¿Sotusüche paaʼin tü pütchi ojuʼitakat suluʼu Aapiria Wayuu soʼujatka 2021? Pusouta shiʼipajee pütchikat tüü:

¿Jamüsü sünüiki Santiago 5:11 süpüla watüjaain saaʼu alin waya nüpüla Jeʼwaa?

Nümüliajüin waya Jeʼwaa sünainjee motuin naaʼin waainjala. Saashin Santiago 5:11 nükaalinjeein waya Jeʼwaa süka sümülialaain naaʼin waalin (w21.01, süpana 21).

¿Jamüshi eeka chi laülaakai waaʼu nutuma Jeʼwaa?

Shia süka alin waya nüpüla. Sutuma tia anajiraashii na nüpüshikana Jeʼwaa jee anasü natuma sukuwaʼipa tü kasa naaʼinrakat. Na wayuu kojutkana amüin tia natüjaa aaʼuchi jaralin chi laülaakai nutuma Jeʼwaa süpüla nüneeküin sukuwaʼipa wanee kasa (w21.02, süpana 3).

¿Jamüsü eejüinjatka waaʼin waluwataapa mensaaje suluʼu wanee grupo?

Suluʼuinjanale waya wanee grupo eere suluwataanüin mensaaje, eeja waaʼin noulia na nnojoliikana anain süpüla waʼaleewajaain amaa. Kapüleejeerü wamüin tia wainmale na wayuu suluʼukana tia grupokot (1 Tim. 5:13). Eeja waaʼin suulia waküjain alawaa suluʼu tia grupokot. Nnojotsü anain wakanajeere nneerü nanainjee na wawalayuu suluʼukana tia grupokot (w21.03, süpana 31).

¿Jamüshi nuuʼulaaka Maleiwa müliain maʼin Jesuu jee outuin nia?

Shia nükachennajachin sünain wunuʼu süpüla taashin nutuma na judíokana suulia süsalajüin naya naainjala (Gal. 3:10, 13). Otta süka niainjachin Jesuu chi Müloʼushikai napüleerua na sacerdootekana jee süpüla sütüjaanüin aaʼu eein süpüla waneepiain wanee wayuu nümaa Maleiwa jaʼitashi niʼrüin müliaa (Job 1:9-11) (w21.04, süpana 16 otta 17).

¿Kasa waaʼinrüinjatka süpüla waküjain pütchi namüin na wayuu nnojoliikana nepialuʼu?

Waʼwanajaa tü oora waküjakalü oʼu pütchi, wachajaa eere jouluin wayuu. Waʼwanajaa sukuwaʼipa waküjia pütchi, eesü süpüla washajüin karaloʼuta namüin (w21.05, süpana 15 otta 16).

¿Kasa nüküjeeka achiki Pablo soʼu nümüin: «Nnojolüin anajiraain taya sütüma [tü nuluwataakat anain Moisés], müshi aka ouktakai taya suulia»? (Gal. 2:19).

Sükajee tü Pütchi Aapünakat nümüin Moisés ayaawatünüsü saaʼu nnojoluin lotuin maʼin sukuwaʼipa wayuu otta eein süpüla nayaawatüin saaʼu na israeliitakana niain Jesuu chi Mesíaskai (Gal. 3:19, 24). Sutuma tia Pütchikat niʼitaain naaʼin Pablo nünain Jesuu, nnojotsü choʼujaain nümüin noonooin sümaa tü Pütchi Aapünakat nümüin Moisés (w21.06, süpana 31).

¿Kasa nüchechetka aaʼujee naaʼin Jeʼwaa?

Shia süka mojuin pütchi nüchiki, niyoutunüin süpüla aluwatawaa, neʼrüliijaain wayumüin nümüin waneinnua nüchonnii, nüküjain alawaa chi Yolujaakai nüchiki, neʼrüin müliaa na aʼyataashiikana nümüin, nanaajaain na naʼaleewainyuukana, naaʼinrüin kasa mojusü na mojulaashiikana sümüin wayuu, yarüttüin sukuwaʼipa wayuu otta sumojujünüin sukuwaʼipa tü Mmakat (w21.07, süpana 9-12).

¿Kasa watüjaka sünainjee nukuwaʼipa José?

Wainma kasa mojusü naainjaka na nuwalayuukana nümüin, püreesashi nia chaa Egipto sutuma tü alawaa aküjünakat nüchiki (w21.08, süpana 12).

¿Kasa alatüinjatka maaʼulu saashin Ageo 2:6-9, 20-22?

Wainma na mojushiikana amüin waküjapa tü pütchi süchikikat nukuwaʼipa Maleiwa sünain aluwatawaa. Wainmapejeʼe na kamalainkana amüin tia pütchikat. Ajaʼttinneerü süpüshuaʼa sukuwaʼipa suluwataaya wayuu soʼu palitchoin kaʼi süka meerüin sülianajeʼennakai saaʼin süpüshuaʼa tü pueulokalüirua (w21.09, süpana 15-19).

¿Jamüshii ayataka waküjain pütchi?

Kojutusü nümüin Jeʼwaa tü waaʼinrakat jee talatüshi nia sümaa tü waʼyataainkat. Nnojoliire wakulajaain aaʼin sünain aaʼinraa kasa anasü sümüin wayuu, naapeerü wamüin Jeʼwaa kataa oʼuu waneepia (w21.10, süpana 25 otta 26).

¿Kasa waaʼinrajatka saashin Levítico 19 süpüla wuleinjatüin wakuwaʼipa sünain süpüshuaʼa tü waaʼinrakat? (1 Ped. 1:15, TNM).

Eesüjaʼa shiale nüküjain Pedro tü sümakat Levítico 19:2. Sünainjee tü sümakat Levítico 19 watüjaa aaʼu tü waaʼinrajatkat süpüla waaʼinrüin tü sümakat 1 Pedro 1:15 (w21.12, süpana 3 otta 4).