Tika iketo cwinyi ka kwano Wi Lubele ducu me mwaka-ni? Ka kumeno, nen kong ka itwero gamo lapeny magi:

Nia 34:6 cuko cwinywa nining ki lok i kom Jehovah ni “marre ma pe lokke dwong” dok “lakica”?

Yo acel ma Jehovah nyuto kwede kicane botwa aye ki weko balwa. Nia 34:6 cuko cwinywa ni en bene tye atera me konyowa. Mitte ni walub lanene.—w21.01, pot 21.

Pingo Jehovah oketo yub ni jo mogo gubed ki twero?

En otimo meno pi mar. Yub man weko jo me ot pa Jehovah gibedo ki kuc dok gitimo jami ducu kore ki kore. Ngat acel acel ma i ot ma lubo yub man ngeyo anga ma myero omok tam ki anga ma myero oket tam magi i tic.—w21.02, pot 3.

Pingo omyero Lukricitayo gugwokke adada ka gitye ka tic ki tet manyen me cwalo mecej?

Ka ngat mo oyero me tic ki tet magi, pire tek tutwal ni ogwokke ka odok i kom yero lurem. Timo meno pe yot, tutwalle ka dano ma i gurup me cwalo mecej meno gipol adada. (1 Tem. 5:13) Peko mukene bene bino ka warweyo lok angeya ma pe kimoko ni tye ada nyo ka watiyo ki namba pa dulwa nyo utmegiwa me timo biacara.—w21.03, pot 31.

Tyen lok mapatpat ango ma omiyo Lubanga oye ni Yecu oden can dok oto?

Tyen lok acel aye ni onongo mitte ni kigur Yecu i kom yat me gonyo Lujudaya ki i kom cen mo. (Gal. 3:10, 13) Tyen lok me aryo aye ni Jehovah onongo tye ka pwonyo Yecu pi ticce macalo Lalamdogwa Madit i anyim. Dok tyen lok me adek aye ni gwoko genne pa Yecu nio wa i to omoko ada ni dano twero bedo lagen bot Lubanga kadi bed okato ki i atematema matek adada. (Yubu 1:9-11)—w21.04, pot 16-17.

Ngo ma iromo timo ka pol kare pe inongo dano gang i cawa ma itye ka tito kwena?

Itwero cito ka tito kwena i cawa ma itamo ni gitwero bedo iye gang. Iromo bene temo tito kwena i kabedo mapatpat. Dok itwero temo yo mapat me tito kwena, calo coyo waraga.—w21.05, pot 15-16.

Lakwena Paulo onongo tye ka lok i kom ngo i kare ma owaco ni: “Pi temo tiyo gin ma cik mito omiyo yam ato pi cik”? (Gal. 2:19)

Cik pa Moses oweko onen ka maleng ni dano ma tye ki roc pe twero lubo Cik labongo turone dok onyuto ki Luicrael ngat ma Kricito obedo. (Gal. 3:19, 24) Man oweko Paulo ojolo Kricito. I timo meno, Paulo ‘oto pi cik’; pien en onongo dong pe tye i te Cik meno.—w21.06, pot 31.

I yo ma nining ma Jehovah aye obedo lanen maber loyo me diyo cwiny?

Jehovah tye ka kanyo cac ma kiketo i kom nyinge, jemo i kom twerone me loc, jemo pa lutinone mogo, lok goba pa Catan, neno ka luticce gideno can, to pa lureme, dic ma jo maraco giketo i kom dano, ki kit ma dano gitye ka balo kwede cwecce.—w21.07, pot 9-12.

Yucepu owekiwa lanen maber ango me diyo cwiny?

En okanyo tim maraco ki bot omegine. Man oweko lacen kikelo adot goba i kome dok kitweye i buc i Ejipt pi mwaki mapol.—w21.08, pot 12.

Aggai 2:6-9, 20-22 otito pi oyengyeng mene?

Jo me rok ducu gidag kwena me Ker ma watito, ento jo mapol bene gitye ka bino i ada. Cokcok-ki kibiyengo rok ducu i kare ma kibijwerogi woko.—w21.09, pot 15-19.

Pingo omyero pe wail cingwa woko i ticwa me pwony?

Jehovah neno tutewa, dok meno yomo cwinye. Ka pe waol nyo wailo cingwa woko, wabinongo kwo ma pe tum.—w21.10, pot 25-26.

Lulevi cura 19 twero konyowa nining me keto i tic tira ma waco ni: “Wubed jo maleng i kitwu ducu”? (1 Pet. 1:15)

Tyeng meno nen calo kikwanyo ki i Lulevi 19:2. Cura 19 nyutiwa yo mapol mapatpat ma watwero lubo kwede 1 Petero 1:15 i kwowa me nino ducu.—w21.12, pot 3-4.