:9.

¹⁹ Jehovap “ilagiin­nut niaquusoq”, Jiisusi Kristusi, aq­qutigalugu asan­nit­tumik ilitsersuisar­nera qujamasuutigaar­put. (Ef 5:23) Apustilit Petrusi, Jaaku Johan­nesilu ilaarlugit Jiisusip tusaanis­saa aalajangiusimatigu. (Matt 17:5) Sam­meriik­katsitut taamaaliorsin­naavugut up­peqatitsin­nik ajual­latsis­simasatsin­nik eq­qis­seqateqar­niar­tarut­ta. Taamaalior­tarut­ta ‘aq­qutik­kul­lu amitsuk­kut’ ingerlajuarut­ta maan­na pil­luas­saagut siunis­samilu naas­saan­ngitsumik pil­luas­sal­luta.