I be leisi ala den Wakititolen fu a yali ya? We, luku efi i poi piki den akisi ya osi:

Sowtu taanga-sikin Yakowbesi 5:11 e gi u?

Fu di Yehofa abi tyali-ati meke ai gi u paadon te u meke wan fowtu. Yakowbesi 5:11 e taigi u taki Yehofa de kabakaba fu yeepi u. Useefi mu meke moiti fu yeepi taawan.​—w21.01, blz. 21.

Saide Yehofa poti sama fu e teke fesi?

A di a lobi u meke a du a sani ya. Fu di a poti sama fu teke fesi, meke sani nai waka buuyabuuya aini a osufamii fi en. Te ala sama aini a osufamii e lesipeki a peesi di Yehofa gi den, den o go e piisii.​—w21.02, blz. 3.

Saide Kelesten mu konikoni te den e koboloiki app efuso taa sani fu taki anga sama a internet?

Efu wan Kelesten e wooko anga den sowtu app ya, a mu luku bun anga sama ai taki. Ma te a kulu bigi tumisi, a ná ala yuu yu e sabi ala den sama di de aini (1 Tim. 5:13). Te u de a den app ya, u mu luku bun tu fu u nai paati lei toli. Wi á mu e koboloiki den app ya fu e meke moni a u baala anga sisa tu.​—w21.03, p. 31.

Saide Yesesi be mu pina fosi a dede?

A fosiwan, a taki Yesesi be mu dede a wan ponsu fu puu a fuuku di be de a den Dyu tapu (Gal. 3:10, 13). Du fu tu sani, a taki Yehofa be e seeka Yesesi gi a wooko di a be o gi en enke Gaan pilisite. Du fu dii, Yehofa fika en Manpikin fu pina fu soi taki libisama poi tan dini Gadu winsi tesi e miti den (Yopu 1:9-11).​—w21.04, blz. 16-17.

San i sa du te a taanga fu fende sama na a pisi pe yu e peleiki?

Efi i be gwenti go a wan yuu neen i nai fende sama na a yuu de, suku fu go a wan yuu di i si enke sama o de a osu. Wan taa sani di i sa du, a fu peleiki a taa peesi pe i si enke yu o miti sama. I sa suku taa fasi fu peleiki tu. Kande i sa sikiifi biifi efuso peleiki anga telefon.​—w21.05, blz. 15-16.

San Pawlesi be wani taki di a taki: ‘Mi dede te a abi fu du anga a weiti’? (Gal. 2:19)

A Weiti be e yeepi sama fu fusutan taki a Yesesi a be a bakapikin di be o tapu den sondu fu den (Gal. 3:19, 24). A Weiti be yeepi Pawlesi fu biibi Yesesi. Anga a sani di Pawlesi taki ya, a be wani soi taki a á be abi fu wooko anga san a Weiti e taki moo, bika a Gadu a be e libi gi now.​—w21.06, blz. 31.

San a wantu fasi fa Yehofa soi taki ai holidoo?

Sama e poli Yehofa nen. Taawan fende taki a ná abi a leti fu tii. A omen fu den pikin fi en di be de a hemel daai baka gi en. A omen lei fu Yehofa Saatan e paati. Omen fu den mati fu Yehofa dede. Sama e fooseli a foluku fi en. Ogii sama e pina taawan. Boiti dati, libisama e poli a goontapu di Gadu meke. Winsi fa den sani ya e miti Yehofa, toku ai holidoo.​—w21.07, blz. 9-12.

Fa Yowsefu soi taki a be e wakiti Yehofa?

Den baala fi en be e libi ogii anga en. A fasi fa den libi anga en meke a kon doo te a wan taa kondee. Bakaten sama lei gi en, neen den sooto en omen yali langa a Egepte.​—w21.08, blz. 12.

San na a seke di Hakai 2:6-9, 20-22 e taki fi en?

Winsi fa den foluku á lobi a Kownukondee bosikopu di wi e paati, toku a omen sama kon aini a tuu biibi. Dyonson, Yehofa o seke a goontapu wan lasiti leisi, da a o kii ala den feyanti fi en.​—w21.09, blz. 15-19.

Saide u mu tan peleiki winsi san e pasa?

Yehofa e si a moiti di wi e meke fu wooko gi en. Efu wi á gi abaa, wi o fende teego libi fu di u tan du a wooko di a gi u.​—w21.10, blz. 25-26.

Fa Lefitikesi kapitel 19 e yeepi u fu du sani di o meke Yehofa si wi enke sama di santa? (1 Peit. 1:15)

A gei aini Lefitikesi 19:2 apostel Peitilisi puu den sani di a taki aini 1 Peitilisi 1:15. Lefitikesi kapitel 19 e soi omen fasi fa u sa du a sani di Peitilisi be taki aini a biifi fi en.​—w21.12, blz. 3-4.