Wawasya kam syap Baryas taun 2021 ido, wafawi kankarem ro fakfuken nane kwar ke?

Yakobus 5:11 ikofen ḇo doḇe Yahwe ”Saswar ḇyedi iba ma ifo kuker saneso”. Inja rosai na kokyar ya?

Snar Yahwe iswar ma isawarwar faro ko, Yahwe imarisen byuk ampun faro sasar koḇena ma imarisen isaramper ko. Fandun fa koso nyan Ḇyena.​—w21.01, ram 21.

Rosai ḇefnai fa Yahwe ifrur fasasos faro ḇeḇebukor sya?

Yahwe ifrur fasasos faro ḇeḇebukor sya snar iswar ko. Snar fasasos nasya kwar faro ḇeḇebukor sya, roi ḇero Yahwe kina Ḇyesi dori nambram pyum ma nesapurnakḇa. Kina oser-oser ḇeso fasasos ine na sifawi mansei kaku na ḇefrur snemuk ya ma mansei kaku na ḇembranser kaku na.​—w21.02, ram 3.

Rosai ḇefnai fa snonggaku Kristen sisasor si rofyor sepake aplikasi pesan singkat?

Ono isya kyinfir fa ḇyepake aplikasi pesan singkat ido, na isasori fyor kyinfir bati. Ine na syamwen fyor ifrur na ro grup chat ḇebana. (1 Tim. 5:13) Kosasor ko insama kofarpampam informasi kofawi kaku ḇaim na ma komewer kofrowes naek srar koḇesya fa kosewar untun ro si.​—w21.03, ram 31.

Rosai ḇefnai fandun fa Yesus ḇyekandera?

Ḇepon ya, fandun fa spai Yesus i ro ai kandera insamaido snonggaku Yahudi simkei ro fafras ya. (Gal. 3:10, 13) Ḇesuru ya, Yahwe fyasos Yesus i fa imbran fararur ḇyena ḇe Imam Ḇeba. Ḇekyor ya, Yesus isouser pdef isof imar ya ma fyasnai kaku snar snonggaku sya bisa sisouser pdef faro Allah kako fyor sismai fafrowes ḇemarḇak kaku. (Ayb. 1:9-11)—w21.04, ram 16-17.

Rosai na wafrur ya fyor samswen fa wasrow snonggaku sya ro ḇaḇebaryas ya?

Ḇesewar fa baryas fyor snonggaku sisya ro rum sena. Ḇesewar fa baryas ro moḇ ḇese. Ma baryas kako kuker nyan ḇesena, imnis ra fas surat.​—w21.05, ram 15-16.

Rosai Manwawan Paulus ikofen kaku ya fyor doḇo, ”Sasoser anna naiso ḇemun aya”? (Gal. 2:19)

Sasoser Moses nafrur snonggaku sya sfawi snar sinapes ḇa. Sasoser ani kako fyarkin snonggaku sya faro Kristus. (Gal. 3:19, 24) Ine nafrur Paulus ikyar faro Kristus. Rarirya, Paulus ’imar kwar faro sasoser agama anna’, ḇaido sroro baḇ Sasoser Moser wer ḇa.​—w21.06, ram 31.

Rariso Yahwe fyasnai nyan ḇepyum ro ḇaḇefarmku ya?

Sanonef snonsnon Ḇyedi rariryano Yahwe fyarmku pdef, sifuken hak Ḇyedi fa ḇyepoik rai, bar ḇeba ro romawa Ḇyesi simbrob I, Ibiris danggarkar ker, manfamyan iswar Ḇyesi sekandera, bati ḇebor Ḇyesya simar kwar, snonggaku ḇeḇarḇor sifrur kandera snonggaku ḇebor sya, ma snonggaku sya sifrur Yahwe ḇraur Ḇyena napyum ḇa.​—w21.07, ram 9-12.

Nyan ḇepyum rosai Yusuf fyasnai na ro kaḇaḇaḇ ya?

Ḇeba ḇyesi sifrur pyum i ḇa rariryano ifarmku. Ḇarpurya, skursofi ḇo isyun bui ḇero Masir ro swaf taun ḇe taun.​—w21.08, ram 12.

Rosai knam ro marmer risuru ḇero Hagai 2:6-9, 20-22?

Angginem Karajan, ḇemnis marmer, nafrur er-er sya simarisen ḇa. Ḇape snar marmer ani, snonggaku ḇebor sya simarisen fa sisyom Yahwe I. Kero wer, er-er sya nari smam marmer ḇepupes fafisu seḇemunpres.​—w21.09, ram 15-19.

Rosai ḇefnai fa kosusu awer ro fararmyan koḇena?

Yahwe imarisen kaku myam fararur marḇak koḇena. Kosusu ḇa ido, nari kosmai kankenem fyoro ya.​—w21.10, ram 25-26.

Rariso Imamat fasal 19 nafnoḇek ko fa kosren ro kenem koḇena? (1 Ptr. 1:15)

Petrus imbude isya dawos Imamat 19:2. Imamat fasal 19 nfasnaiḇair moḇsa kosren roro kankenem koḇena ro ras ḇe ras na.​—w21.12, ram 3-4.