1-2. (a) Tae-e gu ge ǃnona apostelgu Jesub di ga mîba-e îgu dī. Tsî mati gu ge ǁîga ǃeream? (b) Tae-e da nē ǁkhāǁkhāǃâs ǃnâ nî ǃhoaǃgao?

PASXAKAITSĒS khaoǃgâ 32ǁî kurib ǃnâ. Î ge apostel Petrub, Jakobub tsî Johaneb tsîna. ǀŌ-aisa xū-e ge a mû. ǀGapi ǃhommi, ǀnîsi Hermon ǃhommi ai. Îb ge Jesuba ǁîgu ais ai ge ǀkharalkharasen. “Tsîs ge ais âba sores khami ge ǂkhai, tsîn ge ǁîb sarana ǃnâb khami ge ǃuri.” (Mat. 17:1-4) ǁNā-e gu ge mû toas khaoǃgâ gu ge apostelga Eloba xu nē-e ge ǁnâu: ‘Nēb ge ti ǀnamǀnamsa ǀGôab, ǃgâiǃgâibasensa ta ūǃnâ hâba; ǁîba ǃgâ.’ (Mat. 17:5) ǃNona apostelgu ge ge ǁgau. ǁÎgu ûiga gu gere ûi ǀgaub ǃnâ. Jesuba gu gere ǃgâ ǃkhaisa. ǁÎgu di aiǁgaude da ge ra ǁgae ǂgao.

² ǃKharu go ǁkhāǁkhāǃâs ǃnâ da ge go ǁkhāǁkhāsen. Jesub di domma ǃgâs ra ǂâibasensa, îda ǀû ǀnî xūna dīsa. Nē ǁkhāǁkhāǃâs ǃnâ da ge ǀgam xūna nî ǃhoaǃgao. Jesub ge mîna dī da nîse ina.

3. Mateub 7:13, 14 ǃoagu, tae-e da nî dī?

³ Khomai re Mateub 7:13, 14 sa. ǃGaoǃgâ re Jesub ge ǀgam dao-am ra. Hîna ǃkharagagu ǃkhaide ǃoa ra īkha xa ra ǃhoa. ‘ǂHapa daob’ tsî ‘ǀui daob’ tsîkha. ǃNonaǁî dao-i ge a ǀkhai. Aitsama da ge nî ǁhûibasen mā daoba da nî sîsenūsa. Nēb ge kaise ǂhâǂhâsa mîǁguib hîna da nî dība. Sida ǀamo ûib ge ǁnās ai a ǃgaoǃgaosa.

4. Mati du ‘ǂhapa’ daoba nî ǁguiǃā?

 ⁴ ǂÂis ǃnâ da ge nē ǀgam daoga di ǃkharagagusiga nî ūhâ. ‘ǂHapa daob’ ge a ǂanǂansa supuse i ra ǃgû-aihe ǃkhais ǃaroma. Tsûtsûsase, ǂguin ge ra mîǁgui. În ǁnā daob ai hâ ǀgara. Tsî ǁnān hîna ǁnā daob ai hâna sao. ǁÎn ge mûǂan tama hâ. ǁGâuab ra dītsâ sa în khoena ǁnā daob ai ǃgû. Tsî ǁîb di daob ge ǁōba ǃoa ǀgui ra ī-ū.—1Kor. 6:9, 10; 1Jhn. 5:19.

5. Tae mîǁguiban ge ǀnîna dī, în mûǃā ‘ǀui’ daoba. Tsî ǁnās ǀkha ǁîb ai ǃgû tsoatsoa?

⁵ ‘ǂHapa’ daob ǃoagu î ge ǀnî daoba hâ ‘ǀui’ daoba. Tsîb ge Jesub ge mî ǀoron ge ǁnā daoba ra hō di. Tae-i ǃaroma? ǂÛǂûxase, îb ge Jesuba sao ra xoas ǃnâ. ǁÎb di saosabena ra mîba ama tama kēbo-aogu xa. (Mat. 7:15) ǀNî ǃgôagu ǃnâ în ge ǂgui khoena ra mî. Daisens xa ǃnāsa ǃoaba di hâsa. Tsîn ǂguina ra mîsa amaban ra ǁkhāǁkhā di. ǂGui ǃoaba di hâ ǃkhais ǃaroma în ge ǂgui khoena ra ǂkhabuǂâi. Tamas ka io a ǀū tae-en nî dīsa. Tsî ǁnās ǀkha ra ǀûsen dītsâ tsî ôasa. ǀAmo ûiba ǃoa ra ī daoba. Xawe ǁnā daob ge a hō-e ǁkhā. Jesub ge ge mî: “Ti mîs ǃnâ du ga hâhâo. O du ge a amase ti ǁkhāǁkhāsabe. Tsî du ge amaba nî ǁnâuǃā. Tsîb ge amaba sado nî ǃnoraǃnora.” (Jhn. 8:31, 32) Koahe ǁkhāse, kaise i ge ǃgâi. Sadu ge nau khoen ge dī khami dī tama hâ isa. Xawe du ge amaba ge ôaǂui. ǃGamse du ge Elobmîsa ge ôaǃnâ tsoatsoa. Îdu ǂanǂui tae-eb sida xu ra ǂgaoǀkhāsa. Tsî du ge Jesub di ǁkhāǁkhāde ge ǁnâu. Tsî du ge ǁnān hoan xōǀkha ge ǁkhāǁkhāsen Jehovab ra ǂgaoǀkhāsa. Îda ama tama ǁkhāǁkhāde xu ǂgōsen. Tsî îda tā sâtsēdi hîna ama tama ǃoaba ǀgauga ūhâna tsēdī. ǁKhāǁkhāsens tsîna du ge dī hâ. Sadu ûib ǃnâ du ga ǀkharaǀkharana dī. Îdu Jehovaba ǂkhî kai. O i hoaǁae supu tama hâsa. (Mat. 10:34-36) Sado î ge ge supuba tama hâ i. ǂHâbasa ǀkharaǀkharana dīsa. Xawe du ge ge ǁgūtsâ îdu ǀkharaǀkharana dī. Sadu ǀhomsi ǁGûba du a ǀnam amaga. Tsî du ǁîba ra ǂkhî kai ǂgao ǃkhais ǃaroma. Kaiseb ge ǁîba sadu ǀkha a ǂkhî.—ǂKhm. 27:11.

6. Psalmdi 119:9, 10, 45, 133 ǃoagu i. Tae-e a huida ǁkhā îda ǀui daob ai hâ ǀgara?

⁶ ǀUi daob ai da ga ǃgû tsoatsoa o. O i tae-e nî hui da îda ǁnāpa hâ ǀgara? Nē aiǁgausa kō re. ǀNî ǃhūgu ǃnâ î ge daob xōǀkhā xūna kurusa. În ǃnari-aob tsî audos tsîna ǁkhauba tsūgeǃgâba xu. ǁNā daob xōǀkha kuruhe hâ xūn ge ǁnāti kurusa în ǃnari-ao-e ǁkhauba. Tsî ra hui nî în ǁnātikōse tā ǀgūse. Tamas ka io daob ǃauga ǃnari ǂoa. ǂGui ǃnari-aon ge mî tide. Nē daob xōǀkha kuruhe hâ xūn ǁîna ra ǁkhae ǃkhaisa. Jehovab daoǁgaudi hîna Elobmîs ǃnâ ra hō-e di ge. ǁNā ǁkhaubas di xūn hîna daob xōǀkha kuruhe hân khami i. ǁÎb daoǁgaudi ge ra huida, îda ǁnā ǀui daob ai hâ ǀgara.—Khomai re Psalmdi 119:9, 10, 45, 133 sa.

7. Matin ǂkhamkhoena ǀui daoba nî mû?

⁷ ǂKhamkhoedo, ǀnî ǁaegu ai du ra tsâ. Jehovab di daoǁgaudi kaise a ǀādi? ǁNāti du nî ǂâisab ge ǁGâuaba ra ǂhâba. ǁÎb ge ra ǂhâba îdu ǂâi tsoatsoa ǁnān hîna ǂhaba daob ai hân ra dī xūn. Tsî ǃgâi ǁaeb hînan mûsen i ras ǃoagu ūhâba a ǃgâisa. Sadu ǀhōsan skoli ai ra dī xūnab ge a sîsenū ǁkhā. Tamas ka io internets ai du ra mûna a sîsenū ǁkhā. Îdu tsâ ǃgâi ǁaeba du ra ǂoaǃnâ khami. ǁGâuab ge ra ǂhâba îdu  ǂâi tsoatsoa. Jehovab di daoǁgaudi ra ǁkhae du sa îdu ǃgâi ǁaeba tā ūhâ. * Xawe ǂâihō re nē-e: ǁGâuab ge ǂgao tama hâ în ǁnān hîna ǁîb daob ai hâna ǂan. Nē daob mapa ra ī-ū nî ǃkhaisa. Xawe Jehovab ge ra ǂhâba îdu ǂan. Matikō ǁkhoaxa ǁaeba du nî ūhâsa. Ûib di daob ai du ga hâ ǀgara o.—Psa. 37:29; Jes. 35:5, 6; 65:21-23.

8. Tae-en ǂkhamkhoena Olafi di aiǁgausa xu a ǁkhāǁkhāsen ǁkhā?

⁸ Kō re tae-e du ǂkham ǃgâsab. Olaf di ǀon hâba xu a ǁkhāǁkhāsen ǁkhāsa. * ǁÎb di skol ǀhōsan ge gere ǁgaribi. Îb sorosi ǁgoe-ūgub ǃnâ ǁhao. Tsîb ge ǁîba ǁguiǃā o Jehovab di ǃoaba-aon ra Elobmîs di daoǁgaudi ǃoagu ûi ǃkhaisa. O di ge ǀgôadi hîna ge ǁîn di klas ǃnâ hâ i de. ǁNā ǃēsa sîsenū tsî gere ǁgaribi îb ǁîdi ǀkha ǁgoe. Xawe Olafi ge amab ǃaroma ge mâǀgai.  Xawe ǁnā ǁgâib ǀguibab ge ge hōǃâ tama hâ i. Olafi ge ra mî: “Ti ǁgauǃnâ-aon ge gere mîba te î ta ǀgapi ǁkhāǁkhāsensa ǃoa ī. Khoen nî ǁnās ǃaroma ǃgôa te ǃkhais ǃgao. Tsîn ge noxoba ge mîba te ǁnāsa ta ga dī tama io. O ta ǃgâi tsî ǂkhî ûiba ūhâ tide ǃkhaisa.” Tae-e Olafa ge hui îb ǁnā ǁgâiba mâǃkharu? ǁÎb ge ra mî: “ǀGū ǀhōsagusisa ta ge ǁnān hîna ǀhaohâb ǃnâ hân ǀkha ge om tsoatsoa. ǁÎn ge omaris ase tita ǃaroma ge i, i. Tsî ta ge Elobmîs tsîna ǃnāsase ge ǁkhāǁkhāsen tsoatsoa. ǃNāsase ta gere ǁkhāǁkhāsen khami ta ge ge mûǂan nēb a ama ǃkhaisa. Tsî ǁnās ǃaroma ta ge ge ǁgūtsâ î ta Jehovaba ǃoaba.”    

9. ǀUi daob ai ra hâ ǂgaona tae-e ra ǂgaoǀkhā-e?

⁹ ǁGâuab ge ra ǂhâba îdu ǀamo ûiba ǃoa garu daoba xu bē. ǁÎb ge ra ǂhâba îdu ǂgui khoen ra dī xūna dī. Tsî ǂhapa daob hîna “kāǁōsib ǃoa garub” ai ǃgû. (Mat. 7:13) ǀUi daob ai da ge aiǃgû tsî nî hâ, Jesuba ǃgâs ǃnâ-ū. Tsî da ga nē daoba ǁkhaubas ase mû o. ǀKhī i da nēsi ǀnî xū-e ǃhoaǃgao re. Jesub ge mî dī ta nî-e.

10. Mateub 5:23, 24 ǃoagu, îb ge Jesuba tae-e da nî dī di mî?

¹⁰ Khomai re Mateub 5:23, 24 sa. Nēpa îb ge Jesub ǀō-aisa ǁaxasib. Hîna ge Jodeǁîn di ǃoabas ǃaroma ǂhâǂhâsa îb xa ra ǃhoa. ǁNān hîna ǁîba ra ǃgâna. Mûnan-ais ǀguisa hî re khoe-i ge aiǂhomisen hâ. Î i xamani-e ǁguibas ase tempeli tawa pristera sī mā. Xawe ǁnā ǁaeb ai i ga ǁnā khoe-e ga ra ǂâihō o. ǁÎ-i di ǃgâ-i ǁî-i ǃoagu xū-e ūhâsa. O i ge ǁî-e gere ǂgaoǀkha-e i xamani-e ǁnāpa ǁnāxu tsî ‘bē’. Tae-i ǃaroma? Kaise i ge ǂhâǂhâsa xū-e ge hâ i ǁî-i nî dī-e. Jehovaba i nî ǁguibasa mās ais ai. Jesub ge ǃgāsase nēti ge mî: “Aibe ǃgâsa-i âts ǀkha ǀûbagusa dī” di.

11. ǁGuiǃā re tae-eb ge Jakoba dīsa, îb ǂkhîba Esaub ǀkha kuru?

¹¹ Kaise ǂhâǂhâsa xūna da ge a ǁkhāǁkhāsen ǁkhā ǂkhîba kurus xa. Jakob di ûib xa da ga ǁkhāǁkhāsen o. Jakob ge ǁîb ge ǃnae ǃāsa xu 20 kurin ǃkharu hâse bēs khaoǃgâb ge. Eloba ge mîbabi ǀhomǃgā-i ǃnâ-ū. Îb ǁkhāpa oa ǁîb ge ǃnae ǃāsa ǃoa. (Gen. 31:11, 13, 38) Xawe i ge ǃgomsi-e ge hâ i? ǁÎb di kai aputib Esaub ge gere ǃgambi ǂgao. (Gen. 27:41) Jakob ge kaise ge ‘ǃao’ tsoatsoa. ǁÎb di aputib noxoba ǁîb ǀkha ǁaixa hâ ǃkhais ǃaroma. (Gen. 32:7) Jakoba tae-e ge dī îb ǁîb aputib ǀkha ǂkhîba kuru? ǂGurose, îb ge ǀgaisase Jehovaba ǃoa ge ǀgore nē mâsib xa. Tsîb ge ǁnāpaxu ǃgâi ǀkhae xū-e Esauba ǃoa ge sî. (Gen. 32:9-15) Tsî ǀams aikha ge khoe ǃgâgukha ǀhao o. Ob ge Jakoba ǁnā aiǂhanuba ge ū, îb Esauba ǃgôasiba ǁgau. ǁÎb ge Esaub tawa ge ǃhonǁgoa ǀgui ǃnās ose. Tamas ka io ǀgam ǃnāra ose xawe hû ǃnāde. ǃGamǃgamsenxa tsî ǃgôasib di ǀgaugu. ǃNâ îb ge Jakoba ǂkhîba ǁîb di aputib ǀkha ge kuru.—Gen. 33:3, 4.     

12. Tae-e da Jakob di aiǁgausa xu ra ǁkhāǁkhāsen?

¹² ǂGui xūna da ge ra ǁkhāǁkhāsen. Matib ge Jakoba aiǂhomisensa îb ǁîb di aputib ǀkha ǀhao. Jakob ge ǃgamǃgamsenxase Jehovab ai huiba ge ǂgan. Tsîb ge ge ǁgau ǁîb di ǀgores ǃoagub ra sîsen ǂgao ǃkhaisa. ǁÎb di aputib ǀkhāb ge ǂkhîba a kuru ǀgaub ǃnâ. Khoeǃgâgukha ge ǀhao o, ob ge Jakoba. Esaub ǀkha ge ǂnoagu tama hâ i. Ham-i a ǂhanu tamas ka io ǂhanu tamasa. Jakob di ǂâibasen ge is ge ǁîb  di aputib ǀkha ǂkhîba kurusa. Mati da Jakob di aiǁgausa a ǁgae ǁkhā?

13-14. Nau ǃgâsa-e da ga tsûtsû o. O da tae-e nî dī?

¹³ Sada ga daob hîna ǀamo ûiba ǃoa garub ai ga ra ǃgû ǀgara ǂgao o. O da ge ǂkhîba sida ǃgâsan ǀkha nî ūhâ ǀgara. (Rom. 12:18) Tae-e da nî dī mûǂan da ga o. Nau ǃgâsa-e da tsûtsû hâ ǃkhaisa? Jakob khami da ge sida tsîna Jehovaba ǃoa ǀgaisase nî ǀgore. ǂGanbi ǁkhā da ge a îb huida îda ǂkhîba sida ǃgâsa-i ǀkha kuru.   

¹⁴ ǁAaeba ū tsî da ge nî ôaǃnâsen. Nēti i dîdi tsîna da ge aitsama a dîsen ǁkhā: ‘Mîhō ǁkhā i ta a ǂhanu tama ta go hâ isa? Tsî ǃgamǃgamsenxase ǀûbaba ǂgan tsî ǂkhîba a kuru ǁkhā? Matikha Jehovab tsî Jesub tsîkha nî tsâ? Tita ga ǁaeba ū tsî ǂkhîba ti ǃgâsab. Tamas ka io ǃgâsas ǀkha kuru o?’ Sida di ǃereamdi ge nî ǂkhâǃnâ da îda Jesuba ǃgâ. Tsî ǃgamǃgamsenxase sida ǃgâsa-i tawa sī tsî ǂkhîba kuru. Tsî ǁnā ǀgaub ǃnâ da ge Jakob di aiǁgausa nî ǁgae.

15. Matis Efeseǁîn 4:2, 3 ǃnâ hâ ǀapemāsa, huida ǁkhā. Îda ǂkhîba sida ǃgâsa-i ǀkha kuru?

¹⁵ ǂÂis ǀguisa hî re Jakob ga ǂnoagu hâ o. Ham-i a ǂhanu tsî ham-i ǂhanu tamasa. O i ge ǁîkha di ǀhaosa ǃgâi tamase ga ǃgû ǁnā hâ. Sida ǃgâsa-e ǃoa da ga ī o. Îda ǁnâusagu-e sī ǃhoaǃgao. O da ge ǁnāsa ǃgamǃgamsenxa gagab ǀkha nî dī. (Khomai re Efeseǁîn 4:2, 3 sa.) ǂKhoamîdi 18:19 ge ra mî: “ǃGâsab, hîa ǂgomǂgomsa tamase ra sîsenūheb ge ǀgaisa. ǃĀ-i ǃgâ-ai a mâǃoaxa, tsî ǂnoagudi ge î-ommi di daoǁkhaese ī.” Sada ga ǀûbaba ǂgan o. O i ge nau khoe-e nî. Supuba ǁî-i tsîna ǂkhîba sida ǀkha kurusa.

16. Tae-e da nî ǂâiǃgâ tsî tae-i ǃaroma?

¹⁶ Tsî da ge ǃgâises tsîna nî ǂâiǃgâ. Tae-e da sida ǃgâsa-e ǃoa nî mîsa. Tsî mati da ǁnāsa nî mîs tsîna. ǂHanu ǁaeb ais tsîna da ge ǁî-e ǃoa īǁkhā. Î-i ǁî-i ǂgaoba xu ǁnā tsûba ǃnora kai. Tsî amase ǁî-i tsîn ge ǀnîsi mîna nî mî hîna sida tsîna nî tsûtsûna. Kaise i ge nî supu sida ǁaixasa. Tamas ka io sida a ǂhanu ǃkhaisa mîsa. Xawe ǁnāsa da ga dī o. Nēsa ǂkhîb ǃnâ i sī nî ǀam? Hî-î. ǂÂihō re ǂkhîba sadu ǃgâsa-i ǀkha kurus ge kaise a ǂhâǂhâsa. Ham-i a  ǂhanu tamas ka io, ǂhanu tamas ǂamai.—1Kor. 6:7.

17. Tae-e du Gilberti aiǁgausa xu a ǁkhāǁkhāsen ǁkhā?

¹⁷ Gilbert di ǀon hâ ǃgâsab ge. ǃGarise gere sîsen ǂkhîba kurus ǃnâ. ǁÎb ge ra mî: “Kaise ta ge ǃgom ǁaeba ge ūhâ i ti ǀgôas ǀkha. ǀGam kurikha ǁaeb ǃnâ ta ge gere dītsâ. ǂHauǃnâse tsî ǃnomsase ǃhoasa. Î ta ǃgâi ǀhōsagusisa ǁîs ǀkha kuru.” Tae-i tsînab ge Gilbert da dī? “ǁÎb di ǀgôas ǀkhab nî ǃhoas ais aib ge. ǀGore tsî ǁîb di ǁnâuǃāba gere aiǂhomi. ǀNîsi nî mî-e tsū mîn ǃoagu. ǁÎsa ǀûbasa ǂhomisens ge ge ǂhâbasa i. ǁKhāǁkhāsen ta ge ge î ta tā tita a ǂhanu ǃkhaisa ǃkhamba. Tsî ta ge ge ǁnâuǃā ǂkhîba kurus a ti ǃereamsa.” ǀAmǂoasa mati ge hâ i? Gilbert ti ge ra mî: “Nētsē ta ge ǂkhîba ūhâ. ǃGâi ǀhōsagusisa ta ti omaris ǀkha ūhâ ǃkhais ǃgao.”

18-19. Khoe-e du ga tsûtsû o, tae-e du nî dī. Tsî tae-i ǃaroma?

¹⁸ Tae-e du nî dī mûǂan du ga o. Sadu Xristeǁî ǃgâsa-e du go tsûtsû ǃkhaisa? Jesub ǀgauba ǁgae re ǂkhîba du ga kuru ǂgao o. Jehovab ǀkha ǃhoa re ǁnā mâsib xa. Î Jehovab di ǃanu gagab ai ǂgomǃgâ. Tsî ǁîb di huib ǀkhā ǂkhîb di kuru-ao kai re. ǁNāsa du ga dī o, o du ge nî ǂkhî. Tsî du ge ǁnās ǀkha ra ǁgau. Jesuba du ra ǃgâ ǃkhaisa.—Mat. 5:9.

¹⁹ Kaise da ge ra gangan Jehovab ǀnamxaǃnâ daoǁgausa. “ǀHaohâb di danab” Jesu Xristub ǃnâ-ūb ra mādasa. (Efe. 5:23) Apostel Petrub, Jakobub tsî Johaneb khami da ge ‘ǁîba nî ǃgâ.’ (Mat. 17:5) Ôaǃnâ da ge hâ mati da ǂkhîba a kuru ǁkhāsa. Xristeǁî ǃgâsan hîna da tsûtsû hân ǀkhā. ǁNāsa dīs ǃnâ da ge ǀui daob ai nî hâǀgara, ûiba ǃoa ra ība. O da ge ǂgui ǀkhaega nî ǃkhōǃoa. Nēsi tsî ǀamo ǂkhîba nî hō hānîǁaeb ǃnâ.