Weyo ohengesa mitoma dhotene dha Mwang’aneli wa yaka ejino? Karoma wona akala onowubuwela:

Tiago 5:11 onnipanga eni mwaha wa ‘ttagaraga’ vina “okwela” wa Yehova?

Mukalelo mmodha onnitonyihedha Yehova ttagaraga yaye ja olevelela dhottega dhehu. Tiago 5:11 ononaddela wi Yehova onovivelela na murima wotene wi anikamihedhe. Eji enonittukulela omutagiha.—w21.01, nikuku. 21.

Sabwaya jani Yehova attoma asogorheli?

Iyene okoseli ejuwene sabwa ya okwela. Eji enokamihedha nikuru na Yehova weddaga na mukalelo wotadeya vina na murenddele. Kowiliwa kuwali asogorheli kawo agawodhile okosa yogana yomariha vina kigawodheyile osogorhela dhoganadha dhikosiwe.—w21.02, nikuku. 3.

Sabwaya jani enfwanyelela Akristu okala txenjewa agalabihedhaga apilikativu ninga motagiha, abale anvaviha miselu dholeba?

Muttu agafunaga olabihedha aplikativu abo, onofwanyela wasakula attu anfuniye wandanana. Wasakula amarho apama enokala elobo yorutxa akala nikuruna ninddimuwa. (1 Tim. 5:13) Akristu ena, anolabihedha dhipano esi wi onuwihe marhondda awa mbwenye guru eji enkosiwa kinkosa mpaddi wa vilobo Dhokristu.—w21.03, nikuku. 31.

Mwaha gani dhimuttukuleli Mulugu orumela wi Mwanaye atabutxiwe vina apiwe?

Yoroma, yanfuneya Yezu okwa vapingirhizini wila avune Ayuda agweliwe ntowa. (Gal. 3:10, 13) Yanawili, Yehova wela omushagiha Yezu wi musogorho akale Namakutta Munddimuwa. Yanoraru, Yezu ohoniha wi enowodheya attu okalavi ororomeleya masiki agafwanyiwa makattamiho ottabwa. (Job 1:9-11)—w21.04, makuku. 16-17.

Akala onkala mmuruddani munrutxa olaleya txini enakosiwe?

Katamela walaleya mudhidhi onkalani vatakulu. Katagiha olaleya mburo wottiyana. Katagiha olaleya na mukalelo mwina, ninga walebela makarta.—w21.05, makuku. 15-16.

Paulo wafuna aloge eni na mazu aba: ‘Ttangwi ya nlamulo, miyo ddihikwela nlamulona’? (Gal. 2:19)

Nlamulo na Mizé nali ninga mweddiho wavelela nlogo na Izrayel ofiyedha odha wa Kristu. (Gal. 3:19, 24) Paulo wahimurumela Kristu, sabwa yejuwene, iyene ‘wahikwa modhela nlamulo.’ Nona nlamulona kanaana vina ttima mwigumini mwaye.—w21.06, nikuku. 31.

Yotagiha gani enittiyedhile Yehova ya ovilela na ntidi?

Yehova onovilela oveyihiwa wa nzina naye vina olamulela waye. Osadduwela wa anaye ena, dhozivala dhinlogetxa Satana, otabuwa wa emeleli aye okweleya, okwa wa akwaye, attu abure anatabutxa attu ena vina mweddelo wonyakuwa wa attu.—w21.07, makuku. 9-12.

José ottiyile yotagiha gani yapama yaovilela?

Iyene ohivilela vapujiwiye na abalaye. Wahimagedhiwa bafiyedha ofugeliwa mukambura vyaka dhinjene o Ejipitu.—w21.08, nikuku. 12.

Ajewu 2:6-9, 20-22 onloga ottekenyeya gani wa nladdaniho?

Malogo a mwilaboni kanziveliwana olaleyiwa wa Omwene wa Mulugu, oku attu enjene anorumela ebaribari. Omamalelowa malogo a mwilabo anale ottekenyiwa mudhidhi onatolotxiwani kakamwe.—w21.09, makuku. 15-19.

Sabwaya jani kaninfwanyela otxelela okosa mabasa a olaleya?

Yehova onowona guru dhehu, vina eji enomwagalaliha. Nigahilemena vina nigahitxelele okosa mabasa olaleya ninele okala mwilaboni eswa.—w21.10, makuku. 25-26.

Onamakutta kapitulu 19 onnikamihedha dhavi okala: ‘Okoddela mmereloni mwehu motene’? (1 Ped. 1:15)

Mazu aba alogile Pedro ankala ninga ottukulile va Onamakuttaka 19:2. Kapitulu 19 ya Onamakutta muhikala dhotagiha dhinjene dhinnikamihedha ovirihamo nlago ninfwanyeya va 1 Pedro 1:15.—w21.12, makuku. 3-4.