Erinerst tuu tich?
Host tuu Te Wachthorm mit acht tiise yoer kelees? Tan, kuk eps tuu khanst tiise frooche antworte:
Tyako 5:11 saat tas Yeehoowa “fiil hërtslich liip un parmhërtslichkheet” hot. Was fer sicherheet kept uns tas?
Weeche sayn parmhërtslichkheet, wil Yeehoowa uns fertsaye. Tyako 5:11 lost uns sicher tas, weeche sayn hërtslich liip, wil eyer uns aach helfe. Meyer sole Yeehoowa sayn payxpiil noo mache. (Wachthorm 01/21 sayt 21)
Warom hot Yeehoowa kepleent tas etliche autoriteet hëte?
Wayl Yeehoowa sayn familye liipt, hot eyer kepleent tas etliche autoriteet hëte. Weeche tas, khan Yeehoowa sayn familye mit friit un ortnung funtsyoniire. Wën ti familye tas aan nëme, wise se weer ti letste ëntxlise macht un weer tëne aan wëne sol. (Wachthorm 02/21 sayt 3)
Warom sole ti kriste uf phase wën se aplikatiiwe penutse fer pexeete xike un kriin?
Wën yemant raus suucht soo een aplikatiiw penutse, mus eyer uf phase mit was fer sorte layt eyer xprecht. Tas mache khan xweyer sin in een kroos pexeet krup. (1 Tim. 5:13) Meyer mise aach uf phase fer net falxe notisye aus teele un meyer sole net unser pruuterxaft penutse fer kelt kriin. (Wachthorm 03/21 sayt 31)
Warom hot Kot erlaupt tas Yeesus layte un xtërpe teet?
Een uersach is tas wën Yeesus uf een kweel phoste aan kenachelt waar, hot eyer ti yuuter fon een ferfluuchung pefrayt. (Kal. 3:10, 13) Een tsweet uersach is tas Yeehoowa waar Yeesus am iipe fer sayn flicht wii Hooche Priister. Un een trit uersach is tas Yeesus sayn troyheet pis sayn toot hot pewayst tas ti mënxe khene troy plaype soo kaar foer xrooe proope. (Yoop 1:9-11) (Wachthorm 04/21 sayte 16-17)
Was khanst tuu mache wëns xweyer is ti layt in te preetich aarwayt trefe?
Fersuuch ti layt in unerxiitliche tsayte fine, wën se tsiimlich sicher tehëm sin. Tuu khanst aach fersuuche in unerxiitliche pletse un aate preetiche; tsum payxpiil, tuu khanst priife xraype. (Wachthorm 05/21 sayte 15-16)
Was wolt te aphostel Phaul saan mit te wërter: “Torich tas Kesets sin ich fer tas Kesets kextorep”? (Kal. 2:19)
Tas mosayx Kesets hot es taytlich kelos tas ti mënxe imperfekt sin; es hot aach Israël pis te Mesias kelënkt. (Kal. 3:19, 24) Tes weeche, hot Phaul Kristus aan kenom. Soo, is Phaul “fer tas Kesets kextorep”; es hot tëm net mee influentsiirt. (Wachthorm 06/21 sayt 31)
Warom khene mer saan tas Yeehoowa is tas peste payxpiil fon persewerans?
Yeehoowa is fiiles am aus hale: tëm sayn naame is oone respekt pehantelt, fiile xtele sich keeche Tëm un sayn rechiirung, etliche fon Tëm sayn khiner sin repëlix kep, te Taywel sayn liie, wën sayn liipe tiiner layte, ferlangre fon Tëm sayn froynte woo kextorep sin, xlechte mënxe woo anere wee mache un ti xaate woo ti mënxe fer ti eyert mache. (Wachthorm 07/21 sayte 9-12)
Was fer payxpiil fon ketult hot Yoosef kelos?
Yoosef sayn priiter hon tëm unkerecht pehantelt. Tes weeche, waar eyer falx akusiirt un waar fiile yoore in Ejipt inkexpërt kewees. Awer tee hot tas ales aus kehal. (Wachthorm 08/21 sayt 12)
Iwer was fer sort xutere tuut Axeu 2:6-9, 20-22 profetisiire?
Ti natsyoone hon een xlecht aanxtelung foer ti preetich aarwayt; awer fiile layt tuun ti woerheet aan nëme. Klaych, pasiirt tas letste xutere: ti natsyoone wëre fernicht. (Wachthorm 09/21 sayte 15-19)
Warom sole mer net fon unser preetich aarwayt uf kepe?
Yeehoowa mërkt unser aanxtrengung un tas lost tëm froo. Un wën mer net noo lose se preetiche, tuun mer eewiche leepe kriin. (Wachthorm 10/21 sayte 25-26)
Wii khan Lewiitikus 19 uns helfe tiise aanreet aan wëne: “Sayt haylich in ales was teyer macht”? (1 Phe. 1:15)
Tsiimlich sicher, penutst tiise wersikel ti wërter fon Lewiitikus 19:2. Lewiitikus 19 kept uns fiile payxpiile iwer wii mer khene 1te Pheeter 1:15 in unser leepe aan wëne. (Wachthorm 12/21 sayte 3-4)
