Naʉ̃ poagade Jarakabʉ ʉ̃tʉ zedara, ¿jõma bia akʉsika? Akʉra panʉseabʉ kʼawuaita nama edre widibʉta:

¿Kʼãrẽta jaradiabʉ dayirã Santiago 5:11de jarabʉdera «Jeowaba so borekea akʉbʉta akʉza so zʉbʉria akʉbʉta»?

Jeowaba dayirãta so borekea akʉbʉ baera kĩrãduakĩrãbʉ dayirãba nemitia odara. Maʉ̃ba Santiago 5:11de jarabʉ iyiareba so borekea akʉ kʼãrãpe kʼarebabʉta (w21.01, pagina 21).

¿Kʼãrẽa Jeowabara yumakẽrãta yi buru babisi?

Kãgaba mawũã obisi. Maʉ̃ba kʼarebabʉ Jeowaʉ̃me ʉ̃tʉpanʉra aduʼa akʉza daucha panamarẽã. Adewara ẽbẽrarã yi mebẽrãbawara daucha trajadamarẽã. Adewara kʼawuabibʉ yi mebẽrãnera kʼaita yi buruta akʉza kʼairaba ojʉ̃drʉseabʉ yi buruba jarabʉra (w21.02, pagina 3).

¿Kʼãrẽa jʉra kʼawua bʼaibara kristianorãra aplikasion bedʼea diabʉebari zokʼabʉrʉdera?

Ẽbẽra abaʉba jidara kʼãrẽ aplikasioneba bedʼea bʼaita, mawũãra jʉra kʼawua jʉrʉibara kʼairabawara bedʼea bʼaita. Mamina mawũã oira biode zarebayi mejãcha erbʉ baera kʼaiʉ̃me bedʼeaita (1 Tim. 5:13). Adewara jaraseabʉ bedʼea daya bari ũrĩnata maʉ̃ wãrĩnu kʼawua ẽã akʉza nekʼãrẽ widiseabʉ mebẽrã dayi plata erbaita (w21.03-S, pagina 31).

¿Kʼãrẽa Jeowabara Jesura idu zʉbʉriabi kʼãrãpe akʉza beibisi?

Nããra, Jesuta bakurude juwa kachi beisi baera, judiorata ãyi nemitiadeba ẽdrʉbisi (Gál. 3:10, 13). Yi ũmeta, Jeowaba Jesuta saserdote zroma babisi baera mawũã berabaribisi. Yi ũbeata, Jesu kʼãwũã kʼẽrẽpa badadeba akʉza zʉbʉria badadeba ũdubisi ẽbẽra naʉ̃ drʉa jõmaʉ̃nẽbemasida kʼẽrẽpa baseabʉta Jeowaʉ̃me (Job 1:9-11) (w21.04, paginas 16 akʉza 17).

¿Kʼãrẽta odaibara ẽbẽrarãta deda ũduda ẽ bʉrʉ?

Ẽbẽrarãta ũduda ẽ bʉrʉ jʉrʉseabʉ awuru ewaride akʉza ãyibʉmae. Adewara awuara jaradiaseabʉ, bari jaraita kartata bʉseabʉ ãyita deda amaeita (w21.05, pagina 15 akʉza 16).

¿Kʼãrẽta jarakĩrãbasi Pablobara jaraside: «Mawũẽra maʉ̃ ley kʼarea mawũã berabarisi»? (Gál. 2:19).

Ley Moisésba bʉdabara ũdubibasi ẽbẽra nekayirua obadata akʉza maʉ̃ leyba kʼarebasi israelitara Jesu ũdukʼawuaita (Gál. 3:19, 24). Pablobara nãã obasi Moisés leyta maʉ̃ba kʼarebasi Jesu ũdukʼawuaita akʉza Jesu kʼaidubema basidera Moisés leyʼra iyitara beida kĩrãkʼa basi (w21.06-S, pagina 31).

¿Kʼãrẽ mitiata awuanta zebʉrʉ Jeowabara?

Jeowabara awuanta zebʉrʉ iyi trʉ̃ imitia jara zebʉdata, jarapanʉta iyira Nokʼo bia ẽãta, ʉ̃kʉrʉ yi warraraba wawiada ẽãta, Diaruba [Ãtomĩa] iyi ʉ̃rʉ sewa nebʉra jarabʉta, iyi kʼaidupanʉra zʉbʉria ũdubʉta, iyi neũdukʼawuara beibʉta, ẽbẽra kayiruaba zʉbʉriabibʉta ẽbẽra biata akʉza iya nekʼãrẽ jõma parãna ãrĩpanʉta (w21.07, pagina 9-12 bayeda).

¿Kʼãrẽta kʼawuapanʉ Joséba jʉ̃ã badadeba?

Josébara awuantasi yi mebẽrãba krĩcha zʉbʉria odara. Adewara sewa nebʉrata jarasida iyi ʉ̃rʉ, mawũã Egiptode poaga biobayeda karseldebasi (w21.08, pagina 12).

¿Kʼãrẽta jarakĩrãkʉ pʉwʉrʉ ʉreibara Ageo 2:6-9, 20-22 jarabʉdera?

Ẽbẽrarãbara ũrĩkĩrã ẽ Daizeze Nokʼo ʉ̃rʉra, mamina ẽbẽrarã bioba wãrĩnuta kʼawuakĩrãpanʉ. Aranʉ Jeowabara ʉrebiyi pʉwʉrʉ zromara iyi bedʼea ũrĩkĩrã ẽãra (w21.09, pagina 15-19 bayeda).

¿Kʼãrẽa paeda ẽ baibara jaradia wãita?

Jeowabara akʉbʉ akʉza sobiabʉ dayirãba zarea obʉ kʼarea. Maʉ̃ba dayirãba paeda ẽã obʉbʉrʉ ewari jõmaʉ̃nẽ bayi (w21.10, pagina 25 akʉza 26).

¿Sãwũã kʼarebabʉ Levítico 19bara dayirãba oita naʉ̃ ũrãgʼata: «Nenẽã baidua nekʼãrẽ jõma maraba obʉde»? (1 Ped. 1:15).

Pedroba jaradara ʉ̃tʉ zebisida baibara Levítico 19:2deba. Yi zroma 19de yizara biobʉ sãwũã zokʼa kʼawuaita 1 Pedro 1:15, dayirãba nekʼãrẽ jõma obʉ ʉ̃rʉ (w21.12, pagina 3 akʉza 4).