Ina u lerile kwati misungo ya timhaka ta marevhista a Muwoneleli a dilembe diya? A hi wone mwendo u nga si kota kuxamula siwotiso si si londiselako:

Dibhuku da Jakobe 5:11 di womba ti to Jehovha “a na ni wumbilu ni divalelo,” ti hi gondisa txani?

Ha tiziva ti to Jehovha a ni wuxinji ni ku wa ti dhunda kudivalela. Dibhuku da Jakobe 5:11 di hi tsanisekisa ti to Jehovha a na hi vhuna. Nanathu hi lava kuvhuna vamwani.—w21.01, paj. 21.

Ngu kutxani Jehovha a di vekile lulamiselo ya wusungo?

Jehovha a vekile wusungo nguko a randako mwaya wakwe wa ha mafuni ni nzumani. Wona i ningo yi yi tako ngu kwakwe. Wusungo awu Jehovha a nga veka wu maha ti to mwaya wakwe wa ha mafuni ni nzumani wu thuma ngu nzila ya yinene. I di ku kha ku na wusungo, ha mafuni ni nzumani ku ndi na va ni vhilinganya ni ku ku si na litsako.—w21.02, paj. 3.

Ngu kutxani Makristu ma di fanete me ti wonela mbimo yi ma thumisako sithumiswa sa eletroniko kasi kurumelelana mamesaji?

Ngako mwanathu a txi sawula kuthumisa sithumiswa siya a fanete kuziva kusawula ava a bhulako nayo. Kambe atiya ti nga karata ngako u di ka magrupu a hombe. (1 Tim. 5:13) Ni ku hi nga thuka hi hangalasa makuhu hi si ti tumbuli ni kuthumisa tinumero ta sengeletano ka timhaka ta mabhindu.—w21.03, paj. 31.

Ngu kutxani Jesu a di xanisilwe e tshumela e dawa?

Txivangelo txo khata ngu ti to Jesu ti lavile e hayekwa ha phandeni ti to kuthaviswa txiruko ka Vajudha. (Vag. 3:10, 13) Txivangelo txa wumbidi ngu ti to Jehovha a ti ko trenara Jesu ka mthumo awu a ndi no wu maha wo va Mphaxeli wa Hombe. Ni txa wuraru ngu ti to kuxamuleka txiwotiso txiya txa lisima: Ina vathu va nga simama va di thembekile ka Jehovha hambi va txi manana ni sikarato sa hombe? (Jobe 1:9-11)—w21.04, paj. 16-17.

U nga maha txani ngako ti txi ku karatela kumana vathu thembweni?

U nga zama kutxhumayela ngu mbimo ayi vathu va tolovelako kumaneka mtini. U nga zama kutxhumayela ka makhalo mamwani. U nga tshumela u thumisa mamahelo mamwani, o fana ni kubhalela mapasi vale ti kalako ku va mana mitini kwawe.—w21.05, paj. 15-16.

Ngu tihi Paulo a nga ti lava kuwomba mbimo yi a nga khene: “Ngu mhaka ya Mlayo, ni fite ka wona”? (Vag. 2:19)

Mlayo wa Mosi wu txi maha Vaisrayeli ve tipfisisa ti to vona va sa hetiseka ni ku va kongomisa ka Kristu. (Vag. 3:19, 24) Atiya ti vhunile Paulo ti to e tumela Kristu. Ngu kumahaketo, Paulo a “fite ka wona” Mlayo, se a si nga kambe hahanze ka wona.—w21.06, paj.31.

Ngu txihi txikombiso a txi Jehovha a nga hi vekela txona txo timisela?

Jehovha a timisete sikarato so tala so fana ni kurukwa ka ditina dakwe, kuwukelwa ngu tingelozi timwani, kuwukelwa ngu tingelozi timwani, kuxaniseka ka sithumi sakwe so dhundeka, kuxaniseka ka sithumi sakwe so dhundeka, kuxaniswa ka vathu ngu vabihi, mawonelo o biha a vathu ngu timhaka ta mataho, kuloviswa ka mtumbuluko wakwe.—w21.07, paj. 9-12.

Ngu tihi ati Josefa ti nga lava e timisela?

Ene a timisete kuxaniswa ngu vakoma vakwe. A timisete mbimo yi a nga lumbetwa adi Egipta ni kutshumela e betwa jele.—w21.08, paj. 12.

Dibhuku da Hagayi 2:6-9, 20-22 di womba-womba ngu kudekadekiswa ko kari, ngu kuhi ka kona?

Matiko kha ma tsakeli mahungu aya hi ma txhumayelako, kambe vathu vo tala va tsakela ditshuri. I si nga kale matiko ma na dekadekiswa ngu kuloviswa da magwito.—w21.09, paj. 15-19.

Ngu kutxani hi sa fanela kurereka ko maha mthumo wathu wo txhumayela?

Jehovha wa yi wona mizamo yathu ni ku wa tsakiswa ngu yona. Ngako hi si rereki hi na mana wutomi wo mbi guma.—w21.10, paj. 25-26.

Dibhuku da Levhi 19 di nga hi vhunisa kutxani kuthumisa txialakanyiso atxi txi ku ka 1 Pedro 1:15 txo khene: “Mahani vasawuleki ka yotshe mithumo yanu”?

Ti ti komba mapswi yawa ma di tekilwe ka Levhi 19:2. Kapitulo 19 yi ni sikombiso so tala asi si nga hi vhunako kuthumisa txialakanyiso txiya ka wutomi wathu.—w21.12, paj. 3-4.