Aliko si, wanasomere bwinja amagazeti m’Omunara g’Omulanzi ma gunola mwaka? Lolaga akaba wakagala kushubiza kw’ebila bibazo bikulikireho:

Yakobo 5:11 erhuhere bwizere buhe omu kuderha oku Yehova “ab’ayunjulirene obuzigire bukomberere” “n’olukogo”?

Rhumenyere oku Yehova, ali munya-bonjo, kandi anababalira amagosa. Yakobo 5:11 erhurhabere rhuchizere oku obuzigire bwage bunamushunika arhurhabale. Kuli kwinja rhumuyiganye.​—w21.01, buk. 21.

Bulagurhe Yehova ahebereho omupango g’obwimangizi changwa obukulu?

Obuzigire bo bwamushunikaga ajire ntyo. Ogola mupango gunarhabala omulala gwage gw’abantu bimana bakole omu murhula n’okuheba ebintu oku mustari. Buli muntu omu mulala onakola nk’oku ogola mupango guderhere, ab’amenyere inde okwanene kurhola esimikiro z’obuzinda n’okuyumangira okuntu zakolwa.​—w21.02, buk. 3.

Bulagurhe Abakristu bakwanene kukenguka eju y’okuntu banakolesa ama aplikasyo m’okurhumirana emesaje?

Amango omuntu amachishoga kukolesa ezola aplikasyo, akwanene kuchishoga bwinja abera. Echola chakamukomerera amango ali aganira n’echigusho cha bantu banene. (1 Ti. 5:13) Hali n’obwindi buhanya b’okuyeneza emyazi y’obubeshi n’okukolesa bene-berhu na bali-berhu omu by’obuchuruzi yi rhugwarha enyungu.​—w21.03, buk. 31.

Mpanvu zihe ziguma zarhumaga Mungu alekerera Yesu alibuke n’okufa?

Mpanvu nguma yarhumaga Yesu abambwa oku murhi, kwali kukula Abayahudi omu muvumo. (Gal. 3:10, 13) Eya kabiri eli oku Yehova aliri akoomeza Yesu eju y’akasi kage yewe nka Mudahwa Mukulu. N’eyakasharhu eli oku olufu lwa Yesu l’obwimana lwaliyerekene oku abantu bakahikira kuba bemana chiro bahurana ebigeregezo bikomere. (Yob. 1:9-11)​—w21.04, buk. 16-17.

Gurhe wakajira akaba bikukomerere kupata abantu omu mahubiri?

Wakachihangana kuja balola amango owazize oku bakaba bali ahambuga. Wakahubiri ahantu halengene. Kandi wakakolesa enjira zilengene, nk’okuyandika amaruba.​—w21.05, buk. 15-16.

Bichi entumwa Paulo ashondaga kuderha amango aderha: “Kugerera esheriya, nafire oku biyerekere esheriya”? (Gal. 2:19)

Esheriya ya Musa yalirhabere abantu bamenye oku barhali bashinganyanya n’okubayerekeza ku Kristu. (Gal. 3:19, 24) Yaliyerekeze Paulo ku Kristu. Bobola, Paulo “alifire oku biyerekere esheriya”; arhalichishwekerwe n’eshiriya.​—w21.06, buk. 31.

Nka gurhe Yehova arhuyerekere omufano g’okulembera?

Yehova alembeere echisobe bahesaga ezino lyage, okupingwa k’oburhegesi bwage bukulu, obugamba bwa baguma omu bana bage, obubeshi bwa Ibilisi, amalibuko oku bakozi bage bazigirwa, okurhaba haguma na bera bage bafire, abantu babi bali bababaza abandi, abantu bali balimbula ebi Mungu alemere.​—w21.07, buk. 9-12.

Mufano guhe gwinja g’okulembera Yusufu arhulekere?

Alilembeere okukolerwa kubi na bene-babo. Echola charhuma ahikira kushobekwa n’okushwekwa omu Misri mu myaka minene.​—w21.08, buk. 12.

Hagai 2:6-9, 20-22 yalilebere musisi gwa nyabashi g’omufano?

Amashanja manachiyunva kubi oku bilolere akasi k’okuhubiri Obwami, aliko bantu banene bali bakululirwa omu kuli. Hano hofi amashanja mashaganywa ob’obuzinda amango malimbulwa.​—w21.09, buk. 15-19.

Bichi birhumire rhurhakwanene kuvunika omurhima omu kasi kerhu k’okuhubiri?

Yehova anabona obushiru bwerhu, n’okusimiswa. Akaba rhurhavunikire omurhima n’okulekeraho, nji rhwagwarha akalamo k’esiku n’amango.​—w21.10, buk. 25-26.

Nka gurhe esura ya Walawi 19 yakarhurhabala rhukolese ehano: “Mube bachesibwa omu lungenzi lwenyu loshi”? (1 Pe. 1:15)

Nkabaga ebila binwa birhengere omu Walawi 19:2. Esura 19 eyerekene mifano minene rhwakakolesamo 1 Petro 1:15 omu kalamo kerhu ka buli lusiku.​—w21.12, buk. 3-4.