Feŋuu Tilimiye takayɩsɩ nzɩ sɩlɩ pɩnaɣ kanɛ yɔ, ŋkalɩ-sɩ camɩyɛ na? Ye ŋkalɩ-sɩ camɩyɛ yɔ, maɣzɩ nɛ ŋna se ŋpɩzɩɣ nɛ ŋcosi tɔm pɔzʋʋ pʋnɛ pɩ-yɔɔ:

Yakubu 5:11 yɔɔdʋʋ se Yehowa “wɛnɩ sɔɔlɩm sɔsɔm” nɛ “ɛkɛ pʋtɔdɩyɛ nayʋ.” Tɔm ndʋ tiyeki se ɖa-taa ɛtɛ suwe?

Ðɩnawa se Yehowa kɛ pʋtɔdɩyɛ nayʋ, nɛ ɛsɔɔlaa se ekpeɣ-ɖʋ ɖa-kɩwɛɛkɩm. Yakubu 5:11 yeki se ɖa-taa ɛtɛ ɖɔɖɔ se ɛsɩɣnɩ-ɖʋ nɛ sɔɔlɩm. Pɩwɛɣ ɖeu se ɖɩmaɣzɩnɩ-ɩ.—w21.01, h. 21.

Ɛbɛ yɔɔ Yehowa labɩ ɖʋtʋ se nabɛyɛ ɩkɛ ñʋndɩnaa?

Sɔɔlɩm seɣtini-i nɛ ɛla mbʋ. Ðʋtʋ ndʋ, tiyeki se Yehowa hɔʋ taa ñɩma ɩla tʋmɩyɛ laŋhɛzɩyɛ taa nɛ pɩtɩŋa pʋtʋʋzɩ cɔlɩɩɩ. Hɔŋ weyi ɩɖɔŋ ɖʋtʋ ndʋ tɩ-yɔɔ yɔ, ɩ-taa ñɩma sɩm weyi ɛkpakɩɣ kɛdɛzaɣ lɩmaɣza nɛ ɛɖɛɣ nɔɔ se eyele nɛ palabɩnɩ tʋmɩyɛ lɩmaɣza ana yɔ.—w21.02, h. 3.

Ɛbɛ yɔɔ pɩwɛɛ se Krɩstʋ ñɩma ɩkpa pa-tɩ alɩwaatʋ ndʋ palakɩnɩ tʋmɩyɛ application waa mba pamaɣnɩ message waa yɔ?

Ye nɔɔyʋ ɛlɩzaa se ɛlakɩnɩ tʋmɩyɛ application waa mba yɔ, pɩcɛyɩ siŋŋ se ɛkpa ɛ-tɩ nɛ taabalaa mba ɛlɩzɩɣ yɔ. Ye ɛ nɛ ɛyaa sakɩyɛ pɛkpɛndaa nɛ pamaɣ ɖama message waa yɔ, pɩwɛɣ kaɖɛ se ɛla mbʋ. (1 Tim. 5:13) Ye ɖɩyɛlɩɣnɩ tɔm ndʋ ɖɩtɩtɩlɩ se tɩkɛ toovenim yaa cɛtɩm nɛ ɖɩtɩŋɩɣnɩ groupe waa mba pɔ-yɔɔ koobiya tɩŋɩɣna nɛ pamaɣ ɖama yɔ pɔ-yɔɔ nɛ ɖɩlakɩ tadɩyɛ yɔ, pɩkɛnɩ kaɖɛ ɖɔɖɔ.—w21.03, h. 31.

Lɩmaɣza wena a-yɔɔ Yehowa ha nʋmɔʋ se Yesu ɛtɔɔ kʋñɔŋ nɛ ɛsɩ yɔ a-taa naayɛ lɛ wena?

Kajalaɣ lɛ, pɩɩwɛɛ se paka Yesu sizika yɔɔ, nɛ eholi Yuuda mba nɔɔ kɩdɛkɛdaɣ ŋga paalɔ pɔ-yɔɔ yɔ ke-nesi tɛɛ. (Gal. 3:10, 13) Nabʋlɛ lɛ, Yehowa wɛɛ nɛ ɛfalɩsɩɣ Yesu se ɛpɩzɩ nɛ ɛla Cɔjɔ Kɩlɩm tʋmɩyɛ. Nɛ nabudozo lɛ, Yesu ɖɔkɩ e-siɣsiɣ wɛtʋ nɛ pɩtalɩ sɩm taa nɛ ɛwɩlɩ se ɛyaa pɩzɩɣ nɛ pɔñɔɔnɩ Ɛsɔ halɩ pɩkpɛndɩnɩ alɩwaatʋ ndʋ pɩtakɩɣ-wɛ siŋŋ yɔ tɩ-taa. (Yɔɔb 1:9-11)—w21.04, h. 16-17.

Ye pɩwɛ kaɖɛ se ŋna ɛyaa alɩwaatʋ ndʋ ŋlɩɣ tɔm susuu yɔ, ɛbɛ ŋpɩzɩɣ nɛ ŋla?

Ŋpɩzɩɣ ŋñaɣ pana nɛ ŋsusuu tɔm alɩwaatʋ ndʋ ɛyaa pɩzɩɣ nɛ pɛwɛɛ pa-ɖɩsɩ yɔ tɩ-yɔɔ. Ŋpɩzɩɣ ŋñaɣ pana ɖɔɖɔ nɛ ŋsusuu tɔm lona ndɩ ndɩ taa. Nɛ ŋpɩzɩɣ ŋñaɣ pana nɛ ŋlabɩnɩ tʋmɩyɛ tɔm susuu nʋmɔŋ ndɩ ndɩ. Nʋmɔŋ ɛnɩ ɩ-taa nakʋyʋ lɛ takayɩsɩ maʋ.—w21.05, h. 15-16.

Suwe apostoloo Pɔɔlɩ ñɩnaɣ yɔɔdʋʋ alɩwaatʋ ndʋ ɛtɔm se: “Pɩtɩŋnɩ paɣtʋ yɔɔ lɛ, mansɩbɩ paɣtʋ yɔɔ” yɔ? (Gal. 2:19)

Moyizi Paɣtʋ wɩlaa se ɛyaa tɩtalɩ pilim nɛ tɩsɩnɩ Izrayɛɛlɩ piya se sɩtɩlɩ Krɩstʋ. (Gal. 3:19, 24) Tɩsɩnɩ Pɔɔlɩ nɛ ɛwɛɛnɩ tisuu Yesu yɔɔ. Pʋyɔɔ lɛ, Pɔɔlɩ “[sɩbɩ] paɣtʋ yɔɔ,” paɣtʋ tɩtasɩ wɛnʋʋ ɖoŋ ɛ-yɔɔ.—w21.06, h. 31.

Ɛzɩma Yehowa ha-ɖʋ kɩɖaʋ laŋɩyɛ ɖɔkʋʋ nʋmɔʋ taa?

Yehowa ɖɔkɩ ɛ-laŋɩyɛ alɩwaatʋ ndʋ pepisi ɛ-hɩɖɛ yɔ, pakaɖɩnɩ e-kewiyitu kɩkɩlɩtʋ tɔɔʋ yɔ, e-piya nasɩyɩ kaɖɩnɩ-ɩ yɔ, Eleeu yɔɔdɩ cɛtɩm tɔm yɔ, ɛ-sɛyaa mba ɛsɔɔlɩ-wɛ yɔ palakɩ kʋñɔmɩŋ yɔ, ɛ-taabalaa sɩkɩ yɔ, ɛyaa kɩdɛkɛdaa nazɩɣ ɛyaa lalaa yɔ, nɛ alɩwaatʋ ndʋ ɛyaa wɛɛ nɛ pɛwɛɛkɩɣ mbʋ ɛlɩzaa yɔ.—w21.07, h. 9-12.

Kɩɖaʋ kɩbaŋʋ ŋgʋ Yosɛɛfʋ ha suuɖu ɖʋʋ nʋmɔʋ taa?

Ɛ-ɖalaa labɩ-ɩ mulum lakasɩ. Piyeba nɛ pʋwayɩ pɛcɛtɩnɩ ɛ-taa nɛ pakʋ ɛ-tɔm nɛ paɖʋ-ɩ salaka Ejipiti pɩnzɩ sakɩyɛ.—w21.08, h. 12

Ñamsʋʋ mbʋ tɔm Agee 2:6-9, 20-22 yɔɔdʋʋ?

Ajɛɛ kiziɣ Kewiyaɣ tɔm ndʋ ɖisusuu yɔ, ɛlɛ ɛyaa sakɩyɛ wɛɛ nɛ pɔkɔŋ toovenim taa. Piileɖiɣ lɛ, pakaɣ tɛzʋʋ ñamsʋʋ ajɛɛ alɩwaatʋ ndʋ paɖɩzɩɣ-yɛ yɔ.—w21.09, h. 15-19.

Ɛbɛ yɔɔ pɩtɩpɔzɩ se ɖɩlɔ lidaʋ ɖɔ-tɔm susuu tʋmɩyɛ taa?

Yehowa naɣ ɖa-pana ñaɣʋ nɛ pɩkɛdɩɣnɩ-ɩ. Ye pɩtɩnɩɩ-ɖʋ yaa ɖɩtɩlɔ lidaʋ yɔ, ɖɩkaɣ hiɣu wezuu maatɛŋ.—w21.10, h. 25-26.

Ɛzɩma Levitiki ñʋʋ 19 sɩɣnɩ-ɖʋ se ɖɩɖɔ lɔŋ tasʋʋ mbʋ pɩtɔŋ se: “Mɩ-maɣmaɣ ɩpɩsɩ kiɖeɖema mɩ-ɖɔnɛ kpeekpe taa” yɔ pɩ-yɔɔ? (1 Pɩy. 1:15)

Pɩtɩla, Levitiki 19:2 taa tɔm pɔyɔɔdɩ mayaɣ ŋga ka-taa. Kɩɖaŋ sakɩyɛ wɛ ñʋʋ 19 taa nɛ ɩwɩlɩɣ-ɖʋ ɛzɩma ɖɩlabɩnɩ tʋmɩyɛ 1 Pɩyɛɛrɩ 1:15 taa tɔm ɖe-wezuu caɣʋ taa paa evemiye nɖɩ yɔ.—w21.12, h. 3-4.