2021 јылдыҥ «Каруулчы шибеезиниҥ» чыгармаларыныҥ шӱӱлтелери санаагарга кирет пе?

Иаков 5:11-деҥ Иегова биске «кӧп быйанду [«сӱрекей тыҥ карузып јат», ЈТ]» ла буурзак деп билип алганыс кандый туза берет?

Кудай буурзагынаҥ улам бистиҥ јастыраларысты таштап јат. Иаков 5:11-ле болзо, Иегованыҥ биске карузып, болужарга турганын кӧрӧдис. Биске де улуска андый болор керек (w21.01, 21 бӱк).

Иегова нениҥ учун баш болотон принцип берген?

Иегова бисти сӱӱп турганынаҥ улам баш болотон принцип берген. Бу принцип јогынаҥ Иегованыҥ билезинде амыр ла сӱӱнчи болбос эди. Анайда ок кем башкарар јаҥду, а кем багынар јаҥду деп оҥдоорго кӱч болор эди (w21.02, 3 бӱк).

Христиандар мессенджерлерди канайып тузаланат?

Мессенджерлерди тузаланып, кемле куучындажып турганыста ајарыҥкай болор керек. Је ајарыҥкай болорго, анчада ла јаан группаларга кожулзаас, јеҥил эмес (1 Тим. 5:13). Анайда ок мессенджерлер ажыра јазап шиҥделбеген, кӧпчидип салган јетирӱлер аткарылып јат. Бого коштой мессенджерлер ажыра акча иштеп турган ака-эјелер бар. Је олорго јуунныҥ улузы ажыра акча иштеп аларыс деп сананбас керек (w21.03, 31 бӱк).

Иисус нениҥ учун кыйналып божогон?

Баштапкызында, Иисустыҥ ӧлӱми еврейлерди Кудайдыҥ каргыжынаҥ јайымдаган (Гал. 3:10, 13). Экинчизинде, Иегова Уулын Улу абыс этире белетеген. Ӱчинчизинде, Иегова јаан учурлу сурактыҥ, кӱчтердиҥ ӧйинде Кудайга кем де чындык артып болбос деген сурактыҥ, каруузын берген (Иов 1:9—11) (w21.04, 16—17 бӱктер).

Кӧп улуска јарлап турарга нени эдерге јараар?

Бис улус айылында болгодый ӧйдӧ јарлазаас, кӧп улуска јолыгарыс. Анайда ок јаҥыс ла участокто эмес, је ӧскӧ дӧ јерлерде јарлаарга јараар. Ол эмезе башка-башка аргаларла, темдектезе самаралар бичип јарлагар ( w21.05, 15—16 бӱктер).

Апостол Павелдиҥ «јасак ажыра јасакка ӧлӱп калгам» деген сӧстӧри нени темдектейт? (Гал. 2:19).

Моисейдиҥ јасагы болбогон болзо, улус бойлорыныҥ толо кемдӱ эмезин оҥдогылабас эди. Анайда ок бу јасак израильтяндарды Христоско экелген (Гал. 3:19, 24). Павел мыны оҥдоп, Иисусты Мессия деп бӱткен. Мынайып ол «јасакка ӧлӱп калган», ӧскӧртӧ айтса, оноҥ бери Павелди јасак бийлебеген (w21.06, 31 бӱк).

Турумкай болорыныҥ эҥ јакшы темин Иегова Кудай кӧргӱзет деп нениҥ учун айдарга јараар?

Иегованыҥ ады јабарлалып калган, башкарар јаҥына удурлажу болуп јат, балдары тӱймеен кӧдӱрген, Сатана ол керегинде тӧгӱн неме айдат, кару ишчилери шыралап јат, јуук најылары божогон, телекейде базыныш болот, улус там ла ӱрелип барат, јерди ӱреп јат. Је андый да болзо, ол бу ончо немени кӧрӱп чыдажат (w21.07, 9—12 бӱктер).

Иосифте кандый кӱчтер болгон?

Оны бойыныҥ ла акалары садып ийген. А кийнинде, Египетте, ол тӧгӱн јерге буруладып, тӱрмеде отурган (w21.08, 12 бӱк).

Аггей 2:6—9, 20—22-ле болзо, Иегова бӱгӱнги кӱнде нени «силкийт», келер ӧйдӧ нени «силкиир»?

Иегова бӱгӱн улусты Каандык керегинде јарла «силкип» јат. Кӧп сабазы укпай јат, је кезик улуска бу јар јарап јат. А удабас Иегова јер ле теҥерини «силкиир», ӧскӧртӧ айтса, ого багынбай турган улусты јоголтып салар (w21.09, 15—19 бӱктер).

Биске нениҥ учун оноҥ ло ары јарлаар керек?

Иеговага бистиҥ албаданып јарлап турганыс јарап јат. Бис кӱчтер де болуп турза, оноҥ ло ары јарлап турзаас, ол биске ӱргӱлји јӱрӱм сыйлаар (w21.10, 25—26 бӱктер).

19-чы Левит биске «јӱрӱмеерде агару болыгар» деген јӧплӧ јӱрерге канайып болужат? (1 Пётр 1:15).

Пётр Левит 19:2-деги сӧстӧрди айткан болор. Левиттиҥ бу бажалыгын кӧрӱп, 1 Пётр 1:15-теги јӧпти канайып тузаланарын оҥдоп аларыс (w21.12, 3 бӱк).